Monthly Archives: July, 2017

ཉན་པ།: Listen ཕབ་ལེན། Download ༸སྐུའི་འཁྲུངས་སྐར་ལ་འཚམས་འདྲི་ཞུ་མཁན་ཚོར་ཐུགས་རྗེ་ཆེ་ཞུ་དང་འབྲེལ་གཞན་ལ་ཕན་མ་ཐོགས་ཀྱང་གནོད་པ་མ་བྱེད་ཅེས་བཀའ་སྩལ་འདུག ༸གོང་ས་མཆོག་གིས་ལ་དྭགས་ནུབ་ར་བདེ་དགོན་དབྱར་ཆོས་ཆེན་མོ་ཐེངས་ལྔ་པའི་མཇུག་སྡོམ་མཛད་སྒོར་དབུ་བཞུགས་མཛད་པ། ཨ་ཆེན་གངས་རྒྱབ་རྒྱལ་ཚོགས་ཀྱི་གནའ་བོའི་རིག་གནས་ཤུལ་བཞག་གི་ཁོངས་སུ་ངོས་འཛིན་གནང་པར་སྐྱོན། སྐུ་ཞབས་ལིའི་ཞའོ་པའོ་ལགས་ཀྱི་གནད་དོན་དེ་རྒྱ་ནག་གི་ལོ་རྒྱུས་ཁྲོད་ཆེས་ནོར་འཁྲུལ་ཅན་ཞིག་རེད། ༸གོང་ས་མཆོག་དང་བོད་མིའི་སྒྲིག་འཛུགས་ནས་སོག་ཡུལ་གྱི་སྲིད་འཛིན་གསར་པ་མཆོག་ལ་འཚམས་འདྲི་གནང་པ། Monday 10/07/2017 Dalai Lama thanks well wishers, urges them to help others Dalai Lama arrives at Deskit Monastery, graces ‘Yarchoe Chenmo’ closing ceremony Rights group protest UNESCO’s decision of heritage tag to Tibetan area Ai Wei Wei says Liu Xiaobo case, historic mistake of China Dalai Lama and CTA congratulates President elect of Mongolia

བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཉེ་ལམ་སོག་པོ་རྒྱལ་ཡོངས་འོས་བསྡུ་ཆེན་མོའི་ཁྲོད་སྐུ་ཞབས་ Khaltmaa Battulga མཆོག་ལ་རྒྱལ་ཁ་ཐོབ་ནས་སྲིད་འཛིན་དུ་འོས་འདེམས་བྱུང་བར་འཚམས་འདྲིའི་གསུང་འཕྲིན་བསྩལ་འདུག ༸གོང་ས་༸སྐྱབས་མགོན་ཆེན་པོ་མཆོག་ནས་ཁ་སང་ཚེས་ ༩ ཉིན་རྒྱ་གར་བྱང་ཕྱོགས་ལ་དྭགས་སླེ་ནས་སྐུ་ཞབས་ Khaltmaa Battulga