༸རྒྱལ་ཡུམ་ཆེན་མོའི་དྲན་རྟེན་རྐང་སྤོལ་རྩེད་འགྲན་ཟླ་བ་རྗེས་མར་གནང་རྒྱུ།

༸རྒྱལ་ཡུམ་ཆེན་མོའི་དྲན་རྟེན་གསེར་གྱི་གཟེངས་རྟགས་རྐང་རྩེད་སྤོ་ལོའི་འགྲན་བསྡུར་ཐེངས་ ༢༧ པའི་རྩེད་འགྲན་མཐའ་མའི་འགྲན་བསྡུར་རིམ་པ་གཉིས་པ་ Semi Finals ནང་དྷ་ས་ཆིག་སྒྲིལ་རུ་ཁག་དང་དོན་གྲུབ་གླིང་རུ་ཁག་གཉིས་ཚུད་ཐུབ་པ་བྱུང་འདུགཁ་སང་ཕྱི་དྲོ་ཚོུད་ ༥་༣༠ ཐོག་སྤོན་ཊ་ཆོལ་གསུམ་བོད་མིའི་གཞིས་ཆགས་སུ་མཐའ་མའི་འགྲན་བསྡུར་རིམ་པ་དང་པོ་ Quarter Finals དབུ་འཛུགས་ཀྱིས་ཐོག་མ་དྷ་ས་ཆིག་སྒྲིལ་རུ་ཁག་དང་བལ་ཡུལ་རུ་ཁག་གཉིས་དབར་རྩེད་འགྲན་གནང་སྟེ་དྷ་སའི་རྩེད་འགྲན་པ་བྱང་ཆུབ་ལགས་དང་རིན་ཆེན་བཟང་པོ་ལགས་རྣམ་གཉིས་ཀྱིས་སྤོ་ལོ་རེ་རེ་བླུགས་མཐར་སྤོ་ལོ་གཉིས་དང་ཀླད་ཀོར་ཐོག་ནས་དྷ་ས་ཆིག་སྒྲིལ་རུ་ཁག་ལ་རྒྱལ་ཁ་ཐོབ་ཡོད། དེ་བཞིན་རྩེད་འགྲན་གཉིས་པའི་སྐབས་དོན་གྲུབ་གླིང་རུ་ཁག་དང་ལ་དྭགས་བསོད་ནམས་གླིང་རུ་ཁག་དབར་རྩེད་འགྲན་གནང་སྟེ་དོན་གྲུབ་གླིང་རུ་ཁག་གི་རྩེད་འགྲན་པ་པདྨ་ལྷུན་གྲུབ་ལགས་ཀྱིས་སྤོ་ལོ་གཉིས་བླུགས་པ་དང་དེ་བཞིན་དོན་གྲུབ་ལགས་ཀྱིས་སྤོ་ལོ་གཅིག་བཅས་བླུགས་ཡོད། གཞན་ཡང་ལ་དྭགས་བསོད་ནམས་གླིང་རུ་ཁག་གི་རྩེད་འགྲན་པ་ཚེ་དབང་ལགས་ཀྱིས་སྤོ་ལོ་གཅིག་བླུགས་མཐར་ཁྱོན་སྤོ་ལོ་གསུམ་དང་གཅིག་གི་ཐོག་ནས་དོན་གྲུབ་གླིང་རུ་ཁག་ལ་རྒྱལ་ཁ་ཐོབ་ཡོད།གཞི་རྩའི་ཁ་སང་རྩེད་འགྲན་མཐའ་མའི་རིམ་པ་དང་པོའི་ཉིན་དང་པོ་དེ་ཡིན་པ་དང་། དེ་རིང་ཉིན་གཉིས་པའི་རྩེད་འགྲན་དང་པོ་དེ་སྦིར་རུ་ཁག་དང་སིམ་ལ་རུ་ཁག་གཉིས་དབར་རྩེད་འགྲན་གནང་རྒྱུ་དང་། གཉིས་པར་བདེ་སྐྱིད་གླིང་རུ་ཁག་དང་སྤོན་ཊ་ཆོལ་གསུམ་རུ་ཁག་དབར་རྩེད་འགྲན་གནང་རྒྱུ་ཡིན་པ་རེད།

