གནངས་ཉིན་སྐབས་ ༡༧ པའི་བདམས་ཐོན་སྤྱི་འཐུས་རྣམས་ཀྱིས་དམ་འབུལ་གནང་གཏན་འཁེལ་འདུག

ཉེ་ཆར་ཟླ་བ་འདིའི་ཕྱི་ཚེས་ ༤ ཉིན་བཞུགས་སྒར་དུ་རྟེན་གཞི་བྱས་པའི་བོད་མིའི་གཞུང་འབྲེལ་མ་ཡིན་པའི་ཚོགས་པ་ཆེ་གྲས་བོད་ཀྱི་གཞོན་ནུ་ལྷན་ཚོགས་དང་བོད་ཀྱི་བེུད་མེད་ལྷན་ཚོགས། བོད་རྒྱལ་ཡོངས་མང་གཙོ་ཚོགས་པ། རྒྱ་གར་བོད་རང་བཙན་སློབ་ཕྲུག་ཚོགས་པ་བཅས་ཀྱི་ཚོགས་གཙོ་དང་འགན་འཛིན་རྣམ་པས་གསར་འགོད་ལྷན་ཚོགས་ཤིག་གནང་སྟེ་ད་ཆ་སྐབས་ ༡༧ པའི་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་ཚོགས་གཞོན་འོས་འདེམས་མ་ཐུབ་པ་དང་འཛིན་སྐྱོང་བཀའ་ཤག་གི་བཀའ་བློན་བསྐོ་གཞག་མ་ཐུབ་པ་སོགས་དགྲ་དགའ་གཉེན་སྡུག་གི་གནས་སྟངས་འདི་དག་གི་འབྱུང་རྐྱེན་གཙོ་བོ་ནི་ནང་ཁུལ་བཟོད་བསྲན་དང་། ཁོག་ཡངས། གཅིག་གིས་གཅིག་ལ་བརྩི་བཀུར་མ་ཞུས་པའི་རྐྱེན་གྱིས་ཡིན་པ་སོགས་ཀྱི་གནད་དོན་འབའ་ཞིག་ལ་ཐུག་པར་འགྲེལ་བརྗོད་དང་སྦྲགས། དེ་སྔ་ཕྱི་ཟླ་ ༦ ཚེས་ ༨ ཉིན་བདམས་ཐོན་སྤྱི་འཐུས་ ༤༤ ནས་དམ་འབུལ་ཞུ་ཡུལ་ཁག་གཉིས་ཀྱི་ཐོག་ནས་དམ་འབུལ་བཞེས་ཟིན་སྟབས་ནང་ཁུལ་ཁྲིམས་སྒྲིག་གི་འགྲེལ་བཤད་ལས་གལ་ཆེ་བ་བོད་མིའི་རྩ་དོན་འཐབ་རྩོད་ཀྱི་གཞི་རྩ་བོད་མིའི་མང་གཙོའི་གཞུང་འདི་བསྐྱར་གསོ་དང་རྒྱུན་གནས་ཐུབ་ཕྱིར་སྤྱི་འཐུས་རྣམ་པ་བཞུགས་མོལ་ཚོགས་འདུ་ཚོགས་ནས་མང་མོས་ཀྱི་ཐག་གཅོད་གང་བྱུང་བའི་ཐོག་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་ཚོགས་གཞོན་འོས་འདེམས་དང་འཛིན་སྐྱོང་བཀའ་ཤག་གི་བཀའ་བློན་འོས་འདེམས་སོགས་གྲོས་ཚོགས་ཀྱི་ལས་རིམ་སྔར་རྒྱུན་བཞིན་འགྲོ་ཐུབ་རྒྱུར་འབྲེལ་ཡོད་ཚང་མས་དགོངས་པ་བཞེས་རོགས་ཞེས་གཞེན་སྐུལ་གནང་ཡོད། གཞུང་ཁོངས་མ་ཡིན་པའི་ཚོགས་ཁག་བཞིའི་རེ་སྐུལ་དེར་ཁ་སང་ཕྱི་ཚེས་ ༡༡ ཉིན་དེ་སྔ་བཙན་བྱོལ་བོད་མིའི་བཅའ་ཁྲིམས་དོན་ཚན་ ༤༧ དགོངས་དོན་ལྟར་བར་བརྒལ་ཚོགས་གཙོའི་དྲུང་ནས་དམ་འབུལ་ཞུ་མཁན་ཁོངས་སུ་ཡོད་པ་དབུས་གཙང་དང་མདོ་སྨད་སྤྱི་འཐུས་ ༡༩ ཐུན་མོང་གིས་ཤོག་གྲངས་ལྔ་ཅན་གྱི་གསལ་བཤད་ཅིག་གནང་འདུག་པ་དང་། དེའི་ནང་ཚོགས་ཁག་བཞིས་ཕྱོགས་གཉིས་འདུམ་འགྲིག་ཡོང་ཐབས་ལ་ནང་ཁུལ་ཞི་ལྷིང་གྲོས་མོལ་གྱི་ཐབས་ལམ་མི་བསྟེན་པ་དང་ཁྲིམས་མཐུན་དམ་འབུལ་མི་ཞུ་མཁན་ལ་གོ་སྐོན་གསལ་བཤད་གནང་རྒྱུའི་ཚབ་ཏུ་ཁྲིམས་མཐུན་དམ་འབུལ་ཞུས་ཏེ་འགྲིག་འཇགས་ཡོང་རྒྱུར་འབད་བརྩོན་ཞུ་མཁན་ཚོ་ཁྲིམས་འགལ་ནང་འཛུལ་རོགས་ཞེས་ཨུ་ནན་བྱེད་སྟངས་བཅས་ལ་གཞིགས་ན་ནང་ཀུན་སློང་༸གོང་ས་མཆོག་གིས་གསོལ་སྩལ་མཛད་པའི་མང་གཙོའི་སྒྲིག་འཛུགས་འདི་གཏོར་འདོད་རེད་ཟེར་དཀའ་ཡང་ཕྱིའི་ཀུན་སྤྱོད་བཅའ་ཁྲིམས་རིན་པོ་ཆེ་དང་མང་གཙོའི་སྒྲིག་འཛུགས་འདི་ཉིད་གཏོར་བཤིག་ལ་རོགས་ཕན་གནང་གི་ཡོད་པར་ངོས་འཛིན་མི་བྱེད་ཐབས་མེད་རེད་ཅེས་བཀོད་འདུགཚོགས་ཁག་བཞིས་ད་ལྟའི་རྩོད་རྙོག་གི་འབྱུང་རྩ་ནི་ཆེས་མཐོའི་ཁྲམས་ཞིབ་ཁང་གིས་སྤྱི་འཐུས་རྒྱུན་ལས་ ༡༡...

སྐབས་ ༡༧ པའི་བོད་མི་མང་སྤྱི་འཐུས་ལྷན་ཚོགས་སུ་བདམས་ཐོན་བྱུང་བའི་འཐུས་མི་རྣམ་པ་སྡིངས་ཆ་གཅིག་གི་ཐོག་ཏུ་བབས་ནས་ཚོགས་གཙོ་ཚོགས་གཞོན་གྱི་འོས་བསྡུའི་ལས་རིམ་ལ་ཕེབས་མ་ཐུབ་པའི་དཀའ་རྙོག་བྱུང་དོན་ལྟར་དེ་རིང་གི་ཉིན་བཅུ་ཙམ་འགྲོ་བཞིན་ཡོད་པའི་མཚམས་འདིར་དབུས་འོས་བསྡུ་ལས་ཁང་གི་འགན་འཛིན་དཔེ་ཟུར་དབང་འདུས་ཚེ་རིང་མཆོག་གིས་བར་བརྒལ་ཚོགས་གཙོ་མདུན་ནས་དམ་འབུལ་མ་ཞུ་མཁན་གྱི་བདམས་ཐོན་སྤྱི་འཐུས་ ༢༢ ཡོད་པ་རྣམས་ཀྱིས་བཅའ་ཁྲིམས་དོན་ཚན་ ༤༧ གཞིར་བཟུང་དམ་འབུལ་ཞུས་པའི་མཚམས་སུ་དབུས་འོས་བསྡུ་ལས་ཁུངས་ནས་ཚོགས་གཙོ་ཚོགས་གཞོན་གྱི་འོས་བསྡུ་ཞུ་རྒྱུར་གྲ་སྒྲིག་ཨང་གསར་ཡོད་པ་དང་། བདམས་ཐོན་སྤྱི་འཐུས་རྣམ་པས་དེའི་ཐོག་དགོངས་བཞེས་གནང་བའི་ཡིད་ཆེས་དང་རེ་བ་ཡོད་ཅེས་གསུངས་པ་དང་ཆབས་ཅིག ད་རེས་སྐབས་ ༡༧ པའི་སྤྱི་འཐུས་ཚོགས་གཙོ་ཚོགས་གཞོན་འོས་འདེམས་ཀྱི་ལས་རིམ་ལམ་ལྷོང་མ་བྱུང་བའི་རྐྱེན་རྩ་གཙོ་བོ་དེ་ཚོགས་དྲུང་ལས་ཁུངས་ཀྱིས་བཅའ་ཁྲིམས་དང་མ་མཐུན་པའི་དམ་འབུལ་ཞུ་ཡུལ་ཁག་གཉིས་བཟོས་པ་དེ་ཡིན་སྐོར་འགྲེལ་བརྗོད་གནང་ཡོད།དེའང་སྐབས་ ༡༦ པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཐོག་བཞག་པའི་གྲོས་ཆོད་ཨང་ ༣༩ དང་འབྲེལ་ནས་བཙན་བྱོལ་བོད་མིའི་ཆེས་མཐོའི་ཁྲིམས་ཞིབ་པ་རྣམས་ལ་ངོས་ལེན་ཡོད་མེད་ཀྱི་གནད་དོན་ལས་འཕྲོས་ཏེ་ཉེ་འཆར་ཕྱི་ཚེས་ ༨ ཉིན་སྐབས་ ༡༧ པའི་བདམས་ཐོན་བོད་མི་མང་སྤྱི་འཐུས་རྣམ་པ་སྡེ་ཚན་གཉིས་ལ་གྱེས་ཏེ་བདམས་ཐོན་སྤྱི་འཐུས་ ༢༡ ནས་བཙན་བྱོལ་བོད་མིའི་བཅའ་ཁྲིམས་དོན་ཚན་ ༤༧ དགོངས་དོན་ལྟར་བར་བརྒལ་ཚོགས་གཙོའི་དྲུང་ནས་དམ་འབུལ་ཞུས་པ་དང་བདམས་ཐོན་སྤྱི་འཐུས་ ༢༢...