མཆོག་ལ་འཚམས་འདྲིའི་གསུང་འཕྲིན་ཞིག་བསྩལ་ཏེ། སོག་པོའི་མི་མང་རྣམས་ནས་ནང་པ་སངང་རྒྱས་པའི་ཆོས་ལ་དོ་དབྱིངས་དང་སྤྲོ་སེམས་ཆེན་པོས་སློབ་གཉེར་གནང་པར་བསྔགས་བརྗོད་མཛད་པ་དང་འབྲེལ། ཡུལ་དེའི་མང་ཚོགས་ནས་ཆོས་ལ་དབང་རྟུལ་དད་པའི་རྗེས་འབྲང་ལྟར་མིན་པར་དུས་རབས་ཉེར་གཅིག་དང་མཐུན་པའི་དབང་རྣོན་ཆོས་ཀྱི་རྗེས་འབྲང་ཐོག་སྐྱོད་བཞིན་ཡོད་པ་གསུངས་འདུག དེ་བཞིན་༸གོང་ས་མཆོག་གིས་༸གོང་ས་༸སྐུ་ཕྲེང་གསུམ་པ་བསོད་སནམས་རྒྱ་མཚོའི་༸སྐུ་དུས་ནས་བོད་སོག་དབར་ཐུན་མིན་གྱི་འབྲེལ་བ་དམ་ཟབ་ཡོད་པ་དྲན་གསོ་མཛད་འདུག ༸གོང་ས་༸སྐྱབས་མགོན་ཆེན་པོ་མཆོག་གིས་མགོན་པོ་༸གང་ཉིད་མཆོག་སོག་ཡུལ་དུ་ཐེངས་འགའ་ཕེབས་མྱོང་ཡོད་སྐོར་གསུངས་པ་དང་སྦྲགས་ཏེ་སོག་པོའི་མི་རིགས་ངོ་བོ་དང་རིག་གཞུང་། ཆོས་ཕྱོགས་དང་འབྲེལ་བའི་མི་ཚེ་དེ་དག་ནི་ནང་ཆོས་ལ་བརྟེན་པ་ཞིག་ཆགས་ཡོད་པ་རེད་ཅེས་བཀའ་སྩལ་འདུག ལྷག་དོན་སངས་རྒྱས་ཀྱི་ཆོས་འདིས་འགྲོ་བ་མིའི་གཞི་རྩའི་རིན་ཐང་ལྡན་པའི་བྱམས་པ་དང་འཚེ་མེད་ཞི་བ་ཡོང་བར་ཕན་ནུས་རླབས་ཆེན་ཡོད་པ་དང་འདི་བཞིན་གང་ཟག་སྒར་གྱི་ཡིད་དད་ལ་འགལ་མེད་ཆགས་ཡོད་པ་བཀའ་བསྩལ་བ་དང་ཆབས་ཅིག མགོན་པོ་༸གང་ཉིད་མཆོག་གིས་བདམས་ཐོན་སྲིད་འཛིན་མཆོག་གིས་སྣེ་ཁྲིད་གཞུང་གི་ངོས་ནས་སངས་རྒྱས་པའི་ཆོས་དང་དེའི་རིན་ཐང་ཁག་མུ་མཐུད་རྒྱུན་འཛིན་གནང་རྒྱུར་ཐུགས་རེ་ཡོད་ཅེས་བཀའ་ཡོད་པ་རེད། ལྷག་པར་དུ་མགོན་པོ་༸གང་ཉིད་མཆོག་ནས་བདམས་ཐོན་སྲིད་འཛིན་མཆོག་གིས་སྣེ་ཁྲིད་འོག་སོག་ཡུལ་ནང་གི་མ་འོངས་པའི་ལས་དོན་རྣམས་ལམ་ལྷོངང་ཡོང་བ་དང་འདི་བཞིན་མི་མང་གི་མངོན་འདོད་མཐའ་དག་ལེགས་གྲུབ་ཐུབ་པར་ཐུགས་རེ་ཡོད་ཅེས་བཀའ་བསྩལ་འདུག གཞན་ཡང་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་ཀྱང་སྐུ་ཞབས་ Khaltmaa Battulga