Monthly Archives: May, 2020

ཅེཀ་སྤྱི་མཐུན་རྒྱལ་ཁབ་ཀྱི་གྲོས་ཚོགས་འཐུས་མི་༡༦ གིས་རྒྱ་གཞུང་གིས་ད་བར་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་བཙན་ཁྲིད་ཀྱི་བྱ་སྤྱོད་ལ་སྐྱོན་བརྗོད་དང་འབྲེལ།  ཅེཀ་གཞུང་དང་ཡོ་རོབ་མཐུན་ཚོགས། དེ་བཞིན་མཉམ་འབྲེལ་རྒྱལ་ཚོགས་བཅས་ཀྱི་ངོས་ནས། རྒྱ་ནག་གཞུང་གི་འགྲོ་བ་མིའི་ཐོབ་ཐང་རྡོག་རོལ་གྱི་བྱ་སྤྱོད་ཁག་གལ་ཆེར་བཟུང་ནས་དོ་སྣང་བྱ་དགོས་པའི་ནན་སྐུལ་བྱས་འདུག དེ་ཡང། ༸པཎ་ཆེན་སྐུ་ཕྲེང་བཅིུག་པ་དགེ་འདུན་ཆོས་ཀྱི་ཉི་མ་མཆོག་རྒྱ་གཞུང་གི་བཙན་ཁྲིད་བྱས་ཏེ་གར་སོང་ཆ་མེད་དུ་གྱུར་བའི་དུས་ཚིགས་ཀྱི་སྔ་རོལ་དང་བསྟུན། ཉིན་ཤས་ནང་ནུབ་ཕྱོགས་ཡུལ་ཁག་ཅིག་གི་གྲོས་ཚོགས་འཐུས་མི་ཁག་གི་བསྒྲགས་གཏམ་རིམ་པའི་གནས་ཚུལ་ཐོན་བཞིན་པའི་ཁྲོད། ཁ་སང་སླར་ཡང་ཡོ་རོབ་ཅེཀ་སྤྱི་མཐུན་རྒྱལ་ཁབ་ཀྱི་གྲོས་ཚོགས་བོད་དོན་རྒྱབ་སྐྱོར་ཚོགས་པའི་ཚོགས་གཙོ་ Frantisek Kopriva མཆོག་གིས་སྣེ་ཁྲིད་པའི་ཡུལ་དེའི་གྲོས་ཚོགས་གོང་མའི་འཐུས་མི་༣་དང་འོག་མའི་འཐུས་མི་༡༣་བཅས་ཁྱོན་གྲོས་ཚོགས་འཐུས་མི་༡ གིས་མཚན་རྟགས་འཁོད་པའི་བསྒྲགས་གཏམ་ཞིག་སྤེལ་འདུག ད་རེས་ཀྱི་བསྒྲགས་གཏམ་འདིའི་ནང། གྲོས་ཚོགས་འཐུས་མི་རྣམ་པས། རྒྱ་ནག་དེ་བཞིན་ད་བར་མུ་མཐུད་ནས་འཛམ་གླིང་འགྲོ་བ་མིའི་ཐོབ་ཐང་གི་གནས་བབ་ཆེས་ཞན་ཤོས་ཨང་གཉིས་པ་དང་། དེ་བཞིན་འཛམ་གླིང་མང་ཚོགས་ཀྱི་ཆོས་དད་རང་དབང་རྡོག་རོལ་གཏོང་མཁན་ཚབས་ཆེན་གྱི་རྒྱལ་ཁབ་ཅིག་ཡིན་པ་ཐེར་འདོན་གནང་བ་མ་ཟད། ལྷག་པར་དུ་རྒྱ་ནག་གཞུང་གིས་ད་བར་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གིས་གཙོས་སྐུ་འཁོར་རྣམས་བཙན་ཁྲིད་ཀྱིས་ལོ་༢༥ རིང་གར་སོང་ཆ་མེད་དུ་བཏང་བའི་གནད་དོན་འདི་ནི། ༸པཎ་ཆེན་རིན་པོ་ཆེ་མཆོག་དང་སྐུ་འཁོར་རྣམས་ཀྱི་རང་དབང་རྡོག་རོལ་བཏང་བ་ཙམ་ཞིག་མིན་པར།  བོད་མི་རྣམས་དང་ཆོས་ཕྱོགས་ཀྱི་དབུ་ཁྲིད་ཅིག་གི་ཐོབ་ཐང་དང་རང་དབང་འཕྲོག་པའི་གནད་དོན་ཞིག་རེད་ཅེས་སྐྱོན་བརྗོད་བྱས་འདུག ལྷག་པར་དུ་གྲོས་ཚོགས་འཐུས་མི་རྣམ་གྱིས་རྒྱ་གཞུང་གིས་༸པཎ་ཆེན་པོ་ཆེ་མཆོག་གི་ཐོག་སྤེལ་བའི་བྱ་སྤྱོད་ལ་སྐྱོན་བརྗོད་ཤུགས་ཆེར་ཡོད་ཅེས་ནན་བརྗོད་དང་འབྲེལ། ཅེཀ་གཞུང་དང་ཡོ་རོབ་མཐུན་ཚོགས། དེ་བཞིན་མཉམ་འབྲེལ་རྒྱལ་ཚོགས་བཅས་ཀྱི་ངོས་ནས། རྒྱ་ནག་གཞུང་གི་འགྲོ་བ་མིའི་ཐོབ་ཐང་རྡོག་རོལ་གཏོང་བཞིན་པའི་བྱ་སྤྱོད་དེ་གལ་ཆེར་བཟུང་བའི་ཐོག་དོ་སྣང་བྱ་དགོས་པའི་ནན་སྐུལ་བྱས་འདུག་པ་མ་ཟད། དེ་བཞིན་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་དང་སྐུ་འཁོར་རྣམས་གློད་བཀྲོལ་ཡོང་བ་དང་། རྒྱ་གཞུང་གིས་བོད་བརྒྱུད་ནང་བསྟན་བླ་སྤྲུལ་ངོས་འཛིན་གྱི་ཆོས་ཕྱོགས་བྱེད་སྒོར་ཐེ་བྱུས་བྱེད་འཚམས་འཇོགས་རྒྱུ་བཅས་ཀྱི་ཐོག་རྒྱ་གཞུང་ལ་གནོན་ཤུགས་སྤྲོད་རྒྱུའི་རེ་འདུན་ཡང་བཏོན་འདུག