ARCHIVE
Monthly Archives: September, 2018
རེས་གཟའ་པ་སངས། ༢༠༡༨།༠༩།༠༧
vot.org -
ཉན་པ།: Listen
ཕབ་ལེན། Download
༸གོང་ས་མཆོག་གིས་ལྷོ་ཤར་ ཨེ་ཤ་ཡའི་དད་ལྡན་ཚོར་ཉིན་བཞིའི་ཆོས་འབྲེལ་མཇུག་སྒྲིལ་མཛད་པ།
༸སྐྱབས་རྗེ་སྨན་རིའི་ཁྲི་འཛིན་ ༣༤ པ་མཆོག་གི་ཁྲི་འདོན་མཛད་སྒོ།
ཕྱི་ཟླ་༩ཚེས་༡༡ཉིན་མོ་དེ་རྒྱལ་ཡོངས་བོད་ཀྱི་གསོ་བ་རིག་པའི་ཉིན་མོར་སྲུང་བརྩི་ཞུ་རྒྱུ།
བྷར་ལིན་རྒྱལ་སྤྱིའི་རྩོམ་རིག་དུས་སྟོན་ཐོག་ཞོགས་ལྗང་གི་སྙན་རྩོམ་སྒྲོག་སྦྱང་།
མི་རིགས་དབྱེར་མེད་ཀྱི་ཐག་རིང་བང་རྒྱུག་ནང་བོད་མིས་མཉམ་ཞུགས་དང་བྱ་དགའ་ཐོབ་འདུག
པདྨ་ཚེ་བརྟན་ལགས་ཀྱི་གློག་བརྙན་ལ་ཝེ་ནི་སི་གློག་བརྙན་དུས་སྟོན་ཐོག་བསྔགས་བརྗོད་གནང་བ།
Friday 07/09/2018
Dalai Lama concludes 4 days teaching to SE Asia devotees
Enthronement ceremony of the 34th Menri Trizin held at Menriling, Dholanji
11th September to be celebrated at Day of Tibetan Sowa Rigpa: TMAI
Shokjang’s poetry read at Berlin International Literature Festival
Tibetans participate in Intercommunity Marathon Race in Ladakh
Pema Tseten’s film ‘Jinpa’awes audience at Venice Film Festival
༸སྐྱབས་རྗེ་སྨན་རིའི་ཁྲི་འཛིན་ ༣༤ པ་མཆོག་གི་ཁྲི་འདོན་མཛད་སྒོ་ཚོགས་པ།
vot.org -
༸ཞྭ་དཀར་བསྟན་པའི་གཙུག་རྒྱན་༸སྐྱབས་རྗེ་༸རྒྱལ་བ་སྨན་རིའི་ཁྲི་རབས་ ༣༣ པ་ལུང་རྟོགས་བསྟན་པའི་ཉི་མ་རིན་པོ་ཆེ་མཆོག་དགོངས་པ་བོན་དབྱིངས་སུ་ཐིམ་ནས་ལོ་གཅིག་འཁོར་བའི་དུས་ཚིགས་དང་བསྟུན། ཁ་སང་ནས་དབུ་འཛུགས་ཀྱིས་རྒྱ་གར་བྱང་ཕྱོགས་ཧི་མཱ་ཅལ་མངའ་སྡེའི་སིར་མོར་རྫོང་དུ་ཆགས་པའི་བོན་གྱི་གདན་ས་ཆེན་པོ་དཔལ་གཤེན་བསྟན་སྨན་རིའི་གླིང་དུ་༸ཞྭ་དཀར་བསྟན་པའི་གཙུག་རྒྱན་༸སྐྱབས་རྗེ་རྒྱལ་བ་སྨན་རིའི་ཁྲི་འཛིན་ ༣༤ པ་ལུང་རྟོགས་ཟླ་བ་དར་རྒྱས་རིན་པོ་ཆེ་མཆོག་གི་ཁྲི་འདོན་མཛད་སྒོ་འཚོགས་འདུག
ཁྲི་འདོན་མཛད་སྒོའི་སྐུ་མགྲོན་གཙོ་བོ་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་དང་དམིགས་བསལ་སྐུ་མགྲོན་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག གཞན་ཡང་རིས་མེད་ཆོས་བརྒྱུད་ཁག་གི་དབུ་བླ་དང་སྐུ་ཚབ་དང་གཞུང་དང་གཞུང་འབྲེལ་མིན་པའི་ཚོགས་སྡེ་ཁག་གི་སྐུ་ཚབ། དེ་བཞིན་རྒྱལ་སྤྱིའི་གང་སར་ནས་ཕེབས་པའི་གནད་ཡོད་སྐུ་མགྲོན་དང་དད་ལྡན་མང་ཚོགས་བཅས་ཆེད་ཕེབས་གནང་འདུག
