Monthly Archives: September, 2018

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཉེ་ཆར་གསར་ཁང་ཆེ་གྲས་ de Volkskrant ཡི་དམིགས་བསལ་བཅར་འདྲི་ཞིག་གི་ཐོག་མགོན་པོ་༸གང་ཉིད་མཆོག་རྒྱ་ནག་ནང་ལ་ཆོས་འབྲེལ་བསྩལ་རྒྱུ་དང་ཡུལ་དེའི་མཐོ་སློབ་ཁག་ཏུ་ཕེབས་ཆོག་པ་བཅས་ཆ་རྐྱེན་གཉིས་ཀྱི་ཐོག་ནས་རྒྱ་ནག་ལ་ཕེབས་འདོད་ཡོད་ཅེས་བཀའ་བསྩལ་འདུག ༸གོང་ས་༸སྐྱབས་མགོན་ཆེན་པོ་མཆོག་ཡོ་རོབ་ཀྱི་རྒྱལ་ཁབ་ཅིག་གི་ནང་ལ་ཆིབས་བསྒྱུར་བཀའ་དྲིན་བསྐྱང་གཏན་འཁེལ་བ་དང་བསྟུན། ཉིན་ཤས་གོང་ལ་གསར་ཁང་དེའི་གསར་འགོད་པ་ Marije Vlaskamp ལགས་བཞུགས་སྒར་དུ་ཆེད་བཅར་གྱིས་མགོན་པོ་༸གང་ཉིད་མཆོག་ལ་༸སྐུའི་ཡང་སྲིད་ཀྱི་གནད་དོན་དང་བཞུགས་སྒར་དུ་རྒྱ་ནག་གི་དད་ལྡན་ཅན་ཆོས་ཞུ་བ་མང་དུ་འགྲོ་བཞིན་པའི་གནས་སྟངས། དེ་བཞིན་མགོན་པོ་༸གང་ཉིད་མཆོག་གི་ཉེ་བའི་དགོངས་བཞེས་རྒྱ་གར་གྱི་གནའ་བོའི་རིག་གནས་བསྐྱར་གསོ་མཛད་ཐབས་སོགས་ཀྱི་ཐོག་ལ་བཅར་འདྲི་ཞུས་པ་ཞིག་ཡོངས་བསྒྲགས་གནང་འདུག དེའི་ནང་ལ་༸གོང་ས་༸སྐྱབས་མགོན་པོ་ཆེན་པོ་མཆོག་གིས་ལོ་ཤས་ནས་བཞུགས་སྒར་དུ་རྒྱ་ནག་གི་དད་ལྡན་ནང་པ་མང་པོ་ཞིག་ཆོས་འབྲེལ་ཐོག་བཅར་བཞིན་པའི་གནས་སྟངས་དང་འབྲེལ། ལོ་རྒྱུས་ཀྱི་ཐོག་ནས་རྒྱ་ནག་དེ་ནང་པའི་རྒྱལ་ཁབ་ཞིག་ཡིན་པ་མ་ཟད། དེ་སྔ་རྒྱ་ནག་གི་གོང་མ་མང་པོ་ཞིག་གིས་བོད་པའི་དྲུང་ནས་ནང་ཆོས་སློབ་གཉེར་གནང་མྱོང་ཡོད་པ་དང་། ད་ལྟའི་ཆར་རྒྱ་ནག་འཛམ་བུ་གླིང་འདིའི་ཐོག་གི་ནང་པ་མང་ཤོས་ཡོད་པའི་རྒྱལ་ཁབ་ཞིག་ཡིན་པ་སོགས་བཀའ་བསྩལ་དང་སྦྲགས། ང་ཚོའི་ངོས་ནས་རྒྱ་ནག་གི་དད་ལྡན་ཆོས་ཞུ་བ་ཚོར་ཆོས་འབྲེལ་སྐབས་དམིགས་བསལ་གྱི་མཐུན་རྐྱེན་གོ་སྒྲིག་ཞུ་བཞིན་ཡོད་པ་དང་། རྒྱ་ནག་གི་ནང་པའི་ཆོས་ཞུ་བ་ཚོའི་ངོས་ནས་ཀྱང་བོད་ཀྱི་ནང་ཆོས་ལ་དོ་སྣང་དང་གུས་ཞབས་ཡོད་མཁན་ཞིག་ཡིན་སྟབས། བོད་མི་ལ་ཤ་ཚ་དང་། ལྷག་པར་དུ་ཆོས་ལ་དམ་དྲག་བྱེད་མཁན་གྱི་ལྟ་བ་མཁྲེགས་བཟུང་ཅན་གྱི་འགོ་ཁྲིད་ཚོར་དགའ་པོ་བྱེད་མཁན་ཞིག་མིན་པས་ཆབ་སྲིད་ཀྱི་ཆ་ནས་ཀྱང་དགེ་མཚན་དང་ཤུགས་རྐྱེན་ཐེབས་རྒྱུ་ཡོད་པ་ཞིག་རེད་ཅེས་བཀའ་བསྩལ་འདུག མགོན་པོ་༸གང་ཉིད་མཆོག་ནས་རྒྱ་ནག་གི་ཆབ་སྲིད་འགོ་ཁྲིད་ནང་ལ་ལྟ་བ་མཁྲེགས་བཟུང་བྱེད་མཁན་ཁག་ཅིག་ཡོད་པ་དེ་ནི་དཀའ་ངལ་གཙོ་བོ་ཞིག་ཡིན་ཡང་། དེ་སྔ་སྲིད་འཛིན་ Xi Jinping