Monthly Archives: August, 2017

ཉན་པ།: Listen ཕབ་ལེན། Download སྲིད་སྐྱོང་མཆོག་གིས་འདས་ལོ་༦༠དེ་ནོར་འཁྲུལ་དང་བློ་ཕམ་ཅན་ཞིག་ཡིན་པ་གསུངས་འདུག Locarno རྒྱལ་སྤྱིའི་གློག་བརྙན་དུས་སྟོན་ཁྲོད་བོད་པའི་གློག་བརྙན་སྐོར་ལས་རིམ་ཚོགས་འདུག ཤེས་རིག་ལས་ཁུངས་ནས་བྱིས་སྒྲུང་དེབ་ཕྲེང་བཞི་བཅུ་ཐམ་པ་འདོན་སྤེལ། ཡར་ཀླུང་གཙང་པོའི་ཁ་ཕྱོགས་ཤིང་ཅང་ཕྱོགས་སུ་བསྒྱུར་རྒྱུའི་གྲོས་བསྡུར་བྱེད་བཞིན་པ། གླུ་གཞས་ལས་རིམ། ནོར་བུ་བསམ་འཕེལ་ལགས་ཀྱི་སྐད་འཁོར་སེར་ཆེན་མེ་ཏོག Tuesday 08/08/2017 Past 60 years a mistake: Sikyong on Sino-Tibet relation Tibet Film Festival participates in Locarno Intl Film Festival DoE launches 40 children’s book Scholars mull project to divert water from Tibet to arid Xinjiang MUSIC FEATURE: Norbu Samphel and his album ‘Serchen Metok’

བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་ཁ་སང་ཨོ་སི་ཊོ་ལི་ཡའི་རྒྱལ་ས་ Canberra ནང་རྒྱ་རིགས་ཁག་ཅིག་ལ་གསུང་བཤད་གནང་སྐབས་རྒྱ་གཞུང་གིས་དམ་དྲག་ལ་ལྟོས་མེད་བོད་མིའི་ཕྱོགས་ནས་རྒྱ་རིགས་ཚོར་འཁོན་འཛིང་གི་བློ་ནམ་ཡང་བཅང་མྱོང་མེད་པ་དང་། རྒྱ་བོད་གཉིས་ཀྱི་འབྲེལ་ལམ་ཁྲོད་འདས་པའི་ལོ་ ༦༠ དེ་ཆེས་ནོར་འཁྲུལ་ཅན་ཞིག་ཡིན་པ་གསུངས་འདུག ཁ་སང་ཟླ་ ༨ ཚེས་ ༧ ཉིན་རྒྱ་བོད་མཛའ་འབྲེལ་ཚོགས་མི་རྣམ་པས་སྲིད་སྐྱོང་མཆོག་ལ་ Canberra ནང་ཡོད་པའི་ཐང་རྒྱལ་རབས་ཀྱི་ཟ་ཁང་དུ་གསོལ་ཚིགས་འདེགས་འབུལ་ཞུས་པ་དང་བསྟུན། སྲིད་སྐྱོང་མཆོག་གིས་བོད་བཙན་པོའི་རྒྱལ་རབས་དང་ཐང་རྒྱལ་རབས་དབར་བྱུང་བའི་ཐོག་མའི་འབྲེལ་ལམ་སྐོར་ངོ་སྤྲོད་གནང་པ་འབྲེལ། བོད་མི་ཚོའི་ངོས་ནས་དུས་ད་ལྟ་ཡང་ལྷ་སའི་གཙུག་ལག་ཁང་གི་རྟེན་གཙོ་ཇོ་བོ་ཤཱཀྱ་མུ་ནིའི་སྐུ་བརྙན་དང་དེ་བསྣམས་ཕེབས་མཁན་རྒྱ་བཟའ་ཀོང་ཇོ་གཉིས་ལ་དད་གུས་ཞུ་མུས་ཡིན་པ་དང་། རྒྱ་ནག་གཞུང་ཕྱོགས་ནས་དུས་རྟག་ཏུ་བོད་མིའི་ཐོག་ཚད་ལས་འགལ་བའི་དྲག་གནོན་བྱས་པ་མ་ཟད་ལྷག་དོན་ཇོ་ཁང་ངམ་གཙུག་ལག་ཁང་གི་ཡང་སྟེང་དང་དེའི་གཡས་གཡོན་སོགས་སུ་རྟག་ཏུ་དྲག་ཆས་དམག་མི་ཕོན་ཆེ་འགྲེམས་འཇོག་གིས་མཆོད་མཇལ་བ་རྣམས་ལ་དམ་དྲག་ཆེན་པོ་བྱེད་བཞིན་ཡོད་པ་སོགས་འགྲེལ་བརྗོད་གནང་འདུག