Monthly Archives: May, 2016

དེ་ཡང་ཟླ་འདིའི་ཚེས་ ༣ ཉིན་མཚོ་སྔོན་ཞིང་ཆེན་ཡུལ་ཤུལ་ཁུལ་ཁྲིན་དུ་རྫོང་དཀར་ཆེན་ད་དོས་ནང་གི་འབྲོག་མི་བློ་གྲོས་རྒྱལ་མཚན་ཚང་གི་དབྱར་སའི་ཐོག་ཏུ་གཏེར་ལས་ཀྱི་ལས་གཞི་འགོ་འཛུགས་བྱས་པ་དང་། དེར་རྒྱ་ནག་ནང་ནས་ཡོང་བའི་ལག་རྩལ་མི་སྣ་ཆེད་གཏོང་གིས་གཏེར་བཏོན་བྱས་འདུག འདི་ག་རླུང་འཕྲིན་ཁང་ལ་གནས་བོད་མི་ཞིག་གིས་གནས་ཚུལ་ངོ་སྤྲོད་གནང་དོན། ས་གནས་དེར་ཡོད་པའི་འབྲོག་པ་ཚོས་ཐབས་ཤིས་ཡོད་དགུ་རྩལ་སྤྲུག་གིས་གོང་རིམ་ཁྲིན་དུ་རྫོང་རྩ་ཐང་སྲིད་འཛིན་གཙོ་གཉེར་སྡེ་ཁག་ལ་ཞུ་གཏུག་ལན་མང་གནང་ཡོད་ཀྱང་། དེར་ཕན་འབྲས་གང་ཡང་མ་སོན་པ་མ་ཟད། ཕྱི་ཚེས་ ༣ ཉིན་རྒྱ་གཞུང་གིས་དངོས་སུ་ས་གནས་དེར་གཏེར་ཁ་བསྔོག་འདོན་འགོ་འཛུགས་བྱས་ཡོད་པ་རེད་འདུག གཏེར་ཁ་བསྔོག་འདོན་འགོ་འཛུགས་བྱ་ཡུལ་ས་གནས་དེ་འབྲོག་མི་བློ་གྲོས་རྒྱལ་མཚན་ཚང་གི་དབྱར་ས་ཡིན་པ་རེད་འདུག་ལ། ས་གནས་དེར་ས་དོང་བརྐོ་མཁན་འཕྲུལ་འཁོར་གཉིས་དང་ས་རྡོ་དབོར་འདྲེན་བྱེད་མཁན་རླངས་འཁོར་གསུམ། དེ་བཞིན་ལས་རིགས་མི་སྣ་སོགས་མང་དག་ཞིག་ས་གནས་དེར་འབྱོར་ཡོད་འདུག འབྲོག་པ་བློ་གྲོས་རྒྱལ་མཚན་གྱི་རྩ་ས་དེར་དེ་སྔོན་ལོ་གཉིས་གོང་ཙམ་ནས་རྒྱ་གཞུང་གཏེར་འདོན་ཚན་པ་ཡོང་ནས་གཏེར་ཁ་ཡོད་མེད་བརྟག་དཔྱད་དང་གཏེར་འདོན་ལས་གྲྭ་གཉེར་རྒྱུའི་ཐབས་ཤེས་རིམ་པར་བྱས་ཡོད་ཀྱང་། ས་གནས་བོད་མི་ཚོས་མོས་མཐུན་མེད་པས་གོང་རིམ་ཞུ་གཏུག་རིམ་པར་བྱས་འདུག འོན་ཀྱང་གཏེར་འདོན་ཚན་པ་དང་གོང་རིམ་ལས་བྱེད་དབར་ལ་འབྲེལ་བ་ཡོད་པའི་རྐྱེན་གྱིས་བཀག་འགོག་བྱེད་ཐུབ་མེད་པ་རེད་འདུག གཞི་རྩའི་དེང་སྐབས་དེང་སྐབས་བོད་ནང་གི་ས་གནས་གང་སར་རྫོང་དང་ཡུལ་ཚོའི་འགོ་འཁྲིད་དང་གཏེར་འདོན་ཚན་པ་མཉམ་འབྲེལ་བྱས་ཏེ་གང་བྱུང་གཏེར་ཁ་བསྔོག་འདོན་དང་ས་རྒོད ནགས་ཚལ རི་བོ རྩ་ཐང་མཚོ་ཁའི་གྲམ་ཐང་སོགས་ས་གནས་ཡོད་ཚད་བསྔོག་བཤེར་བྱས་ཏེ་གསེར་དང་རྡོ་རིགས་ལ་སོགས་གཏེར་ཁ་སྣ་ཚོགས་རྒྱ་ཡུལ་དུ་དབོར་འདྲེན་བྱེད་ཀྱི་ཡོད་པ་མ་ཟད། ལས་གྲྭ་དེས་ས་གནས་མང་ཚོགས་ལ་ཁེ་ཕན་གང་ཡང་ཐོབ་ཀྱི་མེད་པའི་ཐོག་འཁོར་ཡུག་ལ་གཏོར་སྐྱོན་དང་མི་དང་སྲོག་ཆགས་ཚང་མའི་ཚེ་སྲོག་ལའང་ཉེན་ཁ་ཆེན་པོ་བཟོ་བཞིན་ཡོད་འདུག

བོད་མདོ་སྨད་རྔ་བ་ཁུལ་མཛོད་དགེ་རྫོང་ཁོངས་ཨ་སྐྱིད་མདོ་ཚ་སྡེ་བ་ནས་ཡིན་པའི་ཕྲུ་གུ་ལྔ་ཅན་གྱི་མ་བསོད་ནམས་འཚོ་ཞུ་མཁན་རྒྱལ་གཅེས་པ་གཅིག་གིས་བོད་ལ་རང་དབང་དགོས། ༸རྒྱལ་བ་རིན་པོ་བོད་ལ་གདན་འདྲེན་ཞུ་དགོས་པའི་འབོད་ཚིགས་འོག་རང་ལུས་མེར་སྲེག་བཏང་ཡོད་པ་རེད་འདུག    དེ་ཡང་བསོད་ནམས་འཚོ་ལགས་ཀྱིས་རང་ལུས་མེར་སྲེག་བཏང་ཚེས་དེ་འདི་ལོའི་ཕྱི་ཟླ་༣ ཚེས་ ༢༣ ཉིན་རེད་འདུག འོན་ཀྱང་ད་བར་རྒྱ་གཞུང་གིས་ཆེས་དམ་དྲག་སོགས་ཀྱི་རྐྱེན་པས་གནས་ཚུལ་དེ་ཕྱི་ཕྱོགས་ལ་ཐོན་ཐུབ་མེད་པ་རེད་འདུག རྩ་བའི་རྒྱལ་གཅེས་པ་བསོད་ནམས་འཚོ་ལགས་དང་ཁོང་གི་བཟའ་ཟླ་རྣམ་གཉིས་ཉིན་དེར་མཛོད་དགེ་རྫོང་ཨ་སྐྱིད་སེ་ར་དགོན་དུ་སྐོར་རར་ཕེབས་སྐབས་སུ་བསོད་ནམས་མཚོ་ལགས་ནས་རང་ལུས་མེར་སྲེག་གནང་འདུག དེ་མ་ཐག་ཁོང་གི་བཟའ་ཟླ་དང་ས་ར་དགོན་པའི་དགེ་འདུན་པ་ཞིག་གིས་མེ་བསད་ནས་དགོན་ཁང་དུ་འཁྱེར་ཐུབ་པ་བྱུང་འདུག་ཀྱང་། མྱུར་སྐྱོབ་སླད་སྨན་ཁང་དུ་འཁྱེར་སྐབས་དགོངས་པ་རྫོགས་འདུག དེ་བཞིན་རྒྱལ་གཅེས་པ་བསོད་ནམས་འཚོ་ལགས་འདས་གྲོངས་སུ་གྱུར་རྗེས་ཕྱི་ཉིན་ཏེ་ཚེས་ ༢༤ ཉིན་ཁོང་གི་སྐུ་ཕུང་ཞུགས་འབུལ་གནང་ཐུབ་པ་བྱུང་འདུག འོན་ཀྱང་དེའི་རྗེས་སུ་སེ་ར་དགོན་པའི་གྲྭ་ཚུལ་ཁྲིམས་ལགས་ལ་རྒྱ་གཞུང་གི་ཉེན་རྟོག་པས་ཉིན་གྲངས་ ༨ རིང་བཀག་སྐྱིལ་འོག་བཞག་འདུག་པ་མ་ཟད། དེ་རྗེས་བསོད་ནམས་འཚོ་ལགས་དང་འབྲེལ་བའི་འདྲ་པར་སོགས་ཚང་མ་སུབས་བཅུག་འདུག་པ་དང། ད་དུང་རྒྱལ་གཅེས་པ་བསོད་ནམས་འཚོ་ལགས་ཀྱི་བཟའ་ཟླ་ལའང་ཐེངས་གསུམ་རིང་དྲིས་བརྩད་བྱས་ཡོད་འདུག གཞི་རྩའི་རྒྱལ་གཅེས་པ་བསོད་ནམས་མཚོ་ལགས་རང་ལོ་ ༥༠ ཡིན་པ་དང་ཁོང་དང་ཁོང་གི་བཟའ་ཟླ་གཉིས་ལ་བུ་གཉིས་དང་བུ་མོ་གསུམ་བཅས་ཁྱོན་ཕྲུ་གུ་ལྔ་འདུག བསོད་ནམས་མཚོ་ལགས་ནི་ལོ་འདིའི་ནང་བོད་ནང་གི་རང་ལུས་མེར་སྲེག་གནང་མཁན་གཉིས་པ་དེ་ཆགས་ཀྱི་ཡོད་པ་དང། དེ་སྔ་ཕྱི་ལོ་ ༢༠༠༩ ནས་ད་བར་རང་ལུས་མེར་སྲེག་གནང་མཁན་ ༡༤༤ དེ་ཆགས་ཡོད་པ་རེད།  

