༸ཀུན་གཟིགས་༸པཎ་ཆེན་དགེ་འདུན་ཆོས་ཀྱི་ཉི་མ་

དེ་རིང་ནི་དེ་སྔ་ཕྱི་ལོ་ ༡༩༩༥ ཟླ་ ༥ ཚེས་ ༡༧ ཉིན་མོར་༸ཀུན་གཟིགས་༸པཎ་ཆེན་སྐུ་ཕྲེང་བཅུ་གཅིག་པ་དགེ་འདུན་ཆོས་ཀྱི་ཉི་མ་མཆོག་རྒྱ་གཞུང་གིས་བཙན་འཁྲིད་འོག་གར་སོང་ཆ་མེད་དུ་གྱུར་ཏེ་ལོ་ངོ་ ༢༧ ཧྲིལ་པོ་འཁོར་བའི་དུས་ཚིགས་ཡིན་པ་དང་བསྟུན་དབུས་བོད་ཀྱི་བུད་མེད་ལྷན་ཚོགས་དང་དྷ་ས་ས་གནས་བུད་མེད་ལྷན་ཚོགས་གཉིས་ནས་ཟས་བཅད་ངོ་རྒོལ་བརྒྱུད་རིན་པོ་ཆེ་མཆོག་གར་སོང་ཆ་མེད་དུ་གྱུར་ཏེ་མི་ལོ་ ༢༧ འཁོར་བའི་དུས་ཚིགས་སྲུང་བརྩི་ཞུས་སོང་།དེ་རིང་སྔ་དྲོ་བཞུགས་སྒར་མེག་གྷན་གྱི་རླངས་འཁོར་བབ་ཚུགས་སུ་དབུས་བོད་ཀྱི་བུད་མེད་ལྷན་ཚོགས་དང་ས་གནས་བུད་མེད་ལྷན་ཚོགས་ཟུང་འབྲེལ་གྱིས་སྔ་དྲོ་ཕྱག་ཚོད་ ༡༠ པ་ནས་ཕྱི་དྲོ་ཕྱག་ཚོད་ ༥ པ་བར་ཉིན་བརྒྱ་དུས་གཅིག་ལ་ཟས་བཅད་ངོ་རྒོལ་གྱི་ལས་འགུལ་སྤེལ་བའི་ཐོག་ནས་རྒྱ་གཞུང་ནས་བོད་རྒྱའི་དཀའ་རྙོག་སེལ་ཐབས་སུ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་ཚབ་དང་ལྷན་དུ་བོད་རྒྱ་གྲོས་མོལ་དབུ་འཛུགས་ཞུ་དགོས་པ་དང་། རིན་པོ་ཆེ་མཆོག་གིས་དབུས་པའི་སྐུ་འཁོར་ནང་མི་དང་བྱ་བྲལ་རིན་པོ་ཆེ་མཆོག ཆབ་སྲིད་བཙོན་པ་རྣམས་ཆ་རྐྱེན་གང་ཡང་མེད་པར་གློད་བཀྲོལ་དགོས་པར་རྒྱལ་སྤྱིའི་ཚོགས་སྡེ་ཁག་ནས་གནོན་ཤུགས་སྤྲོད་དགོས་པ་མ་ཟད། མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་གི་གཙོ་འཛིན་ Michelle Bachelet མཆོག་ཟླ་བ་འདིའི་ནང་རྒྱ་ནག་དང་དེའི་དབང་བསྒྱུར་འོག་ཡོད་པའི་ས་ཁུལ་ཁག་ལ་འཚམས་གཟིགས་ཕེབས་རྒྱུ་ཡིན་སྟབས། ཁོང་ནས་ངེས་པར་དུ་བོད་ནང་ཕེབས་ཐབས་དང་བོད་ནང་གི་འགྲོ་བ་མིའི་ཐོབ་ཐང་གི་གནས་སྟངས་ལ་གཟིགས་ཞིབ་མཐིལ་ཕྱིན་པ་ཞིག་གནང་དགོས་པར་འབོད་སྐུལ་ཞུས་པ་བཅས་དགོས་འདུན་གསུམ་མངོན་གསལ་གནང་བ་དང་ཆབས་ཅིག རྒྱལ་སྤྱིའི་མཉམ་འབྲེལ་རྒྱལ་ཚོགས་གཙོས་རྒྱལ་སྤྱིའི་དབུ་ཁྲིད་རྣམ་པ་དང་། གྲོས་ཚོགས་འཐུས་མི།...

