སྲིད་སྐྱོང་།

བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་གིས་རྒྱལ་སྤྱིའི་གྲོས་ཚོགས་འཐུས་མི་བོད་དོན་རྒྱབ་སྐྱོར་ཚོགས་ཆེན་ཐེངས་ ༨ པར་མཉམ་ཞུགས་དང་སྐུ་ཚབ་དོན་གཅོད་རྣམ་པའི་ཚོགས་འདུ་གཙོ་སྐྱོང་གནང་གྲུབ་རྗེས་ཨ་རིའི་མངའ་སྡེའི་ Vermont དང་བྷོས་ཊོན་གྲོང་ཁྱེར་ནང་ཕེབས་ཏེ་བོད་མི་མང་ཚོགས་དང་མཇལ་འཕྲད་ཀྱིས་གསུང་བཤད་གནང་ཡོད། སྲིད་སྐྱོང་སྤེན་པ་ཚེ་རིང་མཆོག་ཕྱི་ཚེས་ ༢༥ ཉིན་གྱི་ཕྱི་དྲོ་ཆུ་ཚོད་ ༤༌༣༠ ཙམ་ལ་ཨ་རིའི་མངའ་སྡེའི་ Vermont ནང་ཕེབས་འབྱོར་གྱིས་ཁུལ་དེའི་བོད་རིགས་ཚོགས་པའི་ཚོགས་གཙོ་དང་རྒྱུན་ལས་རྣམས་ནས་ཕེབས་བསུའི་སྣེ་ལེན་གཟབ་རྒྱས་ཞུས་ཡོད་པ་དང་། ཕྱི་དྲོ་ཆུ་ཚོད་ ༦ ཐོག་ South Burlington  ནང་གི་ Temple Sinai Synagogue དུ་སྲིད་སྐྱོང་མཆོག་གིས་མང་ཚོགས་དང་མཇལ་འཕྲད་ཀྱིས་གསུང་བཤད་དང་བཀའ་འདྲིར་ལན་འདེབས་གནང་ཡོད།དེ་བཞིན་ཕྱི་ཚེས་ ༢༦ ཉིན་སྲིད་སྐྱོང་མཆོག་བྷོས་ཊོན་གྲོང་ཁྱེར་ནང་ཕེབས་འབྱོར་གྱིས་ཀུ་རུ་ཀུ་ལ་བོད་བརྒྱུད་ནང་ཆོས་སློབ་གཉེར་ཁང་དུ་བོད་པའི་གཞོན་སྐྱེས་ཚོ་དང་མཇལ་འཕྲད་ཀྱིས་གསུང་བཤད་གནང་ཡོད་པ་དང་ཕྱི་དྲོར་བྷོས་ཌོན་བོད་རིགས་སྤྱི་མཐུན་ཚོགས་པའི་གངས་ལྗོངས་རིག་པའི་སྐྱིད་ཚལ་ཚོགས་ཁང་དུ་མང་ཚོགས་དང་མཇལ་འཕྲད་ཀྱིས་གསུང་བཤད་དང་དྲི་བར་ལན་འདེབས་གནང་ཡོད།...

བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་ཟླ་བ་འདིའི་ཚེས་ ༢༡ ནས་ཉིན་གྲངས་གསུམ་རིང་ཨ་རིའི་རྒྱལ་ས་ཝ་ཤིན་ཊོན་ཌི་སིར་རྒྱལ་སྤྱིའི་གྲོས་ཚོགས་འཐུས་མིའི་བོད་དོན་རྒྱབ་སྐྱོར་ཚོགས་ཆེན་ཐེངས་བརྒྱད་པར་ཚོགས་བཅར་གནང་རྒྱུ་དང་དེ་བཞིན་ཨ་རིར་ཕེབས་ཞོར་དུ་ ཨ་རིའི་གྲོང་ཁྱེར་བཞིའི་ནང་ས་གནས་བོད་རིགས་དང་མཇལ་འཕྲད་གནང་རྒྱུ་སོགས་ཀྱི་ཆེད་གཞུང་འབྲེལ་ཕྱོགས་ཕེབས་གནང་ཡོད་པ་ལྟར། ཕྱི་ཚེས་ ༡༨ དང་ ༡༩ ཉིན་ཨ་རི་བྱང་ཀེ་ལི་ཕོར་ནེ་ཡ་དང་མི་ནི་སོ་ཊ་ས་གནས་བོད་རིགས་དང་མཇལ་འཕྲད་གནང་འདུགད་བར་སྲིད་སྐྱོང་སྤེན་པ་ཚེ་རིང་མཆོག་གིས་ཕྱི་ཚེས་ ༡༨ ཉིན་གྱི་ཞོགས་པར་ས་གནས་མི་མང་ལ་མཇལ་འཕྲད་ཀྱིས་གསུང་བཤད་ལས་རིམ་དང་ཉིན་རྒྱབ་གཞོན་སྐྱེས་དང་ལྷན་དུ་མཇལ་འཕྲད། དེ་བཞིན་ཕྱི་དྲོ་ཆོས་ཚོགས་ཁག་གི་འགན་འཛིན་དང་བླ་མ། དགེ་བཤེས་སོགས་དང་མཇལ་མོལ་གནང་བར་མ་ཟད། ཕྱི་ཚེས་ ༡༩ ཉིན་མི་ནི་སོ་ཊར་ཕེབས་ཐོན་གྱིས་ས་གནས་བོད་མིའི་སྤྱི་མཐུན་ཚོགས་པའི་ཚོགས་ཁང་རྙིང་པར་བོད་རིགས་གཞོན་སྐྱེས་དང་ཐུག་འཕྲད་གནང་བ་དང་། མི་ནི་སོ་ཊ་བོད་མིའི་སྤྱི་མཐུན་ཚོགས་པའི་ཚོགས་ཁང་གསར་པར་ས་གནས་བོད་རིགས་མང་ཚོགས་དང་མཇལ་འཕྲད་གནང་ཡོད།ཨ་རིའི་སེན་ཕེ་རེན་སི་ཀོར་རྟེན་གཞི་བྱས་པའི་ཇེ་ཨེཕ་ཀེ་ཚོགས་ཁང་ནང་ས་གནས་མང་ཚོགས་དང་དང་མཇལ་འཕྲད་གནང་སྐབས་མང་གཙོའི་ཀ་བ་གསུམ་གྱི་འགན་དབང་ཆ་བགོས་ཀྱིས་ལྗིད་སྙོམས་སྟངས་འཛིན་མིང་དོན་མཚུངས་པ་ཞིག་ཡོང་རྒྱུ་ནི་གལ་གནད་ཆེན་པོ་ཡིན་སྐོར་གསུངས་པ་དང་སྦྲགས། བོད་ཀྱི་ལོ་རྒྱུས་ཁྲོད་ཀྱི་གནས་བབ་ལ་ཕྱིར་གཟིགས་གནང་གལ་ཡིན་པ་དང་ལྷག་པར་དུ་རྒྱ་སྡེ་དང་བོད་སྡེ་གང་ཡིན། ལྷ་སྡེ་དང་མི་སྡེའི་ཐ་སྙད་དེ་དག་རེ་རེ་བཞིན་སྤྱོད་ཀྱི་ཡོད་མེད་རྒྱུ་མཚན་དང་བཅས་ཤེས་ཚེ་ཆོལ་གསུམ་པོ་ཕན་ཚུལ་དབར་རྩོད་དགོས་དོན་གང་ཡང་མེད་སྐོར་གསུངས་པ་དང་ཆབས་ཅིག