ཏོག་དབྱིབས།

བཞུགས་སྒར་དུ་རྟེན་གཞི་བྱས་པའི་དྷ་སྟེང་བོད་ཕྲུག་ཁྱིམ་སྡེར་ཏོག་དབྱིབས་གཉན་རིམས་ནད་གཞི་ཕོག་མཁན་མི་གྲངས་ ༡༡ ཐོན་པ་ལྟར་དྷརྨ་ས་ལའི་ས་གནས་རྫོང་དཔོན་གཞོན་པའི་ལས་ཁུངས་ཀྱིས་སློབ་གྲྭ་དེ་ཕན་ཚུན་འགྲོ་འོང་ཐད་དམ་དྲག་གིས་བཀག་སྐྱིལ་ས་ཚིགས་ལ་ངོས་འཛིན་གྱིས་ཡོངས་གྲགས་གནང་འདུག ཁ་སང་ཕྱི་ཚེས་ ༡༦ ཉིན་བཏང་བའི་བཀོད་ཁྱབ་ནང་ད་ཆ་དྷ་སྟེང་བོད་ཁྱིམ་ནང་དུ་གང་བྱུང་ཕེབས་ཐོན་གནང་མི་ཆོག་པ་དང་སློབ་གྲྭའི་ཉེ་འཁོར་དུ་དུག་སེལ་མཚོན་པའི་རྒྱལ་སྒོར་ཚ་བ་བརྟག་དཔྱད་གནང་རྒྱུ། སློབ་གྲྭར་གནས་བཞུགས་གནང་མཁན་དང་ཛ་དྲག་གི་བསྐྱོད་དགོས་པ་ཚོ་ངེས་པར་དུ་ཁ་རས་གྱོན་དགོས་པ། ལྷག་པར་འདུ་འཛོམས་རིགས་དང་ལས་ཁུངས་སྒོ་འབྱེད་མི་ཆོག་པ་སོགས་ཕྱི་ཚེས་ ༢༥ བར་དེ་འབྲེལ་གྱི་བཀོད་ཁྱབ་ལག་བསྟར་གནང་དགོས་པའི་གསལ་བསྒྲགས་ཤིག་གནང་ཡོད། གཞི་རྩའི་ཉེ་ལམ་ཧི་མཱ་ཅལ་མངའ་སྡེ་གཞུང་གིས་ཟླ་ ༡༡ ཚེས་ ༡༠ ཉིན་ནས་བཟུང་གཞི་རིམ་བར་མ་དང་ཚེས་ ༡༥ ནས་གཞི་རིམ་འོག་མའི་འཛིན་གྲྭ་ཁག་དངོས་སུ་འགོ་འཛུགས་རྒྱུར་ཐག་གཅོད་གནང་ཡོད་པ་ལྟར་ད་ཆ་ས་གནས་ཀྱི་སློབ་གྲྭ་ཁག་འགོ་འཛུགས་ཟིན་པའི་གནས་སྟངས་གྱུར་ཡོད། དེའི་ཁྲོད་ཧི་མཱ་ཅལ་མངའ་སྡེ་གཞུང་གིས་བཀོད་ཁྱབ་བཏང་བར་ཉེ་ལམ་མེས་དབོན་གཙུག་ལག་དཔེ་སྟོན་སློབ་གྲྭ་ཚོགས་ཟིན་པ་རེད།རྒྱ་གར་གྱི་མངའ་སྡེ་མང་པོའི་ནང་སློབ་གྲྭ་འགོ་འཛུགས་གནང་བ་དང་སྦྲགས།  བདུན་ཕྲག་སྔོན་མར་བོད་མིའི་སྒྲིག་འཛུགས་ཀྱི་འཕྲོད་བསྟེན་ལས་ཁུངས་ཀྱི་ཏོག་དབྱིབས་གཉན་རིམས་ལས་དོན་ཚོགས་ཆུང་གི་གསར་འགོད་གསལ་བསྒྲགས་ཐོག་ཤེས་རིག་ལས་ཁུངས་དང་འབྲེལ་ཡོད་ཚན་པ་ཡོངས་ཀྱིས་སློབ་གྲྭ་ཁག་ཏུ་ནད་ཡམས་སྔོན་འགོག་གི་བྱེད་སྒོར་ཐུགས་སྣང་གནང་དགོས་པ་དང་སློབ་ཕྲུག་རྣམས་ལ་ནད་ཡམས་དང་འབྲེལ་གོ་རྟོགས་སྤེལ་རྒྱུ། དེ་བཞིན་ཕ་མ་ཚོའི་ངོས་ནས་སོ་སོའི་ཕྲུ་གུར་ཁ་རས་དང་དུག་སེལ་སོགས་བསྐུར་དགོས་པ། ལྷག་པར་དུ་འཛིན་ཁང་དང་གསོལ་ཚིགས་ཁང་སོགས་སུ་རླུང་འགྲོ་ཡག་པོ་དགོས་པ་དང་ཆམ་པའི་ནད་རྟགས་མངོན་ཚེ་ངེས་པར་དུ་བརྟག་དཔྱད་གནང་དགོས་སྐོར་ཀྱི་ལམ་སྟོན་གནང་ཡོད།

འདས་པའི་གཟའ་འཁོར་ནང་བཙན་བྱོལ་བོད་མིའི་འདུས་སྡོད་དུ་བོད་མི་ ༣༦ ལ་ཏོག་དབྱིབས་ནད་གཞི་ཕོག་འདུག་པ་དང་སྦྲགས། ནད་གཞི་ཕོག་མཁན་རྣམས་ནས་ས་གནས་སུ་ཡོད་པའི་ཕྱི་ལུགས་དང་བོད་ལུགས་གཉིས་ཀྱི་སྨན་པར་བསྟེན་གཏུག་གནང་བའི་ཐོག་ཟས་སྤྱོད་ཚུལ་ལྡན་བསྟེན་དགོས་པའི་གཞེན་སྐུལ་གནང་སོང་། ཁ་སང་བོད་མིའི་སྒྲིག་འཛུགས་ཀྱི་ COVID19 ལས་དོན་ཚོགས་ཆུང་གི་གསར་འགོད་གསལ་བསྒྲགས་ཐེངས་ ༧༧ པ་སྤེལ་བ་དང་སྦྲགས། ཚོགས་ཆུང་གི་འབྲེལ་མཐུད་པ་གསོ་རིག་སྨན་པ་ཚེ་རིང་མཚམས་གཅོད་ལགས་ཀྱིས་ནད་ཡམས་དང་འབྲེལ་གནས་སྟངས་སོགས་ཀྱི་སྐོར་སྙན་གསེང་ཞུས་སྐབས། ཁོང་གིས་སྔོན་ཁབ་དང་འབྲེལ། རྒྱ་གར་ནང་ཁ་སང་བར་སྔོན་ཁབ་རིམ་པ་དང་པོ་དང་གཉིས་ཀ་བརྒྱབ་ཟིན་པ་དེ་བོད་མི་གྲངས་ ༣༣༢༠༦ དང་དེ་བཞིན་རིམ་པ་དང་པོ་བརྒྱབ་ཟིན་པ་དེ་༡༧༠༤༦ ཆགས་ཀྱི་ཡོད་པ་དང་ཕྱོགས་མཚུངས་བལ་ཡུལ་ནང་སྔོན་ཁབ་གཉིས་ཀ་ཐོབ་ཟིན་པ་དེ་ ༣༡༩༡ དང་སྔོན་ཁབ་རིམ་པ་དང་པོ་ཐོབ་པའི་མི་གྲངས་དེ་ ༥༣༣ ཆགས་ཀྱི་ཡོད་སྐོར་གསུངས་སོང་། དེ་བཞིན་ཁོང་གིས་རྒྱ་བལ་གཉིས་ཀྱི་བཙན་བྱོལ་འདུས་སྡོད་ནང་འདས་པའི་བདུན་ཕྲག་གཅིག་ནང་ནད་གཞི་གསར་པ་ཕོག་མཁན་མི་གྲངས་ ༣༦ བྱུང་བ་དང་ནད་གཞི་ཕོག་མཁན་རྣམས་ཀྱང་དེ་ཙམ་གྱི་ཚབས་ཆེན་པོ་མེད་པར་གསུངས་སོང་། གཞི་རྩའི་ད་བར་བཙན་བྱོལ་འདུས་སྡོད་སྤྱི་ཚོགས་ནང་ནད་གཞི་ཕོག་མཁན་ཁྱོན་མི་གྲངས་ ༦༣༡༠...

