ARCHIVE
Monthly Archives: August, 2017
༸གོང་ས་མཆོག་གིས་ཨུ་རུ་སུའི་ཁྱབ་ཁོངས་ཀྱི་ནང་པ་ཚོ་ལའང་ཕན་ཐོགས་བསྒྲུབ་ཐུབ་པའི་སྨོན་ལམ་རྒྱག་གི་ཡོད་ཅེས་བཀའ་གནང་པ།
vot.org -
བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཁ་སང་ཕྱི་ཚེས་ ༣ ཉིན་རྒྱ་གར་གྱི་རྒྱལ་ས་ལྡི་ལིར་ཨུ་རུ་སུའི་གསར་འགོད་པ་ Dmitry Portnyagin ལགས་ཀྱིས་བཀའ་འདྲི་ཞུས་པའི་ལས་རིམ་ཞིག་གི་ཁྲོད། མགོན་པོ་༸གང་ཉིད་མཆོག་གིས་ཨུ་རུ་སུ་ནང་ཆིབས་སྒྱུར་བསྐྱང་ཐུབ་ཀྱི་མེད་ནའང། ཁུལ་དེའི་ནང་གི་ནང་པ་ཚོ་ལ་ཕན་ཐོགས་བསྒྲུབ་ཐུབ་པའི་དགོངས་པ་བཞེས་གནང་གི་ཡོད་སྐོར་བཀའ་གནང་འདུག
དེ་ཡང་གསར་འགོད་པ་སྐུ་ཞབས་ Dmitry Portnyagin ལགས་ནས་ཁ་སང་༸གོང་ས་༸སྐྱབས་མགོན་ཆེན་པོ་མཆོག་ལྡི་ལིར་བཞུགས་ཞག་མཛད་པ་དང་བསྟུན་བཀའ་འདྲི་ཞུ་རྒྱུའི་གོ་སྐབས་ཐོབ་དོན་ལྟར་ཁོང་གིས་༸གོང་ས་མཆོག་ལ་དེང་དུས་ཕྱི་དངོས་པོ་ཡར་རྒྱས་འགྲོ་བ་དང་མཉམ་དུ་ཆོས་ཀྱི་བསླབ་བྱ་དེ་དོ་མཉམ་པ་ཇི་ལྟར་ཡོང་ཚུལ་དང་། དེ་བཞིན་འཛམ་གླིང་འདི་ད་ལྟ་ལས་ལྷག་པའི་ཞི་བདེ་ཡོང་ཐུབ་མིན་སོགས་ཀྱི་ཐོག་བཀའ་འདྲི་ཞུས་འདུག
ལྷག་པར་གསར་འགོད་པ་སྐུ་ཞབས་ Portnyagin ལགས་དང་དེ་བཞིན་སྐབས་དེར་ཁོང་དང་ལྷན་དུ་ཡོད་པ་ཨུ་རུ་སའི་རྒྱལ་ས་ Moscow འི་ Synergy Business སློབ་གྲྭའི་སློབ་སྤྱི་ Grigory Avetov ལགས་གཉིས་ནས་༸གོང་ས་མཆོག་ལ་རིང་མིན་འདི་ལོའི་ཕྱི་ཟླ་ ༡༡ ནང་དུ་སློབ་གྲྭ་དེའི་ནང་འཚོགས་འཆར་ཡོད་པའི་ Synergy རྒྱལ་སྤྱིའི་ལྷན་ཚོགས་ཐོག་མགོན་པོ་མཆོག་ཆིབས་སྒྱུར་བསྐྱང་ཐུབ་མིན་གསོལ་འདེབས་ཞུས་པར་༸གོང་ས་མཆོག་ཞལ་མོ་བཞེས་ནས་དེང་སང་རང་གི་རྒྱལ་ཁབ་ནང་སུ་གདན་འདྲེན་ཞུ་མིན་རྒྱ་ནག་ལ་ཆོག་མཆན་ཞུ་དགོས་པ་ལྟར་ཆགས་ཡོད། རྒྱ་གཞུང་གི་འགོ་ཁྲིད་ཚོས་༸གང་ཉིད་མཆོག་ལ་ཁ་བྲལ་བ་དང་འཇིགས་སྐུལ་བ། དེ་བཞིན་འདྲེ་རེད་ཅེས་བརྗོད་ཀྱི་ཡོད་སྟབས་༸གང་ཉིད་མཆོག་ཁུལ་དེར་ཆིབས་སྒྱུར་བསྐྱང་ཐུབ་རྒྱུ་ཁག་པོ་ཡིན་པ་གསུངས་འདུག འོན་ཀྱང་༸གོང་ས་མཆོག་གིས་ཨུ་རུ་སུའི་ཁྱབ་ཁོངས་ Kalmykia དང་། Buryatia དེ་བཞིན་ Tuva སྤྱི་མཐུན་རྒྱལ་ཁབ་ཀྱི་མང་ཚོགས་རྣམས་ནི་བོད་པ་ལྟར་དཔལ་ནཱ་ལེནྜའི་ཆོས་བརྒྱུད་ཉམས་ལེན་གནང་མཁན་གཅིག་མཚུངས་ཆགས་ཀྱི་ཡོད་སྟབས། ༸གང་ཉིད་མཆོག་ནས་ག་དུས་ཡིན་ཡང་ཨུ་རུ་སུའི་ཁྱབ་ཁོངས་ཀྱི་ནང་པ་ཁོང་ཚོ་ལའང་ཕན་ཐོགས་བསྒྲུབ་ཐུབ་པའི་སྨོན་ལམ་རྒྱག་གི་ཡོད། སྨོན་ལམ་དེ་ད་ལྟ་འབྲས་བུ་སྨིན་རྒྱུ་རེད་ཅེས་བཀའ་ལན་བསྩལ་འདུག
