Monthly Archives: September, 2017

ལ་དྭགས་ཡུལ་མི་སློབ་གྲྭའམ་ Ladakh Public School ནས་༸གོང་ས་མཆོག་གི་དགོངས་གཞི་གཙོ་གྲས་ལས་ཆོས་ལུགས་ལ་མ་བརྟེན་པའི་བཟང་སྤྱོད་ཀྱི་ཀློག་དེབ་རྣམས་སློབ་གྲྭའི་སློབ་མར་དམིགས་བསལ་ཟུར་བཀོད་ཀློག་དེབ་ཁོངས་སུ་བཞག་འདུག རྒྱ་གར་ཕྱོགས་ཇཱམུ་ཀཤྨིར་མངའ་ཁུལ་ལ་དྭགས་ཀྱི་རྒྱལ་ས་སླེར་རྟེན་གཞི་བྱས་པའི་ལ་དྭགས་ཡུལ་མིའི་སློབ་ Ladakh Public School འདི་ཟླ་བ་འདིའི་ཚེས་ ༡ ནས་སློབ་གྲྭའི་སློབ་མའི་ཁྲོད་དུ་༸གོང་ས་མཆོག་གི་དགོངས་གཞི་ཆེ་ཁག་ལས་ཆོས་ལུགས་ལ་མ་བརྟེན་པའི་བཟང་སྤྱོད་སྐོར་གྱི་ལས་གཞི་དབུ་འཛུགས་གནང་འདུག ལས་གཞི་དབུ་འབྱེད་ཀྱི་མཛད་སྒོར་ལས་གཞི་དེའི་ཁོངས་སུ་གཏོགས་པའི་འཛིན་རིམ་དྲུག་པ་ནས་བཅུ་པ་བར་གྱི་སློབ་མ་ཚོར་༸གོང་ས་མཆོག་གི་དགོངས་གཞི་གཙོ་བོ་ཆོས་ལུགས་མ་བརྟེན་པའི་བཟང་སྤྱོད་ཀྱི་དགེ་མཚན་སོགས་ངོ་སྤྲོད་གནང་པ་དང་འབྲེལ། ད་བར་མགོན་པོ་༸གང་ཉིད་མཆོག་གིས་མཛད་པའི་ཆོས་ལུགས་མ་བརྟེན་བཟང་སྤྱོད་སྐོར་གྱི་ཕྱག་དེབ་མང་དག་ཞིག་ཡོད་པ་ལས་ཐོག་མར་ Beyond Religion འམ་ཆོས་ལུགས་ཀྱི་མཚམས་ལས་འདས་པ་ཞེས་པའི་ཕྱག་དེབ་དེ་ཉིད་སློབ་མའི་རྒྱུན་ལྡན་ཟུར་ཀློག་གནང་ཁོངས་སུ་བཞག་འདུག འདི་ག་རླུང་འཕྲིན་ཁང་ནས་ལས་གཞི་དེ་དང་འབྲེལ་ཡོད་ལ་དྭགས་ཡུལ་མི་སློབ་གྲྭའི་རིགས་ལམ་རྒན་བློ་བཟང་ཕུན་ཚོགས་ལགས་སུ་བཅར་འདྲི་ཞུས་པར་ཁོང་གིས་འདི་ལོ་༸གོང་ས་མཆོག་ལ་དྭགས་ཡུལ་མི་སློབ་གྲྭར་ཆིབས་བསྒྱུར་མཛད་སྐབས་དུས་རབས་ ༢༡ པའི་མི་རབས་རྣམས་ཡ་རབས་བཟང་སྤྱོད་དང་འགྲོ་བ་མིའི་གཞི་རྩའི་རིན་ཐང་གོང་འཕེལ་གཏོང་ཐབས་ཀྱི་སློབ་སྦྱོང་སྤྲོད་དགོས་པར་བཀའ་སློབ་ཕེབས་དོན་ལྟར། ༸གང་ཉིད་མཆོག་གི་དགོངས་དོན་བཞིན་ལས་གཞི་དེ་དབུ་འཛུགས་གནང་པ་ཞིག་ཡིན་སྐོར་གསུངས་སོང། གཞི་རྩའི་༸གོང་ས་༸སྐྱབས་མགོན་ཆེན་པོ་མཆོག་གིས་དེང་སྐབས་ཕྱི་དངོས་པོ་དང་ཚན་རིག་གཉིས་པོ་ཧ་ཅང་ཡར་རྒྱས་འགྲོ་བཞིན་པའི་དུས་རབས་དང་བསྟུན་འགྲོ་བ་མིའི་རྒྱུད་ལ་བདེ་སྐྱིད་དང་ཞི་བདེ་ལྷིང་འཇགས་ཡོང་ཐབས་ལ་ཆེད་དམིགས་ཀྱིས་ཆོས་ལུགས་ལ་མ་བརྟེན་པའི་བཟང་སྤྱོད་ཀྱི་དགོངས་གཞི་གསར་གཏོད་མཛད་ཡོད་པ་ལྟར། ཨ་རིའི་ཨེ་མོ་རི་གཙུག་ལག་སློབ་གཉེར་ཁང་གིས་ཆོས་ལུགས་ལ་མ་བརྟེན་པའི་བཟང་སྤྱོད་ཀྱི་བསླབ་གཞི་གཏན་འབེབས་གནང་ཡོད་པ་དང། སློབ་དེབ་དེ་དེ་རིང་མིན་༸གོང་ས་མཆོག་ནས་དབུ་འབྱེད་བཀྲིན་བསྐྱང་འཆར་ཡོད་པ་རེད།  རྒྱ་གར་ནང་ད་ལྟའི་ཆར་ Tata Institution of Social Science