Monthly Archives: August, 2015

ཉན་པ།: Listen ཕབ་ལེན། Download ༸གོང་ས་མཆོག་ ན་སིཀ་ཀུམབྷ་ དུས་ཆེན་ཐོག་ཆིབས་སྒྱུར་བསྐྱང་གཏན་འཁེལ་འདུག རྒྱ་གཞུང་གིས་བོད་ནང་གཏེར་ཁ་བསྔོག་འདོན་རྒྱ་ཆེ་བྱེད་བཞིན་པ། སེར་རྟ་བླ་རུང་དགོན་གྱི་གྲྭ་བཙུན་ལ་ཚོད་འཛིན། བོད་དང་རྒྱ་གར་གྱི་ས་མཚམས་སུ་བརྡ་ལེན་འཕྲུལ་ཆས་གསར་པ་འགྲེམས་འཇོག ཨ་ཀུབ་ར་ ཞྭ་མོ་ཕྱི་འཚོང་བྱ་ཡུལ་ཆེ་ཤོས་བོད་ཡིན་པ་གསུངས་འདུག གླུ་གཞས་ལེ་ཚན། ང་ནི་བོད་པ་ཡིན། Tuesday 25/08/2015 Dalai Lama to attend Nasik Kumbh Mela 2015 Tibetan researcher laments rampant Chinese mining in Tibet China steps up control over Larung Gar monastery China to deploy more radars in Tibet Tibet the biggest export market for Akubra MUSIC FEATURE: ‘Nga Ni Bhoepa Yin’ by Tenzin Choegyal

རྒྱ་གར་ལྷོ་ཕྱོགས་ Maharashtra མངའ་སྡེའི་ Nasik གྲོང་ཁྱེར་ནང་ཚོགས་བཞིན་པའི་ Nasik kumbh དུས་ཆེན་ཐོག་༸གོང་ས་མཆོག་ཆིབས་སྒྱུར་བཀྲིན་བསྐྱང་གཏན་འཁེལ་འདུག རྒྱ་གར་གི་གྲོང་ཁྱེར་ Allahabad དང་ Ujjain དེ་བཞིན་ Haridwar དང་ Nasik བཅས་སུ་ལོ་གསུམ་རེའི་མཚམས་སུ། ཧིན་དྷུའི་ཆོས་ཕྱོགས་ཀྱི་དུས་ཆེན་ kumbh Mela ཞེས་ཚོགས་སྲོལ་ཡོད་པ་ལྟར། འདི་ལོ་ Nasik ཏུ་དུས་ཆེན་དེ་བཞིན་ཟླ་སྔོན་མའི་ཚེས་༡༤ནས་དབུ་འཛུགས་ཀྱིས་ཕྱི་ཟླ་༩པའི་ཟླ་ཕྱེད་བར་ལ་ཚོགས་བཞིན་པ་རེད། དུས་ཆེན་འདིའི་ཐོག་ཧིན་དྷུའི་བླ་ཆེན་སོགས་ཆོས་ཕྱོགས་ཀྱི་མི་སྣ་སྟོང་ཕྲག་མང་པོ་དང་རྒྱ་གར་ཡོངས་ནས་དད་ལྡན་མང་ཚོགས་འབུམ་ཕྲག་བརྒལ་བ་བཅར་གྱི་ཡོད་པ་མ་ཟད། རྒྱ་གར་དབུས་གཞུང་དང་མངའ་སྡེའི་དཔོན་རིགས་མཐོ་གྲས་མང་དག་ཀྱང་ཕེབས་ཡོད་ཀྱི་འདུག ད་རེས་ Nasik Kumbh དུས་ཆེན་གོ་སྒྲིག་ཚོགས་ཆུང་ནས་ཇི་ལྟར་གསོལ་བ་འདེབས་ཞུ་དོན་བཞིན་བཀའ་བཞེས་བཟང་པོ་སྨིན་སྩལ་ཐོབ་ནས་༸གོང་ས་མཆོག་ཟླ་བ་འདིའི་ཚེས་༣༡ཉིན་དུས་ཆེན་དེའི་ཐོག་ཆིབས་སྒྱུར་བསྐྱང་ནས་ཧིན་དྷུའི་བླ་ཆེན་དང་མཁས་དབང་ཁག་ཅིག་དང་མཇལ་འཕྲད་གནང་གི་འདུག

