༸གོང་ས་མཆོག་རྒྱ་གར་བྱང་ཤར་ཨ་རུ་ནཱ་ཅལ་མངའ་ཁུལ་དུ་ཆིབས་བསྒྱུར་མཛད་རྒྱུ་བཀའ་བཞེས་སྨིན་སྩལ་ཐོབ་བ།

བོད་མིའི་བླ་ན་མེད་པའི་དབུ་ཁྲིད་༸གོང་ས་༸སྐྱབས་མགོན་ཆེན་པོ་མཆོག་ལ་རྒྱ་གར་བྱང་ཤར་Manipur མངའ་སྡེའི་གཞུང་ནས་གདན་ཞུ་གསོལ་འདེབས་ཞུས་དོན་ལྟར། ཁ་སང་ཉིན་གུང་མགོན་པོ་༸གང་ཉིད་མཆོག་མངའ་སྡེ་དེའི་རྒྱལ་ས་ Imphal ནང་དུ་༸ཞབས་སོར་བདེ་བར་འཁོད་འདུག་པ་དང་། གནམ་ཐང་དུ་མངའ་སྡེའི་སྤྱི་ཁྱབ་བློན་ཆེན་སྐུ་ཞབས་ N Biren Singh  མཆོག་དང་མངའ་སྡེའི་གྲོས་ཚོགས་ཀྱི་ཚོགས་གཙོ་སྐུ་ཞབས་ Y Khemchand མཆོག་གཙོ་བོ་གྱུར་པའི་གཞུང་འབྲེལ་གནད་ཡོད་མི་སྣ་ཁག་ཅིག་དང་ས་གནས་མང་ཚོགས་ནས་མངའ་སྡེའི་ཐོུང་མ་ཡིན་པའི་ཡུལ་སྲོལ་ལྟར་ཕེབས་བསུ་སྣེ་ལེན་གཟབ་རྒྱས་ཞུས་འདུག གནམ་ཐང་ནས་ཐད་ཀར་ Raj Bhavan འམ་མངའ་སྡེའི་སྲིད་སྐྱོང་གི་བཞུགས་གནས་སུ་གདན་འདྲེན་ཞུས་འདུག་པ་དང་། སྐབས་དེར་སྲིད་སྐྱོང་ལྕམ་ Najma Heptulla མཆོག་ནས་འཚམས་འདྲིའི་ཕེབས་བསུ་ཞུས་ནས་༸གོང་ས་མཆོག་དང་མཇལ་འཕྲད་ཞུས་འདུག ཐེངས་འདིའི་ཆིབས་སྒྱུར་དེ་ནི་མངའ་སྡེའི་གྲོས་ཚོགས་ཀྱི་ཚོགས་གཙོ་སྐུ་ཞབས་ Y Khamchand མཆོག་ནས་གསོལ་འདེབས་ཞུས་པ་ཞིག་ཡིན་པ་དང་། དེ་ཡང་མཛད་འཆར་གཙོ་བོ་གཅིག་ནི་༸གོང་ས་མཆོག་གིས་དེ་རིང་...

རྒྱ་གར་བྱང་ཤར་ Manipur མངའ་སྡེའི་གྲོས་ཚོགས་ཀྱི་ཚོགས་གཙོ་སྐུ་ཞབས་ Yumnam Khemchand མཆོག་ནས་མངའ་སྡེ་དེའི་ནང་འཚོགས་གཏན་འཁེལ་བའི་རྒྱལ་སྤྱིའི་ཞི་བདེ་ལྷན་ཚོགས་ཐོག་༸གོང་ས་མཆོག་དབུ་བཞུགས་མཛད་རྒྱུའི་བཀའ་བཞེས་བཟང་པོ་སྨིན་བསྩལ་ཐོབ་སོང་ཞེས་ཡོངས་ཁྱབ་གནང་འདུག དེའང་སྐུ་ཞབས་ Yumnam Khemchand མཆོག་ནས་ཉེ་ལམ་མངའ་སྡེའི་རྒྱལ་ས་ Imphal ནང་གློག་གི་རྐང་འཁོར་འགོ་འཛུགས་བྱ་རྒྱུའི་ལས་གཞི་དབུ་འབྱེད་གནང་སྐབས་གསར་འགོད་པར་གནས་ཚུལ་དེ་ཡོངས་བསྒྲགས་གནང་ཡོད་པ་དང། ཁོང་ནས་སྐབས་དེར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཟླ་བ་འདིའི་ཚེས་ ༡༧ ཉིན་རྒྱལ་ས་ Imphal ནང་ཆིབས་བསྒྱུར་བཀྲིན་བསྐྱང་གཏན་འཁེལ་བ་དང་ཚེས་ ༡༨ ཉིན་གྲོང་ཁྱེར་དེའི་ནང་འཚོགས་གཏན་འཁེལ་བའི་རྒྱལ་སྤྱིའི་ཞི་བདེ་ལྷན་ཚོགས་ཀྱི་ཚོགས་མགོན་དུ་དངོས་སུ་དབུ་བཞུགས་མཛད་རྒྱུ་ཡིན་པ་ཡོངས་ཁྱབ་གནང་འདུག རྩ་བའི་སྐུ་ཞབས་ Khemchand མཆོག་ནས་ཉེ་སྔོན་རྒྱལ་ས་ལྡི་ལིར་༸གོང་ས་༸སྐྱབས་མགོན་ཆེན་པོ་མཆོག་དང་མཇལ་འཕྲད་ཞུ་སྐབས་མགོན་པོ་༸གང་ཉིད་ལ་རྒྱལ་སྤྱིའི་ཞི་བདེ་ལྷན་ཚོགས་དེའི་ཐོག་ཆིབས་བསྒྱུར་གནང་སྐྱོང་ཡོང་བའི་གསོལ་འདེབས་ཞུས་ཡོད་པ་བཞིན་༸གང་ཉིད་མཆོག་ནས་དེར་བཀའ་བཞེས་བཟང་པོ་སྨིན་བསྩལ་གནང་ཡོད་པ་རེད་འདུག རྒྱ་གར་གྱི་བརྒྱུད་ལམ་ཁག་ནས་ད་རེས་༸གོང་ས་མཆོག་མཱ་ནི་པུར་དུ་ཆིབས་བསྒྱུར་བསྐྱང་གཏན་འཁེལ་བའི་སྐོར་ལ་གནས་ཚུལ་སྤེལ་སྐབས། མགོན་པོ་༸གང་ཉིད་ཟླ་ཤས་གོང་དུ་རྒྱ་གར་བྱང་ཤར་ཨ་རུ་ནཱ་ཅལ་མངའ་སྡེ་ནང་ཆིབས་བསྒྱུར་མཛད་པའི་གནས་ཚུལ་ལུང་འདྲེན་དང་འབྲེལ། སྐབས་དེར་རྒྱ་གཞུང་གིས་ཕྱོགས་གང་ས་ནས་སྐྱོན་བརྗོད་དང་དེས་རྒྱལ་ཁབ་ཕྱོགས་གཉིས་པོའི་འབྲེལ་ལམ་ལ་དོ་ཕོག་འགྲོ་ཉེན་ཡོད་ལུགས་ཀྱི་ངོ་རྒོལ་ཤུགས་ཆེ་བྱས་ཡོད་ཀྱང་། རྒྱ་གར་དབུས་གཞུང་གི་ངོས་ནས་༸གོང་ས་མཆོག་གི་ཐེངས་འདིའི་ཆིབས་སྐབས་རྒྱ་གཞུང་ནས་སྔར་བཞིན་སྐྱོན་བརྗོད་མི་བྱེད་པར་ཚོད་དཔག་གནང་གི་ཡོད་འདུག མཱ་ནི་པུར་མངའ་སྡེའི་དཔོན་རིགས་རྣམས་ཀྱིས་ལྷན་ཚོགས་དེའི་ཐོག་འབར་མ་དང་།...

བོད་མིའི་བླ་ན་མེད་པའི་དབུ་ཁྲིད་༸གོང་ས་༸སྐྱབས་མགོན་ཆེན་པོ་མཆོག་གིས་ཟླ་བ་འདིའི་ཚེས་ ༡ ནས་ཁ་སང་ཚེས་ ༡༡ བར་ཁྱོན་ཉིན་གྲངས་ ༡༡ རིང་རྒྱ་གར་བྱང་ཤར་ Assam དང་ Arunachal མངའ་སྡེ་གཉིས་ནང་དུ་ཆོས་འབྲེལ་གྱི་མཛད་འཕྲིན་ཁག་ལེགས་གྲུབ་ཀྱིས་དེ་རིང་སྔ་ཐོག་ཚོུད་ ༡༡།༠༠ ཐོག་བཞུགས་སྒར་༸རྒྱལ་བའི་ཕོ་བྲང་དུ་ཆིབས་བསྒྱུར་བཀྲིན་བསྐྱངས་སོང་། དེ་ཡང་སྔ་དྲོ་ཚོུད་ ༡༠།༠༠ ཙམ་ལ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་རྒྱ་གར་བྱང་ཤར་ཁུལ་གྱི་མཛད་འཕྲིན་ཁག་ལེགས་གྲུབ་ཀྱིས་རྒྱལ་ས་ལྡི་ལི་ནས་མཁའ་ལམ་བརྒྱུད་བཞུགས་སྒར་གྱི་ཉེ་འདབས་སུ་ཡོད་པའི་གྷ་གལ་གནམ་ཐང་དུ་༸ཞབས་སོར་བདེ་བར་འཁོད་བསྟུན་ཕེབས་བསུ་རྒྱས་པ་གོ་སྒྲིག་དང་སྦྲགས། དབུས་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་དང་བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་རྣམ་གཉིས་ཀྱིས་གཙོས་པའི་རྡ་སའི་ས་གནས་འགོ་འཛིན་ཟླ་བ་རིན་ཆེན་ལགས་དང་། བོད་མིའི་སྒྲིག་འཛུགས་ཀྱི་མཛད་གཙོ་ཁག་ཅིག