ཏོག་དབྱིབས།

རྒྱལ་སྤྱིའི་ཁྱོན་ཡོངས་སུ་རྒྱ་ནག་ཝུ་ཧན་ནས་མཆེད་པའི་ཏོག་དབྱིབས་རིམས་ནད་ཕོག་མཁན་གྱི་གྲངས་འབོར་མང་ཉུང་ལ་མ་བལྟོས་པར་ཉིན་རེ་བཞིན་འཕར་བཞིན་ཡོད་པ་ལྟར། བོད་མི་གནས་ཡུལ་གྱི་གཞིས་ཆགས་ཁོངས་ནས་ལ་དྭགས་དང་ལྷོ་ཕྱོགས་མོན་གྷོ་འདོད་དགུ་གླིང་གཉིས་སུ་ཏོག་དབྱིབས་རིམས་ནད་ཕོག་མཁན་མང་དུ་འགྲོ་བཞིན་འདུགཉེ་བའི་དུས་སུ་ལ་དྭགས་བོད་ཁྱིམ་རྒས་གསོ་ཁང་ནས་འཕྲོད་ལས་པ་གཉིས་གཙོས་མི་རབས་རྒན་པ་ ༣༠ ལ་ཏོག་དབྱིབས་རིམས་ནད་ཕོག་པ་དང་། དེ་དག་ཁོངས་ནས་སྐྱེས་པ་རང་ལོ་ ༩༥  དང་ ༨༤ ཅན་གཉིས་འདས་གྲོངས་སུ་གྱུར་བའི་གནས་ཚུལ་ཐོན་པ་མ་ཟད། ཉེ་ཆར་གཟའ་འཁོར་སྔོན་མའི་རེས་གཟའ་པ་སངས་ཉིན་བརྟག་དཔྱད་གནང་བའི་ཁྲོད་བོད་ཁྱིམ་རྒས་གསོ་ཁང་གི་རྒན་འཁོགས་དང་ལས་བྱེད། དེ་བཞིན་གཞིས་མི་བཅས་ཀྱི་ཁོངས་ནས་གཉན་རིམས་ཕོག་མཁན་ ༤༡ ཐོན་པ་ལྟར་ད་ཆར་ལ་དྭགས་སུ་ཁྱོན་བོད་ ༨༠ ཙམ་ལ་ནད་གཞི་དེ་ཕོག་ཡོད་པ་དང་། ཁོང་རྣམ་པ་བོད་ཁྱོམ་གྱི་སྡོད་ཁང་དང་ས་གནས་ཀྱི་མ་ཧཱ་བྷོ་དྷི་ཟུར་འཇོག་ཁང་སོགས་སུ་ཟུར་བཀག་ཐོག་བཞུགས་མུས་ཡིན་ཀྱང་དམིགས་བསལ་ཛ་དྲག་གི་ངལ་བ་གང་ཡང་མེད་པ་རེད་འདུག ལ་སྤྱིས་ཁ་སང་བོད་ཁྱིམ་རྒས་གསོ་ཁང་གི་ལས་བྱེད་གཞན་ཁག་དང་ཉེ་འཁོར་གྱི་གཞིས་མི་བཅས་ཁྱོན་མི་ ༢༠༨ བརྟག་དཔྱད་གནང་མུས་ཡིན་པ་དང་། ཁོང་རྣམ་པའི་བརྟག་དཔྱད་གྲུབ་དོན་ཉིན་གྲངས་གཉིས་ཙམ་ནང་འཐོན་ངེས་ཡིན་པར་གསུངས་སོང་།   དེ་བཞིན་བོད་མིའི་གཞིས་ཆགས་གྲས་རྒྱ་གར་ལྷོ་ཕྱོགས་མོན་གྷོ་འདོད་དགུ་གླིང་དུ་ད་བར་རིམས་ནད་དང་འབྲེལ་ནས་ཚེ་སྲོག་ཤོར་བ་གཅིག་ལས་བྱུང་མེད་ཀྱང་། ད་ལྟའི་ཆར་ས་གནས་སུ་རིམས་ནད་དེ་ཕོག་པའི་མི་སྣ་ ༣༨ ཡོད་པ་དང་། དེའི་ནང་ནས་...

བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་ཀྱི་ཝུ་ཧན་ཏོག་དབྱིབས་གཉན་རིམས་ལས་དོན་ཚོགས་ཆུང་གིས་དེ་རིང་ཉིན་རྒྱབ་གསར་འགོད་གསལ་བསྒྲགས་སྤེལ་བར་འདས་པའི་གཟའ་འཁོར་འདི་ནང་རྒྱ་བལ་གཉིས་ནང་གི་བཙན་བྱོལ་བོད་མིའི་སྤྱི་ཚོགས་ཁྲོད་བོད་མི་བཅིུག་ལ་ Covid-19 གཉན་རིམས་ཕོག་ཡོད་པ་ཡོངས་གྲགས་གནང་སོང་།བདེ་ལེགས་སྨན་ཁང་གི་ཕྱི་ལུགས་སྨན་པ་བསྟན་འཛིན་བརྩོད་འགྲུས་ལགས་དང་བོད་མིའི་སྒྲིག་འཛུགས་ཀྱི་ཏོག་དབྱིབས་གཉན་རིམས་སྔོན་འགོག་ལས་དོན་ཚོགས་ཆུང་གི་གསར་འགོད་འབྲེལ་མཐུད་པ་ཚེ་རིང་མཚམས་གཅོད་ལགས་གཉིས་དབུ་བཞུགས་ཐོག་གསར་འགོད་གསལ་བསྒྲགས་གནང་བར་སྨན་པ་ཚེ་རིང་མཚམས་གཅོད་ལགས་ཀྱིས་ད་ལྟའི་ཆར་རྒྱ་བལ་གཉིས་ནང་གི་བོད་མིའི་སྤྱི་ཚོགས་གནས་སྟངས་སྐོར་འགྲེལ་བརྗོད་གནང་སྐབས་འདས་པའི་གཟའ་འཁོར་འདི་ནང་རྒྱ་གར་ལྷོ་ཕྱོགས་མོན་གྷོ་འདོད་རྒུ་གླིང་ཁོ་ན་ནས་རང་ལོ་ ༡༢ ནས་ ༨༣ བར་གྱི་བོད་མི་ཁྱོན་ ༨ ལ་ནད་རྟགས་ཐོན་པ་དང་དེ་བཞིན་སྦེལ་ཀོབ་ནས་རང་ལོ་ ༤༡ ཅན་གྱི་སྐྱེས་པ་ཞིག་དང་། རྒྱལ་ས་ལྡི་ལི་ནས་བེུད་རང་ལོ་ ༢༤ དང་ ༣༤ ཡིན་པ་གཉིས་བཅས་ལ་གཉན་རིམས་ཕོག་པ་ཤེས་རྟོགས་བྱུང་སྐོར་གསུངས་སོང་། ད་ལྟའི་ཆར་མོན་གྷོ་འདོད་རྒུ་གླིང་གི་བོད་མི་བརྒྱད་པོ་དེ་དག་དང་སྦེལ་ཀོབ་ཀྱི་བོད་མི་གཅིག་པོ་དེ་རྣམས་རྫོང་གི་ཏོག་དབྱིབས་སྨན་ཁང་དུ་ཟུར་འཇོག་གནང་མུས་ཡིན་པ་དང་། ལྡི་ལི་ནང་གི་བེུད་གཉིས་པོ་དེ་རང་ཁྱིམ་དུ་ཟུར་འཇོག་གནང་བཞིན་པ་དེ་ལྟར་ཡང་། ཁོང་རྣམ་པར་གཉན་རིམས་ཀྱི་ནད་རྟགས་ཐོན་པ་མ་གཏོགས་དེ་མིན་ཛད་དྲག་གི་གནས་སྟངས་གང་ཡང་མེད་པར་འགྲེལ་བརྗོད་གནང་ཡོད། སྤྱིར་ད་བར་རྒྱ་གར་དང་བལ་ཡུལ་ནང་གི་བཙན་བྱོལ་བོད་མིའི་ཁྲོད་ཏོག་དབྱིབས་གཉན་རིམས་ཕོག་མཁན་ཁྱོན་ ༥༣ བྱུང་བའི་ཁོངས་ནས་གཉིས་འདས་གྲོངས་སུ་གྱུར་ཡོད་པ་དང་། བོད་མི་ ༢༥ དྲག་སྐྱེད་བྱུང་བ། དེ་བཞིན་གཉན་རིམས་ཀྱིས་མནར་བཞིན་པ་...

