༸གོང་ས་མཆོག་དང་Greta Thunberg

དེ་རིང་ཕྱི་ཚེས་ ༡༠ ཉིན་གྱི་རྒྱ་གར་གྱི་སྔ་དྲོ་ཕྱག་ཚོད་ ༩ པའི་ཐོག་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་གནམ་གཤིས་ཚ་དྲོད་སྲུང་སྐྱོབ་དང་ཁོར་ཡུག་ལས་འགུལ་བ་གྲགས་ཆེན་གཞོན་ནུ་མ་ Greta Thunberg ལགས་གཙོས་པའི་ཚན་རིག་པ་ཁག་ཅིག་དང་ལྷན་The Crisis of Climate Feedback Loops ཞེས་གོ་ལའི་ཚ་དྲོད་ཀྱི་ཛ་དྲག་གནས་སྟངས་ཀྱི་བརྗོད་གཞིའི་ཐོག་བགྲོ་གླེང་མཛད་པ་དང་སྦྲགས། ༸གོང་ས་མཆོག་གིས་སྐུ་ཚེ་ལྷག་འཕྲོ་དེའི་རིང་གོ་ལའི་ཚ་དྲོད་ཀྱི་ཛ་དྲག་གནས་སྟངས་ཐད་མུ་མཐུད་ཐུགས་འགན་བཞེས་རྒྱུའི་ཆོད་སེམས་བརྟན་པོ་ཡོད་སྐོར་བཀའ་ནན་མཛད་པ་མ་ཟད། ༸མགོན་པོ་གང་ཉིད་ཀྱི་རྗེས་སུ་Greta Thunberg ལགས་ལྟ་བུའི་གཞོན་སྐྱེས་གཙོས་པའི་གཞན་ཚང་མས་དེའི་ཐོག་དགོངས་པ་ངེས་བཞེས་དགོས་སྐོར་བཀའ་བསྩལ་སོང་། སེམས་དང་སྲོག་གི་བསྟི་གནས་ཁང་གི་གོ་སྒྲིག་ཞུས་དོན་ལྟར། ༸གོང་ས་༸སྐྱབས་མགོན་ཆེན་པོ་མཆོག་གིས་ Greta Thunberg ལགས་དང་། ཕྱི་ལོ་ ༢༠༠༧...