  དེ་རིང་ཟླ་ ༥ ཕྱི་ཚེས་ ༦ ཉིན་གྱི་སྔ་དྲོར་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དྷ་ས་བཞུགས་སྒར་ནས་ཉི་ཧོང་དུ་ཆིབས་སྒྱུར་བསྐྱངས་གནང་མཛད་སོང་།      དེ་ཡང་ཉི་ཧོང་བོད་ཀྱི་སྐུ་ཚབ་དོན་ཁང་གིས་༸གོང་ས་མཆོག་ལ་ཇི་ལྟར་གདན་ཞུའི་གསོལ་འདེབས་ཞུས་དོན་བཞིན་༸གང་ཉིད་མཆོག་གིས་བཀའ་བཞེས་བཟང་པོ་སྨིན་བསྩལ་ཐོབ་དོན་ལྟར།  མགོན་པོ་༸གང་ཉིད་མཆོག་དང་སྟོན་འཁོར་ལྷན་རྒྱས་ལྗགས་སྨིན་གྲུབ་རྗེས་བཞུགས་སྒར་༸རྒྱལ་བའི་ཕོ་བྲང་ནས་ཕེབས་ཐོན་གྱིས་གྷ་གལ་གནམ་ཐང་དང་དེ་ནས་མཁའ་ལམ་བརྒྱུད་ལྡི་ལིར་ཆིབས་སྒྱུར་བསྐྱངས་ཀྱི་ཡོད་པ་དང་།  ཕྱི་ཚེས་ ༨ ཉིན་ལྡི་ལི་ནས་མཁའ་ལམ་བརྒྱུད་ཉི་ཧོང་གི་རྒྱལ་ས་ཊོཀ་ཡོ་དུ་ཞབས་སོར་འཁོད་གནང་གི་ཡོད་པ་རེད། དེ་རྗེས་ཕྱི་ཚེས་ ༡༠ ནས་དབུ་འཛུགས་ཀྱིས་ཉིན་བཞིའི་རིང་ཁུལ་དེའི་ Osaka གྲོང་ཁྱེར་དུ་རྟེན་གཞི་བྱས་པའི་ International Convention Center ཞེས་རྒྱལ་སྤྱིའི་ཚོགས་ཁང་ཆེན་མོར་ཉི་ཧོང་ས་གནས་མི་དམངས་གཙོས། ཐེ་ཝན། སོག་པོ། སིན་གྷ་པུར་དང་ཀོ་རི་ཡ་བཅས་ཀྱི་དད་ལྡན་ཆོས་ཞུ་བ་ཚོར་རྒྱལ་སྲས་ཆེན་པོ་ཞི་བ་ལྷས་མཛད་པའི་སྤྱོད་འཇུག་ཆེན་མོའི་བཀའ་ཆོས་བཀྲིན་བསྩལ་རྒྱུ་དང་དེ་བཞིན་གསུང་ཆོས་ཀྱི་ཉིན་མཐའ་མར་འཇམ་དཔལ་དབྱངས་ཀྱི་རྗེས་སྣང་མཛད་རྒྱུའི་ཆོས་འབྲེལ་ཡོད་འདུག ༸གོང་ས་མཆོག་གི་གསུང་ཆོས་ཀྱི་མཛད་རིམ་ཁག་དཔའ་ལྡན་དགའ་ལྡན་ཕོ་བྲང་ཡིག་ཚང་གི་མཐུན་འགྱུར་འོག་ཐད་སྲིང་གནང་རྒྱུ་མ་ཟད། ཉི་ཧོང་སྐད་དང་རྒྱ་སྐད། དེ་བཞིན་ཐེ་ཝན་སོགས་སྐད་ཡིག་དྲུག་ཙམ་གྱི་ཐོག་གསུང་ཆོས་གསན་རྒྱུ་ཡོད་པ་རེད་འདུག རྩ་བའི་༸གོང་ས་༸སྐྱབས་མགོན་ཆེན་པོ་མཆོག་དེ་སྔ་ཉི་ཧོང་ནང་ཐོག་མར་ཕྱི་ལོ་ ༡༩༦༧ ལོར་ཆིབས་སྒྱུར་མཛད་འདུག་པ་དང། ད་ལན་གྱི་ཆིབས་སྒྱུར་དེ་ཐེངས་ ༢༢ དེ་ཆགས་ཀྱི་ཡོད་པ་དང་། ཕྱི་ཚེས་ ༡༤ ཉིན་མགོན་པོ་༸གང་ཉིད་མཆོག་ཉི་ཧོང་ནས་མཁའ་ལམ་བརྒྱུད་བཞུགས་སྒར་དུ་ཚུར་ཆིབས་ཐོན་མཛད་ཀྱི་ཡོད་པ་རེད།

