Monthly Archives: October, 2017

ཉན་པ།: Listen ཕབ་ལེན། Download ༸གོང་ས་མཆོག་གིས་སངས་རྒྱས་པའི་ཆོས་ལ་བསམ་བློ་ཡག་པོ་གཏང་ན་སེམས་ལ་སྤྲོ་བ་དང་སྙིང་སྟོབས་བསླེབ་རྒྱུ་ཡོད་པ་བཀའ་བསྩལ་བ། སྲིད་སྐྱོང་བློ་བཟང་སེང་གེ་མཆོག་ལ་ཏ་ཀ་སུ་ཆེ་བསྟོད་གཟེངས་རྟགས་ཕུལ་སོང་། སྨན་པ་བསྟན་འཛིན་ཆོས་ལྡན་ལགས་ལ་ Lisa Shapiro ཆེ་བསྟོད་གཟེངས་རྟགས་ཐོབ་འདུག བཞུགས་སྒར་དུ་ལུས་སེམ་སྲོག་གི་བགྲོ་གླེང་ལྷན་ཚོགས་ཐེངས་ལྔ་པ་དབུ་འཛུགས། བོད་རིགས་བེུད་བསྟན་འཛིན་སྒྲོལ་དཀར་ལགས་ཨ་རིའི་ Minnesota མངའ་སྡེའི་མེ་འཁོར་ལས་ཁུངས་ཀྱི་ངེས་སྟོན་པར་བསྐོ་གཞག་གནང་འདུག Wednesday 04/10/2017 Dalai Lama speaks on positive energy of Buddhism to Taiwanese devotees Takasu Foundation confers Takasu award to Sikyong at new CTA hall Tibetan dentist wins Lisa Shapiro award 5th Conference on Body, Mind and Life kicks off in Dharamsala Tenzin Dolkar appointed Rail Director of Minnesota

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་སློབ་དཔོན་ཟླ་བ་གྲགས་པས་མཛད་པའི་དབུ་མ་འཇུག་པའི་ཆོས་འབྲེལ་ཉིན་གཉིས་པའི་ཐོག་སངས་རྒྱས་པའི་ཆོས་ལ་བསམ་བློ་ཡག་པོ་གཏང་ན་སེམས་ལ་སྤྲོ་བ་དང་སྙིང་སྟོབས་བསླེབ་རྒྱུ་ཡོད་རེད་ཅེས་བཀའ་བསྩལ་སོང། ༸གོང་ས་༸སྐྱབས་མགོན་ཆེན་པོ་མཆོག་གིས་རྣམ་ཀུན་ནང་པའི་དད་ལྡན་ཆོས་ཞུ་བ་ཚོའི་ངོས་ནས་སངས་རྒྱས་བཅོམ་ལྡན་འདས་ཀྱི་སྩལ་བའི་འཁོར་ལོ་རིམ་པ་གསུམ་དང་དེ་བཞིན་དག་གི་དགོངས་འགྲེལ་དང་བཅས་པའི་བཀའ་འགྱུར་དང་བསྟན་འགྱུར་པོད་སྡེ་ཁག་གོང་སྒྲིག་སྟེ་སངས་རྒྱས་ཀྱི་བསྟན་པ་ངོ་འཕྲོད་རྒྱུ་ཞིག་དང་དགག་བཞག་སློང་གསུམ་གྱི་ཐོག་ནས་ངེས་ཤེས་ཐོབ་པ་ཞིག་བྱེད་དགོས་པ་མ་གཏོགས། དེ་མིན་འདི་སངས་རྒྱས་པའི་ཆོས་དང་ངའི་བླ་མས་གསུངས་པ་རེད་ཅེས་ཕྱིན་ཚེ། ཧ་ལམ་འཁྱགས་པ་སྒང་གི་རྩིག་པ་ལྟར་བརྟན་པོ་མེད་པ་རེད་ཅེས་བཀའ་སྩལ་བ་མ་ཟད། ལྷག་པར་དུ་སངས་རྒྱས་པའི་ཆོས་ལ་བསམ་བློ་ཡག་པོ་གཏང་ན་སེམས་ལ་སྤྲོ་བ་དང་སྙིང་སྟོབས་བསླེབ་རྒྱུ་ཡོད་རེད་ཅེས་བཀའ་བསྩལ་སོང། དེ་བཞིན་༸གོང་ས་མཆོག་གིས་ཆོས་ཞུ་བ་ཚོར་ཆོས་འཆད་ཉན་