སྐབས་༡༦ པའི་བོད་མི་མང་སྤྱི་འཐུས་ལྷན་ཚོགས་ཀྱི་ལས་ཡུན་ལོ་ལྔ་ཚང་ལ་ཉེ་བ་དང་བསྟུན། གནངས་ཉིན་ཕྱི་ཚེས་ ༣༠ རེས་གཟའ་ཉི་མའི་ཉིན་སྐབས་༡༧ པའི་བོད་མི་མང་སྤྱི་འཐུས་ལྷན་ཚོགས་ཀྱི་བདམས་ཐོན་སྤྱི་འཐུས་རྣམས་ཀྱིས་ལས་ཁུར་དམ་འབུལ་གྱི་ལས་རིམ་ཁག་བསྐྱང་གཏན་འཁེལ་འདུགདེ་ཡང་དེ་སྔ་དབུས་འོས་བསྡུ་ལས་ཁང་ནས་ ༢༠༢༡ ལོའི་སྲིད་སྤྱི་གཉིས་ཀྱི་འོས་བསྡུ་ཆེན་མོའི་ལས་རིམས་གཏན་འབེབས་གསལ་བསྒྲགས་གནང་བ་གཞིར་བཟུང་ཁ་སང་ཚོགས་དྲུང་ལས་ཁུངས་ནས་སྐབས་ ༡༧ བོད་མི་མང་སྤྱི་འཐུས་ལྷན་ཚོགས་ཀྱི་བདམས་ཐོན་སྤྱི་འཐུས་རྣམ་པར་ལས་ཁུར་དམ་འབུལ་གྱི་ལས་རིམ་ཁག་བཏང་འདུག་པ་དང་། ལས་རིམ་གཏན་འབེབས་གནང་པ་ལྟར་བྱས་ན། སང་ཉིན་ཕྱི་ཚེས་ ༢༩ ཉིན་ཆོལ་གསུམ་ཆོས་ལུགས་དང་། ཕྱི་རྒྱལ་ཡུལ་གྲུ་ཁག་གི་ཁྱབ་ཁོངས་ནས་བདམས་ཐོན་བྱུང་བའི་སྤྱི་འཐུས་རྣམ་པ་བཞུགས་སྒར་ཚོགས་དྲུང་ལས་ཁུངས་སུ་ངོ་བཅར་གྱིས་འབྱོར་ཐོ་བཀོད་གནང་དགོས་པ་དང་། དེ་ནས་ཕྱི་ཚེས་ ༣༠ ཉིན་གྱི་སྔ་དྲོ་ཆུ་ཚོད་ ༩ པའི་ཐོག་སྐབས་ ༡༧ པའི་བོད་མི་མང་སྤྱི་འཐུས་ལྷན་ཚོགས་ཀྱི་བར་བརྒལ་ཚོགས་གཙོ་མཆོག་གིས་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བ་མཆོག་གིས་དྲུང་དུ་ལས་ཁུར་དམ་འབུལ་ཞུས་གྲུབ་མཚམས་སུ་བདམས་ཐོན་སྤྱི་འཐུས་རྣམས་ཀྱིས་དམ་འབུལ་ཟིན་པའི་བར་བརྒལ་ཚོགས་གཙོའི་མདུན་དུ་རིམ་བཞིན་སྤྱི་འཐུས་ཀྱི་ལས་ཁུར་དམ་འབུལ་ཞུ་རྒྱུ་རེད་འདུག མ་ཟད་ཉིན་མོ་དེའི་ཉིན་རྒྱབ་ཆུ་ཚོད་ ༢ པའི་ཐོག་དམ་འབུལ་ཟིན་པའི་སྤྱི་འཐུས་རྣམ་པ་ཚང་འཛོམས་ཐོག་སྐབས་...