ཞེས་པའི་གཙུག་ལག་སློབ་གཉེར་ཁང་ནས་ཨེ་མོ་རིའི་སྒྲོམ་གཞི་གཞིར་བཟུང་རྒྱ་གར་གྱི་མཐོ་རིམ་སློབ་གཉེར་ཁང་གང་མང་ཞིག་ཏུ་ཆོས་ལུགས་ལ་མ་བརྟེན་པའི་བཟང་སྤྱོད་ཀྱི་བསླབ་གཞི་དེ་ཕྱག་བསྟར་ཡོང་བར་ཐུགས་འགན་བཞེས་མུས་ཡིན་པ་མ་ཟད། འདི་ལོའི་ཕྱི་ཟླ་ ༨ ནང་མུམ་བའེ་ནང་རྟེན་གཞི་བྱས་པའི་གཙུག་ལག་སློབ་གཉེར་ཁང་དེའི་སློབ་མ་ཚོར་ཆེད་དམིགས་ཀྱིས་ཆོས་ལུགས་ལ་མ་བརྟེན་པའི་བཟང་སྤྱོད་ཀྱི་སློབ་གཞི་གཏན་འབེབས་ཐོག་སློབ་ཁྲིད་བྱེད་སྒོ་བཙུགས་ཡོད་པ་རེད། གཞན་ཡང་རྒྱ་གར་གྱི་ Meerut གྲོང་ཁྱེར་དུ་རྟེན་གཞི་བྱས་པའི་ཤེས་ཡོན་གྱི་ཚོགས་སྡེ་ཞིག་གིས་རྐང་གོ་སྒྲིག་གནང་ཐོག་རྒྱ་གར་གྱི་སློབ་གྲྭ་འདྲ་མིན་ཁག་ ༡༤ ནང་བསླབ་གཞི་གཏན་འབེབས་ཀྱི་ལས་འཆར་གནང་མུས་ཡིན་པ་རེད།

དེ་རིང་ཟླ་ ༩ ཚེས་ ༦ ཉིན་སྔ་ཐོག་ཚོུད་ ༡༠:༣༠ ཙམ་ལ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་གིས་བཞུགས་སྒར་རྒྱལ་བའི་ཕོ་ཕྲང་དུ་ཨ་མི་རི་ཀའི་ཁེལ་ཕོ་ནིཡ་མངའ་སྡེའི་ནང་རྟེན་གཞི་བྱས་པའི་ San Diego གཙུག་ལག་སློབ་གཉེར་ཁང་དང་། རྒྱ་གར་མུམ་བའེ་གྲོང་ཁྱེར་གཉིས་ནས་ཆེད་བཅར་ཞུས་པའི་སློབ་མ་དང་དགེ་ལས་ཁག་ཅིག་ལ་དམིགས་བསལ་མཇལ་ཁ་དང་བཀའ་སློབ་སྩལ་སྐབས་སུ་རྒྱ་ནག་གཞུང་ནས་མང་ཚོགས་ཀྱི་གཞི་རྩའི་རང་དབང་ལ་བརྩི་སྲུང་མ་བྱས་པའི་ཁར་གནས་ཚུལ་གང་ཡིན་བཀག་སྡོམ་བྱེད་བཞིན་པ་དེ་ནི་གནོད་ཚབས་ཅན་ཞིག་ཡིན་པ་བཀའ་བསྩལ་སོང་། དེ་ཡང་མགོན་པོ་༸གང་ཉིད་མཆོག་ནས་དགེ་ལས་སློབ་མ་རྣམས་ལ་བཀའ་སློབ་བསྩལ་གྲུབ་རྗེས་ San Diego གཙུག་ལག་སློབ་གཉེར་ཁང་དུ་འགྲོ་བ་མིའི་ཐོབ་ཐང་ཐོག་སློབ་གཉེར་གནང་བཞིན་པའི་བུ་མོ་ཞིག་གིས་ རྒྱལ་སྤྱིའི་འགྲོ་བ་མིའི་ཐོབ་ཐང་གི་ཡོངས་ཁྱབ་གསལ་བསྒྲགས་ནང་དུ་འགྲོ་བ་མིའི་ཐོབ་ཐང་ནི་འགྲོ་མི་མི་རྣམས་ལ་རང་བཞིན་ལྷན་སྐྱེས་སུ་ཡོད་པའི་ཆེ་མཐོང་ཞིག་ཏུ་ངོས་འཛིན་གནང་ཡོད་པ་ལྟར། མགོན་པོ་༸གང་ཉིད་མཆོག་ནས་གཞི་རྩའི་འགྲོ་བ་མིའི་ཐོབ་ཐང་ཞེས་པ་དེ་གང་འདྲ་ཞིག་ལ་ངོས་བཞེས་གནང་གི་ཡོད་དམ་ཞེས་བཀའ་འདྲི་ཞུས་པར་ ༸གོང་ས་༸སྐྱབས་མགོན་ཆེན་པོ་མཆོག་གིས་འབུ་སྲིན་རིགས་གཙོས་པའི་འགྲོ་བ་སེམས་ཅན་ཐམས་ཐད་བདེ་སྐྱིད་ངང་འཚོ་སྡོད་བྱེད་རྒྱུའི་རང་དབང་གཅིག་མཚུངས་ཡོད་པ་དང་། ལྷག་པར་དུ་འགྲོ་བ་མི་རྣམས་ལ་སེམས་ཅན་གཞན་དང་མི་འདྲ་བའི་བསམ་བློ་གཏང་རྒྱུའི་ཀླད་པའི་ཆ་ཤས་ཤིག་ཡོད་ཀྱང་། འགྲོ་བ་མིའི་ཐོབ་ཐང་མེད་ན་མིའི་བསམ་བློའི་ཆ་ཤས་དེ་དག་རང་དབང་དང་རྣམ་དཔྱོད་ལྡན་པའི་ཐོག་ནས་བེད་སྤྱོད་ཡང་དག་པ་ཞིག་གཏང་ཐུབ་རྒྱུ་ཁག་པོ་ཡིན་སྟབས། འགྲོ་བ་མའི་ཐོབ་ཐང་ནི་ཆེས་ཤིན་ཏུ་གལ་ཆེ་ཡིན་པར་བཀའ་བསྩལ་སོང་། དེ་བཞིན་རྒྱ་ནག་གཞུང་ནས་མང་ཚོགས་ཀྱི་གནས་ཚུལ་ཐད་ལ་དམ་དྲག་བྱེད་བཞིན་ཡོད་སྐོར་བཀའ་སྩལ་དང་འབྲེལ། མགོན་པོ་༸གང་ཉིད་མཆོག་ནས་རྒྱ་རིགས་གྲོགས་ཕོ་མོ་ཚོ་དང་མཇལ་འཕྲད་ནམ་གནང་ཡང་རྒྱ་ནག་ནང་ཡོད་པའི་རྒྱ་རིགས་ཐེར་འབུམ་གཅིག་ལྷག་ཡོད་པ་ཚང་མ་ལ་རྒྱ་ནག་ནང་གི་དངོས་ཡོད་གནས་ཚུལ་ཇི་ཡིན་ཤེས་རྒྱུ་དང་། དེ་དག་ཤེས་པའི་ཐོག་བཟང་ངན་དབྱེ་འབྱེད་གནང་རྒྱུའི་ཐོབ་ཐང་དང་རང་དབང་དགོས་གལ་ཡིན་པ་ལམ་སྟོན་མཛད་ཀྱི་ཡོད་སྐོར་བཀའ་བསྩལ་བ་མ་ཟད། ད་ལྟའི་ཆར་རྒྱ་ནག་ནང་ལ་དབང་ཆ་གཅིག་བསྡུས་ཀྱི་ལམ་ལུགས་འོག་མང་ཚོགས་དང་འབྲེལ་བའི་གནས་ཚུལ་ཁག་ལ་བཀག་བསྡོམ་དང་དམ་དྲག་བྱེད་བཞིན་པ་དེ་ནི་བཟང་སྤྱོད་དང་མི་མཐུན་པ་མ་ཟད། གནོད་ཚབས་ཅན་ཞིག་ཀྱང་རེད་ཅེས་བཀའ་ནན་བསྩལ་ཡོད། གཞན་ཡང་རྒྱ་གར་གྲོང་ཁྱེར་ Mumbai ནས་ཡིན་པའི་རྒྱ་གར་གྱི་སློབ་ཕྲུག་ཁག་གཅིག་ཡོད་པར་བརྟེན་༸གོང་ས་མཆོག་གིས་བོད་མི་ཚོས་སློབ་གཉེར་གནང་བཞིན་པའི་དཔལ་ནཱལེནྡྲའི་རིག་གནས་དེ་དག་ཐོག་མར་རྒྱ་གར་ནས་དར་བ་ཞིག་ཡིན་པ་དང་། ལྷག་པར་དེ་རིང་སང་ཉིན་གྱི་འཛམས་གླིང་འདིར་འབྲེལ་བ་ཤིན་ཏུ་ཆེ་བའི་རིག་གནས་ཤིག་ཆགས་ཀྱི་ཡོད་ཀྱང་། དེའི་ཐད་ལ་དེང་གི་གཞོན་སྐྱེས་ཚོའི་ངོས་ནས་དོ་སྣང་དེ་ཙམ་གནང་གྱི་མེད་པ་ནི་དཀའ་ངལ་ཞིག་ཡིན་པ་བཀའ་བསྩལ་དང་ཆབས་ཅིག མགོན་པོ་༸གང་ཉིད་མཆོག་གིས་བར་སྐབས་ཤིག་ནས་རྒྱ་གར་གྱི་གནའ་བོའི་རིག་གནས་དེ་དག་སླར་གསོ་ཐུབ་ཐབས་མཛད་བཞིན་ཡོད་སྟབས། རྒྱ་གར་གྱི་གཞོན་སྐྱེས་ཚོའི་ངོས་ནས་ཀྱང་དེ་དག་ལ་དོ་སྣང་སྔར་ལྷག་གནང་དགོས་གལ་ཡིན་པའི་ལམ་སྟོན་བཀའ་སློབ་བཀྲིན་ཆེ་བ་བསྩལ་སོང་། དེ་བཞིན་༸གོང་ས་མཆོག་ནས་ཨ་རིའི་ San Diego གཙུག་ལག་སློབ་གཉེར་ཁང་ནས་ཕེབས་པའི་དགེ་ལས་སློབ་མ་རྣམས་ལ་འདི་ལོ་མགོན་པོ་༸གང་ཉིད་མཆོག་གཙུག་ལག་སློབ་གཉེར་ཁང་དེའི་བསླབ་པ་མཐར་སོན་གྱི་མཛད་སྒོར་སྐུ་དངོས་ཆིབས་བསྒྱུར་བསྐྱངས་ཐུབ་པར་ཐུགས་དགྱེས་ཚོར་ཆེན་པོ་བྱུང་ཞེས་དང་། ད་རེས་སློབ་གཉེར་ཁང་དེའི་དགེ་སློབ་ཁག་ཅིག་བཞུགས་སྒར་དུ་ཕེབས་པར་དགའ་བསུ་ཡོད་ཅེས་བཀའ་སྩལ་དང་སྦྲགས། མགོན་པོ་༸གང་ཉིད་མཆོག་གི་༸སྐུའི་ཐུགས་བསྐྱེད་དམ་བཅའ་ཆེན་པོ་གསུམ་པོའི་ཐོག་བཀའ་སློབ་སྩལ་ཏེ་འགྲོ་བ་མི་ལ་གཅིག་འགྱུར་གྱི་བསམ་བློ་གོང་མཐོར་གཏང་རྒྱུ་གལ་ཆེན་པོ་ཡིན་པ་དང་། དེ་དག་ཀྱང་གཙོ་བོ་ཆོས་ལུགས་ལ་མ་བརྟེན་པར་ཤེས་ཡོན་གྱི་བསྟི་གནས་ཁག་ཏུ་སློབ་ཁྲིད་ཐུབ་ཐབས་གནང་དགོས་གལ་ཡིན་པ་བཀའ་བསྩལ་སོང་། གཞི་རྩའི་དེ་རིང་༸གོང་ས་༸སྐྱབས་མགོན་ཆེན་པོ་མཆོག་གིས་ཨ་རིའི་ San Diego གཙུག་ལག་སློབ་གཉེར་ཁང་དང་། རྒྱ་གར་མུམ་བའེ་གྲོང་ཁྱེར་གཉིས་ནས་ཕེབས་པའི་དགེ་སློབ་ཚོར་བཀའ་སློབ་བསྩལ་བ་དེ་དཔལ་ལྡན་དགའ་ལྡན་ཕོ་བྲང་ཡིག་ཚང་གི་དྲ་རྒྱ་དང་༸རྒྱལ་བ་རིན་པོ་ཆེའི་ངོ་དེབ་ཐོག་ཐད་སྲིང་གནང་ཡོད་པ་དང་། སྐབས་དེར་མང་ཚོགས་ས་ཡ་གསུམ་མན་ཙམ་ནས་དྲ་ཐོག་བརྒྱུད་བཀའ་སློབ་གསན་གཟིགས་གནང་འདུག