སྲིད་སྐྱོང་མཆོག་གིས་བོད་བཙན་པོའི་རྒྱལ་རབས་དང་ཐང་རྒྱལ་རབས་བར་གྱི་འབྲེལ་ལམ་དང་ཡང་ན་དེའི་སྔོན་གྱི་འབྲེལ་ལམ་ལ་ཕྱི་ལྟ་བྱ་ཚེ། རྒྱ་བོད་གཉིས་ཀྱི་ལོ་རྒྱུས་ཀྱི་འབྲེལ་ལམ་ཁྲོད་ཉེ་བའི་ལོ་ ༦༠ དེའི་རིང་གི་འབྲེལ་ལམ་དེ་ཆེས་བློ་ཕམ་དང་ནོར་འཁྲུལ་ཅན་ཞིག་ལ་ངོས་འཛིན་ཞུ་བཞིན་ཡོད་ཅེས་གསུངས་པ་མ་ཟད། ང་ཚོས་དེ་སྔ་ཐང་རྒྱལ་རབས་སྐབས་བོད་མིར་གནས་བབས་གང་ཡོད་པ་དེ་ངོ་བཞེས་ཐུབ་ཀྱི་ཡོད་ཀྱང་། འདས་པའི་ལོ་ ༦༠ དེ་ཆེས་ནོར་འཁྲུལ་ཅན་གྱི་འབྲེལ་ལམ་ཞིག་ཆགས་ཡོད་པས་དེ་སླར་དགོས་སམ་ཞེ་ན་ངོས་ལེན་རྩ་བ་ནས་ཞུ་ཐུབ་ཐབས་མེད་ཅེས་གསུངས་འདུག ད་དུང་སྲིད་སྐྱོང་མཆོག་གིས་རྒྱ་རིགས་དེ་དག་ལ་བོད་མིའི་ངོས་ནས་རྒྱ་ནག་གི་ས་ཁོངས་བདག་དབང་དང་མེས་རྒྱལ་གཅིག་སྒྲིལ་བཅས་ལ་བསམ་ཤེས་ཐུབ་ཀྱི་ཡོད་པ་འགྲེལ་བརྗོད་དང་སྦྲགས། ༸གོང་ས་མཆོག་གིས་ལམ་སྟོན་མཛད་པའི་གཉིས་སྨན་དབུ་མའི་ལམ་གྱི་སྲིད་བྱུས་དེ་ནི་གཙོ་བོ་འདས་པའི་རྒྱ་བོད་གཉིས་དབར་གྱི་ལོ་རྒྱུས་རྒྱབ་ལྗོངས་ལ་གཞིགས་པའི་ཆེས་འཚམས་པ་ཞིག་ཆགས་ཀྱི་ཡོད་པ་དང་། སྲིད་བྱུས་དེ་ནི་རྒྱ་གཞུང་གི་རྩ་ཁྲིམས་ནང་གང་གསལ་བ་ལྟར་བོད་མི་ཚོས་མིང་དོན་མཚུངས་པའི་རང་སྲིད་རང་སྐྱོང་གི་གནས་བབས་རྩོད་བཞིན་ཡོད་ཅེས་བསྐྱར་ནན་གསུངས་འདུག གཞན་ཡང་ཁོང་སྒེར་གི་ངོས་ནས་བོད་མིའི་འཐབ་རྩོད་དེ་གོ་སྐབས་བཟང་པོ་ཞིག་ཏུ་ངོས་འཛིན་ཞུ་གྱི་ཡོད་པ་དང་། འཐབ་རྩོད་དེའི་བརྒྱུད་རྒྱ་ནག་མི་དམངས་སྤྱི་མཐུན་རྒྱལ་ཁབ་དེ་མང་གཙོར་ཤར་སྐྱོད་གནང་ནས་རྒྱ་རིགས་སྤྱི་དང་སྒོས་སུ་བོད་མི་བཅས་ལ་གང་མགྱོགས་རང་དབང་ཐོབ་པའི་རེ་བ་ཞུ་བཞིན་ཡོད་ཅེས་གསུངས་འདུག རྩ་བའི་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་ད་ཆ་ཨོ་སི་ཊོ་ལི་ཡ་ནང་གཞུང་འབྲེལ་སྐོར་སྐྱོད་གནང་བཞིན་པ་དང་བསྟུན། Guardian གསར་ཤོག་ཐོག་དཔྱད་རྩོམ་ཞིག་སྤེལ་པའི་ནང་རྒྱ་གཞུང་གིས་བོད་ནང་འཛུགས་སྐྲུན་ཀྱི་ལས་གཞི་གང་ཞིག་བརྩམ་རུང་དེ་དག་ཐམས་ཅད་ཁོར་ཡུག་དང་རིག་གཞུང་ལ་དོ་ཕོག་མི་འགྲོ་བ་དང་ས་གནས་ཀྱི་བོད་མིར་དཔལ་འབྱོར་གྱི་ཁེ་ཕན་སྐྲུན་ཐུབ་དགོས་ངེས་ཤིག་དགོས་གལ་ཡིན་པར་ནན་བརྗོད་གནང་འདུག སྲིད་སྐྱོང་མཆོག་གིས་སྤེལ་བའི་དཔྱད་རྩོམ་དེའི་ནང་བོད་འདི་ཨེ་ཤ་ཡའི་རྒྱལ་ཁབ་ཡོངས་རྫོགས་ཀྱི་ཆུའི་འབྱུང་ཁུངས་གཙོ་བོ་ཞིག་ཆགས་ཀྱི་ཡོད་པ་མ་ཟད། ཨེ་ཤ་ཡའི་རྒྱལ་ཁབ་ཁག་གི་མི་མང་ཐེར་འབུམ་གཅིག་དང་ཕྱེད་ཀ་ལྷག་ཙམ་གྱི་འཚོ་རྟེན་དང་འབྲེལ་བ་དམ་ཟབ་ཡོད་པ་མ་ཟད། ཆེས་ཐོག་མར་རྒྱ་ནག་གི་མི་མང་རྣམས་ལ་དོ་ཕོག་ཤུགས་ཆེ་ཐེབས་ངེས་ཡིན་པ་སོགས་གསུངས་འདུག