རྩ་བའི་༸རྒྱལ་བ་སྨན་རིའི་ཁྲི་རབས་ ༣༣ པ་ལུང་རྟོགས་བསྟན་པའི་ཉི་མ་རིན་པོ་ཆེ་མཆོག་སྔར་ལོའི་ཕྱི་ཟླ་ ༩ ཚེས་ ༡༤ ཉིན་དགུང་གྲངས་ ༨༩ ཐོག་དགོངས་པ་བོན་དབྱིངས་སུ་ཐིམ་པའི་ཡིད་སྐྱོའི་གནས་ཚུལ་བྱུང་པའི་རྗེས། སྔར་ལོའི་ཕྱི་ཟླ་ ༡༢ ནང་འཛམ་གླིང་བོན་འབངས་ཡོངས་ཀྱི་དབུ་ཁྲིད་༸རྒྱལ་བ་སྨན་རིའི་ཁྲི་འཛིན་ ༣༤ པ་བསྐོ་གཞག་དང་འབྲེལ་བའི་ཆོས་ཕྱོགས་ཀྱི་སྔོན་འགྲོའི་ཟན་སྒྲིལ་གནང་སྒོ་ཁག་དབུ་འཛུགས་གནང་སྟེ། འདི་ལོའི་ཕྱི་ཟླ་ ༢ པའི་ཚེས་ ༢༠ ཉིན་༸རྒྱལ་བ་མཉམ་མེད་ཆེན་པོའི་འཁྲུངས་མཆོད་དུས་ཚེས་དང་བསྟུན་བཀའ་རབ་འབྱམས་པ་དགེ་བའི་བཤེས་གཉེན་ཆེན་མོ་དྲང་སྲོང་ཟླ་བ་དར་རྒྱས་མཆོག་༸ཞྭ་དཀར་བསྟན་པའི་གཙུག་རྒྱན་༸སྐྱབས་རྗེ་༸རྒྱལ་བ་སྨན་རིའི་ཁྲི་འཛིན་ ༣༤ པར་འདེམས་ཐོན་གྱིས་གསེར་ཁྲི་མངའ་གསོལ་གཟབ་རྒྱས་གནང་ཡོད་པ་རེད།
ཁ་སང་ཁྲི་འདོན་མཛད་སྒོའི་ཉིན་དང་པོའི་སྔ་ཐོག་ས་གནས་ལྷ་རྒྱལ་རིའི་རྩེར་དད་ལྡན་མང་ཚོགས་རྣམས་འདུ་འཛོམས་ཀྱིས་གཡུང་དྲུན་བོན་གྱི་ཐུན་མོང་མ་ཡིན་པའི་ཆོས་ཕྱོགས་ཀྱི་བྱེད་སྒོ་དང་འབྲེལ་བའི་བསང་གསོལ་དང་རླུང་རྟ་དར་བཙུགས་སོགས་གནང་ཡོད་པ་དང་། ཆུ་ཚོད་ ༨༌༣༠ ཐོག་དཔལ་གཤེན་བསྟན་སྨན་རིའི་གླིང་གི་འདུ་ཁང་དུ་སྐུ་མགྲོན་རྣམ་པ་གཙོ་གྱུར་དད་ལྡན་སེར་སྐྱ་མང་ཚོགས་རྣམས་ཚངས་འཛོམས་སར་༸སྐྱབས་རྗེ་རྒྱལ་བ་སྨན་རིའི་ཁྲི་འཛིན་ ༣༤ པ་ལུང་རྟོགས་ཟླ་བ་དར་རྒྱས་རིན་པོ་ཆེ་མཆོག་བཞུགས་ཁྲིའི་ཐོག་བཞུགས་སུ་གསོལ་ཏེ་མཎྡྲལ་རྟེན་གསུམ་འདེགས་འབུལ་དང་སྦྲགས་ཁྲི་འདོན་མཛད་འདུག
དེ་བཞིན་དེ་རིང་ཁྲི་འདོན་མཛད་སྒོ་ཉིན་གཉིས་པའི་ཐོག་༸སྐྱབས་རྗེ་༸རྒྱལ་བ་སྨན་རིའི་ཁྲི་འཛིན་ ༣༤ པ་ལུང་རྟོགས་ཟླ་བ་དར་རྒྱས་རིན་པོ་ཆེ་མཆོག་གིས་ཐེངས་འདིའི་ཁྲོ་འདོན་གྱི་མཛད་སྒོར་ཕེབས་པའི་དད་ལྡན་སེར་སྐྱ་འདུ་མང་ཡོངས་ལ་བླང་དོར་གྱི་བཀའ་སློབ་ལམ་བསྟོན་དང་། སྐུ་མགྲོན་གཙོ་བོ་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་དང་དམིགས་བསལ་སྐུ་མགྲོན་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་མཁན་པོ་བསོད་ནམས་བསྟན་འཕེན་མཆོག་རྣམ་གཉིས་ནས་མཛད་སྒོ་དང་འབྲེལ་བའི་གསུང་བཤད་གནང་ཡོད་པ་མ་ཟད། སྲིད་སྐྱོང་མཆོག་གིས་མོན་ཡུན་ནས་གསར་དུ་རྙེད་པའི་བོན་གྱི་དཔེ་རྙིང་དམ་སྒྲིག་གི་དཔེ་དེབ་དབུ་འབྱེད་སོགས་གནང་ཡོད་པ་རེད།
གཞི་རྩའི་དེ་རེས་༸སྐྱབས་རྗེ་སྨན་རིའི་ཁྲི་འཛིན་ ༣༤ པ་མཆོག་གི་ཁྲི་འདོན་མཛད་སྒོ་མ་གནང་པའི་གོང་སྟེ། ཕྱི་ཚེས་ ༣ དང་ ༤ བཅས་སུ་ཁུལ་དེར་༸སྐྱབས་རྗེ་༸རྒྱལ་བ་སྨན་རིའི་ཁྲི་འཛིན་ ༣༤པ རིན་པོ་ཆེ་མཆོག་དང་༸རྒྱལ་བ་སྨན་རིའི་དཔོན་སློབ་རིན་པོ་ཆེ་རྣམ་པ་གཉིས་ཀྱིས་དབུས་པའི་བཤད་སྒྲུབ་མཁན་སློབ་རྣམ་གཉིས་དང་བླ་སྤྲུལ་དགེ་བའི་བཤེས་གཉེན་འདུས་མང་རྣམས་ལྷན་འཛོམས་ཐོག་༸སྐྱབས་རྗེ་༸རྒྱལ་བ་སྨན་རིའི་ཁྲི་འཛིན་ ༣༣ པ་ལུང་རྟོགས་བསྟན་པའི་ཉི་མ་རིན་པོ་ཆེ་མཆོག་དགོངས་པ་བོན་དབྱིངས་སུ་བསྡུས་ནས་མི་ལོ་ཧྲིལ་པོ་གཅིག་འཁོར་བའི་འདས་མཆོད་ཆེན་མོའི་མཛད་སྒོ་དང་སྦྲགས། ཞིང་གཤེགས་དམ་པ་༸སྐྱབས་རྗེ་༸རྒྱལ་བ་སྨན་རིའི་ཁྲི་འཛིན་ ༣༣པ མཆོག་གི་༸སྐུ་གདུང་མཆོད་རྟེན་རྣམ་དག་དཀར་པོ་ལ་མངའ་དབུལ་རབ་གནས་དང་། རིན་པོ་ཆེ་དམ་པའི་མཛད་པ་འཕྲིན་ལས་དང་འབྲེལ་བའི་མཛད་བརྙན་མཐོང་གྲོལ་ཀུན་འདུས་ཞེས་པའི་བརྙན་དེབ་དབུ་འབྱེད་སོགས་གནང་ཡོད་པ་རེད།
རེས་གཟའ་ཕུར་བུ། ༢༠༡༨།༠༩།༠༦
vot.org -
ཉན་པ།: Listen
ཕབ་ལེན། Download
༸གོང་ས་མཆོག་གིས་སྤྱན་རས་གཟིགས་ངན་སོང་ཀུན་གྲོལ་གྱི་རྗེས་གནང་བསྩལ་བ།
རྒྱ་ནག་ནང་ཉམས་ཞིབ་གནང་མཁན་གྱི་ཆད་ལས་པར་ཆེས་དམ་དྲག
རྡོ་རྗེ་གདན་དུ་དྲང་ངེས་ལེགས་བཤད་སྙིང་པོའི་ཐོག་རིས་མེད་བགྲོ་གླེང་ཆེས་ཐོག་མ་འཚོགས་རྒྱུ།
འཕྲོད་བསྟེན་ཤེས་བྱ་ངོ་སྤྲོད། མཆིན་པའི་གཉེན་ཚད་སྐོར།
Thursday 06/09/2018
Dalai Lama confers permission of Avalokiteshvara to SE Asian devotees
Overseas social scientists ‘face real repression’ during research in China
Kirti Monastery to host non-sectarian Buddhist debate Bodh Gaya
Health and Wellness: Hepatitis by Dr. Dhondup Tashi
༸གོང་ས་མཆོག་གིས་སྤྱན་རས་གཟིགས་ངན་སོང་ཀུན་གྲོལ་གྱི་རྗེས་གནང་བསྩལ་བ།
vot.org -
དེ་རིང་ཟླ་ ༩ ཚེས་ ༦ ཉིན་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་འདས་པའི་ཉིན་གྲངས་གཉིས་ཀྱི་རིང་ལྷོ་ཤར་ཨེ་ཤ་ཡའི་དད་ལྡན་ཆོས་ཞུ་བ་གཙོས་པའི་ཕྱི་ནང་གི་མང་ཚོགས་རྣམས་ལ་སློབ་དཔོན་སངས་རྒྱས་བསྐྱངས་ཀྱིས་མཛད་པའི་དབུ་མ་རྩ་བ་ཤེས་རབ་ཀྱི་འགྲེལ་པ་བུདྡྷ་པཱ་ལི་ཏའི་བཀའ་ཆོས་བཀྲིན་བསྐྱངས་ཡོད་པ་ལྟར། དེ་རིང་མགོན་པོ་མཆོག་གིས་ཐེངས་འདིའི་ཆོས་འབྲེལ་ཐོག་ཕྱི་ནང་གི་དད་ལྡན་མང་ཚོགས་ ༦༠༠༠ ལྷག་ལ་འཕགས་པ་སྤྱན་རས་གཟིགས་ངན་སོང་ཀུན་གྲོལ་གྱི་རྗེས་གནང་བསྩལ་སོང་།
སྐབས་དེར་༸གོང་ས་མཆོག་གིས་ཐོག་མར་མང་ཚོགས་ལ་འཕགས་པ་སྤྱན་རས་གཟིགས་སྤྱན་རས་གཟིགས་ངན་སོང་ཀུན་གྲོལ་གྱི་རྗེས་གནང་དེ་ནི་གསང་སྔགས་སྔ་འགྱུར་གྱི་ཆོས་ལ་རིང་བ་བཀའ་མ། ཉེ་བརྒྱུད་གཏེར་མ། ཟབ་མོ་དག་སྣང་ཞེས་གསུམ་ཕྱེ་ཡོད་པའི་ནང་ནས་འདི་ཟབ་མོ་དག་སྣང་གི་ཆོས་འཁོར་ཞིག་ཆགས་ཡོད་པར་ངོ་སྤྲོད་དང་འབྲེལ། མགོན་པོ་༸གང་ཉིད་མཆོག་གིས་སྟག་བྲག་རྡོ་རྗེ་འཆང་གི་སྐུ་མདུན་ནས་གཞུང་ཆ་ཚང་ཞུས་ཡོད་པ་དང་། སྤྱན་རས་གཟིགས་ངན་སོང་ཀུན་གྲོལ་ནི་བྱིན་རླབས་ཅན་ཞིག་ཡིན་པ་མ་ཟད་བྱིན་རླབས་ཐེངས་རེ་ཐོབ་པས་སྐྱེ་བ་རེའི་ངན་སོང་ལ་མི་སྐྱེ་བར་མངོན་མཐོ་འཕར་མའི་ལུས་རྟེན་ཐོབ་ཐུབ་རྒྱུ་ཞིག་གསུངས་ཡོད་པ་ལྟར། མགོན་པོ་མཆོག་གིས་ཀྱང་ངན་སོང་ཀུན་གྲོལ་གྱི་ཆོ་ག་དང་འབྲེལ་བའི་ཐོག་ནས་མ་ཎི་འབུམ་དྲུག་བསགས་མྱོང་ཡོད་པར་བཀའ་བསྩལ་སོང་།