ཞིང་གཤེགས་དམ་པ་མཁན་པོ་འཇིགས་མེད་ཕུན་ཚོགས་མཆོག་གིས་ཕྱག་བཏབ་པའི་གསེར་རྟ་བླ་རུང་ནང་བསྟན་སློབ་གླིང་དུ་དེང་སྐབས་རྒྱ་གཞུང་གིས་དེར་དགེ་འདུན་པའི་གྲངས་འབོར་མང་དྲག་སོགས་བསྙད་ནས་གྲྭ་བཙུན་གྱི་གྲངས་འབོར་ལ་ཚོད་འཛིན་བྱས་བཞིན་ཡོད་པ་རེད་འདུག སློབ་གླིང་དེར་སློབ་སྦྱོང་གནང་མཁན་ཚོར་གྲངས་འབོར་མང་དྲག་པ་དང་ནང་གནས་ཕྱིར་འགྱར་ཚུལ་སོགས་བསྙད་ནས་ཚོད་འཛིན་བྱས་པ་མ་ཟད། ཕྱིར་ནས་སློབ་གཉེར་ཆེད་ཡོང་མཁན་རྣམས་ཕྱིར་སློག་བྱ་དགོས་པའི་དཀའ་ཚེགས་ཆེན་པོ་འཕྲད་བཞིན་ཡོད་པ་དང། སློབ་གླིང་དེར་སློབ་སྦྱོང་གནང་མཁན་དགེ་འདུན་པ་རྣམས་བླ་རུང་སྒར་ནས་མར་ཡོང་སྐབས་དེའི་ཉེ་འདབས་སུ་སུ་རྒྱ་གཞུང་གིས་རྒས་གསོ་ཁང་ཞིག་བཙུགས་ཡོད་པར་གསེར་རྟ་བླ་རུང་སྒར་དགོན་གྱི་གྲྭ་བཙུན་ ༡༠༠༠ ལྷག་སླེབས་ནས་རྒྱ་གཞུང་གིས་ཆེད་དུ་གནས་སྤོས་བྱེད་པ་ཞིག་ཡིན་པ་དང། འབྲི་རུ་ནས་ཡིན་པའི་གྲྭ་བཙུན་རྣམས་ཀྱི་ནང་མིར་འཇིགས་སྐུལ་གྱི་ཉེན་བརྡ་བཏང་སྟེ་བླ་རུང་སྒར་ནས་ཁ་བྲལ་གཏོང་བ་མ་ཟད། དེ་བཞིན་བཙུན་མ་ཁག་ཅིག་ལ་ལོག་གཡེམ་བྱས་པ་དང་དེ་སྔ་བོད་ཀྱི་ས་གནས་གཞན་ནས་ཡོང་བའི་གྲྭ་བཙུན་ཁག་ཅིག་ཕྱིར་ཕུད་བཏང་ཟིན་པ་དང་ད་དུང་ཡང་དེ་ལྟར་བྱས་མུད་རེད་འདུག་ཅེས་འགྲེལ་བརྗོད་གནང་འདུག དེང་ཆར་བླ་རུང་སྒར་དུ་རྒྱ་གཞུང་གིས་གྲྭ་བཙུན་གྱི་གྲངས་འབོར་ཐད་ཚོད་འཛིན་བཟོ་སྟེ་བསུན་གཙིར་སྔར་ལྷག་བྱས་དང་བྱེད་མུས་ཡིན་པ་སོགས་གསུངས་འདུག