ཟླ་བ་འདིའི་ཕྱི་ཚེས་ ༡༡ ཉིན་རྒྱ་གར་བྱང་ཕྱོགས་ཧཱི་མ་ཅལ་མངའ་སྡེ་ནང་ཡོད་པའི་པོན་ཊ་ཆོལ་གསུམ་གཞིས་ཆགས་སུ་༸རྒྱལ་ཡམ་ཆེན་མོའི་དྲན་རྟེན་གསེར་གྱི་གཟེངས་རྟགས་རྐང་སྤོལ་རྩེད་འགྲན་ཐེངས་ ༢༧ དབུ་འཛུགས་གནང་འདུགཐེངས་འདིའི་རྩེད་འགྲན་ནང་བོད་མི་གནས་ཡུལ་བལ་ཡུལ་དང་། རྒྱ་གར་བྱང་ཕྱོགས་ནས་རྡ་ས་མཉམ་འབྲེལ་རུ་ཁག་དང་པོན་ཊ་ཆོལ་གསུམ་རུ་ཁག སྒང་ཏོག་གངས་སེང་རུ་ཁག་ཅེས་ཁྱོན་སྡོམ་རུ་ཁག་ ༡༦ མཉམ་ཞུགས་གནང་ཡོད་ཀྱང་། རྒྱ་གར་ལྷོ་ཕྱོགས་གཞིས་ཆགས་ཁག་གི་རུ་ཁག་རྣམས་མཉམ་ཞུགས་གནང་ཐུབ་མེད་པ་རེད།༸རྒྱལ་ཡུམ་ཆེན་མོའི་དྲན་རྟེན་གསེར་གྱི་གཟེངས་རྟགས་རྐང་སྤོལ་རྩེད་འགྲན་ཐེངས་ ༢༧ པའི་དབུ་འབྱེད་མཛད་སྒོའི་ཐོག་སྐུ་མགྲོན་གཙོ་བོ་༸དཔལ་ས་སྐྱ་༸གོང་མ་ཁྲི་འཛིན་ ༤༣ འཁོན་གདུང་ཛྙ་ན་བཛྲ་རིན་པོ་ཆེ་མཆོག་དང་། པོན་ཊ་ས་གནས་སྐོར་སྲུང་བ་ DSP Bir Bhadur མཆོག དམིགས་བསལ་སྐུ་མགྲོན་བོད་མིའི་སྒྲིག་འཛུགས་ཀྱི་འཕྲོད་བསྟེན་དྲུང་ཆེ་དཔལ་ལྡན་དོན་གྲུབ་ལགས་ཀྱིས་གཙོས་པའི་སྐུ་མགྲོན་རྣམ་པ། ཕྱོགས་མཐའ་ཁག་ནས་ཕེབས་པའི་རྩེད་འགྲན་པ་རྣམ་པ། ས་གནས་མི་མང་བཅས་མཛད་སྒོར་མཉམ་ཞུགས་གནང་ཡོད་པ་རེད།སྐབས་དེར་སྐུ་མགྲོན་གཙོ་བོ་༸དཔལ་ས་སྐྱ་༸གོང་མ་ཁྲི་འཛིན་ ༤༣ འཁོན་གདུང་ཛྙ་ན་བཛྲ་རིན་པོ་ཆེ་མཆོག་གིས་རྩེད་འགྲན་པ་ཡོངས་ལ་བླང་དོར་བཀའ་སློབ་ལམ་སྟོན་གནང་ཡོད་པ་དང་དེ་བཞིན་བོད་རྒྱལ་ཡོངས་རྩེད་རིགས་ཚོགས་པའི་སྟོད་གོས་དབུ་འབྱེད་གནང་ཡོད།དམིགས་བསལ་སྐུ་མགྲོན་བོད་མིའི་སྒྲིག་འཛུགས་ཀྱི་འཕྲོད་བསྟེན་དྲུང་ཆེ་དཔལ་ལྡན་དོན་གྲུབ་ལགས་ཀྱིས་རྩེད་འགྲན་གྱི་དེ་བྱུང་ངོ་སྤྲོད་དང་སྦྲགས།...