དེ་བཞིན་༸གོང་ས་མཆོག་གིས་འཕགས་པ་སྤྱས་རས་གཟིགས་ངན་སོང་ཀུན་གྲོལ་གྱི་རྗེས་གནང་དངོས་གཞིི་དབུ་འཛུགས་མ་བསྩལ་གོང་། ཆོས་ཞུ་བ་ཚོར་དགེ་བསྙེན་དང་སེམས་བསྐྱེད། དེ་བཞིན་བྱང་ཆུབ་སེམས་པའི་སྡོམ་པ་བཅས་འབོག་ཆོག་གནང་བ་མ་ཟད། དགེ་བསྙེན་བསྒྲུབ་པ་དེ་ཐབས་མཐར་པའི་གོ་འཕང་བསྒྲུབ་རྒྱུ་ཆེད་ཡིན་པ་ལྟར་ཆོས་ཞུ་བ་ཚོའི་ངོས་ནས་རྣམ་མཁྱེན་གྱི་གོ་འཕང་ཐོབ་ཐབས་སུ་དམིགས་ནས་སྡོམ་པ་ཞུ་དགོས་པའི་ལམ་སྟོན་མཛད་ཡོད།
མགོན་པོ་༸གང་ཉིད་མཆོག་གིས་ད་དུང་ཆོས་ཞུ་བ་མང་ཚོགས་ལ་བྱང་ཆུབ་སེམས་པའི་སྡོམ་པ་འབོག་ཆོག་གནང་བ་དང་ཆབས་ཅིག་ཏུ་ཐོག་མར་རང་ཉིད་སྒོ་གསུམ་གྱི་མི་མཐུན་ཕྱོགས་ཀྱི་སྒྲིབ་པ་དེ་དག་བཤག་དགོས་པ་དང་། སེམས་ཅན་ཐམས་ཅད་སོ་སོའི་གཉེན་དུ་བཞག་ཐུབ་ཚེ་གང་སྣང་བ་ཀུན་གཉེན་དུ་ཤར་ཐུབ་པ་ཞིག་ཡོང་ངེས་ཡིན་པར་བཀའ་བསྩལ་སོང་།
༸གོང་ས་མཆོག་གིས་དེ་རིང་གི་རྗེས་གནང་དང་འབྲེལ་ནས་ཆོས་ཞུ་བ་རྣམས་ལ་མ་ཎི་ཡིག་དྲུག་གི་དོན་གང་ཡིན་སྙིང་བསྡུས་སུ་ངོ་སྤྲོད་མཛད་སོང་།
རྩ་བའི་ཐེངས་འདིའི་བཀའ་ཆོས་ཐོག་ལྷོ་ཤར་ཨེ་ཤ་ཡའི་རྒྱལ་ཁབ་མི་འདྲ་བ་ཁག་ ༧༡ ནས་ཁྱོན་དད་ལྡན་ཆོས་ཞུ་ ༦༠༠༠ ལྷག་འདུ་འཛོམས་བྱུང་ཡོད་པ་དང་། སང་བཀའ་ཆོས་ཀྱི་ཉིན་མཐའ་མ་དང་འབྲེལ་མགོན་པོ་༸གང་ཉིད་ཉིད་མཆོག་ནས་ཆོས་ཞུ་བ་རྣམས་ལ་དགེ་བཤེས་གླང་རི་ཐང་པས་མཛད་པའི་བློ་སྦྱོང་ཚིགས་བརྒྱད་མའི་ཆོས་འབྲེལ་མཛད་རྒྱུ་རེད་འདུག
རེས་གཟའ་ལྷག་པ། ༢༠༡༨།༠༩།༠༥
vot.org -
ཉན་པ།: Listen
ཕབ་ལེན། Download
འཕྲལ་ཕུགས་རྒྱང་གསུམ་གྱི་འདོད་དོན་བསྒྲུབ་པར་བྱང་ཆུབ་སེམས་བསྐྱེད་ཐབས་བྱེད་དགོས་ཞེས་བཀའ་བསྩལ་བ།
ཡོ་རོབ་གྲོས་ཚོགས་ཀྱིས་རྒྱ་ནག་གཞུང་ནས་བོད་བརྒྱུད་ནང་བསྟན་ཐོག་དམ་དྲག་བྱེད་བཞིན་པ་ཐེར་བཏོན།
བྱང་ཨ་རིའི་བོད་རིགས་སྤྱི་མཐུན་ཚོགས་པའི་ཚོགས་ཆེན་ཐེངས་ ༡༧ མཇུག་སྒྲིལ།
རྒྱལ་ཚོགས་ཀྱི་སྤྱི་ཁྱབ་དྲུང་ཆེ་དང་ཞི་ཅིང་ཕིང་གཉིས་ཀྱི་མཇལ་འཕྲད་ལ་སྐྱོན་བརྗོད།
བཀའ་སློབ་ལེ་ཚན། ༸གོང་ས་མཆོག་གི་ས་རཱ་མཐོ་སློབ་ཀྱི་སློབ་དགེ་ཚོར་ཚུལ་སྤྱོད་ཤེས་ཡོན་སློབ་གསོའི་ཐོག་བསྩལ་བའི་བཀའ་སློབ།
Wednesday 05/09/2018
Dalai Lama speaks on the importance of cultivating Bodhicitta mind
EU Intergroup on Religious Freedom reports “severe restrictions” against Tibetan Buddhists