གང་ལྟར་༸གོང་ས་མཆོག་གི་བཀའ་དགོངས་གསལ་པོར་རྟོགས་ཐུབ་པ། ཁྲིམས་དང་སྒྲིག་གཞི་ཤེས་པ། དེ་བཞིན་ལོ་རྒྱུས་ཤེས་པ་ཡིན་ན་མང་གཙོ་ཚད་ལྡན་ནང་འགྲོ་ཐུབ་རྒྱུའི་ཆ་རྐྱེན་ཚང་བ་རེད་ཅེས་གསུངས་འདུགསྲིད་སྐྱོང་མཆོག་གིས་བཙན་བྱོལ་བོད་མིའི་གྲངས་འབོར་ཚད་ལྡན་དང་སྒྲིག་འཛུགས་ནས་མཐུན་རྐྱེན་སྦྱོར་སྤྲོད་ཚད་ལྡན་ཡོང་རྒྱུ། དེ་བཞིན་མ་འོངས་ལས་གཞི་དང་ལས་འཆར་རྣམས་རྒྱུ་མཚན་དང་ལྡན་པའམ་དངོས་ཡོད་གནས་སྟངས་དང་མཐུནཔ་ཞིག་ཡོང་ཐབས་སླད་དུ་འདི་ལོའི་ཕྱི་ཟླ་ ༧...

བོད་མིའིི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་གིས་ལྷོ་ཕྱོགས་གཞིས་ཆགས་ཁག་གི་འཚམས་གཟིགས་ཁྲོད་ཕྱིའི་འཛུགས་སྐྲུན་གྱི་ཆ་ནས་སྔོན་མ་དང་བསྡུར་ན་ཡར་རྒྱས་ཆེན་པོ་ཕྱིན་པར་གཟིགས་ཡོད་ཀྱང་མི་རབས་བརྗེ་པོ་ཐེབས་ཀྱི་ཡོད་སྟབས་གཞིས་ཆགས་ཁག་གི་གཞིས་མིའི་གྲངས་འབོར་ལོ་རེ་བཞིན་ཉུང་དུ་འགྲོ་བཞིན་ཡོད་པ་ནི་དངོས་བདེན་ཡིན་པར་འགྲེལ་བརྗོད་དང་འབྲེལ་ཏེ་ད་ལྟའི་ཆར་དགོས་མཁོ་ཆེ་བ་དེ་བོད་དང་མཐའ་མཚམས་ཁག་ནས་ཕེབས་པའི་བོད་མི་ཚོར་སྡོད་ཁང་དང་ས་ཁང་གི་ཐོབ་ཐང་ཕུལ་རྒྱུ་དེ་ཡིན་པར་གསུངས་སོང་། སྲིད་སྐྱོང་སྤེན་པ་ཚེ་རིང་མཆོག་གིས་འདས་པའི་ཉིན་ཤས་ནས་རྒྱ་གར་ལྷོ་ཕྱོགས་གྲོང་ཁྱེར་སྦེང་ལོར་ནས་དབུ་འཛུགས་ཀྱིས་སྦེལ་ཀོབ་དང་ཧོན་སུར། དེ་བཞིན་ཀོ་ལེ་གྷལ་དོན་ལྡན་གླིང་བཅས་ཀྱི་བོད་མིའི་གཞིས་ཆགས་ཁག་ཏུ་གཞུང་འབྲེལ་འཚམས་གཟིགས་ཐེངས་དང་པོ་གནང་བཞིན་ཡོད་པ་རེད།གསར་འགོད་པས་ཁ་སང་སྲིད་སྐྱོང་མཆོག་ལ་ཐེངས་འདིའི་ལྷོ་ཕྱོགས་གཞིས་ཆགས་ཁག་གི་འཚམས་གཟིགས་བརྒྱུད་རིམ་ཁྲོད་གཟིགས་ཚུལ་གང་བྱུང་བ་དང་། ལྷག་པར་མང་ཚོགས་ཁྲོད་ནས་མི་མང་གི་དགོས་མཁོ་ཆེ་ཤོས་གང་གཟིགས་ཀྱི་འདུག་གམ་ཞེས་བཀའ་འདྲི་ཞུས་པར་སྲིད་སྐྱོང་མཆོག་གིས་གཞིས་ཆགས་ཁག་གི་གནས་སྟངས་ཡར་རྒྱས་ཕྱིན་ཡོད་ཀྱང་། མི་རབས་བརྗེ་པོ་ཐེབས་ཀྱི་ཡོད་སྟབས་གཞིས་ཆགས་ཁག་གི་གཞིས་མིའི་གྲངས་འབོར་ལོ་རེ་བཞིན་ཉུང་དུ་འགྲོ་བཞིན་ཡོད་པ་ནི་དངོས་བདེན་ཡིན་པར་འགྲེལ་བརྗོད་དང་འབྲེལ། གཞུང་ལམ་གྱི་གནད་དོན་སྐོར་ཞུ་མཁན་མང་པོ་བྱུང་ཡོད་པ་དེ་ལྟར་ཡང་། ད་ལྟའི་ཆར་དགོས་མཁོ་ཆེ་བ་དེ་བོད་ནས་ཕེབས་པའི་སྡོད་ཁང་དང་ས་ཁང་མེད་པར་ལྷག་པའི་བོད་མི་ཁྱོན་ ༡༩༩༩ ཙམ་དང་མཐའ་མཚམས་ཀྱི་བོད་མི་ཁྱོན་ ༢༠༠༠ ལྷག་ཡོད་པ་ཚོའི་དཀའ་ངལ་སེལ་རྒྱུ་ཡིན་པར་གསུངས་སོང་བར་མ་ཟད། ཕྱིའི་རྒྱལ་ཁབ་ཁག་ཏུ་གཞིས་སྤོས་གནང་མཁན་ཚོའི་ངོས་ནས་བོད་མིའི་སྒྲིག་འཛུགས་ལ་ས་ཞིང་ཕྱིར་སློག་གནང་དགོས་པའི་ལམ་སྟོན་གནང་སོང་།ཁ་སང་ཀོ་ལེ་གྷལ་དོན་ལྟན་གླིང་གཞིས་ཆགས་ནང་གི་དགོན་སྡེ་ཁག་ལ་གནས་གཟིགས་གནང་བ་དང་དེ་རིང་ས་གནས་ཀྱི་གྲོང་སྡེ་འདྲ་མིན་ཁྱོན་ ༢༢ ལ་ཆེད་ཕེབས་ཀྱིས་གཟིགས་སྐོར་གནང་ཡོད་པ་རེད།གཞི་རྩའི་སྲིད་སྐྱོང་མཆོག་གིས་ཁ་སང་ཀོ་ལེ་གྷལ་དོན་ལྟན་གླིང་གཞིས་ཆགས་ནང་གི་དགོན་སྡེ་ཁག་དགུ་དང་ས་གནས་འཕྲོད་བསྟེན་སྨན་ཁང་དང་སྨན་རྩིས་ཁང་སློབ་གྲྭ་བཅས་ལ་འཚམས་གཟིགས་གནང་ཡོད།སང་ཉིན་ཕྱི་ཚེས་ ༨ ཉིན་ཀོ་ལེ་གྷལ་ས་གནས་འགོ་འཛིན་གྱི་ལས་འཁུར་འོག་ས་གནས་སུ་ལས་གཞི་གསར་རྒྱག་གནང་ཁག་གཅིག་དབུ་འབྱེད་གནང་གི་ཡོད་པ་དང་། དེ་རྗེས་ས་གནས་མང་ཚོགས་ལ་གསུང་བཤད་གནང་རྒྱུ་ཡིན་པ་རེད།

བོད་མིའི་སྒྲིག་འཛུགས་གི་སྲིད་སྐྱོང་སྤེན་པ་ཚེ་རིང་མཆོག་གིས་བཀའ་ཤག་སྐབས་ ༡༦ པའི་སྲིད་སྐྱོང་གི་ཐུགས་འགན་བཞེས་ནས་ཉེ་ཆར་ལོ་གཅིག་ཧྲིལ་པོ་འཁོར་བ་དང་སྦྲགས། ཟླ་བ་འདིའི་ཚེས་ ༢༨ ནས་ཀར་ན་ཊ་ཀ་མངའ་སྡེའི་རྒྱལ་ས་སྦེང་ལོར་གཙོས་ལྷོ་ཕྱོགས་བོད་མིའི་གཞིས་ཆགས་ཁག་ཏུ་གཞུང་འབྲེལ་འཚམས་གཟིགས་དབུ་འཛུགས་གནང་བ་མ་ཟད། དེ་རིང་སྦེང་ལོར་གྲོང་ཁྱེར་དུ་མངའ་སྡེའི་སྤྱི་ཁྱབ་བློན་ཆེན་སྐུ་ཞབས་  Basavaraj Bommai མཆོག་གིས་དབུས་པའི་གནད་ཡོད་མི་སྣ་ཁག་ཅིག་དང་དམིགས་བསལ་མཇལ་འཕྲད་གནང་འདུགདེའང་སྲིད་སྐྱོང་མཆོག་གིས་དེ་རིང་ཉིན་རྒྱབ་ཚོུད་ ༣ ཙམ་ལ་མངའ་སྡེའི་སྤྱི་ཁྱབ་བློན་ཆེན་མཆོག་གི་གཟིམ་ཤག་ཏུ་ཆེད་ཕེབས་ཀྱིས་མཇལ་འཕྲད་ཞུས་འདུག རླུང་འཕྲིན་ཁང་གི་གསར་འགོད་པས་ལྷོ་སྤྱི་མཆོག་ལ་མཇལ་འཕྲད་དེའི་སྐོར་བཅར་འདྲི་ཞུ་ཐབས་ཞུས་ཀྱང་མཛད་བྲེལ་རྐྱེན་གྱིས་བཅར་འདྲིའི་གོ་སྐབས་ཐོབ་མ་སོང་།སྲིད་སྐྱོང་མཆོག་རེས་གཟའ་སྤེན་པ་སྟེ་ཚེས་ ༢༨ ཉིན་སྦེང་ལོར་དུ་འབྱོར་མ་ཐག་ཐོག་མར་དེ་སྔ་ནས་སྒོ་རྒྱག་པའི་གཞོན་སྐྱེས་ལས་རིགས་སྦྱོང་བརྡར་ཁང་ནི་ལཱ་མན་གྷལཾ་ལ་གཟིགས་ཞིབ་དང་། སྨན་རྩིས་ཁང་ཡན་ལག་སྨན་ཁང་དུ་གཟིགས་སྐོར་གནང་བ་མ་ཟད། ཕྱི་དྲོའི་ཕྱག་ཚོད་ ༤ ཙམ་ལ་སྦེང་ལོར་བོད་ཁྱིམ་སྡོད་ཁྱིམ་དུ་ཕེབས་འབྱོར་གྱིས་སློབ་མ་རྣམས་དང་སྦེང་ལོར་གཡས་གཡོན་གྱི་ས་གནས་བོད་མི་མང་ཚོགས་བཅས་ལ་གསུང་བཤད་གནང་ཡོད།སྲིད་སྐྱོང་མཆོག་གིས་སྐབས་དེར་ཁོང་ནས་བོད་མའི་སྒྲིག་འཛུགས་ཀྱི་སྲིད་སྐྱོང་གིས་ཐུགས་འགན་བཞེས་པ་ནས་བཟུང་གང་ཐུབ་ཅི་ཐུབ་ཀྱིས་བོད་མིའི་གཞིས་ཆགས་གང་མང་ནང་དངོས་སུ་ཕེབས་ཏེ་ས་གནས་ས་ཐོག་གི་གནས་སྟངས་རྒྱུས་ལོན་གནང་སྟེ་འཆར་གཞི་སྒྲིག་རྒྱུ་དེ་གལ་ཆེན་པོ་ཡིན་པར་ངོས་འཛིན་གནང་གི་ཡོད་པ་ལྟར། འདས་པའི་ལོ་གཅིག་གི་རིང་གཞིས་ཆགས་མི་ཉུང་བར་འཚམས་གཟིགས་གནང་ཡོད་པ་དང་། ལྷག་པར་ཕྱིའི་རྒྱལ་ཁབ་ཁག་ཏུ་བོད་ནང་གི་ཛ་དྲག་གནས་སྟངས་གླེང་རྒྱུ་དམིགས་བསལ་གལ་ཆེར་གཟིགས་ཀྱི་ཡོད་པ་བཞིན་ད་ལྟ་ཕྱག་ལ ས་གང་དང་གང་གནང་ཡོད་པ་སོགས་ལས་དོན་སྙིང་བསྡུས་གསུངས་ཡོད།སྲིད་སྐྱོང་མཆོག་གིས་གཙོ་བོར་སྐབས་ ༡༦ པའི་བཀའ་ཤག་གི་སྲིད་བྱུས་འཛིན་ཕྱོགས་དང་།...