གྱི་གལ་གནད་སྐོར་བཀའ་སྩལ་སྐབས་ཆོས་ཉན་བཤད་གནང་པ་མཚོན་པའི་བྱ་བ་གང་དང་གང་ཡིན་རུང་གཙོ་བོ་ཀུན་སློང་ལ་རག་ལས་ཡོད་པ་དང། ཁྱད་པར་དུ་ཆོས་འབྲེལ་བྱེད་མཁན་བླ་མའི་ངོས་ནས་ཆོས་བཤད་ནས་འབུལ་བ་ལེན་པ་ཡིན་ན་དེ་ནི་ཆོས་ཚོང་རྒྱག་པ་ལྟ་བུ་རེད་ཅེས་བཀའ་བསྩལ་ཡོད་པ་རེད། མགོན་པོ་༸གང་ཉིད་མཆོག་གིས་གསུང་ཆོས་བར་མཚམས་སུ་བཀའ་འདྲི་ཞུ་རྒྱུའི་གོ་སྐབས་བསྩལ་དོན་ལྟར་ཆོས་ཞུ་བས་ཁྱིམ་པ་ཞིག་གིངོས་ནས་གཞུང་ཆེན་དེ་དག་གོ་རིམ་མ་འཁྲུག་པ་ཇི་ལྟར་བྱ་དགོས་ཞེས་བཀའ་འདྲི་ཞུས་པར་༸གོང་ས་མཆོག་གིས་གཞུང་ཆེན་བཀའ་པོད་ལྔ་པོ་དེ་དག་གྲྭ་པ་ཁོ་ནའི་སློབ་གཉེར་གནང་ཕྱིར་གསུངས་པ་ཞིག་མིན་མར་སངས་རྒྱས་བཅོམ་ལྡན་འདས་ཀྱི་རྗེས་འབྲང་པ་ཚོར་གསུངས་པ་དང། བཅོམ་ལྡན་འདས་ཀྱི་རྗེས་འབྲང་པར་སེར་སྐྱ་ཕོ་མོ་དབྱེ་བ་གང་ཡང་མེད་པ་རེད་ཅེས་བཀའ་ནན་སྩལ་བ་དང་ཆབས་ཅིག དེ་སྔ་བོད་ལ་ཡིན་ན་དཔེ་ཆ་ལྟ་ཀློག་ཞུ་རྒྱུ་དེ་དགོན་པ་དང་བཤད་གྲྭ་ཚོའི་ལས་འགན་ལས་ཁྱིམ་པ་ཚོའི་མིན་པར་ངོས་འཛིན་པ་ནི་ཆེས་ནོར་འཁྲུལ་ཞིག་ཡིན་སྟབས། ད་ཆ་ནང་པའི་གཞུང་ཆེན་བཀའ་པོད་ལྔར་སེར་སྐྱ་ཁྱད་མེད་ཚོས་ལྟ་ཀློག་བྱེད་དགོས་ཞེས་བཀའ་བསྩལ་ཡོད་པ་རེད།

དེ་རིང་ཟླ་ ༡༠ ཚེས་ ༤ ཉིན་རྒྱབ་ཚོུད་ ༢༌༠༠ སྟེང་བཞུགས་སྒར་དུ་རྟེན་གཞི་བྱས་པའི་བོད་ཀྱི་སྨན་རྩིས་ཀྱི་ཁང་གི་ལུས་སེམས་སྲོག་གི་སྡེ་ཚན་གྱི་གོ་སྒྲིག་འོག་སྨན་རྩིས་མཐོ་སློབ་ཚོགས་ཁང་དུ་ Prevention of Mental Disorder འམ་སེམས་ནད་སྔོན་འགོག་བྱ་ཐབས་ཞེས་པའི་བརྗོད་གཞི་ཐོག་ལུས་སེམས་སྲོག་གི་བགྲོ་གླེང་ལྷན་ཚོགས་ཐེངས་ལྔ་པ་དབུ་འཛུགས་གནང་སོང་བ་དང་། མཛད་སྒོའི་སྐུ་མགྲོན་གཙོ་བོ་བོད་མིའི་སྒྲིག་འཛུགས་འཕྲོད་བསྟེན་བཀའ་བློན་ཆོས་སྐྱོང་དབང་ཕྱུག་མཆོག་དང་དམིགས་བསལ་སྐུ་མགྲོན་ཀིརྟི་རིན་པོ་ཆེ་མཆོག གཞུང་དང་གཞུང་འབྲེལ་མ་ཡིན་པའི་ཚོགས་ཁག་གི་སྐུ་ཚབ་དང་ཕྱོགས་མཐའ་ཁག་ནས་ཆེད་བཅར་ཞུས་པའི་ཚོགས་བཅར་བ་རྣམ་པ། སྨན་རྩིས་ཁང་གི་དབུ་འཛིན་དབུས་པའི་མཐོ་སློབ་ཀྱི་དགེ་ལས་སློབ་མ། དེ་བཞིན་སེ་ལ་ཀུལ་བོད་ཁྱིམ་སློབ་གྲྭའི་ཚན་རིག་སྡེ་ཚན་གྱི་སློབ་མ་བཅས་ནས་མཉམ་ཞུགས་གནང་འདུག