ཡིས་རྒྱལ་སྤྱིའི་སྡིངས་ཆའི་ཐོག་ནང་ཆོས་ཀྱི་གལ་གནད་སྐོར་གསུངས་ཡོད་པ་དེ་ནི་བཟང་ཕྱོགས་ཀྱི་རྣམ་པ་ཞིག་ཡིན་པ་དང་། རིམ་བཞིན་ང་ཚོས་ཞི་ཅིང་ཕིང་གི་གང་བཤད་པ་ལྟར་ལག་བསྟར་ཇི་ཙམ་ཐུབ་ཀྱི་ཡོད་མེད་བལྟ་རྒྱུ་རེད་ཅེས་བཀའ་བསྩལ་ཡོད། ལྷག་པར་དུ་བཅར་འདྲི་དེའི་ཐོག་༸གོང་ས་༸སྐྱབས་མགོན་ཆེན་པོ་མཆོག་ནས་མགོན་པོ་༸གང་ཉིད་མཆོག་དེ་སྔ་ཕྱི་ལོ་ ༡༩༥༤ ལོར་རྒྱ་ནག་ལ་ཡོད་སྐབས་ནས་རྒྱ་ནག་རི་བོ་རྩེ་ལྔར་གནས་མཇལ་དུ་ཕེབས་འདོད་ཡོད་ཅེས་གསུངས་པ་དང་འབྲེལ། གསར་འགོད་པ་ Marije Vlaskamp ལགས་ནས་རྒྱ་ནག་རི་བོ་རྩེ་ལྔ་ལ་གནས་མཇལ་ཙམ་རེད་དམ་ཞེས་བཀའ་འདྲི་ཞུས་འདུག་པར་༸གང་ཉིད་མཆོག་གིས་མ་རེད་མ་རེད། ངོས་རང་ཆ་རྐྱེན་གཉིས་ཀྱི་ཐོག་ནས་རྒྱ་ནག་ལ་འགྲོ་འདོད་ཡོད། དང་པོ་རྒྱ་ནག་རི་བོ་རྩེ་ལྔ་ལ་གནས་མཇལ་རྒྱུ་དང་ངོས་ཀྱི་མཇལ་ཁར་བཅར་མཁན་གྱི་བོད་པ་དང་རྒྱ་རིགས་ནང་པ་ཚོར་ཆོས་འབྲེལ་ཞིག་བྱེད་འདོད་ཡོད། གཉིས་པ་ངོས་ནས་ད་བར་རྒྱ་གར་གཙོས་པའི་རྒྱལ་སྤྱིའི་རྒྱལ་ཁབ་མང་པོའི་གཞོན་སྐྱེས་དང་ཚན་རིག་མཁས་པ་ཚོ་དང་ལྷན་དུ་འགྲོ་བ་མིའི་སེམས་ཁམས་དང་སེམས་ཚོར། ཚན་རིག་གི་ཤེས་བྱའི་ཐོག་གྲོས་བསྡུར་མང་པོ་བྱས་ཡོད་ཞེས་སོགས་བཀའ་བསྩལ་ནས་རྒྱ་ནག་ནང་ལའང་དེ་ལྟར་གནང་འདོད་ཡོད་པར་བཀའ་ལན་བསྩལ་བ་དང་ཆབས་ཅིག མགོན་པོ་༸གང་ཉིད་མཆོག་གི་ཐུགས་རེ་དེ་གཉིས་པོ་གྲུབ་ཚེ་རིམ་བཞིན་མགོན་པོ་༸གང་ཉིད་མཆོག་གི་འཁྲུངས་ཡུལ་དང་ལྷ་ས་གཙོ་གྱུར་བོད་ཀྱི་ས་གནས་གཞན་ཁག་ཏུ་ཡང་ཕེབས་འདོད་ཡོད་ཅེས་བཀའ་བསྩལ་འདུག དེ་བཞིན་གསར་འགོས་པས་མགོན་པོ་༸གང་ཉིད་མཆོག་གི་༸སྐུའི་ཡང་སྲིད་ཀྱི་གནད་དོན་དང་འབྲེལ་མ་འོངས་པར་རྒྱལ་དབང་༸སྐུ་ཕྲེང་བཅོ་ལྔ་པ་ཕེབས་ཀྱི་རེད་དམ་ཞེས་བཀའ་འདྲི་ཞུས་པར་ངོས་ཀྱིས་ཕྱི་ལོ་ ༡༩༦༩ མཚམས་ནས་ཏཱ་ལའི་བླ་མའི་བླ་བྲང་འདི་མུ་མཐུད་ནས་དགོས་མིན་བོད་མི་མང་ཚོགས་ནས་ཐག་གཅོད་གནང་རྒྱུ་ཞིག་རེད་ཅེས་ཞུ་བཞིན་ཡོད་པ་དང་། ལྷག་པར་དུ་ནང་པ་སངས་རྒྱས་པའི་ཆོས་མུ་མཐུད་ནས་གནས་དགོས་ན་གཙོ་བོ་གྲྭ་བཙུན་དང་མང་ཚོགས་ནས་གཅེས་ཉར་གནང་དགོས་པ་ལས་བླ་བྲང་བྱེད་བྲག་ངོས་ནས་དོ་སྣང་ཆེན་པོ་བྱས་བསྡད་པ་ཡིན་ན་རྨོངས་དད་འཕེལ་གཞི་ཙམ་ལས་གང་ཡང་མེད་པར་ལམ་སྟོན་བསྩལ་འདུག ༸གོང་ས་མཆོག་གིས་༸སྐུ་ཉིད་ཀྱི་ཉེ་བའི་དགོངས་བཞེས་རྒྱ་གར་གྱི་གནའ་བོའི་རིག་གནས་བསྐྱར་གསོ་མཛད་ཐབས་དང་འབྲེལ། རྒྱ་གར་ནང་ལ་ཐོག་མ་ནས་མིའི་སེམས་ཁམས་དང་འབྲེལ་བའི་སྒོམ་གྲུབ་ཉམས་ལེན་གནང་མཁན་མང་པོ་ཡོད་པ་མ་ཟད། ནང་པ་སངས་རྒྱས་པའི་ཆོས་དེ་ཡང་རྒྱ་གར་ནས་དར་བ་ཞིག་ཡིན་སྟབས། རིག་གནས་དེ་དག་བསྐྱར་གསོ་གནང་རྒྱུ་དང་རིམ་བཞིན་ཤེས་ཡོན་སློབ་གསོའི་ཁྲོད་དུ་སློབ་ཁྲིད་ཐུབ་ཐབས་གནང་བཞིན་ཡོད་པ་སོགས་བཀའ་བསྩལ་འདུག