Monthly Archives: August, 2015

ཉེ་ལམ་རྒྱ་གཞུང་གིས་བོད་ནང་ཕྱི་རྒྱལ་གསར་འགོད་པ་ཆེད་གཏོང་གིས་རྒྱལ་སྤྱིའི་ཁྲོད་རྒྱ་གཞུང་གིས་བོད་ཀྱི་འབྲོག་པའི་ཐོག་འཛིན་པའི་གཞི་སྤོས་སྲིད་བྱུས་ཀྱི་འགྲུབ་འབྲས་ཡག་པོ་ཐོན་ཡོད་ཡོད་ལུགས་དང། སྲིད་བྱུས་དེའི་འོག་བོད་མི་འཚོ་བའི་གནས་སྟངས་ཀྱང་ཡག་པོ་ཡིན་ལུགས་ཁག་གསལ་སྟོན་བྱས་འདུག འོན་ཀྱང་བཞུགས་སྒར་དུ་རྟེན་གཞི་བྱས་པའི་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་དོན་དངོས་ཐོག་འདས་པའི་ལོ་ངོ་༢༠ལྷག་རིང་རྒྱ་གཞུང་གིས་བོད་མི་འབྲོག་པ་ཚོའི་ཐོག་འཛིན་པའི་སྲིད་བྱུས་དེ་ད་བར་ལམ་ལྷོང་གང་ཡང་བྱུང་མེད་སྐོར་གསལ་སྟོན་གནང་བ་དང། ད་ལྟའི་དུས་སྐབས་འདིར་རྒྱ་གཞུང་གིས་བོད་མི་འབྲོག་པ་ཚོའི་ཐོག་སྲིད་བྱུས་གསར་པ་ཞིག་འཁྱེར་དགོས་རྒྱུ་ཛ་དྲག་གི་གནད་དོན་ཞིག་ཡིན་པ་གསུངས་སོང། འདས་པའི་ལོ་ཤས་ནང་རྒྱལ་སྤྱིའི་འགྲོ་བ་མིའི་ཐོབ་ཐང་ཁོར་ཡུག་སྲུང་སྐྱོབ་ཚོགས་སྡེ་ཁག་ནས། རྒྱ་གཞུང་གིས་བོད་མི་འབྲོག་པའི་ཐོག་ལག་བསྟར་བྱེད་བཞིན་པའི་གཞི་སྤོས་སྲིད་བྱུས་ཐོག་སྐྱོན་བརྗོད་ཤུགས་ཆེ་བྱེད་བཞིན་ཡོད་པའི་དུས་སྐབས་འདིར། ཉེ་ཆར་རྒྱ་ནག་གཞུང་གིས་ཕྱི་རྒྱལ་གསར་འགོད་པ་རུ་ཁག་ཅིགརང་ལུས་མེར་བསྲེགས་མང་ཤོས་བྱུང་ས་བོད་མདོ་སྨད་རྔ་པ་ས་ཁུལ་གྱི་འབྲོག་པའི་ས་གནས་ཁག་ཅིག་ཏུ་གཞུང་འབྲེལ་སྐོར་བསྐྱོད་ལས་རིམ་ཞིག་གོ་སྒྲིག་བྱས་འདུག ད་ལན་གྱི་སྐོར་བསྐྱོད་དེའི་ནང་ཡོད་པ་ཨ་རིའི་ Wall Street Journal གསར་ཤོག་གྱི་རྒྱ་ནག་ཚན་པའི་གསར་འགོད་པ་ Chun Han Wong ལགས་ཀྱིས་ས་གནས་སུ་དངོས་ཡོད་ཀྱི་གནས་སྟངས་རྒྱུས་ལོན་བྱས་པའི་བརྒྱུད། ཐེངས་དེའི་རྒྱ་གཞུང་ གིས་གོ་སྒྲིག་བྱས་པའི་རྔ་པ་ཁུལ་གྱི་ཉིན་གཉིས་ཀྱི་སྐོར་སྐྱོད་དེ་ཡང་གཙོ་བོ། རྒྱལ་སྤྱིའི་བརྒྱུད་ལམ་ཁག་དུ་རྒྱ་གཞུང་གིས་ད་བར་ལག་བསྟར་བྱེད་བཞིན་འབྲོག་པ་གཞི་སྤོས་ཀྱི་སྲིད་བྱུས་དེ་བརྒྱུད། རྒྱ་ནག་མཐའ་མཚམས་ས་ཁུལ་གྱི་འབྲོག་པའི་མང་ཚོགས་ཚོར་ཕན་ཐོག་ཆེན་པོ་བྱུང་ཡོད་ལུགས་དྲིལ་བསྒྲགས་བྱ་རྒྱུ་ཆེད་ཡིན་པ་རེད་འདུག་ཅེས་འགྲེལ་བརྗོད་བྱས་འདུག