དེ་བཞིན་གཞུང་དང་གཞུང་འབྲེལ་མིན་པའི་ཚོགས་པ་ཁག་གི་འགན་འཛིན་དང་སྐུ་ཚབ་རྣམ་པས་ཕེབས་བསུའི་སྣེ་ལེན་གཟབ་རྒྱས་ཞུས་པ་དང་། དེ་བཞིན་བཞུགས་སྒར་གྱི་ཕེབས་ལམ་གཡས་གཡོན་དུ་ས་གནས་བོད་རིགས་དང་རྒྱ་གར་གྱི་ཡུལ་མི། དེ་བཞིན་བོད་ཁྱིམ་སློབ་གྲྭའི་དགེ་ལས་སློབ་མ་བཅས་དད་ལྡན་མང་ཚོགས་ཚོས་ཕྱག་ཏུ་དཀར་གཙང་མཇལ་དར་གཙོས་བདུག་སྤོས་བསྣམས་ཤིང། གྲོ་སོ་ཕྱེ་མར་ཆང་ཕུད་བཅས་འདེགས་འབུལ་དང་སྦྲགས་དགའ་དད་སྤྲོ་གསུམ་འཁོད་པའི་ཐོག་ནས་ཕེབས་བསུའི་སྣེ་ལེན་གཟབ་རྒྱས་ཞུས་སོང་། རྩ་བའི་མགོན་པོ་༸གང་ཉིད་མཆོག་གིས་ཟླ་བ་འདིའི་ཚེས་ ༡ ནས་ ༣...

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཕྱི་ལོ་ ༢༠༡༧ ལོའི་ཟླ་ ༣ པའི་ནང་རྒྱ་གར་བྱང་ཤར་ཨ་རུ་ནཱ་ཅལ་མངའ་ཁུལ་དུ་ཆིབས་བསྒྱུར་མཛད་རྒྱུ་བཀའ་བཞེས་བཟང་པོ་སྨིན་སྩལ་ཐོབ་འདུག དེའང་ཁ་སང་ཚེས་ ༩ ཉིན་བྱང་ཤར་གྱི་གསར་འགྱུར་ཁང་ Northeast Today ཞེས་པས་གནས་ཚུལ་སྤེལ་བར་གཞིགས་ན། ཉེ་ཆར་གསར་དུ་བདམས་ཐོན་བྱུང་བའི་རྒྱ་གར་བྱང་ཤར་ཨ་རུ་ནཱ་ཅལ་མངའ་སྡེའི་བློན་ཆེན་པདྨ་མཁའ་འགྲོ་ མཆོག་དང་བློན་ཆེན་གཞོན་པ་ Chbowna Mein མཆོག དེ་བཞིན་མངའ་སྡེ་གྲོས་ཚོགས་ཀྱི་ཚོགས་གཙོ་ T.N Thongdok མཆོག་བཅས་ཀྱིས་གཙོས་པའི་ཨ་རུ་ནཱ་ཅལ་མངའ་སྡེའི་གནད་ཡོད་མི་སྣ་ཁག་ཅིག་གིས་ཇི་ལྟར་གསོལ་འདེབས་ཞུས་དོན་ལྟར། ༸གོང་ས་༸སྐྱབས་མགོན་ཆེན་པོ་མཆོག་གིས་ཁ་སང་ཚེས་ ༩ ཉིན་སྔ་དྲོ་ཚོུད་ ༨།༣༠ ཙམ་ལ་ཏི་ཝིའི་ཁུལ་དུ་ཆིབས་བསྒྱུར་མ་མཛད་གོང་༸གང་ཉིད་ཀྱི་བཞུགས་གནས་མགྲོན་ཁང་དུ་ཁོང་རྣམས་དང་མཇལ་འཕྲད་གནང་ཡོད་པ་རེད་འདུག སྐབས་དེར་བློན་ཆེན་པདྨ་མཁའ་འགྲོ་མཆོག་ནས་ཨ་རུ་ནཱ་ཅལ་མང་ཚོགས་ཀྱི་ཚབ་ཞུས་ཏེ་༸གོང་ས་མཆོག་ལ་༸སྐུ་ཁམས་གསལ་ཐང་དང་མགོན་པོ་༸གང་གི་ཐུགས་ཀྱི་བཞེས་དགོངས་ཟབ་མོ་མཐའ་དག་ལྷུན་གྱིས་འགྲུབ་པའི་སྨོན་འདུན་ཤུགས་དྲག་ཞུས་པ་དང་སྦྲགས།...