ད་ཆ་རྒྱལ་སྤྱིའི་ཁྱོན་དུ་ཏོག་དབྱིབས་གཉན་རིམས་ཁྱབ་བརྡལ་འགྲོ་མུས་ལ་བརྟེན་ནས་མི་ས་ཡ་མང་པོ་འདས་གྲོངས་སུ་གྱུར་པའམ་ནད་ཀྱིས་མནར་བཞིན་པའི་ཆེས་ཛ་དྲག་གི་གནས་སྟངས་ཆགས་ཡོད་པའི་ཁྲོད་འདིར་བོད་མིའི་སྒྲིག་འཛུགས་ཆོས་རིག་ཁུངས་ཀྱིས་བོད་མིའི་ཁྲོད་གོང་གསལ་གཉན་རིམས་ཀྱིས་ཚེ་སྲོག་ཤོར་པའམ་ནད་ཀྱིས་མནར་བཞིན་པ་རྣམས་ཀྱི་སླད་ཞབས་རིམ་གསོག་སྒྲུབ་གནང་བློ་ཡོད་རིགས་ལ་རོགས་སྐྱོར་གནང་རྒྱུའི་གསལ་བསྒྲགས་སྤེལ་འདུགད་ཆ་རྒྱལ་སྤྱིའི་ཁྱོན་དུ་ཏོག་དབྱིབས་གཉན་རིམས་ཁྱབ་བརྡལ་འགྲོ་མུས་ལ་བརྟེན་ནས་མི་ས་ཡ་མང་པོ་འདས་གྲོངས་སུ་གྱུར་བའམ་ནད་ཀྱིས་མནར་བཞིན་པའི་ཆེས་ཛ་དྲག་གི་གནས་སྟངས་ཆགས་ཡོད་པའི་ཁྲོད་འདིར་བོད་མིའི་སྒྲིག་འཛུགས་ཆོས་རིག་ཁུངས་ཀྱི་ངོས་ནས་བོད་མིའི་ཁྲོད་གོང་གསལ་གཉན་རིམས་རྐྱེན་པས་ཚེ་སྲོག་ཤོར་བའམ་ནད་ཀྱིས་མནར་བཞིན་པ་རྣམ་པའི་ཕྱིར་ཞབས་རིམ་གསོག་སྒྲུབ་གནང་རྒྱུའི་གསལ་བསྒྲགས་སྤེལ་འདུག རྩ་བའི་རྒྱ་ནག་ཝུ་ཧན་ནས་ཐོག་མར་མཆེད་པའི་ Covid 19 འམ་ཏོག་དབྱིབས་གཉན་རིམས་དེ་ད་ཆ་འཛམ་གླིང་རྒྱལ་ཁབ་ ༢༡༣ ཙམ་གྱི་ནང་ཁྱབ་བརྡལ་ཕྱིན་པའི་འོག་མི་ས་ཡ་གཉིས་དང་ཕྱེད་ཀ་ལྷག་ལ་ནད་གཞི་དེ་ཕོག་པ་དང་མི་འབུམ་བརྒལ་བ་རྐྱེན་འདས་སུ་གྱུར་བ་སོགས་མི་རྒྱུ་གཉིས་ལ་གོད་ཆག་ཆེན་པོ་བྱུང་ཡོད་པ་རེད། བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་ནས་ཉེ་ཆར་གཉན་རིམས་དེ་འབྲེལ་གསར་འགོད་གསལ་བསྒྲགས་སྤེལ་སྐབས་དོན་རྐྱེན་འདིའི་འོག་ཨ་རི་དང་ཁེ་ན་ཌ། དབྱིན་ཡུལ། སི་པན། དེ་བཞིན་ཕ་རན་སི་སོགས་ནུབ་ཕྱོགས་རྒྱལ་ཁབ་ཁག་ཅིག་ཏུ་ད་བར་བོད་མི་བརྒྱ་ཙམ་ལ་གཉན་རིམས་ཕོག་ཡོད་པར་ཚོད་དཔག་གནང་བཞིན་པ་དང་དེའི་ཁོངས་བོད་མི་ཉུང་ཤས་ཤིག་འདས་གྲོངས་སུ་གྱུར་ཡོད་པར་ར་སྤྲོད་བྱུང་ཡོད་ཀྱང་། ད་ལྟའི་ཆར་བོད་མིའི་ཁྲོད་གཉན་རིམ་དེ་ཕོག་ཡོད་མེད་ཐོག་གསང་རྒྱ་གནང་བཞིན་རྐྱེན་བོད་མི་གང་ཚོད་ཙམ་ལ་གཉན་རིམས་དེ་ཕོག་ཡོད་མེད་སོགས་ཀྱི་ཞིབ་ཕྲའི་གནས་ཚུལ་ཤེས་རྟོགས་ཐུབ་ཀྱི་མེད་པར་གསུངས་ཡོད་པ་རེད། བོད་མིའི་སྒྲིག་འཛུགས་ཆོས་རིག་ལས་ཁུངས་ཀྱིས་ཟླ་བ་འདིའི་ཚེས་ ༡ ཉིན་གསལ་བསྒྲགས་སྤེལ་བའི་ནང་དོན་ལ་གཞིགས་ན། དེ་ལྟ་ནའང་ཡོངས་ཁྱབ་ཛ་དྲག་གི་གནས་སྟངས་དེའི་ཁྲོད་བོད་མིའི་སྒྲིག་འཛུགས་བཀའ་ཤག་གི་བཀོད་ཁྱབ་ལམ་སྟོན་འོག་བོད་མིའི་ཁྲོད་གཉན་རིམས་དེ་རྐྱེན་འདས་གྲོངས་སུ་གྱུར་བའམ་ནད་ཀྱིས་མནར་བཞིན་པ་རྣམས་མྱུར་དུ་ནད་ལས་གྲོལ་ཏེ་ཚེ་ལྷག་དོན་ལྡན་ཡོང་བ། ཚེ་འདས་དང་ནད་པའི་ནང་མི་ཉེ་འཁོར་བཅས་པར་ནད་དེ་མི་འགོས་བ་བཅས་ཀྱི་སླད་དུ་སྨོན་གསུང་འདོན་དང་རྐྱེན་སེལ་རིམ་གྲོ་བྱ་རྒྱུའི་ཐོག་རོགས་སྐྱོར་དགོས་གལ་ཡོད་རིགས་ནས་བོད་མིའི་སྒྲིག་འཛུགས་ཆོས་རིག་ལས་ཁུངས་ཀྱི་འབྲེལ་གཏུག་ཞལ་བྱང་ཐོག་མཚན་ཐོ་དང་གནས་ཚུལ་སྙིང་བསྡུས་ཟུར་འབུལ་གནང་ཐོག་མཆོད་དོད་དང་སྐུ་ཡོན་གྱི་འགྲོ་གྲོན་བོད་མིའི་སྒྲིག་འཛུགས་ཀྱི་ཛ་དྲག་མ་དངུལ་ཁོངས་ནས་གནང་ཆོག་རྒྱུའི་ཐུགས་ཐག་བཅད་ཡོད་པ་མ་ཟད། ཆོས་ཕྱོགས་ཀྱི་གནང་སྒོ་དེ་དག་དུས་ཐོག་སྨིན་འགྲུབ་ཡོང་བ་དང་དྲྭ་བརྙན་བརྒྱུད་ཐད་སྲིང་བྱེད་སྟབས་སོགས་ལ་དམིགས་ཏེ་གནས་སྐབས་དྷ་སར་རྟེན་གཞི་བྱས་པའི་གནས་ཆུང་སྒྲ་དབྱངས་གླིང་གྲྭ་ཚང་དང་ཀིརྟི་བྱེས་པ་གྲྭ་ཚང་གཉིས་ལ་འབོད་སྐུལ་ཞུས་འདུག