ཉན་པ།: Listen ཕབ་ལེན། Download ༸གོང་ས་མཆོག་གིས་རྒྱ་གཞུང་ནས་གནས་ཚུལ་བཀག་སྡོམ་བྱེད་བཞིན་པ་དེ་ནི་གནོད་ཚབས་ཅན་ཞིག་ཡིན་པ་གསུངས་སོང་། བོད་ནང་གི་འབྲོག་པ་ཚོས་རྩ་ཁྲིམས་གཞི་བཟུང་རྒྱ་གཞུང་ལ་གདོང་ལེན་བྱེད་བཞིན་ཡོད་པ་བརྗོད་འདུག སྤྱི་འཐུས་ལྷན་ཚོགས་ནས་གསར་དུ་བསྐོ་གཞག་བྱུང་བའི་རྒྱ་གར་དབུས་བློན་ཆེན་ཁག་ཅིག་ལ་འཚམས་འདྲི་ཞུས་འདུག བོད་ནང་གི་གནམ་གཤིས་འགྱུར་ལྡོག་ལ་གཞིགས་པས་འཛུགས་བསྐྲུན་གནང་ཚེ་གོས་ཆག་ཉུང་དུ་བཏང་ཐུབ། སུད་སི་བཙོན་པ་ཚོས་བོད་ཕྲུག་རྐང་རྩེད་སྤོ་ལོའི་རུ་ཁག་ལ་བློ་ཐག་ཉེ་པོ་དང་དགའ་པོ་གནང་འདུག བོད་རིགས་སྟོབས་རྒྱལ་ལ་གསེར་གྱི་རྟགས་མ་དང་ཆོས་དབྱིངས་སྐྱིད་ལ་དངུལ་གྱི་རྟགས་མ་ཐོབ་འདུག Wednesday 06/09/2017 Censorship is morally wrong and harmful: Dalai Lama interacts with international students Tibetan nomads make rare appeal against removal from grasslands: ICT report TPiE congratulates new members of the union cabinet of India Damages could be reduced If climate change is considered in developmental policies: TPI Tibetan team plays goodwill match against Swiss prison team Tibetan athletes win gold and silver medal in Chinese National games

ཉན་པ།: Listen ཕབ་ལེན། Download ༸གོང་ས་མཆོག་གིས་རྒྱ་ལ་དཔུང་སྟོབས་ཡོད་ནའང་མང་གཙོའི་ཐོག་ནས་བོད་མི་ཡར་རྒྱས་ཆེ་བ་ཕྱིན་ཡོད་པ་བཀའ་བསྩལ་སོང་། ༸གོང་ས་མཆོག་གིས་བྷི་ཧར་དང་ཨ་སམ་ནང་ཆུ་ལོག་གི་གོད་ཆག་བྱུང་བར་ཐུགས་གསོ་མཛད་འདུག གླུ་གཞས་ལེ་ཚན། འདི་གའི་གསར་འགོད་པ་བསྟན་འཛིན་ནོར་བཟང་ལགས་ནས་སྦེལ་ཀོབ་བོད་མིའི་གཞིས་ཆགས་ནས་ཡིན་པའི་ན་གཞོན་གཞས་པ་གསར་པ་བུ་ཆུང་ལགས་ལ་ཁོང་གི་གླུ་གཞས་རྨི་ལམ་དང་འབྲེལ་བའི་བཅར་འདྲི་ཞུས་པ། Tuesday 05/09/2017 Dalai Lama blesses 50th founding anniversary of Bir Tibetan Society Dalai Lama expresses sadness over flood tragedy in Bihar and Assam Speaker of Manipur Assembly calls on Dalai Lama, invites him for Peace conference MUSIC FEATURE: Budding Tibetan singer Bhuchung and his song ‘Milam’

