vot.org

བོད་མིའི་སྒྲིག་ཀྱི་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་འཛིན་སྐྱོང་བཀའ་ཤག་གི་ཐུགས་འགན་བཞེས་ནས་ལོ་བཞི་ཧྲིལ་པོ་འཁོར་བའི་དུས་ཚིགས་དང་བསྟུན། བཞུགས་སྒར་དུ་རྟེན་གཞི་བྱས་པའི་ཐེག་ཆེན་ཆོས་གླིང་གཙུག་ལག་ཁང་དུ་མཆོད་འབུལ་སྨོན་ལམ་རྒྱས་པ་ཞིག་ཚོགས་གནང་སོང།དེ་རིང་ཟླ་ ༨ ཕྱི་ཚེས་ ༨ ཉིན་སྲིད་སྐྱོང་བློ་བཟང་སེང་གེ་མཆོག་གིས་སྲིད་སྐྱོང་གི་དམ་འབུལ་བཞེས་ནས་ ལོ་བཞི་ཧྲིལ་པོ་འཁོར་གྱིས་ཡོད་སྟབས། ཕྱི་དྲོ་ཚོུད་བཞི་པ་ནས་ལྔ་པ་བར་ཐེག་ཆེན་ཆོས་གླིང་གཙུག་ལག་ཁང་གི་རྟེན་མཆོག་སྤྱན་སྔའི་དྲུང་དུ་བོད་མིའི་སྒྲིག་འཛུགས་ཀྱི་ཆོས་རིག་ལས་ཁུངས་ཀྱིས་གོ་སྒྲིག་འོག མཆོད་འབུལ་སྨོན་ལམ་རྒྱས་པ་ཞིག་སྐོང་ཚོགས་གནང་བ་དང། མཆོད་འབུལ་གྱི་ཚོགས་མགོན་དུ་རྣམ་གྲྭ་ཕན་བདེ་ལེགས་བཤད་གླིང་གི་མཁན་པོ་ཁྲོམ་ཐོག་རིན་པོ་ཆེ་མཆོག་དབུས་པའི།མང་གཙོ་ཀ་བ་གསུམ་གྱི་མཛད་གཙོ་རྣམ་པ་དང། གཞུང་ཞབས་སྲི་ཞུ་བ་བཅས་ཚང་འཛོམས་གནང་འདུག སྐབས་དེར་སྲིད་སྐྱོང་མཆོག་གིས་ད་ལན་གྱི་མཆོད་འབུལ་སྨོན་ལམ་ཚོགས་དོན་གཙོ་བོ་ནི། ད་བར་བོད་གཞིས་བྱེས་གཉིས་ནས་བོད་ཀྱི་བསྟན་སྲིད་མི་རིགས་དང་བཅས་པའི་སླད་རང་ལུས་མེར་བསྲེགས་གནང་མཁན་རྒྱལ་གཅེས་པ་རྣམས་ཀྱི་སྐུ་པར་སྒྲིག་བཤམས་གནང་ཡོད་པར་སྲིད་སྐྱོང་མཆོག་གིས་སྣང་གསལ་སྒྲོན་མེ་ཞལ་འཕྱེད་གྲུབ་བསྟུན། ད་རེས་ཀྱི་མཆོད་འབུལ་སྨོན་ལམ་དེ་བོད་ཀྱི་བསྟན་སྲིད་མི་རིགས་དང་བཅས་པའི་རྩ་དོན་སླད་རང་ལུས་མེར་བསྲེགས་གནང་མཁན་ཚོོ་དང་ཁོང་རྣམ་པའི་ནང་མི་ལྷན་རྒྱས་ལ་གདུང་སེམས་མཉམ་བསྐྱེད་ཞུ་ཆེད་ཡིན་པ་སོགས་གསུངས་གནང་སོང།

