Tibetan Royal Year of 2151 | Year of the Wood Dragon

༸རྒྱལ་ཡུམ་ཆེན་མོའི་དྲན་རྟེན་རྐང་སྤོལ་རྩེད་འགྲན་ཐེངས་ ༢༧ དབུ་འཛུགས།

Tibetan News Headlines

  • སྔོན་རྩིས་མ་དངུལ་སྒོར་ས་ཡ་ ༣༣༣༡ ལྷག་གཏན་འབེབས་ཐོག་གྲོས་ཚོགས་ཚོགས་དུས་ ༧ པ་མཇུག་སྒྲིལ།
  • རྒྱ་ནག་གིས་སྡེ་དགེ་ཁུལ་ནས་བོད་མི་བཅུ་ལྷག་འཛིན་བཟུང་གིས་གར་སོང་ཆ་མེད་དུ་གྱུར་འདུག
  • རྒྱ་དཀར་ནག་གཉིས་ཀྱི་མཐའ་མཚམས་གྲོས་མོལ་ཁྲོད་གྲུབ་འབྲས་གང་ཡང་བྱུང་མེད་པ་མངོན་གསལ།
  • སྐད་ཡིག་ཕུན་སུམ་ཚོགས་པའི་བོད་རིགས་ན་གཞོན་བཅུ་ཕྲག་གིས་བོད་དོན་སྐོར་བསྐྱོད་གནང་ན་རྒྱ་གར་གྱི་སྲིད་བྱུས་ལ་འགྱུར་བ་ཐེབས་ངེས་ཡིན་པ་གསུངས་འདུག
  • ཨོ་གླིང་གྲོས་ཚོགས་འཐུས་མིའི་བོད་དོན་རྒྱབ་སྐྱོར་ཚོགས་པའི་ཟུང་སྦྲེལ་ཚོགས་ཟུར་ Janet Rice ལགས་ལ་ཕེབས་སྐྱེལ་དང་ཟུང་སྦྲེལ་ཚོགས་གཙོ་གསར་པར་ཕེབས་བསུ་ཞུས་པ།
  • མལ་དིལྦ་ནང་འཐུང་ཆུའི་དཀའ་ངལ་སེལ་སླད་བོད་ཀྱི་གཏེར་ཆུ་ཏུན་ ༡༥༠༠ མཁོ་སྤྲོད་བྱས་འདུག

Friday 29/03/2024

  • TPiE concludes 7th session, approves budget of over ₹ 3331 Million
  • China arrests 10 Tibetans from Derge county, whereabouts unknown
  • No breakthrough in India-China dialogue
  • Need of training for educated young Tibetans to influence India’s policy on Tibet: Tenzin Tsundue
  • Tibetans in Australia bid farewell for Senator Janet Rice, welcomes new co-chair for parliamentary Tibet group
  • Now China sends 1,500 tonnes of drinking water from Tibet to Maldives