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བཞུགས་སྒར་དུ་སྦིར་བོད་ཚོགས་ཀྱི་མི་མང་རྣམས་ལ་བཀའ་སློབ་བཀྲིན་སྩལ་བ་དང་འབྲེལ། ༸གང་ཉིད་མཆོག་གིས་རྒྱ་མི་གུང་ཁྲན་དཔུང་དང་དཔལ་འབྱོལ་གྱི་སྟོབས་ཞེ་དྲག་ཆེན་པོ་ཡོད་ཀྱང་། མང་གཙོའི་ཆ་ནས་བོད་མི་ཚོ་ཡར་རྒྱས་ཆེ་བ་ཕྱིན་ཡོད་ཅེས་བཀའ་བསྩལ་སོང་། ༸གོང་ས་མཆོག་གིས་སྐབས་དེར་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་གི་གསུང་ཆོས་ར་བའི་དབུ་གཡབ་ཏུ་སྦིར་བོད་ཚོགས་བོད་མི་རྣམས་ལ་བཀའ་སློབ་སྩལ་དོན། བོད་མི་ཚོ་རྒྱ་གར་དུ་བསླེབས་པ་ནས་བཟུར་ད་བར་ཆོས་ཕྱོགས་ཀྱི་ཐོག་ནས་རིས་སུ་མ་ཆད་པའི་ཆོལ་ལུགས་ཁག་ཡག་ཐག་ཆོད་གནས་ཡོད་པ་ལྟར། དེ་དག་མུ་མཐུད་རྒྱུན་གནས་ཐུབ་པར་ལྷོད་ཡང་མ་ཤོར་བ་བྱེད་དགོས་གལ་ཡིན་པ་བཀའ་སྩལ་དང་འབྲེལ། ཕྱི་ལོ་ ༢༠༡༡ ལོར་མགོན་པོ་༸གང་ཉིད་མཆོག་ནས་ཆབ་སྲིད་ཀྱི་༸སྐུ་དབང་ཡོངས་རྫོགས་མང་ཚོགས་ཀྱིས་འོས་འདེབས་བྱས་པའི་འགོ་ཁྲིད་ལ་གསོལ་བསྩལ་གནང་པ་ནས་བཟུང་སྟེ་ཆབ་སྲིད་ཀྱི་འགྲོ་སྟངས་དེ་མང་གཙོའི་ལམ་ལུགས་ཐོག་འགྲོ་གྱི་ཡོད་ཅེས་བཀའ་བསྩལ་སོང་བ་དང་། ལྷག་དོན་རྒྱ་མི་གུང་ཁྲན་དཔུང་དང་དཔལ་འབྱོལ་གྱི་སྟོབས་ཞེ་དྲག་ཆེན་པོ་ཡོད་ཀྱང་། མང་གཙོའི་ཆ་ནས་བོད་མི་ཚོ་ཡར་རྒྱས་ཆེ་བ་ཕྱིན་ཡོད་ཅེས་བཀའ་བསྩལ་སོང་།དེའང་བཞུགས་སྒར་ནས་རྒྱང་ཐག་སྤྱི་ལོ་ ༦༥ ལྷག་གི་སར་ཆགས་པའི་སྦིར་བོད་ཚོགས་ཀྱི་གཞིས་སྒར་དབུ་བརྙེས་ནས་ལོ་ངོ་ ༥༠ འཁོར་བའི་དུས་ཚིགས་དང་བསྟུན། དེ་རིང་ཟླ་ ༩ ཚེས་ ༥ ཉིན་སྔ་འདྲོ་སྦིར་བོད་ཚོགས་ཁྱབ་ཁོངས་གཞིས་སྒར་གྱི་བོད་མི་རྣམས་བཞུགས་སྒར་དུ་ཆེད་བཅར་གྱིས་༸གོང་ས་མཆོག་གི་མཇལ་ཁ་དང་། ༸གང་ཉིད་མཆོག་གིས་ད་བར་སྦིར་བོད་ཚོགས་བོད་མི་རྣམས་ལ་བསྐྱངས་པའི་བཀྲིན་ལ་རྗེས་དྲན་མཚོན་ཕྱིར་མགོན་པོ་མཆོག་ལ་རིན་ཆེན་ནོར་བུ་ལས་གྲུབ་པའི་བཀྲིས་རྟགས་བརྒྱད་ཀྱི་གཟེངས་རྟགས་འབུལལམ་ཞུས་ཡོད་པ་རེད། དེ་བཞིན་མགོན་པོ་༸གང་ཉིད་མཆོག་གིས་ད་ཆ་ང་ཚོ་མང་གཙོའི་ཐོག་ལ་འགྲོ་བཞིན་ཡོད་སྟབས་མང་ཚོགས་ཚོས་ཀྱང་ཆབ་སྲིད་ཀྱི་གོ་རྟོགས་དང་དེར་དོ་སྣང་མང་ཙམ་བྱེད་དགོས་ཞེས་ལམ་སྟོན་བསྩལ་ཡོད་པ་རེད། བོད་ཀྱི་ཆོས་དང་རིག་གཞུང་གི་ཆ་ནས་དེང་སྐབས་འཛམ་གླིང་ཐོག་སུ་གང་ལ་མེད་པའི་རིག་གཞུང་ཕྱུག་པོ་དེ་བོད་མི་ཚོར་ཡོད་པ་དང། དེ་ཡང་སྐད་ཡིག་གཞན་ལ་ལྟོས་མི་དགོས་པར་བོད་ཀྱི་སྐད་ཡིག་རང་ནང་ཆ་ཚང་བ་ཞིག་ཡོད་སྟབས། དེ་ལྟ་བུའི་མེས་པོ་གོང་མ་ཚོས་བཞག་པའི་གཅེས་ནོར་དེ་དག་རྒྱུན་འཛིན་བྱེད་རྒྱུར་བོད་མི་སྤྱི་དང་སྒོས་གཞོན་སྐྱེས་ཚོར་འགན་ཡོད་པའི་བཀའ་ནན་བསྩལ་སོང་། ཆོས་དད་ཡོད་མེད་ལ་ལྟོས་མེད་ནང་པ་སངས་རྒྱས་པའི་ཆོས་ལས་ནང་པའི་ཚན་རིག་དང་སེམས་ཁམས་རིག་པའི་ལྟ་གྲུབ། ཚད་མ་རིག་བཅས་ཀྱི་ཐོག་སེར་སྐྱ་དབྱེ་མེད་ཚོས་དོ་སྣང་དང་སློབ་གཉེར་རྒྱག་དགོས་གལ་ཡིན་པར་ལམ་སྟོན་མཛད་ཡོད། བོད་ཀྱི་ཆོས་དང་རིག་གཞུང་གི་གལ་གནད་སྐོར་བཀའ་སློབ་སྩལ་བའི་ཁྲོད་དེ་སྔ་ཕྱི་ལོ་ ༡༩༦༠ ནང་རྒྱ་གཞུང་གིས་བྲིས་པའི་སློབ་གསོ་ཤིག་གི་ནང། བོད་པའི་ནང་ཆོས་དེ་རྨོངས་དད་ཞིག་ཡིན་པ་དང། ཚན་རིག་སློབ་སྦྱོང་ཡར་རྒྱས་ཕྱིན་རྗེས་རྨོང་དད་དེ་དག་རིམ་པས་མེད་པ་ཆགས་ཀྱི་རེད་བཀོད་ཡོད་ཀྱང། ད་ལྟའི་ཆར་དོན་དངོས་དང་མི་མཐུན་པ་ཞིག་ཆགས་ཡོད་པ་དང་། ལྷག་དོན་ཚན་རིག་པ་ཚོས་བོད་ཀྱི་ནང་ཆོས་ལ་དོ་སྣང་བྱེད་མཁན་ཇེ་མང་དུ་འགྲོ་མུས་ཡིན་པ་བཀའ་བསྩལ་ཡོད། རྩ་བའི་སྦིར་བོད་ཚོགས་གཞིས་ཆགས་དེ་ཕྱི་ལོ་ ༡༩༦༧ ལོར་བཙུགས་གནང་པ་ཞིག་དང་། ད་ལྟའི་ཆར་གཞིས་སྒར་ཁྱབ་ཁོངས་སུ་མང་ཚོགས་ ༩༠༠ ལྷག་ཡོད་པ་དང་མང་ཚོགས་ཀྱི་འཚོ་རྟེན་གཙོ་བོ་ནི་དགུན་ཚོང་ཆགས་ཡོད་པ་རེད། རླུང་འཕྲིན་ཁང་གི་གསར་འགོད་པས་འདིར་ཆེད་བཅར་ཞུས་པའི་སྦིར་བོད་ཀྱི་ཚོགས་ཀྱི་ས་གནས་འགོ་འཛིན་རིན་ཆེན་དབང་མོ་ལགས་སུ་བཅར་འདྲི་ཞུས་པར་ཁོང་གིས་བོད་མིའི་གཞིས་སྒར་དབུ་བརྙེས་ནས་ལོ་ངོ་ ༥༠ འཁོར་བའི་དུས་ཆེན་སྲུང་བརྩི་ཞུ་སྟངས་འདྲ་མིན་ཡོད་ཀྱང། ད་རེས་སྦིར་བོད་ཚོགས་ཀྱི་བོད་མི་རྣམས་མ་གྲོས་བསམ་པ་གཅིག་མཐུན་ཐོག་ནས་གཞིས་སྒར་ཐོག་མར་གསར་འཛུགས་དང་ད་བར་སྲ་བརྟན་ཐུབ་པའི་བཀྲིན་གཙོ་བོ་ནི་༸གོང་ས་མཆོག་གི་བཀྲིན་ཉག་ཅིག་ལ་བརྟེན་ནས་ཡིན་པར་ངོས་འཛིན་གྱིས་༸གོང་ས་མཆོག་གི་མཇལ་ཁ་དང་། ད་བར་སྦིར་བོད་ཚོགས་བོད་མི་རྣམས་ལ་བསྐྱངས་པའི་བཀྲིན་ལ་རྗེས་དྲན་མཚོན་ཕྱིར་མགོན་པོ་མཆོག་ལ་རིན་ཆེན་ནོར་བུ་ལས་གྲུབ་པའི་བཀྲིས་རྟགས་བརྒྱད་ཀྱི་གཟེངས་རྟགས་འབུལལམ་ཞུ་རྒྱུར་ཐག་གཅོད་བྱུང་སྐོར་གསུངས་སོང་།

དེ་ཡང་ད་སྐབས་རྒྱ་གར་ཁྱོན་ཡོངས་སུ་ཆར་དུས་ཀྱི་དུས་ཚོད་དང་བསྟུན། རྒྱ་གར་གྱི་ས་གནས་འདྲ་མིན་ཁག་ཏུ་ཆར་ཞོད་རྐྱེན་པས་ཆུ་ལོག་དང་ས་རུད་སོགས་བྱུང་ནས་མང་ཚོགས་ཀྱི་འཚོ་ཐབས་ལ་གནོན་འཚེ་ཚབས་ཆེན་ཕོག་པ་མ་ཟད། གང་ཟག་གི་ཚེ་སྲོག་ཀྱང་ཤོར་བའི་གནས་ཚུལ་རིམ་པ་ཐོན་ཡོད་པ་དང་། ལྷག་པར་དུ་ཉེ་བའི་ཆར་རྒྱ་གར་བྱང་ཕྱོགས་བྷི་ཧཱར་དང་ཨ་སམ་མངའ་སྡེའི་ནང་ལ་ཆར་ཤོད་ཀྱི་འཇིག་པ་ཤུགས་ཆེ་འོག་མི་མང་རྣམས་ལ་ཆེས་ངལ་བ་འཕྲད་བཞིན་ཡོད་པར་བརྟེན། ཁ་སང་ཚེས་ ༤ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བྷི་ཧཱར་མངའ་སྡེའི་སྤྱི་ཁྱབ་བློན་ཆེན་སྐུ་ཞབས་ནི་ཏིཤ་ཀུ་མཱར་མཆོག་དང་ཨ་སམ་མངའ་སྡེའི་སྤྱི་ཁྱབ་བློན་ཆེན་སྐུ་ཞབས་སར་བྷ་ནནྡཱ་སོ་ནོཝཱལ་མཆོག་རྣམ་གཉིས་ཀྱི་མཚན་ཐོག་ཏུ་ཐུགས་གསོའི་གསུང་འཕྲིན་ཞིག་བསྩལ་འདུག