དེ་རིང་༸རྒྱལ་ཡུམ་ཆེན་མོའི་དྲན་རྟེན་གསེར་གྱི་གཟེངས་རྟགས་རྐང་རྩེད་སྤོ་ལོའི་འགྲན་བསྡུར་ཐེངས་ ༢༦ པའི་མཐའ་མའི་རྩེད་འགྲན་དེ་སིམ་ལ་རུ་ཁག་དང་ TCB སྦིར་རུ་ཁག་གཉིས་དབར་གནང་གི་ཡོད་པ་རེད།བོད་རྒྱལ་ཡོངས་རྩེད་རིགས་ཚོགས་པའི་གོ་སྒྲིག་འོག་ཟླ་བ་འདིའི་ཚེས་ ༡ ནས་རྒྱ་གར་བྱང་ཕྱོགས་བོད་མི་གནས་ཡུལ་གྱི་ས་གནས་ Clement town དོན་གྲུབ་གླིང་གཞིས་སྒར་གྱི་རྐང་རྩེད་སྤོ་ལོའི་རྩེད་ཐང་དུ་༸རྒྱལ་ཡུམ་ཆེན་མོ་དྲན་རྟེན་རྐང་སྤོལ་རྩེད་འགྲན་ཐེངས་ ༢༦ པ་རྩེད་འགྲན་གནང་བཞིན་ཡོད་པ་ལྟར། ཁ་སང་ཕྱི་དྲོ་སྡེ་ཚན་གཉིས་ཀྱི་རྩེ་ཕུད་སོན་པའི་རུ་ཁག་བཞིའི་དབར་ Semi Final ཞེས་མཐའ་མའི་འགྲན་བསྡུར་རིམ་པ་གཉིས་པ་དེ་གནང་ཡོད་པའི་ཁོངས་སུ་རྩེད་འགྲན་དང་པོ་དེ་སིམ་ལ་རུ་ཁག་དང་དོན་གྲུབ་གླིང་རུ་ཁག་གཉིས་དབར་རྩེད་འགྲན་གནང་སྟེ་སྤོ་ལོ་གཉིས་དང་གཅིག་གི་ཐོག་ནས་སིམ་ལ་རུ་ཁག་ལ་རྒྱལ་ཁ་ཐོབ་ཡོད།རྩེད་འགྲན་གཉིས་པ་དེ་ལ་དྭགས་བསོད་ནམས་གླིང་རུ་ཁག་དང་ TCB སྦིར་རུ་ཁག་གཉིས་དབར་གནང་བ་ལས་སྤོ་ལོ་གཅིག་དང་ཀླད་ཀོར་ཐོག་ནས་སྦིར་རུ་ཁག་ལ་རྒྱལ་ཁ་ཐོབ་ཡོད་སྟབས་དེ་རིང་ཕྱི་དྲོ་ཚོུད་ ༦ ཐོག་སྐུ་མགྲོན་གཙོ་བོ་དབུ་བཞུགས་ཐོག་༸རྒྱལ་ཡུམ་ཆེན་མོའི་དྲན་རྟེན་གསེར་གྱི་གཟེངས་རྟགས་རྐང་རྩེད་སྤོ་ལོའི་འགྲན་བསྡུར་ཐེངས་ ༢༦ པའི་མཐའ་མའི་རྩེད་འགྲན་དེ་སིམ་ལ་རུ་ཁག་དང་ TCB སྦིར་རུ་ཁག་གཉིས་དབར་གནང་གི་ཡོད།རྩ་བའི་ཐེངས་འདིའི་༸རྒྱལ་ཡུམ་ཆེན་མོའི་དྲན་རྟེན་གསེར་གྱི་གཟེངས་རྟགས་རྐང་རྩེད་སྤོ་ལོའི་འགྲན་བསྡུར་ནང་རྒྱ་གར་དང་བལ་ཡུལ་ཁུལ་ནས་བོད་པའི་རུ་ཁག་བཅུས་མཉམ་ཞུགས་གནང་ཡོད་པ་དང་། རུ་ཁག་བཅུ་པོ་དེ་དག་སྡེ་ཚན་གཉིས་སུ་འཆར་འགོད་ཐོག་ཕྱི་ཚེས་ ༡...