ཟླ་ ༨ ཕྱི་ཚེས་ ༡༠ ཉིན་བོད་མདོ་སྨད་རྔ་པ་རང་སྐྱོང་ཁུལ་མཛོད་དགེ་རྫོང་འབྲིང་བ་ཡུལ་ཚོའི་གནས་རི་ཨ་མྱེ་བྲག་རྫོང་དུ་རྒྱ་གཞུང་གི་གཏེར་འདོན་ཚན་པ་ཞིག་གིས་བཙན་ཤེད་ཀྱིས་གཏེར་ཁ་སྔོག་རྩིས་བྱས་པར་ས་གནས་མང་ཚོགས་ཀྱིས་གནས་རི་བྲག་རྫོང་སྔོག་ན་ཡུལ་ལ་བཀྲ་མི་ཤིས་ཤིང་། ཁོར་ཡུག་ལ་གནོད་པ་ཆེ་ཚུལ་སོགས་བསྙད་ནས་མི་འགྲིག་ཚུལ་ནན་བརྗོད་བྱས་ཀྱང། རྒྱ་གཞུང་གི་གཏེར་འདོན་ཚན་པས་གནས་རིའི་འདབས་སུ་གཏེར་འདོན་འཕྲུལ་ལས་མང་པོ་འོར་འདྲེན་གྱིས་གཏེར་འདོན་འགོ་འཛུགས་ཀྱི་གྲ་སྒྲིག་བྱས་ཡོད་པའི་གནས་ཚུལ་ཞིག་ཐོན་ཡོད་པ་མ་ཟད།ད་རེས་རྒྱ་གཞུང་གིས་གཏེར་འདོན་ལས་གཞི་སྤེལ་ཡུལ་གྱི་ཨ་མྱེ་བྲག་རྫོང་ཞེས་པའི་གནས་རི་དེ་ནས་ Uranium ཞེས་པའི་རྡུལ་ཕྲན་མཚོན་ཆར་མཁོ་བའི་ལྕགས་རིགས་རྫས་ཤིག་ཡིན་འདུག བོད་མིའི་སྒྲིག་འཛུགས་ཁོར་ཡུག་ཚན་པའི་ཉམས་ཞིབ་པ་བསྟན་པ་རྒྱལ་མཚན་ལགས་ཀྱིས་ད་ལྟའི་ཆར་རྒྱ་གཞུང་གིས་བོད་ཀྱི་ས་ཁུལ་ནས་Uranium ཞེས་པའི་གཏེར་ཁ་སྔོག་འདོན་བྱེད་བཞིན་པའི་གཏེར་འདོན་གྱི་ལས་གཞི་དེ་ནི་གཏེར་འདོན་གྱི་ལས་གཞི་གཞན་དང་མི་འདྲ་བས་གཟབ་ནན་བྱ་དགོས་པའི་ལས་གཞི་ཞིག་ཡིན་པ་དང། Uranium གཏེར་འདོན་ལས་གཞི་དེས་ས་གནས་ཁོར་ཡུག་ལ་གནོད་འཚེ་ཆེན་པོ་བཟོ་ངེས་ཡིན་པ་མ་ཟད། དེང་སྐབས་རྒྱ་གཞུང་གིས་དཔལ་འབྱོར་ཡར་རྒྱས་ཁེ་ཕན་ཆེད་དུ་བོད་ཀྱི་ས་ཁུལ་ཁག་ཏུ་གཏེར་ཁ་སྔོག་འདོན་གྱི་ལས་གཞི་དེ་སྔ་ལས་གཞི་རྒྱ་ཆེ་རུ་འགྲོ་བཞིན་ཡོད་སྐོར་གསུངས་སོང་། དེ་སྔ་བོད་མིའི་སྒྲིག་འཛུགས་ཀྱི་བོད་ཀྱི་ཁོར་ཡུག་སྙན་ཐོ་ནང། ཕྱི་ལོ་༡༩༩༠ བར་རྒྱ་གཞུང་གིས་བོད་ནང་གི་ས་ཁུལ་༢༠༠ ལྷག་ཙམ་ཞིག་ལ་ Uranium སྔོག་འདོན་བྱས་ཡོད་པ་འཁོད་འདུག བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་ནས་ཀྱང་ད་ལན་རྒྱ་གཞུང་གི་གཏེར་འདོན་ཚན་པས་བཙན་བཤེད་ཀྱི་གཏེར་ཁ་སྔོག་རྩིས་བྱས་པར་སྐྱོན་བརྗོད་དང་སྦྲགས། ལས་གཞི་དེ་ནི་འགྲོ་བ་མིའི་ཐོབ་ཐང་དང་རྒྱལ་སྤྱིའི་ཁྲིམས་ལུགས་བཅས་རྡོག་རོལ་གཏོང་བའི་བྱ་སྤྱོད་ཞིག་ཆགས་ཀྱི་ཡོད་ལུགས་གསུངས་པ་པ་ཟད། ལྷག་པར་དུ་རྒྱ་གཞུང་གཏེར་འདོན་ཚན་པའི་ངོས་ནས་བོད་མི་རྣམས་ཀྱི་འཚོ་གནས་བདེ་སྡུག་དང་། ཆོས་ལུགས་དད་མོས་དང་། རིག་གནས་གོམ་སྲོལ་བཅས་པར་བརྡལ་བཤིག་དང་རྩ་གཏོར་བྱ་རྒྱུ་མཚམས་འཇོག་དགོས་པའི་ནན་སྐུལ་སོགས་གསུངས་འདུག