གསུང་འཕྲིན་དེའི་ནང་མགོན་པོ་༸གང་ཉིད་མཆོག་ནས་ཆར་ཞོད་ཀྱི་གོད་ཆག་འོག་མང་ཚོགས་ཚོའི་ཚེ་སྲོག་ཤོར་བ་དང་སྡོད་ཁང་སོགས་ལ་གནོད་འཚེ་ཕོག་པར་ཐུགས་ཕམ་ཆེན་པོ་མཛད་པ་དང་སྦྲགས། ཤུལ་ལུས་ནང་མི་དགའ་ཉེ་སྤུན་མཆེད་དང་མངའ་སྡེའི་མི་མང་ཡོངས་ལ་ཐུགས་གསོ་ཡོད་པ་བཀའ་བསྩལ་འདུག ༸གོང་ས་༸སྐྱབས་མགོན་ཆེན་པོ་མཆོག་གིས་ཐེངས་འདིའི་ཐུགས་གསོའི་གསུང་འཕྲིན་བརྒྱུད་མངའ་སྡེ་སོ་སོའི་ས་གནས་ཁག་ཏུ་ཛ་དྲག་ཉེན་སྐྱོབ་དང་ངལ་སེལ་གྱི་ལས་གཞི་ཚགས་ཚུད་ངང་སྤེལ་བཞིན་པར་བསྔགས་བརྗོད་མཛད་པ་དང་ཆབས་ཅིག མགོན་པོ་༸གང་ཉིད་མཆོག་གིས་གདུང་སེམས་མཉམ་བསྐྱེད་མཚོན་ཕྱིར་ཏཱ་ལའི་བླ་མའི་དགེ་རྩ་ནས་ངལ་སེལ་རོགས་དངུལ་ཕྲན་བུ་གསོལ་བསྩལ་མཛད་རྒྱུ་ཡིན་ཞེས་བཀའ་གནང་འདུག གཞི་རྩའི་འདས་པའི་ཟླ་བ་འདིའི་ནང་བྷི་ཧཱར་དང་ཨ་སམ་ནང་གི་ཆར་ཞོད་དང་འབྲེལ་བའི་ཆུ་ལོག་གི་གོད་ཆག་འོག་ Bihar མངའ་སྡེའི་བྱང་ཕྱོགས་སུ་ཡོད་པའི་རྫོང་ཁག་ ༢༠ ལྷག་ལ་གནོད་འཚེ་ཤུགས་ཆེ་ཕོག་པས་ས་གནས་ཡུལ་མི་ ༥༠༠ ལྷག་གི་ཚེ་སྲོག་ཤོར་བ་དང་མི་མང་བརྒྱ་ཕྲག་བརྒལ་བའི་ཁྱིམ་མེད་པར་གྱུར་ཡོད་པ་རེད། དེ་བཞིན་ Assam མངའ་སྡེའི་ནང་ལ་མཚོན་ན་ཆུ་ལོག་གི་གོད་ཆག་འོག་མངའ་སྡེའི་རྫོང་ཁག་ ༧ ལ་གནོད་འཚེ་ཚབས་ཆེ་ཕོག་སྟབས། ས་གནས་ཡུལ་མི་ ༡༥༠ ལྷག་གི་ཚེ་སྲོག་ཤོར་ཡོད་པ་དང་མང་ཚོགས་ཀྱི་འཚོ་ཐབས་དང་འབྲེལ་བའི་ས་ཞིང་ཨེ་ཀ ༥༦༨༠ ལྷག་ལ་གནོད་སྐྱོན་ཕོག་ཡོད་པ་རེད། ཕྱོགས་མཚུངས་ཁ་སང་ The Assam Tribune དང་། Eastern Mirror སོགས་རྒྱ་གརགྱི་བརྒྱུད་ལམ་ཁག་ཏུ་གནས་ཚུལ་སྤེལ་བར་ཉེ་ཆར་རྒྱ་གར་བྱང་ཤར་ཁུལ་གྱི་ Manipur མངའ་སྡེ་གྲོས་ཚོགས་ཀྱི་ཚོགས་གཙོ་སྐུ་ཞབས་ Yumnam Khemchand མཆོག་ནས་༸གོང་ས་༸སྐྱབས་མགོན་ཆེན་པོ་མཆོག་འདི་ལོ་མངའ་སྡེ་དེའི་རྒྱལ་ས་ Imphal ནང་འཚོགས་གཏན་འཁེལ་བའི་རྒྱལ་སྤྱིའི་ཞི་བདེ་ལྷན་ཚོགས་ཐོག་ཆིབས་བསྒྱུར་མཛད་རྒྱུའི་གདན་ཞུ་གསོལ་འདེབས་ཕུལ་ཡོད་པ་རེད། གདན་ཞུ་གསོལ་འདེབས་དེ་དང་འབྲེལ་ཏེ་ཁ་སང་ཚེས་ ༤ ཉིན་སྐུ་ཞབས་ Yunnam Khemchand མཆོག་ནས་ས་གནས་ཀྱི་བརྒྱུད་ལམ་ཁག་ཏུ་ཁོང་ཉེ་ཆར་ཧི་མཱ་ཅལ་མངའ་སྡེའི་རྒྱལ་ས་ཤིམ་ལར་གཞུང་འབྲེལ་ཚོགས་འདུར་བཅར་བ་ དང་བསྟུན། ༸གོང་ས་༸སྐྱབས་མགོན་ཆེན་པོ་མཆོག་དང་མཇལ་འཕྲད་ཞུ་ཐོག་༸གང་ཉིད་མཆོག་ལ་གདན་ཞུ་གསོལ་འདེབས་ཞུས་ཡོད་སྐོར་ངོ་སྤྲོད་གནང་འདུག  འོན་ཀྱང་ད་ལྟའི་ཆར་ལྷན་ཚོགས་དེའི་ཟླ་དུས་ཚེས་གྲངས་ནམ་ཡིན་སོགས་ཐུགས་གཏན་འཁེལ་མི་འདུག གཞི་རྩའི་ཞི་བདེ་ལྷན་ཚོགས་དེ་མཱ་ནི་པུར་གཙོས་པའི་རྒྱ་གར་བྱང་ཤར་ཁུལ་གྱི་ས་གནས་ཁག་ཏུ་དམག་འཁྲུག་སོགས་འཚེ་བའི་ལས་རྣམས་འགོག་ཐབས་དང་། ཞི་བདེའི་སྤྱི་ཚོགས་ཤིག་བསྐྲུན་ཐབས་སུ་ཆེད་དམིགས་གནང་པ་ཞིག་ཡིན་པ་རེད།  