རྩ་བའི་འདི་ལོའི་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་དགུང་གྲངས་༣༡་པའི་འཁྲུངས་སྐར་གྱི་དུས་ཚིགས་དང་བསྟུན།  བོད་མི་དང་རྒྱལ་སྤྱིའི་ནང་གི་ཚོགས་སྡེ་ཁག་༡༥༩་དང་དེ་བཞིན་གྲོས་ཚོགས་འཐུས་མི་བཅས་ཀྱིས་རྒྱ་ནག་གཞུང་གིས་པཎ་ཆེན་རིན་པོ་ཆེ་གློད་བཀྲོལ་དགོས་ཆེད་རྒྱལ་ཚོགས་དང་རྒྱ་གཞུང་ལ་ཞུ་གཏུགས་དང་བསྒྲགས་གཏམ་རིམ་པ་སྤེལ་ཡོད་པ་རེད། ཡང་དེ་བཞིན་ཁ་སང་རྒྱལ་སྤྱིའི་བོད་དོན་འབྲེལ་མཐུད་ཁང་གི་གསར་འགོད་བསྒྲགས་གཏམ་ཞིག་འདོན་སྤེལ་གནང་བའི་ནང་དུ། འབྲེལ་མཐུད་ཁང་གི་གོ་སྒྲིག་འོག་རྒྱལ་སྤྱིའི་ཁྲོད་ཀྱི་བོད་དོན་རྒྱབ་སྐྱོར་ཚོགས་སྒེར་ཁག་ཡོངས་ཀྱི་ངོས་ནས་ཀུན་གཟིགས་པཎ་ཆེན་རིན་པོ་ཆེ་དགེ་འདུན་ཆོས་ཀྱི་ཉི་མ་མཆོག་རྒྱ་གཞུང་གི་བཙོན་འཇུག་བྱས་ནས་ལོ་ ༢༥ འཁོར་བའི་དུས་རབས་ཀྱི་བཞི་ཆ་གཅིག་ཕྱིན་ཟིན་པའི་དུས་ཚིགས་སྲུང་བརྩི་དང་སྦྲགས། 25 Actions for 25 Years ཞེས་པའི་ལོ་ཁོར་མོ་གཅིག་གི་ལས་འགུལ་ཞིག་དབུ་འཛུགས་གནང་རྒྱུའི་གསལ་སྒྲགས་གནང་འདུག རྒྱལ་སྤྱི་བོད་དོན་རྒྱབ་སྐྱོར་ཚོགས་པ་ཁག་གི་ལོ་ཁོར་མོ་གཅིག་གི་ལས་འགུལ་འདིའི་ནང་།  ཕྱི་ཟླ་ ༥ པའི་ཚེས་ ༡༧ ཉིན་བོད་མིའི་སྒྲིག་འཛུགས་ཀྱི་སྣེ་ཁྲིད་འོག བོད་མི་དང་བོད་དོན་རྒྱབ་སྐྱོར་བ་ཡོངས་ནས། རང་རང་སོ་སོའི་སྡོད་ཁྱིམ་ནས་མར་མེ་སྒྲོན་པའི་ལས་འགུལ་དེ་གཙོ་བྱས་པའི་ལོ་ཁོར་མོ་གཅིག་གི་རིང་དྲ་རྒྱའི་ཐོག་སྐུ་པར་དང་བརྙན་པར་བརྒྱུད་སྤེལ་དང་། ལྷག་པར་དུ་ Google Map ཞེས་པའི་གྱི་མཉེན་ཆས་བརྒྱུད་བོད་ཀྱི་བཀྲ་ཤིས་ལྷུན་པོ་དགོན་པས་ངོ་རྒོལ་གནང་རྒྱུ་སོགས་གོ་སྒྲིག་གནང་ཡོད་པ་རེད་འདུག

དེ་རིང་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་གནས་ཚུལ་སྤེལ་བ་ལྟར་ན། ཉེ་སྔོན་རྒྱ་ནག་ཝུ་ཧན་ནས་ཁྱབ་བརྡལ་བྱུང་བའི་ཏོག་དབྱིབས་རིམས་ནད་ཀྱི་རྐྱེན་གྱིས་བོད་ཁུལ་གྱི་རྒྱ་རིགས་ལས་བཟོ་བ་མང་པོ་ཞིག་ཕྱིར་རྒྱ་ནང་དུ་ལོག་ཡོད་ནའང་། ད་ཆ་རྒྱ་ནག་གི་ལས་བཟོ་བ་མང་པོ་སླར་ཡང་བོད་ཁུལ་གྱི་ཆུ་མཛོད་གསར་རྒྱག་གི་ས་ཚིགས་ཁག་ཏུ་ཕྱིར་སླེབ་བཞིན་ཡོད་པ་རེད། དེ་ཡང་ལྟེ་གནས་ཁང་གིས། རྒྱ་ནག་གི་མཐོ་རིམ་དཔོན་རིགས་ཀྱིས་གསལ་བསྒྲགས་བྱས་པར་གཞིགས་ན། རྒྱ་ནག་གི་ལོ་ལྔ་ཚན་བཅུ་གསུམ་པའི་འཆར་འགོད་ཀྱི་ཆ་ཤས་སུ་གྱུར་བའི་བོད་ལྷོ་ཁ་ཁུལ་གྱི་ཡར་ཀླུང་གཙང་བོའི་འགྲམ་རྒྱུད་ཀྱི་ཆུ་མཛོད་ Jiacha ཞེས་པའི་ལས་གཞིའི་ཁྲོད། རྒྱ་ནག་གི་བཟོ་ལས་བ་རྣམས་སླར་ཡང་ཕྱིར་བོད་ཁུལ་དུ་ལོག་ནས་ལས་ཞུགས་བྱེད་རྒྱུ་ཡིན་པར་འཁོད་ཡོད་པ་ལྟར། འདི་ལོའི་ཟླ་བ་ ༣ བའི་ཟླ་སྟོད་དུ་རྒྱ་རིགས་ལས་བཟོ་བ་ ༢༤ དངོས་སུ་བོད་ཁུལ་གྱི་ཆུ་མཛོད་གསར་རྒྱག་གི་ས་ཚིགས་སུ་བཏང་ཡོད་པར་འཁོད་འདུག