ཁོང་གིས་མུ་མཐུད་གསུང་དོན་ལ། ཐེངས་དེའི་སྐོར་སྐྱོད་དེའི་སྐབས་སུ་རྒྱ་གཞུང་གིས་སྔོན་ཚོད་ནས་འདེམས་པའི་ས་ཁུལ་ཁག་ལས། གསར་འགོད་པ་འགྲོ་འདོད་ཡོད་པ་དང། དངོས་ཡོད་ཀྱི་རྩོད་རྙོག་ཡོད་པའི་ས་ཁུལ་ཁག་ཏུ་གནས་སྟངས་ཇི་ཡིན་སོགས་ཀྱི་གནས་ཚུལ་རྒྱུས་ལོན་ཆེད་འགྲོ་བསྐྱོད་ཆོག་པའི་རང་དབང་མེད་པ་མ་ཟད། སྐོར་བསྐྱོད་ཁྲིད་མཁན་དང་གསར་འགོད་པའི་བཅར་འདྲི་བྱེད་སའི་མི་སྣ་ཡང་གཞུང་འབྲེལ་མི་སྣ་དང་གཞུང་ལ་དགའ་མོས་བྱེད་མཁན་ཁོ་ན་ཡིན་སྐོར་ཡང་འགྲེལ་བརྗོད་བྱས་ཡོད་པ་རེད། ཐེངས་དེའི་སྐབས་རྒྱ་གཞུང་གིས་ཕྱི་རྒྱལ་གསར་འགོད་པ་ཚོར་འདས་པའི་ལོ་བཅོ་ལྔའི་ནང་འབྲོག་པ་གཞི་སྤོས་སྲིད་བྱུས་དེའི་ཆེད་ཨ་སྒོར་ས་ཡ་མང་པོ་བཏང་ནས། འབྲོག་པ་འབུམ་གཉིས་ལྷག་ལ་ས་ཆ་གནས་སྤོས་ཀྱིས་གྲོང་ཁྱེར་ནང་གི་འཚོ་བར་རོལ་བཞིན་ཡོད་པ་མ་ཟད། ཤེས་ཡོན་དང་དཔལ་འབྱོར། དེ་བཞིན་འཕྲོད་བསྟེན་སོགས་གང་སྤྱིའི་ཐད་ནས་ཡར་རྒྱས་ཆེན་པོ་ཕྱིན་ཡོད་ལུགས་བརྗོད་ཡོད་ནའང། བཞུགས་སྒར་དུ་རྟེན་གཞི་བྱས་པའི་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་འགན་འཛིན་ཚེ་རིང་མཚོ་མོ་ལགས་ཀྱིས་ཉེ་ཆར་ལྟེ་གནས་ཁང་གི་ངོས་ནས་བོད་ནང་འབྲོག་པོ་གཞི་སྤོས་ཀྱི་གནད་དོན་ཐོག་འདོན་སྤེལ་བྱས་པའི་སྙན་ཐོག་ནང་གསལ་ཁག་ལུང་འདྲེན་དང་འབྲེལ། དོན་དངོས་ཐོག་འདས་པའི་ལོ་ངོ་ ༢༠ ལྷག་རིང་རྒྱ་གཞུང་གིས་བོད་མི་འབྲོག་པ་ཚོའི་ཐོག་འཛིན་པའི་སྲིད་བྱུས་འདིར་ད་བར་ལམ་ལྷོང་གང་ཡང་བྱུང་མེད་སྐོར་གསལ་སྟོན་དང་སྦྲགས། ད་ལྟའི་དུས་སྐབས་འདིར་རྒྱ་གཞུང་གིས་བོད་མིའི་འབྲོག་པ་ཚོའི་ཐོག་སྲིད་བྱུས་གསར་པ་ཞིག་འཁྱེར་དགོས་རྒྱུ་ཛ་དྲག་གི་གནད་དོན་ཞིག་ཡིན་པ་གསུངས་པ་མ་ཟད། ད་རེ་རྒྱ་གཞུང་གིས་ངོས་ནས་འབྲོག་པ་གཞི་སྤོས་ཀྱི་གནད་དོན་དང་བོད་ནང་བྱུང་བཞིན་པའི་རང་ལུས་མེར་བསྲེགས་དབར་འབྲེལ་བ་གང་ཡང་མེད་ལུགས་བརྗོད་བྱས་འདུག་ཀྱང་ཚེ་རིང་མཚོ་ལགས་ཀྱིས་དཔེ་མཚོན་དང་སྦྲགས་ནས་དེ་དོན་བདེན་པ་མིན་པའི་གསལ་བཤད་གནང་སོང།