ཉན་པ།: Listen ཕབ་ལེན། Download པ་སངས་དབང་ཕྱུག་ལགས་སླར་ཡང་འཛིན་བཟུང་བྱས་འདུག འཛིན་སྐྱོང་བཀའ་ཤག་ལོ་བཞི་འཁོར་བ་དང་བསྟུན་མཆོད་འབུལ་སྨོན་ལམ་ཚོགས་པ། རྒྱ་ནག་ནང་གི་དངོས་ཡོད་གནས་སྟངས་ཇེ་གསལ་དུ་ཡོང་ངེས་ཡིན་པ་གསུངས་འདུག བརྩེ་བའི་༸གོང་ས་མཆོག་ཞེས་པའི་ཕྱག་དེབ་དབུ་འབྱེད་གནང་པ། རྒྱ་གར་ལྷོ་ཕྱོགས་ཀྱི་བོད་སློབ་ཁག་ཅིག་ནང་དབུ་མའི་ལམ་སྐོར་ཟབ་སྦྱོང་གནང་འདུག བོད་ཕྲུག་ཁྱིམ་སྡེའི་དབྱར་ཆོས་མཇུག་སྒྲིལ་བ། དམིགས་བསལ་ལེ་ཚན། ལྷག་པ་ཚེ་རིང་ལགས་ཀྱིས་བོད་ཀྱི་གཏམ་བརྗོད་རུ་ཁག་སྐོར་ངོ་སྤྲོད་གནང་བ། Friday 07/08/2015 Previous year's Kardze lone protester rearrested CTA marks 14th Kashag’s completion of 4th year in office with prayer vigil China will explode...

རྒྱ་ནག་གཞུང་གིས་ལོ་ངོ་བཞི་ལྷག་རིང་བཟང་བཙོན་གྱི་ངོར་བཙན་བཀག་འོག་བཞག་པའི་རྒྱུ་རྩལ་བ་དང་འཐབ་རྩོད་པ་གྲགས་ཅན་སྐུ་ཞབས་ Ai Wei Wei ལགས་ཀྱིས་རིན་མིན་རྒྱ་གཞུང་གིས་གཡོ་བྱུས་འོག་སྦས་གསང་བྱེད་བཞིན་པའི་རྒྱ་ནག་ནང་གི་དངོས་གནས་སྟངས་ཁག་ཇེ་གསལ་དུ་ཡོང་ངེས་ཡིན་པ་གསུངས་འདུག རྒྱ་ནག་དམར་ཤོག་རྒྱལ་ཁབ་འདི་མང་གཙོའི་རྒྱལ་ཁབ་ཅིག་ཏུ་མ་འགྱུར་ཚེ་། ཁ་ཉིན་ཕྱི་ཚེས་ ༥ ཉིན་ Irish Times གསར་ཁང་གི་གསར་ཤོག་ཐོག་ཏུ་སྤེལ་བའི་གནས་ཚུལ་ལ་གཞིགས་ན། སྐུ་ཞབས་ Ai Wei Wei ལགས་ལ་འཇར་མ་ནིའི་ Suddeutsche Zeitung གསར་ཁང་ནས་བཅར་འདྲི་ཞུས་དོན་ལྟར་ཁོང་གིས་དང་ལེན་གནང་བ་དང་སྦྲགས། སྐབས་དེར་རྒྱ་ནག་སྲིད་གཞུང་ནས་རྒྱ་ནག་རྒྱལ་ཁབ་དང་མི་སེར་རྣམས་ལ་འཕྲད་བཞིན་པའི་དཀའ་ངལ་ཁག་མུ་མཐུད་སྦས་གསང་བྱེད་བཞིན་པར་སྐྱོན་བརྗོད་གནང་འདུག རྒྱ་ནག་གི་དཔལ་འབྱོར་ཐད་ཚད་མཐོ་པོའི་ཡར་རྒྱས་ཕྱིན་ཡོད་ཀྱང། མི་དམངས་ནས་རང་དབང་ལ་བཅངས་པའི་མངོན་འདོད་དང་སེམས་ཤུགས་ནི་དུས་ནམ་ཡང་རྩ་མེད་དུ་བཏང་ཐབས་མེད་པ་མ་ཟད།...

བོད་མདོ་ཏྲེ་ཧོར་ཁམས་དཀར་མཛེས་ནས་ཡིན་པའི་བོད་མི་ཚོང་པ་སངས་དབང་ཕྱུག་ལགས་སླར་ཡང་རྒྱ་གཞུང་ཉེན་རྟོག་པས་འདི་ལོ་ ཟླ་ ༧ ཚེས་ ༦ ཏེ་༸གོང་ས་མཆོག་གི་༸སྐུའི་འཁྲུངས་སྐར་ཉིན་བཙན་ཁྲིད་ཀྱིས་འཛིན་བཟུང་བྱས་འདུག འདི་ལོ་ཟླ་ ༧ ཕྱི་ཚེས་ ༦ ཉིན་༸གོང་ས་མཆོག་གི་༸སྐུའི་འཁྲུངས་སྐར་སྐབས་རྒྱ་གཞུང་ཉེན་རྟོག་མི་སྣས་མདོ་ཁམས་དཀར་མཛེས་ཁུལ་དུ་འདི་ལོའི་༸སྐུའི་འཁྲུངས་ཉིན་བསང་གསོལ་གཏང་མི་ཆོག་པའི་བཙན་བཀའ་ཕབ་ཡོད་ཀྱང་ཁོང་གིས་བཙན་བཀའ་ཕབ་པར་ལྟོས་མེད་ཀྱིས་བསང་གསོལ་གཏོང་བ་དེ་ནི་ཆབ་སྲིད་ཀྱི་ནག་ཉེས་ཤིག་ལ་ངོས་འཛིན་བྱས་ཏེ་བཙོན་འཇུག་བྱས་པ་ཞིག་ཡིན་འདུག འོན་ཀྱང་ད་ལྟའི་ཆར་ཁོང་གི་གནས་བབ་ཇི་ཆགས་སོགས་ཀྱི་གནས་ཚུལ་གང་ཡང་ཤེས་རྟོགས་བྱུང་མི་འདུག རྩ་བའི་་པ་སངས་དབང་ཕྱུག་ལགས་ཀྱིས་ ༢༠༡༤ ཟླ་ ༡༠ ཚེས་ ༤ ཉིན་རྒྱ་གཞུང་ལ་ཞི་རྒོལ་བྱ་རྒྱུའི་འབོད་ཚིག་བྲིས་པའི་ཕྲད་དར་སྣམས་ནས་དཀར་མཛེས་རྫོང་གི་ཁྲོམ་གཞུང་དུ་ཞི་རྒོལ་གྱི་རྔམ་སྟོན་གནང་བའི་རྗེས་རྒྱ་གཞུང་ཉེན་རྟོག་པས་ཁོང་ཟླ་ཤས་རིང་འཛིན་བཟུང་བྱས་རྗེས་གློད་བཀྲོལ་བཏང་ཡོད་ཀྱང་ལོ་གཅིག་རིང་བལྟ་སྲུང་ཞིབ་འཇུག་བྱ་རྒྱུ་དང་ཅི་ཏེ་གནས་ཚུལ་ཕྲད་ཚེ་སླར་བཙོན་འཇུག་བྱ་རྒྱུའི་ཉེན་བརྡ་ཞིག་བཏང་འདུག ད་ལན་གྱི་བཙོན་འཇུག་བྱས་པ་དེ་ཐེངས་གཉིས་པ་དེ་ཆགས་ཡོད་པ་རེད་འདུག དེ་བཞིན་ཁོང་གི་སྤུན་མཆེད་བཙུན་མ་དཔལ་དབང་ལགས་ཀྱང་ ༢༠༠༨ ལོའི་ས་བྱི་ཞི་རྒོལ་ཆེན་མོའི་ནང་མཉམ་ཞུགས་གནང་སྟབས་ལོ་གཉིས་དང་ཕྱེད་ཙམ་བཙོན་འཇུག་བྱས་རྗེས་གློད་བཀྲོལ་བཏང་ཡོད་ཀྱང་བཙོན་ཁང་དུ་སྡུག་སྦྱོང་ཚད་མེད་བཏང་སྟབས་ད་ལྟའི་མཆར་ཁོང་གི་སྐུ་གཟུགས་ཀྱི་གནས་སྟངས་ཤིན་ནཏུ་སྐྱོ་པོ་ཆགས་ཡོད་པ་རེད་འདུག

དྷ་སར་རྟེན་གཞི་བྱས་པའི་བོད་ཀྱི་སྨན་རྩིས་ཁང་གིས་གོ་སྒྲིག་འོག་བོད་ཀྱི་སྨན་པ་ཁག་ཅིག་ལ་བོད་ཀྱི་གསོ་རིག་ཐུན་མིན་དབྱུག་བཅོས་ཀྱི་ཟབ་སྦྱོང་ཞིག་ཚོགས་ཏེ་དབྱུག་བཅོས་ཀྱི་སྨན་བཅོས་སྲོལ་རྒྱུན་སླར་གསོ་གནང་བཞིན་འདུག ཟླ་འདིའི་ཕྱི་ཚེས་ ༥ ནས་ ༧ བཅས་སུ་དྷ་སར་རྟེན་གཞི་བྱས་པའི་བོད་ཀྱི་སྨན་རྩིས་ཁང་གི་ཚོགས་ཁང་དུ་འཚོགས་བཞིན་པའི་ཟབ་སྦྱོང་དེའི་ཐོག་ལ་དབུས་བོད་ཀྱི སྨན་རྩིས་ཁང་གི་སྨན་པ་ཁག་ཅིག་དང་། སྨན་པའི་ལྷན་ཚོགས་ཀྱི་རྒྱུན་ཞུགས་དྲུང་ཆེ། དེ་བཞིན་དྷ་ས་ཉེ་འཁྲིས་ཅོང་ཏ་ར་ནས་ སྨན་པ་བཞི་བཅས་ཁྱོན་སྨན་པ་བཅོ་དྲུག་ཙམ་ཆེད་ཕེབས་ཀྱིས་མཉམ་ཞུགས་གནང་བ་དང། དབྱུག་བཅོས་ཟབ་སྦྱོང་དེའི་ཟབ་ཁྲིད་གནང་མཁན་ཝཱ་ཎ་བོད་ཀྱི་གཙུག་ལག་སློབ་གཉེར་ཁང་གི་བོད་ཀྱི་གསོ་རིག་སློབ་དཔོན་བློ་བཟང་བསྟན་འཛིན་ལགས་གནད་ཞུ་གནང་འདུག ད་ལན་བོད་ཀྱི་གསོ་རིག་ཐུན་མིན་དབྱུག་བཅོས་ཀྱི་ཟབ་སྦྱོང་ཚོགས་དོན་གཙོ་བོ་ནི། བོད་ཀྱི་གསོ་རིག་གཞུང་ལུགས་ནང་དབྱུག་བཅོས་ཀྱི་བེད་སྤྱོད་ཚུལ་དང་ དེའི་གལ་གནད། ནད་གཞི་གང་དུ་བེད་སྤྱོད་ཆོག་མིན་སོགས་གསལ་བར་ཡོད་ནའང་ད་བར་དུ་བོད་ཀྱི་སྨན་པ་ཚོས་དངོས་ཀྱི་ཕྱག་ལས་ནང་སྤྱོད་མྱོང་མེད་སྟབས། ཐེངས་འདིའི་ཟབ་སྦྱོང་བརྒྱུད་ནས་བོད་ཀྱི་ཐུན་མིན་གསོ་རིག་དབྱུག་བཅོས་སླར་གསོ་གནང་ཏེ་རིམ་བཞིན་བོད་པའི་སྤྱི་ཚོགས་ཁྲོད་དུ་གཞི་རྒྱ་ཆེན་པོས་ཕྱག་བསྟར་གནང་རྒྱུའི་ཆེད་ཡིན་པ་རེད་འདུག སྤྱིར་དབྱུག་བཅོས་ཞེས་པ་དེ་ནི་དབྱུག་པ་བདེ་སྤྱོད་བྱས་ནས་དམིགས་བསལ་ལུས་པོའི་ན་ཚ་བཅོས་པ་ལ་གོ་བ་དང། དེའི་ཐོག་ལ་བོད་ཀྱི་གསོ་རིག་སྨན་གཞུང་ནང་གསོ་བར་བྱེད་པའི་ནད་ཀྱི་གཉེན་པོ་སྨན་དང་ཟས། དེ་བཞིན་དཔྱད་དང་སྤྱོད་བཅས་དབྱེ་བ་བཞིའི་ཁོངས་ནས་དཔྱད་ཀྱི་ཁོངས་སུ་གཏོགས་པ་མ་ཟད། དབྱུག་བཅོས་ཀྱི་མན་ངག་དེ་སངས་རྒྱས་ཀྱི་གསུང་རབ་མདོ་རྒྱུད་གཉིས་ལས་རྒྱུད་ནས་ཡོང་བ་ཞིག་ཆགས་ཀྱི་ཡོད་པ་རེད་འདུག