བཅར་འདྲིའི་མཐའ་མ་དེར་གསར་འགོད་པ་ Marije Vlaskamp ལགས་ནས་མགོན་པོ་༸གང་ཉིད་མཆོག་ལ་ད་ལན་ཡོ་རོབ་ནང་གི་ཆིབས་བསྒྱུར་དེ་མཐའ་མ་རེད་དམ་ཞེས་བཀའ་འདྲི་ཞུས་འདུག་པར་༸སྐུ་ཉིད་ཀྱི་དགུང་ལོའི་བབ་ཀྱི་ཆ་ནས་རྒྱང་ཐག་རིང་ས་ཨ་རི་ལྟ་བུར་ཕེབས་རྒྱུ་ཁག་པོ་ཡིན་ཀྱང་།  ཡོ་རོབ་ཁུལ་དུ་སླར་ཡང་ཕེབས་ཐུབ་རྒྱུའི་ཐུགས་རེ་གནང་བཞིན་ཡོད་ཅེས་བཀའ་ལན་མཛད་འདུག

ཉན་པ།: Listen ཕབ་ལེན། Download ༸གོང་ས་མཆོག་གིས་ཆ་རྐྱེན་གཉིས་ཀྱི་ཐོག་ནས་རྒྱ་ནག་ལ་ཕེབས་འདོད་ཡོད་ཅེས་བཀའ་བསྩལ་བ། རྒྱ་ནག་གིས་དྲ་ཐོག་ཏུ་ཆོས་ལུགས་བརྒྱུད་སྤེལ་བྱས་པར་བཀག་སྡོམ་སླད་ལག་ཁྱེར་བཟོ་དགོས་པའི་ལམ་ལུགས་གསར་པ་བཟོ་འཆར། ༸རྒྱལ་དབང་ཀརྨ་པ་མཆོག་ནས་བོད་ཀྱི་འཐབ་རྩོད་ལ་ཐུགས་འཁུར་གནང་ཕྱོགས་ཐད་རྒྱ་གར་གཞུང་ནས་དོགས་པ་གང་ཡང་མེད། རྒྱལ་ཚོགས་ཀྱི་ལས་བྱེད་ཤིན་ཅང་ནང་རྟོག་ཞིབ་ཆེད་གཏོང་དགོས་པའི་འབོད་སྐུལ། ལོ་བདུན་ནང་བོད་མི་སྐྱབས་བཅོལ་བའི་གྲངས་འབོར་ ༡༥༠༠༠༠ ནས་ ༨༥༠༠༠ ལ་ཆག་འདུག གླུ་གཞས་ལས་རིམ། གཞས་པ་པདྨ་བསྟན་འཛིན་ལགས་ཀྱིས་བླངས་པའི་ཀླད་སྐོར། Tuesday 11/09/2018 I have two conditions: Dalai Lama on his wish to visit China China plans licence system to crack down on ‘chaotic’ online promotion of religion No doubt on Karmapa’s commitment to Tibetan struggle: top MHA official UN rights Chief condemns crackdown on minorities in China, urges access Tibetan refugees down from 1.5lakh to 85,000 in 7 years: India MUSIC FEATURE: ‘Zero’ by Pema Tenzin

དེ་རིང་ཟླ་ ༩ ཚེས་ ༡༡ ཉིན་ཧོང་ཀོང་གི་ལྷོ་རྒྱ་ནག་སྔ་དྲོའི་ཆ་འཕྲིན་ནང་བཀོད་པར་གཞིགས་ན། རྒྱ་ནག་གཞུང་གིས་དྲྭ་ཐོག་བརྒྱུད་ཆོས་ལུགས་ཁྱབ་གདལ་གཏོང་མཁན་གྱི་ཚོགས་པ་ཁག་ནས་ངེས་པར་དུ་ཞིང་ཆེན་གྱི་ཆོས་དོན་ལྷན་ཁང་དུ་ཐོ་འགོད་བྱེད་དགོས་པའི་སྲིད་བྱུས་ཀྱི་སྒྲིག་གཞིའི་ཟིན་བྲིས་ཤིག་ཕྱིར་བཀྲམ་འདུག ལག་འཁྱེར་དེ་བཟོ་ཚེ་ཆོས་ལུགས་ཀྱི་ཟབ་ཁྲིད་དང་ཉམས་ལེན་གནང་ཆོག་པ་ལས་དེ་མིན་གྱི་དྲྭ་རྒྱ་སོགས་སུ་ཆོས་ལུགས་དང་འབྲེལ་བའི་བྱེད་སྒོ་གང་ཡང་ཐད་གཏོང་གནང་མི་ཆོག་པ་བཟོས་ཡོད་པ་མ་ཟད།  