17th North American Tibetan Associations Conference ends
Human Rights Watch condemns UN Chief’s meeting with Xi Jinping
Feature: His Holiness the Dalai Lama’s Speech to Sarah Teachers and staff on Secualar Ethics
འཕྲལ་ཕུགས་རྒྱང་གསུམ་གྱི་འདོད་དོན་བསྒྲུབ་པར་བྱང་ཆུབ་སེམས་བསྐྱེད་ཐབས་བྱེད་དགོས།
vot.org -
བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་གཞུང་སྐུལ་བ་པོ་ལྷོ་ཤར་ཨེ་ཤ་ཡའི་དད་ལྡན་ཆོས་ཞུ་བ་གཙོས་པའི་ཕྱི་ནང་གི་མང་ཚོགས་ ༦༠༠༠ ལྷག་ལ་སློབ་དཔོན་སངས་རྒྱས་བསྐྱངས་ཀྱིས་མཛད་པའི་དབུ་མ་རྩ་བ་ཤེས་རབ་ཀྱི་འགྲེལ་པ་བུདྡྷ་པཱ་ལི་ཏའི་ཉིན་གཉིས་པའི་བཀའ་ཆོས་མུ་མཐུད་བསྐྱངས་པ་དང་འབྲེལ། རང་གཞན་ཀུན་གྱི་འཕྲལ་ཕུགས་རྒྱང་གསུམ་གྱི་འདོད་དོན་ཐམས་ཅད་བསྒྲུབ་པར་བྱང་ཆུབ་སེམས་བསྐྱེད་ཐབས་བྱེད་དགོས་ཞེས་བཀའ་སྩལ་སོང་།
༸གོང་ས་མཆོག་གིས་ཐོག་མར་ལྷོ་ཤར་ཨེ་ཤ་ཡའི་རྒྱལ་ཁབ་ཁག་ ༧༡ ནས་ཕེབས་པའི་དད་ལྡན་ཆོས་ཞུ་ རྣམས་ལ་དགའ་བསུའི་འཚམས་འདྲི་བསྩལ་བ་འབྲེལ། མགོན་པོ་༸གང་ཉིད་མཆོག་གིས་ཚན་རིག་དང་འབྲེལ་བའི་ཡར་རྒྱས་ཆེན་པོ་ཕྱིན་པའི་དུས་རབས་ཤིག་ཆགས་ཡོད་པ་དང་། ལོ་ངོ་སྟོང་ཕྲག་ལྷག་སོང་བའི་ཆོས་བརྒྱུད་མང་དག་ཞིག་ཡོད་པ་ལས་རྒྱུ་འབྲས་སོགས་གང་ཡིན་རྒྱུ་མཚན་དང་བཅས་གསུང་རྒྱུ་ཡོད་པ་དེ་ནི་ལོ་ངོ་སྟོང་ཕྲག་གཉིས་ལྷག་སོང་བའི་རྒྱ་གར་གྱི་ཆོས་ལུགས་འདི་དག་ཡིན་པ་ལྟར་རིན་པས་ལྟ་གྲུབ་སོགས་ཟབ་ཏུ་ཕྱིན་ཡོད་སྐོར་བཀའ་བསྩལ་སོང་།བདག་ཅག་གི་སྟོན་པ་ཤཱཀྱ་ཐུབ་པ་དེ་ཉིད་ཀྱང་ཁྱིམ་ནས་ཁྱིམ་མེད་པར་རབ་ཏུ་བྱུང་ནས་ལོ་དྲུག་དཀའ་དཔྱད་མཛད་དེ་རྟེན་འབྲེལ་ཡག་ལན་བཅིུས་ཀྱི་སྒོ་ནས་ཆོས་ཐམས་ཅད་བདེན་མེད་མིང་རྐྱང་བཏགས་ཡོད་ཙམ་དུ་བསྒྲུབ་ཡོད་པའི་ལྟ་གྲུབ་གསར་གཏོད་མཛད་པ་མ་ཟད་མཐར་མངོན་པར་རྫོགས་པར་སངས་རྒྱས་སྐོར་དང་འབྲེལ་ཆོས་ཉམས་ལེན་གནང་ཚུལ་ངོ་སྤྲོད་མཛད་སོང་།
རང་གཞན་ཀུན་གྱི་གནས་སྐབས་དང་མཐར་ཐུག་གི་འདོད་དོན་ཐམས་ཅད་ཀྱི་བདེ་སྐྱིད་ཀྱི་རྩ་བ་ནི་བྱང་ཆུབ་སེམས་ཡིན་སྟབས། རང་རྒྱུད་ལ་བྱང་ཆུབ་སེམས་བསྐྱེད་ཐབས་བྱེད་དགོས་སྐོར་ལམ་སྟོན་བསྩལ་གནང་སོང་།
རྩ་བའི་ཐེངས་འདིའི་བཀའ་ཆོས་ཐོག་ལྷོ་ཤར་ཨེ་ཤ་ཡའི་རྒྱལ་ཁབ་མི་འདྲ་བ་ཁག་ ༧༡ ནས་ཁྱོན་དད་ལྡན་ཆོས་ཞུ་ ༦༠༠༠ ལྷག་འདུ་འཛོམས་བྱུང་འདུག ༸གོང་ས་མཆོག་ནས་དེ་རིང་ཟླ་ ༩ ཚེས་ ༤ ནས་ ༧ བར་ཉིན་གྲངས་བཞིའི་རིང་བཀའ་ཆོས་བཀའ་དྲིན་བསྩལ་གནང་གི་ཡོད་པ་དང་། བཀའ་ཆོས་དེའང་དཔལ་ལྡན་དགའ་ལྡན་ཕོ་བྲང་གི་དྲྭ་རྒྱ་ Dalialama.com ཐོག་ལ་བོད་སྐད་དང་། རྒྱ་སྐད། དབྱིན་སྐད། ཀོ་རི་ཡ། སེ་པན་ནིཤ། ཝི་ཏི་ནམ། ཧིན་རྡི། ཉེ་ཧོང་། ཨུ་རུ་སུ། འཇར་མན། ཐ་ལེན་ཌ་བཅས་ཀྱི་སྐད་ཐོག་ཐད་སྲིང་གནང་གི་འདུག