༸རྒྱལ་ཡུམ་ཆེན་མོའི་དྲན་རྟེན་གསེར་གྱི་གཟེངས་རྟགས་རྐང་རྩེད་སྤོ་ལོའི་འགྲན་བསྡུར་ཐེངས་ ༢༦ པ་དེ་ཉེ་ཆར་ཟླ་བ་འདིའི་ཕྱི་ཚེས་ ༡ ཉིན་གྱི་དགོང་དྲོ་རྒྱ་གར་བྱང་ཕྱོགས་བོད་མི་གནས་ཡུལ་གྱི་ས་གནས་ Clement town དོན་གྲུབ་གླིང་གཞིས་སྒར་གྱི་རྐང་རྩེད་སྤོ་ལོའི་རྩེད་ཐང་དུ་རྐང་སྤོལ་རུ་ཁག་རྣམས་ཀྱིས་རུ་དར་འཕྱར་ཏེ་རུ་སྒྲིག་གནང་བ་དང་དེ་བཞིན་རྔ་རོལ་དང་བཅས་བོད་རྒྱལ་ཁབ་ཆེན་པོའི་རྒྱལ་གླུ་དབྱངས་སུ་གྱེར་བའི་ཐོག་ནས་མཛད་སྒོ་དབུ་འཛུགས་གནང་ཡོད།  སྐབས་དེར་རྩེད་འགྲན་དབུས་འབྱེད་མཛད་སྒོའི་སྐུ་མགྲོན་གཙོ་བོར་བོད་མིའི་སྒྲིག་འཛུགས་ཀྱི་འཕྲོད་བསྟེན་དྲུང་ཆེ་དཔལ་ལྡན་དོན་གྲུབ་ལགས་དང་དམིགས་བསལ་སྐུ་མགྲོན་དུ་མ་སུ་རི་བོད་ཁྱིམ་གྱི་སྤྱི་ཁྱབ་དྲུང་ཆེ་ཀརྨ་ཆུང་དག་ལགས། དེ་བཞིན་དོན་གྲུབ་གླིང་ས་གནས་ཀྱི་དྲུང་ཆེ་བླ་མ་ཕུན་ཚོགས་ལགས། བོད་རྒྱལ་ཡོངས་རྩེད་རིགས་ཚོགས་པའི་དྲུང་ཆེ་བསྟན་འཛིན་རིན་ཆེན་ལགས། གཞུང་དང་གཞུང་འབྲེལ་མིན་པའི་ཚོགས་པ་ཁག་གི་སྐུ་ཚབ་དང་ཕྱི་ནང་གི་གཟིགས་མོ་བ་སོགས་མཉམ་ཞུགས་གནང་ཡོད་པ་རེད། སྐུ་མགྲོན་གཙོ་བོ་བོད་མིའི་སྒྲིག་འཛུགས་ཀྱི་འཕྲོད་བསྟེན་དྲུང་ཆེ་དཔལ་ལྡན་དོན་གྲུབ་ལགས་ཀྱིས་འཕྲོད་བསྟེན་ལས་ཁུངས་ནས་བོད་མིའི་ལུས་སེམས་གཉིས་ཀྱི་འཕྲོད་བསྟེན་བདེ་ཐབས་ཐོག་ད་བར་སྤེལ་བའི་ལས་གཞི་ཁག་ཅིག་ངོ་སྤྲོད་གནང་བ་དང་། ལྷག་པར་དུ་རྐང་རྩེད་སྤོ་ལོའི་རྩེད་འགྲན་དང་འབྲེལ་ཏེ་གོ་སྒྲིག་གནང་མཁན་དང་རྒྱབ་སྐྱོར་གནང་མཁན་ཡོངས་ལ་ཐུགས་རྗེ་ཆེ་ཞུས་པ་དང་ཆབས་ཅིག