རྒྱ་ནག་གི་ཚན་རིག་པ་ཚོས་འདས་པའི་ལོ་ཤས་རིང་བོད་ནང་རང་བྱུང་སྲུང་སྐྱོབ་ས་ཁུལ་ཇེ་མང་དུ་གཏང་དགོས་པའི་གྲོས་འཆར་གནང་པ་མ་ཟད། འདི་ལོའི་ཕྱི་ཟླ་བཞི་པའི་ནང་བོད་མཐོ་སྒང་གི་ས་ཁུལ་ཆ་ཚང་རྒྱལ་ཡོངས་རང་བྱུང་སྲུང་སྐྱོབ་ས་ཁུལ་དུ་བསྒྱུར་འཆར་ཡོད་པ་ཡོངས་བསྒྲགས་གནང་པ་བཅས་ནི་དགའ་བསུ་ཞུ་རྒྱུའི་རྣམ་པ་ཞིག་ཆགས་ཡོད་ཀྱང་། ལས་གཞི་དེ་དངོས་སུ་ལག་བསྟར་སྐབས་བོད་མཐོ་སྒང་གི་ཚོར་བ་རྣོ་བའི་ཁོར་ཡུག་གནས་བབས་ཐོག་ངེས་པར་དུ་དགོངས་པ་བཞེས་དགོས་པ་དང་། རྒྱ་གཞུང་གིས་དུས་ད་ལྟ་བར་དུ་བོད་མཐོ་སྒང་གི་ཁོར་ཡུག་སྲུང་སྐྱོབ་དང་འཛུགས་སྐྲུན་གྱི་ལས་གཞིར་ཁ་གཡར་ནས་བོད་ནང་གི་འབྲོག་པ་ས་ཡ་འགའ་ཤས་གནས་སྤོས་ཟིན་པ་དང་དེ་བཞིན་རྒྱ་རིགས་མི་འབོར་ཕོན་ཆེ་བོད་ནང་གཞི་སྤོས་བྱས་པ་མ་ཟད། ཆུ་མཛོད་གསར་རྒྱག་གི་ལས་གཞི་འོག་གང་བྱུང་གཏེར་ཁ་སྔོག་འདོན་སོགས་བྱས་པ་དེས་མི་ཐེར་འབུམ་དུ་མའི་འཚོ་རྟེན་ལ་དོ་ཕོག་འགྲོ་ངེས་ཡིན་པ་གསུངས་འདུག དེ་མཚུངས་སུ་རྒྱ་གཞུང་ནས་བོད་མཐོ་སྒང་ནང་འཛུགས་སྐྲུན་གྱི་ལས་གཞི་གང་ཞིག་བརྩམས་རུང་དེ་དག་ཐམས་ཟད་ཁོར་ཡུག་ལ་མི་གནོད་པ་དང་བོད་མིའི་གནའ་བོའི་གོམས་སྲོལ་དང་མཐུན་པ། དེ་བཞིན་དཔལ་འབྱོར་གྱི་ཐོག་ནས་ས་གནས་ཀྱི་བོད་མིར་ཁེ་ཕན་སྐྲུན་ཐུབ་པ་ཞིག་དགོས་གལ་ཡིན་པ་དང་། དེང་ཆར་བོད་མཐོ་སྒང་འདི་རྒྱ་གཞུང་གིས་ཆུ་མཛོད་རྒྱག་ས་དང་གཏེར་འདོན་ལས་གཞི་སྤེལ་ཡུལ་གཙོ་གྲས་ཤིག་ཆགས་ཡོད་པས་ཨེ་ཤ་ཡའི་ཁྱབ་ཁོངས་ཀྱི་ཆུའི་ས་ཁྲ་ལ་དོ་ཕོག་བཏང་བ་ཙམ་མིན་པར་བོད་ཀྱི་ཁྱིམ་མཚེས་རྒྱལ་ཁབ་ཡོངས་ཀྱི་ཁོར་ཡུག་གནས་སྟངས་ལ་ཉེན་ཚབས་ཆེན་པོ་བཟོ་ངེས་ཡིན་པའི་ཉེན་བརྡ་བཏང་ཡོད་པ་སོགས་བཀོད་འདུག

དེ་རིང་ཟླ་ ༨ ཚེས་ ༧ ཉིན་སྔ་དྲོ་རྒྱ་གར་གྱི་རྒྱལ་ས་ལྡི་ལིའི་ Taj Mansingh  གསོལ་མགྲོན་ཁང་དུ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དབུ་ཞུགས་ཐོག་ཨུ་རུ་སུའི་ཚན་རིག་པ་གྲགས་ཅན་ཁག་ཅིག་དང་ནང་པའི་མཁས་དབང་དབར་ཤེས་པའི་རང་བཞིན་ཐོག་གི་བགྲོ་གླེང་ཞིག་དབུ་འཛུགས་གནང་འདུག