ལྷན་ཚོགས་ཀྱི་དབུ་འབྱེད་མཛད་སྒོའི་ཐོག་མར་བོད་ཀྱི་སྨན་རྩིས་ཁང་གི་ལུས་སེམས་སྲོག་གི་སྡེ་ཚན་གྱི་འགན་འཛིན་དགེ་བཤེས་བསྟན་པ་བཀྲ་ཤིས་ལགས་ནས་སྡེ་ཚན་དེ་ཐོག་མར་ཆེད་འཛུགས་གནང་པ་ནས་ད་བར་ལྷན་ཚོགས་རིམ་པ་བཞི་ཚོགས་པའི་བརྒྱུད་རིམ་ཁྲོད་སྨན་རྩིས་ཁང་གི་སློབ་ཕྲུག་རྣམས་ལ་རིག་གཞུང་འདྲ་མིན་གྱི་ལེགས་བྱང་ཐོག་རྒྱུས་མངའ་དང་མ་འོངས་པའི་ཉམས་ཞིབ་ཀྱི་ལས་དོན་སོགས་ལ་ཕན་ཐོགས་ཆེན་པོ་བྱུང་ཡོད་སྐོར་ཀྱི་ལས་བསྡོམས་སྙན་སྒྲོན་གནང་སོང་། སྐབས་དེར་སྐུ་མགྲོན་གཙོ་བོ་འཕྲོད་བསྟེན་བཀའ་བློན་མཆོག་གིས་དེང་སྐབས་རྒྱལ་སྤྱིའི་འཕྲོད་བསྟེན་ལྷན་ཚོགས་ཀྱི་སྙན་ཐོ་ཁག་ལ་གཞིགས་ན། འཛམ་བུ་གླིང་ འདིའི་ཐོག་མི་མང་པོ་ཞིག་སེམས་ནད་དང་འབྲེལ་སྐུ་ཚེ་མ་ཟིན་པ་སོགས་ཀྱི་དཀའ་ངལ་མང་དག་ཞིག་འཕྲད་བཞིན་པའི་དུས་སྐབས་འདིར་ང་ཚོ་བོད་མིའི་ངོས་ནས་དེའི་ཐད་དོ་སྣང་དང་ལྷག་པར་དུ་ཐེངས་འདིའི་ལུས་སེམས་སྲོག་གི་ལྷན་ཚོགས་ཀྱི་བརྗོད་གཞི་སེམས་ནད་ཀྱི་སྔོན་འགོག་དང་འབྲེབ་ཡོད་བཞག་ཐུབ་པར་བསྔགས་བརྗོད་གནང་པ་དང་སྦྲགས། ད་ལྟའི་ཆར་བོད་པའི་སྤྱི་ཚོགས་ནང་སེམས་ནད་ཡོད་པའི་བོད་མི་ ༣༣༠ ཙམ་ལ་འཕྲོད་བསྟེན་ལས་ཁུངས་ནས་སྨན་སོགས་ཀྱི་མཐུན་འགྱུར་སྦྱོར་བཞིན་ཡོད་པ་དང་། གྲངས་འབོར་དེ་ནི་བོད་མིའི་སྤྱི་ཚོགས་ཀྱི་གནས་བབས་ལ་གཞིགས་ཚེ་སེམས་ཚབས་ཅན་ཞིག་ཆགས་ཡོད་སྟབས། ལུས་སེམས་སྲོག་གི་བགྲོ་གླེང་ལྷན་ཚོགས་བརྒྱུད་གཞི་རིམ་མང་ཚོགས་ཁྲོད་ལ་སེམས་ནད་ཀྱི་སྔོན་འགོག་དང་ནད་གཞི་དེའི་རྒྱུ་རྐྱེན་གང་ཡིན་སོགས་དང་འབྲེལ་བའི་ལམ་སྟོན་རྩ་འཛིན་ཞིག་གཏན་འབེབས་གནང་ཐུབ་ཚེ་དགེ་མཚན་ཆེན་པོ་ཡོད་སྐོར་ལམ་བསྟོན་གནང་སོང་། གཞི་རྩའི་ཐེངས་འདིའི་ལུས་སེམས་སྲོག་གི་བགྲོ་གླེང་ལྷན་ཚོགས་ཐེངས་ལྔ་པ་འདི་གཙོ་བོ་སེམས་ནད་སྔོན་འགོག་བྱ་ཐབས་ཞེས་པའི་བརྗོད་གཞི་གཙོ་བཟུང་ཐོག་ཕྱི་ནང་གི་མཁས་པ་དང་ཉམས་ཞིབ་པ་རྣམས་ནས་ནང་པའི་སེམས་ཁམས་ཚན་རིག་པ་དང་། བོད་ལུགས་གསོ་རིག བོད་རྩིས་རིག་པ། ནུབ་ཕྱོགས་ཚན་རིག་བཅས་བརྗོད་གཞི་འདྲ་མིན་ཐོག་གཏམ་བཤད་དང་གྲོས་བསྡུར་སྦྱང་བཤད་གནང་གི་ཡོད་པ་རེད། གཞན་ཡང་ལྷན་ཚོགས་ཐེངས་ལྔ་པའི་དབུ་འབྱེད་མཛད་སྒོ་དང་བསྟུན། བོད་ཀྱི་སྨན་རྩིས་ཁང་གི་དབུ་འཛིན་བཀྲ་ཤིས་ཚེ་རིང་ལགས་ནས་གསར་འགོད་གསལ་བསྒྲགས་ཤིག་སྒྲོག་སྦྱང་གནང་པ་དང་འབྲེལ། བཞུགས་སྒར་དུ་རྟེན་གཞི་བྱས་པའི་བོད་ཀྱི་སྨན་རྩིས་ཁང་ནས་གནངས་ཉིན་ནས་རྒྱ་ནག་གཞུང་གིས་མ་དངུལ་རྒྱབ་རྟེན་འོག་ཨ་རིའི་ Harward གཙུག་ལག་སློབ་གཉེར་ཁང་དུ་བོད་ལུགས་གསོ་རིག་གི་ལུས་སེམས་བདེ་ཐང་། ཐུན་མོང་གི་གསོ་ཐབས་འཚོལ་བ་ཞེས་པའི་ལྷན་ཚོགས་ཤིག་ཚོགས་གཏན་འཁེལ་བར་ངོ་ལེན་མེད་ཀྱང་། ལྷན་ཙོགས་དེའི་འོག་བོད་ནང་གི་སྨན་རྩིས་མཁས་པ་མང་དག་ཞིག་ནས་མཉམ་ཞུགས་གནང་གི་ཡོད་སྟབས། རྒྱ་གཞུང་གི་འགག་བྱ་ལ་ལྟོས་མེད་བོད་ཀྱི་སྨན་རྩིས་ཁང་ནས་གཞུང་འབྲེལ་སྨན་པ་གཉིས་ཆེད་གཉེར་ཞུས་ཐོག་སྨན་པ་ཁག་ཅིག་སྒེར་དགོངས་ཐོག་ཆེད་བཅར་གྱིས་གནས་ཚུལ་རྒྱུས་ལོན་གནང་རྒྱུ་ཡིན་པ་གསུངས་ཡོད། རྩ་བའི་བོད་ཀྱི་སྨན་རྩིས་ཁང་གི་ལུས་སེམས་སྲོག་གི་སྡེ་ཚན་དེ་ནི་བོད་ཀྱི་ཐུན་མོང་མ་ཡིན་པའི་སྨན་རྩིས་ལས་གསུངས་པའི་ལུས་སེམས་འཕྲོད་བསྟེན་གཞི་རྩར་བཟུང་པའི་ཐོག་༸གོང་ས་༸སྐྱབས་མགོན་ཆེན་པོ་མཆོག་གི་བཀའ་སློབ་ལམ་སྟོན་ལྟར་འགྲོ་བ་མིའི་ལུས་སེམས་གཉིས་ལས་གཙོ་བོ་སེམས་ཁམས་འཕྲོད་བསྟེན་ཐད་ཞབས་ཞུ་ཚད་མཐོ་ཡོང་ཐབས་སུ་ཕྱི་ལོ་ ༢༠༡༣ ཟླ་ ༧ པའི་ནང་བཙུགས་ཡོད་པ་དང་། དུས་དེ་ནས་བཟུང་ད་བར་བོད་བརྒྱུད་ནང་དོན་རིག་པ་དང་བོད་ཀྱི་གསོ་བ་རིག་པ། རྒྱ་ནག་སྲོལ་རྒྱུན་སྨན་ལུགས་དང་བྲམ་ཟེའི་སྨན་ལུགས། སེམས་ཁམས་འཁྲུག་པའི་རྒྱུ་རྐྱེན་དང་བཅོས་ཐབས། དེ་བཞིན་སེམས་ངལ་གྱི་རྒྱུ་རྐྱེན་དང་བཅོས་ཐབས་བཅས་ཀྱི་བརྗོད་གཞི་གཙོ་བཟུང་གིས་བགྲོ་གླེང་ལྷན་ཚོགས་ཐེངས་བཞི་ཚོགས་ཟིན་ཡོད་པ་དང་། དེ་རིང་གི་ལྷན་ཚོགས་ཐོག་ལུས་སེམས་སྲོག་གི་བགྲོ་གླེང་ལྷན་ཚོགས་ཐེངས་གཉིས་པའི་ཐོག་མཁས་དབང་ཁག་གིས་གཏམ་བཤད་གནང་པའི་དཔེ་དེབ་དང་ནད་རིགས་སྔོག་འགོག་གྱི་དཔེ་དེབ་ཁག་ཅིག་དབུ་འབྱེད་གནང་ཡོད་པ་རེད།

རྡ་སར་རྟེན་གཞི་བྱས་པའི་བདེ་ལེགས་སྨན་ཁང་གི་སོའི་སྨན་པ་བསྟན་འཛིན་ཆོས་ལྡན་ལགས་ལ་ཉེ་ཆར་འཛམ་གླིང་ཁྲོད་ནས་དུད་འགྲོའི་རང་དབང་ལས་འགུལ་བ་རྩེད་ཕུད་གྲས་སུ་འདེམས་ཐོན་གྱིས་ཁོང་ལ་ Lisa Shapiro Award 2017 ཞེས་པའི་ཆེ་བསྟོན་ཀྱི་གཟེངས་རྟགས་གནང་འདུག གཟེངས་རྟགས་དེ་ནི་ཨ་རི་ California Berkeley ནང་གི་ Pollination Project ཞེས་པའི་ལས་གཞིའི་འོག་ཕྱི་ལོ་ ༢༠༡༤ ནས་འགོ་འཛུགས་ཀྱིས་ལོ་ལྟར་འཛམ་གླིང་ཁྱོན་དུ་ཉམ་ཐག་པའི་དུད་འགྲོར་གཟིགས་རྟོག་གནང་མཁན་དང་བླངས་ཚོགས་སྒེར་ཁག་ལ་ཆེ་བསྟོད་གནང་གི་ཡོད་པ་རེད། འདི་ལོ་ནང་གཟེངས་རྟགས་དེ་ཐོབ་མཁན་ལྔ་ཡོད་པ་ལས་གཅིག་ནི་སྨན་པ་བསྟན་འཛིན་ཆོས་ལྡན་ལགས་ཡིན་པ་དང་། ཁོ་མོར་ Lisa Shapiro ཆེ་བསྟོད་གཟེངས་རྟགས་དང་ཨ་སྒོར་ ༢༥༠༠ ཐམ་པ་བྱ་དགའ་ཐོབ་ཡོད་པ་རེད། གཞན་ཡང་ཐེ་ཝན་དང་ལ་ཊི་ཝི་ཡ། ཊེཀ་སིས། ཨ་རི་བཅས་ནས་དུད་འགྲོའི་རང་དབང་ལས་འགུལ་བ་རྩེད་ཕུད་བཞི་འདེམས་ཐོན་བྱུང་ཡོད་པ་རྣམས་ལའང་དེ་མཚུངས་ཨ་སྒོར་ ༢༥༠༠ ཐམ་པ་གསོལ་རས་གནང་འདུག བསྟན་འཛིན་ཆོས་ལྡན་ལགས་ནི་ད་ཆ་རྡ་སར་རྟེན་གཞིི་བྱས་པའི་བདེ་ལེགས་སྨན་ཁང་དུ་སོ་སྨན་པའི་ཕྱག་ལས་གནང་མུས་ཡིན་ཞིང་། ཁོང་ནས་དེ་སྔ་དང་བླངས་མི་གསུམ་དང་ལྷན་དུ་བཞུགས་སྒར་དུ་དྲ་ཐོག་བརྒྱུད་ Dharamsala Vegan Movement ཞེས་སེམས་ཅན་མནར་གཅོད་འགོག་ཐབས་ཀྱི་ལས་འགུལ་ཞིག་འགོ་འཛུགས་གནང་སྟེ་མང་ཚོགས་ཁྲོད་དེ་འབྲེལ་གོ་རྟོགས་ལས་རིམ་དང་དངོས་བྱུང་གློག་བརྙན་གཟིགས་འབུལ། དེ་བཞིན་འཁྲབ་སྟོན་སོགས་ཀྱི་ལས་འགུལ་མང་དག་ཞིག་སྤེལ་མུས་ཡིན་པ་རེད་འདུག ད་རེས་སྨན་པ་བསྟན་འཛིན་ཆོས་ལྡན་ལགས་སུ་ཆེ་བསྟོད་གཟེངས་རྟགས་དེ་ཐོབ་སྟབས། Pollination Project ཞེས་གཟེངས་རྟགས་གནང་མཁན་ཚོགས་པའི་དྲ་གནས་ཐོག་ཁོང་ལ་བསྔགས་བརྗོད་ཀྱི་འཚམས་འདྲི་གནང་པའི་བརྙན་ཐུང་ཞིག་ཀྱང་འདོན་སྤེལ་གནང་འདུག་པ་དང་། ཚོགས་པའི་ཚོགས་མི་ནས་ཁོང་གིས་ཉམ་ཐག་པའི་དུད་འགྲོ་རྣམས་ཀྱི་བདེ་དོན་སླད་མ་སྐུལ་དང་བླངས་ཀྱིས་ཕྱག་ལས་གནང་བཞིན་པར་ཆེས་བསྔགས་བརྗོད་གནང་འདུག འདི་ག་རླུང་འཕྲིན་ཁང་ནས་བསྟན་འཛིན་ཆོས་ལྡན་ལགས་སུ་ཁོ་མོ་དཀར་སྐྱོང་གནང་པའི་ཁྲོད་གདོང་ལེན་དགོས་རིགས་ལ་ཇི་ལྟར་གནང་སྐོར་བཅར་འདྲི་ཞུས་ཡོད།

ཉན་པ།: Listen ཕབ་ལེན། Download ༸གོང་ས་མཆོག་གིས་བཞུགས་སྒར་དུ་དབུ་མ་འཇུག་པའི་ཆོས་འབྲེལ་དབུ་འཛུགས་མཛད་པ། རྒྱ་གཞུང་གིས་ལྷ་ས་ནས་ཀོང་པོ་ཉིང་ཁྲི་བར་མགྱོགས་ལམ་སྒོ་འབྱེད་བྱས་འདུག རྒྱ་གར་ལྷོ་ཕྱོགས་སུ་༸པཎ་ཆེན་རིན་པོ་ཆེ་མཆོག་གི་གོ་རྟོགས་ལས་འགུལ་སྤེལ་བཞིན་པ། གྷན་དྷི་མཆོག་གི་འཁྲུངས་སྐར་མཛད་སྒོར་Brussels