ཉན་པ།: Listen ཕབ་ལེན། Download རྒྱ་གཞུང་གིས་བྱང་རྭ་སྒྲེང་ཕ་ཕོང་ཐང་བསྐོར་དུས་ཆེན་ལ་དམ་བསྒྲགས། ༸གོང་ས་མཆོག་གིས་ཞི་བདེ་ལྡན་པའི་འཛམ་གླིང་སྐྲུན་རྒྱུ་ནི་ཐོུང་གི་འགན་ཡིན་པ་བཀའ་བསྩལ་འདུག རང་ལུས་མེར་སྲེག་ནི་དམར་ཤོག་གི་སྲིད་བྱུས་མ་འགྲིག་པའི་རྟགས་མཚན་ཞིག་ཡིན་པ་གསུངས་འདུག ཡོ་རོབ་ར་གེའི་དུས་སྟོན་ཐོག་བོད་དོན་གཏམ་བཤད་གནང་འདུག ནང་སྲིད་བཀའ་བློན་མཆོག་ལྡི་ལོར་ཕྱོགས་ཕེབས་གནང་བ། རྒྱ་གཞུང་གིས་བོད་ཀྱི་གནད་དོན་དེ་༸གོང་ས་མཆོག་སྐུ་སྒེར་གྱི་གནད་དོན་ཞིག་ཏུ་རྩིས་བཞིན་པ་ནི་ནོར་འཁྲུལ་ཡིན་པ་གསུངས་འདུག དམིགས་བསལ་ལེ་ཚན། རྒྱལ་ཚབ་ར་སྒྲེང་སྐབས་ཀྱི་ཆབ་སྲིད་གནས་སྟངས། Monday 24/08/2015 China imposes restriction on Tibetan religious festival near Lhasa Dalai Lama speaks on moral ethics to PBS CTA Home Kalon visits George Fernandes in Delhi Tibetan parliamentarian raises Tibet awareness at European Reggae Festival ‘Immolations are just one sign of tension over communist rule’ Feature: Political situation during Regent Reting Rinpoche

ཟླ་བ་སྔོན་མའི་ནང་འཛམ་གླིང་ས་ཕྱོགས་གང་སར་༸གོང་ས་༸སྐྱབས་མགོནཆེན་པོ་མཆོག་དགུང་གྲངས་ ༨༠ ཕེབས་པའི་༸སྐུའི་འཁྲུངས་སྐར་སྲུང་བརྩི་གྲུབ་མཚམས་དང་བསྟུན། པི་བི་ཨེས། ( PBS ) བརྙན་འཕྲིན་ལས་ཁང་གི་གསར་འགོད་པ་སྐུ་ཞབས་ Fred De sam Lazaro ལགས་བཞུགས་སྒར་དུ་ཆེད་བཅར་གྱིས་མགོན་པོ་མཆོག་ལ་བཅར་འདྲི་ཞུས་ནས་སྐར་མ་ ༧ ལྷག་གི་བརྙན་ཐུང་ཞིག་ཆེད་སྒྲིག་ཞུས་འདུག