དེ་སྔོན་ཨུ་རུ་སུའི་ཚན་རིག་པ་ཁག་ཅིག་ནས་ཚན་རིག་དང་ནང་པའི་ལྟ་གྲུབ་དང་འབྲེལ་བའི་སེམས་དང་སྲོག་གི་བགྲོ་གླེང་སོགས་ཀྱི་ཐོག་ནང་མཉམ་ཞུགས་གནང་མྱོང་ཡོད་ཀྱང་། ༸གོང་ས་མཆོག་དབུ་བཞུགས་མཛད་ཐོག་ཨུ་རུ་སུའི་ཚན་རིག་པ་དང་ནང་པའི་མཁས་དབང་དབར་ལོགས་སུ་བགྲོ་གླེང་གནང་པ་འདི་ནི་ཆེས་ཐོག་མ་དེ་ཆགས་ཀྱི་ཡོད་པ་རེད། ཐེངས་འདིའི་བགྲོ་གླེང་ལྷན་ཚོགས་ནི་རུ་སོག་བོད་ཀྱི་དོན་གཅོད་ཁང་དང་། Russian Academy of Science འམ་ཨུ་རུ་སུའི་ཚན་རིག་སློབ་གཉེར་ཁང་། Moscow State University འམ་མོས་ཀོ་མངའ་སྡེའི་གཙུག་ལག་སློབ་གཉེར་ཁང་བཅས་ཐུན་མོང་གིས་གོ་སྒྲིག་ཞུས་པ་ཞིག་ཡིན་པ་དང་།   དེའང་དེ་རིང་ཚེས་ ༧ ཉིན་དབུ་འཛུགས་ཀྱིས་ཉིན་གྲངས་གཉིས་རིང་འཚོགས་རྒྱུའི་བགྲོ་གླེང་དེའི་ཐོག་ཨུ་རུ་སུའི་ཚན་རིག་པ་གྲགས་ཅན་མི་གྲངས་བདུན་གྱིས་གཙོས་པའི་ནང་པའི་མཁས་དབང་སོགས་མི་གྲངས་ ༥༠ ལྷག་ནས་མཉམ་ཞུགས་གནང་འདུག འདི་ག་རླུང་འཕྲིན་ཁང་གི་གསར་འགོད་པས་ཐེངས་འདིའི་བགྲོ་གླེང་གོ་སྒྲིག་ཞུ་མཁན་གཙོ་བོ་རུ་སོག་བོད་ཀྱི་དོན་གཅོད་ཁང་གི་སྐུ་ཚབ་ཏེ་ལོ་རིན་པ་ཆེ་མཆོག་ལ་བགྲོ་གླེང་གནང་སྒོ་ཁག་དངའབྲེལ་བའི་བཅའ་འདྲི་ཁག་ཅིག་ཞུས་ཡོད།  

ཉན་པ།: Listen ཕབ་ལེན། Download ༸གོང་ས་མཆོག་དབུ་བཞུགས་ཐོག་ཨུ་རུ་སུའི་ཚན་རིག་པ་དང་ནང་པའི་མཁས་པ་དབར་ཤེས་པའི་རང་བཞིན་ཐོག་བགྲོ་གླེང་ཐེངས་དང་པོ་གནང་འདུག ༸གོང་ས་མཆོག་གིས་རྒྱ་དཀར་ནག་གཉིས་གྲོགས་པོ་བྱས་ནས་བཞུགས་རྒྱུ་ནི་ཐབས་ལམ་ཡག་ཤོས་རེད་ཅེས་བཀའ་བསྩལ་བ། བོད་མི་ཚོས་རྒྱ་གར་གྱི་ Rakshabandhan ཉིན་མོ་སྲུང་བརྩི། སྲིད་སྐྱོང་མཆོག་གིས་Australia འི་གཞུང་ལ་དབུ་མའི་ལམ་སྲིད་བྱུས་ལ་རྒྱབ་སྐྱོར་གནང་དགོས་པའི་འབོད་སྐུལ་ཞུས་འདུག ༸གོང་ས་མཆོག་གིས་གསར་དུ་བསྐོ་གཞག་བྱུང་བའི་རྒྱ་གར་སྲིད་འཛིན་གཞོན་པ་ལ་འཚམས་འདྲི་མཛད་འདུག བོད་པའི་རྒྱལ་ཞེན་རིང་ལུགས་ཀྱི་ལྟ་གྲུབ་དེ་བྱམས་བརྩེ་སོགས་ལ་གཞི་བཅོལ་བའི་ལྟ་གྲུབ་ཁྱད་ཆོས་ལྡན་པ་ཞིག་རེད་ཅེས་གསུངས་འདུག Monday 07/08/2017 Dalai Lama leads dialogue with Russian scientists on "The Nature of Consciousness" in Delhi ‘Hindi Chini bhai bhai’, only realistic approach: Dalai Lama on Doklam Standoff Tibetan women celebrate Raksha Bandhan, seek support to Tibet from Indian brothers Sikyong calls for Australia's support for Tibetan Middle Way policy Dalai Lama congratulates India’s Vice President Elect Shri. Venkaiah Naidu

བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་ཨོ་སི་ཊོ་ལི་ཡ་ནང་དུ་གཞུང་འབྲེལ་སྐོར་སྐྱོད་གནང་བཞིན་པ་དང་བསྟུན། ཡུལ་དེའི་ནང་གི་གསར་འགྱུར་བརྒྱུད་ལམ་ཁག་དང་མཇལ་འཕྲད་སྐབས་ཨོ་སི་ཊོ་ལི་ཡ་གཞུང་གི་ངོས་ནས་བོད་མིའི་གཉིས་སྨན་དབུ་མའི་ལམ་གྱི་སྲིད་བྱུས་ལ་རྒྱབ་སྐྱོར་གནང་དགོས་པའི་འབོད་སྐུལ་ཞུས་འདུག དེ་ཡང་ཁ་ཉིན་ཕྱི་ཚེས་ ༥ ཉིན་ Sydney ནང་གི་སྙན་སྒྲགས་ཆེ་བའི་ Opera House ཚོགས་ཁང་དུ་བོད་དོན་གསུང་བཤད་ཀྱི་ལས་རིམ་གྲུབ་རྗེས་ཕྱི་ཚེས་ ༦ ཉིན་ཡུལ་དེའི་ Fairfax Media ཞེས་པའི་ Australia དང་། New Zealand གཉིས་ནང་གི་གསར་ཁང་ཆེ་ཤོས་ཀྱི་བཅར་འདྲི་དང་ལེན་གནང་པར་རྒྱ་ནག་ཞུང་གིས་བོད་ནང་དྲག་གནོན་གྱི་ལས་དོན་མཚམས་འཇོག་ཐོག་རྒྱ་གཞུང་གི་རྩ་ཁྲིམས་ནང་གསལ་ལྟར་བོད་མིར་མིང་དོན་མཚུངས་པའི་རང་སྲིད་རང་སྐྱོང་གི་ཁེ་དབང་སྤྲད་པ་ཡིན་ན། བོད་མིའི་ངོས་ནས་རྒྱ་ནག་ནས་ཁ་བྲལ་རྩོད་ཀྱི་མ་རེད་ཅེས་དང་། གནད་དོན་དེ་དོན་སྨིན་སོན་པར་ཨོ་སི་ཊོ་ལི་ཡ་གཞུང་གི་ངོས་ནས་བོད་མིའི་གཉིས་སྨན་དབུ་མའི་ལམ་གྱི་སྲིད་བྱུས་འོག་བོད་མིར་མིང་དོན་མཚུངས་པའི་རང་སྲིད་རང་སྐྱོང་ཡོང་བར་རྒྱབ་སྐྱོར་གནང་དགོས་པའི་འབོད་སྐུལ་ཞུས་འདུག སྲིད་སྐྱོང་མཆོག་གིས་སྐབས་དེར་ད་དུང་ད་ལྟ་བོད་རང་སྐྱོང་ལྗོངས་ཟེར་བའི་འགོ་ཁྲིད་ནི་རྒྱ་ནག་དམར་ཤོག་ཚོགས་པའི་བསྐོ་གཞག་བྱས་པའི་རྒྱ་རིགས་དཔོན་པོ་ཞིག་ཡིན་ཀྱང་། སྲིད་སྐྱོང་མཆོག་ནི་བོད་མི་མང་གིས་རྒྱབ་སྐྱོར་གནང་ཐོག་བོད་མིའི་འགོ་ཁྲིད་ཅིག་ལ་བསྐོ་གཞག་གནང་ཡོད་སྐོར་གསུང་པ་དང་འབྲེལ། དེ་སྔ་ཕྱི་ལོ་ ༢༠༡༡ ལོར་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཆབ་སྲིད་ཀྱི་སྐུ་དབང་ཡོངས་རྫོགས་མི་མང་ནས་འོས་འདེམས་བྱས་པའོ་འགོ་ཁྲིད་ལ་གསོམ་སྩལ་གནང་ཡོད་པ་ལུང་འདྲེན་གྱིས་དེ་ནི་མ་འོངས་པར་བོད་མིའི་འཐབ་རྩོད་དེ་གང་ཟག་གཅིག་ལ་རག་ལུས་མེད་པས་བོད་མི་ཚོས་རྒྱུན་སྐྱོང་གནང་ཐུབ་རྒྱུ་ཡོད་པ་ཞིག་ཡིན་པ་མངོན་གསལ་གནང་འདུག ལྷག་པར་དུ་སྲིད་སྐྱོང་མཆོག་གིས་དེང་སྐབས་བོད་མཐོ་སྒང་གི་ཚོར་བ་རྣོ་བའི་ཁོར་ཡུག་ཐོག་རྒྱ་གཞུང་གིས་རྒྱ་རིགས་མི་འབོར་ཕོན་ཆེ་གཞི་སྤོས་བྱེད་བཞིན་ཁར་འཛུགས་སྐྲུན་གྱི་ལས་གཞི་ཤུགས་ཆེ་སྤེལ་བ་དེ་དག་གིས་བོད་ཀྱི་ཁོར་ཡུག་སྤྱི་དང་སྒོས་མི་མང་ཐེར་འབུམ་གཅིག་དང་ཕྱེད་ཀ་ལྷག་ཙམ་གྱི་འཚོ་རྟེན་དང་འབྲེལ་བ་དམ་ཟབ་ཡོད་པ་མ་ཟད། ཆེས་ཐོག་མར་རྒྱ་ནག་གི་མི་མང་རྣམས་ལ་དོ་ཕོག་ཤུགས་ཆེ་ཐེབས་ངེས་ཡིན་པ་སོགས་གསུངས་འདུག