ཉན་པ།: Listen ཕབ་ལེན། Download ཟླ་བ་འདིའི་ཚེས་ ༡༥ ནང་ཚུད་འོས་བསྡུ་དེབ་སྐྱེལ་གནང་དགོས་པ་གསུངས་སོང་། བོད་མིའི་འབྲོག་པ་ཚོའི་ཐོག་སྲིད་བྱུས་གསར་པ་ཞིག་འཁྱེར་རྒྱུ་ཛ་དྲག་རེད་ཅེས་གསུངས་འདུག རྒྱ་གཞུང་ནས་ད་བར་ཁྲིམས་རྩོད་པ་༢༦༥འཛིན་བཟུང་བྱས་འདུག རྒྱ་ནག་ནང་བཙོན་པའི་ནང་ཁྲོལ་ཚོང་འགྲེམས་བྱས་པར་གདོང་ལེན་བྱ་དགོས་པའི་ཞུ་འབོད། ཨ་རིའི་སྲིད་འཛིན་མཆོག་ལ་ཞི་ཅིང་པིང་ལྷན་དུ་བོད་དོན་གླེང་དགོས་པའི་ཞུ་སྐུལ། དམིགས་བསལ་ལེ་ཚན། གཞས་པ་བློ་བཟང་ཚེ་བརྟན་ལགས་དང་ཁོང་གི་གླུ་གཞས་སྐོར་གླེང་པ། Tuesday 04/08/2015 2016 Tibet Election: Voter registration to close on 15th August High time for China to bring change in nomad resettlement policy: Tibetan rights group Atleast 265 lawyers and associates detained under recent crackdown in China Rights groups call upon UN to confront China’s lawless zone of forced organ harvesting President Obama urged to talk Tibet with Xi during September visit MUSIC FEATURE: Bhod ki Dagpo Bhodmi Yin by ‘Lo Tseten’

རྒྱ་ནག་གི་སྲིད་འཛིན་ཞི་ཅིང་ཕིང་ཟླ་རྗེས་མའི་ཟླ་མཇུག་ཏུ་ཨ་རིར་ཆེས་མཐོའི་ལྷན་ཚོགས་ཤིག་གི་ཐོག་བཅར་གཏན་འཁེལ་བ་དང་བསྟུན། ཨ་རིའི་རྒྱལ་ས་ Washington DC ནང་རྟེན་གཞི་བྱས་པའི་རྒྱལ་སྤྱིའི་བོད་དོན་ལས་འགུལ་ཁང་ ICT ངོས་ནས་ཨ་རི་སྲིད་འཛིན་ཨོ་བྷ་མ་མཆོག་གིས་དེ་སྔ་བོད་དོན་གྱི་གནད་དོན་ཐད་རྒྱབ་སྐྱོར་གནང་བར་ཐགས་རྗེ་ཆེ་ཞུ་དང་སྦྲགས། རིང་མིན་ཟླ་རྗེས་མའི་ནང་བོད་དོན་གྱི་གནད་དོན་གསུམ་གྱི་ཐོག་ཞི་ཅིང་ཕིང་དང་གླེང་གློང་གནང་དགོས་པའི་ཞུ་འབུལ་གྱི་ས་རྟགས་བསྡུ་རུབ་ཀྱི་ལས་འགུལ་ཞིག་སྤེལ་བཞིན་འདུག