དོན་གཅོད་མཆོག་མཉམ་ཞུགས། གླུ་གཞས་ལེ་ཚན། གཞས་པ་ནོར་བུ་བསམ་འཕེལ་ལགས་ཀྱིས་བླངས་པའི་བྱ་རྒྱལ་བོད་ལ་ཕེབས་དང་། Tuesday 03/10/2017 Dalai Lama begins religious teaching to Taiwanese Buddhists China opens new highway in Tibet close to Arunachal Pradesh border Former political prisoner on South India tour to highlight Panchen Lama’s issue OOT Brussels Representative attends Gandhi Jayanti event graced by Belgian Deputy PM MUSIC FEATURE:‘Journey to Tibet’ by Tipa

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་གཞུང་སྐུལ་བ་པོ་ཐེ་ཝན་གྱི་དད་ལྡན་ཆོས་ཞུ་བ་གཙོས་པའི་ཕྱི་ནང་གི་མང་ཚོགས་ ༦༠༠༠ ལྷག་ལ་སློབ་དཔོན་ཟླ་བ་གྲགས་པས་མཛད་པའི་དབུ་མ་འཇུག་པའི་བཀའ་ཆོས་དབུ་འཛུགས་མཛད་པ་དང་འབྲེལ། བོད་ལ་ཡོད་པའི་ནང་ཆོས་ལས་ཚད་མ་རིག་པ་དང་སེམས་ཁམས་རིག་པ་གཉིས་ནི་འཛམ་གླིང་སྤྱིའི་ཤེས་ཡོན་སྡེ་ཚན་ཐོག་ཞབས་འདེགས་བསྒྲུབ་ཐུབ་པའི་ནུས་པ་ཡོད་ཅེས་བཀའ་སྩལ་སོང་། ༸གོང་ས་མཆོག་གིས་བཀའ་ཆོས་དངོས་གཞི་དབུ་འཛུགས་མ་བསྐྱང་གོང་དུ་ཕྱི་ནང་གི་དད་ལྡན་ཆོས་ཞུ་བ་ཚོར་སྔོན་འགྲོ་ཆོས་འབྲེལ་དུ་༸གང་ཉིད་མཆོག་གི་ཐུགས་བསྐྱེད་དམ་བཅའ་ཆེན་པོ་གསུམ་ངོ་སྤྲོད་གནང་པ་དང་འབྲེལ། མགོན་པོ་༸གང་ཉིད་མཆོག་གིས་ཕྱི་ལོ་ ༢༠༠༡ ལོར་བོད་ཀྱི་ཆབ་སྲིད་སྐུ་དབང་ཡོངས་རྫོགས་བཞག་ནས་གཙོ་བོ་བོད་ཀྱི་ཆོས་རིག་དང་། ཁོར་ཡུག་སྲུང་སྐྱོབ་ཐོག་ཐུགས་འགན་བཞེས་མུས་ཡིན་པ་དང་། བོད་ལ་ཡོད་པའི་ནང་སངས་རྒྱས་པའི་ཆོས་འདི་ནི་དཔལ་ན་ལེནྡྲའི་ཆོས་བརྒྱུད་དྲི་མ་མེད་པ་ཞིབ་ཚགས་པོས་སློབ་གཉེར་བྱ་རྒྱུ་ཡོད་པ་མ་ཟད། ལྷག་དོན་ནང་ཆོས་ལས་ཚད་མ་རིག་པ་དང་སེམས་ཁམས་རིག་པ་གཉིས་ནི་འཛམ་གླིང་སྤྱིའི་ཤེས་ཡོན་སྡེ་ཚན་ཐོག་ཞབས་འདེགས་བསྒྲུབ་ཐུབ་པའི་ནུས་པ་ཡོད་སྟབས། རྒྱ་རིགས་ཆོས་གྲོགས་ཕོ་མོ་ཚོས་ཀྱང་དེ་དག་ཐོག་སློབ་གཉེར་དང་དོ་སྣང་བྱེད་དགོས་ཞེས་སྐུལ་མ་གནང་སོང། གཞན་ཡང་༸གོང་ས་མཆོག་གིས་འགྲོ་བ་མི་རྣམས་བདེ་བ་འདོད་པ་དང་སྡུག་བསྔལ་མི་འདོད་པ་ཡིན་ནའང། འཛམ་གླིང་འདིའི་ཐོག་ད་ལྟའི་ཆར་མིས་མི་གསོད་རེས་བྱེད་པའི་གནས་ཚུལ་ཡོང་གི་ཡོད་པ་དང། ཉིན་ཤས་སྔོན་དུ་ཨ་རིའི་ las Vegas