དེ་བཞིན་ཁོང་རང་ཉིད་བཙན་བྱོལ་ནང་དུ་སྐྱེས་པའི་བོད་མི་ཞིག་ཡིན་པའི་ཆ་ནས་བོད་མཐོང་མྱོང་མེད་ནའང་༸གོང་ས་༸སྐྱབས་མགོན་ཆེན་པོ་མཆོག་གི་བཞུགས་གནས་ངོ་མ་ལྷ་ས་ནང་དུ་ཕྱིར་ཕེབས་ཐུབ་པར་རེ་བ་ཞུ་བཞིན་ཡོད་སྐོར་དང། Australia མང་ཚོགས་ཀྱི་ངོས་ནས་ད་བར་རྒྱབ་སྐྱོར་གང་ཐུབ་གནང་པར་ཐུགས་རྗེ་ཆེ་ཞུས་པ་འབྲེལ་ནམ་ཞིག་བོད་མིའི་བདེན་དོན་དེ་སེལ་ཐུབ་ངེས་ཡིན་པས་ཨོ་སི་ཊོ་ལི་ཡ་གཞུང་མང་གཉིས་ནས་རྒྱབ་སྐྱོར་མི་མཐུད་གནང་རོགས་ཞེས་འབོད་སྐུལ་ཞུས་འདུག རྩ་བའི་སྲིད་སྐྱོང་མཆོག་ཕྱི་ཚེས་ ༥ ཉིན་ Sydney ནང་གི་ལས་རིམ་གྲུབ་རྗེས་ཁ་སང་ཕྱི་ཚེས་ ༦ ཉིན་སྔ་དྲོ་ཁུལ་དེའི་རྒྱ་རིག་མང་ཚོགས་ལྷན་དུ་ད་ལྟའི་བོད་ནང་གི་གནས་སྟངས་ལ་གཞིགས་པའི་མ་འོངས་བོད་ཀྱི་གནས་བབས་ཞེས་པའི་བརྗོད་གཞིའི་ཐོག་གྲོས་བསྡུར་ལས་རིམ་ནང་མཉམ་ཞུགས་གནང་པ་མ་ཟད། ཉིན་རྒྱབ་ཏུ་ New South Wales མངའ་ཁུལ་དུ་གནས་སྡོད་བོད་རིག་མང་ཚོགས་རྣམས་དང་མཇལ་འཕྲད་གནང་ཡོད་པ་རེད་འདུག  

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཁ་སང་ཕྱི་ཚེས་ ༦ ཉིན་རྒྱལ་ས་ལྡི་ལིར་རྟེན་གཞི་བྱས་པའི་རྒྱ་གར་གྱི་ Times now གསར་ཁང་གི་གསར་འགོད་པ་ Srinjoy Chowdhury ལགས་ཀྱིས་བཀའ་འདྲི་ཞུས་པའི་ལས་རིམ་ཞིག་ཐོག་རྒྱ་དཀར་ནག་གཉིས་ཀྱི་རྩོད་རྙོག་ཁག་སེལ་ཐབས་སུ་ཕྱོགས་གཉིས་གྲོགས་པོ་བྱས་ནས་བསྡད་རྒྱུ་ནི་ཐབས་ལམ་ཡག་ཤོས་རེད་ཅེས་བཀའ་སྩལ་འདུག གསར་འགོད་པ་ Srinjoy Chowdhury ལགས་ནས་༸གོང་ས་མཆོག་ལ་ཐུན་མོང་མ་ཡིན་པའི་གནའ་བོའི་རིག་གཞུང་ཁག་དེང་གི་སྤྱི་ཚོགས་ནང་འབྲེལ་བ་གང་ཡོད་མེད་དང་། མགོན་པོ་༸གང་ཉིད་མཆོག་གི་༸སྐུའི་ཡང་སྲིད་ཀྱི་གནད་དོན། དེ་བཞིན་རྒྱ་ནག་གི་དྲག་རྩུབ་སྲིད་བྱུས་ཆེ་རུ་འགྲོ་བཞིན་པ་སོགས་ཀྱི་ཐོག་བཀའ་འདྲི་ཞུས་འདུག ལྷག་པར་དུ་སྐབས་དེར་གསར་འགོད་པས་རྒྱ་ནག་ཕྱོགས་ནས་འདས་པའི་ལོ་དུས་ནང་ལ་མགོན་པོ་༸གང་ཉིད་མཆོག་ཙམ་མ་ཟད། རྒྱ་གར་ལ་ཡང་དྲག་རྩུབ་བྱེད་ཤུགས་ཆེ་རུ་བཏང་པ་དང་ད་ལྟའི་ཆར་རྒྱ་གར་དང་རྒྱ་ནག