རྒྱལ་སྤྱིའི་བོད་དོན་ལས་འགུལ་ཁང་གི་དྲ་གནས་ཐོག་ཏུ་སྤེལ་བའི་གནས་དོན་ལ་གཞིགས་ན། ཨ་རི་སྲིད་འཛིན་ཨོ་བྷ་མ་མཆོག་ལ་གླེང་གློང་གནང་རྒྱུའི་ཞུ་སྐུལ་ཀྱི་གནད་དོན་གསུམ་ནི། སྤྲུལ་སྐུ་བསྟན་འཛིན་བདེ་ལེགས་མཆོག་རྒྱའི་བཙོན་ཁང་དུ་དགོངས་པ་རྫོགས་པའི་གནད་དོན་དང་རྒྱ་གཞུང་གིས་ཁོང་གི་ནང་མིར་སྡུག་སྦྱོང་མནར་གཅོད་བཏང་བའི་ཐད་ཞིབ་དཔྱོད་མཐིལ་ཕྱིན་བྱ་དགོས་པ་དང། མཁན་པོ་ཀརྨ་ཚེ་དབང་མཆོག་རྒྱ་གཞུང་གི་གསང་བ་ཕྱིར་བསྒྲགས་བྱས་པའི་ཉེས་འཛུགས་འོག་ལོ་ ༢།༣༠ རིང་ཁྲིམས་བཅད་ཀྱིས་ད་སྐབས་ཁོང་མཆིན་པའི་གཉན་ནད་དང་གློ་ནད་ལྟ་བུའི་ནད་གཞི་དྲག་པོ་ཞིག་ཕོག་པས་སྐུ་གཟུགས་ཀྱི་གནས་བབས་ཛ་དྲག་ཆགས་སྟབས་གང་མྱུར་གློད་བཀྲོལ་དགོས་པ། དེ་བཞིན་བོད་ནང་དྲག་གནོན་མཚམས་འཇོག་གིས་༸གོང་ས་མཆོག་གི་སྐུ་ཚབ་ལྷན་དུ་ཆ་རྐྱེན་གང་ཡང་མེད་པར་དོན་དམ་གྱི་ཐོག་ནས་ཞི་མོལ་གནང་དགོས་པའི་ཞུ་སྐུལ་གནང་དགོས་པའི་ནན་བརྗོད་ཀྱི་ཐོག་ནས་སྙན་ཞུ་ཕུལ་བའི་ས་རྟགས་བསྡུ་རུབ་ཀྱི་ལས་འགུལ་ཞིག་སྤེལ་འདུག རྒྱལ་སྤྱིའི་བོད་དོན་ལས་འགུལ་ཁང་གི་དྲ་གནས་ཐོག་སྲིད་འཛིན་ཨོ་བྷ་མ་མཆོག་གི་ཞལ་པར་ཨང་གྲངས་དང་མྱུར་འཕྲིན་ཨང་གྲངས་ཀྱང་བཀོད་དེ་རྒྱ་ཆེ་མང་ཚོགས་གང་མང་ནས་སྲིད་འཛིན་མཆོག་ལ་ཐད་ཀར་འབྲེལ་བ་ཞུས་ཏེ་བོད་དོན་ཞུ་འབོད་གནང་རྒྱུའི་གཞེན་སྐུལ་གནང་འདུག

བཞུགས་སྒར་དུ་རྟེན་གཞི་བྱས་པའི་བོད་ཀྱི་དགུ་བཅུ་གསུམ་ལས་འགུལ་ཚོགས་པའི་ཚོགས་གཙོ་ཆབ་སྲིད་བཙོན་ཟུར་སྐུ་ཞབས་ཀླུ་མཁར་བྱམས་ལགས་ནས་འཆར་སྒོ་གཉིས་དང་ངོ་རྒོལ་གཉིས་ཀྱི་ཐོག་ནས་ ༢༠༡༥ དང་ ༡༦ ལོའི་བོད་མིའི་སྒྲིག་འཛུགས་ཀྱི་སྲིད་སྐྱོང་དུ་བཞེངས་པ།

བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་སྤེན་པ་ཚེ་རིང་མཆོག་གིས་སྤྱི་ལོ་ ༢༠༡༦ ལོའོ་སྲིད་སྐྱོང་འོས་མིར་བཞེངས་རྒྱུའི་གསར་འགོད་གསལ་སྒྲགས་ཤིག་སྤེལ་གནང་སོང། དེ་རིང་ཟླ་བ་ ༨ ཚེས་ ༣ ཕྱི་དྲོ་ཚོུད་ ༣།༠༠ ཐོག་འདི་ག་རླུང་འཕྲིན་ཁང་གི་སྒྲ་འཇུག་ཁང་དུ་ཚོགས་གཙོ་སྤེན་པ་ཚེ་རིང་མཆོག་སྐུ་སྒེར་གྱི་ཐོག་ནས། བཙན་བྱོལ་ནང་གི་བོད་སྐད་ཀྱི་རླུང་འཕྲིན་གསུམ་སྐོང་ཚོགས་ཐོག་གསར་འགོད་གསལ་བསྒྲགས་ཤིག་སྤེལ་གནང་བ་ཡོད་པ་དང། ཁོང་གིས་སྐབས་དེར་བོད་ཀྱི་རྩ་དོན་ཆེད་དུ་མ་འོངས་ལས་དོན་བྱེད་ཕྱོགས་དང་འབྲེལ། ཆོལ་ཁ་གསུམ་ཆིག་སྒྲིལ་གྱི་ནུས་པ་ཤུགས་ཆེ་རུ་གཏང་རྒྱུ་དང། བཙན་འབྱོལ་བོད་མིའི་སྒྲིག་འཛུགས་སྲ་བརྟན་སླད་མང་གཙོའི་ཀ་བ་གསུམ་གྱི་ཐུན་མོང་གི་ནུས་པ་མཉམ་སྤུངས་ཐུབ་པ་བྱ་རྒྱུ་གཉིས་ལས་དོན་གལ་ཆེ་ཞིག་ཏུ་ངོས་འཛིན་གནང་གི་ཡོད་སྐོར་གསུངས་པ་དང་སྦྲགས། ད་དུང་ཁོང་གིས་མ་འོངས་པར་སུ་ཐོབ་དང་མ་ཐོབ་ལ་མ་ལྟོས་པར། སོ་སོའི་ངོས་ནས་གྲ་སྒྲིག་གི་ཚུལ་དུ་བོད་མིའི་སྒྲིག་འཛུགས་ཀྱི་ལྷན་ཁང་སོ་སོའི་ལས་དོན་བྱེད་ཕྱོགས་དང་བཀའ་བློན་སུ་བཀོད་དགོས་མེད་སོགས་ཀྱི་ཐོག་ལའང་དགོངས་པ་བཞེས་ཟིན་སྐོར་གསུངས་ཡོད་པ་རེད། རྩ་བའི་ད་སྐབས་རང་བཙན་གྱི་ལངས་ཕྱོགས་འཛིན་མཁན་བོད་ཀྱི་རྒྱལ་ཡོངས་མང་གཙོ་ཚོགས་པའི་ངོས་ནས་ ༢༠༡༦ སྲིད་སྐྱོང་འོས་མིར་སྲིད་སྐྱོང་ལས་ཐོག་བློ་བཟང་སེང་གེ་མཆོག་དང་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་རྣམ་གཉིས་ཀྱི་མཚན་བཏོན་གནང་ཡོད་པ་དང། དེ་བཞིན་ཉེ་ཆར་དབུས་གཙང་ཆོལ་ཁའི་འགན་འཛིན་ལྷན་ཚོགས་ཀྱི་ཐོག་ནས་ཚོགས་གཙོ་སྤེན་པ་ཚེ་རིང་མཆོག་མང་མོས་ཀྱིས་སྲིད་སྐྱོང་འོས་མིར་བཏོན་ཡོད་པ་ལྟར། ཚོགས་པ་དེ་གཉིས་ནས་ལངས་ཕྱོགས་དང་ཆོལ་ཁ་དབྱེ་མེད་ཐོག་རྒྱབ་སྐྱོར་གནང་བར་ཁོང་གིས་ཐུགས་རྗེ་ཆེ་ཞུ་བ་དང་སྦྲགས། མང་ཚོགས་ནས་ཀྱང་ཆོལ་ཁ་ཆོས་ལུགས་དབྱེ་བ་མེད་པའི་ཐོག་ནས་སོ་སོའི་བསམ་བློའི་རྣམ་དཔྱོད་ཀྱི་ཐོག་ནས་ཁོང་ལ་འོས་ཤོག་བླུགས་དགོས་པའི་འབོད་སྐུལ་ཀྱང་ཞུས་གནང་བ་མ་ཟད། གསར་འགོད་ལྷན་ཚོགས་རྗེས་