རྩེད་འགྲན་གནང་སྐབས་སུ་རྒྱལ་ཕམ་ཡོང་ངེས་ཡིན་སྟབས་རུ་ཁག་ནང་ཕན་ཚུན་དབར་བཟང་སྤྱོད་ལྡན་པའི་ཐོག་ནས་རྩེད་འགྲན་གནང་བ་ལས་དགོས་མེད་མ་སྐྱིད་པ་འབྱུང་གཞི་རིགས་གཏན་ནས་མ་གནང་རོགས་ཞེས་གཞེན་སྐུལ་ནན་པོ་གནང་ཡོད།དེ་བཞིན་བོད་རྒྱལ་ཡོངས་རྩེད་རིགས་ཚོགས་པའི་དྲུང་ཆེ་བསྟན་འཛིན་རིན་ཆེན་ལགས་ཀྱིས་ཐེངས་འདིའི་རྩེད་འགྲན་གོ་སྒྲིག་གི་བྱུང་རིམ་ཁག་ངོ་སྤྲོད་དང་འབྲེལ། ༸རྒྱལ་ཡུམ་ཆེན་མོའི་དྲན་རྟེན་གསེར་གྱི་གཟེངས་རྟགས་རྐང་རྩེད་སྤོ་ལོའི་འགྲན་བསྡུར་འདི་སྤང་སྟེང་དུ་རྩེད་རྒྱུ་དང་རྩེད་འགྲན་དེ་ཉིན་མཚན་གཉིས་ཀར་རྩེད་དགོས་པ། དེ་བཞིན་རྩེད་འགྲན་གྱི་བྱ་དགའ་ཡུ་མ་དངུལ་དེ་སྔར་ལས་མང་དུ་བཏང་ཡོད་པ་མ་ཟད། རྩེད་འགྲན་རེ་རེའི་གྲུབ་མཚམས་སུ་རྩེད་མོ་བ་ཡག་ཤོས་དེར་བྱ་དགའ་ཞིག་ཀྱང་གྲ་སྒྲིག་གནང་ཡོད་པར་གསུངས་ཡོད།  དབུ་འབྱེད་མཛད་སྒོ་གྲུབ་མཚམས་སུ་འདི་ལོ་༸རྒྱལ་ཡུམ་ཆེན་མོའི་དྲན་རྟེན་གསེར་གྱི་གཟེངས་རྟགས་རྐང་རྩེད་སྤོ་ལོའི་འགྲན་བསྡུར་ཐེངས་ ༢༦ པའི་རྩེད་འགྲན་ཐོག་མ་དེ་དོན་གྲུབ་གླིང་གི་རུ་ཁག་དང་སིམ་ལ་རུ་ཁག་གཉིས་དབར་རྩེད་འགྲན་གནང་སྟེ་སིམ་ལ་རུ་ཁག་གིས་སྤོ་ལོ་བཞི་དང་དོན་གྲུབ་གླིང་རུ་ཁག་གིས་སྤོ་ལོ་གཉིས་བཅས་བླུགས་མཐར་སིམ་ལ་རུ་ཁག་ལ་རྒྱལ་ཁ་ཐོབ་ཡོད། རྩ་བའི་ཐེངས་འདིའི་༸རྒྱལ་ཡུམ་ཆེན་མོའི་དྲན་རྟེན་གསེར་གྱི་གཟེངས་རྟགས་རྐང་རྩེད་སྤོ་ལོའི་འགྲན་བསྡུར་ནང་རྒྱ་གར་དང་བལ་ཡུལ་ཁུལ་ནས་བོད་པའི་རུ་ཁག་བཅུས་མཉམ་ཞུགས་གནང་ཡོད་པ་དང་། རུ་ཁག་བཅུ་པོ་དེ་དག་སྡེ་ཚན་གཉིས་སུ་འཆར་འགོད་ཐོག་ཕྱི་ཚེས་ ༡ ནས་ ༧ བར་སྡེ་ཚན་སོ་སོའི་ནང་གི་རུ་ཁག་ཕན་ཚུན་དབར་རྩེད་འགྲན་གནང་སྟེ་ཕྱི་ཚེས་...