གྲོང་ཁྱེར་ནང་དུ་མི་བསད་ཁྲག་སྦྱོར་གྱི་དོན་རྐྱེན་བྱུང་བ་དང། དེ་བཞིན་ད་ལྟའི་ཆར་ཨ་རབ་ཁུལ་དུ་ཆོས་ལུགས་མི་འདྲ་བའི་རྒྱུ་མཚན་གྱིས་ཕན་ཚུན་གསོད་རེས་བྱས་པ་བཅས་ནི་ཧ་ཅང་སེམས་སྐྱོ་དགོས་པ་ཞིག་རེད་ཅེས་བཀའ་བསྩལ་བ་དང་ཆབས་ཅིག འཛམ་གླིང་ཐོག་དམག་འཁྲུག་དང་མི་བསད་ཁྲག་སྦྱོར་ལ་སོགས་པའི་དཀའ་ངལ་མང་དག་ཞིག་འཕྲད་བཞིན་པ་ནི་ང་ཚོ་དང་ཁོང་ཚོ་ཞེས་པའི་ཕྱོགས་རིས་ཀྱི་བསམ་བློ་དང། འགྲོ་བ་མི་ཕན་ཚུན་དབར་གཅིག་འགྱུར་གྱི་འདུ་ཤེས་མེད་ཁར་བྱམས་པ་དང་བརྩེ་བ་མ་འདང་བའི་དབང་གིས་ཡིན་པ་བཀའ་ནན་བསྩལ་ཡོད་པ་རེད། དེ་དེ་བཞིན་༸གོང་ས་མཆོག་གིས་ཆོས་ཕྱོགས་ཀྱི་ཐོག་ནས་མིན་པར་ཤེས་ཡོན་སློབ་གསོའི་རང་གི་ཐོག་ནས་དེ་དག་གི་གོ་རྟོགས་སྤེལ་དགོས་གལ་ཡིན་པར་ལམ་སྟོན་རྒྱ་ཆེ་མཛད་སོང་། ཐེངས་འདིའི་དབུ་མ་འཇུག་པའི་གསུང་ཆོས་འདི་ནི་གཙོ་བོ་ཐེ་ཝན་ནང་ཡོད་པའི་བསྟན་འཛིན་བྱམས་ཆེན་ཆོས་ཚོགས་ནས་གསོལ་འདེབས་ཞུས་པ་ཞིག་ཡིན་པ་དང་། བཀའ་ཆོས་ཐོག་ཐེ་ཝན་རང་ནས་རྒྱ་རིགས་དད་ལྡན་ཆོས་ཞུ་བ་ ༡༣༠༠ ལྷག་བཅར་འདུག མགོན་པོ་༸གང་ཉིད་མཆོག་གིས་གསུང་ཆོས་བར་མཚམས་སུ་བཀའ་འདྲི་ཞུ་རྒྱུའི་གོ་སྐབས་བསྩལ་དོན་ལྟར་རྒྱ་རིགས་ཆོས་ཞུ་བ་ཞིག་གིས་གཟུངས་སྔགས་གསོག་པའི་ཕན་ཡོན་གང་ཡོད་དམ་ཞེས་བཀའ་འདྲི་ཞུས་པར་༸གོང་ས་མཆོག་གིས་སྟོང་ཉིད་ཀྱི་ལྟ་བ་དང་བྱང་ཆུབ་སེམས་གཉིས་པོ་མེད་ན། སྔགས་ཀྱི་ཉམས་ལེན་ཡོང་ཐབས་མེད་པ་རེད་ཅེས་བཀའ་སྩལ་བ་དང་དེ་བཞིན་ནང་པ་སངས་རྒྱས་པའི་ཆོས་ནི་གཙོ་བོ་སེམས་ལ་བསྒྱུར་བཅོས་གཏང་ཕྱིར་ཡིན་པས་དད་པ་ཁོ་ནའི་དབང་དུ་འགྲོ་རྒྱུ་མེད་ཅེས་བཀའ་ནན་མཛད་ཡོད་པ་རེད། ༸གོང་ས་མཆོག་གིས་ཐུགས་བསྐྱེད་དམ་བཅའ་ཆེན་པོ་གསུམ་ལས་གཉིས་པ་ཆོས་ལུགས་མཐུན་སྒྲིལ་དང་འབྲེལ་ཏེ་ཆོས་ཁས་བླངས་མིན་རང་དབང་ཡིན་ཀྱང་ཆོས་ཁས་བླངས་ཕྱིན་བསམ་པ་རྣམ་དག་དང་ཉམས་ལེན་རྣལ་མ་ཞིག་བྱེད་དགོས་ཞེས་ལམ་སྟོན་བསྩལ་སོང་། རྩ་བའི་ཐེངས་འདིའི་བཀའ་ཆོས་ཐོག་རྒྱ་ནག་སྐམ་ས་ཆེན་པོ་དང་ཡོ་རོབ། ཨ་རི། ལྷོ་ཤར་ཨེ་ཤ་ཡའི་ཁུལ་སོགས་རྒྱལ་ཁབ་མི་འདྲ་བ་ ༦༩ ནས་ཁྱོན་ཆོས་ཞུ་བ་ ༦༠༠༠ ལྷག་འདུ་འཛོམས་བྱུང་འདུག ༸གོང་ས་མཆོག་ནས་དེ་རིང་ཟླ་ ༡༠ ཚེས་ ༣ ནས་ ༦ བར་ཉིན་གྲངས་བཞིའི་རིང་བཀའ་ཆོས་བཀའ་དྲིན་བསྩལ་གནང་གི་ཡོད་པ་དང་། བཀའ་ཆོས་དེའང་དཔལ་ལྡན་དགའ་ལྡན་ཕོ་བྲང་གི་དྲ་རྒྱ་ Dalialama.com ཐོག་ལ་བོད་སྐད་དང་། དབྱིན་སྐད། རྒྱ་སྐད། ཝི་ཏི་ནམ། ཧིན་རྡི། ཉེ་ཧོང། ཨུ་རུ་སུ། སེ་པན་ནི་ཤི། འཇར་མན། ཕ་རན་སི་བཅས་ཀྱི་སྐད་ཐོག་ཐད་སྲིང་གནང་གི་འདུག