གཞི་རྩའི་དེང་སྐབས་འཛམ་གླིང་ཡུལ་གྲུ་མང་པོར་རྒྱ་ནག་ཝུ་ཧན་ནས་མཆེད་པའི་ཏོག་དབྱིབས་གཉན་རིམས་རྐྱེན་པས་མི་རྒྱུ་གཉིས་ཀར་གོད་ཆག་ཤུགས་ཆེན་ཕོག་བཞིན་པའི་ཛ་དྲག་གི་དུས་སྐབས་འདིར་བོད་མིའི་ཚོགས་སྒེར་མང་དག་ཅིག་གིས་དབུལ་ཕོངས་རྣམས་ལ་ཉེར་མཁོ་བཟའ་ཆས་སོགས་སྦྱིན་གཏོང་གི་ལས་འགུལ་སྣ་མིན་སྤེལ་བཞིན་ཡོད་པར་མ་ཟད། ཉེ་ལམ་བོད་མིའི་ས་གནས་འགོ་འཛིན་ལས་ཁུངས་བརྒྱུད་མངའ་སྡེ་སོ་སོའི་ངལ་སེལ་རོགས་སྐྱོར་ཐེབས་རྩར་ཞལ་འདེབས་དང་ལྷག་དོན་བོད་པའི་དགོན་སྡེ་གྲྭ་ཚང་ཁག་དང་བསྟན་བདག་བླ་ཆེན་རྣམ་པས་དབུས་པའི་བླ་སྤྲུལ་མཁན་སློབ་མང་པོས་གདུང་སེམས་མཉམ་བསྐྱེད་ཀྱི་ཐུགས་སྨོན་དང་ཛ་དྲག་མཐུན་འགྱུར་རོགས་རམ་སོགས་གནང་མུས་ཡིན་པ་རེད།

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་རྒྱ་ནག་ཝུ་ཧན་གྲོང་ཁྱེར་ནང་ཐོག་མར་མཆེད་པའི་ཏོག་དབྱིབས་གཉན་རིམས་དེ་གོ་ལ་ཧྲིལ་པོར་ཁྱབ་གདལ་ཆེས་ཆེར་འགྲོ་མུས་ཁྲོད་འདིར་རང་རེས་ནང་མི་གཉེན་འབྲེལ་འདས་གྲོངས་སུ་གྱུར་པའི་སྡུག་བསྔལ་དང་རང་གི་འཕྲོད་བསྟེན་གྱི་ཉེན་ཚབས་སོགས་ལ་རྡོག་རྩ་གཅིག་སྒྲིལ་དང་མཉམ་སྦྲེལ་བྱེད་པ་ཁོ་ནས་གདོང་ལེན་བྱེད་དགོས་པར་སྟོན་གྱི་ཡོད་ཅེས་ལམ་སྟོན་བཀའ་བསྩལ་འདུག དེའང་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཁ་ཉིན་ཕྱི་ཟླ་ ༥ ཚེས་ ༡ ཉིན་བསྩལ་བའི་ཡོངས་ཁྱབ་གསུང་འཕྲིན་དེའི་ནང་གཉན་འཕྲང་ཆེ་བའི་དུས་སྐབས་འདིར་རང་རེས་ནང་མི་གཉེན་འབྲེལ་འདས་གྲོངས་སུ་གྱུར་པའི་སྡུག་བསྔལ་དང་རང་གི་འཕྲོད་བསྟེན་གྱི་ཉེན་ཚབས་སོགས་ལ་གདོང་ལེན་བྱེད་དགོས་ཀྱི་ཡོད་པ་དང། དཔལ་འབྱོར་ཉམས་རྒུད་ལ་བརྟེན་ནས་རྒྱལ་སྤྱིའི་གཞུང་ཁག་དཀའ་ངལ་ཤིན་ཏུ་ཆེན་པོའི་ནང་ལྷུང་བ་ཙམ་དུ་མ་ཟད། འགྲོ་བ་མི་ཧ་ཅང་མང་པོ་ཞིག་གི་འཚོ་གནས་ལ་བརྡབ་གསིག་ཆེན་པོ་ཐེབས་བཞིན་ཡོད་པ་བཀའ་བསྩལ་འདུག དེ་བཞིན་མགོན་པོ་མཆོག་གིས་དུས་སྐབས་འདི་འདྲར་ངེས་པར་དུ་ང་ཚོ་ཚང་མ་འགྲོ་བ་མི་གཅིག་གྱུར་ཡིན་པའི་གནས་བབ་ལ་བསམ་གཞིགས་ནན་པོ་བྱེད་རྒྱུ་དང་། འགྲོ་བ་མི་གཅིག་གྱུར་ཡིན་པའི་གཞི་རྩ་དེ་ལ་བརྟེན་ནས་བྱམས་བརྩེ་ལྡན་པའི་སྒོ་ནས་ཕན་ཚུན་གཅིག་ཕན་གཅིག་གྲོགས་བྱེད་དགོས་ཞེས་ལམ་སྟོན་བསྩལ་བ་དང་། ཆབས་ཅིག་ཏུ་དེང་སྐབས་རང་རེས་འཇིགས་སྣང་དང་རེ་བ། ངེས་གཏན་མེད་པའི་ཚོར་བ་གཅིག་མཚུངས་སུ་མྱོང་བཞིན་ཡོད་མོད། འོན་ཀྱང་བདེ་སྐྱིད་འདོད་པའི་འདུན་པས་རང་རེ་ཀུན་གཅིག་ཏུ་བསྒྲིལ་ནས་གནས་ཡོད་པ་རེད། དེ་དེ་བཞིན་རང་རེ་འགྲོ་བ་མི་ལ་རྒྱུ་མཚན་ལ་བསམ་བློ་གཏོང་བའི་རྣམ་དཔྱོད་དང་དངོས་ཡོད་གནས་ཚུལ་མཐོང་བའི་ནུས་པ་ཡོད་པ་དེས་རྐྱེན་ངན་གྲོགས་ལ་བསྒྱུར་བའི་གོ་སྐབས་བསྐྲུན་གྱི་ཡོད་ཅེས་ལམ་སྟོན་མཛད་འདུག མགོན་པོ་༸གང་ཉིད་མཆོག་གིས་ད་དུང་ཐེངས་འདིའི་ནད་ཡམས་ཀྱི་འཇིགས་པ་དང་དེའི་མཇུག་འབྲས་ཀྱིས་དཀའ་ངལ་ཆེན་པོ་ཅི་འདྲ་ཞིག་དང་འཕྲད་ནའང་རྡོག་རྩ་གཅིག་སྒྲིལ་དང་མཉམ་སྦྲེལ་བྱེད་པ་ཁོ་ནས་གདོང་ལེན་བྱེད་དགོས་པར་སྟོན་གྱི་ཡོད་ཅེས་བཀའ་བསྩལ་བ་དང་ཆབས་ཅིག་ཏུ་གཅིག་སྒྲིལ་ལ་དོ་སྣང་དགོས་པའི་རེ་སྨོན་ཡོད་ཅེས་ལམ་སྟོན་བཀྲིན་ཆེ་བ་བསྩལ་གནང་མཛད་འདུག གསུང་འཕྲིན་འདི་ The Call to Unite ཞེས་པའི་ཆིག་སྒྲིལ་ལ་འབོད་སྐུལ་གྱི་ཚོགས་པ་ཞིག་གིས་གསོལ་འདེབས་ཞུས་དོན་ལྟར་བཀའ་བསྩལ་བ་ཞིག་ཡིན་པ་རེད། ༸སྐུ་པར་རྣམས་༸དཔལ་ལྡན་དགའ་ལྡན་ཕོ་བྲང་ཡིག་ཚང་།

བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་ཀྱི་ངལ་སེལ་ཐེབས་རྩར་ཞལ་འདེབས་གནང་བར་བསྔགས་བརྗོད་ཀྱིས་ད་ལྟའི་ཆར་རྒྱ་བལ་འབྲུག་གསུམ་ནང་གནས་བཞུགས་བོད་མིའི་ཁྲོད་ནས་ཏོག་དབྱིབས་ནད་པ་གཅིག་ཀྱང་མེད་པ་གསུངས་སོང་།ཁ་སང་བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ Covid19 འམ་ཏོག་དབྱིབས་གཉན་རིམས་དང་འབྲེལ་བའི་གསར་འགོད་གསལ་བསྒྲགས་སྤེལ་སྐབས་ཕྱི་རྒྱལ་ཡུལ་གྲུ་ཁག་ཏུ་ད་བར་བོད་མི་བརྒྱ་ཙམ་ལ་གཉན་རིམས་དེ་ཕོག་ཡོད་པར་ཚོད་དཔག་གནང་བཞིན་ཡོད་པ་དེ་ལྟར་ཡང་། ད་ལྟའི་ཆར་རྒྱ་བལ་འབྲུག་གསུམ་ནང་གི་བཙན་བྱོལ་བོད་མིའི་ཁྲོད་ནས་ཏོག་དབྱིབས་ནད་པ་གཅིག་ཀྱང་མེད་པ་གསུངས་སོང་།སྲིད་སྐྱོང་བློ་བཟང་སེང་གེ་མཆོག་དང་འཕྲོད་བསྟེན་བཀའ་བློན་ཆོས་སྐྱོང་དབང་ཕྱུག་མཆོག་དབུས་གཉན་རིམས་སྔོན་འགོག་གི་ཛ་དྲག་ཚོགས་ཆུང་གི་ལས་ཀྱི་སྣེ་མོ་ཁག་ཅིག་བཅས་དབུ་བཞུགས་ཐོག་དྲྭ་ཐོག་བརྒྱུད་དེ་རྒྱ་ནག་ཝུ་ཧན་ནས་ཐོག་མར་མཆེད་པའི་ཏོག་དབྱིབས་གཉན་རིམས་སྔོན་འགོག་ཆེད་འབྲེལ་ཡོད་ལྷན་ཁང་ཁག་གི་ལས་དོན་གནང་ཕྱོགས་སྐོར་གསར་འགོད་ལྷན་ཚོགས་ཤིག་གནང་སོང་བ་དང་། སྐབས་དེར་སྲིད་སྐྱོང་མཆོག་གིས་དམིགས་བསལ་ལས་དོན་ཚོགས་ཆུང་བརྒྱུད་གཉན་རིམས་སྔོན་འགོག་དང་སྲུང་སྐྱོབ་ཐད་འབད་བཞིན་ཡོད་པ་ངོ་སྤྲོད་གནང་བ་དང་སྦྲགས། བོད་མིའི་སྒྲིག་འཛུགས་ཀྱི་བསྟི་གནས་ཧི་མཱ་ཅལ་མངའ་སྡེ་དེ་བཞིན་ཏོག་དབྱིབས་གཉམ་རིམས་ཀྱི་ཉེན་ཁ་ཆེ་བའི་ས་ཁོངས་སུ་ཚུད་མེད་པ་མ་ཟད། ཕྱི་རྒྱལ་ཡུལ་གྲུ་ཁག་ཏུ་ད་བར་བོད་མི་བརྒྱ་ཕྲག་ལ་གཉན་རིམས་དེ་ཕོག་ཡོད་ཀྱང་དེའི་ཁོངས་ནས་མང་ཆེ་བ་དྲག་སྐྱེད་འབྱུང་བཞིན་ཡོད་སྟབས་བོད་མི་ཚོས་ཐུགས་ཁྲལ་མ་གནང་མི་དགོས་ཞེས་གསལ་བཤད་གནང་སོང་།སྲིད་སྐྱོང་མཆོག་གིས་ད་དུང་ཏོག་དབྱིབས་གཉན་རིམས་རྐྱེན་པས་འཛམ་གླིང་ཁྱོན་ལ་ཛ་དྲག་གི་དཀའ་ངལ་ཚབས་ཆེན་འཕྲད་བཞིན་པའི་ཁྲོད་འདིར་བོད་ཀྱི་ཆོས་བརྒྱུད་ཁག་གི་བསྟན་བདག་བླ་ཆེན་རྣམ་པ་དང་དགོན་སྡེ་ཁག དེ་བཞིན་བོད་པའི་ཚོགས་སྒེར་སོ་སོ་ནས་རྒྱ་གར་དབུས་དང་མངའ་སྡེ་གཞུང་མང་གཉིས་ཀྱི་གཉན་རིམས་ངལ་སེལ་ཐེབས་རྩར་རྒྱབ་སྐྱོར་སླད་ཞལ་འདེབས་རྒྱ་གང་ཆེ་གནང་བཞིན་པ་དང་བོད་མིའི་སྒྲིག་འཛུགས་ཀྱི་སྲི་ཞུ་བ་ཡོངས་ཀྱི་ཉིན་གི་གསོལ་ཕོགས་ཞལ་འདེབས་སུ་ཕུལ་ཡོད་པ་གསུངས་འདུག གཞན་ཡང་འཕྲོད་བསྟེན་བཀའ་བློན་མཆོག་གིས་ད་ལྟའི་ཆར་རྒྱ་བལ་འབྲུག་གསུམ་ནང་གི་བོད་མིའི་ཁྲོད་ཏོག་དབྱིབས་གཉན་རིམས་མནར་བཞིན་པའི་བོད་མི་གཅིག་ཀྱང་མེད་ཅེས་དང་ལྷག་དོན་ཉེ་ལམ་འབྲས་སྤུངས་བློ་གསལ་གླིང་གྲྭ་ཚང་གིས་བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་ཀྱི་ངལ་སེལ་ཐེབས་རྩར་ཞལ་འདེབས་གནང་བར་བསྔགས་བརྗོད་ཀྱིས་ཐུགས་རྗེ་ཆེ་ཞུས་པ་མ་ཟད། གཉན་རིམས་སྔོན་འགོག་གི་ལས་དོན་མུ་མཐུད་གནང་མུས་ཡིན་པ་སོགས་ངོ་སྤྲོད་གནང་སོང་།རྩ་བའི་དེང་སྐབས་འཛམ་གླིང་ཡུལ་གྲུ་མང་པོར་ཏོག་དབྱིབས་གཉན་རིམས་རྐྱེན་པས་མི་རྒྱུ་གཉིས་ཀར་གོད་ཆག་ཤུགས་ཆེན་ཕོག་བཞིན་པའི་ཁྲོད་འདིར་ཉེ་ལམ་རྒྱ་གར་ལྷོ་ཕྱོགས་མོན་གྷོཌ་ནང་ཆགས་པའི་དཔལ་ལྡན་འབྲས་སྤུངས་བཀྲིས་སྒོ་མང་གྲྭ་ཚང་ནས་རྒྱ་གར་དབུས་དང་མངའ་སྡེ། དེ་བཞིན་ས་གནས་མོན་གྷོ་གཞིས་ལས་ཁང་བཅས་ལ་ཧིན་སྒོར་འབུམ་ཅུ་དགུ་དང་བཞི་སྟོང་ཐམ་པ་ཕུལ་འདུག