༸གོང་ས་མཆོག་གིས་ཡི་ཤུ་ཆོས་དཔོན་ཌེས་མིན་ཊུ་ཊུ་མཆོག་གི་འཁྲུངས་སྐར་ལ་འཚམས་འདྲི་མཛད་འདུག

ཁ་སང་ཕྱི་ཚེས་ ༢༦ ཉིན་དགུང་ལོ་ ༩༠ ལ་ཕེབས་པའི་༸གོང་ས་མཆོག་གི་ཐུགས་ཉེ་བའི་མཛའ་གྲོགས་ནོ་སྦེལ་ཞི་བདེའི་དེད་དཔོན་ལྷོ་ཨ་ཕི་རི་ཀའི་ཡེ་ཤུའི་བླ་ཆེན་ Archbishop Desmond Tutu མཆོག་སྐུ་ཚེའི་འཕེན་པ་རྫོགས་པའི་ཡིད་སྐྱོའི་གནས་ཚུལ་ཐོན་ཡོད་སྟབས། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བླ་ཆེན་དམ་པ་ཁོང་གི་སྲས་མོ་ Mpho Tutu ལགས་ཀྱི་མཚན་ཐོག་ཏུ་ཐུགས་གསོའི་གསུང་འཕྲིན་བསྩལ་བ་དང་།  དེ་བཞིན་བོད་མིའི་སྒྲིག་འཛུགས་ཀྱིས་གཞུང་འབྲེལ་མཆོད་འབུལ་སྨོན་ལམ་ཚོགས་ཏེ་བསྔོ་སྨོན་གསུང་འདོན་གནང་བ་མ་ཟད། དེ་རིང་ཉིན་རྒྱབ་ནས་དབུས་ལས་ཁུངས་ཁག་ནས་ལས་མཚམས་བཞག་ཡོད།༸གོང་ས་མཆོག་གིས་གསུང་འཕྲིན་ནང་ལ་ངོས་ཀྱིས་སྐུ་ཉིད་ཀྱི་ཡབ་དམ་པ་མཆོག་ལ་ཐུགས་སྨོན་ཞུ་རྒྱུ་ཡིན། སྐུ་ཉིད་ཀྱིས་མཁྱེན་གསལ་ལྟར་ཡབ་དམ་པ་ཁོང་དང་ངོས་དབར་ཡུན་རིང་གི་གྲོགས་འདྲིས་ལོངས་སུ་སྤྱད་རྒྱུ་བྱུང་ཡོད། སྐུ་ཉིད་ཀྱི་ཡབ་དམ་པ་མཆོག་དང་ལྷན་དུས་སྐབས་མང་པོའི་རིང་མཉམ་དུ་དུས་ཚོད་བསྐྱེལ་ཡོད་པ་དང་ལྷག་པར་དུ་ཕྱི་ལོ་ ༢༠༡༥ ལོར་དྷརྨ་སཱ་ལཱར་གཟའ་འཁོར་གཅིག་རིང་འཛམ་གླིང་ལ་ཞི་བདེ་དང་བདེ་སྐྱིད་ཀྱི་ཁོར་ཡུག་ཇེ་བཟང་དུ་གཏོང་བའི་ཐད་ལ་བསམ་ཚུལ་བརྗེ་ལེན་བྱས་མྱོང་ཡོད་ལ། ངེད་གཉིས་དབར་གྲོགས་པོའི་འདུ་ཤེས་དང་ཆོས་ཕྱོགས་ཀྱི་འབྲེལ་བ་དམིགས་བསལ་ཞིག་ཡོད་པ་དེ་ནི་ངེད་གཉིས་ཀྱིས་གཙིགས་ཆེར་བརྩིས་ཡོད་ཅེས་བཀའ་སྩལ་མཛད་འདུགཌེས་མིན་ཊུ་ཊུ་མཆོག་ནི་མང་ཚོགས་ཀྱི་ཐུན་མོང་གི་ཁེ་ཕན་སླད་ཆོད་སེམས་བརྟན་པོའི་ཐོག་ནས་ཞབས་འདེགས་སྒྲུབ་མཁན་ཞིག་ཡིན་པ་མ་ཟད་འགྲོ་བ་མིའི་རིགས་ཀྱི་བེད་སྡུག་ལ་ཐུགས་འཁུར་བཞེས་མཁན་དང་འགྲོ་བ་མིའི་ཐོབ་ཐང་རྩོད་མཁན་ཞིག་ཡིན་པའི་ཁར་ཁོང་གིས་དྲང་བདེན་དང་བར་འདུམ་སླད་ཕྱག་ལས་གནང་བ་ནི་འཛམ་གླིང་སྤྱིར་སེམས་འགུལ་ཐེབས་གཞི་ཞིག་ཏུ་གྱུར་ཡོད།བླ་ཆེན་དམ་པ་ཁོང་སྐུ་ཚེའི་འཕེན་པ་རྫོགས་པ་དེ་ནི་ང་ཚོར་ཆ་མཚོན་ན་རླབས་ཆེན་གྱི་མི་སྣ་ཞིག་སྐུ་གཤེགས་པ་ཆགས་ཡོད། ཁོང་གིས་སྐུ་ཚེ་དོན་སྙིང་ལྡན་པའི་ཐོག་བསྐྱལ་ཡོད། ང་ཚོས་ཁོང་ལ་རྗེས་སུ་ཡི་རང་ཞུ་རྒྱུ་ལེགས་ཤོས་ནི་ཁོང་གི་ཕྱག་ལས་ལ་འཇུག་རྒྱུ་དང་ལྷག་པར་དུ་དུས་ནས་དུས་སུ་གཞན་ལ་རོགས་རམ་ཇི་ལྟར་ཞུ་རྒྱུའི་སྐོར་ལ་གཟིགས་གནད་ཡིན་པ་བཅས་བཀའ་སྩལ་ཡོད།དེ་རིང་ཉིན་རྒྱབ་ཕྱག་ཚོད་ ༣ ཐོག་བོད་མིའི་སྒྲིག་འཛུགས་ཀྱི་སྲིད་སྐྱོང་ཚོགས་ཁང་ནང་དུ་གནས་ཆུང་སྒྲ་དབྱངས་གླིང་གི་དགེ་འདུན་པ་ཁག་གཅིག་དབུ་བཞུགས་ཐོག་བོད་མིའི་སྒྲིག་འཛུགས་ཀྱི་མཛད་གཙོ་རྣམ་པ་གཙོས་པའི་བོད་མི་མང་སྤྱི་འཐུས་རྒྱུན་ལས་རྣམ་པ། སྲི་ཞུ་བ་ལྷན་འཛོམས་ཀྱིས་བསྔོ་སྨོན་གསུང་འདོན་གནང་བ་བརྒྱུད་...

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་༸གང་ཉིད་མཆོག་གི་ཐུགས་ཉེ་བའི་མཛའ་གྲོགས་ཡི་ཤུ་ཆོས་དཔོན་ Desmond Tutu མཆོག་དགུང་གྲངས་ ༨༦ ཕེབས་པའི་འཁྲུངས་སྐར་ལ་དགའ་བསུའི་འཚམས་འདྲི་དང་འབྲེལ། ཆེས་དཀའ་རྙོག་ཆེ་བའི་ད་ལྟའི་འཛམ་གླིང་འདིར་ཆོས་དཔོན་ཊུ་ཊུ་མཆོག་ད་དུང་ལོ་ཤས་རིང་སྐུ་འཚོ་བཞུགས་གནང་དགོས་ཞེས་བཀའ་བསྩལ་མཛད་འདུག ཟླ་བ་འདིའི་ཚེས་ ༧ ཉིན་ལྷོ་ཨ་ཕི་རི་ཀའི་ཡི་ཤུའི་ཆོས་དཔོན་དང་ནོ་བེལ་ཞེ་བདེའི་གཟེངས་རྟགས་བཞེས་མྱོང་མཁན་ཆོས་དཔོན་ཊུ་ཊུ་མཆོག་དགུང་གྲངས་ ༨༦ ཕེབས་པའི་འཁྲུངས་སྐར་དང་བསྟུན། ༸གོང་ས་༸སྐྱབས་མགོན་ཆེན་པོ་མཆོག་གིས་བརྙན་པར་བརྒྱུད་ནས་ཆོས་དཔོན་མཆོག་གི་འཁྲུངས་སྐར་ལ་འཚམས་འདྲི་སྩལ་བ་དང་འབྲེལ། ཆེས་དཀའ་རྙོག་ཆེ་བའི་ད་ལྟའི་འཛམ་གླིང་འདིར་ཆོས་དཔོན་མཆོག་གི་ཚེ་སྲོག་ནི་ཧ་ཅང་གི་རྩ་ཆེན་པོ་དང་། སྐུ་ཉིད་མཆོག་ལྟ་བུ་ང་ཚོར་དགོས་མཁོ་ཆེ་བའི་མི་སྣ་ཞིག་ཆགས་ཡོད་ཅེས་བཀའ་སྩལ་བ་མ་ཟད། ཆེས་དཀའ་རྙོག་ཆེ་བའི་ད་ལྟའི་འཛམ་གླིང་འདིར་ཆོས་དཔོན་ཊུ་ཊུ་མཆོག་ད་དུང་ལོ་ཤས་རིང་སྐུ་འཚོ་བཞུགས་གནང་དགོས་ཞེས་བཀའ་སྩལ་མཛད་འདུག མགོན་པོ་༸གང་ཉིད་མཆོག་གིས་ཆོས་དཔོན་ཊུ་ཊུ་མཆོག་ནས་འཛམ་གླིང་ཐོག་གི་ངལ་བ་དེ་དག་བྱམས་པ་དང་བརྩེ་བ། གུ་ཡངས། བཟོད་བསྲན་བཅས་ཀྱི་ཐབས་ལམ་བརྒྱུད་ནས་སེལ་དགོས་པར་ལམ་སྟོན་གནང་བཞིན་ཡོད་པ་དང་། སྐུ་ཉིད་མཆོག་ནས་ཀྱང་རྣམ་ཀུན་དེ་དག་ཕྱག་བསྟར་གནང་མུས་ཡིན་པས་འཛམ་གླིང་འདིའི་མི་མང་ས་ཡ་མང་པོར་ཤུགས་རྐྱེན་སྤྲོད་བཞིན་ཡོད་ཅེས་ཆེ་བསྟོད་གནང་འདུག ༸གང་ཉིད་མཆོག་གིས་ཉེ་སྔོན་ཆིབས་བསྒྱུར་ཁྲོད་ལ་སྐུ་ཐང་ཆད་པའི་དབང་གིས་ལྷོ་ཨ་ཕི་རི་ཀ་ཁུལ་གྱི་ Botswana ནང་གི་ཆིབས་བསྒྱུར་ཕྱིར་འཐེན་གནང་དགོས་བྱུང་སྐོར་བཀའ་སྩལ་དང་ཆབས་ཅིག་ཏུ་མ་འོངས་པར་༸གང་ཉིད་མཆོག་གི་སྐུ་གཟུགས་གནས་སྟངས་ཡག་པོ་བྱུང་ཚེ་ཆོས་དཔོན་མཆོག་དང་མཇལ་མོལ་ཡོང་རྒྱུར་ཐུགས་རེ་ཡོད་ཅེས་བཀའ་བསྩལ་འདུག ལྷག་དོན་མཇལ་མོལ་མ་བྱུང་བར་ཆོས་དཔོན་མཆོག་གི་སྐུ་གཟུགས་ལ་ཐུགས་ཅགས་དང་སྐུ་ངལ་མང་ཙམ་གསོ་བཞུགས་གནང་དགོས་ཞེས་བཀའ་སྩལ་ཡོད་པ་རེད། ཕྱི་ལོ་ ༢༠༡༡ ལོར་ཡི་ཤུ་ཆོས་དཔོན་ Desmond...