བོད་མདོ་སྨད་མགོ་ལོག་ཁང་གསར་ནས་ཡིན་པ། རང་ལོ་ ༣༦ སོན་པའི་གྲྭ་བློ་ཚེ་འམ་བློ་བཟང་ཚེ་རིང་ལགས་ རྒྱ་གཞུང་ཉེན་རྟོག་པས་བཙན་ཁྲིད་འོག་ཟླ་བ་གཉིས་ཙམ་རིང་བཀག་ཉར་བྱས་རྗེས་ཟླ་འདིའི་ཕྱི་ཚེས་ ༤ ཉིན་བཙོན་ནས་གློད་བཀྲོལ་བཏང་ཡོད་པ་རེད། འདི་ལོ་ཟླ་ ༦ ཚེས་ ༡༡ ཉིན་རྒྱ་གཞུང་ཉེན་རྟོག་མི་སྣས་གློ་བུར་དུ་གྲྭ་བློ་བཟང་ཚེ་རིང་ལགས་ཀྱི་གྲྭ་ཤག་སྔོག་གཤེར་གྱིས་ཁོང་གི་ཁ་པར་དང་རྩིས་འཕྲུལ།དེ་བཞིན་ཕྱག་དཔེ་སོགས་ཅ་དངོས་མང་དག་ཞིག་བཙན་འཕྲོག་བྱས་པ་མ་ཟད། ཉེན་རྟོག་མི་སྣས་བཙོན་ཁང་དུ་ཁོང་ལ་འདྲི་རྩད་ལན་མང་བྱས་མཐར་ཁོང་གིས་༸གོང་ས་མཆོག་གི་༸སྐུའི་གྱ་སྟོན་སྲུང་བརྩི་ཞུ་ཕྱིར་༸རྒྱལ་བའི་བཞུགས་ཁྲི་བཤམས་པ་དང་སེམས་ཅན་སྲོག་བླུ་ཚེ་ཐར་བཏང་བའི་སྡིག་སྤོང་དགེ་བསྒྲུབ་ཀྱི་ཉེས་འཛུགས་འོག་འཛིན་བཟུང་བྱས་པ་ཞིག་རེད་འདུག རྩ་བའི་གྲྭ་བློ་ཚེ་ལགས་ནི་དེ་སྔོན་ ༢༠༡༡ ལོར་ལྔ་པ་ཀིརྟི་དགོན་པའི་རྒྱལ་གཅེས་པ་གྲྭ་ཕུན་ཚོགས་ལགས་ཀྱིས་བོད་དོན་སླད་སྐུ་ལུས་མེར་བསྲེགས་གནང་ཚེ་དགོན་པར་རྒྱ་གཞུང་དམག་མི་འབྱོར་ཏེ་ས་གནས་དགོན་པའི་དགེ་འདུན་པ་མ་ཡིན་པ་རྣམས་འཛིན་བཟུང་བྱེད་སྐབས་ཁོང་ཡང་དེའི་སྐབས་འཛིན་བཟུང་བྱས་མྱོང་ཡོད་པ་དང། ད་ལན་གྱི་འཛིན་བཟུང་དང་གློད་བཀྲོལ་དེ་ཐེངས་གཉིས་པ་དེ་ཆགས་ཡོད་པ་རེད་འདུག

ཉན་པ།: Listen ཕབ་ལེན། Download Scotland གྱིས་༸གོང་ས་མཆོག་ཐོག་འཛིན་པའི་ལངས་ཕྱོགས་ལ་སྐྱོན་བརྗོད་གནང་འདུག བོད་མདོ་སྨད་རྔ་པ་ཀིརྟི་དགོན་པའི་དགེ་འདུན་པ་ཞིག་བཙོན་གྲོལ་ཐོབ་འདུག སྲིད་སྐྱོང་མཆོག་གིས་བོད་རྒྱའི་དཀའ་རྙོག་སེལ་ཆེད་དབུ་མའི་ལམ་གྱི་སྲིད་བྱུས་ཡག་ཤོས་ཡིན་པ་སྐྱར་ནན། བོད་ཀྱི་སྨན་རྩིས་ཁང་ནས་དབྱུག་བཅོས་ཀྱི་སྨན་བཅོས་སྲོལ་རྒྱུན་སླར་གསོ་བྱེད་བཞིན་འདུག འཕྲོད་བསྟེན་གྱི་དམིགས་བསལ་ལེ་ཚན། བྱིས་པའི་སྔོན་འགོག་ཁབ་རྒྱབ་ཕྱོགས་སྐོར། Thursday 06/08/2015 Tibet campaigners accuse SNP of cosying up to China Tibetan monk released after 2 months of detention 'Middle Way' the...

