བོད་ཀྱི་དྭང་ཞབས་དམག་མི་ཟུར་པ་ཚེ་རིང་ཡེ་ཤེས་ལགས་དང་ཁོང་གི་གྲོགས་པོ་འཆི་མེད་རྟ་མགྲིན་ལགས་རྣམ་གཉིས་ཀྱིས་འདི་ལོའི་ཕྱི་ཟླ་ ༣ ཚེས་ ༢༢ ཉིན་བཞུགས་སྒར་དྷ་རམ་ས་ལ་ནས་རྒྱ་གར་རྒྱལ་ཡོངས་སུ་བོད་དོན་ཆེད་སྦག་སྦག་སྐོར་སྐྱོད་ཀྱི་ལས་འགུལ་ཞིག་དབུ་འཛུགས་གནང་ཡོད་པ་དེ་ད་ལྟའི་ཆར་གཉན་རིམས་ཁྱབ་གདལ་གྱི་ཚ་རླབས་གཉིས་པའི་རྐྱེན་ལས་འགུལ་དེ་ཟླ་བ་གཉིས་རིང་དུ་མཚམས་འཇོག་གིས་རིང་མིན་ཕྱི་ཟླ་༨ ནང་བསྐྱར་མཐུད་གནང་རྒྱུ་རེད་འདུག 
རྩ་བའི་ཁོང་གཉིས་ཀྱིས་ Rights For Pride པའི་ཞེས་པའི་འབོད་ཚིག་འོག་འདས་པའི་ཟླ་བ་གཅིག་དང་ཕྱེད་ཀ་ཙམ་རིང་བོད་མིའི་གཞིས་སྒར་གྱི་ས་གནས་ ༣༨ ཙམ་ནང་སྐོར་སྐྱོད་ཀྱིས་ས་གནས་བོད་མི་དང་གཞུང་འབྲེལ་མིན་པའི་ཚོགས་ཁག་སོགས་དང་ཐུག་འཕྲད་ཀྱིས་བོད་ཀྱི་རྩ་དོན་ཐོག་ཚང་མས་སྔར་ལྷག་ནུས་པ་སྤུངས་དགོས་གལ་ཡིན་པའི་གཞེན་སྐུལ་གནང་སྟེ་ཟླ་བ་འདིའི་ཚེས་ ༥ ཉིན་རྒྱ་གར་བྱང་ཤར་ཨ་རུ་ནཱ་ཅལ་མངའ་སྡེའི་བསྟན་འཛིན་སྒང་བོད་མིའི་གཞིས་ཆགས་སུ་གནས་སྐབས་སྐོར་སྐྱོད་མཚམས་བཞག་ཡོད་པ་རེད། འདི་གའི་གསར་འགོད་པས་ཚེ་རིང་ཡེ་ཤེས་ལགས་སུ་ཁོང་གི་ད་བར་གྱི་ལས་འགུལ་བརྒྱུད་རིམ་སྤྱི་ཡོངས་སྐོར་དང་འབྲེལ་ནས་བཀའ་འདྲི་ཞུས་ཡོད།