དེ་བཞིན་༸གོང་ས་མཆོག་གིས་གསར་འགོད་པས་བཀའ་འདྲི་ཞུས་ཁག་ཅིག་ལ་བཀའ་ལན་གནང་པའི་ཁྲོད་དེ་རིང་སང་ཉིན་ང་ཚོར་འ
ཕྲད་བཞིན་པའི་དཀའ་ངལ་མང་ཆེ་བ་ནི་མིས་བཟོས་པ་ཤ་སྟག་ཆགས་ཀྱི་ཡོད་པ་དང་། དེ་དེ་བཞིན་ཕྱི་དངོས་པོ་ཡར་རྒྱས་ག་ཚོད་སོང་ཡང་དེ་གཅིག་པུས་འགྲོ་བ་མི་ལ་བདེ་སྐྱིད་སྤྲོད་ཐུབ་ཐབས་མེད་པས་མི་གཞན་ཕུན་ཚུན་གྱི་བདེ་སྡུག་ལ་སེམས་ཚོར་ཡོད་པ་དང་རང་གཞན་ཀུན་ལ་འགྲོ་བ་མི་ཡིན་པའི་གཅིག་གྱུར་གྱི་འདུ་ཤེས་དགོས་རྒྱུ་ནི་ཤིན་ཏུ་ནས་གལ་གནད་ཆགས་ཡོད། མིའི་ལྷན་སྐྱེས་སུ་བྱམས་བརྩེ་ལྡན་པ་ཞིག་ཆགས་ཀྱི་ཡོད་སྟབས་ང་ཚོར་རེ་བ་ཏན་ཏན་ཡོད་པ་སོགས་ལམ་སྟོན་རྒྱ་ཆེ་མཛད་འདུག
གཞི་རྩའི་༸གོང་ས་༸སྐྱབས་མགོན་ཆེན་པོ་མཆོག་ཁ་ཉིན་ཟླ་ ༨ ཚེས་ ༢ ཉིན་ལ་དྭགས་ནས་རྒྱལ་ས་ལྡི་ལིར་༸ཞབས་སོར་འཁོད་ཡོད་པ་རེད། མཛད་འཆར་ལྟར་ཕྱི་ཚེས་ ༧ དང་ ༨ བཅས་སུ་ལྡི་ལིར་ཨུ་རུ་སུའི་ཁྱབ་ཁོངས་ནས་ཕེབས་པའི་ཚན་རིག་པ་དང་མཁས་པ་ཁག་ཅིག་གི་བགྲོ་གླེང་ཚོགས་འདུར་ཚོགས་མགོན་དུ་ལྷན་བཞུགས་མཛད་ཀྱི་ཡོད་པ་རེད།
རྗེ་བཙུན་བློ་བཟང་བསྟན་འཛིན་དཔལ་བཟང་པོ་མཆོག་ལ་དགའ་ལྡན་ཁྲི་ཐོག་ ༡༠༤ པའི་ཁྲི་སྟོན་མངའ་གསོལ་གཟབ་རྒྱས་ཞུས་པ།
vot.org -
བོད་མིའི་བླ་ན་མེད་པའི་དབུ་ཁྲིད་སྤྱིི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་འདི་ལོ་ ༢༠༡༧ ལོའི་ཟླ་ ༦ ཚེས་ ༡༢ ཉིན་བྱང་རྩེ་ཆོས་རྗེ་རྗེ་བཙུན་བློ་བཟང་བསྟན་འཛིན་དཔལ་བཟང་པོ་མཆོག་དགའ་ལྡན་ཁྲི་ཐོག་ ༡༠༤ པར་བསྐོ་གཞག་གི་བཀའ་ཡིག་ཕྱག་རྟགས་ཕེབས་དོན་ལྟར། དེ་རིང་ཚེས་ ༤ ཉིན་དགའ་ལྡན་ཚོགས་ཆེན་དང་དགའ་ལྡན་ཁྲི་ཐོག་ཁང་གཉིས་ཀྱི་ནང་དུ་དངོས་སུ་དགའ་ལྡན་ཁྲི་པའི་ཁྲི་ལ་མངའ་གསོལ་གྱི་རྟེན་འབྲེལ་མཛད་སྒོ་གཟབ་རྒྱས་ཤིག་ཚོགས་གནང་ཡོད་པ་རེད། དེ་རིང་ཟླ་ ༨ ཚེས་ ༤ ཉིན་སྔ་དྲོ་ཚོུད་ ༥།༣༠ ཐོག་སྐུ་མགྲོན་དུ་བོད་མིའི་སྒྲིག་འཛུགས་ཀྱི་སྐུ་ཚབ་ཆོས་རིག་བཀའ་བློན་གཡུ་ཐོག་ཀརྨ་དགེ་ལེགས་མཆོག་དང་། ཤར་པ་ཆོས་རྗེ་རིན་པོ་ཆེ་མཆོག འབྲས་སྤུངས་ཁྲི་པ་རིན་པོ་ཆེ་མཆོག གདན་ས་ཆེན་པོ་གསུམ་གྱི་མཁན་པོ་དང་མཁན་ཟུར། ཕྱག་མཛོད་སྐུ་ཚབ་རྣམ་པ། དགེ་ལུགས་སྤྱི་འཐུས། གཞན་ཡང་ལྷོ་སྤྱི་དབུས་གཞུང་འབྲེལ་དང་གཞུང་འབྲེལ་མིན་པའི་ཚོགས་ཁག་གི་སྐུ་ཚབ་རྣམས་ཀྱིས་སྤྱན་རྒྱ་སྤོས་སྣེ་དང་བཅས་ཕེབས་བསུ་གཟབ་རྒྱས་དང་བཅས་ཏེ་དགའ་ལྡན་བླ་སྤྱིར་འཇམ་མགོན་རྒྱལ་བའི་གསེར་ཁྲི་མཐོན་པོར་མངའ་གསོལ་གྱི་མཎྜལ་རྟེན་གསུམ་འདེགས་འབུལ་དང་སྐུ་མགྲོན་རྣམས་ལ་མཇལ་ཁ་གནང་ཡོད་པ་རེད།