རྒྱ་གཞུང་གིས་བོད་ཀྱི་རྒྱལ་ས་ལྷ་ས་ནས་རྒྱ་གར་བྱང་ཤར་ཨ་རུ་ནཱ་ཅལ་མངའ་སྡེའི་ས་མཚམས་ས་ཁུལ་གྱི་ཉེ་འཁོར་དུ་ཆགས་པའི་ཀོང་པོ་ཉིང་ཁྲི་བར་མགྱོགས་ལམ་གསར་པ་ཞིག་སྒོ་འབྱེད་བྱས་འདུག དེ་ཡང་རྒྱ་ནག་གཞུང་འབྲེལ་ Xinhua གསར་ཁང་གིས་གནས་ཚུལ་སྤེལ་བར་གཞིགས་ན། ཁ་ཉིན་ཚེས་ ༡ ཉིན་རྒྱ་ནག་གཞུང་གིས་བོད་ཀྱི་རྒྱལ་ས་ལྷ་ས་ནས་ཀོང་པོ་ཉིང་ཁྲི་དབར་ལ་སྤྱི་ལེ་ ༤༠༩ ཙམ་ཡོད་པའི་མགྱོགས་ལམ་ཞིག་སྒོ་འབྱེད་བྱས་ཡོད་པ་དང་། ལྷ་ས་དང་ཉིང་ཁྲི་གཉིས་ནི་བོད་ནང་གི་ཆེས་མཛེས་སྡུག་ལྡན་པའི་ས་ཁུལ་ཞིག་ཡིན་པ་དང་དེ་མཚུངས་ཡུལ་སྐོར་སྤྲོ་འཆམ་པའི་ལྟེ་གནས་ཤིག་ཡིན་སྟབས། གསར་དུ་སྒོ་འབྱེད་བྱས་པའི་མགྱོགས་ལམ་དེའི་འཛུགས་བསྐྲུན་ལས་གཞི་ལ་འགྲོ་གྲོན་ཨ་སྒོར་ཐེར་འབུམ་དྲུག་མན་ཙམ་བཏང་འདུག་པ་མ་ཟད། མགྱོགས་ལམ་དེས་ལྷ་ས་ནས་ཉིང་ཁྲི་བར་ཚོུད་ ༨ ནས་ ༥ ལྔ་བར་གྱི་འགྲུལ་ཡུན་ཉུང་དུ་བཏང་སྟེ་ཚོུད་གཅིག་གི་ནང་འགྲུལ་བཞུད་ཀྱི་མྱུར་ཚད་དེ་སྤྱི་ལེ་ ༨༠ ཐམ་པ་ཡིན་སྐོར་བཤད་འདུག རྩ་བའི་བོད་ནང་གི་མགྱོགས་ལམ་མང་ཆེ་བའི་ཐོག་དམག་མིའི་མཁོ་ཆས་སོགས་དམག་མིས་བེད་སྤྱོད་རྒྱུའི་ཅ་དངོས་མང་དག་ཞིག་རླངས་འཁོར་ནང་དབོར་འདྲེན་བྱེད་ཀྱི་ཡོད་པ་དེ་ལྟར་ཡང་། ད་རེས་གསར་དུ་སྒོ་འབྱེད་བྱས་པའི་བོད་ཀྱི་རྒྱལ་ས་ལྷ་ས་ནས་ཀོང་པོ་ཉིང་ཁྲི་དབར་གྱི་མགྱོགས་ལམ་ཐོག་གནས་སྐབས་རིང་ལྗིད་ཚད་ཅན་གྱི་རླངས་འཁོར་འགྲུལ་བཞུད་བྱ་རྒྱུར་བཀག་སྡོམ་བྱས་འདུག འདི་ལོ་ནང་རྒྱ་གཞུང་གིས་ཨ་རུ་ནཱ་ཅལ་ས་མཚམས་ས་ཁུལ་གྱི་ཉེ་འཁོར་དུ་མགྱོགས་ལམ་སྒོ་འབྱེད་བྱས་ཡོད་པ་མ་ཟད། ཉེ་ལམ་ཕྱི་ཟླ་ ༩ པའི་ནང་རྒྱ་གཞུང་གིས་བོད་དང་བལ་ཡུལ་ས་མཚམས་དབར་སྤྱི་ལེ་ ༤༠ ལྷག་གི་ཐབས་བྱུས་ལྡན་པའི་དམག་དོན་དང་མང་ཚོགས་ཀྱི་རྒྱུན་སྤྲོད་གཞུང་ལམ་གསར་པ་ཞིག་སྒོ་ཕྱེ་སྟེ། གཞུང་ལམ་དེ་ཀྲུང་གོའི་ངོས་ནས་ལྷོ་ཨེ་ཤ་ཡར་ཁ་ཕྱོགས་པའི་གལ་ཆེའི་ལམ་བུ་ཞིག་ཡིན་པ་འགྲེལ་བརྗོད་བྱས་ཡོད་པ་རེད།