རྩ་བའི་རྒྱ་ནག་དང་བོད་ཁུལ་དུ་ཏོག་དབྱིབས་རིམས་ནད་ཀྱི་རྐྱེན་གྱིས་མི་མང་གི་འགྲུལ་བཞུད་ཉུང་ཉུང་ཡིན་ནའང་། ཐེངས་འདིའི་རྒྱ་ནག་གི་ཆུ་མཛོད་གསར་རྒྱག་གི་ལས་བཟོ་བ་རྣམས་ཡོན་ནན་ནས་ཟླ་བ་ ༣ པའི་ཚེས་ ༣ ཉིན་བོད་ཁུལ་སྨར་ཁམས་སུ་འབྱོར་བ་དང་། ཟླ་བ་ ༣ པའི་ཚེས ༥ཉིན་ལྷ་སར་འབྱོར་ཡོད་པ་རེད། གཞི་རྩའི་རྒྱ་ནག་གིས་བོད་ཁུལ་གྱི་ས་ཆ་གང་སར་ཆུ་མཛོད་གསར་རྒྱག་གི་ལས་གཞི་སྣ་མང་ཞིག་བཙུགས་ཡོད་པ་ལྟར། དཀར་མཛེས་བོད་རིགས་རང་སྐྱོང་ས་ཁུལ་གྱི་ནགས་ཆུ་རུ་ཡང་རྒྱ་ནག་གིས་ Yagen དང་ Lenggu ཞེས་པའི་ཆུ་མཛོད་ཆེ་ཁག་གསར་རྒྱག་གི་ལས་གཞི་འགོ་བཙུགས་ཡོད་པ་ལྟར། འདི་ལོའི་ཟླ་བ་ ༢ པའི་ཚེས་ ༩ ཉིན། གནམ་གྲུ་བརྒྱུད་ནས་རྒྱ་ནག་གི་ལས་བཟོ་བ་སྐོར་ཞིག་ཆུ་མཛོད་གསར་རྒྱག་གི་ས་ཚིགས་ཁག་ཏུ་འབྱོར་ཡོད་པ་མ་ཟད། ཟླ་བ་ ༢ བའི་ཚེས་ ༡༣ ཉིན། ཡོན་ནན་དང་ཟི་ཁྲོན་ཁུལ་དུ་ཡང་མེ་འཁོར་བརྒྱུད་ནས་རྒྱ་ནག་གི་བཟོ་ལས་བ་མང་པོ་ཞིག་བོད་ཁུལ་དུ་འབྱོར་བ་དང་། ཟླ་ ༢ བའི་༢༧ ཉིན་ཡང་རྒྱ་ནག་གི་གྲོང་ཁྱེར་ཧྲན་ཞི་ནང་གི་རྒྱ་ནག་གི་བཟོ་ལས་བ་མང་པོ་ཞིག་བོད་མཚོ་སྔོན་བརྒྱུད་ནས་བོད་ཁུལ་གྱི་ཆུ་མཛོད་གསར་རྒྱག་གི་ས་ཚིགས་སུ་འབྱོར་ཡོད་པ་མ་ཟད། ཟླ་བ་གསུམ་པའི་ནང་དུ། སྒེར་གྱི་རླངས་འཁོར་བརྒྱུད་ནས་ལྷོ་ཁའི་ཆུ་མཛོད་ Jiacha ཁུལ་དུ་མི་མང་པོ་བསླེབས་ཡོད་པར་ཤེས་རྟོག་བྱུང་འདུག གཞན་ཡང་ལྟེ་གནས་ཁང་གིས། རྒྱ་ནག་གིས་བོད་ཁུལ་གྱི་གཙང་བོ་ཁག་གི་རྒྱུད་དུ་ཆུ་མཛོད་གསར་རྒྱག་གི་ལས་གཞི་རྒྱ་ཆེར་སྤེལ་བཞིན་པ་མངོན་གསལ་གནང་བ་དང་འབྲེལ། བོད་ལྷོ་ཁ་ཁུལ་གྱི་ཆུ་མཛོད་དེར་རྒྱ་ནག་གི་དམངས་སྒོར་ཐེར་འབུམ་ ༧།༨ ལྷག་ཆེད་གཏོང་བྱས་ཏེ། འདི་ལོའི་ཟླ་བ་ ༦ པའི་ནང་དུ་དངོས་སུ་གློག་འདོན་འགོ་འཛུགས་བྱེད་རྒྱུའི་འཆར་གཞི་བཏང་ཡོད་པ་དང་། འདི་ལོའི་ཏོག་དབྱིབས་རིམས་ནད་ཀྱི་སྐབས་སུ་རྒྱ་ནག་གི་བཟོ་ལས་བ་མང་པོ་ཕྱིར་རྒྱ་ནག་གི་གྲོང་ཁྱེར་ཆེ་ཁག་ཏུ་ཕྱིན་ཡོད་སྟབས། རྒྱ་ནག་གི་བཟོ་ལས་ཁང་གིས་བོད་ཀྱི་བཟོ་ལས་བ་རྣམས་ལ་གླ་དངུལ་ཆུང་ངུ་རེ་སྤྲད་ནས་ལས་ཞུགས་བྱེད་དུ་བཅུག་པ་རེད་འདུག གཞི་རྩའི་རྒྱ་ནག་གིས་བོད་ཁུལ་དུ་ཆུ་མཛོད་གསར་རྒྱག་གི་ལས་གཞི་རྒྱ་བསྐྱེད་བྱེད་བཞིན་པ་འདིས། གཅིག་ནས་བོད་ཁུལ་གྱི་ཞིང་འབྲོག་མང་པོ་བཙན་ཤེད་ཀྱིས་གནས་སྤོར་བྱེད་དུ་འཇུག་གི་ཡོད་པ་དང་། གཉིས་ནས་བོད་ནང་གི་གནམ་གཤིས་ཀྱི་འགྱུར་ལྡོག་ལ་ངན་ཤུགས་ཐེབས་ནས་ཆུ་ལོག་རྒྱུག་པ་དང་རི་ཉིལ་བ་སོགས་ཀྱི་གནད་དོན་བྱུང་བཞིན་པ་མ་ཟད། བོད་ཀྱི་གཙང་ཆུ་ཁག་ལ་རྟེན་བཞིན་པའི་རྒྱ་གར་དང་འབར་མ་སོགས་ཀྱི་མཚོན་པའི་ཁྱིམ་མཚེས་རྒྱལ་ཁབ་མང་དག་ཅིག་ལ་ཡང་ཡང་རང་བཞིན་གྱིས་དཀའ་ངལ་ཆེན་པོ་འཕྲད་བཞིན་ཡོད་པ་རེད།