འབྲུག་ཡུལ་བཅས་ཀྱི་ས་མཚམས་སུ་ཆགས་པའི་འབྲོག་ལམ་ཁུལ་དུ་རྒྱ་དཀར་ནག་གཉིས་ཀྱི་དབར་ལ་རྩོད་རྙོག་འགྲོ་བཞིན་པའི་ཐད་བཀའ་འདྲི་ཞུས་པར་༸གང་ཉིད་མཆོག་ནས་ཁུལ་དེར་རྒྱ་དཀར་ནག་གཉིས་པོ་དབར་དཀའ་རྙོག་འཕྲད་བཞིན་པ་དེ་རྒྱ་ནག་བོད་ནང་དུ་བཙན་འཛུལ་བྱས་རྗེས་བྱུང་བ་ཞིག་ཡིན་པར་བཀའ་འགྲེལ་གནང་པ་དང་ཆབས་ཅིག་ཏུ་ད་ལྟའི་ཆར་རྒྱ་དཀར་ནག་གཉིས་ཀ་རྒྱལ་སྤྱིའི་ཐོག་ལོ་རྒྱུས་ལྡན་པའི་རྒྱལ་ཁབ་ཆེན་པོ་ཞིག་ཆགས་ཀྱི་ཡོད་སྟབས། གནད་དོན་གང་འདྲ་ཞིག་ཡིན་རུང་ཕྱོགས་གཉིས་དབར་ལ་གཅིག་ཕན་གཅིག་གྲོགས་བྱས་ཏེ་གནས་རྒྱུ་གལ་ཆེན་པོ་ཡིན་པ་མ་ཟད། ལྷག་པར་དུ་ད་ལྟའི་རྩོད་རྙོག་དེ་སེལ་ཐབས་སུ་རྒྱ་དཀར་ནག་གཉིས་གྲོགས་པོ་བྱས་ནས་བསྡད་རྒྱུ་ནི་ཐབས་ལམ་ཡག་ཤོས་རེད་ཅེས་བཀའ་སྩལ་འདུག མགོན་པོ་མཆོག་ནས་རྒྱ་གཞུང་གི་དྲག་པོའི་སྲིད་བྱུས་རྒྱ་སྐྱེད་འགྲོ་བཞིན་པ་དང་འབྲེལ། ལྟ་བ་མཁྲེགས་བཟུང་ཅན་གྱི་རྒྱ་གཞུང་འགོ་ཁྲིད་ཚོས་རྣམ་ཀུན་གཏན་ལྷིང་དང་གཅིག་སྒྲིལ་དགོས་སྐོར་བཤད་བཞིན་ཡོད་ཀྱང་། དོན་དངོས་ཐོག་དྲག་པོ་ཁོ་ནར་བརྟེན་ནས་མང་ཚོགས་ཁྲོད་འཇིགས་སྣང་དང་ཡིད་ཆེས་མེད་པའི་བསམ་བློ་རྒྱ་སྐྱེད་དུ་གཏོང་མུས་ཡིན་པ་དེས་ཕུགས་རྒྱང་རིང་པོར་དོན་ཕན་གསོན་དཀའ་བ་དང་གཏན་ལྷིང་ལྡན་པའི་ཁོར་ཡུག་བསྐྲུན་དཀའ་བའི་གནས་ཡིན་པ་བཀའ་ནན་སྩལ་འདུག དེ་བཞིན་སྐབས་དེར་གསར་འགོད་པས་༸སྐུའི་ཡང་སྲིད་ཀྱི་གནས་དོན་སྐོར་བཀའ་འདྲི་ཞུས་པར་༸གོང་ས་མཆོག་ནས་ཞལ་མོ་བཞེས་ཏེ་༸སྐུའི་ཡང་སྲིད་ཀྱི་གནད་དོན་ཐད་ལ་མགོན་པོ་མཆོག་ལས་ཀྱང་རྒྱ་ནག་གཞུང་ནས་སེམས་ཚབས་མང་བ་བྱེད་བཞིན་ཡོད་སྐོར་བཀའ་སྩལ་དང་འབྲེལ། ༸གོང་ས་མཆོག་གིས་རིང་མིན་ཆོས་ཕྱོགས་ཀྱི་དབུ་ཁྲིད་རྣམ་པ་དང་ལྷན་དུ་དེ་འབྲེལ་ཐོག་གྲོས་བསྡུར་ཞུ་འཆར་ཡོད་ཅེས་བཀའ་ལན་སྩལ་པ་དང་ཆབས་ཅིག རྒྱ་བོད་གཉིས་ཀྱི་གནད་དོན་ཁྲོད་བོད་མི་རྣམས་ནས་རང་བཙན་རྩོད་ཀྱི་མེད་ཀྱང་། བོད་མི་རྣམས་རང་ཉིད་ཀྱི་ཐུན་མོང་མ་ཡིན་པའི་སྐད་ཡིག་དང་རིག་གཞུང་། ལྷག་པར་དུ་དཔལ་ནཱ་ལེནྡྲ་ནས་བརྒྱུད་པའི་ཐུན་མོང་གི་རིག་གནས་ཁག་མི་ཉམས་རྒྱུན་འཛིན་ཐུབ་ཆེད་མིང་དོན་མཚུངས་པའི་རང་སྐྱོང་གི་གནས་བབས་ཤིག་རྩོད་བཞིན་ཡོད་པ་བཀའ་སློབ་ནན་པོ་མཛད་འདུག སྐབས་དེར་གསར་འགོད་པ་ Chowdhury ལགས་ཀྱིས་བཀའ་འདྲི་ཞུས་པའི་ལས་རིམ་ཐོག་ད་ལྟའི་རྒྱ་གར་གྱི་གནས་སྟངས་དང་འབྲེལ། སྲིད་བློན་མོ་དི་མཆོག་གིས་དབུ་ཁྲིད་པའི་འོག་རྒྱ་གར་དེ་དེང་སྐབས་རྒྱལ་སྤྱིའི་རྒྱལ་ཁབ་མང་པོ་ཞིག་ནས་ཆེ་མཐོང་དང་དོ་སྣང་བྱེད་ས་ཞིག་ཏུ་འགྱུར་ཡོད་པ་དེ་བཟང་ཕྱོགས་ཀྱི་རྣམ་པ་ཞིག་ཡིན་པ་དང་། ལྷག་པར་དུ་རྒྱ་གར་འདི་བཞིན་འཛམ་གླིང་སྟེང་གི་མང་གཙོའི་རྒྱལ་ཁབ་ཆེ་ཤོས་དེ་ཆགས་ཡོད་པས་རྒྱལ་སྤྱིའི་ཁྲོད་འགན་མང་ཙམ་བཞེས་རྒྱུ་གནད་ཆེ་ཡིན་པ་བཀའ་སྩལ་འདུག