ཟླ་བ་འདིའི་ཕྱི་ཚེས་ ༡༡ ཉིན་རྒྱ་གར་བྱང་ཕྱོགས་ཧཱི་མ་ཅལ་མངའ་སྡེ་ནང་ཡོད་པའི་པོན་ཊ་ཆོལ་གསུམ་གཞིས་ཆགས་སུ་༸རྒྱལ་ཡམ་ཆེན་མོའི་དྲན་རྟེན་གསེར་གྱི་གཟེངས་རྟགས་རྐང་སྤོལ་རྩེད་འགྲན་ཐེངས་ ༢༧ དབུ་འཛུགས་གནང་འདུགཐེངས་འདིའི་རྩེད་འགྲན་ནང་བོད་མི་གནས་ཡུལ་བལ་ཡུལ་དང་། རྒྱ་གར་བྱང་ཕྱོགས་ནས་རྡ་ས་མཉམ་འབྲེལ་རུ་ཁག་དང་པོན་ཊ་ཆོལ་གསུམ་རུ་ཁག སྒང་ཏོག་གངས་སེང་རུ་ཁག་ཅེས་ཁྱོན་སྡོམ་རུ་ཁག་ ༡༦ མཉམ་ཞུགས་གནང་ཡོད་ཀྱང་། རྒྱ་གར་ལྷོ་ཕྱོགས་གཞིས་ཆགས་ཁག་གི་རུ་ཁག་རྣམས་མཉམ་ཞུགས་གནང་ཐུབ་མེད་པ་རེད།༸རྒྱལ་ཡུམ་ཆེན་མོའི་དྲན་རྟེན་གསེར་གྱི་གཟེངས་རྟགས་རྐང་སྤོལ་རྩེད་འགྲན་ཐེངས་ ༢༧ པའི་དབུ་འབྱེད་མཛད་སྒོའི་ཐོག་སྐུ་མགྲོན་གཙོ་བོ་༸དཔལ་ས་སྐྱ་༸གོང་མ་ཁྲི་འཛིན་ ༤༣ འཁོན་གདུང་ཛྙ་ན་བཛྲ་རིན་པོ་ཆེ་མཆོག་དང་། པོན་ཊ་ས་གནས་སྐོར་སྲུང་བ་ DSP Bir Bhadur མཆོག དམིགས་བསལ་སྐུ་མགྲོན་བོད་མིའི་སྒྲིག་འཛུགས་ཀྱི་འཕྲོད་བསྟེན་དྲུང་ཆེ་དཔལ་ལྡན་དོན་གྲུབ་ལགས་ཀྱིས་གཙོས་པའི་སྐུ་མགྲོན་རྣམ་པ། ཕྱོགས་མཐའ་ཁག་ནས་ཕེབས་པའི་རྩེད་འགྲན་པ་རྣམ་པ། ས་གནས་མི་མང་བཅས་མཛད་སྒོར་མཉམ་ཞུགས་གནང་ཡོད་པ་རེད།སྐབས་དེར་སྐུ་མགྲོན་གཙོ་བོ་༸དཔལ་ས་སྐྱ་༸གོང་མ་ཁྲི་འཛིན་ ༤༣ འཁོན་གདུང་ཛྙ་ན་བཛྲ་རིན་པོ་ཆེ་མཆོག་གིས་རྩེད་འགྲན་པ་ཡོངས་ལ་བླང་དོར་བཀའ་སློབ་ལམ་སྟོན་གནང་ཡོད་པ་དང་དེ་བཞིན་བོད་རྒྱལ་ཡོངས་རྩེད་རིགས་ཚོགས་པའི་སྟོད་གོས་དབུ་འབྱེད་གནང་ཡོད།དམིགས་བསལ་སྐུ་མགྲོན་བོད་མིའི་སྒྲིག་འཛུགས་ཀྱི་འཕྲོད་བསྟེན་དྲུང་ཆེ་དཔལ་ལྡན་དོན་གྲུབ་ལགས་ཀྱིས་རྩེད་འགྲན་གྱི་དེ་བྱུང་ངོ་སྤྲོད་དང་སྦྲགས། ༸རྒྱལ་ཡུམ་ཆེན་མོ་དམ་པ་དེ་ཉིད་ཀྱི་བཀའ་དྲིན་རྗེས་སུ་དྲན་པའི་ཐོག་ནས་རང་ཉིད་ཀྱི་ཨ་མ་གལ་ཆེན་པོ་ཡིན་པ་དང་ངེས་པར་དུ་བཀའ་དྲིན་རྗེས་དྲན་ཞུ་དགོས་པའི་དྲན་སྐུལ་གནང་སོང་། དེ་བཞིན་བོད་རྒྱལ་ཡོངས་རྩེད་རིགས་ཚོགས་པའི་འགན་འཛིན་བསྟན་འཛིན་རིན་ཆེན་ལགས་ཀྱིས་རྩེད་འགྲན་འདི་ཉིད་པོན་ཊ་བོད་མི་ཆོལ་གསུམ་གཞིས་ཆགས་སུ་གནང་གཏན་ཁེལ་བའི་རྒྱབ་ལྗོངས་དང་འབྲེལ། རྩེད་འགྲན་མཐའ་མའི་བྱ་དགའ་གསོལ་རས་མཐུན་འགྱུར་གནང་མཁན་སྦྱིན་བདག་རྣམ་པར་ཐུགས་རྗེ་ཆེ་ཞུས་ཡོད།རྩ་བའི་རྩེད་འགྲན་ཉིན་དང་པོར་དྷ་ས་མཉམ་འབྲེལ་རུ་ཁག་དང་པོན་ཊའི་ཆོལ་གསུམ་རུ་ཁག་གཉིས་དབར་རྩེད་འགྲན་གནང་སྟེ་སྤོ་ལོ་ ༡ དང་ ༠ སྒོ་ནས་དྷ་ས་མཉམ་འབྲེལ་རུ་ཁག་ལ་རྒྱལ་ཁ་ཐོབ་ཡོད།ཤེས་རྟོགས་བྱུང་བར་འདི་ལོའི་༸རྒྱལ་ཡུམ་ཆེན་མོའི་དྲན་རྟེན་གསེར་གྱི་གཟེངས་རྟགས་རྐང་སྤོལ་རྩེད་འགྲན་གྱི་བྱ་དགར་གཞིགས་ན། ཨང་རིམ་དང་པོར་སོན་པར་ཧིན་སྒོར་འབུམ་གཉིས་དང་། ཨང་རིམ་གཉིས་པ་སོན་པར་ཧིན་སྒོར་འབུམ་གཅིག་དང་ཕྱེད་ཀ་བཅས་གནང་གི་འདུག འབྲེལ་ཡོད་པར་ཁག་གི་བདག་དབང་ Gyana Vajra Sakya

འབྲེལ་ཡོད་གསར་གནས།

གསར་གནས།