ཉན་པ།: Listen ཕབ་ལེན། Download ༸གོང་ས་མཆོག་བཞུགས་སྒར་ནས་ཉི་ཧོང་དུ་ཆིབས་སྒྱུར་བསྐྱངས་པ། མི་ཉག་ནང་གཏེར་ཁ་བསྔོག་འདོན་ལ་མང་ཚོགས་ཀྱིས་ངོ་རྒོལ། ཨོན་ཊ་རིའོ་ གྲོས་ཚོགས་གོང་མའི་ནང་བོད་ཀྱི་ཉིན་མོ་སྲུང་བརྩི་ཞུས་པ། ཨ་རིའི་ཕྱི་སྲིད་དྲུང་ཆེ་མཆོག་ལ་རྒྱ་ནག་ནང་ཚོང་གི་མར་རྩ་འཛུགས་རྒྱུ་མཚམས་འཇོག་དགོས་པའི་འབོད་སྐུལ། དྲུག་བཞིའི་དོན་རྐྱེན་སྲུང་བརྩི་ཞུ་མཁན་བཙོན་པ་གཅིག་གིས་ཟས་བཅད་ལས་འགུལ་འགོ་འཛུགས། དམིགས་བསལ་ལེ་ཚན། ཟས་རིགས་འཚོང་མཁན་སྐལ་བཟང་ཟླ་བ་ལགས་སུ་བཅར་འདྲི། Friday 06/05/2016 Dalai Lama leaves for Japan trip Anti mining protest by Tibetans in Minyag, Tibet Fourth annual Tibet Day at Ontario Parliament John Kerry urged to end family investment in Tibet Tiananmen activist begins fasting in prison Tibetan in Kardze tortured for singing Tibetan national anthem DIASPORA FEATURE: Tibetan Ration Store owner Kelsang Dawa

ཨོན་ཊེ་རི་ཡོ་གྲོས་ཚོགས་གོང་མའི་ནང་ཁུལ་དེའི་ས་གནས་ཀྱི་གྲོས་ཚོགས་འཐུས་མི་དང་བོད་མི་བཅས་ལྷན་ཞུགས་ཀྱིས་བོད་ཀྱི་ཉིན་མོ་ཐེངས་བཞི་པ་དེ་སྲུང་བརྩི་ཞུས་གནང་འདུག ཁ་སང་ཟླ་ ༥ ཚེས་ ༥ ཉིན་ཁེ་ན་ཌའི་མངའ་སྡེ་ཨོན་ཊེ་རི་ཡོ་ནང་རྟེན་གཞི་བྱས་པའི་ཨོན་ཊེ་རི་ཡོ་བོད་རིགས་སྤྱི་མཐུན་ཚོགས་པ་དང་ཨོན་ཊེ་རི་ཡོ་གྲོས་ཚོགས་ཀྱི་བོད་དོན་རྒྱབ་སྐྱོར་ཚོགས་པ་གཉིས་ཟུང་འབྲེལ་གྱིས་གོ་སྒྲིག་འོག་ས་གནས་ཀྱི་གྲོས་ཚོགས་གོང་མའི་ནང་ Ontario བོད་ཀྱི་བེུད་ལྷན་ཚོགས་དང་བོད་ཀྱི་གཞོན་ནུ་ལྷན་ཚོགས། བོད་རང་བཙན་སློབ་ཕྲུག་ཚོགས་པ། དེ་བཞིན་གཞུང་འབྲེལ་མིན་པའི་ཚོགས་ཁག་གི་ཚོགས་མི་ཟུར་པ་བཅས་ཁྱོན་བོད་མི་ ༢༠ ཙམ་མཉམ་ཞུགས་ཀྱིས་བོད་ཀྱི་ཉིན་མོ་སྲུང་བརྩི་ཟབ་རྒྱས་ཞུས་འདུག སྐབས་དེར་ཁོང་རྣམས་ནས་ཁུལ་དེའི་གྲོས་ཚོགས་ཚོགས་དུས་སུ་ཟུར་ཉན་གནང་པ་དང་ཆབས་ཅིག