ཁ་སང་དང་ཁ་ཉིན་བཅས་ལ་བོད་མིའི་སྒྲིག་འཛུགས་ཀྱི་བསྟི་གནས་གངས་སྐྱིད་ཁུལ་དང་ Forsyth Ganj ནས་བོད་མི་ཁག་ཅིག་ལ་ཏོག་དབྱིབས་ཀྱི་ནད་གཞི་ཕོག་པའི་གནས་ཚུལ་ཐོན་པ་དང་ནད་གཞི་ཕོག་མཁན་ཁྲོད་རེ་ཟུང་མ་གཏོགས་ཕལ་མོ་ཆེར་ནད་རྟགས་མངོན་གསལ་མི་འདུག ད་ཆ་བཞུགས་སྒར་དྷརྨ་ས་ལ་གཙོས་རྒྱ་གར་རྒྱལ་ཡོངས་ནང་ཏོག་དབྱིབས་གཉན་རིམས་ཁྱབ་གདལ་གྱི་གནས་སྟངས་དེ་དེ་སྔ་ལས་ཅུང་ཇེ་བཟང་དུ་ཕྱིན་ཡོད་ཀྱང་། ཁ་སང་དང་ཁ་ཉིན་བཅས་ལ་བོད་མིའི་སྒྲིག་འཛུགས་ཀྱི་བསྟི་གནས་གངས་སྐྱིད་ཁུལ་དང་ Forsyth Ganj ནས་བོད་མི་ཁག་ཅིག་ལ་ཏོག་དབྱིབས་ཀྱི་ནད་གཞི་ཕོག་པའི་གནས་ཚུལ་ཐོན་ཡོད་པ་རེད།རླུང་འཕྲིན་ཁང་གིས་བོད་མིའི་སྒྲིག་འཛུགས་ཀྱི་དབུས་ཏོག་དབྱིབས་གཉན་རིམས་ཛ་དྲག་ལས་དོན་ཚོགས་ཆུང་གི་ཚོགས་གཙོ་འཕྲོད་བསྟེན་དྲུང་ཆེ་དཔལ་ལྡན་དོན་གྲུབ་ལགས་སུ་བཅར་འདྲི་ཞུས་པར་ཁོང་གིས་གངས་སྐྱིད་དང་ Forsyth Ganj ནས་ནད་གཞི་ཕོག་མཁན་བོད་མི་ཁག་ཅིག་བྱུང་ཡོད་ཀྱང་ནད་གཞི་ཕོག་མཁན་རེ་ཟུང་མ་གཏོགས་གཞན་རྣམས་ལ་ནད་རྟགས་མངོན་གསལ་མེད་པ་དང་། ད་ཆ་ས་གནས་སུ་སླར་ནད་གཞི་ཕོག་མཁན་བྱུང་བར་བརྟེན་དབུས་སྣེ་ལེན་ཁང་དུ་ཏོག་དབྱིབས་གཉན་རིམས་གསོ་བཅོས་ཁང་བསྐྱར་དུ་སྒོ་འབྱེད་གནང་ངེས་ཡིན་སྐོར་གསུངས་ཡོད། དེ་བཞིན་དྲུང་ཆེ་མཆོག་གིས་ད་ལན་ལས་ཁུངས་གང་ཞིག་ནས་ནད་གཞི་ཕོག་མཁན་འབྱུང་ཚེ་ལས་བྱེད་ཡོངས་ལ་ངེས་པར་དུ་བརྟག་དཔྱད་གནང་དགོས་པ་དང་ནད་གཞི་ཕོག་པ་རྣམས་དེ་མ་ཐག་ཏུ་སྒྲིག་འཛུགས་ཀྱིས་གོ་སྒྲིག་ཞུས་པའི་གཉན་རིམས་གསོ་བཅོས་ཁང་དུ་ཕེབས་དགོས་པ་གསུངས་སོང་།  གསར་འགོད་པས་ཉེ་ལམ་བོད་མིའི་སྒྲིག་འཛུགས་ཀྱི་དབུས་ཏོག་དབྱིབས་གཉན་རིམས་ཛ་དྲག་ལས་དོན་ཚོགས་ཆུང་གི་ཚོགས་མི་རྣམས་བོད་མིའི་གཞིས་སྒར་ཁག་ཏུ་ཏོག་དབྱིབས་གཉན་རིམས་ཀྱི་ནད་རླབས་གསུམ་པའི་སྔོན་འགོག་དང་འབྲེལ་བའི་གྲ་སྒྲིག་གནང་ཕྱོགས་ཐད་ལ་རྟོག་ཞིབ་སླད་ཕྱོགས་ཕེབས་གནང་བ་དང་འབྲེལ་བའི་བཅར་འདྲི་ཞུས་པར་ཁོང་གིས་ས་གནས་ཚང་མར་མཐུན་རྐྱེན་གྱི་གྲ་སྒྲིག་ཡག་པོ་འདུག་ཀྱང་ས་གནས་ཁག་ཅིག་ལ་མི་ཆའི་ངལ་བ་འཕྲད་སྐོར་གསུངས་པ་མ་ཟད། སྤྱིར་ང་ཚོ་ལོ་གཉིས་མ་ཟིན་ཙམ་གྱི་རིང་ལ་གཉན་རིམས་ལ་གདོང་ལེན་གནང་ནས་བཞུགས་སྐབས་ནད་གཞི་ཕོག་མཁན་གྱི་གྲངས་འབོར་ཇེ་མང་དུ་འགྲོ་སྐབས་ཞེད་སྣང་གནང་བ་ལས་རང་ཉིད་ཀྱིས་དེའི་སྔོན་འགོག་གནང་གལ་ཡིན་པར་གསུངས་སོང་བ་དང་ཆབས་ཅིག གཟུགས་གཞི་བདེ་མིན་བྱུང་སྐབས་ངེས་པར་དུ་བརྟག་དཔྱད་གནང་དགོས་པའི་གཞེན་སྐུལ་གནང་ཡོད།   གཞི་རྩའི་རྒྱ་བལ་གཉིས་སུ་བཞུགས་པའི་བོད་མི་མང་དག་ཅིག་ལ་སྔོན་ཁབ་གཉིས་པ་ཐོབ་ཟིན་པ་དང་དེ་བཞིན་སྔོན་ཁབ་གཉིས་པ་མ་ཐོབ་པ་རྣམས་ཀྱང་སྔོན་ཁབ་གཉིས་པ་བཞེས་པའི་དུས་མཚམས་ལ་སླེབས་ཡོད་ པ་རེད།  འོན་ཀྱང་གཞུང་དང་ས་གནས་གཉིས་ཀྱིས་དུས་ཀུན་ཏུ་སྔོན་ཁབ་བཞེས་མིན་ལ་མ་ལྟོས་པར་མང་ཚོགས་ཚོས་ཞལ་རས་བཞེས་རྒྱུ་དང་སྔོན་འགོག་གི་ཐབས་ལམ་རྣམས་མུ་མཐུད་བསྟེན་དགོས་པའི་འབོད་སྐུལ་ཞུས་མུས་ཡིན་པ་རེད།  སྤྱིར་ཏོག་དབྱིབས་གཉན་རིམས་ཀྱི་གནས་སྟངས་དང་འབྲེལ་རྒྱ་གར་ལྟ་བུར་ཆ་མཚོན་ན་ཁ་སང་དང་ཁ་ཉིན་བཅས་ལ་ནད་གཞི་ཕོག་མཁན་གྱི་གྲངས་འབོར་དེ་ཁྲི་གཉིས་ལྷག་དང་ཁྲི་གསུམ་མ་ཟིན་ཙམ་ལ་ཆགས་ཀྱི་འདུག ནད་གཞི་དེའི་རྐྱེན་གྱིས་འདས་གྲོངས་སུ་གྱུར་མཁན་ཉིན་རེར་ ༢༨༠ ལྷག་ཆགས་ཀྱི་ཡོད་པ་རེད།