བོད་མིའི་སྒྲིག་འཛུགས་ཀྱི་འཕྲོད་བསྟེན་ཁྱབ་ཁོངས་སུ་དེབ་སྐྱེལ་བྱས་ཡོད་པའི་བོད་རྒྱལ་ཡོངས་རྩེད་རིགས་ཚོགས་པས་གསལ་བསྒྲགས་ཤིག་སྤེལ་བའི་ནང་དུ། འདི་ལོའི་༸རྒྱལ་ཡུམ་ཆེན་མོའི་དྲན་རྟེན་གསེར་གྱི་གཟེངས་རྟགས་རྐང་རྩེད་སྤོ་ལོའི་འགྲན་བསྡུར་ཐེངས་ ༢༦ པ་དེ་རྒྱ་གར་བྱང་ཕྱོགས་ལྡེ་ར་ལྡུན་ཁུལ་དུ་ཟླ་བ་རྗེས་མའི་ཚེས་ ༡ ནས་༡༢ བར་སྐོང་འཚོགས་གནང་རྒྱུ་ཡིན་པར་བསྒྲགས་འདུགཁ་སང་རྩེད་རིགས་ཚོགས་པས་སྤེལ་བའི་གསལ་བསྒྲགས་ནང་དུ། རྐང་སྤོལ་འགྲན་བསྡུར་ནང་འཛུལ་ཞུགས་བྱེད་མཁན་གྱི་རྩེད་འགྲན་པ་ཡོངས་ཀྱིས་ཏོག་དབྱིབས་གཉན་རིམས་ཀྱི་འགོག་ཁབ་དང་པོ་ངེས་བར་དུ་སྐྱོན་ཟིན་པ་ཞིག་དགོས་པ་མ་ཟད། རྩེད་འགྲན་ལ་ཞུགས་སྐབས་ཀྱང་རིམས་ནད་བརྟད་དཔྱད་ཀྱི་དཔང་ཡིག   RT-PCR ཞེས་པ་དེ་ངེས་བར་དུ་བསྣམས་ནས་ཕེབས་དགོས་བའི་རེ་འདུན་ཞུས་འདུག འདི་གའི་གསར་འགོད་པས་བོད་རྒྱལ་ཡོངས་རྩེད་རིགས་ཚོགས་པའི་འགན་འཛིན་བསྟན་འཛིན་རིན་ཆེན་ལགས་སུ་འདི་ལོའི་རྐང་སྤོལ་འགྲན་བསྡུར་དུ་འགྲན་ཞུགས་རུ་ཁག་དང་རིམས་ནད་སྔོན་འགོག་གི་གྲ་སྒྲིག་སོགས་ཀྱི་ཐད་ནས་བཀའ་འདྲི་ཁག་ཅིག་ཞུས་པར་ཁོང་གིས། གཞི་རྩའི་རིམས་ནད་ཀྱི་རྐྱེན་གྱིས་སྔར་ལོའི་ ༸རྒྱལ་ཡུམ་ཆེན་མོའི་དྲན་རྟེན་གསེར་གྱི་གཟེངས་རྟགས་རྐང་རྩེད་སྤོ་ལོའི་འགྲན་བསྡུར་ཐེངས་ ༢༦ པ་དེ་དུས་བསྟུན་གྱིས་སྐོང་འཚོགས་མ་ཐུབ་པར་ཕྱིར་འགྱངས་བྱེད་དགོས་འཁེལ་བ་དང་འབྲེལ། ད་ཆ་རྒྱལ་སྤྱིའི་སྤྱི་ཚོགས་གང་སར་རྩེད་འགྲན་རིགས་ཡོངས་སུ་བསྐྱར་དུ་སྒོ་འབྱེད་བྱེད་བཞིན་པ་དང་འབྲེལ་ནས་འདི་ལོའི་རྩེད་འགྲན་དེ་རིམས་ནད་བརྟག་དཔྱད་ཀྱི་སྔོན་འགོག་ཆ་རྐྱེན་དུ་བཞག་པའི་ཐོག་ནས་སྐོང་འཚོགས་གནང་རྒྱུ་ཡིན་པར་འགྲེལ་བརྗོད་གནང་སོང་། དེ་བཞིན་རིན་ཆེན་ལགས་ཀྱིས་ངོ་སྤྲོད་གནང་བའི་ནང་དུ། ད་ལྟའི་ཆར་འདི་ལོའི་རྩེད་འགྲན་ལ་འཛུལ་ཞུགས་གནང་མཁན་གྱི་ཁོངས་སུ་རྒྱ་གར་ལྷོ་བྱང་གཉིས་དང་ལ་དྭགས། དེ་བཞིན་བལ་ཡུལ་ནས་རུ་ཁག་གཅིག་བཅས་ཀྱི་ཁྱོན་སྡོམ་རུ་ཁག་བཅུ་ཡོད་པ་དང་། སྔོན་ཆད་རྩེད་འགྲན་ལ་འཛུལ་ཞུགས་བྱེད་མ་མྱོང་བའི་ཇཱ་ལན་ཌ་བོད་རང་བཙན་སློབ་ཕྲུག་ཚོགས་པའི་རུ་ཁག་གསར་བ་ཞིག་ཀྱང་ཡོད་པར་འགྲེལ་བརྗོད་གནང་སོང་། གཞན་ཡང་ཁོང་གིས་བོད་རྒྱལ་ཡོངས་རྩེད་རིགས་ཚོགས་པ་དེ་འཕྲོད་བསྟེན་ལས་ཁུངས་ཀྱི་ཁྱབ་ཁོངས་སུ་དེབ་སྐྱེལ་བྱས་པ་ནས་བཟུང་སྤྱི་ཡོངས་ཀྱི་རྩེད་རིགས་ཀྱི་རྣམ་གྲངས་དང་ལས་གཞི་མང་དུ་བཏང་ཡོད་ནའང་། རིམས་ནད་ཀྱི་རྐྱེན་གྱིས་གནས་སྐབས་སུ་ལག་བསྟར་བྱེད་ཐུབ་མེད་ཀྱང་། འདི་ལོའི་རྐང་སྤོལ་རྩེད་འགྲན་གྱི་སྐབས་སུ་ཡོངས་གྲགས་ཀྱིས་ལས་འཆར་ཁག་གསལ་བསྒྲགས་གནང་རྒྱུ་ཡིན་པར་གསུངས་སོང་།གཞི་རྩ གཞི་རྩའི་༸རྒྱལ་ཡུམ་ཆེན་མོའི་དྲན་རྟེན་གསེར་གྱི་གཟེངས་རྟགས་རྐང་རྩེད་སྤོ་ལོའི་འགྲན་བསྡུར་ནི་ཐོག་མར་ཕྱི་ལོ་ ༡༩༨༡ ལོར་སྤྱི་ནོར་༸གོང་ས་༸སྐྱབས་མགོན་སྐུ་ཕྲེང་བཅུ་བཞི་པ་ཆེན་པོ་མཆོག་གི་༸རྒྱལ་ཡུམ་ཆེན་མོ་བདེ་སྐྱོད་ཚེ་རིང་མཆོག་དམ་པའི་བཀའ་དྲིན་རྗེས་དྲན་ཞུ་ཕྱིར་དབུ་འཛུགས་གནང་དོན་ལྟར་ད་བར་ཁྱོན་རྩེད་འགྲན་ཐེངས་...