གྲོས་ཚོགས་འཐུས་མི་ལྷན་རྒྱས་ལ་གསོལ་ཚིགས་འདེགས་འབུལ་དང་། དེ་དག་གི་ལྷན་དུ་བོད་དོན་གླེང་སློང་གི་ལས་རིམ་ཞིག་ཀྱང་ཚོགས་གནང་ཡོད་པ་རེད། སྐབས་དེར་ལས་རིམ་ཐོག་ཕེབས་པའི་ཨོན་ཊེ་རི་ཡོ་གུ་ཡངས་ཚོགས་པ་དང་རྙིང་ཞེན་ཚོགས་པ། དེ་བཞིན་མང་གཙོ་ཚོགས་པ་བཅས་ཀྱི་གྲོས་ཚོགས་འཐུས་མི་ ༦༠ ཁོངས་ལས་གུ་ཡངས་ཚོགས་པའི་གྲོས་ཚོགས་འཐུས་མི་སྐུ་ཞབས་ Peter Milczyn ལགས་ཀྱིས་ཨོན་ཊེ་རི་ཡོ་གྲོས་ཚོགས་འཐུས་མིས་དུས་རྟག་ཏུ་རྒྱལ་སྤྱིའི་དབུ་ཁྲིད་གཞན་དང་ལྷན་དུ་བོད་དོན་སྐོར་གླེང་སློང་གནང་གི་ཡོད་སྐོར་དང་། ལྷག་དོན་ཨོན་ཊེ་རི་ཡོ་དུ་བཞུགས་པའི་བོད་མི་ཚོས་ཀྱང་ཞི་བདེ་དང་རང་དབང་གི་ཐོག་ནས་སོ་སོའི་ཆོས་དང་རིག་གཞུང་སོགས་མི་ཉམས་རྒྱུན་འཛིན་གནང་བཞིན་པའི་སྙིང་སྟོབས་ལ་ཡི་རངས་བསྔགས་བརྗོད་ཞུས་འདུག་པ་མ་ཟད། མ་འོངས་པར་ཡང་ Ontario གྲོས་ཚོགས་ནང་བོད་ཀྱི་རྒྱལ་དར་སྒྲེང་འཛུགས་བྱ་རྒྱུའི་ཐད་འབད་བརྩོན་གནང་ངེས་ཡིན་པ་བཅས་ཁས་ལེན་ཡང་གནང་འདུག དེ་བཞིན་བོད་རིགས་སྤྱི་མཐུན་ཚོགས་པའི་ཚོགས་གཙོ་བསོད་ནམས་གླང་བཀར་ལགས་ཀྱིས་ Ontario བོད་མི་ཡོངས་ཀྱི་ཚབ་ཞུས་ཏེ་ས་གནས་ཀྱི་གྲོས་ཚོགས་འཐུས་མི་རྣམས་ལ་ད་བར་བོད་མིར་རྒྱབ་སྐྱོར་གནང་པ་མ་ཟད། ད་ལན་ཁུལ་དེའི་གྲོས་ཚོགས་ནང་བོད་ཀྱི་ཉིན་མོ་ཞེས་སྲུང་བརྩི་ཞུ་རྒྱུའི་གོ་སྐབས་གནང་པར་ཐུགས་རྗེ་ཆེ་ཞུ་དང་སྦྲགས། ད་ལྟའི་ཆར་བོད་ནང་ཛ་དྲག་གནས་སྟངས་སྤྱི་དང་སྒོས་སུ་བོད་མི་རང་བསྲེགས་གནང་མཁན་རྣམས་ཀྱི་མངོན་འདོད་ཇི་ཡིན་དང་འབོད་ཚིག་གང་ཡིན་སོགས་ཞིབ་ཕྲ་མངོན་གསལ་གནང་འདུག གཞི་རྩའི་ Ontario གྲོས་ཚོགས་ནང་བོད་ཀྱི་ཉིན་མོ་སྲུང་བརྩི་ཞུ་བཞིན་པ་དེ་ནི་ཐེངས་བཞི་པ་དེ་ཆགས་ཀྱི་འདུག་པ་དང་། དེ་ཡང་ Ontario ས་གནས་བོད་ཀྱི་བོད་ཀྱི་བེུད་ལྷན་ཚོགས་དང་། Ontario གྲོས་ཚོགས་འཐུས་མིའི་བོད་དོན་རྒྱབ་སྐྱོར་ཚོགས་པ་གཉིས་ཀྱིས་ཐུན་མོང་ཐོག་གོ་སྒྲིག་ཞུས་པ་ཞིག་རེད།  