གཞུང་འབྲེལ་གྱི་དྲྭ་རྒྱའི་སྟེང་དུ་མ་གཏོགས་ཆོས་ལུགས་ཐད་ཀྱི་གནས་ཚུལ་གང་ཡང་བཀོད་མི་ཆོག་པར་བཀག་སྡོམ་བྱས་འདུག ཚོང་ལས་ཀྱི་མིང་ཐོག་ནས་ཆོས་ལུགས་ཁྱབ་སྤེལ་གནང་བ་དང་འབྲེལ་ཏེ་ཆོས་ལུགས་ཐད་ཀྱི་ཡིག་ཆ་ཁག་འགྲེམས་སྤེལ་བྱས་པ། དེ་བཞིན་ཆོས་ལུགས་ཀྱི་ཚོགས་པ་གསར་འཛུགས་གནང་སྟེ་ཆོས་ལུགས་ལ་ཡིད་ཆེས་བྱེད་མཁན་གྱི་མི་གྲངས་གོང་མཐོར་གཏོང་བཞིན་པའི་ལས་གཞི་རིགས་གང་ཡང་སྤེལ་ཆོག་གི་མེད་ཅེས་བརྗོད་འདུག ཚོགས་པ་དང་མི་སྒེར་སུ་ཞིག་ཡིན་རུང་ཆོས་ལུགས་དང་འབྲེལ་བའི་བྱེད་སྒོ་གང་ཡང་རྒྱང་སྲིང་དང་ཐད་གཏོང་བྱེད་མི་ཆོག་པར་བཟོས་ཡོད་པ་མ་ཟད་དྲྭ་ཐོག་ཏུ་ཞལ་འདོན་གསོག་སྒྲུབ་བྱས་པ་དང་། གཟིམ་སྤོས་བདུག་པ། ཆོས་སྒོར་ཞུགས་པའི་ཐད་ཀྱི་ཡིག་རིགས་དང་འདྲ་པར། དེ་བཞིན་བརྙན་སོགས་གང་ཡང་བཀོད་མི་ཆོག་པར་བཀག་སྡོམ་བྱས་འདུག གཞུང་འབྲེལ་གྱི་ཡིག་ཆ་དེའི་ནང་སྲིད་གཞུང་མགོ་རྟིང་སློག་པ་དང་། དམར་ཤོག་ཚོགས་པའི་འགོ་ཁྲིད་ལ་ཁ་གཏད་གཅོག་པ། དེ་བཞིན་དྲག་སྤྱོད་རིང་ལུགས་པ་དང་ཁ་བྲལ་བ་སོགས་བརྒྱུད་སྤེལ་བྱེད་པའི་ཆོས་ལུགས་ཀྱི་ལས་དོན་རིགས་དམིགས་བཀར་གྱིས་བཀག་སྡོམ་བྱས་ཡོད་ཅེས་བཀོད་འདུག སྤྱིར་བོད་ཀྱི་རྒྱལ་ལྷ་སའི་ནང་ཉེ་སྔོན་ཕྱི་ཟླ་ ༧ པའི་ནང་བོད་རང་སྐྱོང་ལྗོངས་ཀྱི་ཁྱབ་ཁོངས་ཁུལ་དང་གྲོང་ཁྱེར། རྫོང་སོགས་ཀྱི་སློབ་གྲྭ་ཁག་གི་དབྱར་ཁའི་གུང་གསེང་སྐབས་དང་བསྟུན་སློབ་གྲྭ་ཁག་གིས་བཙན་དབང་གིས་སློབ་མའི་ཁྱིམ་བདག་ཚོགས་འདུ་ཟེར་བ་བསྐོངས་ནས་ཁྱིམ་བདག་ལ་སྤྲིངས་པའི་ཡི་གེ་ཟེར་བ་ཞིག་གི་སྟེང་མཚན་རྟགས་བཀོད་དུ་བཅུག་ནས་སློབ་མ་རྣམས་དབྱར་ཁའི་གུང་གསེང་སྐབས་ཆོས་ལུགས་བྱེད་སྒོར་ཞུགས་མི་ཆོག་པའི་བཀའ་རྒྱ་བཏང་བའི་གནས་ཚུལ་ཡང་བྱུང་ཡོད་པ་རེད། རྒྱ་ནག་གཞུང་གིས་ཐེངས་འདིར་དྲྭ་ཐོག་ཆོས་ལུགས་བརྒྱུད་སྤེལ་བྱ་རྒྱུར་བཀག་སྡོམ་གྱི་ཟིན་བྲིས་སྒྲིག་གཞི་དེའི་ཐོག་དམངས་ཀྱི་བསམ་ཚུལ་བསྡུ་ལེན་བྱེད་བཞིན་པ་དང་དེའི་ཆེད་ཕྱི་ཟླ་ ༩ ཚེས་ ༡༠ ནས་ཟླ་ ༡༠ ཚེས་ ༩ བར་དུས་བཀག་བཟོས་འདུག

ཉན་པ།: Listen ཕབ་ལེན། Download ༸གོང་ས་མཆོག་ཡོ་རོབ་ནང་གི་མཛད་འཆར་སླད་ཆིབས་བསྒྱུར་མཛད་པ། དབུ་མའི་ལམ་གྱི་ཐབས་བྱུས་ཐོག་གྲོས་མོལ་སླར་གསོ་ཡོང་བར་རྒྱ་གཞུང་ལ་གནོན་ཤུགས་སྤྲད་དགོས། བོད་ཀྱི་གནམ་གཤིས་གནས་སྟངས་ཀྱི་གལ་གནད་དང་འབྲེལ་བའི་གོ་རྟོགས་ཀྱི་ལས་འགུལ། མཁས་དབང་ནམ་མཁའི་ནོར་བུ་རིན་པོ་ཆེ་མཆོག་ལ་ཨི་ཊ་ལི་ནས་ཆེས་བསྟོད་གཟེངས་རྟགས་ཕུལ་བ། པདྨ་ཚེ་བརྟན་ལགས་ཀྱི་གློག་བརྙན་ལ་རྒྱལ་སྤྱིའི་གློག་བརྙན་དུས་སྟོན་ཐོག་འཁྲབ་གཞུང་ལེགས་ཤོས་ཀྱི་བྱ་དག་ཐོབ་པ། གླིང་ཚ་ཚེ་བརྟན་རྡོ་རྗེ་ལགས་ཀྱི་མ་ལྡོམ་པོ་སྐྱིད་ལགས་ཀྱི་སྐུ་ཕུང་བཞུགས་འབུལ། རྒྱ་གར་ལྷོ་ཕྱོགས་སུ་༸དཔལ་ས་སྐྱ་ཁྲི་ཆེན་ ༤༡ མཆོག་གི་འཁྲུངས་སྐར་སྲུང་བརྩི། ལི་ཝར་པུལ་རྐང་སྤོལ་རུ་ཁག་ནས་རྒྱ་ནག་གི་དྭངས་ཆུ་ཚོང་ལས་ཁང་དང་ཚོང་འབྲེལ་ཕྱིར་འཐེན། Monday 10/09/2018 Dalai Lama leaves for Europe visit TWA celebrates 34th Re-establishment Anniversary Tibetans join global climate campaign with awareness drive Prof. Namkhai Norbu honored with Commander Order of Merit of the Italian Republic Pema Tseden’s Jinpa receives Best Screenplay award in #Orizzonti category at #Venezia75 Dharamsala Tibetans hold solidarity cremation ceremony of Dombu Kyi Tibetans in south India celebrate Sakya Trichen’s birthday Liverpool FC withdraws business deal with Tibet Waters

དེ་རིང་ཟླ་ ༩  ཚེས་ ༡༠  ཉིན་དགུང་ཚོུད་ ༡༡།༤༠ ཙམ་ལ་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དྷ་ས་བཞུགས་སྒར་༸རྒྱལ་བའི་ཕོ་བྲང་ནས་ཆིབས་ཐོན་གྱིས་གྷ་གལ་གནམ་ཐང་ནས་མཁའ་ལམ་བརྒྱུད་རྒྱ་གར་གྱི་རྒྱལ་ས་ལྡི་ལིར་ཆིབས་བསྒྱུར་གནང་སོང་བ་དང་། དེའང་ནི་ཐར་ལན་ཌི་དང་སུ་ཛ་ལན་ཌི། འཇར་མ་ནི། དེ་བཞིན་སུད་ཌེན་བཅས་ཀྱི་ནང་མཛད་འཆར་བསྐྱང་ཕྱིར་ཆིབས་བསྒྱུར་མཛད་ཡོད་པ་རེད། མཛད་འཆར་ལྟར་ན། ༸གོང་ས་མཆོག་གིས་ཐོག་མར་ཟླ་ ༩ ཚེས་ ༡༢ ཉིན་སུད་ཌེན་ནང་གི་ Malmö Live ཚོགས་ཁང་དུ་ Individuell Människohjälp ཚོགས་པའི་ངོས་ནས་ཇི་ལྟར་གསོལ་འདེབས་ཞུས་དོན་བཞིན་ཞི་བདེ་དང་བདེ་སྐྱིད་བསྐྲུན་ཐབས་ཞེས་པའི་བརྗོད་གཞིའི་ཐོག་མང་ཚོགས་ལ་བཀའ་སློབ་བསྩལ་རྒྱུ་རེད་འདུག ༸གོང་ས་མཆོག་གིས་ཟླ་ ༩ ཚེས་ ༡༦ ཉིན་ Netherlands ཀྱི་ Rotterdam གྲོང་ཁྱེར་གྱི་ Ahoy Rotterdam ཚོགས་ཁང་དུ་དཀའ་རྙོག་ཆེ་བའི་ང་ཚོའི་འཛམ་གླིང་ནང་སྙིང་རྗེ་ཅི་ཕྱིར་དགོས་གལ་ཡིན་ནམ་ཞེས་པའི་བརྗོད་གཞིའི་ཐོག་ལམ་སྟོན་བཀའ་སློབ་བསྩལ་རྒྱུ་དང་ཕྱི་ཚེས་ ༡༧ ཉིན་དགེ་བཤེས་གླང་རི་ཐང་པས་མཛད་པའི་བློ་སྦྱོང་ཚིགས་བརྒྱད་མའི་ཆོས་འབྲེལ་མཛད་ཀྱི་ཡོད་པ་ལྟར་ཁུལ་དེའི་ནང་གི་ཆོས་འབྲེལ་མཛད་འཆར་ཁག་གྲུབ་རྗེས་༸གོང་ས་མཆོག་ Germany ནང་ཆིབས་བསྒྱུར་བསྐྱང་སྟེ་ Darmstadt གྲོང་ཁྱེར་དུ་ Tibet Initiative Deutschland འམ་འཇར་མ་ནི་བོད་དོན་རྒྱབ་སྐྱོར་ཚོགས་པ་དང་༸དཔལ་ལྡན་དགའ་ལྡན་ཕོ་བྲང་གཉིས་ནས་གོ་སྒྲིག་ཞུས་པ་བཞིན་ཚེས་ ༡༩ ཉིན་འཚེ་བ་མེད་པ་དང་ཞི་བདེ་ཞེས་པའི་ལྷན་ཚོགས་ཐོག་དབུ་བཞུགས་མཛད་ཀྱི་འདུག དེ་རྗེས་ཚེས་ ༢༠ ཉིན་འཇར་མ་ནི་ Heidelburg གྲོང་སྡེ་དང་ Heidelburg གཙུག་ལག་སློབ་གཉེར་ཁང་གཉིས་ནས་གོ་སྒྲིག་ཞུས་དོན་ལྟར་མགོན་པོ་༸གང་ཉིད་མཆོག་བདེ་སྐྱིད་དང་གུས་བརྩིའི་ཆེད་དོན་བགྲོ་གླེང་ཐོག་དབུ་བཞུགས་མཛད་ཀྱི་འདུག འཇར་མ་ནི་ནང་གི་མཛད་འཆར་ཁག་གྲུབ་པའི་རྗེས་སུ་སུ་ཛར་ལན་ཌི་རི་ཀོན་ཆོས་འཁོར་དགོན་གསར་འཛུགས་གནང་ནས་མི་ལོ་ ༥༠ འཁོར་བའི་དུས་ཚིགས་དང་བསྟུན་མགོན་པོ་མཆོག་ལ་ཇི་ལྟར་གསོལ་འདེབས་ཞུས་དོན་བཞིན་༸གོང་ས་༸སྐྱབས་མགོན་ཆེན་པོ་མཆོག་ཟླ་ ༩ ཚེས་ ༢༡ ནས་ ༢༤ བར་ཉིན་གྲངས་བཞིའི་རིང་ Switzerland ནང་ཆིབས་བསྒྱུར་གནང་སྟེ་རི་ཀོན་དང་། Winterthur དེ་བཞིན་ Zurich གྲོང་ཁྱེར་བཅས་སུ་བཀའ་ཆོས་དང་བཀའ་དབང་བསྩལ་རྒྱུ་ཡིན་པ་རེད།

བཞུགས་སྒར་དུ་བཙན་བྱོལ་ནང་བོད་ཀྱི་བུད་མེད་ལྷན་ཚོགས་སླར་གསོ་གནང་སྟེ་ལོ་ངོ་ ༣༤ ཧྲིལ་པོ་འཁོར་བའི་དུས་དྲན་སྲུང་བརྩི་དང་བསྟུན། འཛམ་གླིང་དབུ་ཁྲིད་རྣམས་ལ་དབུ་མའི་ལམ་གྱི་ཐབས་བྱུས་ཐོག་གྲོས་མོལ་སླར་གསོ་ཡོང་བར་རྒྱ་གཞུང་ལ་གནོན་ཤུགས་སྤྲོད་དགོས་པའི་ཞུ་སྐུལ་གནང་སོང་། དེ་རིང་ཟླ་ ༩ ཚེས་ ༡༠ ཉིན་སྔ་དྲོ་ཚོུད་ ༩༌༣༠ ཐོག་དྷ་ས་མེག་གྷན་དུ་རྟེན་གཞི་བྱས་པའི་ club house ཚོགས་ཁང་དུ་སྐུ་མགྲོན་གཙོ་བོ་བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་གཏན་འཕེལ་མཆོག་དང་། དམིགས་གསལ་སྐུ་མགྲོན་བཀའ་ཟུར་རིན་ཆེན་མཁའ་འགྲོ་མཆོག བུད་མེད་ཀྱི་སྤྱི་འཐུས་དང་ལས་ཟུར་རྣམ་པ། གཞུང་དང་གཞུང་འབྲེལ་མ་ཡིན་པའི་ཚོགས་སྡེ་ཁག་གི་སྐུ་ཚབ། མི་མང་བཅས་ཁྱོན་མི་གྲངས་བརྒྱ་སྐོར་ཞིག་ལྷན་འཛོམས་ཐོག་བཙན་བྱོལ་དུ་བོད་ཀྱི་བུད་མེད་ལྷན་ཚོགས་སླར་གསོ་གནང་སྟེ་ལོ་ངོ་ ༣༤ ཧྲིལ་པོ་འཁོར་བའི་དུས་དྲན་སྲུང་བརྩི་ཞུས་སོང་། སྐབས་དེར་དབུས་བོད་ཀྱི་བེུད་ལྷན་ཚོགས་ཀྱི་ཚོགས་གཙོ་སྒྲོལ་མ་དབྱངས་ཅན་ལགས་ཀྱིས་འཛམ་གླིང་དབུ་ཁྲིད་རྣམས་ལ་དབུས་བོད་མིའི་སྒྲིག་འཛུགས་དང་ལྷན་དུ་༸གོང་ས་༸སྐྱབས་མགོན་༸སྐུ་ཕྲེང་བཅུ་བཞི་པ་ཆེན་པོ་མཆོག་གི་ལམ་སྟོན་གནང་བའི་དབུ་མའི་ལམ་གྱི་ཐབས་བྱུས་ཐོག་གྲོས་མོལ་སླར་གསོ་ཡོང་བར་རྒྱ་གཞུང་གི་དབུ་ཁྲིད་ཚོར་གནོན་ཤུགས་སྤྲོད་དགོས་པ་དང་། རྒྱལ་ཚོགས་ཀྱི་གང་སོང་ཆ་མེད་དུ་གྱུར་བའི་ཚོགས་ཆུང་ལ་རྒྱ་ནག་གཞུང་གིས་ལོ་ངོ་ ༢༣ ལྷག་གི་རིང་བཙན་ཁྲིད་བཀག་ཉར་བྱས་པའི་༸པཎ་ཆེན་༸སྐུ་ཕྲེང་བཅིུག་པ་དགེ་འདུན་ཆོས་ཀྱི་ཉི་མ་མཆོག་གློད་བཀྲོལ་ཡོང་བར་གནོན་ཤུགས་སྤྲོད་དགོས་ཞེས་འབོད་སྐུལ་ཞུས་སོང་།སྐུ་མགྲོན་གཙོ་བོ་བོད་མི་མངསྤྱི་འཐུས་ཚོགས་གཙོ་མཁན་པོ་བསོད་ནམས་གཏན་འཕེལ་མཆོག་གིས་བོད་མི་རིགས་ཀྱི་ལོ་རྒྱུས་ཁྲོད་བོད་ཀྱི་བུད་མེད་ལྷན་ཚོགས་ཀྱི་སྒྲིག་འཛུགས་དེ་ཆེས་ཐོག་མའི་དམིགས་ཡུལ་གཞིར་བཟུང་ཤར་བསྐྱོད་གནང་བ་དང་། བོད་ཀྱི་ཆབ་སྲིད་དང་། སྤྱི་ཚོགས་ཀྱི་བདེ་དོན། བུད་མེད་ཀྱི་ཤེས་ཡོན་དང་འཕྲོད་བསྟེན་བཅས་ལ་སྟོང་ཆ་མ་ལྷག་པར་ད་བར་འབད་བརྩོན་ཧུར་ཐག་གནང་བར་བསྔགས་བརྗོད་དང་འབྲེལ་ཏེ་༸གོང་ས་མཆོག་གི་བཀའ་དགོངས་ལྟར་འདབ་ཤོག་གཉིས་ལྡན་གྱི་སློབ་གཉེར་གནང་གལ་ཡིན་པར་ལམ་སྟོན་གནང་སོང་།དམིགས་བསལ་སྐུ་མགྲོན་བཀའ་ཟུར་རིན་ཆེན་མཁའ་འགྲོ་མཆོག་གིས་བོད་ཀྱི་བུད་མེད་ལྷན་ཚོགས་དེ་ གལ་གནད་ཆེ་བའི་ཚོགས་པ་ཞིག་ལ་ངོས་འཛིན་གྱིས་གོང་ནས་གོང་དུ་འཕེལ་རྒྱ་འགྲོ་ཐབས་སུ་ཕྱག་ལས་གནང་དགོས་པ་དང་། བོད་ཀྱི་བུད་མེད་གཅིག་ཡིན་པའི་ཆ་ནས་བོད་ཀྱི་རྩ་དོན་དང་འབྲེལ་བའི་ཐོག་ཕྱག་ལས་གང་ཞིག་གནང་ཐུབ་ཀྱི་ཡོད་མེད། ལྷག་པར་དུ་རང་གི་ཁྱིམ་ཚང་ནས་འགོ་བརྩམས་ཏེ་བོད་ཀྱི་སྐད་ཡིག་མི་ཉམས་རྒྱུན་འཛིན་གནང་དགོས་སྐོར་གསུངས་ཡོད། རྩ་བའི་བོད་ཀྱི་བུད་མེད་ལྷན་ཚོགས་དེ་ཕྱི་ལོ་ ༡༩༥༩ ཟླ་ ༣ ཚེས་ ༡༠ ཉིན་བོད་ནང་རང་དབང་སྒེར་ལངས་བྱུང་རྗེས་ཚེས་ ༡༢ ཉིན་ཆོས་གསུམ་བེུད་སྟོང་ཕྲག་མང་པོས་༸ཕོ་བྲང་པོ་ཏ་ལའི་མདུན་དུ་རྒྱ་གཞུང་ལ་ཞི་བའི་རྔམ་སྟོན་གནང་བ་དང་སྦྲགས། བོད་ཀྱི་བེུད་ལྷན་ཚོགས་ཐོག་མར་བཙུགས་གནང་བ་ཞིག་ཡིན་པ་དང་། ཕྱིས་སུ་ཕྱི་ལོ་ ༡༩༨༤ ཟླ་ ༩ ཚེས་ ༡༠ ཉིན་ས་གནས་ཡན་ལག་ ༡༢ ཡོད་པའི་ཐོག་ནས་བཙན་བྱོལ་དུ་བོད་ཀྱི་བེུད་ལྷན་ཚོགས་ཀྱི་སྒྲིག་འཛུགས་དེ་སླར་གསོ་གནང་སྟེ་ད་བར་ལོ་ངོ་ ༣༤ ཧྲིལ་པོ་འཁོར་གྱི་ཡོད་པ་དང་། ད་ཆ་རྒྱ་གར་གཙོ་གྱུར་ས་གནས་ཁག་མི་འདྲ་བ་ ༥༨ ནང་ཡན་ལག་དང་ཚོགས་མི་ ༡༧༠༠༠ ལྷག་ཡོད་པའི་གཞུང་འབྲེལ་མིན་པའི་ཚོགས་པ་ཆེ་གྲས་ཤིག་ཡིན་པ་རེད། དེ་རིང་བཞུགས་སྒར་དྷ་ས་གཙོ་གྱུར་བོད་ཀྱི་བེུད་ལྷན་ཚོགས་ཀྱི་ཡག་ལག་སྒྲིག་འཛུགས་ཁག་ནས་ཀྱང་ལས་འགུལ་རྣམ་པ་འདྲ་མིན་ཐོག་ནས་ཉིན་མོ་དེ་སྲུང་བརྩིས་གནང་ཡོད་པ་རེད།