དེ་རིང་ཟླ་ ༥ ཚེས་ ༡༣ ཉིན་བཞུགས་སྒར་དུ་རྟེན་གཞི་བྱས་པའི་འཕགས་ཡུལ་ཀིརྟིའི་བྱེས་པ་གྲྭ་ཚང་གི་ཆེས་མཐོའི་བོད་ཀྱི་རིག་གནས་སློབ་གཉེར་ཁང་དུ་སྐུ་མགྲོན་གཙོ་བོ་བོད་མིའི་སྒྲིག་འཛུགས་ཀྱི་སྲིད་སྐྱོང་དང་ཆོས་རིག་བཀའ་བློན་གཅིག་ལྕོགས་སྤེན་པ་ཚེ་རིང་མཆོག་གིས་དབུས། འཕགས་ཡུལ་ཀིརྟིའི་བྱེས་པ་གྲྭ་ཚང་གི་མཁན་རིན་པོ་ཆེ་མཆོག ཆེས་མཐོའི་བོད་ཀྱི་རིག་གནས་སློབ་གཉེར་ཁང་གི་སློབ་སྤྱི་དང་དགེ་རྒན། དེ་བཞིན་སློབ་གཉེར་བ་དགེ་འདུན་པ་རྣམས་འདུ་འཛོམས་ཐོག་འདུལ་བ་དང་མཛོད། ཕར་ཕྱིན། དེ་བཞིན་འཛིན་རིམ་བཅུ་པ་བཅས་ཀྱི་བསླབ་པ་མཐར་སོན་གྱི་མཛད་སྒོ་ཚོགས་སོང་།མཛད་སྒོའི་ཐོག་མར་འཕགས་ཡུལ་ཀིརྟིའི་བྱེས་པ་གྲྭ་ཚང་གི་ཆེས་མཐོའི་བོད་ཀྱི་རིག་གནས་སློབ་གཉེར་ཁང་གི་སློབ་སྤྱི་དང་དགེ་རྒན་གཅིག་ལྕོགས་སོ་རུ་དར་རྒྱས་ལགས་ཀྱིས་ཆེས་མཐོ་བོད་ཀྱི་རིག་གནས་སློབ་གཉེར་ཁང་གི་བསླབ་པ་སློབ་གཉེར་གནང་ཕྱོགས་དང་འབྲེལ་ལས་བསྡོམས་རགས་བསྡུས་སྙན་སེང་སྒྲོན་པ་དང་ཆབས་ཅིག རང་གི་མི་རིགས་ལ་ཞབས་ཏོག་ཞུ་བའི་འཛིན་པ་དང་ཕྱི་ནང་གི་མཐུན་རྐྱེན་གང་འཛོམས་པ་དེ་དག་འགལ་རྐྱེན་དུ་མི་འགྲོ་བར་མཐུན་རྐྱེན་གྱི་ངོ་བོར་འགྲོ་བར་ཆོད་སེམས་བརྟན་པོ་ཡོད་དགོས་པའི་གཞེན་སྐུལ་སོགས་གནང་སོང་།སྐུ་མགྲོན་གཙོ་བོ་བོད་མིའི་སྒྲིག་འཛུགས་ཀྱི་སྲིད་སྐྱོང་དང་ཆོས་རིག་བཀའ་བློན་གཅིག་ལྕོགས་སྐུ་ཞབས་སྤེན་པ་ཚེ་རིང་མཆོག་གིས་དང་ཐོག་དེར་འཕགས་ཡུལ་ཀིརྟིའི་བྱེས་པ་གྲྭ་ཚང་གི་ཆེས་མཐོའི་བོད་ཀྱི་རིག་གནས་སློབ་གཉེར་ཁང་གི་དགེ་འདུན་པ་འདུལ་བ་དང་མཛོད། ཕར་ཕྱིན། འཛིན་རིམ་བཅུ་པ་བཅས་ཀྱི་བསླབ་པ་མཐར་སོན་མཁན་ཡོངས་ལ་དགའ་བསུའི་འཚམས་འདྲི་གནང་བ་དང་སྦྲགས། ང་ཚོ་སྐྱ་སེར་གང་ཡིན་ལ་ལྟོས་མེད་སློབ་གཉེར་གནང་རྒྱུའི་དགོས་དམིགས་གཙོ་བོ་ནི་མི་བཟང་པོ་ཞིག་དང་ཡག་པོ་ཞིག་གནང་ཕྱིར་ཡིན་པར་དྲན་སྐུལ་གནང་སོང་།དེ་བཞིན་སྲིད་སྐྱོང་མཆོག་གིས་བོད་པའི་དགོན་སྡེ་ཁག་གཅིག་ཏུ་དགེ་འདུན་པའི་ཞལ་གྲངས་མང་པོ་ཡོད་ཀྱང་ཕྱག་དཔེ་དངོས་སུ་གཟིགས་ནས་སློབ་གཉེར་གནང་མཁན་དེ་ཙམ་མེད་སྐོར་གསུངས་པ་དང་འབྲེལ་ནས་དེ་རིང་འཕགས་ཡུལ་ཀིརྟིའི་བྱེས་པ་གྲྭ་ཚང་གི་དགེ་འདུན་པའི་ཞལ་གྲངས་ ༡༧༩ ཡོད་པ་ལས་བརྒྱ་ཆ་ ༧༠ ལྷག་གིས་ནང་པའི་གཞུང་ཆེན་བཀའ་པོད་ལྔར་སློབ་གཉེར་གནང་གི་ཡོད་པ་ཤེས་རྟོགས་བྱུང་བར་དགའ་ཚོར་ཆེན་པོ་བྱུང་ཞེས་ཡི་རངས་བསྔགས་བརྗོད་གནང་ཡོད།སྲིད་སྐྱོང་མཆོག་གིས་ད་དུང་ནང་པའི་གཞུང་ཆེན་ཁག་གིས་གཙོས་པའི་བོད་ཀྱི་ཐུན་མིན་སྐད་ཡིག་བཅས་ཀྱི་ཐོག་ལ་ཀིརྟི་བྱེས་པ་གྲྭ་ཚང་གི་ངོས་ནས་འགྲེལ་པ་དང་རྩོམ་སོགས་མི་ཉུང་བ་ཞིག་སྤེལ་མུས་ཡིན་པ་མཁྱེན་རྟོགས་ཡོད་སྐོར་གསུངས་པ་དང་འབྲེལ་ཏེ། ལྷག་དོན་བོད་པའི་དགོན་སྡེ་ཁག་ཏུ་མི་རིགས་གཞན་གྱི་དགེ་འདུན་པ་ཡོད་པ་ཚོས་ཀྱང་རང་ཉིད་ཀྱི་ཕ་སྐད་གང་ཡིན་པ་དེ་མ་བརྗེད་པར་བོད་བརྒྱུད་ནང་བསྟན་དེ་རང་སོ་སོའི་ཕ་སྐད་ཐོག་ཕབ་བསྒྱུར་ཚད་ལྡན་ཐུབ་པ་ཞིག་དང་སློབ་གཉེར་མཐར་ཕྱིན་པ་གནང་དགོས་གལ་ཡིན་པར་ལམ་སྟོན་གནང་སོང་།སྲིད་སྐྱོང་མཆོག་གིས་ནང་བསྟན་རྗེས་འབྲང་པ་ཡོངས་ཀྱི་ངོས་ནས་རང་ཉིད་ཀྱི་ཆོས་ལུགས་ཁོ་ནའི་ཕྱག་དཔེ་མ་གཟིགས་པར་གུ་ཡངས་ཀྱི་ཐོག་ནས་ཆོས་ལུགས་གཞན་གྱི་འགྲེལ་པར་གཟིགས་དགོས་གལ་ཡིན་པ་དང་དེ་ལྟར་གནང་ཐུབ་ཚེ་དམིགས་བསལ་གྱི་དགེ་མཚན་ལྡན་ཡོད་སྐོར་གསུངས་ཡོད།དེ་རིང་གི་མཛད་སྒོ་ཐོག་འཕགས་ཡུལ་ཀིརྟིའི་བྱེས་པ་གྲྭ་ཚང་གི་ཆེས་མཐོའི་བོད་ཀྱི་རིག་གནས་སློབ་གཉེར་ཁང་གི་འདུལ་བ་དང་མཛོད། ཕར་ཕྱིན། དེ་བཞིན་འཛིན་རིམ་བཅུ་པ་བཅས་ཀྱི་སློབ་མཐར་སོན་པའི་དགེ་འདུན་པ་རྣམས་ལ་སྐུ་མགྲོན་གཙོ་བོ་བོད་མིའི་སྒྲིག་འཛུགས་ཀྱི་སྲིད་སྐྱོང་དང་ཆོས་རིག་བཀའ་བློན་གཅིག་ལྕོགས་སྤེན་པ་ཚེ་རིང་མཆོག་གི་ཕྱག་ནས་བཀའ་ཤོག་ཕྱག་འཁྱེར་དང་ལེགས་གསོའི་མཇལ་དར་བཅས་གསོལ་རས་སྩལ་ཡོད་པ་རེད།གཞི་རྩའི་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་དེ་རིང་སྔ་དྲོ་འཕགས་ཡུལ་ཀིརྟིའི་བྱེས་པ་གྲྭ་ཚང་གི་ཆེས་མཐོའི་བོད་ཀྱི་རིག་གནས་སློབ་གཉེར་ཁང་གི་འདུལ་བ་དང་མཛོད། ཕར་ཕྱིན། དེ་བཞིན་འཛིན་རིམ་བཅུ་པ་བཅས་ཀྱི་བསླབ་པ་མཐར་སོན་གྱི་མཛད་སྒོར་མ་ཕེབས་པའི་གོང་དུ་འཕགས་ཡུལ་ཀིརྟིའི་བྱེས་པ་གྲྭ་ཚང་གི་རིན་པོ་ཆེ་མཆོག་དང་ཟུར་ལྷན་མཇལ་གནང་བ་མ་ཟད། དེ་བཞིན་གྲྭ་ཚང་གི་དཔེ་མཛོད་ཁང་དུ་ཕྱི་ལོ་...

བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་ཨ་རིའི་རྒྱལ་ས་ Washington DC ནང་དུ་གཞུང་འབྲེལ་འཚམས་གཟིགས་གནང་བཞིན་པ་ལྟར། ཁ་སང་ཕྱི་ཚེས་ ༢༨ ཉིན་སྲིད་སྐྱོང་མཆོག་ནས་ཡུལ་དེའི་གྲོས་ཚོགས་འོག་མའི་ཚོགས་གཙོ་ལྕམ་སྐུ་ Nancy Pelosi མཆོག་དང་མཇལ་འཕྲད་གནང་སྟེ་ཆུ་ཚོད་གཅིག་ཙམ་གྱི་རིང་བོད་དོན་སྐོར་བཀའ་མོལ་གནང་འདུགསྐབས་དེའི་མཇལ་འཕྲད་ཀྱི་ཐོག་མར་སྲིད་སྐྱོང་མཆོག་ནས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཨ་རིའི་གྲོས་ཚོགས་ཀྱི་ཚོགས་གཙོ་ལྕམ་སྐུ་ Nancy Pelosi མཆོག་ལ་སྩལ་བའི་འཚམས་འདྲིའི་བཀའ་ཡིག་ཅིག་སྤྱན་འབུལ་ཞུས་པ་དང་སྦྲགས། ཆུ་ཚོད་གཅིག་ཙམ་གྱི་རིང་ལ་བོད་དོན་སྐོར་དམིགས་བསལ་ཚོགས་འདུ་ཞིག་ཚོགས་ཏེ་ད་ལྟའི་བོད་ནང་གི་ཛ་དྲག་གནས་སྟངས་དང་མ་འོངས་ཕྱག་ལས་གནང་ཕྱོགས། དེ་བཞིན་བོད་མིའི་སྒྲིག་འཛུགས་དང་ཨ་རི་གཞུང་དབར་མཉམ་ལས་གནང་ཕྱོགས་སོགས་ཀྱི་གནད་དོན་མི་ཉུང་བ་ཞིག་གི་ཐོག་ལ་བཀའ་གྲོས་ལྷུག་པོ་གནང་འདུགསྐབས་དེའི་དབུ་ཁྲིད་རྣམ་གཉིས་ཀྱི་མཇལ་འཕྲད་དང་ཚོགས་འདུ་ཐོག་ཨ་རིའི་གྲོས་ཚོགས་འོག་མའི་འཐུས་མི་སྐུ་ཞབས་ Jim McGovern མཆོག་དབུས་གྲོས་ཚོགས་འཐུས་མི་ཁག་ཅིག་དང་། རྒྱལ་སྤྱིའི་བོད་དོན་ལས་འགུལ་ཁང་གི་འགན་འཛིན་ལྷན་ཚོགས་ཀྱི་ཚོགས་གཙོ་ཨ་རིའི་གློག་བརྙན་འཁྲབ་སྟོན་པ་གྲགས་ཅན་སྐུ་ཞབས་ Richard Gere ལགས། བྱང་ཨ་རིའི་སྐུ་ཚབ་དོན་གཅོད་རྣམ་རྒྱལ་མཆོག་གྲུབ་ལགས། རྒྱལ་སྤྱིའི་བོད་དོན་ལས་འགུལ་ཁང་གི་བར་བརྒལ་འགན་འཛིན་བུ་ཆུང་ཚེ་རིང་ལགས། དེ་བཞིན་བོད་མིའི་སྒྲིག་འཛུགས་ཀྱི་མགྲིན་ཚབ་པ་བསྟན་འཛིན་ལེགས་བཤད་ལགས་བཅས་ལྷན་ཞུགས་གནང་ཡོད་པ་རེད།མཇལ་འཕྲད་དེའི་ཁྲོད་སྲིད་སྐྱོང་མཆོག་དང་བྱེས་ཀྱི་གདན་ས་བཀྲ་ཤིས་ལྷུན་པོའི་མཁན་རིན་པོ་ཆེ་གཟིག་རྒྱབ་རིན་པོ་ཆེ་མཆོག་གིས་ཚོགས་གཙོ་ལྕམ་...

བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་ཨ་རིའི་རྒྱལ་ས་ Washington DC ནང་དུ་གཞུང་འབྲེལ་འཚམས་གནང་བཞིན་པ་ལྟར་ཁ་སང་སྲིད་སྐྱོང་མཆོག་གིས་ཁུལ་དེར་རྟེན་གཞི་བྱས་པའི་ National Endowment for Democracy ཞེས་རྒྱལ་ཡོངས་མང་གཙོ་གོང་འཕེལ་བསྟི་གནས་ཁང་གིས་གོ་སྒྲིག་ཞུས་དོན་བཞིན་བོད་པའི་མང་གཙོའི་འཕེལ་རིམ་ཁྲོད་ཀྱི་ཐབས་བྱུས་གསར་པ་ཞེས་པའི་བརྗོད་ཐོག་གསུང་བཤད་གནང་ཡོད། སྐབས་དེའི་མཛད་རིམ་ཐོག་རྒྱལ་ཡོངས་མང་གཙོ་གོང་འཕེལ་བསྟི་གནས་ཁང་གི་འགན་འཛིན་སྐུ་ཞབས་ Damon Wilson ལགས་གཙོས་འབྲེལ་ཡོད་ལས་བྱེད་རྣམ་པ་དང་། རྒྱ་རིགས་འགྲོ་བ་མིའི་ཐོབ་ཐང་རྩོད་ལེན་པ་ Yang Jianli