ཀུན་བདེ་གླིང་དགེ་རྩ་ཚོགས་པས་ཀྱང་རྒྱ་གར་དབུས་གཞུང་ལ་ཧིན་སྒོར་འབུམ་གཅིག་དང་ཨ་རུ་ནཱ་ཅལ་མངའ་སྡེར་ཧིན་སྒོར་འབུམ་བཞི། དབུས་བོད་མིའི་སྒྲིག་འཛུགས་ལ་ཧིན་སྒོར་འབུམ་གཉིས་དང་དེ་མིན་མོན་གྷོ་ཕྱོགས་ཀྱི་རྒྱ་གར་བ་དཔལ་འབྱོར་ཞན་པའི་ཁྱིམ་ཚང་ཆིག་སྟོང་ཙམ་ལ་ཧིན་སྒོར་འབུམ་བརྒྱད་ཀྱི་བཟའ་ཆས་སོགས་ཀྱི་རོགས་སྐྱོར་གནང་མུས་རེད་འདུགཧུན་སུར་རབ་རྒྱས་གླིང་དུ་རྟེན་གཞི་བྱས་པའི་དཔལ་ལྡན་རྒྱུད་སྨད་གྲྭ་ཚང་གིས་འབྲེལ་ཡོད་མངའ་སྡེའི་བློན་ཆེན་མཆོག་གི་ངལ་སེལ་ཐེབས་རྩར་ཧིན་སྒོར་འབུམ་བཞི་དང་དེ་བཞིན་སྲིད་བློན་མོ་དཱི་མཆོག་གི་མཚོན་ཐོག་ལ་ཧིན་སྒོར་འབུམ་དྲུག དབུས་བོད་མིའི་སྒྲིག་འཛུགས་ཀྱི་གཉན་རིམས་ངལ་སེལ་ཐབས་རྩར་ཧིན་སྒོར་འབུམ་གསུམ་དང་ཧུན་སུར་གཞིས་ལས་ཁང་བརྒྱུད་ས་གནས་ཡན་ལག་སྨན་ཁང་ལ་འབུམ་གཅིག་བཅས་ཧིན་སྒོར་འབུམ་ཉི་ཤུ་རྩ་གཅིག་ཞལ་འདེབས་ཕུལ་ཡོད་པ་རེད།འདི་ག་བཞུགས་སྒར་དུ་རྟེན་གཞི་བྱས་པའི་༸སྐུ་བཅར་རྣམ་གྲྭ་ཕན་བདེ་ལེགས་བཤད་གླིང་དང་གནས་ཆུང་སྒྲ་དབྱངས་གླིང་གི་གྲྭ་ཚང་། དཔལ་ལྡན་རྒྱུད་སྟོད་གྲྭ་ཚང་དང་ཀིརྟི་བྱེས་པ་གྲྭ་ཚང་། དེ་བཞིན་རིགས་ལམ་སློབ་གཉེར་ཁང་བཅས་ནས་མངའ་སྡེའིསྤྱི་ཁྱབ་བློན་ཆེན་གྱི་ངལ་སེལ་ཐེབས་རྩར་ཁྱོན་ཧིན་སྒོར་འབུམ་བཞི་དང་ཀཱངྒ་རཱ་རྫོང་དཔོན་གྱི་ངལ་སེལ་ཐེབས་རྩར་ཁྱོན་ཧིན་སྒོར་འབུམ་བཅུ། དེ་བཞིན་སྲིད་བློན་ངལ་སེལ་ཐེབས་རྩར་ཧིན་སྒོར་འབུམ་གཅིག་བཅས་ཕུལ་ཡོད་པ་མ་ཟད། དེ་རིང་གནས་ཆུང་སྒྲ་དབྱངས་གླིང་གི་གྲྭ་ཚང་གིས་དྷ་ས་ཁུལ་དུ་ཉིན་སླ་ལ་བརྟེན་མཁན་ཡུལ་མི་ཉམ་ཐག་ཁྱིམ་ཚང་ ༨༠༠ ལ་བཟའ་ཆས་སྦྱིན་གཏོང་གནང་སོང་།གཞན་ཡང་བཞུགས་སྒར་ཉེ་འདབས་སྦིར་རྙིང་དགོན་དཔལ་ཡུལ་ཆོས་འཁོར་གླིང་འདུས་སྤྱི་ཡིས་རྒྱ་གར་དབུས་གཞུང་དང་མངའ་སྡེ་གཞུང་མང་གཉིས་ལ་གདུང་སེམས་མཉམ་བསྐྱེད་ཀྱིས་མཉན་རིམས་སྔོན་འགོག་གི་ངལ་སེལ་ཐེབས་རྩར་ཁྱོན་ཧིན་སྒོར་འབུམ་ལྔ། ལ་དྭགས་བོད་ཕྲུག་ཁྱིམ་སྡེ་ཡིས་འབུམ་གཅིག་དང་སྟོང་ཕྲག་བརྒྱད་བཅུ། དེ་བཞིན་ཝཱ་ཎ་དབུས་བོད་ཀྱི་གཙུག་ལག་སློབ་གཉེར་ཁང་གིས་རྒྱ་གར་དབུས་གཞུང་ལ་ཧིན་སྒོར་འབུམ་བཞི་དང་ཁུལ་དེའི་མགོན་མེད་ཉམ་ཐག་བརྒྱ་སྐོར་ཞིག་ལ་བཟའ་ཆས་སྦྱིན་གནང་ཡོད་པ་རེད།

རྒྱ་ནག་ཝུ་ཧན་ནས་ཁྱབ་བརྡལ་བྱུང་བའི་ཏོག་དབྱིབས་རིམས་ནད་རྐྱེན་གྱིས་འཛམ་གླིང་གང་སར་གཞུང་མང་གཉིས་ལ་དཀའ་ངལ་རབས་དང་རིམ་པ་འཕྲད་མུས་ཡིན་པ་ལྟར་བཙན་བྱོལ་བོད་མིའི་གནས་ཚང་རྒྱལ་ཁབ་རྒྱ་གར་ལ་མཚོན་ནའང་ད་ཆ་རིམས་ནད་རྐྱེན་པས་མི་མང་གི་ཉིན་རེའི་བྱེད་ལས་ཁག་ལ་བཀག་སྡོམ་བྱས་ཏེ་རང་ཁྱིམ་དུ་སྡོད་མུས་ཡིན་པའི་སྐབས་འདིར་བོད་མི་མང་ཚོགས་སྤྱི་དང་དགོན་སྡེ་གྲྭ་ཚང་སོགས་ཀྱིས་རང་རང་སྡོད་སའི་ཉེ་འཁོར་གྱི་རྒྱ་གར་ཡུལ་མི་རྣམས་ལ་ཟས་སྦྱིན་གནང་བ་དང་དེ་བཞིན་རྒྱ་གར་སྲིད་བློན་མཆོག་གི་དབུལ་ཕོངས་ལ་དམིགས་པའི་ངལ་སེལ་གྱི་རོགས་དངུལ་ཐེབས་རྩ་བཅས་ལ་ཞལ་འདེབས་གནང་མཁན་མང་པོ་བྱུང་འདུག