ཉེ་སྔོན་རྒྱ་གར་དབུས་གཞུང་གིས་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་རྒྱ་གར་བྱང་ཤར་ཨ་རུ་ནཱ་ཅལ་མངའ་སྡེར་ཆིབས་སྒྱུར་བསྐྱང་ཆོག་པའི་ཆོག་མཆན་ཕུལ་ཡོད་པ་དང་འབྲེལ། རྒྱ་གཞུང་གིས་རྒྱ་གར་གཞུང་གི་གནང་སྟངས་དེས་རྒྱ་དཀར་ནག་གཉིས་དབར་གྱི་འབྲེལ་ལམ་ལ་དོ་
ཕོག་འགྲོ་སྲིད་པའི་ཉེན་བརྡ་ཞིག་བཏང་འདུག
དེ་ཡང་ཁ་སང་ Times of India གསར་ཁང་གིས་གནས་ཚུལ་སྤེལ་བར་གཞིགས་ན། ཁ་སང་ཚེས་ ༢༨ ཉིན་རྒྱ་ནག་གི་ཕྱི་སྲིད་ལས་ཁུངས་ཀྱི་མགྲིན་ཚབ་པ་ LuKang ཡིས་གསར་འགོད་པའི་དྲི་བར་ལན་འདེབས་བྱས་པར་རྒྱ་ནག་གཞུང་གི་ངོས་ནས་ད་བར་རྒྱལ་ཁབ་ཀྱི་ས་མཚམས་དང་འབྲེལ་བའི་གནད་དོན་ཐོག་ལངས་ཕྱོགས་ཁ་གསལ་དང་བརྟན་པོ་འཛིན་བཞིན་ཡོད་པ་དང་། ཏཱ་ལའི་རུ་ཚོགས་ནས་དུས་རྟག་ཏུ་རྒྱ་ནག་དང་ཁ་བྲལ་གྱི་ལས་གཞི་སྤེལ་ཡོད་སྐོར་བརྗོད་པ་དང་འབྲེལ། རྒྱ་གར་གཞུང་གིས་རྒྱ་ནག་དང་ཏཱ་ལའི་བླ་མའི་དབར་གྱི་གནད་དོན་དང་རྒྱ་དཀར་ནག་གཉིས་ཀྱི་ས་མཚམས་ས་ཁུལ་གྱི་གནད་དོན་དེ་གཉིས་ཚབས་ཆེན་པོ་ཇི་ཙམ་ཡིན་མིན་གསལ་པོ་ཤེས་མུས་ཐོག་རྒྱལ་ཁབ་གཉིས་དབར་རྩོད་རྙོག་ཡོད་པའི་ས་ཁུལ་ནང་དུ་ཏཱ་ལའི་བླ་མ་གདན་འདྲེན་ཞུས་པའི་བྱ་སྤྱོད་དེས་ད་ལྟ་ས་མཚམས་ས་ཁུལ་དུ་ཞི་བདེ་ལྷིང་འཇགས་ཡོད་པ་དེ་དང་རྒྱལ་ཁབ་ཕྱོགས་གཉིས་ཀྱི་འབྲེལ་ལམ་ལའང་དོ་ཕོག་འགྲོ་སྲིད་ཀྱི་རེད་ཅེས་ཉེན་བརྡ་ཞིག་བཏང་ཡོད་པ་བཀོད་འདུག
རྒྱ་ནག་གཞུང་གིས་བོད་དང་འབྲེལ་བའི་གནད་དོན་ཐོག་ལ་རྒྱ་གར་དབུས་གཞུང་གིས་དགོངས་བཞེས་གནང་རེ་དང་། རྒྱ་དཀར་ནག་གཉིས་ཀྱི་ས་མཚམས་གནད་དོན་ཐད་ཐག་གཅོད་བྱུང་དོན་ལྟར་བརྩི་སྲུང་ཞུས་པ་མ་ཟད། ཏཱ་བླ་མར་ཁ་བྲལ་གྱི་བྱ་སྤྱོད་སྤེལ་བའི་གླེང་སྟེགས་ཤིག་སྤྲོད་རྒྱུ་མེད་སྐོར་བརྗོད་པ་དང་ཆབས་ཅིག རྒྱ་གར་དབུས་གཞུང་གིས་དེ་ལྟར་གནང་ཚེ་རྒྱལ་ཁབ་གཉིས་དབར་ལ་འབྲེལ་ལམ་བཟང་པོ་ཞིག་བསྐྲུན་ཐུབ་ངེས་ཡིན་པ་བཤད་འདུག
རྒྱ་གར་དབུས་གཞུང་གི་ཕྱི་སྲིད་ལས་ཁུངས་ཀྱི་མགྲིན་ཚབ་པ་ Vikas Swarup ལགས་ཀྱིས་༸གོང་ས་མཆོག་ནི་རྒྱ་གར་གྱི་སྐུ་མགྲོན་ཞིག་ཡིན་སྟབས། ༸གང་ཉིད་མཆོག་ལ་རྒྱ་གར་གྱི་ས་ཁུལ་གང་དུ་ཕེབས་ན་རང་དབང་ཡོད་སྐོར་གསུངས་པ་དང་འབྲེལ་༸གོང་ས་མཆོག་ནི་མང་ཚོགས་ཀྱི་དད་གུས་ཆེ་བའི་ཆོས་ཕྱོགས་ཀྱི་དབུ་ཁྲིད་ཞིག་ཀྱང་ཡིན་པས་ཨ་རུ་ནཱ་