ཉན་པ།: Listen ཕབ་ལེན། Download ཨ་རིའི་ཕྱི་སྲིད་ལས་ཁུངས་ཀྱིས་བོད་དོན་འབྲེལ་མཐུད་པ་བསྐོ་བཞག་གནང་རྒྱུར་སྐུལ་བ། སུད་སི་གྲོས་ཚོགས་འཐུས་མིས་༸པཎ་ཆེན་རིན་པོ་ཆེ་གློད་བཀྲོལ་དགོས་པའི་བསྒྲགས་གཏམ་སྤེལ་བ། བོད་ནང་དུ་དྲྭ་རྒྱའི་འཇབ་རྒོལ་དང་གཉའ་གནོན་ཇེ་ཆེར་འགྲོ་བཞིན་པ། འཕྲོད་བསྟེན་ཤེས་བྱ་ངོ་སྤྲོད། ལུས་སྦྱོང་གནང་བའི་དགེ་མཚན་དང་མི་ཚེའི་འགྱུར་ལྡོག Thursday 14/05/2020 US urged to appoint Special Coordinator for Tibet Swiss lawmakers call on China to release Panchen Lama Mass Surveillance and 5G in Tibet: Between Oppression and Espionage Health and Wellness: Why maintain Physical Fitness

ཁ་ཉིན་ཕྱི་ཚེས་ ༡༢ ཉིན་ཨ་རིའི་རྒྱལ་སྤྱི་ཆོས་དད་རང་དབང་ལྷན་ཚོགས་ཀྱིས་བསྒྲགས་གཏམ་ཞིག་འདོན་སྤེལ་གནང་བ་དང་འབྲེལ། ཨ་རིའི་ཕྱི་སྲིད་ལས་ཁུངས་ཀྱིས་བོད་ཀྱི་གནད་དོན་དང་འབྲེལ་བའི་དམིགས་བསལ་འབྲེལ་མཐུད་མི་སྣ་བསྐོ་བཞག་དོགས་བར་སྐུལ་མ་གནང་འདུག དེ་ཡང་བསྒྲགས་གཏམ་དེའི་ནང་བོད་ཀྱི་གནད་དོན་གྱི་འབྲེལ་མཐུད་མི་སྣ་བསྐོ་བཞག་བྱ་རྒྱུ་དེ་ནི་ཕྱི་ལོ་ ༢༠༠༢ ལོར་གཏན་འབེབས་གནང་བའི་ Tibet Policy Act 2002 ཞེས་ཨ་རིའི་བོད་དོན་ཁྲིམས་འཆར་ནང་གསལ་ཡོད་སྐོར་དང་། ཕྱི་ལོ་ ༢༠༡༧ ལོའི་ཕྱི་ཟླ་ ༡ ཚེས ༢༠ ནས་ད་བར་ས་མིག་སྟོང་པར་ལུས་ཡོད་སྐོར་གསུངས་པ་དང་འབྲེལ།  རྒྱལ་སྤྱིའི་ཆོས་དད་རང་དབང་ལྷན་ཚོགས་ཀྱི་འགན་འཛིན་གྱི་གྲས་སུ་ཡོད་པ་སྐུ་ཞབས་ Gary Bauer ལགས་ཀྱིས་རྒྱ་ནག་དམར་ཤོག་ཚོགས་པའི་དུས་དང་རྣམ་པ་ཀུན་ཏུ་བོད་ཀྱི་ངོ་བོ་མཚོན་པའི་ནང་པ་སངས་རྒྱས་པའི་ཆོས་ལུགས་དེ་ནག་གསུབ་གཏོང་ཐབས་བྱེད་བཞིན་ཡོད་སྟབས། ང་ཚོས་ཆོས་དད་རང་དབང་ཡོངས་སུ་སྲུང་སྐྱོབ་གནང་བའི་སྒོ་ནས་ཨ་རིའི་ཕྱི་སྲིད་ལས་ཁུངས་ཀྱིས་བོད་ཐོག་འཛིན་པའི་སྲིད་བྱུས་དེ་ལོངས་སུ་སྤྱད་དེ་དམིགས་བསལ་འབྲེལ་མཐུད་པ་བསྐོ་བཞག་གནང་དགོས་པ་གསུངས་འདུག དེ་བཞིན་ཨ་རིའི་གཞུང་གི་རྒྱལ་སྤྱིའི་ཆོས་དད་རང་དབང་ལྷན་ཚོགས་ཀྱི་འགན་འཛིན་གྱི་གྲས་སུ་ཡོད་པའི་སྐུ་ཞབས་བསྟན་འཛིན་རྡོ་རྗེ་ལགས་ཀྱིས་ཀྱང་རྒྱ་ནག་གཞུང་གིས་བོད་བརྒྱུད་ནང་བསྟན་རྩ་གཏོར་གཏོང་ཐབས་བྱེད་མཞིན་པའི་ཁར། ༸གོང་ས་མཆོག་དང་༸པཎ་ཆེན་རིན་པོ་ཆེ་མཆོག་གི་༸སྐུའི་ཡང་སྲིད་ཀྱི་གནད་དོན་ལ་ཐེ་གཏོགས་བྱས་དང་བྱེད་བཞིན་ཡོད་པ་གསལ་འདོན་གནང་བ་དང་འབྲེལ། རྒྱ་ནག་གཞུང་གིས་གྲངས་ཉུང་མི་རིགས་མཐུན་སྒྲིལ་གྱི་སྲོལ་ཡིག་པ་ཁ་ལ་གཡར་ནས་བོད་ཀྱི་དགོན་སྡེ་ཁག་ལ་ཕྱོགས་ཡོངས་ནས་སྟངས་འཛིན་ནན་པོ་བྱས་པ་དང་། གསང་མྱུལ་གྱི་འཕྲུལ་ཆས་སོགས་སྤྱད་དེ་གཞི་རྩའི་འགྲོ་བ་མིའི་ཐོབ་ཐང་གཙོས་ཆོས་དད་རང་དབང་རྡོག་རོལ་ཆེན་པོར་གཏོང་བཞིན་ཡོད་སྟབས། ཨ་རིའི་ཕྱི་སྲིད་ལས་ཁུངས་ཀྱིས་བོད་ཀྱི་གནད་དོན་དང་འབྲེལ་བའི་དམིགས་བསལ་འབྲེལ་མཐུད་པ་བསྐོ་བཞག་གནང་རྒྱུ་དུས་ལ་བབ་ཡོད་པ་གསུངས་འདུག ད་དུང་བསྒྲགས་གཏམ་དེའི་ནང་དུ་རྒྱལ་སྤྱི་ཆོས་དད་རང་དབང་ལྷན་ཚོགས་ཀྱི་ཕྱི་ལོ་ ༢༠༢༠ ལོའི་སྙན་ཐོའི་ནང་དུའང་ Global Magnitsky Human Rights