དེ་བཞིན་ཁྲི་སྟོན་གྱི་མཛད་སྒོ་ཁག་ལེགས་པར་གྲུབ་རྗེས་དགའ་ལྡན་ཁྲི་ཐོག་ ༡༠༤ པ་རྗེ་བཙུན་བློ་བཟང་བསྟན་འཛིན་དཔལ་བཟང་པོ་མཆོག་གིས་འདུས་མང་ཡོངས་ལ་བཀའ་སློབ་བཀྲིན་ཆེ་བ་བསྩལ་ཡོད་པ་རེད།
འདི་ག་རླུང་འཕྲིན་ཁང་གི་ས་གནས་གསར་འགོད་པས་དགའ་ལྡན་ཁྲི་ཐོག་ཁང་གི་དྲུང་ཆེ་དང་དགའ་ལྡན་ཤར་རྩེ་གྲྭ་ཚང་གི་མཁན་ཟུར་དགེ་བཤེས་བྱང་ཆུབ་ཆོས་ལྡན་མཆོག་ལ་དགའ་ལྡན་ཁྲི་པའི་དེ་བྱུང་དང་ཁྲི་པའི་ལས་ཡུན་སོགས་སྐོར་ལ་བཅར་འདྲི་ཁག་ཅིག་ཞུས་ཡོད་པ་རེད།
རྩ་བའི་དགའ་ལྡན་བླ་སྤྱིར་མཛད་སྒོ་གྲུབ་རྗེས་སྔ་དྲོ་ཚོུད་ ༨།༣༠ ཡོལ་ཙམ་ལ་དགའ་ལྡན་བླ་སྤྱི་ནས་དགའ་ལྡན་ཁྲི་ཐོག་ཁང་དུ་རྟེན་འབྲེལ་མཛད་སྒོ་ཚོགས་གནང་ཡོད་པ་དང་། དེ་མཚུངས་ཁ་སང་ཚེས་ ༣ ཉིན་གདན་ས་དགའ་ལྡན་རྣམ་པར་རྒྱལ་བའི་གླིང་དུ་ཆིབས་བསྒྱུར་གནང་སྟེ་དགའ་ལྡན་བྱང་རྩེ་ཧར་གདོང་ཁང་ཚན་དུ་སྔོན་འགྲོའི་ཁྲི་འདོན་མཛད་སྒོ་ཞིག་ཀྱང་ཚོགས་གནང་ཡོད་པ་མ་ཟད། སང་ཚེས་ ༥ ཉིན་དགའ་ལྡན་ཁྲི་ཐོག་ཁང་དུ་དགེ་ལུགས་སྤྱི་ནས་དགའ་ལྡན་ཁྲི་པ་མཆོག་ལ་བརྟན་བཞུགས་བསྟར་འབུལ་ཞུ་གནང་གི་འདུག
༸གོང་ས་མཆོག་ལྡི་ལིར་༸ཞབས་སོར་བདེ་བར་འཁོད་འདུག
vot.org -
བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ད་རེས་རྒྱ་གར་བྱང་ཕྱོགས་ཇ་མུ་ཀཤྨིར་མངའ་སྡེའི་ལ་དྭགས་སུ་ཟླ་བ་གཅིག་ལྷག་ཙམ་རིང་ལ་མཛད་འཕྲིན་བཀྲིན་བསྐྱངས་གནང་ཡོད་པ་ལྟར། ཁ་སང་ཟླ་ ༨ ཕྱི་ཚེས་ ༢ ཉིན་དགུང་༸གང་ཉིད་མཆོག་རྒྱ་གར་གྱི་རྒྱལ་ས་ལྡི་ལིར་༸ཞབས་སོར་བདེ་བར་འཁོད་ཡོད་པ་རེད།
རྩ་བའི་༸གོང་ས་མཆོག་ཕྱི་ཟླ་ ༦ ཚེས་ ༢༨ ནས་རྒྱལ་ས་གླེ་རུ་ཆིབས་སྒྱུར་བསྐྱངས་ཡོད་པ་དང་། ཕྱི་ཟླ་༧ ཚེས་ ༥ ནས་ས་གནས་སུ་མཛད་འཕྲིན་དབུ་འཛུགས་བཀྲིན་བསྐྱངས་ཡོད་པ་རེད། ཐེངས་འདིའི་ཆིབས་སྒྱུར་ཁྲོད་མགོན་པོ་མཆོག་གིས་ཚེས་ ༡༡ ནས་བར་ ༡༤ བར་ལ་དྭགས་ནུབ་རར་ཆིབས་སྒྱུར་དང་། དེ་ནས་ཚེས་ ༡༦ ནས་ ༡༨ བར་ཟངས་དཀར། དེ་ནས་རྒྱལ་ས་གླེ་དང་ཞི་བའི་ཚལ་སོགས་སུ་སྤྱོད་འཇུག་ཆེན་མོ་དང་ལག་ལེན་སོ་བདུན་མ། དེ་བཞིན་སྙིང་པོ་དོན་གསུམ་དང་སྨན་བླའི་རྗེས་སྣང་སོགས་ཆོས་འབྲེལ་རྒྱ་ཆེ་བསྐྱངས་ཡོད་པ་མ་ཟད། མགོན་པོ་མཆོག་གིས་ལ་དྭགས་ནང་གི་ཁ་ཆེ་བ་དང་བོད་རིགས་ཁག་ཅིག་ལ་དམིགས་བསལ་མཇལ་ཁ་དང་བཀའ་སློབ་སོགས་བསྩལ་ཡོད་པ་རེད།
