ཁེ་ན་ཌའི་ཕྱོགས་འགལ་ཚོགས་པ་ནས་བོད་མིར་གདུང་སེམས་མཉམ་བསྐྱེད་ཡོད།

ཟླ་བ་འདིའི་ཚེས་ ༡༠ ཉིན་བོད་མིའི་རང་དབང་སྒེར་ལངས་གནང་བའི་གསུམ་བཅུའི་དུས་དྲན་ཉིན་མོ་དེ་ནི་བོད་མི་རྣམས་བཙན་བྱོལ་དུ་གྱར་ནས་མི་ལོ་ ༦༠ འཁོར་བའི་དུས་ཚིགས་ཁེལ་གྱི་ཡོད་སྟབས། རྒྱལ་སྤྱིའི་ཁྲོད་བོད་མིའི་འཐབ་རྩོད་ལ་རྒྱབ་སྐྱོར་དང་འབྲེལ་བོད་ཀྱི་རྒྱལ་དར་སྒྲེང་འཛུགས་ཀྱི་ལས་དོན་དང། བོད་དོན་དྲིལ་བསྒྲགས་སླད་གོམ་བགྲོད་སོགས་ཀྱི་ལས་གཞི་འདྲ་མིན་སྤེལ་མཁན་མང་དག་ཅིག་བྱུང་ཡོད་པ་རེད། ཐེངས་འདིའི་གསུམ་བཅུའི་དུས་དྲན་དང་བསྟུན་ཁ་ཉིན་ཁེ་ན་ཌ་རྙིང་ཞེན་ཚོགས་པ་དང་ཕྱོགས་འགལ་ཚོགས་པའི་འགོ་ཁྲིད་སྐུ་ཞབས་ Andrew Scheer ལགས་ཀྱིས་བོད་དོན་འཐབ་རྩོད་ལ་གདུང་སེམས་མཉམ་བསྐྱེད་ཡོད་པའི་སྤྱི་བསྒྲགས་ཤིག་སྤེལ་འདུག ཁ་སང་ CanadaTibetCommittee ཞེས་བོད་དོན་རྒྱབ་སྐྱོར་ཚོགས་པའི་ Twitter ཐོག་ཁེ་ན་ཌའི་ཕྱོགས་འགལ་ཚོགས་པའི་འགོ་ཁྲིད་སྐུ་ཞབས་ Andrew Scheer ལགས་ནས་ཁེ་ན་ཌར་གནས་བཞུགས་བོད་མི་རྣམས་ལ་གདུང་སེམས་མཉམ་བསྐྱེད་ཡོད་པའི་སྤྱི་བསྒྲགས་ཤིག་སྤེལ་འདུག སྤྱི་བསྒྲགས་དེའི་ནང་སྐུ་ཞབས་  Andrew Scheer ལགས་ཀྱིས་ད་རེས་བོད་མི་ཚོས་སླར་ཡང་རང་སྲིད་རང་སྐྱོང་རྩོད་བཞིན་པ་དང་སྦྲགས། འདི་ལོའི་གསུམ་བཅུའི་དུས་དྲན་འདི་ནི་བོད་མི་རྣམས་ཀྱིས་དྲང་བདེན་དང། འདྲ་མཉམ་སླད་སྙིང་སྟོབས་ཞུམ་པ་མེད་པའི་སྒོ་ནས་འཚེ་མེད་ཞི་བའི་འཐབ་རྩོད་གནང་ནས་མི་ལོ་ ༦༠...