གཡུང་དྲུང་བོན་འཛིན་སྐྱོང་ལྷན་ཚོགས་ཀྱིས་གནས་ཚུལ་སྤེལ་བར་ད་ཆ་རྒྱ་ནག་གི་ཏོག་དབྱིབས་རིམས་ནད་ཁྱབ་བརྡལ་རྐྱེན་པས་རྒྱལ་སྤྱིའི་ཁྱོན་འདིར་འགྲོ་བ་མིའི་རིགས་ལ་དཀའ་ངལ་ཆེན་པོ་འཕྲད་བཞིན་པ་མ་ཟད་མི་མང་པོ་ཞིག་རིམས་ནད་འདིའི་རྐྱེན་གྱིས་འདས་གྲོངས་སུ་གྱུར་ཡོད་པར་ཡོངས་གྲགས་གནང་སྟེ་རྒྱ་གར་དབུས་གཞུང་དང་མངའ་སྡེ་གཞུང་། དེ་བཞིན་སྨན་ཁང་ཁག་དང་ཉེན་རྟོག་རུ་ཁག་བཅས་ཀྱིས་རྒྱ་གར་ནང་རིམས་ནད་ཁྱབ་བརྡལ་ལ་གདོང་ལེན་གནང་བཞིན་པར་བཀའ་དྲིན་ཆེ་ཞུས་པ་དང་སྦྲགས། གཡུང་དྲུང་བོན་གྱི་སྨན་རི་ཁྲི་འཛིན་མཆོག་གིས་ལམ་སྟོན་ཕེབས་པ་བཞིན་གཡུང་དྲུང་བོན་གྱི་འཛིན་སྐྱོང་ལྷན་ཚོགས་ཀྱིས་རྒྱ་གར་སྲིད་བློན་མཆོག་གི་དབུལ་ཕོངས་ལ་དམིགས་པའི་ངལ་སེལ་གྱི་རོགས་དངུལ་ཐེབས་རྩ་ཧིན་སྒོར་འབུམ་གཉིས་དང་དེ་བཞིན་ཧི་མཱ་ཅལ་མངའ་སྡེ་གཞུང་གི་རིམས་ནད་ངལ་སེལ་ཐེབས་རྩར་ཧིན་སྒོར་འབུམ་གསུམ་བཅས་གནང་བ་མ་ཟད། ས་གནས་ཀྱི་ཡུལ་མིའི་ཁྱིམ་ཚང་ ༢༠༠ མ་ཟིན་ཙམ་ལ་ཉེར་མཁོའི་ཟས་རིགས་ཀྱི་སྦྱིན་པ་གནང་འདུག དེ་བཞིན་ཧི་མཱ་ཅལ་གྱི་མངའ་ཁོངས་སུ་གནས་པའི་དཔལ་སྤུངས་ཤེས་རབ་གླིང་དགོན་པས་ཀྱང་རྒྱ་གར་དབུས་གཞུང་དང་མངའ་སྡེ་གཞུང་གི་རིམས་ནད་ཀྱི་ངལ་སེལ་ཚོགས་པར་ཞལ་འདེབས་ཧིན་སྒོར་འབུམ་བཅོ་ལྔ་གནང་ཡོད་པ་ཟད་ནད་ཡམས་དོགས་གཞིའི་ཟུར་བཀག་གི་ལྟེ་གནས་སུ་ཡང་ཉེར་མཁོའི་བཟའ་བཅའ་རིགས་གནང་བ་དང་། གལ་ཏེ་ཛ་དྲག་ཆགས་པ་ཡིན་ན་དགོན་པའི་ངོས་ནས་རང་ལོ་སུམ་ཅུའི་འོག་གི་ན་གཞོན་དང་བླངས་པ་ ༣༠ ལྷག་གྲ་སྒྲིག་གིས་དགོས་ངེས་ཀྱི་རོགས་རམ་གནང་རྒྱུ་ཡིན་པར་ཡོངས་གྲགས་གནང་འདུག དེ་བཞིན་སྦིར་ཚོགས་པ་ཁག་གིས་ཀྱང་ཞལ་འདེབས་བསྡུ་རུབ་ཀྱིས་རྒྱ་གར་གཞུང་ལ་ཧིན་སྒོར་འབུམ་བཞིའི་ཞལ་འདེབས་གནང་འདུག གཞན་ཡང་ཧི་མཱ་ཅལ་མངའ་ཁོངས་ཀྱི་ཁམས་སྒར་གྲྭ་ཚང་། བཤད་གྲྭ། བྱང་ཆུབ་ལྗོངས་རྡོ་རྫོང་དགོན། བཙུན་དགོན་དོན་བརྒྱུད་གླིང་། བཀྲ་ཤིས་ལྗོངས་ཀྱི་གཞིས་ཆགས་ལས་ཁུངས་བཅས་མཉམ་རུབ་ཀྱིས་རྒྱ་གར་དབུས་དང་མངའ་སྡེ་གཞུང་ལ་ཧིན་སྒོར་འབུམ་དྲུག་གི་ཞལ་འདེབས་གནང་བ་མ་ཟད། མགོན་མེད་ཉམ་ཐག་གི་རིགས་ལ་ཉིན་རེའི་བཟའ་བཅའ་བཅས་ཀྱི་ཞལ་འདེབས་གནང་སྟེ་ཐེངས་འདིའི་རིམས་ནད་དོན་རྐྱེན་ཁྲོད་མདུན་བསྐྱོད་ཀྱིས་ཕྱག་ལས་གནང་མཁན་སྤྱི་དང་དེ་བཞིན་འཛིན་སྐྱོང་གི་ཐོག་ནས་རིམས་ནད་སྔོན་འགོག་གི་ཕྱག་ལས་གནང་མཁན་ཡོངས་ལ་ཐུགས་རྗེ་ཆེ་ཞུས་འདུག དེ་བཞིན་ལྷོ་ཕྱོགས་བཀྲ་ཤིས་ལྷུན་པོ་དགོན་པས་ཀྱང་རྒྱ་གར་སྲིད་བློན་མཆོག་གི་དབུལ་ཕོངས་ལ་དམིགས་པའི་ངལ་སེལ་གྱི་རོགས་དངུལ་ཐེབས་རྩར་ཧིན་སྒོར་འབུམ་གཅིག་དང་ཕྱེད་ཀ་དང་ཀ་ན་ཊ་ཀའི་མངའ་སྡེ་གཞུང་ལ་ཧིན་སྒོར་འབུམ་གཅིག་བཅས་ཀྱི་ཞལ་འདེབས་གནང་བ་མ་ཟད་ཁུལ་དེའི་ཉམ་ཐག་པ་རྣམས་ལ་བཟའ་བཅའ་རིགས་ཀྱི་རོགས་རམ་གནང་འདུག རྒྱ་གར་བྱང་ཕྱོགས་ཀྱི་བོད་རིགས་འདུས་སྡོད་ཀྱི་ས་ཁུལ་ལྡེ་ར་ལྡུན་ཁུལ་དུ་ས་སྐྱ་མཐོ་སློབ། ས་སྐྱ་སྨོན་ལམ་ཐེབས་རྩ་ཁང་། དེ་བཞིན་སྒྲོལ་མ་ཕོ་བྲང་ཚོགས་པ་དང་ས་སྐྱ་དབུས་ལྟེ་གནས་ཁང་སོགས་ཀྱིས་མཉམ་རུབ་ཀྱི་ཐོག་ནས་ཨོ་ཊྲར་ཁཱན་ཌ་མངའ་སྡེ་གཞུང་གི་བློན་ཆེན་གྱི་མཚན་ཐོག་ཏུ་ཧིན་སྒོར་འབུམ་ ༢༣ ལྷག་གི་ཞལ་འདེབས་གནང་སྟེ་མངའ་སྡེ་གཞུང་གི་འབྲེལ་ཡོད་ཀུན་གྱིས་རིམས་ནད་སྔོན་འགོག་གི་ཕྱག་ལས་རྒྱ་ཆེར་གནང་བཞིན་པར་བཀའ་དྲིན་ཆེ་ཞུས་འདུག...