མཛད་འཆར་ལྟར་ན་༸གོང་ས་མཆོག་གནངས་ཕྱི་ཚེས་ ༥ བར་ལྡི་ལིར་སྐུ་ངལ་གསོ་བཞུགས་གནང་གི་འདུག་པ་དང་། ཕྱི་ཚེས་ ༧ དང་ ༨ བཅས་སུ་རུ་སུའི་ཁོངས་གཏོགས་ནས་ཡིན་པའི་ཚན་རིག་པ་དང་མཁས་པ་ཁག་ཅིག་གི་བགྲོ་གླེང་ཚོགས་འདུར་ཚོགས་མགོན་དུ་ལྷན་བཞུགས་མཛད་རྒྱུ་དང་། དེ་རྗེས་ཚེས་ ༩ དང་ ༡༠ བཅས་སུ་རྒྱ་གར་གྱི་གསར་འགོད་པ་དང་རྩོམ་པ་པོ་དེ་བཞིན་མཁས་པ་ཁག་ཅིག་ལ་མཇལ་ཁ་བཀྲིན་བསྩལ་གནང་གི་འདུག འདི་ག་རླུང་འཕྲིན་ཁང་གི་གསར་འགོད་པས་ལྡི་ལི་ནང་དུ་༸གོང་ས་མཆོག་ནས་མཛད་འཆར་བསྐྱང་གཏན་འཁེལ་ཁག་དང་འབྲེལ་བའི་སྐོར་ལ་ལྡི་ལི་སྐུ་ཚབ་དོན་གཅོད་བཀའ་ཟུར་འབྲོང་ཆུང་དངོས་གྲུབ་ལགས་སུ་བཅར་འདྲི་ཞུས་ཡོད།
དུས་མཚུངས་བརྒྱུད་ལམ་ཁག་ཏུ་གནས་ཚུལ་ཐོན་པར་༸གོང་ས་མཆོག་འདི་ལོའི་ཕྱི་ཟླ་ ༡༠ པའི་ནང་ཨ་རི་དང་ཁེ་ན་ཌ། དེ་བཞིན་ལཊ་ཝི་ཡ་བཅས་རྒྱལ་ཁབ་གསུམ་ནང་གི་མཛད་འཆར་དེ་ཕྱིར་འགྱངས་གནང་འདུག དཔལ་ལྡན་དགའ་ལྡན་ཕོ་བྲང་ཡིག་ཚང་ནས་དེ་དོན་ཆིབས་སྒྱུར་གོ་སྒྲིག་ཚོགས་ཆུང་དང་འབྲེལ་ཡོད་ཀུན་ལ་དགོངས་སེལ་ཞུས་པ་དང་སྦྲགས་། མགོན་པོ་མཆོག་གི་མཛད་བྲེལ་ལ་གཞིགས་ཏེ་མཛད་འཆར་ལ་འགྱུར་བ་གནང་དགོས་བྱུང་ཡོད་པ་གསུངས་འདུག ད་དུང་མུ་མཐུད་གསུངས་པར་ཕྱི་ཟླ་ ༡༠ ནང་གི་མཛད་འཆར་དེ་ཕལ་ཆེར་ལོ་རྗེས་མའི་ཕྱི་ཟླ་ ༤ པའི་ནང་དུ་ཕྱིར་འགྱངས་གནང་པ་ལས་མཛད་འཆར་ཡོངས་སུ་ཕྱིར་འཐེན་གནང་མེད་པ་སོགས་གསུངས་འདུག ཨ་རིའི་བྱང་ Carolina, Raleigh འི་གྲོང་ཁྱེར་སྤྱི་ཁྱབ་པ་ལྕམ་ Nancy Mcfarlane ལགས་ནས་ཁ་སང་ས་གནས་ཀྱི་བརྒྱུད་ལམ་ལ་༸གོང་ས་མཆོག་གིས་མཛད་པ་འཕྲིན་ལས་ཧ་ཅང་རྒྱ་ཆེ་བསྐྱངས་དང་སྐྱོང་བཞིན་པ་ལ་བསྔགས་བརྗོད་དང་སྦྲགས། མགོན་པོ་༸གང་ཉིད་མཆོག་ལོ་རྗེས་མའི་དཔྱིད་དུས་ Raleigh འི་གྲོང་ཁྱེར་དེ་བཞིན་མཛེས་སྡུག་ལྡན་པའི་སྐབས་སུ་ས་གནས་དེར་ཆིབས་སྒྱུར་བསྐྱང་ཐུབ་པའི་རེ་བ་ཡོད་སྐོར་གསུངས་འདུག
རེས་གཟའ་ཕུར་བུ། ༢༠༡༧།༠༨།༠༣
vot.org -
ཉན་པ།: Listen
ཕབ་ལེན། Download
༸གོང་ས་མཆོག་གིས་ལྡི་ལིར་ཉིན་བཞི་རིང་མཛད་འཆར་བསྐྱང་རྒྱུ།
སྤྱི་འཐུས་ལྷན་ཚོགས་ནས་རྒྱ་གར་གྲོས་ཚོགས་འཐུས་མིར་མཇལ་འཕྲད་ཀྱིས་བོད་དོན་ཞུ་གཏུགས་གནང་བཞིན་པ།
བཞུགས་སྒར་དུ་བོད་མིའི་བཟོ་ཚོགས་ཁག་གི་ལས་དོན་ཡར་རྒྱས་གཏོང་ཕྱོགས་དང་འབྲེལ་བའི་ཟབ་སྦྱོང་གནང་འདུག
དམིགས་བསལ་ལེ་ཚན། ཆར་དུས་སྐབས་ཁྱབ་ཆེ་བའི་ནད་རིགས་ལས་ཐར་ཐབས་སྐོར།
Thursday 03/08/2017
Dalai Lama arrives in Delhi after a month in Ladakh
TPiE delegation lobbies for Tibet support in Delhi
Tibetan handicraft societies meeting to strategize growth concludes
HEALTH FEATURE: Diseases and precautions in Monsoon Season
སྤྱི་འཐུས་ལྷན་ཚོགས་ནས་རྒྱ་གར་གྲོས་ཚོགས་འཐུས་མིར་མཇལ་འཕྲད་ཀྱིས་བོད་དོན་ཞུ་འབོད་གནང་བཞིན་པ།
vot.org -
རྒྱ་གར་གྲོས་ཚོགས་གོང་འོག་གཉིས་ཀྱི་ཆར་དུས་གྲོས་ཚོགས་འཚོགས་བཞིན་པ་དང་བསྟུན་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཞོན་ཨཱ་ཙཱརྱ་ཡེ་ཤེས་ཕུན་ཚོགས་ལགས་དང་སྤྱི་འཐུས་རྒྱུན་ལས་བསྟན་པ་ཡར་འཕེལ་ལགས་རྣམ་གཉིས་ཟླ་ ༧ ཚེས་ ༣༡ ཉིན་རྒྱལ་ས་ལྡི་ལིར་ཕེབས་འབྱོར་བྱུང་ཡོད་པ་དང་། བོད་མི་མང་སྤྱི་འཐུས་ལྷན་ཚོགས་ཀྱི་སྐུ་ཚབ་ནས་རྒྱ་གར་གྲོས་ཚོགས་འཐུས་མི་གསར་རྙིང་གང་མང་ཞིག་ལ་བོད་ཀྱི་གནད་དོན་ཞུ་འབོད་གནང་ནས་ཁ་ས་བར་རྒྱ་གར་གྱི་ཆབ་སྲིད་ཚོགས་པ་འདྲ་མིན་གྱི་གྲོས་འཐུས་ ༡༨ ལྷག་ཙམ་ཞིག་དང་མཇལ་འཕྲད་ཞུ་ཐོག་བོད་དོན་ཞུ་འབོད་གནང་ཐུབ་པ་བྱུང་འདུག་པ་མ་ཟད། ཚོགས་གཞོན་ཨཱ་ཙཱརྱ་ཡེ་ཤེས་ཕུན་ཚོགས་ལགས་ཀྱིས་འགྲེལ་བརྗོད་གནང་དོན། ད་བར་མཇལ་འཕྲད་བྱུང་བའི་རྒྱ་གར་གྱི་ཆབ་སྲིད་ཚོགས་པ་འདྲ་མིན་གྱི་འཐུས་མི་ཚང་མའི་ངོས་ནས་བོད་དོན་ལ་དམིགས་བསལ་གྱི་ཐུགས་སྣང་ཆེན་པོ་གནང་པ་མ་ཟད། བོད་མི་མང་སྤྱི་འཐུས་གྲོས་ཚོགས་ཀྱི་སྐུ་ཚབ་རྣམ་པ་གཉིས་ལ་ཡང་སྣེ་ལན་དང་ཆེ་མཐོང་གང་འོས་གནང་ཡོད་པ་སོགས་གསུངས་སོང་། བོད་མི་མང་སྤྱི་འཐུས་ལྷན་ཚོགས་ཀྱི་སྐུ་ཚབ་གཉིས་ནས་ཟླ་ ༨ ཚེས་ ༩ བར་ཞུ་འབོད་ཀྱི་ལས་དོན་དེ་མུ་མཐུད་གནང་རྒྱུ་རེད་འདུག
བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཞོན་ཨཱ་ཙཱརྱ་ཡེ་ཤེས་ཕུན་ཚོགས་ལགས་ཀྱིས་རྒྱ་གར་གྲོས་ཚོགས་འཐུས་མི་ཚོར་སྤྱི་འཐུས་ལྷན་ཚོགས་ནས་བོད་ཀྱི་འདས་མ་ད་གསུམ་གྱི་གནས་སྟངས་སྤྱི་དང་སྒོས་མ་འོངས་པའི་དམིགས་ཡུལ། རྒྱལ་སྤྱིའི་ནང་བོད་དོན་ཐོག་རྒྱབ་སྐྱོར་གང་འདྲ་ཡོད་མེད་བཅས་ཀྱི་གནས་སྟངས་གསལ་བཤད་ཞུས་ཡོད་པ་དང་ཚོགས་ལ་ཉེ་བའི་རྒྱ་གར་གྲོས་ཚོགས་འཐུས་མིའི་བོད་དོན་རྒྱབ་སྐྱོར་ཚོགས་པའི་ཚོགས་འདུར་མཉམ་ཞུགས་ཡོང་བའི་རེ་འདུན་ཡིག་ངག་གཉིས་ཐོག་ནས་ཞུས་ཡོད་པ་གསུངས་སོང་།