ཀྱི་དྲི་བ་དྲི་ལན་སྐབས་སུ་ཁོང་གིས་སྲིད་སྐྱོང་ལ་འདེམས་ཐོན་བྱུང་བའི་དབང་དུ་བཏང་ནའང། ལོ་ལྔའི་དུས་ཡུན་ནང་བོད་རྒྱའི་གནད་དོན་སེལ་ཐུབ་ཀྱི་རེད་ཅེས་ཁས་ལེན་ཞུ་ཐུབ་ཀྱི་མེད་ནའང། ཕྱོགས་ཚང་མ་ནས་ཐབས་ཤེས་མཉམ་སྤུང་ཀྱིས་འབད་བརྩོན་གང་ཐུབ་ཞུས་ནས་སླེབས་ས་གཅིག་ལ་སླེབས་ཐུབ་པ་བྱ་རྒྱུ་ཡིན་པའི་ཞལ་བཞེས་ཀྱང་གནང་བ་དང་འབྲེལ། ཁོང་སྐུ་སྒེར་གྱི་ངོས་ནས་སྲིད་སྐྱོང་གི་དྲིལ་བསྒྲགས་སྐབས་ཁོང་རང་ཉིད་ཀྱི་འདས་པའི་ཉམས་མྱོང་དང་འབྱུང་འགྱུར་གྱི་ལས་དོན་ཇི་བྱས་ལ་གཞི་བཞག་པ་མ་གཏོགས་anti campaign འམ་གཞན་ལ་དམའ་འབེབ་དང་ལྡོག་ཕྱོགས་ཀྱི་སྐྱོན་བརྗོད་བརྒྱུད་རང་ཉིད་དྲིལ་བསྒྲགས་གནང་རྒྱུ་མིན་པའི་འགྲེལ་བརྗོད་སོགས་གནང་སོང། http://www.youtube.com/watch?v=fsdV0JMUhgQ&feature=youtu.be

ཉན་པ།: Listen ཕབ་ལེན། Download སྤྱི་འཐུས་ཚོགས་གཙོ་མཆོག་དང་ཀླུ་མཁར་བྱམས་ལགས་གཉིས་ནས་སྲིད་སྐྱོང་གི་འོས་མིར་བཞེངས་རྒྱུའི་ཡོངས་ཁྱབ་གསལ་བསྒྲགས་སྤེལ་སོང་། འཕྲོད་བསྟེན་ལས་ཁུངས་ནས་བཀྲིས་དབང་འདུས་ལགས་ཀྱིས་གསུངས་པའི་བཀའ་མོལ་དེ་ཁུངས་ལྡན་རྩ་བ་ནས་མིན་པའི་སྐྱོན་བརྗོད་གནང་འདུག སྤྲུལ་སྐུ་བསྟན་འཛིན་བདེ་ལེགས་མཆོག་གི་སྤུན་མཆེད་གཉིས་རྒྱ་གཞུང་གིས་ཀློད་གྲོལ་བཏང་འདུག Shih tzu ཞེས་པའི་ཁྱིའི་བརྒྱུད་པ་དེ་རྒྱ་ནག་ནས་ཡིན་པ་བརྗོད་པར་སྐྱོན་བརྗོད་གནང་འདུག དམིགས་བསལ་ལེ་ཚན། རྒྱལ་ཚབ་རྭ་སྒྲེང་སྐབས་བོད་ཀྱི་ཆབ་སྲིད་གནས་སྟངས་སྐོར། Monday 03/08/2015 Speaker Penpa Tsering and Lukar Jam announce 2016 Sikyong candidacy DOH refutes Sikyong candidate Tashi Wangdue’s allegation Tulku Tenzin Delek's sister and niece released FCI reclassifies origin of Shih Tzu dog to China, invites uproar from UK Kennel club Feature: Political situation during Regent Reting Rinpoche