ཉན་པ།: Listen ཕབ་ལེན། Download འདས་པའི་བདུན་གཅིག་ནང་གི་གལ་ཆེའི་གསར་འགྱུར་ཁག་ལ་བསྐྱར་ཞིབ། Sunday 06/08/2017 Week Review

ཉན་པ།: Listen ཕབ་ལེན། Download རྒྱ་གཞུང་གིས་བྱམས་པ་ཆོས་རྒྱལ་ལགས་འཛིན་བཟུང་བཀག་ཉར་བྱས་འདུག Italy གཞུང་ནས་བོད་མིའི་སྐྱབས་བཅོལ་ལག་དེབ་གསེར་པོར་ངོས་ལེན་གནང་རྒྱུ། སྲིད་སྐྱོང་མཆོག་ནས་སྙན་གྲགས་ཆེ་བའི་Sydney Opera House ནང་བོད་དོན་གསུང་བཤད་གནང་འདུག བོད་ནང་གཏེར་ཁ་བསྔོག་འདོན་རྐྱེན་པས་ཁྲུང་ཁྲུང་གི་འཚོ་གནས་ལ་ཉེན་འཚབ་བཟོ་བཞིན་པ། འབྲོག་ལམ་གྱི་རྩོད་རྙོག་ཁྲོད་རྒྱ་དཀར་ནག་དབར་ལ་དམག་འཁྲུག་བྱུང་སྲིད་པའི་ཉེན་བརྡ་བཏང་འདུག དམིགས་བསལ་ལེ་ཚན། ༸གོང་ས་མཆོག་གིས་ཐེ་ཝན་དད་ལྡན་པར་དབུ་མ་བཞི་བརྒྱ་པའི་བཀའ་ཆོས་བསྩལ་བའི་ཚན་པ། Saturday 05/08/2017 Tibetan arrested from Drakyab County, Chamdo Italian Government confirms the right of Tibetan refugees to travel to Italy Sikyong talks on Tibet in the 21st century at Sydney Opera House Mining in Tibet poses threat to black-necked cranes India being reckless over Doklam stand-off, pushing India to war: Chinese editorial FEATUR: Dalai Lama teaches on Aryadeva’s 400 Verses on the Middle Way

ཉན་པ།: Listen ཕབ་ལེན། Download ༸གང་ས་མཆོག་གིས་ཨུ་རུ་སུའི་ཁྱབ་ཁོངས་ཀྱི་ནང་པ་ཚོ་ལའང་ཕན་ཐོགས་བསྒྲུབ་ཐུབ་པའི་སྨོན་ལམ་རྒྱག་གི་ཡོད་ཅེས་བཀའ་གནང་འདུག དགའ་ལྡན་ཁྲི་ཐོག་༡༠༤པའི་ཁྲི་འདོན་མཛད་སྒོ་ཚོགས་འདུག ༸གོང་ས་མཆོག་གི་ཆིབས་སྒྱུར་གནད་དོན་རྐྱེན་པས་Bostwana ལ་དཔལ་འབྱོར་གྱི་གྱོང་རྒུད་ཕོག་གི་མ་རེད་གསུངས་འདུག དམིགས་བསལ་ལེ་ཚན། ཚོང་ར་.Com ཞེས་དྲ་ཐོག་ཚོང་ལས་གཉེར་ཕྱོགས་སྐོར། Friday 04/08/2017 Dalai Lama speaks to Russian Media, express wish to interact and help Buddhists there 104th Gaden Tripa enthronement ceremony held in Mundgod Experts say Beijing’s threats of economic sanctions on Botswana exaggerated DIASPORA FEATURE: ‘Tsongra.com’ online Tibetan business startup