Accountability Act ཞེས་རྒྱལ་སྤྱིའི་ཁྲོད་འགྲོ་བ་མིའི་ཐོབ་ཐང་ཐོག་འགན་འཁུར་ཐུབ་ཐབས་དང་འབྲེལ་བའི་ཁྲིམས་འཆར་དང་། དེ་བཞིན་ International Religious Freedom Act ཞེས་རྒྱལ་སྤྱིའི་ཆོས་དད་རང་དབང་གི་ཁྲིམས་སྒྲིག་དང་འབྲེལ་ནས་ཨ་རིའི་གཞུང་གིས་གཞི་རྩའི་འགྲོ་བ་མིའི་ཐོབ་ཐང་དང་ཆོས་དད་རང་དབང་ལ་རྡོག་རོལ་གཏོང་མཁན་གྱི་རྒྱ་ནག་གཞུང་འབྲེལ་མི་སྣ་དག་ལ་སྟངས་འཛིན་དང་བཀག་སྡོམ་བྱ་དགོས་པ་དང་། དེ་བཞིན་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་འཕྲལ་དུ་གློད་བཀྲོལ་དགོས་པ་སོགས་ཀྱི་སྙན་ཐོ་རིམ་པར་བཏོན་ཡོད་པར་གསུངས་འདུག  

ཉན་པ།: Listen ཕབ་ལེན། Download ཏཱ་ལའི་བླ་མའི་དགེ་རྩས་ཊན་ཌཱ་སྨན་ཁང་ལ་ཉེན་སྲུང་ཡོ་ཆས་རང་འགྲིགས་ལྔ་བརྒྱ་ཞལ་འདེབས་གནང། ༸སྐྱབས་རྗེ་གླིང་མཆོག་སྤྲུལ་རིན་པོ་ཆེའི་མཚན་ཐོག་ཏུ་ངོ་དེབ་འདྲ་བཟོ་བརྒྱུད་མ་དངུལ་བསྡུ་རུབ། རྫོང་ཆོས་གྲྭ་ཚང་གིས་ས་གནས་རྒྱ་གར་དཔོན་རིགས་གདན་ཞུས་ཀྱིས་བསྔོ་སྨོན་གསུང་འདོན། ཨ་རིས་རྒྱ་རིགས་གསར་འགོད་པའི་མཐོང་མཆན་ཐོག་་སྒྲིག་གཞི་དམ་དུ་བཏང་བར་རྒྱ་ནག་ནས་སྐྱོན་བརྗོད། ཁེ་ན་ཌ་གཞུང་ནས་འཐུས་ཤོར་རྐྱེན་ཁེ་ན་ཌར་རྒྱ་ནག་གི་གནོན་ཤུགས་ཇེ་ཆེར་འགྲོ་མུས། Wednesday 13/05/2020 Dalai Lama Trust donates 500 PPE Kits to Tanda Hospital near Dharamsala Fraudsters create fake account to collect funds in Tibetan Rinpoche's name, FIR lodged Dzongkar Choede Monastery holds prayer service with local Indian officials for COVID19 victims US issues new rule for Chinese Reporters, China warns of countermeasures Canadian government’s inadequate response emboldens pro-Beijing actors

ད་ལྟའི་ཆར་ཆེས་གཉན་འཕྲང་གི་དུས་སྐབས་འདིར་འཛམ་གླིང་ཁྱོན་ལ་ཏོག་དབྱིབས་གཉན་རིམས་ལ་གདོང་ལེན་གནང་ཆེད་དུ་ཕྱག་ལས་གནང་མཁན་སྨན་པ་དང་སྨན་ཞབས། འབྲེལ་ཡོད་ལས་བྱེད་དང་བཅས་པར་ཉེ་བར་མཁོ་བའི་ཁ་རས་དང་ཉེན་སྲུང་ཡོ་ཆས་རང་འགྲིགས་སམ་ Personal Protective Equipment ཞེས་པ་དེ་རག་ཐབས་དཀའ་བའི་གནས་སྟངས་སུ་གྱུར་ཡོད་པ་མ་ཟད། ལྷག་དོན་རྒྱ་ནག་གིས་བཟོས་པའི་ཁ་རས་དང་ཉེན་སྲུང་ཡོ་ཆས་དེ་དག་སྤུས་ཚད་ཞན་རྐྱེན་རྒྱ་གར་གཙོས་རྒྱལ་ཁབ་གཞན་ཁག་གཅིག་གིས་རྒྱ་ནག་ལ་ཕྱིར་སློག་བྱས་པའི་གནས་ཚུལ་བྱུང་ཡོད་པ་དང་། རྒྱ་གར་ལྟ་བུར་ཆ་མཚོན་ན་དེང་སྐབས་སྨན་ཁང་ཆེ་ཁག་ཏུ་ཕྱག་ལས་གནང་མཁན་སྨན་པ་དང་སྨན་ཞབས། དེ་བཞིན་ཞབས་ཞུ་བའི་འབྲེལ་ཡོད་ལས་བྱེད་ཁག་ལ་ཆེས་ཉེ་བར་མཁོ་བའི་ཉེན་སྲུང་ཡོ་ཆས་རང་འགྲིགས་ཀྱི་མཐུན་རྐྱེན་ཞན་པའི་ངལ་བ་འཕྲད་བཞིན་ཡོད་པ་དང་འབྲེལ། ཁ་སང་ཕྱི་ཚེས་ ༡༢ ཉིན་ཏཱ་ལའི་བླ་མའི་དགེ་རྩས་བཞུགས་སྒར་ཉེ་ཁྲིས་སུ་རྟེན་གཞི་བྱས་པའི་ཧི་མཱ་ཅལ་མངའ་སྡེའི་གཞུང་གི་སྨན་ཁང་ཊན་ཌཱ་ལ་ཉེན་སྲུང་ཡོ་ཆས་རང་འགྲིགས་ལྔ་བརྒྱ་ཐམ་པ་ཞལ་འདེབས་གནང་འདུགརླུང་འཕྲིན་ཁང་གིས་ཏཱ་ལའི་བླ་མའི་དགེ་རྩའི་ལས་འཆར་འགན་འཛིན་འཛུམ་ཆུང་བཀྲིས་ལགས་སུ་དེ་འབྲེལ་བཀའ་འདྲི་ཁག་ཅིག་ཞུས་པར་ཁོང་གིས་ཉེན་སྲུང་ཡོ་ཆས་རང་འགྲིགས་ལྔ་བརྒྱ་ཐམ་པ་གསོལ་བསྩལ་གནང་བའི་རྒྱབ་ལྗོངས་དང་བཅས་ངོ་སྤྲོད་གནང་བ་དང་སྦྲགས། དེ་བཞིན་ཏཱ་ལའི་བླ་མའི་དགེ་རྩའི་ངོས་ནས་རྒྱ་གར་ཡུལ་མི་ཉམ་ཐག་དང་དབུལ་ཕོངས་གྲོང་རྡེལ་གནས་སྡོད་རྒྱ་གར་མང་ཚོགས། དེ་བཞིན་ས་གནས་གཞན་ནས་ཡོང་བའི་ཉིན་གླར་བརྟེན་པའི་རྒྱ་གར་བ་རྣམས་ལ་ཐེམ་སྤང་གི་དུས་སྐབས་སུ་སྐམ་ཟས་སོགས་བགོ་འགྲེམས་མང་དག་ཅིག་གནང་ཡོད་སྐོར་གསུངས་སོང་། རྩ་བའི་༸གོང་ས་མཆོག་གིས་ཏོག་དབྱིབས་རིམས་ནད་ལ་གདོང་ལེན་ཆེད་ PM cares fund ཞེས་ཏོག་དབྱིབས་གཉན་རིམས་ལ་གདོང་ལེན་གནང་ཕྱིར་ཉེ་ཆར་གསར་འཛུགས་གནང་བའི་རྒྱ་གར་སྲིད་བློན་གྱི་ཐེབས་རྩར་མ་དངུལ་གྱི་ཞལ་འདེབས་གནང་བ་དང་། དེ་བཞིན་༸དཔལ་ལྡན་དགའ་ལྡན་ཕོ་བྲང་གི་ལས་བྱེད་ཡོངས་ཀྱིས་ཉིན་གཅིག་གི་གསོལ་ཕོགས་བསྡུ་རུབ་ཀྱིས་ཐབས་རྩར་ཞལ་འདེབས་གནང་ཡོད་པ་རེད།དེ་བཞིན་༸གོང་ས་༸སྐྱབས་མགོན་ཆེན་པོ་མཆོག་གིས་ཏོག་དབྱིབས་རིམས་ནད་ཁྱབ་བརྡལ་ཤུགས་ཆེ་འགྲོ་བཞིན་པའི་ཁྲོད་འདིར་ང་ཚོས་བྱམས་བརྩེ་ཀུན་ནས་བླངས་པའི་ཐོག་རིམས་ནད་དེར་གདོང་ལེན་བྱེད་དགོས་པར་བཀའ་བསྩལ་བ་དང་རང་རེས་ནང་མི་གཉེན་འབྲེལ་འདས་གྲོངས་སུ་གྱུར་པའི་སྡུག་བསྔལ་དང་རང་གི་འཕྲོད་བསྟེན་གྱི་ཉེན་ཚབས་སོགས་ལ་རྡོག་རྩ་གཅིག་སྒྲིལ་དང་མཉམ་སྦྲེལ་བྱེད་པ་ཁོ་ནས་གདོང་ལེན་བྱེད་དགོས་པའང་སྟོན་གྱི་ཡོད་སྐོར་སོགས་ལམ་སྟོན་བཀྲིན་ཆེ་བ་བསྩལ་ཡོད་པ་རེད།

ཟླ་བ་འདིའི་ནང་དུ་སྤྱི་ཚོགས་བརྒྱུད་ལམ་ཐོག་༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་གི་མཚན་ཏུ་ཡོད་པའི་ངོ་དེབ་ཞིག་བརྒྱུད་རིན་པོ་ཆེ་མཆོག་གི་རྗེས་འཇུག་ཕྱི་ནང་གི་དད་ལྡན་སེར་སྐྱ་མང་ཚོགས་དག་ལས་མ་དངུལ་བསྡུ་རུབ་བྱེད་བཞིན་ཡོད་པའི་གནས་ཚུལ་ཐོན་ཡོད་པ་དང་། གླིང་བླ་བྲང་གི་དྲུང་ཆེས་གང་ཟག་གཡོ་ཅན་ཁག་ཅིག་གིས་༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་གི་༸སྐུ་སྒེར་གྱི་ངོ་དེབ་ཐོག་གི་༸སྐུ་པར་དང་ངོ་དེབ་ཀྱི་བཟོ་བཀོད་ཇི་ལྟར་ཡོད་པ་བཞིན་འདྲ་བཟོ་བྱས་ནས་དྲྭ་ཐོག་གི་དད་ལྡན་མང་ཚོགས་བསླུ་ཁྲིད་ཀྱིས་མ་དངུལ་བསྡུ་རུབ་བྱེད་ཐབས་བྱས་པ་ཞིག་རེད་ཅེས་གསུངས་སོང་།དེའང་ཕྱི་ཟླ་ ༤ པའི་ནང་དུ་གང་ཟག་ཁག་ཅིག་གིས་སྤྱི་ཚོགས་བརྒྱུད་ལམ་སྤྱོད་དེ་༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་གི་ངོ་དེབ་རྫུན་བཟོ་བྱས་ཏེ་རིན་པོ་ཆེ་མཆོག་གི་རྗེས་འཇུག་ཕྱི་ནང་གི་དད་ལྡན་རྣམས་ལ་ངོ་དེབ་ཀྱི་གྲོགས་པོའི་རེ་སྐུལ་བཏང་བ་དང་། དེ་རྗེས་ཁོང་རྣམ་པར་འཕྲིན་བསྐུར་བརྒྱུད་རིམ་པས་སྤྱི་ཚོགས་ཀྱི་བདེ་ཐབས་ལ་བསྙད་ནས་བསླུ་ཁྲིད་ཀྱིས་མ་དངུལ་བསྡུ་རུབ་བྱེད་བཞིན་པའི་གནས་ཚུལ་བྱུང་ཡོད་སྟབས། ༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་གི་བླ་བྲང་གི་ངོས་ནས་འདི་ལོའི་ཕྱི་ཟླ་ ༤ ཚེས་ ༢༡ ཉིན་བརྡ་འཕྲིན་ནག་ཉེས་དང་འབྲེལ་བའི་གནས་དོན་ཐོག་རྒྱལ་ས་དི་ལླཱིའི་ཉེན་རྟོག་པར་ FIR འམ་གྱོད་གཞི་སྙན་སེང་ཞུས་ཡོད་པ་རེད།དེའི་ནང་དུ་རིན་པོ་ཆེ་མཆོག་གི་༸སྐུ་སྒེར་གྱི་ངོ་དེབ་ཐོག་གི་༸སྐུ་པར་དང་ངོ་དེབ་ཀྱི་བཟོ་བཀོད་ཇི་ལྟར་ཡོད་པ་བཞིན་འདྲ་བཟོ་ཐོག་ཕྱི་ལོ་ ༢༠༡༨ ལོ་ནས་བཟུང་ད་བར་དྲྭ་ཐོག་བརྒྱུད་དད་ལྡན་མང་ཚོགས་ལ་ཐེངས་བཞི་ཙམ་མགོ་སྐོར་བསླུ་ཁྲིད་བཏང་བའི་གནད་དོན་བྱུང་ཡོད་པ་དང་། བླ་བྲང་གིས་ཀྱང་དད་ལྡན་མང་ཚོགས་རྣམས་ལ་གཡོ་ཅན་རེ་འགས་དྲྭ་ཐོག་བརྒྱུད་དངུལ་ཁ་བསླུས་བརྒྱབ་པའི་གནས་ཚུལ་ཁག་གསལ་བཟོ་གནང་ཡོད་སྐོར་སོགས་ཆེད་བཀོད་གནང་འདུགགཞི་རྩའི་༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་གི་མཚན་སྤྱོད་དེ་ཕྱི་ལོ་ ༢༠༡༨ ལོ་ནས་བཟུང་ད་བར་སྤྱི་ཚོགས་བརྒྱུད་ལམ་ཐོག་དད་ལྡན་མང་ཚོགས་ལ་ཐེངས་བཞི་ཙམ་མགོ་སྐོར་བསླུ་ཁྲིད་བཏང་བའི་གནས་དོན་བྱུང་མྱོང་ཡོད་པ་རེད། དེའང་གང་ཟག་གཡོ་ཅན་ཚོས་དྲྭ་ཐོག་རྗེས་འབྲང་པ་དག་ལས་དངུལ་རྐུ་ཐབས་ཁོ་ནར་ཆེད་དམིགས་བྱས་པ་ཞིག་ཆགས་ཀྱི་ཡོད་པར་བརྟེན་གླིང་མཆོག་སྤྲུལ་རིན་པོ་ཆེའི་༸སྐུ་སྒེར་གྱི་བླ་བྲང་ངམ་ཡིག་ཚང་གིས་ཀྱང་ལན་མང་རིང་ཕྱི་ནང་གི་དད་ལྡན་རྗེས་འབྲང་པར་གནད་དོན་དེ་རིགས་ལ་ཡིད་གཟབ་གནང་དགོས་པའི་གཞེན་བསྐུལ་ཡང་གནང་ཡོད་པ་རེད།

རྒྱ་གར་ལྷོ་ཕྱོགས་ཧུན་སུར་རབ་རྒྱས་གླིང་བོད་མིའི་གཞིས་སྒར་ནང་རྟེན་གཞི་བྱས་པའི་རྫོང་དཀར་ཆོས་སྡེ་གྲྭ་ཚང་དུ་ས་གནས་ཀྱི་སྤྱི་ཁྱབ་རྒྱ་གར་དཔོན་རིགས་ MLA HP Manjunath མཆོག་དབུ་བཞུགས་ཀྱིས་ཏོག་དབྱིབས་གཉན་རིམས་དང་འབྲེལ་བའི་བསྔོ་སྨོན་གསུང་འདོན་དང་། རྒྱ་གར་ཡུལ་མི་ཚོར་སྐམ་ཟས་བགོ་བགྲེམས་དང་གདུང་སེམས་མཉམ་བསྐྱེད་ཀྱི་ལས་འགུལ་སྤེལ་འདུགདེ་རིང་རླུང་འཕྲིན་ཁང་ལ་གནས་ཚུལ་མཁོ་སྤྲོད་གནང་བར་གཞིགས་ན། ཁ་སང་རྫོང་དཀར་ཆོས་སྡེ་གྲྭ་ཚང་གིས་ས་གནས་ཀྱི་སྤྱི་ཁྱབ་རྒྱ་གར་དཔོན་རིགས་སྐུ་ཞབས་མ་ཇུ་ནཱཐ་མཆོག་གདན་ཞུས་ཀྱིས་ད་བར་ཏོག་དབྱིབས་གཉན་རིམས་ཀྱིས་འཆི་རྐྱེན་བྱུང་བ་དག་ལ་བསྔོ་སྨོན་དང་ནད་མནར་བཞིན་པ་རྣམས་མྱུར་དུ་དྲག་སྐྱེད་ཡོང་བ། གཉན་རིམས་གྱི་འཇིགས་པ་མྱུར་དུ་ཞི་ཕྱིར་རྒྱ་གར་གཞུང་མང་ལ་བཀའ་དྲིན་རྗེས་དྲན་དང་གདུང་སེམས་མཉམ་བསྐྱེད་མཚོན་ཕྱིར་མཛད་སྒོ་སྟབས་བདེ་ཞིག་ཚོགས་འདུགསྐབས་དེར་རྫོང་དཀར་ཆོས་སྡེ་གྲྭ་ཚང་གི་མཁན་རིན་པོ་ཆེ་བྱམས་པ་བཟོད་པ་མཆོག་གིས་སྐུ་ཞབས་མ་ཇུ་ནཱཐ་མཆོག་ལ་འཚམས་འདྲི་དང་སྦྲགས། རྒྱ་གར་གཞུང་མང་ནས་བོད་མིར་རྒྱབ་སྐྱོར་དང་རོགས་རམ་མུ་མཐུད་གནང་བར་བཀའ་དྲིན་རྗེས་དྲན་མཚོན་ཕྱིར་སྟོན་པ་ཐུབ་པའི་དབང་པོའི་སྣང་བརྙན་ཞིག་ཕུལ་འདུག་པ་དང་། ལྷག་པར་དུ་ཉེ་ལམ་ཧིན་སྒོར་འབུམ་ ༢༠༠ ལྷག་གི་ལམ་བཟོའི་ལས་གཞིར་རོགས་སྐྱོར་དང་ལེགས་གྲུབ་བྱུང་བར་ཐུགས་རྗེ་ཆེ་ཞུས་པ་མ་ཟད་སླད་མར་བོད་མིར་རོགས་རམ་གནང་སྐྱོང་ཡོང་བའི་འབོད་སྐུལ་ཞུས་འདུགད་ཆ་ཏོག་དབྱིབས་གཉན་རིམས་རྐྱེན་པས་འཛམ་གླིང་སྤྱི་ལ་དཀའ་ངལ་འཕྲད་བཞིན་སྟབས་གྲྭ་ཚང་གི་ངོས་ནས་ད་བར་ཁྱིམ་ཚང་ ༢༢༠༠ ལྷག་ཙམ་ལ་སྐམ་ཟས་བགོ་འགྲེམས་དང་དབུས་དང་མངའ་སྡེའི་ངལ་སེལ་ཐེབས་རྩར་ཞལ་འདེབས་ཕུལ་ཡོད་པ་དང་། དེ་བཞིན་རྒྱ་གར་དང་ས་གནས་བོད་རིགས་རྒན་གསོ་ཁང་། དྭ་ཕྲུག་གསོ་སྐྱོང་ཁང་། ཉེན་རྟོག་པ་སོགས་ལ་གཉན་རིམས་སྔོན་འགོག་སླད་ཁ་རས་དང་ལག་ཤུབས། དེ་བཞིན་ལག་འཁྲུའི་དུག་སེལ་ཆུ་སོགས་མཐུན་འགྱུར་ཞུས་པ་རྣམས་སྙན་སེང་ཞུས་འདུགསྐུ་ཞབས་མ་ཇུ་ནཱཐ་མཆོག་གིས་སྐབས་དེར་རྫོང་ཆོས་གྲྭ་ཚང་ནས་ད་ལན་ཙམ་མིན་པར་དུས་ནས་དུས་སུ་ཉམ་ཐག་ཚོར་རོགས་རམ་གནང་རྒྱུ་དང་ལྷག་པར་བོད་མི་ཚོས་རྒྱ་གར་གྱི་ཡུལ་མིར་རོགས་སྐྱོར་གནང་བཞིན་པར་བསྔགས་བརྗོད་དང་སྦྲགས། ཧུན་སུར་རབ་རྒྱས་གླིང་གི་གཞིས་སྒར་གྱི་ལམ་བཟོ་དང་ཆུ་མཛོད་སོགས་ཀྱི་ལས་འཆར་གང་མགྱོགས་བསྒྲུབ་པར་རྒྱབ་སྐྱོར་གནང་རྒྱུའི་ཞལ་བཞེས་གནང་འདུགབསྔོ་སྨོན་གྱི་མཛད་སྒོ་གྲུབ་མཚམས་སུ་གྲྭ་ཚང་ནས་རྒྱ་གར་ཡུལ་མི་ཉམ་ཐག་ཁྱིམ་ཚང་ ༡༠༠༠ ལྷག་ལ་སྐམ་ཟས་བགོ་བགྲེམས་གནང་ཡོད་པ་རེད།གཞི་རྩའི་ད་ལན་གཉན་རིམས་རྐྱེན་པས་རྒྱ་གར་རྒྱལ་ཡོངས་ནང་ཁྱིམ་སྡོད་བཀའ་རྒྱ་དང་མང་ཚོགས་ནས་ངེས་པར་དུ་སྤྱི་ཚོགས་རྒྱང་བཀྱེད་བསྟེན་དགོས་པའི་ལམ་སྟོན་སོགས་ཕེབས་ཡོད་པ་རེད། རྫོང་དཀར་ཆོས་སྡེ་གྲྭ་ཚང་དུ་སྐུ་ཞབས་མ་ཇུ་ནཱད་མཆོག་དང་མཁན་རིན་པོ་ཆེ་མཆོག་གཙོས་འབྲེལ་ཡོད་དགེ་འདུན་པ་དང་། ༸དཔལ་ལྡན་སྨད་རྒྱུད་གྲྭ་ཚང་གི་ཕྱག་མཛོད། དེ་བཞིན་ཧུན་སུར་རབ་རྒྱས་གླིང་ས་གནས་་འགོ་འཛིན། འབྲེལ་ཡོད་ཚོགས་སྐྱིད་ཁག་གི་ཚོགས་གཙོ་དང་ལས་བྱེད་བཅས་པར་ཁ་རས་གྱོན་ཐོག་མཉམ་ཞུགས་གནང་འདུག

ཉན་པ།: Listen ཕབ་ལེན། Download ༸སྐུའི་དྲྭ་ལམ་ཐད་གཏོང་གི་བཀའ་ཆོས་སྐབས་སྤྱི་ཚོགས་རྒྱང་ཁྱད་བསྟེན་དགོས་པའི་གཞེན་བསྐུལ། རྒྱ་ནག་ལ་༸པཎ་ཆེན་རིན་པོ་ཆེའི་གནས་སྟངས་ཐོག་འདྲི་རྩད་གནང་དགོས་པའི་ཞུ་སྐུལ། དྷ་སར་གནས་སྡོད་བོད་མི་གསུམ་གྱིས་ཏོག་དབྱིབས་ནད་རྟགས་ཡོད་མེད་བརྟག་འབྲས་སུ་ནད་རྟགས་ཐོན་མི་འདུག གླུ་གཞས་ལེ་ཚན། སྤུན་ཟླའི་རོལ་ཚོགས་ཀྱིས་བསྐྱར་བསྒྲིགས་གནང་བའི་གླུ་གཞས་ན་བཟའ་དམར་པོ་དང་ཡིད་བཞིན་ནོར་བུ། Tuesday 12/05/2020 Dalai Lama live teaching viewers urged to observe social distancing Lithuanian President and Foreign Minister urged to press China on Panchen Lama COVID 19: Three Tibetans test negative in Dharamsala MUSIC FEATURE: Namsa Marpo & Yeshi Norbu Medley Song