རྒྱ་གཞུང་ནས་བོད་བརྒྱུད་ནང་བསྟན་ཐོག་དམ་དྲག་བྱེད་ཤུགས་ཆེ་རུ་གོཏང་བཞིན་པ་ཐེར་བཏོན།
vot.org -
ཡུ་རོབ་གྲོས་ཚོགས་ཀྱི་ཆོས་དད་རང་དབང་ལྷན་ཚོགས་ནས་རྒྱལ་སྤྱིའི་རྒྱལ་ཁབ་ཁག་ཅིག་གི་ཆོས་དད་རང་དབང་གི་གནས་བབ་དང་འབྲེལ་བའི་ལོ་འཁོར་སྙན་ཐོ་འདོན་སྤེལ་བརྒྱུད་རྒྱ་ནག་གཞུང་ནས་བོད་བརྒྱུད་ནང་བསྟན་ཐོག་དམ་དྲག་བྱེད་ཤུགས་ཆེ་རུ་གཏོང་བཞིན་པའི་གནས་སྟངས་སོགས་འགྲེལ་བརྗོད་དང་སྦྲགས་རྒྱ་ནག་དེ་རྒྱལ་སྤྱིའི་ཐོག་ཆོས་དད་རང་དབང་ལ་བརྩི་མེད་རྡོག་རོལ་བཏང་མཁན་གྱི་རྒྱལ་ཁབ་ཆེས་སྡུག་ཤོས་གྲས་སུ་ཐེར་བཏོན་གནང་འདུག
ཁ་སང་ཟླ་ ༩ ཚེས་ ༤ ཉིན་ཡུ་རོབ་ Belgium རྒྱལ་ས་ Brussels ནང་ལ་རྟེན་གཞི་བྱས་པའི་ཡུ་རོབ་གྲོས་ཚོགས་སུ་ཡུ་རོབ་མཐུན་ཚོགས་ཀྱི་རྒྱལ་སྤྱིའི་ཆོས་དད་རང་དབང་ལྷན་ཚོགས་ཀྱི་དམིགས་བསལ་སྐུ་ཚབ་སྐུ་ཞབས་ Ján Figel ལགས་ཀྱིས་གཙོས་ཕའི་ཡུ་རོབ་གྲོས་ཚོགས་ཀྱི་འཐུས་མི། ཆོས་དད་རང་དབང་ཐོག་ཉམས་ཞིབ་གནང་མཁན་གྱི་མཁས་པ་ཁག་ཅིག་བཅས་ལྷན་ཞུགས་ཐོག་ཡུ་རོབ་གྲོས་ཚོགས་ཀྱི་ཆོས་དད་རང་དབང་ལྷན་ཚོགས་ནས་རྒྱལ་སྤྱིའི་རྒྱལ་ཁབ་ཁག་ཅིག་གི་ཆོས་དད་རང་དབང་གི་གནས་བབ་དང་འབྲེལ་བའི་ཤོག་གྲངས་ ༤༨ ཅན་གྱི་ལོ་འཁོར་སྙན་ཐོ་ ༢༠༡༧ ཞེས་པ་འདོན་སྤེལ་གནང་ཡོད་པ་རེད།
སྙན་ཐོ་དེའི་ནང་རྒྱ་ནག་དང་སིརྱ། ཏུ་ནི་ཤ་ཡ། ཊར་ཀི། ཨཕ་གྷ་ནིས་ཏན། ཨི་ཇིཔྚ། རྒྱ་གར། དེ་བཞིན་ཨི་རན་སོགས་རྒྱལ་སྤྱིའི་རྒྱལ་ཁབ་ ༣༤ ནང་གི་ཆོས་དད་རང་དབང་སྐོར་བཀོད་འདུག་པ་དང་། རྒྱ་ནང་དང་འབྲེལ་བའི་སྡེ་ཚན་ཁོངས་སུ་ཚོགས་ཆུང་དེས་འདས་པའི་ལོ་དུས་ནང་རྒྱ་གཞུང་ནས་ཡུལ་དེའི་ནང་ལ་ཡོད་པའི་ནང་པ་དང་ཁ་ཆེ། དེ་བཞིན་ཡི་ཤུ་བཅས་ཀྱི་ཆོས་དད་པ་རྣམ་པས་ལས་དོན་གང་ཞིག་སྤེལ་ཀྱང་གཞུང་ནས་ཆོག་མཆན་ཞུ་དགོས་པ་དང་། ལྷག་པར་དུ་ཕྱི་ལོ་ ༢༠༡༥ ལོར་གཏན་འབེབས་བྱས་པའི་རྒྱ་ནག་གི་བདེ་འཇགས་ཁྲིམས་གཞི་བརྒྱུད་ཆོས་ལུགས་དེ་དག་གི་ལས་དོན་ཐོག་ས་གནས་ཉེ་རྟོག་པས་ཐད་ཀར་ཐེ་བྱུས་བྱེད་ཆོག་གི་ཡོད་སྟབས། ཆོས་ཕྱོགས་ཀྱི་ལས་དོན་ལ་དམ་དྲག་བྱེད་ཤུགས་ཆེ་རུ་ཕྱིན་ཡོད་པ་མ་ཟད་ཆོས་ཕྱོགས་དང་འབྲེལ་བའི་འདུ་འཛོམས་རྣམས་ཀྱང་གནོད་འཚེ་ཅན་གྱི་ལས་དོན་ཞིག་ཏུ་ངོས་འཛིན་ཐོག་མི་མང་པོ་ཞིག་བཀག་ཉར་དང་བཙོན་འཇུག་གི་གནས་སྟངས་བྱུང་ཡོད་པ་བཀོད་འདུག