གསར་འགོད་པས་མགོན་པོ་མཆོག་ལ་༸སྐུའི་ཡང་སྲིད་སྐོར་དང། ཆོས་ལུགས་མཐུན་སྒྲིལ། མགོན་པོ་མཆོག་གི་སྐུ་སྒེར་གྱི་མཛད་འཕྲིན་དང། གཞན་ཡང་བདེ་སྐྱིད་ལྡན་པའི་འཛམ་གླིང་ཞིག་སྐྲུན་ཐབས་སོགས་གནད་དོན་ཁག་ཅིག་གི་ཐད་ལ་བཀའ་འདྲི་ཞུས་པར། མགོན་པོ་༸གང་ཉིད་མཆོག་གིས་འགྲོ་བ་མིའི་རྒྱུད་ལ་བྱམས་བརྩེ་དང། བཟོད་བསྲན། དེ་བཞིན་གུ་ཡངས་བཅས་ཀྱི་བསླབ་བྱ་ནི་ནང་པ་སངས་རྒྱས་པའི་ཆོས་ཁོ་ན་མ་ཡིན་པར།  འཛམ་གླིང་དེའི་ཐོག་ཡོད་པའི་ཆོས་ལུགས་ཚང་མའི་གཅིག་མཚུངས་ཀྱི་བསླབ་བྱ་ཞིག་ཡིན་པ་དང། ཆོས་ལུགས་རྗེས་འབྲང་པ་ཚོས་རང་སོ་སོའི་ཆོས་ལུགས་ཀྱི་བསླབ་བྱ་རྣམས་རྣམ་པར་དག་པ་སྲུང་བ་ན། དོན་དམ་གྱི་འཛམ་གླིང་ཞི་བདེ་སྐྲུན་རྒྱུར་ཕན་རླབས་ཆེན་པོ་ཡོད་ཅེས་བཀའ་སྩལ་འདུག ལྷག་པར་དུ་མགོན་པོ་མཆོག་གིས་སྐྱེ་བ་ཕྱི་མ་ཡོད་མེད་ཀྱི་ལྟ་གྲུབ་དང།   དཀོན་མཆོག་འཛིན་པའི་ལྟ་གྲུབ་དང། དེ་བཞིན་སངས་རྒྱས་ཀྱི་ལྟ་གྲུབ་འཛིན་རྒྱུ་བཅས་ནི་གང་ཟག་སྒེར་སོ་སོའི་གནད་དོན་ཞིག་ཡིན་པ་ལས།  འགྲོ་བ་མིའི་རིན་ཐང་གོང་འཕེལ་དང། ཞི་བདེ། དེ་བཞིན་བདེ་སྐྱིད་ལྡན་པའི་འཛམ་བུ་གླིང་སྐྲུན་རྒྱུ་ནི་འགྲོ་བ་མིའི་ཐོུང་གི་འགན་ཁྲི་ཞིག་རེད་ཅེས་བཀའ་སྩལ་བ་མ་ཟད། མགོན་པོ་མཆོག་གིས་༸སྐུའི་ཡང་སྲིད་དང་འབྲེལ་བའི་བཀའ་འདྲི་ཞུས་པར་སྐུ་སྒེར་ནས་གནད་དོན་དེའི་ཐད་ཐུགས་སྣང་དེ་ཙམ་མེད་སྐོར་དང། གལ་ཏེ་རྒྱལ་དབང་སྐུ་ཕྲེང་རྒྱུན་མཐུད་དགོས་པ་དང༌། སྐུ་ཕྲེང་བཅོ་ལྔ་པའི་ཡང་སྲིད་ངོས་འཛིན་བྱ་དགོས་པའི་དུས་སྐབས་ཤིག་ཤར་ཚེ་དེའི་བྱེད་སྒོའི་འགན་འཁུར་གཙོ་བོ་ཏཱ་ལའི་བླ་མའི་བླ་བྲང་དགའ་ལྡན་ཕོ་བྲང་ཡིད་ཆེས་དགེ་རྩའི་དབང་ལྡན་འགན་འཛིན་རྣམས་ལ་ཡོད་པ་ལས། རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་ཆབ་སྲིད་དབང་འཛིན་པས་མཚོན། སྲིད་དབང་འཛིན་མཁན་སུས་ངོས་འཛིན་བྱེད་ཀྱང་དེར་རྒྱལ་བའི་ཡང་སྤྲུལ་དུ་ངོས་འཛིན་དང་དད་མོས་བྱེད་མི་དགོས་པ་ཡིད་འཇགས་དགོས་པ་སོགས་བཀའ་སྩལ་ཡོད་པ་རེད།