ཉན་པ།: Listen ཕབ་ལེན། Download བོད་ཀྱི་རིག་གཞུང་དང་སྒྱུ་རྩལ་གྱི་དོ་ར། གོས་སྐུའི་སྒྱུ་རྩལ་བ་དགའ་གདོང་བསྟན་འཛིན་རྒྱལ་མཚན་ལགས་དང་ལྷན་དུ་གླེང་མོལ། Sunday 09/09/2018 Art and Culture: Appliqué Thangka artist GadongTenzin Gyaltsen

ཉན་པ།: Listen ཕབ་ལེན། Download ཀ་རྡོར་སྒང་གསུམ་ནང་ཁ་འཐོར་བོད་མིའི་གནས་སྟངས་སྤྱི་དང་སྒོས་ས་གནས་དེ་དག་ནང་བོད་ཀྱི་སྐད་ཡིག་གི་གནས་སྟངས་སྐོར་གླེང་མོལ། Saturday 08/09/2018 Discussion on situation of Tibetan people and Tibetan language in Kalimpong, Darjeeling and Gangtok

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་ལྷོ་ཤར་ཨེ་ཤེ་ཡའི་ནང་པའི་དད་ལྡན་པ་ཚོས་ཇི་ལྟར་གསོལ་འདེབས་ཞུས་པ་བཞིན། ༸གོང་ས་མཆོག་ནས་ཟླ་འདིའི་ཕྱི་ཚེས་ ༤ ནས་དབུ་འཛུགས་ཀྱིས་དེ་རིང་བར་ཉིན་གྲངས་བཞི་རིང་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་ལྷོ་ཤར་ཨེ་ཤ་ཡའི་དད་ལྡན་གཙོས་པའི་ཕྱི་ནང་གི་ཆོས་ཞུ་བ་ ༦༠༠༠ བརྒལ་བར་བུདྡྷ་པཱ་ལི་ཏའི་བཀའ་ཆོས་བཀྲིན་ཆེ་བ་བསྩལ་བ་དང་། དེ་རིང་ཆོས་འབྲེལ་གྱི་ཉིན་མཐའ་མའི་ཐོག་གཞུང་སྐུལ་བ་པོའི་ངོས་ནས་མགོན་པོ་༸གང་ཉིད་མཆོག་ལ་གནད་དོན་འདྲ་མིན་ཐད་བཀའ་འདྲི་དགོངས་སྐོར་ཞུས་པར་བཀའ་ལན་བསྩལ་ནས་ཆོས་འབྲེལ་མཇུག་སྒྲིལ་མཛད་སོང་། མགོན་པོ་མཆོག་གིས་དེ་རིང་ཉིན་མཐའ་མའི་ཆོས་འབྲེལ་ཐོག་དྲི་བ་དྲིས་ལན་གྱི་ཐོག་ནས་གནང་རྒྱུ་ཡིན་ཞེས་བཀའ་བསྩལ་པ་ལྟར། བཀའ་ཆོས་གསོལ་འདེབས་ཞུས་བ་པོའི་ཁྲོད་ནས་༸གང་ཉིད་མཆོག་ལ་བཀའ་འདྲི་ཁག་ཅིག་ཞུས་པ་ལས་ཆོས་ཞུ་བ་གཅིག་གིས་མགོན་པོ་མཆོག་ལ་རང་ངོས་ནས་ཉིན་རེའི་བྱ་གཞག་གཅིག་གི་ནང་ཆོས་ཉམས་ལེན་ཇི་ལྟར་གནང་དགོས་སམ་ཞེས་བཀའ་འདྲི་ཞུས་སོང་བར་༸གོང་ས་མཆོག་གིས་དེ་ནི་རང་ཉིད་སོ་སོས་སེམས་གདུལ་ཐབས་བྱས་ནས་ཆོས་རྣམས་ཀྱི་དངོས་ཡོད་གནས་སྟངས་གང་ཡིན་ཤེས་པ་བྱེད་དགོས་ཞེས་བཀའ་ལན་བསྩལ་སོང་། གཞན་ཡང་ཕྱི་དངོས་པོ་ཡར་རྒྱས་ཁོ་ན་དང་འབྲེལ་ཤེས་ཡོན་ཐོག་ལ་འབད་བརྩོན་བྱས་ནས་མ་བསྡད་པར་ནང་སེམས་རྒྱུད་གདུལ་ཐབས་ཀྱི་ཤེས་ཡོན་ཐད་བརྩོན་དགོས་གལ་ཡིན་པའི་ལམ་སྟོན་མཛད་སོང་། གཞི་རྩའི་ཐེངས་འདིའི་ལྷོ་ཤར་ཨེ་ཤེ་ཡའི་ཆོས་འབྲེལ་ཐོག་ལྷོ་ཤར་ཨེ་ཤ་ཡའི་རྒྱལ་ཁབ་ཁག་ ༧༡ ས་ཆོས་ཞུ་བ་ཞལ་གྲངས་ ༧༠༠ ཡས་མས་ཤིག་དང་ལྷག་དོན་ལྷོ་ཀོ་རི་ཡ་ནས་ཆོས་ཞུ་བ་ ༤༠༠ ལྷག་བཅས་དང་དེ་བཞིན་ཕྱི་ནང་གི་དད་ལྡན་མང་ཚོགས་བཅས་ཁྱོན་ཆོས་ཞུ་བ་ ༦༠༠༠ བརྒལ་བར་འདུ་འཛོམས་བྱུང་ཡོད་པ་རེད།