རྒྱ་ནག་ཝུ་ཧན་གྲོང་ཁྱེར་ནས་ཁྱབ་གདལ་བྱུང་བའི་ Covid-19 འམ་ཏོག་དབྱིབས་རིམས་ནད་དེ་ད་ལྟའི་ཆར་རྒྱལ་སྤྱིའི་རྒྱལ་ཁབ་ཁྱོན་ཡོངས་སུ་དར་ཁྱབ་ཆེས་ཆེར་འགྲོ་བཞིན་པར་མ་ཟད། ལྷག་པར་དུ་རྒྱ་གར་ནང་ལ་རིམ་བཞིན་རིམས་ནད་དེ་ཕོག་མཁན་གྱི་གྲངས་འབོར་ཇེ་མང་དུ་འགྲོ་བཞིན་ཡོད་སྟབས། རྒྱ་གར་དབུས་གཞུང་གིས་གཉནནརིམས་སྔོན་འགོག་སླད་རྒྱ་གར་རྒྱལ་ཡོངས་དེ་རིང་ཐོ་རེངས་ཆུ་ཚོད་ ༡༢ ནས་དབུ་འཛུགས་ཀྱིས་ཉིན་མ་ ༢༡ རིང་སྒོ་བརྒྱབ་སོང་། ཁ་སང་དགོང་དྲོའི་ཆུ་ཚོད་བརྒྱད་པའི་ཐོག་རྒྱ་གར་གྱི་སྲིད་བློན་སྐུ་ཞབས་ Narendra Modi མཆོག་གིས་ཏོག་དབྱིམས་རིམས་ནང་སྔོན་འགོག་དང་འབྲེལ་བའི་རྒྱལ་ཡོངས་གསུང་བཤད་ཐེངས་གཉིས་པ་དེ་གནང་ཡོད་པ་དང་། སྐབས་དེར་སྲིད་བློན་མཆོག་གིས་ད་ལྟའི་ཆར་རྒྱལ་སྤྱིའི་ཁྱོན་ཡོངས་སུ་ཁྱབ་འཕེལ་ཤུགས་ཆེ་འགྲོ་བཞིན་པའི་གཉན་རིམས་དེར་གདོང་ལེན་དང་སྔོན་འགོག་གི་ཐབས་ལམ་གཅིག་རང་ཡོད་པ་དེ་ནི་ Social Distancing ཞེས་མི་ཚོགས་འདུ་འཛོམས་ཀྱི་བྱ་བ་སྤངས་ཏེ་རང་ཉིད་སོ་སོའི་སྡོད་ཁང་དུ་བཞུགས་རྒྱུ་དེ་ཡིན་སྟབས་ཁ་ནུབ་མཚན་གུང་ཆུ་ཚོད་ ༡༢ ནས་འགོ་བཙུགས་ཏེ་ཉིན་མ་ ༢༡ གི་རིང་རྒྱ་གར་རྒྱལ་ཡོངས་སྒོ་རྒྱག་རྒྱུ་ཡིན་ཞེས་བཀའ་རྒྱ་དང་བསྒྲགས་པ་དང་། མི་མང་ཚོས་ཀྱང་དེར་བརྩི་འཇོག་གནང་སྟེ་རང་ཁྱིམ་དུ་བཞུགས་པ་ལས་ཕྱིར་རྩ་བ་ཉིད་ནས་མ་ཕེབས་རོགས་ཞེས་འབོད་སྐུལ་ནན་པོ་གནང་སོང་། སྲིད་བློན་མཆོག་ནས་རྒྱལ་ཁབ་ཡོངས་སུ་སྒོ་བརྒྱབ་ཚེ་དེས་དཔལ་འབྱོར་གྱི་ཆ་ནས་རྒྱལ་ཁབ་ལ་གྱོང་གུད་ཆེན་པོ་ཕོག་ངེས་ཡིན་པ་རེད། འོན་ཏང་ད་ལྟའི་ཛ་དྲགས་ཀྱི་དུས་སྐབས་འདིར་དབུས་གཞུང་གི་འགན་འཁྲི་གཙོ་བོ་དེ་ཀོ་ཝིཌ་གཉན་རིམས་ནས་མི་མང་གི་ཚེ་སྲོག་སྐྱོབ་ཐབས་གནང་རྒྱུ་དེ་རེད་ཅེས་གསུངས་པ་དང་ཆབས་ཅིག...

རྒྱ་ནག་ཝུ་ཧན་གྲོང་ཁྱེར་ནས་ཁྱབ་གདལ་བྱུང་བའི་ Covid-19 འམ་ཏོག་དབྱིབས་རིམས་ནད་དེ་ད་ལྟའི་ཆར་རྒྱལ་སྤྱིའི་ཁྱོན་ཡོངས་སུ་དར་ཁྱབ་ཆེས་ཆེར་འགྲོ་བཞིན་པའི་ཛ་དྲག་གནས་སྟངས་ཁྲོད་འདིར་ཧི་མཱ་ཅལ་མངའ་སྡེ་གཞུང་ནས་མངའ་སྡེ་འདི་ནང་དེ་རིང་ནས་དབུ་འཛུགས་ཀྱིས་དུས་ཚོད་ངེས་མེད་བར་དུ་སྒོ་རྒྱག་རྒྱུའི་བཀའ་རྒྱ་གནང་ཡོད་སྟབས། བོད་མིའི་སྒྲིག་འཛུགས་ཀྱི་ལས་ཁུངས་ཁག་གི་སྲི་ཞུ་བ་བརྒྱ་ཆ་ལྔ་བཅུ་ལས་ཉུང་བ་རེས་མོས་ཐོག་ནས་ལས་བཅར་ཞུས་ཡོད་པ་རེད།དེ་རིང་ཉིན་གུང་ཆུ་ཚོད་བཅུ་གཉིས་ཐོག་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་ཕྱི་དྲིལ་ལྷག་པ་ཚེ་རིང་ཚོགས་ཁང་དུ་གསར་འགོད་ལྷན་ཚོགས་ཤིག་བསྐོང་ཚོགས་གནང་སྟེ་ད་ཆ་ཧི་མཱ་ཅལ་མངའ་སྡེ་འདི་བཞིན་དུས་ཚོད་ངེས་མེད་བར་དུ་སྒོ་རྒྱག་རྒྱུའི་བཀའ་རྒྱ་གནང་ཡོད་སྟབས། རྒྱ་གར་དབུས་དང་ས་གནས་གཞུང་། དེ་བཞིན་རྫོང་ཁག་གི་ལས་ཁུངས་སུ་ལས་བྱེད་ལྔ་བཅུ་ལས་ཉུང་བ་ལས་བཅར་ཞུ་བཞིན་ཡོད་པ་ལྟར། བོད་མིའི་སྒྲིག་འཛུགས་ཀྱང་དེ་མཚུངས་སུ་ལས་ཁུངས་ཁག་གི་སྲི་ཞུ་བ་བརྒྱ་ཆ་ལྔ་བཅུ་ལས་ཉུང་བ་རེས་མོས་ཐོག་ནས་ལས་བཅར་ཞུ་རྒྱུ་དང་། དེ་མིན་ལས་བྱེད་ཁག་ཅིག་རང་ཤག་ཏུ་ཕྱག་ལས་གནང་རྒྱུའི་ཐུགས་ཐག་བཅད་ཡོད་པ་གསུངས་སོང་།   