མཆོག་ལ་སྲིད་འཛིན་གྱི་རྒྱལ་ཁ་ཐོབ་པར་འཚམས་འདྲི་དང་སྦྲགས། ཐེངས་འདིའི་འོས་བསྡུའི་ཁྲོད་ཁོང་ལ་འོས་གྲངས་བརྒྱ་ཆ་ནས་བརྒྱ་ཆ་ ༥༠་༦ ཐོབ་ཐོག་ཡུལ་དེའི་སྲིད་འཛིན་གསར་པར་འོས་འདེམས་བྱུང་ཡོད་པ་གསུངས་འདུག སྲིད་སྐྱོང་མཆོག་ནས་བོད་མིའི་སྒྲིག་འཛུགས་ཀྱི་ཚབ་ཞུས་ཏེ་སྐུ་ཉིད་མཆོག་སོག་པོའི་སྲིད་འཛིན་གསར་པར་བདམས་ཐོན་བྱུང་བར་སྙིང་ཐག་པ་ནས་དགའ་བསུའི་འཚམས་འདྲི་ཞུས་པ་དང་འབྲེལ། བོད་སོག་གཉིས་པོ་ནི་ལོ་ངོ་བརྒྱ་ཕྲག་རིང་ནས་ཆོས་དང་རིག་གཞུང་། ལོ་རྒྱུས་གང་གི་ཆ་ནས་འབྲེལ་བ་དམ་ཟབ་ཡོད་པ་དེས་ཕྱོགས་གཉིས་ལ་དགེ་མཚན་ཧ་ཅང་བྱུང་ཡོད་ཅེས་གསུངས་འདུག སྲིང་སྐྱོང་མཆོག་གིས་ད་དུང་སོག་པོའི་ཡུལ་གྱིས་༸གོང་ས་༸སྐྱབས་མགོན་ཆེན་པོ་མཆོག་སོག་ཡུལ་དུ་གདན་ཞུ་གནང་པར་སྙིང་ཐག་པ་ནས་བསྔགས་བརྗོད་ཞུ་རྒྱུ་ཡིན་ཞེས་དང་། ༸གོང་ས་མཆོག་སོག་ཡུལ་དུ་གདན་ཞུ་ཐུབ་པ་དེས་༸གོང་ས་ཏཱ་ལའི་བླ་མ་མཆོག་དང་སོག་པོའི་གཞུང་མང་གཉིས་དབར་ཆོས་ཕྱོགས་ཐོག་ནས་འབྲེལ་བ་དམ་ཟབ་ཡོད་པ་དེ་དག་བསྐྱར་དུ་གསལ་བཏོན་གནང་ཐུབ་ཡོད་ཅེས་གསུངས་འདུག མཐར་ཁོང་གིས་སྐུ་ཉིད་མཆོག་གི་དབུ་ཁྲིད་ལམ་སྟོན་འོག་ལས་དོན་གང་ཅིར་བྱ་བ་ལམ་ལྷོངས་ཡོང་བ་དང་འདི་བཞིན་སོག་པོའི་མི་མང་ཚོར་བཀྲིས་པའི་དུས་གསར་ཞིག་འཆར་རྒྱུའི་རེ་བ་ཡོད་ཅེས་དང་། སྐུ་ཞབས་ Khaltmaa Battulga མཆོག་ནས་དབུ་ཁྲིད་པའི་བོད་སོག་གཉིས་ལོ་རྒྱུས་ཐོག་ནས་འབྲེལ་བ་དམ་ཟབ་ཡོད་པ་ལྟར་དམ་འཛིན་གྱིས་བོད་ནང་གི་ཛ་དྲག་གནས་སྟངས་ཞི་འཇམ་ཡོང་བར་ཆབ་སྲིད་ཀྱི་རྒྱབ་སྐྱོར་གནང་སྐྱོང་ཡོང་བའི་རེ་བ་ཡོད་ཅེས་གསུངས་ཡོད་པ་རེད།