རྒྱལ་སྤྱིའི་བོད་དོན་འབྲེལ་མཐུད་ལས་ཁང་གི་གོ་སྒྲིག་འོག་ཟླ་ ༩ ཚེས་ ༡ ཉིན་ནས་ཚེས་ ༣ བར་བྱང་ཨ་མི་རི་ཀའི་གླིང་ཆེན་ཁུལ་གྱི་མེག་སི་ཁོ་རྒྱལ་ཁབ་ཀྱི་རྒྱལ་ས་ Mexico City ནང་དུ་བྱང་དང་ལྷོ་ཨ་མི་རི་ཀའི་ཁུལ་གྱི་བོད་དོན་རྒྱབ་སྐྱོར་ཚོགས་པའི་ཚོགས་ཆེན་ཚོགས་འདུག ད་རེས་ཀྱི་ཚོགས་འདུ་ཐོག་ཨ་རི་དང་ཁེ་ན་ཌ། ཅི་ལེ་བྷརྫིལ། མེག་སི་ཁོ་བཅས་བོད་དོན་རྒྱབ་སྐྱོར་ཚོགས་པའི་ཚོགས་མི་ ༤༣ གཙོས་པའི་ལྷོ་ཨ་མི་རི་ཀའི་སྐུ་ཚབ་དོན་གཅོད་དང། དེ་བཞིན་བོད་མིའི་སྒྲིག་འཛུགས་ཀྱི་ཕྱི་དྲིལ་ལས་ཁུངས་ཀྱི་བོད་དོན་རྒྱབ་སྐྱོར་ཚོགས་པའི་སྡེ་ཚན་གྱི་འབྲེལ་མཐུད་པ་བཅས་འདུ་འཛོམས་བྱུང་འདུག ཐེངས་འདིའི་ཚོགས་འདུ་སྐབས་རྒྱལ་སྤྱིའི་ཆབ་སྲིད་འགྱུར་འགྲོས་དང་བོད་དོན་ཐོག་གོ་རྟོགས་མེད་མཁན་གྱི་མང་ཚོགས་དང་སྤྱི་ཚོགས་ཁྲོད་བོད་དོན་གོ་རྟོགས་ཀྱི་ལས་འགུལ་དང་། མཉམ་འབྲེལ་གྱི་བོད་དོན་ལས་འགུལ་ནུས་པ་གོང་མཐོར་གཏོང་ཐབས། དེ་བཞིན་བོད་དོན་རྒྱབ་སྐྱོར་ཚོགས་པ་ནང་ཁུལ་དབར་ལ་འབྲེལ་ལམ་སྲ་བརྟན་རྒྱུན་སྐྱོང་ཡོང་རྒྱུ་སོགས་ཀྱི་ཐད་ལ་ཚོགས་མི་ནང་ཁུལ་དབར་སྦྱངས་བཤད་དང་བསམ་ཚུལ་སྤེལ་རེས་གནང་འདུག འདི་ག་རླུང་འཕྲིན་ཁང་གིས་ལྷོ་བྱང་ཨ་མི་རི་ཀའི་ཁུལ་གྱི་བོད་དོན་རྒྱབ་སྐྱོར་ཚོགས་པའི་ཚོགས་འདུ་དང་འབྲེལ་ལྷོ་ཨ་མི་རི་ཀའི་སྐུ་ཚབ་དོན་གཅོད་ཚེ་དབང་ཕུན་ཚོགས་ལགས་སུ་བཅར་འདྲི་ཞུས་པ་ཡོད།

ཉན་པ།: Listen ཕབ་ལེན། Download སྲིད་སྐྱོང་མཆོག་གིས་ནང་ཆོས་དང་བསྡུར་ན་དམར་ཤོག་ནི་བྱིས་པ་ལྟར་ཡིན་པ་གསུངས་འདུག བོད་ཀྱི་གཞོན་ནུ་ལྷན་ཚོགས་ཀྱི་འགན་འཛིན་ལྷན་ཚོགས་ཐེངས་༤༨ པ་མཇུག་སྒྲིལ། སྤྱི་འཐུས་ཚོགས་གཙོ་མཆོག་གིས་ཛུ་རིག་གྲོང་ཁྱེར་སྤྱི་ཁྱབ་པ་དང་མཇལ་འཕྲད། ༸གོང་ས་མཆོག་གིས་ཡོ་རོབ་རྒྱལ་ཁབ་བཞི་ནང་མཛད་འཕྲིན་བསྐྱང་རྒྱུ། མེག་སི་ཀོ་ནང་བྱང་ཨ་རི་ཁུལ་གྱི་བོད་དོན་རྒྱབ་བསྐྱོར་ཚོགས་པའི་ཚོགས་འདུ། རྒྱ་གཞུང་ནས་ཕྱི་ཟླ་༡༠ ནས་དྲ་རྒྱར་སྔར་ལྷག་དམ་དྲག་བྱ་རྒྱུ། Monday 04/09/2017 Sikyong speaks at human rights conference in Little Saigon 48thWorking Committee Meeting of TYC concludes with a protest rally for Tibet TPiE Speaker briefs President of Zurich City Council on current situation inside Tibet Dalai Lama to embark on Europe tour beginning from London Derry Regional meeting of International Tibet Network held in Mexico City