དེ་བཞིན་སྲིད་སྐྱོང་མཆོག་གིས་ཧི་མཱ་ཅལ་མངའ་སྡེ་འདི་བཞིན་དུས་ཚོད་ངེས་མེད་བར་དུ་སྒོ་རྒྱག་གི་ཡོད་སྟབས། བོད་མི་ཚོ་ད་ལྟའི་ཆར་རང་ཉིད་ས་གནས་གང་དུ་བཞུགས་ཡོད་པ་དེར་བཞུགས་པ་ལས་ཧི་མཱ་ཅལ་མངའ་སྡེར་ཕེབས་རྒྱུ་མེད་པ་དང་། ལྷག་པར་རིམས་ནད་འདི་མངོན་གསལ་དོད་པོའི་ཐོག་ནས་འགོག་ཐབས་མེད་པར་བརྟེན་བོད་མི་རྣམས་ནས་ཡིད་གཟབ་གནང་ཐོག་རྒྱ་གར་དབུས་གཞུང་དང་མངའ་སྡེ་གཞུང་། དེ་བཞིན་ས་གནས་སོ་སོའི་བཀོད་ཁྱབ་ལམ་སྟོན་ཁག་ལ་ངེས་པར་དུ་ལག་བསྟར་ཞུ་རོགས་ཞེས་འབོད་སྐུལ་གནང་སོང་བར་མ་ཟད། གལ་སྲིད་བོད་མི་སྤྱིའི་ཐོག་ནས་ལྷོད་གཡེང་རིགས་ཤོར་ཚེ་གཉན་རིམས་དེ་ཁྱབ་གདལ་ཤུགས་ཆེ་འགྲོ་ངེས་ཡིན་སྟབས་སྤྱི་ཚོགས་སྤྱི་དང་བོད་མིའི་སྒྲིག་འཛུགས། དེ་བཞིན་མི་རིགས་དང་མི་རིགས་དབར་ལ་བརྡབ་གསིག་འགྲོ་རྒྱུའི་ཉེན་ཡོད་པས་བོད་མི་ཚོས་ཡིད་ཟབ་གནང་དགོས་པའི་གཞེན་བསྐུལ་གནང་ཡོད།བོད་མིའི་སྒྲིག་འཛུགས་ནས་རིམས་ནད་འདིའི་སྔོན་འགོག་དང་འབྲེལ་ཏེ་བཞུགས་སྒར་ཉེ་འདབས་སུ་ཆགས་པའི་དབུས་སྣེ་ལེན་ཁང་དང་ཤུགས་གསེབ་སུ་ཡོད་པའི་སྒྲིག་འཛུགས་ཀྱི་ལས་ཤག་ཁག་ཉེ་ཆར་ཕྱི་ཕྱོགས་ནས་ཕེབས་པའི་ལས་བྱེད་རྣམས་ཟུར་བཞུགས་གནང་ཕྱིར་མཐུན་རྐྱེན་བསྐྲུན་འདུག་པ་དང་། སྲིད་སྐྱོང་མཆོག་ནས་སྲི་ཞུ་བ་གཙོས་བོད་མིའི་ཁྲོད་ཚ་བ་རྒྱས་པ་སོགས་ནད་རྟགས་རིགས་ཡོད་ཚེ་ངེས་པར་དུ་བརྟག་དཔྱད་གནང་དགོས་པའི་ལམ་སྟོན་སོགས་ཀྱང་གནང་ཡོད།  ཧི་མཱ་ཅལ་མངའ་སྡེ་འདི་བཞིན་དུས་ཚོད་ངེས་མེད་བར་སྒོ་རྒྱག་གི་ཡོད་སྟབས། སྨན་ཁང་དང་དངུལ་ཁང་། གློག་དང་ཆུ་ལས་ཁང་། དེ་བཞིན་ཟ་ཆས་ཚོང་ཁང་། གསར་འགོད་ལས་ཁང་སོགས་ཛ་དྲག་དགོས་ངེས་སྡེ་ཚན་ཁག་ཅིག་མ་གཏོགས་སྤྱི་སྤྱོད་རླངས་འཁོར་དང་གླ་འཁོར་སོགས་འགྲུལ་བཞུད་མི་ཆོག་པར་མ་ཟད། སྒེར་གྱི་ཚོང་ཁང་དང་བཟོ་གྲྭ་སོགས་སྒོ་ཕྱེ་མི་ཆོག་པ་དང་། ལྷག་པར་དུ་ཀངྒ་རཱ་རྫོང་ཁོངས་སུ་རྒྱ་གར་གྱི་ཁྲིམས་གཞི་ཨང་ ༡༤༤ ཞེས་པ་དེ་ལག་བསྟར་གནང་ཡོད་སྟབས་རྫོང་ཁོངས་ཀྱི་ས་གནས་ཁག་ཏུ་མི་བཞི་འམ་བཞི་ལས་མང་བ་འདུ་འཛོམས་གནང་ཆོག་གི་མེད་པ་རེད།...

རྒྱ་ནག་ཝུ་ཧན་གྲོང་ཁྱེར་ནས་ཐོག་མར་མཆེད་པའི་རིམས་ནད་ཏོག་དབྱིབས་ནད་དུག་གསར་པའི་གློ་ཚད་དམ་ Corona virus ཞེས་པ་དེ་ད་ལྟའི་ཆར་རྒྱ་ནག་རྒྱལ་ཡོངས་ཙམ་མ་ཟད་འཛམ་གླིང་ཡུལ་གྲུ་དུ་མར་རིམ་བཞིན་ཁྱབ་བརྡལ་ཤུགས་ཆེར་སོང་བར་བརྟེན་རྒྱལ་སྤྱིའི་ཐོག་ཛ་དྲག་གི་རང་བཞིན་ལྡན་པའི་རིམས་ནད་ཅིག་ཏུ་ངོས་འཛིན་གནང་བཞིན་ཡོད་སྟབས། ཁ་སང་ཕྱི་ཚེས་ ༤ ཉིན་ཐེག་ཆེན་ཆོས་གླིང་དགེ་རྩ་ཚོགས་པས་སྤྱི་བསྒྲགས་ཤིག་སྤེལ་བར་གཞིགས་ན། ཟླ་བ་འདིའི་ཕྱི་ཚེས་ ༩ དང་རབ་གནས་ལྕགས་བྱི་ལོའི་བོད་ཟླ་ ༡ ཚེས་ ༡༥ ཉིན་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་གི་རྟེན་མཆོག་སྤྱན་སྔའི་དྲུང་དུ་མཆོད་སྤྲིན་སྣ་ལྔ་འབུལ་གཤོམ་གྱིས་ཆོ་འཕྲུལ་སྨོན་ལམ་ཆེན་མོ་འཚོགས་རྒྱུ་དེའང་ཕྱིར་བཤོལ་གནང་འདུག དེ་མཚུངས་སུ་༸དཔལ་ལྡན་དགའ་ལྡན་ཕོ་བྲང་ཡིག་ཚང་གིས་བཀའ་ཁྱབ་ཅིག་སྤེལ་གསལ་ལ། འདི་ལོའི་ཕྱི་ཟླ་ ༤ ཚེས་ ༡ ཉིན་བོད་མིའི་གཞུང་དང་གཞུང་འབྲེལ་མིན་པའི་ཚོགས་ཁག་བདུན་ནས་ བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་མགོན་པོ་༸གང་ཉིད་མཆོག་༸སྐུ་ཡུན་དུ་བརྟན་པའི་བརྟན་བཞུགས་རྒྱས་པ་ཞིག་བརྟར་འབུལ་ཞུ་གཏན་འཁེལ་ཡོད་ཀྱང་། བར་ལམ་ནས་འཛམ་གླིང་ས་ཕྱོགས་གང་སར་བར་ཆེས་ཆེར་ཏོག་དབྱིབས་རིམས་ནད་ཁྱབ་བརྡལ་འགྲོ་བཞིན་པར་བརྟེན་བརྟན་བཞུགས་བསྟར་འབུལ་ཞུ་དུས་དེའང་དུས་ཚོད་ངེས་མེད་བར་ཕར་འགྱངས་གནང་འདུག གཞན་ཡང་རིམས་ནད་དེ་སྔོན་འགོག་ཆེད་དུ་འདི་ལོའི་ཕྱི་ཟླ་ ༤ ཚེས་ ༢...