དེ་རིང་ཕྱི་ཟླ་ ༥ ཚེས་ ༡༧ ཉིན་མོ་འདི་ཕྱི་ལོ་ ༡༩༩༥ ཟླ་ ༥ ཚེས་ ༡༧ ཉིན་རྒྱ་ནག་གཞུང་གིས་༸གོང་ས་མཆོག་གིས་ངོས་འཛིན་མཛད་པའི་༸ཀུན་གཟིགས་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་འཛིན་བཟུང་བཙན་ཁྲིད་བྱས་པའི་ཉིན་མོ་ཞིག་ཡིན་པ་ལྟར། རྒྱ་གར་ལྷོ་ཕྱོགས་སྦེང་ལོར་གྲོང་ཁྱེར་དུ་སྦེང་ལོར་ས་གནས་བོད་ཀྱི་གཞོན་ནུ་ལྷན་ཚོགས་དང་མོན་གྷོ་འདོད་རྒུ་གླིང་ས་གནས་བོད་ཀྱི་གཞོན་ནུ་ལྷན་ཚོགས། ས་གནས་བོད་ཀྱི་བེུད་ལྷན་ཚོགས་བཅས་མཉམ་འབྲེལ་ཐོག་ནས་༸ཀུན་གཟིགས་༸པཎ་ཆེན་རིན་པོ་ཆེའི་གནད་དོན་གཙོ་བོར་གྱུར་པའི་བོད་ནང་གི་ཛ་དྲག་གནད་དོན་མངོན་གསལ་གནང་བའི་ཐོག་སྦག་སྦག་སྐོར་སྐྱོད་ཀྱི་ལས་འགུལ་ཞིག་སྤེལ་སོང་།མོན་གྷོ་འདོད་རྒུ་གླིང་ས་གནས་བོད་ཀྱི་གཞོན་ནུ་ལྷན་ཚོགས་དང་བེུད་ལྷན་ཚོགས་གཉིས་ནས་རྒྱ་ནག་གཞུང་གིས་༸པཎ་ཆེན་ཆུང་སྲིད་རིན་པོ་ཆེའི་གནས་སྟངས་གང་ཡིན་གསལ་པོ་བཟོ་དགོས་པ་དང་ད་བར་སྐུ་ལུས་མེར་བསྲེགས་གནང་མཁན་རྒྱལ་གཅེས་དཔའ་བོ་དཔའ་མོ་རྣམ་པའི་མངོན་འདོད་རྣམས་བདག་སྤྲོད་དགོས་པ། དེ་བཞིན་རྒྱའི་བཙན་གནོན་འོག་དཀའ་སྡུག་མྱོང་བཞིན་པའི་ཆབ་སྲིད་བཙོན་པ་རྣམས་མྱུར་དུ་གློད་བཀྲོལ་དགོས་པ་བཅས་ཀྱི་དགོས་འདུན་ཆེད་བཀོད་དང་སྦྲགས། ཟླ་བ་འདིའི་ ༡༥ ཉིན་མོན་གྷོ་འདོད་རྒུ་གླིང་བོད་མིའི་གཞིས་ཆགས་ནས་ཀར་ཀ་ཊ་ཀ་མངའ་སྡེའི་རྒྱལ་ས་སྦེང་ལོར་བར་སྦག་སྦག་སྐོར་སྐྱོད་ཀྱི་ལས་འགུལ་ཞིག་གནང་ཡོད་པ་མ་ཟད། དེ་རིང་ལས་འགུལ་བ་རྣམས་ཀྱིས་སྦེང་ལོར་ས་གནས་གཞོན་ནུ་དང་ལྷན་བོད་ཁྱིམ་སྡོད་ཁང་ནས་དབུ་འཛུགས་ཀྱིས་ Freedom Park ཞེས་པའི་ས་ཚིགས་བར་སྦག་སྦག་སྐོར་སྐྱོད་ཀྱི་ལས་འགུལ་སྤེལ་བ་དང་ཆབས་ཅིག་ཏུ་མཛད་སྒོ་ཚོགས་སོང་།མཛད་སྒོའི་སྐུ་མགྲོན་གཙོ་བོ་ཧིན་བོད་མཛའ་འབྲེལ་ཚོགས་པའི་ཚོགས་གཙོ་ Neerajan  ལགས་དང་ Bharat Tibet Sahyog...