གཟའ་འཁོར་འདིའི་ནང་བཙན་བྱོལ་བོད་མིའི་འདུས་སྡོད་ས་ཁུལ་ཁག་ཏུ་ཏོག་དབྱིབས་ནད་གཞི་ཕོག་མཁན་ཇེ་མང་དུ་འགྲོ་བཞིན་པ་དང་དེའི་ཁོངས་ད་ལྟའི་ཆར་སྦེལ་ཀོབ་བོད་མིའི་གཞིས་ཆགས་ནང་ནད་གཞི་ཕོག་མཁན་གྲངས་འབོར་མང་ཤོས་དེ་ཆགས་ཀྱི་འདུགཁ་སང་བོད་མིའི་སྒྲིག་འཛུགས་ཀྱི་ཏོག་དབྱིབས་སྔོན་འགོག་ལས་དོན་ཚོགས་ཆུང་གི་གསར་འགོད་གསལ་བསྒྲགས་ཐེངས་ ༧༡ སྤེལ་བའི་ཐོག་སྨན་པ་ཚེ་རིང་མཚམས་གཅོད་ལགས་ཀྱིས་འདས་པའི་ལོ་གཅིག་དང་ཕྱེད་ཀ་ལྷག་ཙམ་གྱི་རིང་འཛམ་གླིང་ཁྱོན་ལ་གཉན་རིམས་ཁྱབ་གདལ་ཤུགས་ཆེར་ཕྱིན་པར་བརྟེན་ཨ་རི་དེ་གཉན་རིམས་ཕོག་མཁན་གྱི་གྲངས་འབོར་མཐོ་ཤོས་དང་པོ་དང་རྒྱ་གར་དེ་བཞིན་གཉན་རིམས་ཕོག་མཁན་གྱི་གྲངས་འབོར་མཐོ་ཤོས་གཉིས་པ་ཆགས་ཡོད་པ་མ་ཟད། ད་ཆ་རྒྱ་གར་ནང་ཉིན་གཅིག་ནང་ལ་ནད་གཞི་གསར་པ་འགོས་པ་མི་གྲངས་སྟོང་ཕྲག་ ༣༠ ནས་ ༤༠ ཡས་མས་ཆགས་ཡོད་པ་དང་དེའི་ནང་ནས་རྒྱ་གར་ལྷོ་ཕྱོགས་མངའ་སྡེ་ Kerala དང་ Maharashtra དེ་བཞིན་ཉེ་ཆར་ཧི་མཱ་ཅལ་གཙོས་བྱང་ཤར་མངའ་སྡེ་ཁག་ཅིག་ནང་གཉན་རིམས་ ༡༩ ཡི་གཉན་སྲིན་གྱི་ངོ་བོ་འགྱུར་ལྡོག་འགྲོ་བ་ Delta  Variant ཞེས་པ་དེའི་རྐྱེན་གྱིས་འགོས་ཁྱབ་ཆེས་མྱུར་བ་ཡོད་སྟབས། བོད་མི་མང་ཚོགས་ཀྱི་ངོས་ནས་ངེས་པར་དུ་སྨན་ཁབ་རྒྱག་རྒྱུ་གནད་འགག་ཆེན་པོ་ཡིན་པར་ལམ་སྟོན་གནང་འདུགདེ་བཞིན་བདུན་ཕྲག་འདིའི་ནང་བོད་མིའི་འདུས་སྡོད་ཁག་གི་ཏོག་དབྱིབས་གནས་སྟངས་དང་འབྲེལ་ནས་སྨན་པ་ཚེ་རིང་མཚམས་གཅོད་ལགས་ཀྱིས་གཟའ་འཁོར་འདི་ཁོ་ནར་རྒྱ་གར་དང་བལ་ཡུལ་གཉིས་སུ་བོད་མི་ ༢༣༢ ལ་གསར་དུ་ཏོག་དབྱིབས་ནད་དུག་ཕོག་པ་དང་འདི་ནི་བདུན་ཕྲག་སྔོན་མ་དང་བསྡུར་ན་ནད་པ་ ༥༤ མང་དུ་སོང་ཡོད་ཅེས་གསུངས་ཏེ་བོད་པ་ཚོས་རང་ལ་ནད་རྟགས་ཐོན་པའི་དུས་སུ་ནང་མི་སྤུན་མཆེད་དང་བཅས་པར་བདེ་ཐབས་སླད་རང་ཉིད་ཟུར་བཀག་ཐོག་བཞུགས་དགོས་པ་དང་ད་ཆ་རྒྱ་གར་ནང་ནད་ཡམས་ཕོག་མཁན་བརྒྱ་ཆ་ ༤༠ ནས་...