རྒྱ་ནག་གཞུང་ནས་ཆོས་སྡེ་ཁག་ཏུ་རྒྱ་གཞུང་གི་ལངས་ཕྱོགས་དང་འབྲེལ་བའི་ཐོག་སློབ་གསོ་དང་ཆོས་ཕྱོགས་ཀྱི་ལས་དོན་ནང་སློབ་མ་ཚོ་མཉམ་ཞུགས་བྱེད་མི་ཆིག་པ་སོགས་ཀྱི་བརྡ་ཁྱབ་ཡང་ཡང་གཏོང་བཞིན་པ་སོགས་འགྲེལ་བརྗོད་དང་སྦྲགས། རྒྱ་ནག་གཞུང་གི་ཁྲིམས་ལུགས་དང་དམ་དྲག་གི་ལས་དོན་དེ་དག་རྒྱལ་སྤྱིའི་ཁྲིམས་ལུགས་དང་ཡོངས་སུ་འགལ་ཟླ་ཆགས་ཡོད་པ་ནན་བརྗོད་གནང་འདུག
ལྷག་པར་དུ་ཡུ་རོབ་གྲོས་ཚོགས་ཀྱི་སྙན་ཐོ་དེའི་ནང་རྒྱ་ནག་གཞུང་ནས་རྒྱ་གཞུང་གིས་དབྱེ་བའི་བོད་རང་སྐྱོང་ལྗོངས་ཁུལ་ཙམ་མ་ཟད། བོད་ས་ཁྱོན་ལ་༸གོང་ས་མཆོག་གི་༸སྐུ་པར་ཉར་མི་ཆོག་པ་དང་ཆོག་ཅན་མེད་པར་ཆོས་ཕྱོགས་ཀྱི་འདུ་འཛོམས་བྱེད་མི་ཆོག་པ་སོགས་བོད་བརྒྱུད་ནང་བསྟན་དང་འབྲེལ་བའི་ལས་དོན་སྤྱི་ཡོངས་ཐོག་དམ་དྲག་བྱེད་བཞིན་ཡོད་པ་དང་། འདས་པའི་ལོ་དུས་ནང་ལ་རྒྱ་ནག་གཞུང་ནས་བོད་སེར་རྟ་བླ་རུང་ཆོས་སྒར་གཏོར་བཤིག་བཏང་པའི་གནས་སྟངས་དེས་རྒྱ་ནག་གཞུང་ནས་བོད་བརྒྱུད་ནང་བསྟན་གྱི་སློབ་སྦྱོང་བྱེད་ས་རྩ་མེད་གཏང་རྒྱུ་ཙམ་མ་ཟད་བོད་བརྒྱུད་ནང་བསྟན་ཐོག་དམིགས་བསལ་གྱི་དམ་དྲག་ཤུགས་ཆེ་བྱེད་བཞིན་པའི་མཚོན་རྟགས་ཤིག་ཡིན་པ་འགྲེལ་ཀྱིས་རྒྱལ་སྤྱིའི་ཐོག་ནས་དེར་དོ་སྣང་གནང་དགོས་གནད་ཡིན་པའི་འབོད་སྐུལ་གནང་ཡོད་པ་རེད།
ཐེངས་འདིའི་སྙན་ཐོ་འདོན་སྤེལ་དང་འབྲེལ་ཡུ་རོབ་མཐུན་ཚོགས་ཀྱི་ངོས་ནས་རྒྱ་ནག་དང་ལྷན་དུ་འབྲེལ་མོལ་རིགས་གནང་སྐབས་རྒྱ་གཞུང་གིས་བོད་དང་ཤིན་ཅང་སོགས་གྲངས་ཉུང་མི་རིགས་ཀྱི་ས་གནས་ཁག་ཏུ་ལག་བསྟན་བྱེད་བཞིན་པའི་དམ་དྲག་ཅན་གྱི་སྲིད་རྣམས་བཅོས་སྒྱུར་དགོས་གལ་སྐོར་གླེང་སློང་གནང་དགོས་པ་སོགས་གསུངས་འདུག
ཡུ་རོབ་གྲོས་ཚོགས་ཀྱི་ལོ་འཁོར་སྙན་ཐོ་དང་འབྲེལ་རྒྱལ་སྤྱིའི་བོད་དོན་ལས་འགུལ་ཁང་གི་ཡུ་རོབ་མཐུན་ཚོགས་ཀྱི་ཉམས་ཞིབ་འགན་འཛིན་ Vincent Metten ལགས་ནས་འཚམས་འདྲི་དང་སྦྲགས། སྙན་ཐོ་འདི་ནི་རྒྱ་ནག་གཞུང་ནས་བོད་བརྒྱུད་ནང་བསྟན་གྱི་ལས་དོན་ཐོག་དམ་དྲག་བྱེད་བཞིན་པའི་བདེན་དཔང་མཚོན་པ་མ་ཟད་རྒྱ་གཞུང་ནས་རང་ཉིད་ཀྱི་སྲིད་བྱུས་ཁག་བསྐྱར་བཅོས་བྱེད་དགོས་པའི་སྐུལ་མ་ཞིག་ཀྱང་རེད་ཅེས་གསུངས་འདུག
བྱང་ཨ་རིའི་བོད་རིགས་སྤྱི་མཐུན་ཚོགས་པའི་ཚོགས་ཆེན་ཐེངས་ ༡༧ མཇུག་སྒྲིལ།
vot.org -
ཕྱི་ཟླ་ ༩ ཚེས་ ༡ ནས་ ༣ བར་བྱང་ཨ་རིའི་བོད་རིགས་སྤྱི་མཐུན་ཚོགས་པའི་ཚོགས་ཆེན་ཐེངས་ ༡༧ པ་མཇུག་སྒྲིལ་བ་དང་འབྲེལ་༸གོང་ས་མཆོག་གི་སྐུ་ཕྱྭའི་གནད་དོན་གཙོས་པའི་གྲོས་ཆོད་ཁག་ ༣༦ གཏན་འབེབས་གནང་འདུག