ཅལ་མངའ་ཁུལ་དུ་མགོན་པོ་མཆོག་ལ་དད་གུས་བྱེད་མཁན་མང་ཚོགས་ཕོན་ཆེ་ཞིག་ཡོད་སྟབས། ༸གོང་ས་མཆོག་དེ་སྔོན་ཡང་ཁུལ་དེར་ཆིབས་བསྒྱུར་བསྐྱངས་དོན་ལྟར་སླར་ཆིབས་སྒྱུར་མཛད་པར་ཡ་མཚན་རྒྱུ་གང་ཡང་མེད་སྐོར་གསུངས་འདུག
རྩ་བའི་ཨ་རུ་ནཱ་ཅལ་ས་ཁུལ་ནི་རྒྱ་དཀར་ནག་གཉིས་ཀྱི་ས་མཚམས་ས་ཁུལ་ཆགས་ཀྱི་ཡོད་པ་དང་། རྒྱལ་ཁབ་ཕྱོགས་གཉིས་དབར་ཕྱི་ལོ་ ༡༩༦༢ ལོར་དམག་འཁྲུག་ཆེན་པོ་བྱུང་བ་ནས་བཟུང་ཡུན་རིང་བར་རྩོད་རྙོག་ཆེ་བའི་ས་ཁུལ་ཞིག་ཏུ་གྱུར་སྟབས། རྒྱ་ནག་གིས་༸གོང་ས་མཆོག་ཆིབས་སྒྱུར་གཙོས་པའི་ཁུལ་དེར་རྒྱ་གར་དང་ཕྱི་རྒྱལ་གྱི་མི་སྣ་སུ་འདྲ་ཞིག་ཕེབས་ཀྱང་དེར་དགག་བྱ་བྱེད་བཞིན་པའི་ཁྲོད་ཉེ་སྔོན་ཚེས་ ༢༡ ཉིན་ཨ་རུ་ནཱ་ཅལ་གྱི་རྟ་དབང་ས་ཁུལ་དུ་རྟ་དབང་དུས་སྟོན་ཐོག་རྒྱ་གར་ནང་གི་ཨ་རིའི་གཞུང་ཚབ་པ་སྐུ་ཞབས་ RichardVerma མཆོག་ཆེད་ཕེབས་གནང་སྐབས་རྒྱ་གཞུང་གིས་རྒྱ་གར་ལ་སྐྱོན་བརྗོད་ཤུགས་ཆེ་བྱས་པ་མ་ཟད། ཨ་རིའི་གཞུང་ལའང་རྒྱ་དཀར་ནག་གཉིས་ཀྱི་འབྲེལ་ལམ་ནང་ཐེས་བྱུས་བྱེད་པར་སྐྱོན་བརྗོད་བྱས་ཡོད་པ་རེད།
༸གོང་ས་མཆོག་ཨ་རུ་ནཱ་ཅལ་དུ་ཆིབས་སྒྱུར་དང་འབྲེལ་རྒྱ་གཞུང་གིས་རྒྱ་གར་ལ་ཉེན་བརྡ་བཏང་འདུག
Tibetan News Headlines
- US religious freedom watchdog warns of sinicization and assimilation of Tibetan religious and cultural identities
- US sanctions 31 China-based companies over Russia
- Xi Jinping to meet French President Macron and EU Chief in Paris next week
- CTA begins house allocation programmes for Tibetans not facilitated in the refugee settlements
- Dharamshala hosts conference on promotion and preservation of Tibetan language
རེས་གཟའ་ཕུར་བུ། ༢༠༢༤།༠༥།༠༢
- རྒྱ་གཞུང་གིས་བོད་བརྒྱུད་ནང་བསྟན་ལ་དམ་དྲག་བྱེད་ཤུགས་ཆེ་རུ་བཏང་ཡོད་པ་མངོན་གསལ་གནང་འདུག
- ཨ་རིའི་གཞུང་གིས་རྒྱ་ནག་གི་བཟོ་ཚོང་ལས་ཁང་ ༣༡ ལ་སྲིད་དོན་ཉེས་ཆད་བཀལ་བ།
- ཞི་ཅིང་ཕིང་གིས་ཕ་རན་སིའི་སྲིད་འཛིན་དང་ཡོ་རོབ་མཐུན་ཚོགས་ཀྱི་གཙོ་འཛིན་ཐུག་འཕྲད་བྱ་འཆར།
- བོད་མི་སྡོད་ཁང་མེད་པ་རྣམས་ལ་རུབ་སྡོད་གཞིས་སྒར་ནང་སྡོད་ཁང་བགོས་འགྲེམས་ཀྱི་ལས་གཞི་དངོས་སུ་དབུ་འཛུགས།
- བོད་ཀྱི་སྐད་ཡིག་སྲུང་སྐྱོབ་དང་དར་འཕེལ་སྐོར་བགྲོ་གླེང་དབུ་འཛུགས།
