རྒྱ་ནག་གཞུང་ནས་མདོ་སྨད་མཚོ་སྔོན་ཞིང་ཆེན་མཚོ་སྔོན་པོ་ས་གནས་ནས་ཡིན་པ་བསམ་འགྲུབ་རྒྱ་མཚོ་ལགས་ཞུ་མཁན་ཞིག་སླར་ཡང་འཛིན་བཟུང་བྱས་འདུག ཉེ་བའི་ཆར་བརྒྱུད་ལམ་ཁག་གི་ཐོགཏུ་་སྤེལ་བའི་ག
ནས་ཚུལ་ལ་གཞིགས་ན། བོད་མདོ་སྨད་མཚོ་སྔོན་ཞིང་ཆེན་མཚོ་སྔོན་པོ་ནས་ཡིན་པའི་བསམ་འགྲུབ་རྒྱ་མཚོ་ལགས་ནས་དེ་སྔ་ ༢༠༡༠ ལོར་ལྷ་ལྡན་གཙུག་ལག་ཁང་གི་མདུན་ཐང་དུ། རྒྱབ་ལ་རྒྱལ་དར་གྱོན་ཏེ་”རྒྱལ་བ་རིན་པོ་ཆེ་བོད་ལ་གདན་འདྲེན་ཞུ་དགོས་པ་དང་། པཎ་ཆེན་ཆུང་སྲིད་རིན་པོ་ཆེ་མྱུར་དུ་གློད་གྲོལ་གཏོང་དགོས། རྒྱ་ནག་གིས་ཐེངས་འདིའི་སྐྱེ་རྒུ་མདོའི་ས་འགུལ་གོད་ཆག་བྱུང་ཡུལ་ནས་བོད་མི་མང་པོ་ཞིག་ཕྱིར་ཕུད་བཏང་བ་དེ་དག་ལ་ས་གནས་ས་ཐོག་ཏུ་ངོ་བསྐྱོད་ཀྱིས་རོགས་སྐྱོར་བྱེད་དུ་འཇུག་དགོས་”ཞེས་སོགས་སྐད་འབོད་བྱེད་རྗེས་དྲག་ཆས་ཉེན་རྟོག་པས་ཁོང་འཛིན་བཟུང་བྱས་ཡོད་པ་དང། དེ་རྗེས་ཁོང་ལ་ལོ་ལྔའི་བཙོན་འཇུག་ཁྲིམས་ཆད་བཏང་དོན་བཞིན་འདི་ལོའི་སྤྱི་ཟླ་ ༥པའི་ནང་བཙོན་དུས་ཚང་ནས་ཁོང་ཕ་ཡུལ་དུ་སྐྱེལ་འདུག ཉེ་ཆར་ཟླ་སྔོན་མའི་ཟླ་མགོར་བསམ་འགྲུབ་རྒྱ་མཚོ་ལགས་མཚོ་སྔོན་པོའི་ཤར་ཕྱོགས་ནས་ནུབ་ཕྱོགས་ལ་བསྐྱོད་པའི་ལམ་བར་ན་ཁོང་སླར་ཡང་འཛིན་བཟུང་བྱས་ནས་ད་ལྟ་ཁོང་མདའ་བཞི་རྫོང་ལྟ་སྲུང་ཁང་དུ་བཙོན་འཇུག་བྱས་ཡོད་འདུག སྐབས་དེར་ཁོང་གི་ལག་ནས་”བོད་མི་ས་ཡ་དྲུག་པོ་གཉིད་ལས་སད་དེ་ཡར་ལོངས་ཤོག ༸གོང་ས་རྒྱལ་བ་རིན་པོ་ཆེ་བོད་ལ་གདན་འདྲེན་ཞུ་དགོས་”ཞེས་སོགས་བྲིས་པའི་ཡིག་ཆ་མང་པོ་ཞིག་ཐོན་སྟབས་ཁོང་སླར་རྒྱའི་ཉེན་རྟོག་པས་འཛིན་བཟུང་གིས་བཀག་ཉར་བྱས་ཡོད་པ་རེད། རྩ་བའི་བསམ་འགྲུབ་རྒྱ་མཚོ་ལགས་རྒྱ་གཞུང་ནས་ཁོང་འདི་ལོའི་སྤྱི་ཟླ་ ༥ པའི་ནང་གློད་བཀྲོལ་བཏང་ཡོད་ཀྱང། འདིའི་བར་ན་རྒྱ་གཞུང་གི་དྲག་ཆས་ཉེན་རྟོག་པས་ཁོང་རྫོང་གི་ཕྱི་ལོག་ལ་འགྲོ་མི་ཆོག་པ་བཟོས་ཡོད་པ་རེད་འདུག
བསམ་འགྲུབ་རྒྱ་མཚོ་ལགས་སླར་ཡང་འཛིན་བཟུང་བྱས་འདུག
Tibetan News Headlines
- 14th General body meeting of TWA concludes with Tsering Dolma as the new President
- Abbot of Tashi Lhunpo urges active support on Panchen Lama issue ahead of rinpoche’s35th birthday
- Dalai Lama grants audience to members of Indian journalist fraternity
- Long time president of SOS Children’s village Helmut Kutin passes away at 82
- US Senate passes bill to force sale of TikTok, sending it to Biden
- Launch of Shivdham Kailash Mansarovar Tibet freedom association marks global initiative for religious freedom
རེས་གཟའ་ལྷག་པ། ༢༠༢༤།༠༤།༢༤
- བུད་མེད་ལྷན་ཚོགས་སྐབས་ ༡༤ པའི་དབུས་སྤྱི་ཁྱབ་རྒྱུན་ལས་གསར་བསྐོ་དང་འབྲེལ་ཚོགས་ཆེན་ཐེངས་ ༡༤ པ་མཇུག་སྒྲིལ།
- ༸ཀུན་གཟིགས་པཎ་ཆེན་རིན་པོ་ཆེའི་གནད་དོན་ཐོག་མི་མང་ནས་གོ་རྟོགས་ཀྱི་ལས་འགུལ་སྤེལ་གནང་ཡོང་བའི་སྐུལ་འདེབས།
- འཛམ་གླིང་གི་ཡང་དག་པའི་བསམ་བློ་བ་ཕལ་མོ་ཆེས་སྐུའི་ཡང་སྲིད་ཀྱི་སྐུ་དབང་༸གོང་ས་མཆོག་༸གང་ཉིད་ལ་ཡོད་པ་ངོས་འཛིན་གནང་འདུག
- རྒྱལ་སྤྱིའི་ SOS བུ་ཕྲུག་ཁྱིམ་སྡེའི་ཚོགས་གཙོ་ཟུར་པ་ Helmut Kutin མཆོག་འདས་གྲོངས་སུ་གྱུར་འདུག
- རྒྱ་ནག་གི་ཊིག་ཊོག་མཉེན་ཆས་བཀག་སྡོམ་དང་འབྲེལ་བའི་ཁྲིམས་འཆར་ལ་གྲོས་ཚོགས་གོང་མའི་རྒྱབ་སྐྱོར་ཐོབ་འདུག
- གངས་རིན་པོ་ཆེའི་གནས་མཆོག་དེ་ཉིད་རྒྱའི་དབང་སྒྱུར་ནས་བཅིངས་གྲོལ་ཐུབ་ཆེད་ཚོགས་པ་གསར་འཛུགས།