ཨ་རིའི་མི་ནི་སོ་ཊ་མངའ་སྡེ་ནང་ Minneapolis ནང་ཚོགས་པའི་ཚོགས་ཆེན་དེ་བྱང་ཨ་རིའི་དོན་ཁང་དང་མི་ནི་སོ་ཊའི་བོད་རིགས་སྤྱི་མཐུན་ཚོགས་པ་གཉིས་ཟུང་འབྲེལ་ཐོག་གོ་སྒྲིག་གནང་བ་ཞིག་ཡིན་ཞིང་། ཚོགས་ཆེན་དེའི་ཐོག་བྱང་ཨ་རིའི་ནང་ཡོད་པའི་ས་གནས་བོད་རིགས་སྤྱི་མཐུན་ཚོགས་པ་ ༢༡ ནས་ཚོགས་བཅར་བ་ ༥༠ ལྷག་མཉམ་ཞུགས་གནང་འདུག་པ་དང་། སྐབས་དེར་༸གོང་ས་མཆོག་གི་སྐུ་ཕྱྭའི་གནད་དོན་གཙོས་པའི་བོད་རིགས་སྤྱི་མཐུན་ཚོགས་པའི་ལས་དོན་གཉེར་ཕྱོགས་ཁྱོན་གྲོས་ཆོད་ ༣༦ གཏན་འབེེབས་གནང་འདུགགྲོས་ཆོད་དེའི་ཁོངས་སུ་གཙོ་བོ་༸གོང་ས་༸སྐྱབས་མགོན་ཆེན་པོ་མཆོག་བྱང་ཨ་རིའི་ནང་ཆིབས་བསྒྱུར་མཛད་སྐབས་སྤྱི་མཐུན་ཚོགས་པ་ནས་མཉམ་ཞུགས་ཇི་ལྟར་གནང་དགོས་མིན་དང་། དེ་བཞིན་༸གོང་ས་མཆོག་གི་སྐུ་ཕྱྭའི་ཞབས་རིམ་དང་འབྲེལ་བྱང་ཨ་རིའི་མི་རེ་ངོ་རེ་ནས་ཨ་སྒོར་གཅིག་བསྡུ་རུབ་གནང་ཕྱོགས། བྱང་ཨ་རིའི་ཁུལ་དུ་བོད་ཀྱི་སྐད་ཆོས་རིག་གཅེས་སྐྱོང་གནང་ཕྱོགས་སྐོར། དེ་བཞིན་བོད་རིགས་སྤྱི་མཐུན་ཚོགས་པའི་སྒྲིག་གཞི་དང་བོད་དོན་ཞུ་གཏུག་ལས་འགུལ་ནུས་ཤུགས་ལྡན་པའི་སྒོ་ནས་སྤེལ་ཐབས་སྐོར། བོད་མིའི་སྒྲིག་འཛུགས་ཀྱི་དཔལ་འབྱོར་བཟོ་ཐབས་སོགས་ཀྱི་དོན་གནད་འཁོད་པའི་གྲོས་ཆོད་ཁག་ཅིག་གཏན་འབེབས་གནང་འདུགགཞི་རྩའི་ཚོགས་ཆེན་དབུ་འབྱེད་མཛད་སྒོར་སྐུ་མགྲོན་གཙོ་བོ་བོད་མིའི་སྒྲིག་འཛུགས་ཀྱི་ཆོས་རིག་བཀའ་བློན་གཡུ་ཐོག་ཀརྨ་དགེ་ལེགས་མཆོག་གདན་ཞུས་གནང་བ་དང། ཉིན་གསུམ་རིང་གི་ཚོགས་ཆེན་ཐོག་བྱང་ཨ་རིའི་སྐུ་ཚབ་དོན་གཅོད་དངོས་གྲུབ་ཚེ་རིང་ལགས་ཀྱིས་གཙོས་པའི་བྱང་ཨ་རིའི་སྤྱི་འཐུས་པདྨ་ཕྱག་མཛོད་ཚང་ལགས་དང་ཚེ་དབང་རིག་འཛིན་ལགས་བཅས་ནས་ཚོགས་ཞུགས་གནང་ཡོད་པ་རེད། ཐེངས་འདིའི་ཚོགས་ཆེན་ཐོག་ནས་བྱང་ཨ་རིའི་སྤྱི་མཐུན་ཚོགས་པའི་ཚོགས་ཆེན་ཐེངས་ ༡༨ པ་དེ་ལྷོ་ཁེལ་ཕོ་ནི་ཡ་ནང་འཚོགས་གཏན་ཁེལ་འདུག
རེས་གཟའ་མིག་དམར། ༢༠༡༨།༠༩།༠༤
vot.org -
ཉན་པ།: Listen
ཕབ་ལེན། Download
༸གོང་ས་མཆོག་གིས་ལྷོ་ཤར་ཨེ་ཤ་ཡའི་དད་ལྡན་པ་ཚོར་ཉིན་བཞིའི་བཀའ་ཆོས་དབུ་འཛུགས།
མི་ནི་སོ་ཊ་བོད་རིགས་སྤྱི་མཐུན་ཚོགས་པ་དབུ་བརྙེས་ནས་ལོ་༢༥ འཁོར་བ་དང་འབྲེལ་ཐུགས་རྗེ་ཆེ་ཞུའི་མཛད་སྒོ།
ལོན་ཊོན་གྱི་ Waltham Forestགྲོང་སྡེ་ལས་ཁུངས་ཀྱི་མདུན་དུ་བོད་ཀྱི་རྒྱལ་དར་ཐེངས་དང་པོ་འགྲེངས་འཛུགས་གནང་བ།
སྐབས་གསུམ་པའི་བོད་ཀྱི་རྒྱུན་སྤྱོད་ཐ་སྙད་འགྲན་སྡུར་དང་བགྲོ་གླེང་གི་ཚོགས་འདུ་ཚོགས་འདུག
དམིགས་བསལ་ལེ་ཚན། གཞས་མ་ཀརྨ་སྒྲོལ་དཀར་ལགས།
Tuesday 04/09/2018
Only compassion can bind us together: HHDL begins ‘Buddhapalita’ teaching to SE Asians
TAFM 25th Year Anniversary & Thank You Minnesota
Tibetan National Flag raised at Waltham Forest Town Hall, London
Sherab Gatsel School hosts terminology contest
MUSIC FEATURE: Karma Dolker