ལགས་གཙོས་རྒྱ་རིགས་དང་། རྒྱལ་སྤྱིའི་རྒྱལ་ཁབ་འདྲ་མིན་ནང་མང་གཙོ་དང་འགྲོ་བ་མིའི་ཐོབ་ཐང་ཐོག་ཕྱག་ལས་གནང་མཁན། འཐབ་རྩོད་པ་སོགས་གནད་ཡོད་མི་སྣ་མི་ཉུང་བ་ཞིག་ལྷན་ཞུགས་གནང་ཡོད་པ་རེད། སྐབས་དེར་སྲིད་སྐྱོང་མཆོག་གིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་བཙན་བྱོལ་ལ་༸ཞབས་སོར་བདེ་བར་འཁོད་ནས་ལོ་གཅིག་ཙམ་ལས་མ་སོང་བའི་མཚམས་སུ་བཙན་བྱོལ་བོད་མིའི་ལས་དོན་ཚང་མ་མང་གཙོའི་ལམ་སྲོལ་ཐོག་ཕེབས་རྒྱུའི་སྲོལ་བཟང་གཏོད་གནང་མཛད་པ་སོགས་ངོ་སྤྲོད་དང་སྦྲགས། བར་སྐབས་ཤིག་ལ་བཙན་བྱོལ་བོད་མིའི་མང་གཙོའི་ལས་དོན་ཐོག་དཀའ་ངལ་ཁག་ཅིག་འཕྲད་ཡོད་ཀྱང་སྤྱི་ཡོངས་ནས་ལས་དོན་བྱེད་ཕྱོགས་ཁག་མང་གཙོ་ཚད་དང་ལྡན་པ་ཞིག་གི་ཐོག་ནས་ཕེབས་བཞིན་ཡོད་པ་གསུངས་འདུག  དེ་བཞིན་རྒྱ་ནག་གི་ཕྱི་འབྲེལ་སྲིད་བྱུས་དང་འབྲེལ་ཏེ་ཞི་ཅིན་ཕིང་གི་དམིགས་ཡུལ་གཙོ་བོ་དེ་དབང་ཆ་ཚང་མ་གཅིག་བསྡུས་བྱེད་རྒྱུ་དེ་ཡིན་པ་དང་། འདས་པའི་ལོ་བཞི་ལྔའི་ནང་ལ་བོད་དང་ཧོང་ཀོང་། དེ་བཞིན་ཤིན་ཅང་། ནང་སོག་བཅས་ཀྱི་ནང་ལག་བསྟར་བྱས་པའི་དྲག་པོའི་སྲིད་བྱུས་ཁག་ནས་རྟོགས་ཐུབ་པར་འགྲེལ་བརྗོད་དང་སྦྲགས། དལྟའི་ཆར་ང་ཚོའི་ངོས་ནས་རེ་བ་དེ་ཙམ་མཐོང་གི་མེད་པ་དེ་ལྟར་ནའང་། བོད་ཀྱི་འཐབ་རྩོད་ཐོག་ལ་ མུ་མཐུད་ནས་འབད་བརྩོན་གནང་རྒྱུ་དང་། ད་ལྟའི་ཡུཀ་རེན་ནང་གི་ཆབ་སྲིད་གནས་སྟངས་དབང་གིས་ཡོང་རྒྱུའི་ཟླ་བ་གསུམ་ཙམ་གྱི་རྗེས་སུ་རྒྱ་ནག་གི་སྲིད་བྱུས་ངོ་མ་གང་ཡིན་གསལ་ཁ་ཞིག་ཡོང་ངེས་ཡིན་པས་ང་ཚོའི་ངོས་ནས་རེ་བ་ནམ་ཡང་དོར་ཐབས་མེད་ཅེས་གསུངས་ཡོད། དེ་བཞིན་ད་ལྟའི་རྒྱ་ནག་གི་བྱེད་བབ་ཁག་ལ་ཨ་རིའི་ངོས་ནས་གདོང་ལེན་གནང་བཞིན་པ་མ་ཟད་ད་ཆ་ཡོ་རོབ་ཁུལ་ནས་ཀྱང་དེ་མཚུངས་ཀྱི་བསམ་བློ་གཏོང་མཁན་མང་དུ་འགྲོ་བཞིན་པ་དེ་ནི་བཟང་ཕྱོགས་ཀྱི་འགྱུར་བ་ཞིག་ཡིན་པ་སོགས་གསུངས་འདུག་ལ།...

བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་ཟླ་བ་འདིའི་ཕྱི་ཚེས་ ༦ ཉིན་བཞུགས་སྒར་ནས་ཕེབས་ཐོན་གྱིས་རྒྱ་གར་དབུས་ཁུལ་དུ་ཆགས་པའི་ཨོ་ཌི་ཤ་ཕུན་ཚོགས་གླིང་དང་མན་སྤར་ཕན་བདེ་གླིང་། དེ་བཞིན་བྷན་རྡ་ར་ནོར་རྒྱས་གླིང་བཅས་བོད་མིའི་གཞིས་ཆགས་ཁག་གསུམ་གྱི་ནང་གཞུང་འབྲེལ་འཚམས་གཟིགས་སུ་ཕེབས་ཡོད་པ་རེད། སྲིད་སྐྱོང་མཆོག་ཁ་ཉིན་ཕྱི་ཚེས་ ༡༣ ཉིན་བྷན་རྡ་ར་ནོར་རྒྱས་གླིང་བོད་མིའི་གཞིས་ཆགས་སུ་ཕེབས་འབྱོར་གྱིས་འབྲེལ་ཡོད་ས་གནས་གཞིས་དགོན་དང་ལས་ཁུངས་ཁག་ལ་གཟིགས་ཞིབ་སོགས་གནང་གྲུབ་མཚམས་ས་གནས་མང་ཚོགས་རྣམས་ལ་བཀའ་ཤག་སྐབས་ ༡༦ པའི་ངོས་ནས་འདས་པའི་ཟླ་བ་བཅུའི་ནང་གནང་བའི་ལས་དོན་ཁག་ངོ་སྤྲོད་དང་། ད་ལྟའི་བོད་ནང་གི་ཛ་དྲག་གནས་སྟངས་དང་འབྲེལ་རྒྱ་ནག་གཞུང་གིས་བོད་ཀྱི་སྐད་ཡིག་རྩ་མེད་བཟོ་བཞིན་པའི་གནས་སྟངས་ཁག་འགྲེལ་བརྗོད་གནང་འདུག  དེ་བཞིན་བོད་མིའི་སྒྲིག་འཛུགས་ཀྱི་ངོས་ནས་བཙན་བྱོལ་བོད་མིའི་སློབ་གྲྭ་ཁག་གི་ཤེས་ཡོན་དང་མཐུན་རྐྱེན་ཡར་རྒྱས་གཏོང་ཐབས་སུ་རིམ་པས་སློབ་ཕྲུག་གི་གནས་སྟངས་ལ་གཞིགས་ཏེ་སློབ་གྲྭ་ཟླ་སྒྲིལ་གཏོང་འཆར་སྐོར་དང་། བཙན་བྱོལ་ནང་སྡོད་ཁང་མེད་མཁན་རྣམས་ལ་སྡོད་ཁང་གི་མཐུན་འགྱུར་གནང་ཐབས། གཞོན་སྐྱེས་རྣམས་ལ་ལས་རིགས་སློབ་སྦྱོང་གི་རོགས་རམ་གནང་སྟེ་གཞིས་ཆགས་སྲ་བརྟན་ཡོང་རྒྱུར་འབད་བརྩོན་གནང་རྒྱུ་སོགས་མ་འོངས་འཆར་གཞི་ཁག་ཅིག་ངོ་སྤྲོད་གནང་བ་མ་ཟད། ས་གནས་མི་མང་ཁག་གི་བཀའ་འདྲི་ཞུས་པའི་གནད་དོན་ལ་ལན་འདེབས་གསལ་བཤད་སོགས་གནང་ཡོད། བོད་མིའི་གཞིས་ཆགས་གསུམ་ནང་གི་འཚམས་གཟིགས་ཁག་གྲུབ་ནས་ཁ་སང་སྲིད་སྐྱོང་མཆོག་ནཱག་པུར་དུ་ཕེབས་ཏེ་ཁུལ་དེར་ཡོད་པའི་རྒྱ་གར་བོད་དོན་རྒྱབ་སྐྱོར་ཚོགས་པ་ཁག་གི་ཚོགས་མི་དང་མཇལ་འཕྲད་གནང་བ་དང་། རྒྱ་གར་གཞུང་མང་གཉིས་ནས་བོད་དོན་ལ་རྒྱབ་སྐྱོར་དང་བཙན་བྱོལ་བོད་མིའི་བདེ་དོན་ཐོག་རོགས་རམ་གནང་དང་གནང་བཞིན་པར་ཐུགས་རྗེ་ཆེ་ཞེས་གསུངས་འདུག གཞི་རྩའི་སྲིད་སྐྱོང་མཆོག་བྷན་རྡ་ར་ནོར་རྒྱས་གླིང་བོད་མིའི་གཞིས་ཆགས་སུ་མ་ཕེབས་གོང་ལ་ཕྱི་ཚེས་ ༡༡ དང་ ༡༢ བཅས་སུ་ Chhattisgarh མངའ་སྡེའི་ནང་ཡོད་པའི་མན་སྤར་ཕན་བདེ་གླིང་བོད་མིའི་གཞིས་ཆགས་སུ་འཚམས་གཟིགས་དང་སྦྲགས། ས་གནས་མི་མང་ལ་བཀའ་ཤག་འདིའི་ལས་ཡུན་རིང་ལ་བོད་པའི་གཞིས་ཆགས་ལ་འཚམས་གཟིགས་ཐེངས་གཉིས་བཅར་རྒྱུའི་དགོངས་པ་ཡོད་པ་དང་། འཚམས་གཟིགས་ཁྲོད་རྐང་ས་གནས་སོ་སོའི་གནས་སྟངས་དང་། མང་ཚོགས་ཀྱི་དགོས་མཁོ་སོགས་རྒྱུས་ལོན་གནང་སྟེ་འབྱུང་འགྱུར་ལོ་གསུམ་གྱི་ལས་འཆར་ཁག་བཀོད་སྒྲིག་གནང་རྒྱུ་ཡིན་པ་སོགས་གསུངས་འདུག ལྷག་པར་དུ་གཞིས་ཆགས་ནང་ཡོད་པའི་ན་གཞོན་ལས་མེད་གྲངས་ ༨ དང་ཟུར་དུ་མཇལ་འཕྲད་གནང་ནས་བོད་མིའི་སྒྲིག་འཛུགས་ཀྱི་ངོས་ནས་ན་གཞོན་ལས་མེད་ཚོར་ལས་རིགས་སྦྱོང་བརྡར་སོགས་ཀྱི་རོགས་སྐྱོར་ཁག་ཅིག་གནང་འཆར་ཡོད་སྐོར་ངོ་སྤྲོད་གནང་ཡོད་པ་རེད།   ཕྱི་ཚེས་...

བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་ཟླ་འདིའི་ཚེས་ ༨ ཉིན་ཨོ་ཌི་ཤཱ་མངའ་སྡེའི་རྒྱལ་ས་བྷུབ་ནེཤྭར་དུ་ཆེད་ཕེབས་དང་འབྲེལ་ཉིན་གཉིས་རིང་ཕུན་ཚོགས་གླིང་བོད་མིའི་གཞིས་ཆགས་ནང་གི་ས་གནས་མང་ཚོགས་དང་གཞོན་སྐྱེས་རྣམས་མཇལ་འཕྲད། དེ་བཞིན་དགོན་སྡེ་ཁག་ལ་གནས་གཟིགས་ཙམ་མ་ཟད། ས་གནས་ཡུལ་མིའི་དཔོན་རིགས་ཁག་གཅིག་མཇལ་འཕྲད་གནང་རྗེས། ཁ་སང་མན་སྤར་ཕན་བདེ་གླིང་བོད་མིའི་གཞིས་ཆགས་སུ་ཕྱོགས་ཕེབས་གནང་འདུགབོད་མིའི་སྒྲིག་འཛུགས་ཀྱི་དྲ་གནས་སུ་གནས་ཚུལ་འཁོད་པ་ལྟར་ན།  སྲིད་སྐྱོང་མཆོག་གིས་ཕུན་ཚོགས་གླིང་བོད་མིའི་གཞིས་ཆགས་ལ་མ་བསྐྱོད་གོང་ཐོག་མར་གཞིས་མི་རྣམས་ལ་ཡུན་རིང་རོགས་རམ་གནང་མཁན་ཨོ་ཌི་ཤཱ་མངའ་སྡེའི་སྤྱི་ཁྱབ་དྲུང་ཆེ་ལས་འཕར་སྐུ་ཞབས་ཨེས་པི་ཋཱ་ཀུར་ (Shri S.P. Thakur) ལགས་དང་མཇལ་འཕྲད་གནང་བ་དང་། ཕྱི་ཚེས་ ༩ ཉིན་ས་གནས་འཐུས་ཚོགས་ཀྱི་ལས་ཁུངས་དང་ཚོགས་ཁང་། ས་གནས་འགོ་འཛིན་ལས་ཁུངས། མཉམ་འབྲེལ་ལས་ཁུངས་དང་ཆུ་བཟོ་ཁང་། ལྕགས་བཟོ་ཁང་། རྩམ་ཐག་ཁང་། ཚོང་ཁང་། རྒས་གསོ་ཁང་། ཡན་ལག་སྨན་རྩིས་ཁང་། ས་གནས་འཕྲོད་བསྟེན་སྨན་ཁང་བཅས་སུ་གཟིགས་སྐོར་གནང་ཡོད་པ་མ་ཟད། ས་གནས་ཀྱི་དགོན་སྡེ་ཁག་ལ་གནས་གཟིགས་གནང་འདུག ལྷག་པར་དུ་དེ་ཉིན་ཕྱི་དྲོར་གཞིས་ཆགས་ཀྱི་གཞོན་སྐྱེས་གྲངས་ ༣༠...