བྱང་རྭ་སྒྲེང་ཕ་ཕོང་ཐང་བསྐོར་དུས་ཆེན་ཞེས་པ་སྲུང་བརྩི་ཞུ་ལ་ཉེ་བ་དང་བསྟུན་རྒྱ་གཞུང་གིས་སྤྱི་བདེ་ཉེན་རྟོག་པ་དང་དམག་མི་འབོར་ཆེན་ཞིག་བཀོད་སྒྲིག་བྱས་ནས་དམ་དྲག་བྱེད་བཞིན་འདུག དེ་རིང་ཟླ་ ༨ ཕྱི་ཚེས་ ༢༤ ནས་འགོ་འཛུགས་ཐོག་རྒྱ་གཞུང་ནས་བོད་རང་སྐྱོང་ལྗོངས་ལྷ་ས་གྲོང་ཁྱེར་འཕན་པོ་ལྷུན་གྲུབ་རྫོང་ཕོད་མདོ་ཆུས་ཀྱི་ཁོངས་གཏོགས་བྱང་རྭ་སྒྲེང་དགོན་པར་ཉིན་གྲངས་དགུའི་རིང་སྲོལ་རྒྱུན་ལྟར་དམིགས་བསལ་གྱི་བྱང་རྭ་སྒྲེང་ཕ་ཕོང་ཐང་བསྐོར་དུས་ཆེན་སྲུང་བརྩི་ཞུ་ཉེ་དང་བསྟུན་དམ་དྲག་བྱེད་བཞིན་ཡོད་པ་རེད་འདུག དེ་ཡང་བོད་རྒྱལ་ལོ་ ༢༡༤༢ རབ་གནས་ཤིང་ལུག་ལོའི་བོད་ཟླ་ ༧ ཚེས་ ༩ ནས་ ༡༨ བཅས་སུ་ལོ་འཁོར་བཅིུས་བར་ཐེངས་རེ་སྲུང་བརྩི་བྱེད་སྲོལ་ཡོད་པའི་མཚམས་དེར་རྒྱ་གཞུང་འབྲེལ་ཡོད་ལས་བྱེད་ཀྱིས་དུས་ཆེན་ལ་ཡོང་མཁན་བོད་མི་རྣམས་ལ་ཐོབ་ཐང་ལག་འཁྱེར་མེད་ན་འཕྲལ་མར་འཛིན་བཟུང་བྱེད་རྒྱུ་དང་ཞགས་སྡོད་བྱ་མི་ཆོག་པ། དེ་བཞིན་ཁ་ལོ་བ་ཡིན་རིགས་ཁ་ལོ་བའི་ལག་འཁྱེར་མཉམ་ཁྱེར་མེད་ཚེ་རླངས་འཁོར་འཕྲོག་རྒྱུ་ཡིན་པ་བཅས་བཙན་བཀའ་བཏང་འདུག དེ་བས་ཀྱང་དུས་ཆེན་དེ་ཚོགས་ལ་ཉེ་བའི་སྐབས་གནས་དེར་བསྐྱོད་མཁན་མང་ཚོགས་རྣམས་དགག་སྒོ་ལྔ་བརྒྱུད་ནས་འགྲོ་དགོས་པ་དང་། དགག་སྒོ་དེ་དག་ལ་སྤྱི་བདེ་ཉེན་རྟོག་མི་སྣ་དང་དམིགས་བསལ་ཉེ་རྟོག་པ། གཞུང་གི་ལས་བྱེད་མི་སྣ་བཅས་འགྲེམས་འཇོག་བྱས་ནས་དམ་དྲག་སྔ་ལྷག་བྱེད་བཞིན་ཡོད་པ་རེད་འདུག རྩ་བའི་དུས་ཆེན་དེ་ནི་རྭ་སྒྲེང་ཕ་ཕོང་དགོན་པའི་ཆོས་ལུགས་ཀྱི་དམིགས་བསལ་དུས་ཆེན་ཞིག་དང་། ཇོ་བོ་རྗེ་ཨ་ཏི་ཤའི་སློབ་མ་འབྲོམ་སྟོན་པ་རྒྱལ་བའི་འབྱུང་གནས་ཀྱིས་ཐོག་མར་སྲོལ་སྟོན་གནང་བ་ཞིག་ཡིན་འདུག  

ཉན་པ།: Listen ཕབ་ལེན། Download བོད་ཀྱི་བེུད་ཅེས་པའི་ལེ་ཚན་ནང། བོད་ཀྱི་བེུད་རྩོམ་པ་པོ་དང་སྙན་ངག་མཁན་ཚེ་རིང་དབང་མོ་སྡོམ་པ་ལགས་དང་བཅར་འདྲི། Sunday 23/08/2015 Women of Tibet: Writer and Poet Tsering Wangmo Dhompa