ལྷག་དོན་ཁོང་རྣམས་ནས་བོད་དོན་ལ་ཐུགས་སྣང་ཆེན་པོ་གནང་པ་དང་འབྲེལ་ཉེ་བའི་ཆར་རྒྱ་གར་དང་རྒྱ་ནག་གཉིས་བར་གྱི་ས་མཚམས་རྩོད་རྙོག་གི་གནད་དོན་དེ་གསར་འགྱུར་གཙོ་བོ་ཞིག་ཆགས་ཀྱི་ཡོད་སྟབས། ཁོར་ཡུག་དེའི་འོག་ནས་གྲོས་ཚོགས་ཀྱི་འཐུས་མི་ཚོས་བོད་དོན་ལ་དམིགས་བསལ་གྱི་དོ་སྣང་ཆེན་པོ་གནང་གི་ཡོད་སྐོར་སོགས་འགྲེལ་བརྗོད་ཀྱང་གནང་གི་འདུག
ཡང་འདི་ག་རླུང་འཕྲིན་ཁང་ནས་སྤྱི་འཐུས་ཚོགས་གཞོན་ཨཱ་ཙཱརྱ་ཡེ་ཤེས་ཕུན་ཚོགས་ལགས་སུ་རྒྱ་གར་གྲོས་འཐུས་ཚོའི་ངོས་ནས་རྣམ་འགྱུར་དང་བོད་མིའི་ཕྱོགས་ལ་རེ་བ་གང་གནང་གི་ཡོད་མེད་ཐོག་བཅར་འདྲི་ཞུས་པར་གྲོས་ཚོགས་འཐུས་མི་མང་ཆེ་བས་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་མཛད་འཕྲིན་ཁག་ལ་ཡི་རངས་བསྔགས་བརྗོད་ཞུས་པ་དང་འབྲེལ། མགོན་པོ་༸གང་ཉིད་མཆོག་གི་སྐུ་ནའི་བབ་ཀྱི་ཐད་ཐུགས་ཚབས་ཆེན་པོ་གནང་གི་ཡོད་པ་དང་། ལྷག་དོན་ཁོང་རྣམས་ནས་༸གོང་ས་མཆོག་གི་ཞལ་མཇལ་ཞུ་རྒྱུར་ཐུགས་རེ་ཆེན་པོ་གནང་བཞིན་ཡོད་པ་གསུངས་སོང་བ་དང་། དེ་བཞིན་རྒྱུན་དུ་བོད་མི་ཚོའི་ངོས་ནས་རྒྱ་གར་དཔོན་རིགས་ཚོ་དང་མཇལ་འཕྲད་ཞུ་སྐབས་གནས་སྐབས་ཀྱི་མཐུན་རྐྱེན་དང་རོགས་རམ་ཁྱེར་རྐྱང་མ་ཞུས་པར་རྒྱ་ཆེ་ས་ནས་བོད་ཀྱི་ཆབ་སྲིད་ཀྱི་གནད་དོན་དང་འབྲེལ་བའི་བོད་ཀྱི་བདེན་དོན་སེལ་ཐབས་ཀྱི་བཀའ་མོལ་ཞུ་ཐུབ་ཐབས་བཅས་ལ་འབད་བརྩོན་གནང་དགོས་གལ་ཡིན་པ་སོགས་གསུངས་སོང་།
རེས་གཟའ་ལྷག་པ། ༢༠༡༧།༠༨།༠༢
vot.org -
ཉན་པ།: Listen
ཕབ་ལེན། Download
༸གོང་ས་མཆོག་ལ་དྭགས་ནང་གི་མཛད་འཕྲིན་ཁག་ལེགས་གྲུབ་ཀྱིས་དེ་རིང་ལྡི་ལིར་ཆིབས་ཞལ་སྒྱུར་འདུག
གུས་འདུད་དང་ཆེ་མཐོང་ལྡན་པའི་ཐོག་ནས་དོན་གྲུབ་ལགས་ཀྱི་སྐུ་ཕུང་ཞུགས་འབུལ་གནང་སོང་།
རྒྱ་གཞུང་གིས་སྤྲུལ་སྐུ་བློ་བཟང་ལགས་འཛིན་བཟུང་བྱས་འདུག
༸གོང་ས་མཆོག་གིས་གུ་ཇ་རཏ་ཆུ་ལོག་ངལ་སེལ་ཆེད་ཞལ་འདེབས་བཀྲིན་བསྩལ་འདུག
འཕྲོད་བསྟེན་བཀའ་བློན་མཆོག་ལྷོ་ཕྱོགས་གཞིས་ཁག་ཏུ་མཚམས་གཟིགས་གནང་བཞིན་པ།
Wednesday 02/08/2017
Dalai Lama concludes month long Ladakh trip, reaches Delhi
Passang Dhondup’s body cremated with full honors today
Tulku Lobsang arrested by Chinese police, where about unknown
Dalai Lama expresses sadness over flood tragedy in Gujarat