དེ་རིང་ཟླ་ ༥ ཕྱི་ཚེས་ ༦ ཉིན་བོད་མདོ་ཁམས་མི་ཉག་ས་གནས་བོད་མི་མང་ཚོགས་བརྒྱ་ཕྲག་མང་པོ་ཞིག་གིས་མ་གྲོས་བསམ་པ་གཅིག་མཐུན་གྱིས་གཏེར་ཁ་བསྔོག་འདོན་བྱེད་མཁན་ལ་མང་ཚོགས་ཀྱིས་ཞི་རྒོལ་བྱས་འདུག སྐབས་དེར་བོད་མི་དེ་དག་གིས་རྒྱ་གཞུང་ནས་གཏེར་ཁ་བསྔོག་འདོན་གྱི་རྐྱེན་པས་ཉ་མང་དག་ཞིག་ཤི་བའི་རོ་རྣམས་གཞུང་ལམ་ཐོག་ཏུ་སྤུངས་པ་དང་ཕྲེད་དར་འཕྱར་བ་མ་ཟད། གཞུང་ལམ་ཐོག་ཏུ་ཉལ་ནས་གཏེར་ཁ་བསྔོག་འདོན་བྱེད་མཁན་རྣམས་བཀག་འགོག་བྱེད་ཡོད་སྟབས། རྒྱ་གཞུང་གི་དྲག་ཆས་ཉེན་རྟོག་པ་བདུན་ཅུ་ཙམ་འབྱོར་ཏེ་ཁོ་ཚོར་བཀག་འགོག་བྱེད་བཞིན་ཡོད་པ་རེད་འདུག གཞི་རྩའི་ཁ་སང་ཟླ་ ༥ ཕྱི་ཚེས་ ༤ ཉིན་རྒྱ་གཞུང་གིས་སི་ཁྲོན་ཞིང་ཆེན་དཀར་མཛེས་ཁུལ་དར་མདོ་རྫོང་ལྷ་སྒང་ཡུལ་ཤོག་གར་རྒྱས་ཁ་ནས་རྒྱ་གཞུང་གི་གཏེར་སྔོག་སྤྱི་གཉེར་ཁང་ཞེས་པའི་གཏེར་བཏོན་ཚན་པས་གཏེར་ཁ་བསྔོག་འདོན་ཤུགས་ཆེ་བྱས་ཡོད་སྟབས། ཡུལ་དེའི་མི་ཉག་ལི་ཆུ་ཞེས་པའི་ཆུ་མོ་འབགས་བཙོག་དུ་གྱུར་ཏེ་ཉ་ཁྲི་ཁྲག་མང་པོ་ཤི་སྐྱོན་བྱུང་བཞིན་ཡོད་འདུག

ཉན་པ།: Listen ཕབ་ལེན། Download བོད་མིའི་སྒྲིག་འཛུགས་ནས་བདག་ཆེན་རིན་པོ་མཆོག་ལ་མྱ་ངན་ཞུས་པ། གྲྭ་བློ་བཟང་བསྟན་པ་ལགས་གློད་བཀྲོལ། བོད་མིར་འཐབ་རྩོད་ཀྱི་ལངས་ཕྱོགས་དང་འབོད་ཚིག་འདྲ་མིན་དགོས་གལ་སྐོར་གསུངས་པ། བོད་ཀྱི་བེུད་རྐང་རྩེད་སྤོ་ལོའི་རུ་ཁག་ནས་གྷོ་ཝའི་རྩེད་འགྲན་ནང་མཉམ་ཞུགས། རྒྱ་གར་གཞུང་ནས་ཀརྨ་པ་རིན་པོ་ཆེ་མཆོག་ལ་ཆོག་མཆན་ཕུལ་དགོས་པའི་ཞུ་འབོད། ༸གོང་ས་མཆོག་གིས་ཧོང་ཀོང་གི་མང་གཙོའི་འཐབ་རྩོད་དེ་ནམ་ཡང་དོར་རྒྱུ་མེད་པའི་ལམ་སྟོན་སྩལ་འདུག དམིགས་བསལ་ལེ་ཚན། རིན་ཆེན་གཡུ་སྙིང་ཉེར་ལྔ། Thursday 05/05/2016 CTA mourns demise of H.H Sakya Dagchen Rinpoche Kirti Tibetan monk released after 2 years imprisonment China’s Democratization and Future of Tibet: Teng Biao speaks to Dharamsala public Tibetan women football team at Goa women’s football festival Sikkim MLA and devotees urge Indian govt. to allow Karmapa Rinpoche in the area Dalai Lama urges Hong Kong not to quit democracy fight, says pro-independence activist after visit HEALTH FEATURE: Dr. Jamyang Tashi on Rinchen Yunying Nyernga

