གོ་ལ་སྤྱིའི་གནམ་གཤིས་འགྱུར་ལྡོག་ལ་དོ་སྣང་མ་གནང་ཚེ་མཇུག་འབྲས་ཚབས་ཆེན་ཡོང་རྒྱུར་ལམ་སྟོན་མཛད་པ།

འདི་ལོ་ ༢༠༢༠ ལོའི་ COP26 ཞེས་རྒྱལ་ཚོགས་ཀྱི་གོ་ལའི་གནམ་གཤིས་འགྱུར་ལྡོག་གི་ལྷན་ཚོགས་དེ་ Scotland ཡི་ Glasgow གྲོང་ཁྱེར་ནང་འཚོགས་བཞིན་པ་དང་བསྟུན་ཁ་སང་ཕྱི་ཚེས་ ༡༡ ཉིན་ Channel 4 གསར་ཁང་གི་གསར་འགོད་པ་ Krishnan Guru-Murthy ལགས་ཀྱིས་༸གོང་ས་མཆོག་ལ་ཁོར་ཡུག་གི་གནད་དོན་དང་འབྲེལ་བའི་དམིགས་བསལ་བཀའ་འདྲི་ཞུས་པའི་སྐར་མ་དྲུག་ཅན་བརྙན་ཐུང་ཞིག་རྒྱང་བསྲིངས་གནང་འདུག་པ་དང་། སྐབས་དེར་༸གོང་ས་མཆོག་གིས་གོ་ལའི་ཚ་དྲོད་ཤུགས་ཆེར་འཕེལ་བཞིན་པའི་མྱུར་ཚད་ལ་གཞིགས་ན་མ་འོངས་པར་བོད་ནས་རྒྱུག་བཞིན་པའི་གཙང་པོ་ཆེ་ཁག་རྣམས་སྐམ་ཉེན་ཆེ་བར་མ་ཟད། བོད་དེ་བཞིན་ཨཧྥ་གྷ་ནི་ཏན་ལྟ་བུར་འགྱུར་ཉེས་ཡོད་པ་དང་། སའི་གོ་ལའི་སྣེ་མོ་གསུམ་པར་གྲགས་པའི་བོད་ཀྱི་ཁོར་ཡུག་ལ་ཉེན་ཁ་འཕྲད་ཚེ་བོད་ཀྱི་རྒྱུག་ཆུ་ཆེ་ཁག་ལ་བརྟེན་པའི་ཨེ་ཤ་ཡའི་མང་ཚོགས་ཐེར་འབུམ་དུ་མའི་ཚེ་སྲོག་ལ་གནོད་གཞི་འགྱུར་ཉེན་ཡོད་སྐོར་ལམ་སྟོན་མཛད་འདུགརྩ་བའི་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་རྣམ་ཀུན་ནས་འཛམ་གླིང་ཐོག་གི་དབང་ལྡན་ཆབ་སྲིད་ཀྱི་དབུ་ཁྲིད་རྣམ་པ་དང་སྲིད་གཞུང་ཁག དེ་བཞིན་གང་ཟག་སྒེར་པ་སོགས་ནས་གོ་ལའི་གནམ་གཤིས་འགྱུར་ལྡོག་དང་འབྲེལ་བའི་གནད་དོན་ཐད་དོན་ཕན་གསོན་པའི་ཕྱག་ལས་གནང་དགོས་པར་གཞེན་སྐུལ་ཡང་ཡང་མཛད་བཞིན་ཡོད་པ་མ་ཟད། དེ་རིང་ཕྱི་ཟླ་ ༡༡ ཚེས་...