Health Kalon on official tour in South India Tibetan settlements
༸གོང་ས་མཆོག་ལ་དྭགས་ཁུལ་གྱི་མཛད་འཕྲིན་ཁག་ལེགས་གྲུབ་ཀྱིས་རྒྱལ་ས་ལྡི་ལིར་ཆིབས་༸ཞལ་བསྒྱུར་གནང་སོང་།
vot.org -
བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཟླ་ ༦ ཚེས་ ༢༨ ཉིན་ནས་དབུ་འཛུགས་ཀྱིས་ཟླ་ ༨ ཚེས་ ༡ བར་རྒྱ་གར་བྱང་ཕྱོགས་ལ་དྭགས་གླེ་རྒྱལ་ས་གཙོ་གྱུར་གྱི་ནུབ་ར་དང་ཟངས་དཀར་བཅས་སུ་ཆོས་འབྲེལ་དང་། དེ་བཞིན་ས་གནས་ཁག་གི་མང་ཚོགས་དང་སློབ་གྲྭ མཐོ་སློབ་བཅས་སྡེ་ཚན་འདྲ་མིན་ལ་ལམ་སྟོན་བཀའ་སློབ་སོགས་སྩལ་ནས་ཟླ་བ་གཅིག་ལྷག་ལ་དྭགས་ཁུལ་དུ་བཞུགས་ཞག་མཛད་དེ་མཛད་འཕྲིན་དུ་མ་བསྐྱངས་ཁག་ལེགས་གྲུབ་ཀྱིས་དེ་རིང་སྔ་དྲོ་ལ་དྭགས་རྒྱལ་ས་གླེ་ནས་མཁའ་ལམ་བརྒྱུད་རྒྱལ་ས་ལྡི་ལིར་ཆིབས་༸ཞལ་བསྒྱུར་གནང་སོང་།
རྩ་བའི་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ད་རེས་ལ་དྭགས་ནས་ཆིབས་༸ཞལ་མ་བསྒྱུར་གོང་སྟེ་ཁ་སང་ཉིན་དགུང་ལ་དྭགས་ནང་པ་ཚོགས་པས་ཞི་བའི་ཚལ་ཕོ་བྲང་དུ་༸གོང་ས་མཆོག་ལ་ཕེབས་ཐོན་གྱི་གསོལ་ཚིགས་འདེགས་འབུལ་ཞུས་སོང་བ་དང། མཛད་སྟོན་ཐོག་ལ་དྭགས་དགོན་སྡེ་ཁག་གི་མཁན་བླ་སྤྲུལ་དང། གཞུང་འབྲེལ་གནད་ཡོད་མི་སྣ། དེ་བཞིན་༸གང་ཉིད་མཆོག་གི་ཆིབས་སྒྱུར་ཐོག་ཕྱགས་ལས་གནང་མཁན་བཅས་མང་ཚོགས་ ༥༠༠ ལྷག་ཙམ་འདུ་འཛོམས་བྱུང་འདུག
སྐབས་དེར་༸གོང་ས་མཆོག་གིས་དེང་གི་དུས་རབས་ཉེར་གཅིག་པའི་ནང་ཕྱིའི་དངོས་པོ་དང་ འབྲེལ་བའི་ཤེས་ཡོན་ཡར་རྒྱས་འགྲོ་བཞིན་པའི་དུས་སྐབས་འདིར་ལ་དྭགས་པ་ཚོའི་ངོས་ནས་སངས་རྒྱས་པའི་ཆོས་ལ་དད་པ་གནང་རྒྱུ་དེ་ངེས་པར་དུ་དབང་རྣོན་ཆོས་ཀྱི་རྗེས་འབྲང་གི་དད་པ་བྱེད་དགོས་པ་དེ་ཧ་ཅང་གལ་ཆེན་པོ་རེད་ཅེས་བཀའ་བསྩལ་སོང་།
དེ་བཞིན་༸གོང་ས་མཆོག་གིས་གལ་ཏེ་དབང་བཏུལ་དད་པའི་རྗེས་འབྲང་ཁོ་ནའི་ཐོག་ཕྱིན་པ་ཡིན་ཚེ་སངས་རྒྱས་པའི་ཆོས་འདིར་གཞན་ནས་ལྟད་མོ་ལྟ་ས་ཤིག་དང་ཁྱད་གསོད་བྱ་ཡུལ་ཞིག་ཆགས་ཀྱི་རེད་ཅེས་བཀའ་སྩལ་ཏེ་ལ་དྭགས་པ་ཚོས་ནང་ཆོས་ལ་སློབ་གཉེར་བྱེད་དགོས་ཞེས་བཀའ་ནན་བསྩལ་སོང་། མཛད་སྒོ་དེའི་ལ་དྭགས་པའི་སློབ་གྲྭ་ཁག་དང་ལ་དྭགས་བོད་ཁྱིམ་གྱི་སློབ་ཕྲུག་བཅས་ནས་ཡུལ་ལུང་སོ་སོའི་གཞས་སྣ་ཁག་ཅིག་འཁྲབ་སྟོན་གྱིས་གཟིགས་འབུལ་ཞུས་ཡོད་པ་རེད།
༸གོང་ས་མཆོག་གིས་གུཇརཱཏ་ནང་ཆར་ཞོད་ཀྱི་འཇིག་པ་བྱུང་བར་ཐུགས་གསོ་མཛད་པ།
vot.org -