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་མགོན་པོ་༸གང་ཉིད་མཆོག་ཕྱི་ལུགས་ལྟར་དགུང་གྲངས་ ༨༢ ཕེབས་པའི་༸སྐུའི་འཁྲུངས་སྐར་ལ་འཛམ་གླིང་ས་ཕྱོགས་གང་ས་ནས་ཤིས་སྨོན་དང་འཚམས་འདྲི་ཞུས་མཁན་ཚང་མར་ཐུགས་རྗེ་ཆེ་ཞུས་པ་མ་ཟད། གཞན་ལ་ཕན་ཐོགས་གང་ནུས་བྱ་རྒྱུ་དང་། ཅི་སྟེ་ཕན་ཐོགས་མ་ནུས་ཀྱང་གནོད་པ་མ་བྱེད་རོགས་ཞེས་བཀའ་སྩལ་མཛད་འདུག དེའང་དཔལ་ལྡན་དགའ་ལྡན་ཕོ་བྲང་གི་དྲ་གནས་ཐོག་སྤེལ་བའི་གསུང་འཕྲིན་ཞིག་གི་ནང། ༸གོང་ས་མཆོག་གིས་ཁྱེད་ཅག་ཕལ་མོ་ཆེས་ཤེས་གསལ་ལ་ངོས་ཀྱི་མི་ཚེར་ལམ་སྟོན་བྱེད་མཁན་གཡོལ་ཐབས་མེད་པའི་འགན་ཁུར་གསུམ་པོ་དེ་དག་ཡིན། དང་པོ། བྱམས་བརྩེ་ལྡན་པའི་འཛམ་གླིང་བསྐྲུན་ཐབས། གཉིས་པ། ཆོས་ལུགས་ནང་ཕན་ཚུན་དབར་མཐུན་འབྲེལ་གོང་འཕེལ། གསུམ་པ། འཚེ་མེད་ཞི་བདེ་ལྡན་པའི་བོད་ཀྱི་ནང་པའི་ཆོས་རིག་འཛིན་སྐྱོང་སྤེལ་གསུམ་བྱ་རྒྱུ་དང་སྒྲགས་བོད་མཐོ་སྒང་གི་རང་བྱུང་ཁོར་ཡུག་སྲུང་སྐྱོབ་བྱ་རྒྱུ་བཅས་ཡིན་ཞེས་དང། བོད་མཐོ་སྒང་གི་ས་ཁུལ་དེ་ནི་གཤམ་འོག་རྒྱལ་ཁབ་ཁག་གི་གཙང་ཆུའི་འབྱུང་ཁུངས་གཙོ་བོ་ཡིན་ཞིང་། བོད་མཐོ་སྒང་ནང་རྒྱུག་བཞིན་པའི་རྒྱུག་ཆུ་དེ་དག་གི་ཐོག་ལ་མང་ཚོགས་ཐེར་འབུམ་མང་པོའི་འཚོ་རྟེན་ཆགས་ཡོད་ཅེས་བཀའ་ནན་བསྩལ་འདུག དེ་བཞིན་མགོན་པོ་མཆོག་གིས་བོད་ཀྱི་ནང་པ་སངས་རྒྱས་པའི་ཆོས་དེ་རྒྱ་གར་གྱི་ལོ་རྒྱུས་ལྡན་པའི་དཔལ་ན་ལེནྡྲ་ནས་བརྒྱུད་པ་ཞིག་ཆགས་ཡོད་པ་དང་། དེའང་ཡིད་ཆེས་འཕེལ་བའི་གཏན་ཚིགས་རིག་པའི་རྒྱབ་རྟེན་ཡོད་པ་གང་ཞིག་ཚན་རིག་དང་དཔུང་གཤིབ་འགྲོ་ཐུབ་པ་མ་ཟད། དེང་དུས་དང་འཚམ་པའི་ཀླད་པའི་རྣམ་གཞག་དང་སེམས་ཁམས་རིག་པའི་ཤེས་བྱ་གཏིང་ཟབ་ཡོད་པ་ཞིག་རེད་ཅེས་བཀའ་སྩལ་འདུག ༸གོང་ས་མཆོག་གིས་ད་དུང་གནད་དོན་དེ་དག་གསུམ་པོ་དེ་དག་ནི་འགྱུར་བ་མེད་པའི་ཐུགས་བསྐྱེད་དམ་བཅའ་ཞིག་ཡིན་པས་བརྩེ་ལྡན་སྤུན་ཟླ་ཕོ་མོ་ཡོངས་ནས་མགོན་པོ་༸གང་ཉིད་མཆོག་ལ་བརྩེ་སེམས་དང་གུས་བརྩི་གནང་ཚེ་དེ་དག་ལག་བསྟར་ཡོང་བ་གནང་རོགས་ཞེས་སྐུལ་མ་མཛད་པ་མ་ཟད། མདོར་ན། ལྷག་བསམ་བཟང་པོས་ཕན་ཚུན་བརྩེ་གདུང་གིས་གཞན་གྱི་བདེ་དོན་ལ་ཐུགས་སྣང་ཆེར་བསྐྱེད་ཀྱིས་གཞན་ལ་ཕན་ཐོགས་གང་ནུས་བྱ་རྒྱུ་དང་། ཅི་སྟེ་ཕན་ཐོགས་མ་ནུས་ཀྱང་གནོད་པ་མ་བྱེད་རོགས་ཞེས་ལམ་སྟོན་མཛད་འདུག  

ཉན་པ།: Listen ཕབ་ལེན། Download དགེ་བཤེས་ལྷག་རྡོར་ལགས་ལ་ཆོས་ལུགས་ལ་མ་བརྟེན་པའི་བཟང་སྤྱོད་ཀྱི་བསླབ་གཞི་སྐོར་བཅར་འདྲི། Sunday 09/07/2017 Geshe Lhakdor la on Secular Ethics Curriculum: VOT Special Series

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ད་ལྟའི་ཆར་ལ་དྭགས་ཁུལ་དུ་བཞུགས་ཞག་གིས་མཛད་འཕྲིན་སྐྱོང་བཞིན་ཡོད་པ་དང་། དེ་རིང་ཟླ་ ༧ ཚེས་ ༨ ཉིན་མགོན་པོ་མཆོག་གིས་ལ་དྭགས་སླེ་ཁུལ་གྱི་གཞུང་སྒེར་སློབ་གྲྭ་ཁག་གི་སློབ་མ་དང་དགེ་ལས་ཚོར་བླང་དོར་གྱི་བཀའ་སློབ་སྩལ་བ་དང་འབྲེལ། བྱམས་པ་དང་བརྩེ་བས་འགྲོ་བ་མི་ཕན་ཚུན་དབར་ལ་འཆམ་མཐུན་སྐྲུན་གྱི་རེད་ཅེས་བཀའ་བསྩལ་སོང་། ལ་དྭགས་སླེ་རུ་རྟེན་གཞི་བྱས་པའི་ལ་དྭགས་མི་མང་སློབ་གྲྭ་ནས་ཇི་ལྟར་གསོལ་འདེབས་ཞུས་དོན་ལྟར།མགོན་པོ་མཆོག་གིས་འདི་ཁུལ་གྱི་གཞུང་སྒེར་སློབ་གྲྭ་ཁག་བཅུ་ལྷག་གི་སློབ་མ་ཚོར་བཀའ་སློབ་བཀྲིན་བསྩལ་གནང་སོང་། སྐབས་དེར་༸གོང་ས་མཆོག་གིས་ད་བར་འདས་པའི་ལོ་ངོ་ ༥༥ འདིའི་ནང་དུ་ལ་དྭགས་ཁྱོན་ཡོངས་སུ་ཡར་རྒྱས་ཧ་ཅང་ཕྱིན་འདུག་པ་དང་། ལྷག་པར་དུ་ཤེས་ཡོན་ཐོག་ཡར་རྒྱས་ཤུགས་ཆེ་འགྲོ་ཡོད་པ་གཟིགས་ཚུལ་བྱུང་བར་ཡི་རང་བསྔགས་བརྗོད་མཛད་པ་དང་འབྲེལ། ད་ལྟའི་དུས་རབས་ ༢༡ པའི་འཛམ་གླིང་འདིའི་ནང་རྡུལ་ཕྲན་མཚོན་ཆ་བཟོ་སྐྲུན་དང་། དེ་བཞིན་འགྲོ་བ་མིའི་བྱ་སྤྱོད་འདྲ་མིན་རྐྱེན་པས་ཁོར་ཡུག་གཏོར་སྐྱོན་དང་གོ་ལའི་ཚ་དྲོད་རྒྱས་པ་བཅས་ཀྱི་འགྱུར་གྲོས་འོག་འགྲོ་བ་མིའི་རྒྱུད་ལ་དཀའ་ངལ་ཆེ་རུ་འགྲོ་རྒྱུའི་ཉེན་འཚབ་ཆེན་པོ་ཞིག་ཡོད་སྟབས། ངལ་བ་དེ་དག་སེལ་རྒྱུའི་འགན་དང་རེ་བ་བྱེད་སའི་གཞི་རྩ་དེ་གཞོན་སྐྱེས་ཚོ་ཆགས་ཡོད་ཅེས་བཀའ་བསྩལ་སོང་། དེ་བཞིན་མགོན་པོ་མཆོག་གིས་མ་འོངས་པའི་འཛམ་གླིང་གྱི་མདུན་ལམ་དེ་གཞོན་སྐྱེས་ཚོའི་ལག་ཏུ་ཡོད་པས་ཁྱེད་ཚོས་རྒྱུན་ལྡན་གྱི་འཚོ་བ་འགྲིག་ཡོད་པ་དེར་འདོད་བློ་ཁེངས་ནས་མི་བསྡད་པར་འཛམ་གླིང་སྤྱི་ལ་ཞི་བདེ་དང་བདེ་སྐྱིད་ལྡན་པའི་ཁོར་ཡུག་སྐྲུན་རྒྱུར་འབད་བརྩོན་དང་བསམ་བློ་གཏོང་དགོས་ཞེས་བཀའ་བསྩལ་བ་མ་ཟད། ལྷག་དོན་འགྲོ་བ་མིའི་གཞི་རྩའི་རང་བཞིན་དེ་བྱམས་བརྩེ་ཡིན་སྟབས་འགྲོ་བ་མིའི་རྣམས་སྤྱི་ཚོགས་ཀྱི་སེམས་ཅན་ཞིག་ཡིན་པའི་ཆ་ནས་བྱམས་པ་དང་བརྩེ་བ་ནི་དགོས་ངེས་ཤིག་ཆགས་ཡོད།  དེའང་བྱམས་པ་དང་བརྩེ་བས་འགྲོ་བ་མི་ཕན་ཚུན་དབར་ལ་འཆམ་མཐུན་སྐྲུན་གྱི་རེད་ཅེས་བཀའ་ནན་བསྩལ་ཡོད་པ་རེད། མགོན་པོ་མཆོག་གིས་འགྲོ་བ་མི་ཚང་མའི་རྒྱུད་ལ་ཡོད་བསྡད་པའི་བྱམས་བརྩེའི་རང་བཞིན་བཟང་པོ་འདི་ལ་དྭགས་ཁུལ་གྱི་སློབ་གྲྭ་ཁག་གི་སློབ་མ་ཚོར་རྒྱུས་སྤྲོད་བྱ་རྒྱུ་དེ་ཆོས་ཕྱོགས་ཁོ་ནའི་ཐོག་ནས་སློབ་ཁྲིད་གནང་མི་དགོས་པར་ཆོས་ལུགས་ལ་མ་བརྟེན་པའི་ཡ་རབས་བཟང་སྤྱོད་ཀྱི་བསླབ་བྱ་དེ་ཤེས་ཡོན་སློབ་གསོའི་ངོ་བོ་ཐོག་ནས་སློབ་ཁྲིད་བྱ་རྒྱུའི་དུས་ལ་བབ་འདུག་ཅེས་བཀའ་བསྩལ་བ་དང་། དེ་འདྲ་ཞིག་བྱུང་བ་ཡིན་ན་བྱམས་བརྩེའི་རང་བཞིན་དེ་བརྒྱུད་ནས་དོན་དངོས་ཐོག་རང་ཉིད་དང་ཉེ་བའི་གྲོགས་པོ་དང་ནང་མི། དེ་བཞིན་སྤྱི་ཚོགས། མཐར་འགྲོ་བ་མིའི་སྤྱི་ཚོགས་ཁྱོན་ལ་བདེ་སྐྱིད་ལྡན་པའི་ཁོར་ཡུག་ཞིག་སྐྲུན་རྒྱུར་ཕན་ཐོགས་ཡོང་གི་རེད་ཅེས་བཀའ་བསྩལ་ཡོད། གཞན་ཡང་༸གོང་ས་མཆོག་གིས་ལ་དྭགས་པ་ཚོ་ནི་འཛམ་གླིང་འདིའི་འགྲོ་བ་མིའི་ཆ་ཤས་ཤིག་དང་ལྷག་པར་དུ་རྒྱ་གར་རྒྱལ་ཁབ་ཀྱི་ཆ་ཤས་ཤིག་ཡིན་སྟབས། རང་ཉིད་ཀྱི་ས་གནས་གཅིག་པོའི་བདེ་དོན་ཐོག་བསམ་བཏང་པ་མིན་པར་འགྲོ་བ་མིའི་སྤྱི་ཚོགས་ཁྱོན་ཡོངས་ཀྱི་བདེ་དོན་ལ་བསམ་བློ་གཏོང་རྒྱུ་ནི་གལ་ཆེན་པོ་ཡིན་པ་མ་ཟད། ལྷག་པར་དུ་རྒྱ་གར་གྱི་གནའ་བོའི་འཚེ་མེད་ཞི་བ་དང་སེམས་ཁམས་རིག་པའི་ལྟ་གྲུབ་དང་འབྲེལ་རིག་གཞུང་ཕྱུག་པོ་ཡོད་པ་དེ་དག་ཐོག་དོན་གཉེར་བྱེད་དགོས་པ་དང་། དེ་ལྟར་བྱུང་ཚེ་ཐོུང་མ་ཡིན་པའི་ཤེས་བྱ་ཡོན་ཏན་དེ་དག་བརྒྱུད་ནས་སྤྱི་ཚོགས་ལ་ཞབས་འདེགས་རླབས་ཆེན་ཞིག་ཞུ་ཐུབ་ཀྱི་རེད་ཅེས་སོགས་བཀའ་བསྩལ་སོང་། མགོན་པོ་མཆོག་ནས་བཀའ་སློབ་བསྩལ་རྒྱུའི་ལས་རིམ་ལེགས་གྲུབ་ཟིན་རྗེས་སློབ་མ་ཁག་ཅིག་ནས་བཟོད་པ་ཉམས་ལེན་བྱེད་ཕྱོགས་གཙོས་པའི་ལ་དྭགས་ཁུལ་དུ་རིགས་རུས་དབྱེ་འབྱེད་ཀྱི་དཀའ་ངལ་སོགས་ལ་དགོངས་ཚུལ་ཇི་ཡོད་ཀྱི་ལམ་སྟོན་ཞུས་པར་མགོན་པོ་མཆོག་གིས་སྤྱི་ཚོགས་ཁྲོད་དུ་རིགས་རུས་ཀྱི་དཀའ་ངལ་འཕྲད་བཞིན་པ་དེ་དག་ཕྱོགས་གཅིག་ནས་ཆོས་ཕྱོགས་ཀྱི་ལྟ་གྲུབ་ཁག་ལ་ཡང་དག་པའི་སློབ་གཉེར་མེད་རྐྱེན་ཡིན་པ་དང་། ཡང་ཕྱོགས་གཞན་ཞིག་ནས་གྲལ་རིམ་རིང་ལུགས་ཀྱི་ལྟ་བ་ལས་བྱུང་གི་ཡོད་པ་རེད། གནས་སྟངས་དེ་རིགས་ལ་བློ་ཕམ་བྱ་དགོས་པ་ཞིག་ཡིན་པས་མགོན་པོ་མཆོག་གི་ངོས་ནས་དུས་དང་རྣམ་པ་ཀུན་ཏུ་སྤྱི་ཚོགས་ཁྲོད་དུ་དེ་རིགས་ཉུང་དུ་གཏོང་རྒྱུར་འབད་བསྩོན་གནང་བཞིན་ཡོད་པ་མ་ཟད། རིགས་རུས་དམན་པའི་མི་སྣ་དེ་དག་སྤྱི་ཚོགས་ནང་ཡར་ཐོན་རྒྱུར་སྐུལ་ལྕག་གནང་གི་ཡོད་ཅེས་བཀའ་བསྩལ་ཡོད་པ་རེད། མཛད་འཆར་ལྟར་ན། ཕྱི་ཚེས་ ༡༠ ཉིན་༸གོང་ས་༸སྐྱབས་མགོན་ཆེན་པོ་མཆོག་ལ་དྭགས་ཞི་བའི་ཚལ་ཕོ་བྲང་ནས་ཕེབས་ཐོན་གྱིས་ནུབ་ར་དང་ཟངས་དཀར་ཁུལ་དུ་མཛད་འཆར་བསྐྱང་རྒྱུ་ཡིན་པ་རེད།