དཔལ་༸རྒྱལ་བ་ཀརྨ་པ་ཨོ་རྒྱན་འཕྲིན་ལས་རྡོ་རྗེ་མཆོག་ལ་དད་གུས་ཞུ་མཁན་འབྲས་ལྗོངས་ཀྱི་དད་ལྡན་པ་ཁག་ཅིག་ནས་དེ་རིང་རྒྱ་གར་གྱི་སྲིད་བློན་ Narendra Modi མཆོག་གི་ལས་ཁུངས་སུ་བཅར་ནས་རིན་པོ་ཆེ་མཆོག་འབྲས་ལྗོངས་སུ་ཆིབས་བསྒྱུར་བསྐྱང་རྒྱུའི་ཆོག་མཆན་ཕུལ་དགོས་པ་ཞུས་འདུག དེ་ཡང་འབྲས་ལྗོངས་མངའ་སྡེའི་ Sangha Vidhayak འམ་མངའ་སྡེའི་གྲོས་ཚོགས་ཀྱི་དགེ་འདུན་པའི་འཐུས་མི་བླ་མ་བསོད་ནམས་ལགས་ཀྱིས་གཙོས་པའི་ས་གནས་དགོན་སྡེ་ཁག་ཅིག་གི་སྐུ་ཚབ། དེ་བཞིན་དད་ལྡན་མང་ཚོགས་བཅས་ཀྱི་སྐུ་ཚབ་ཁག་ཅིག་ནས་དེ་རིང་ཉིན་དགུང་ཚོུད་༡༢ཡོལ་ཙམ་ལ་རྒྱལ་ས་ལྡི་ལིར་རྟེན་གཞི་བྱས་པའི་སྲིད་བློན་ Modi མཆོག་གི་ལས་ཁུངས་སུ་བཅར་ཏེ། སྲིད་བློན་མཆོག་ལ་འདི་ལོའི་ནང་པའི་ཆོས་ཕྱོགས་ཀྱི་དུས་ཆེན་དྲུག་པ་ཚེས་བཞི་ཉིན་༸རྒྱལ་བ་ཀརྨ་པ་ཨོ་རྒྱན་འཕྲིན་ལས་རྡོ་རྗེ་མཆོག་འབྲས་ལྗོངས་ཀྱི་བོ་དོང་དགོན་པར་ཆིབས་བསྒྱུར་ཡོང་བའི་ཞུ་ཡིག་ཕུལ་འདུག འདི་ག་རླུང་འཕྲིན་ཁང་ལ་བླ་མ་བསོད་ནམས་ལགས་ནས་འགྲེལ་བརྗོད་གནང་དོན། དེ་རིང་ཁོང་རྣམས་ནས་སྲིད་བློན་ལས་ཁུངས་སུ་ཞུ་ཡིག་ཕུལ་མ་ཐག་ཡིན་རུང་། རྒྱ་གར་དབུས་ནང་སྲིད་བློན་ཆེན་སྐུ་ཞབས་ Rajnath Singh མཆོག་དང་བློན་ཆེན་གཞོན་པ་སྐུ་ཞབས་ Kiren Rijiju མཆོག་སོགས་འབྲེལ་ཡོད་བློན་ཆེན་རྣམས་ནས་རེ་བའི་སྔོན་བརྡ་འམ་ green signal སྤྲད་བྱུང་ཞེས་གསུངས་སོང་།   ད་དུང་ཁོང་གིས་ཁོང་རྣམས་ནས་ད་རེས་རྒྱ་གར་གྱི་སྲིད་བློན་དབུས་པའི་ནང་སྲིད་བློན་ཆེན་བགྲེས་གཞོན་སོགས་འབྲེལ་ཡོད་དཔོན་རིགས་ཚང་མར་ཞུ་སྙན་ཕུལ་ཡོད། འོན་ཀྱང་ཀརྨ་པ་རིན་པོ་མཆོག་འབྲས་ལྗོངས་སུ་ཆིབས་བསྒྱུར་བསྐྱང་མ་ཐུབ་པ་ཡིན་ན་འབྲས་ལྗོངས་ཀྱི་མངའ་སྡེ་སྒོ་རྒྱག་གི་ཡིན་ཞེས་གསུངས་ཀྱི་འདུག གཞི་རྩའི་དཔལ་༸རྒྱལ་བ་ཀརྨ་པ་ཨོ་རྒྱན་འཕྲིན་ལས་རྡོ་རྗེ་མཆོག་ལ་རྒྱ་གར་གཞུང་ནས་ ༢༠༠༡ ལོར་སྐྱབས་བཅོལ་གྱི་ཕྱག་འཁྱེར་ཕུལ་ཡོད་ནའང། ད་བར་འདས་པའི་ལོ་ངོ་ ༡༥ དེའི་རིང་རིན་པོ་ཆེ་མཆོག་གི་༸སྐུ་གོང་མས་ཕྱག་བཏབ་པའི་གདན་ས་ཆོས་འཁོར་གླིང་ངམ་གདན་ས་རུམ་བཏེག་ཏུ་ཆིབས་སྒྱུར་བསྐྱང་ཐུབ་མེད་པ་རེད། རྩ་བའི་ད་རེས་འབྲས་ལྗོངས་མངའ་སྡེའི་གྲོས་ཚོགས་འཐུས་མི་བླ་མ་བསོད་ནམས་ལགས་ཀྱི་གཙོས་པའི་དད་ལྡན་པ་ ༢༠༠ སྐོར་ཞིག་གིས་ཀརྨ་པ་རིན་པོ་ཆེ་མཆོག་འབྲས་ལྗོངས་སུ་ཆིབས་སྒྱུར་གསོལ་འདེབས་དང་འབྲེལ། ཁ་སང་ལྡི་ལིའི་ Jantar Mantar ས་གནས་སུ་ཉིན་གཅིག་གི་གསོལ་འདེབས་སྨོན་ལམ་གསུང་འདོན་གནང་པའི་བརྒྱུད་རྒྱ་གར་གཞུང་ནས་འབྲས་ལྗོངས་མི་དམངས་ལ་ཀརྨ་པ་རིན་པོ་ཆེ་མཆོག་གི་བྱིན་རླབས་ཐོབ་ཆེད་རིན་ཆེ་མཆོག་འབྲས་ལྗོངས་ཡུལ་དུ་ཉིན་གྲངས་བཅུའི་རིང་གང་མགྱོགས་ཆིབས་བསྒྱུར་བསྐྱང་རྒྱུའི་ཆོག་མཆན་ཕུལ་དགོས་པའི་རེ་འདུན་ཡང་བཏོན་གནང་ཡོད་པ་རེད།

དེ་རིང་ཟླ་ ༥ ཚེས་ ༥ ཉིན་བོད་མདོ་སྨད་རྔ་བ་ཀིརྟི་དགོན་པའི་དགེ་འདུན་པ་བློ་བཟང་བསྟན་པ་ལགས་ཀྱིས་དེ་སྔ་ཕྱག་ཏུ་༸གོང་ས་མཆོག་གི་༸སྐུ་པར་མཐོང་གྲོལ་རིན་པོ་ཆེ་བསྣམས་ཏེ་རྒྱ་གཞུང་ལ་ཞི་རྒོལ་གནང་རྐྱེན་ལོ་གཉིས་རིང་བཙོན་བཅུག་གི་དུས་བཀག་གཙང་རྗེས་གློད་བཀྲོལ་ཐོབ་འདུག གཞི་རྩའི་གྲྭ་བློ་བཟང་བསྟན་པ་ལགས་ཕྱི་ལོ་ ༢༠༡༤ ཟླ་ ༤ ཚེས་ ༢༦ ཉིན་རྔ་བ་རྫོང་མཁར་གྱི་གཞུང་ལམ་དབུས་མ་ནས་ ཕྱག་ཏུ་༸གོང་ས་མཆོག་གི་༸སྐུ་པར་མཐོང་གྲོལ་རིན་པོ་ཆེ་བསྣམས་ནས་ “ བོད་ལ་རང་དབང་དགོས། ༸གོང་ས་མཆོག་བོད་ལ་གདན་འདྲེན་ཞུ་དགོས། ” ཞེས་པའི་འབོད་ཚིག་སྒྲོག་བཞིན་གོམ་བགྲོད་ཀྱིས་རྒྱ་གཞུང་ལ་ཞི་རྒོལ་གནང་སྟབས། རྒྱ་གཞུང་གི་དྲག་ཆས་ཉེན་རྟོག་པས་ཁོང་འཛིན་བཟུང་གིས་བཙོན་བཅུག་རིང་ལ་མི་སྤྱོད་ལས་འདས་པའི་མནར་གཅོད་ཚད་མེད་བཏང་ཡོད་པ་རེད། དེ་རྗེས་ཟླ་ ༡༡ ཚེས་ ༧ ཉིན་བོད་ནང་གི་སྔ་དྲོ་ཚོུད་ ༡༡ ཙམ་ལ་རྔ་བ་རང་སྐྱོང་ཁུལ་གྱི་ལྟེ་གནས་འབར་ཁམས་འབྲིང་རིམ་མི་མང་ཁྲིམས་ཁང་ཟེར་བ་དེས་ཁོང་གི་ནང་མིར་བརྡ་ལན་སྤྲད་ནས་ཁྲིམས་རྭར་ཡོང་བཅུག་ཡོད་ཀྱང་། ཁྲིམས་རྩོད་པ་སོགས་གང་ཡང་གླ་མི་ཆོག་པའི་བཙན་བཀའ་བཏང་པ་མ་ཟད། ཁོང་ལ་ཡང་རྒྱལ་ཁབ་ལ་ངོ་ལོག་པའི་བྱ་སྤྱོད་སྤེལ་བའི་ཉེས་མིང་འོག་ལོ་གཉིས་རིང་བཙོན་འཇུག་ཁྲིམས་ཐག་བཅད་ཡོད་འདུག