ཉེ་ཆར་རྒྱ་གར་གུཇརཱཏ་ Gujarat མངའ་སྡེའི་ས་ཁུལ་ཁག་ཅིག་ཏུ་ཆར་ཞོད་ཧ་ཅང་ཆེ་རྐྱེན་གྱིས་ཆུ་ལོག་ཚབས་ཆེ་བྱུང་བའོ་ཁྲོད་མི་རྒྱུ་གཉིས་ཀར་གོད་ཆག་ཚབས་ཆེ་ཕོག་པ་ལྟར་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནས་ཁ་སང་ཟླ་ ༨ ཚེས་ ༡ ཉིན་མངའ་སྡེའི་སྤྱི་ཁྱབ་བློན་ཆེན་སྐུ་ཞབས་ Vijay Rupani མཆོག་གི་མཚན་ཐོག་ལ་ཐུགས་གསོའི་གསུང་འཕྲིན་ཞིག་སྩལ་བའི་ནང་། ཆུ་ལོག་གི་དོན་རྐྱེན་འོག་མངའ་སྡེ་དེའི་མང་ཚོགས་ཀྱི་ཚེ་སྲོག་ཤོར་བ་དང་། རྒྱུ་ནོར་སོགས་ལ་གནོད་འཚེ་ཚབས་ཆེ་ཕོག་པར་ཐུགས་གསོ་གནང་པ་དང་སྦྲགས། ལྷག་དོན་མགོན་པོ་༸གང་ཉིད་མཆོག་གིས་གདུང་སེམས་མཉམ་བསྐྱེད་མཚོན་ཕྱིར་ཏཱ་ལའི་བླ་མའི་དགེ་རྩ་ནས་ངལ་སེལ་རོགས་དངུལ་ཕྲན་བུ་འབུལ་རྒྱུ་ཡིན་ཞེས་བཀའ་བསྩལ་འདུག
དེ་ཡང་ཁ་སང་དཔལ་ལྡན་དགའ་ལྡན་ཕོ་བྲང་གི་དྲ་གནས་ཐོག་གནས་ཚུལ་སྤེལ་བར་༸གོང་ས་༸སྐྱབས་མགོན་ཆེན་པོ་མཆོག་གིས་ཉེ་ཆར་གུཇརཱཏ་མངའ་སྡེའི་ནང་དུ་ཆུ་ལོག་གི་དོན་རྐྱེན་ཚབས་ཆེ་བྱུང་བའི་འོག་མི་རྒྱུ་གཉིས་ཀར་ཆེས་གནོད་འཚེ་ཕོག་སྟབས་མགོན་པོ་༸གང་ཉིད་མཆོག་ཧ་ཆང་ཐུགས་ཕམ་བྱུང་ཡོད་པ་དང་། ད་ལྟའི་ཆར་མངའ་སྡེ་ནང་དུ་ངལ་སེལ་གྱི་ལས་དོན་རྣམས་འགྲོ་བཞིན་སྐོར་ཐོག་༸གང་ཉིད་མཆོག་ལ་མཁྱེན་རྟོགས་ཡོད་པ་དང་། ༸གོང་ས་མཆོག་གིས་ད་ལན་ཆར་ཞོད་ཧ་ཅང་ཆེ་བའི་འཇིག་པ་ལས་གནོད་འཚེ་ཕོག་པའི་གུཇརཱཏ་མངའ་སྡེའི་མང་ཚོགས་རྣམས་ལ་མགོན་པོ་༸གང་ཉིད་མཆོག་གིས་གདུང་སེམས་མཉམ་བསྐྱེད་མཚོན་ཕྱིར་ཏཱ་ལའི་བླ་མའི་དགེ་རྩ་ནས་ངལ་སེལ་རོགས་དངུལ་ཕྲན་བུ་འབུལ་རྒྱུ་ཡིན་ཞེས་བཀའ་བསྩལ་འདུག
རྩ་བའི་ད་སྐབས་རྒྱ་གར་ཁྱོན་ཡོངས་སུ་ཆར་དུས་ཀྱི་དུས་ཚོད་དང་བསྟུན། ཉེ་ཆར་ གུཇ་རཱར་མངའ་སྡེའི་ས་ཁུལ་མང་དག་ཞིག་ཏུ་དྲག་ཆར་དང་། ཆུ་མཛོད་ནས་ཆུ་འཕར་མ་གློད་པའི་རྐྱེན་གྱིས་ཆུ་ལོག་བྱུང་ནས་ཁྱོན་མི་གྲངས་བཞི་འབུམ་ལྔ་ཁྲི་ཙམ་ལ་གནོད་འཚེ་ཕོག་ཡོད་པ་དང་། བརྒྱུད་ལམ་ཁག་གིས་གནས་ཚུལ་སྤེལ་བར་དོན་རྐྱེན་དེའི་འོག་འདས་གྲོངས་སུ་ཕྱིན་པའི་མི་གྲངས་དེ་ཁ་སང་བར་ ༢༡༨ ཆགས་ཡོད་པ་དང། མངའ་སྡེ་དེའི་ནང་དར་ཁྱབ་ཆེ་བའི་སྒོ་ཕྱུགས་གསོ་སྐྱོང་གི་ཚོང་ལས་སྡེ་ཚན་གཅིག་པོ་ལ་ཧིན་སྐོར་འབུམ་ ༦༠༠ ཙམ་གྱི་གྱོང་གུད་ཕོག་ཡོད་པ་མངོན་གསལ་གནང་འདུག ད་ལྟའི་ཆར་མངའ་སྡེ་བློན་ཆེན་མཆོག་གིས་ཆུ་ལོག་གི་གནོད་ཚེ་ཕོག་པའི་ས་ཁུལ་ཁག་ཏུ་ཆེད་སྐྱོད་ཀྱིས་གཟིགས་ཞིབ་གནང་མུས་རེད་འདུག