ཉན་པ།: Listen ཕབ་ལེན། Download དགེ་བཤེས་ཐུབ་བསྟན་སྦྱིན་པ་ལགས་ལ་དེང་གི་འཛམ་གླིང་ནང་ཆོས་ལུགས་ལ་མ་བརྟེན་པའི་བཟང་སྤྱོད་ཅེས་པའི་གལ་གནད་ཐོག་བཅར་འདྲི་ཞུས་པ། Saturday 08/07/2017 Geshe Thupten Jinpa la on Secular Ethics in Today’s World : Special Series

ཉན་པ།: Listen ཕབ་ལེན། Download བཙན་བྱོལ་བོད་མིའི་ས་གནས་ཁག་ཏུ་༸སྐུའི་འཁྲུངས་སྐར་སྲུང་བརྩི་ཞུས་པ། བྱི་ལ་དོམ་ལས་འཕྲོས་ཏེ་བོད་ནང་གི་ཆེས་ཞེན་པའི་འགྲོ་བ་མིའི་ཐོབ་ཐང་གི་གནས་སྟངས་ལ་འགན་འཁུར་དགོས་པ་གསུངས་འདུག དགེ་འདུན་པ་ཞིག་ལ་ལོ་ ༣ བཙོན་འཇུག་ཁྲིམས་ཐག་བཅད་འདུག ཆབ་མདོ་ཚ་བ་དཔའ་ཤོད་རྫོང་གི་གྲོང་སྡེ་གཉིས་ཀྱི་ས་ཁང་རྒྱ་གཞུང་གིས་བཙན་འཕྲོག ཡོ་རོབ་གྲོས་ཚོགས་ནང་དུ་སྐུ་ཞབས་ལིའུ་ཞོ་པོ་ལགས་དང་ཁོང་གི་ཟ་ཟླ་གློད་བཀྲོལ་དགོས་པའི་གྲོས་ཆོད་གཏན་འབེབས། Kokoxili གནད་དོན་ཐད་རྒྱལ་ཚོགས་ནས་རྒྱ་ནག་ལ་རྒྱབ་སྐྱོར་བྱེད་ན་རང་གི་ཆེ་མཐོང་གནོད་རྒྱུ་ཡིན་པ་གསུངས་འདུག Friday 07/07/2017 Tibetans celebrate Dalai Lama’s 82nd birthday Clear words for human rights in Tibet instead of Panda diplomacy Tibetan monk sentenced to 3 years in prison Tibetans in 2 village of Chamdo defy forced relocation order EP passes resolution for unconditional release of Liu Xiaobo and his wife Controversial China bid for heritage status in Tibet contravenes UNESCO values