ཉན་པ།: Listen ཕབ་ལེན། Download སྤྲུལ་སྐུ་བསྟན་འཛིན་བདེ་ལེགས་མཆོག་གཙོས་པའི་བོད་མི་བློས་གཏོང་བའི་སླད་མཆོད་འབུལ་སྨོན་ལམ་ཚོགས་པ། རྒྱ་གཞུང་ནས་རྒྱལ་སྤྱིའི་རླུང་དྲོད་སྒང་ཕུག་དུས་སྟོན་ཐོག་བོད་ཀྱི་སྒང་ཕུག་མཉམ་ཞུགས་མི་ཡོང་བའི་ཐབས་ཤེས་གང་ཐུབ་བྱེད་བཞིན་འདུག བཞུགས་སྒར་དུ་འགྲོ་བ་མིའི་ཐོབ་ཐང་སྲུང་སྐྱོབ་པར་འཕྱར་གྲུ་མཉམ་འདེགས་ཀྱི་སྦྱོང་བརྡར་ཚོགས་པ། ཆེས་མཐོའི་ཁྲིམས་ཞིབ་པ་རྣམས་ནས་བཙན་བྱོལ་བོད་མིའི་གཞིས་སྡོད་ཁག་ཏུ་ཁྲིམས་ཞིབ་གོ་རྟོགས་སྤེལ་བཞིན་འདུག རྒྱ་གཞུང་གིས་བོད་ནང་རྨང་གཞིའི་འཛུགས་བསྐྲུན་བྱེད་བཞིན་པར་རྒྱ་གར་ངོས་ནས་ཡིད་གཟབ་དགོས་པའི་ནན་བརྗོད་གནང་བ། བཀའ་སློབ་ཀྱི་ལེ་ཚན་ནང་། ༸གོང་ས་མཆོག་གིས་ཕྱི་ལོ་ ༢༠༠༧ ལོར་སེ་ར་སྨད་དུ་དོལ་རྒྱལ་སྐོར་བཀའ་སློབ་བསྩལ་བ། Wednesday 05/08/2015 Solidarity prayer vigil in South Africa and Japan for Tulku and Tibetan martyrs China tries to ground Tibet...

བཞུགས་སྒར་དུ་རྟེན་གཞི་བྱས་པའི་སྤྱི་ཁྱབ་དབུས་ལས་ཁང་ནས་འོས་བསྡུ་དེབ་སྐྱེལ་གྱི་དུས་ཡུན་ཟླ་འདིའི་ཕྱི་ཚེས་ ༡༥ བར་ཕར་འགྱངས་གནང་བ་དང་སྦྲགས། འོས་བསྡུ་དེབ་སྐྱེལ་གྱི་ཆ་རྐྱེན་གཙོ་བོ་ནི་དང་བླངས་དཔྱ་ཁྲལ་ལག་དེབ་ཡོད་ཐོག་དཔྱ་དངུལ་གཙང་འབུལ་ཟིན་དགོས་ཀྱི་འདུག http://www.youtube.com/watch?v=o6nAPc8x0BM