ཁ་སང་བོད་མིའི་སྒྲིག་འཛུགས་ཀྱི་ཝུ་ཧན་ཏོག་དབྱིབས་སྔོན་འགོག་ལས་དོན་ཚོགས་ཆུང་གི་གསར་འགོད་གསལ་བསྒྲགས་ཐེངས་ ༥༦ པ་སྤེལ་བ་དང་སྦྲགས་བོད་མིའི་འདུས་སྡོད་ཀྱི་ས་ཁུལ་ཁག་ཏུ་སྨན་པ་དང་སྨན་ཞབས་པའི་དང་བླངས་ཕྱག་རོགས་གནང་རོགས་ཞེས་འབོད་སྐུལ་གནང་སོང་།གསར་འགོད་གསལ་བསྒྲགས་ཐོག་བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་ཀྱི་དྲུང་ཆེ་དཔལ་ལྡན་དོན་གྲུབ་ལགས་ཀྱིས་རྒྱ་གར་ནང་ནད་རླབས་གཉིས་པའི་དུས་ཚིགས་སུ་ཉིན་རེར་ནད་གཞི་ཕོག་མཁན་ཇེ་མང་དུ་འགྲོ་མུས་ཁྲོད་འདིར་རྒྱ་གར་དུ་གནས་བཞུགས་བོད་མིའི་མི་འབོར་འབུམ་གཅིག་ཙམ་མེད་སྟབས་བོད་མིའི་སྤྱི་ཚོགས་ཁྲོད་ནད་ཡམས་ཁྱབ་གདལ་ཤུགས་ཆེ་མི་འགྲོ་སླད་མང་ཚོགས་ནས་འགན་རང་འཁུར་གྱིས་ནད་ཡམས་ལས་མཐར་ཐབས་དང་སྔོན་འགོག་གི་ཐབས་ལམ་ཁག་མུ་མཐུད་བསྟེན་དགོས་པའི་གཞེན་སྐུལ་ནན་པོ་གནང་སོང་། དེ་བཞིན་དྲུང་ཆེ་མཆོག་གིས་ད་ལྟའི་ཆར་རྒྱལ་ས་ལྡི་ལི་གཙོས་ཀར་ན་ཊ་ཀ་དང་། ཆ་ཏིས་གྷར། མ་ཧཱ་རཤཊྚ་སོགས་མངའ་སྡེ་བཅུ་ཙམ་ནང་ནད་གཞི་ལྗིད་པོ་ཆགས་ཡོད་པ་དང་ཆབས་ཅིག  བོད་མིའི་འདུས་སྡོད་ས་གནས་དྷརྨ་ས་ལ་དང་། ཝཱ་རཱ་ཎ་སཱི། ལྡེ་ར་ལྡུན།  ཧུན་སུར། དེ་བཞིན་ཨུ་རི་ས་བཅས་ནད་པ་མང་པོ་ཐོན་སའི་ས་ཁུལ་ཆགས་ཡོད་པར་གསུངས་སོང་། ནད་ཡམས་ཀྱི་ཛ་དྲག་དུས་སྐབས་སུ་ས་གནས་ཁག་ཅིག་ལ་སྨན་པ་དང་སྨན་ཞབས་པ་འདང་ངེས་མེད་པའི་དཀའ་ངལ་རིམ་པ་འཕྲད་བཞིན་འདུག་པ་དང་། ལྷག་པར་དུ་དེའི་ཁྲོད་ད་ཆ་ཝཱ་ཎ་དབུས་བོད་ཀྱི་གཙུག་ལག་སློབ་གཉེར་ཁང་དུ་སྨན་ཞབས་པའི་ཕྱག་ལས་གནང་མཁན་དགོས་མཁོ་ཆེ་བར་བརྟེན་ཟླ་བ་གཅིག་གཉིས་ནང་བོད་རིགས་སྨན་པ་རྣམས་སྤྱི་ཚོགས་ཞབས་ཞུ་ཆེད་དུ་དང་བླངས་ཕྱག་རོགས་གནང་རོགས་ཞེས་འབོད་སྐུལ་གནང་བ་དང་སྦྲགས། དེ་ལྟར་གནང་བློ་མཆིས་རིགས་ཚོས་འབྲེལ་བ་གནང་རོགས་ཞེས་གསུངས་སོང་། རྩ་བའི་གཟའ་འཁོར་འདིའི་ནང་བོད་མིའི་འདུས་སྡོད་ཁག་ཏུ་ཏོག་དབྱིབས་ནད་གཞི་ཕོག་མཁན་ ༢༦༠ དང་དེའི་ཁོངས་ལོ་ན་བགྲེས་ཤོས་དེ་ ༩༠ དང་ཆུང་ཤོས་དེ་ལོ་ ༢ སོན་པའི་བྱིས་པ་རེད་འདུག ཚོགས་ཆུང་གི་འབྲེལ་མཐུད་པ་གསོ་རིག་སྨན་པ་ཚེ་རིང་མཚམས་གཅོད་ལགས་ཀྱིས་གཟའ་འཁོར་འདིའི་ནང་ནད་ཡམས་རྐྱེན་གྱིས་སྐྱེས་པ་རང་ལོ་ ༧༥ སོན་པར་ནད་རྟགས་ཡོད་པ་གང་ཞིག་ལ་ཁྲག་ཤེད་ནད་གཞི་ཡོད་པ་དང་། དེ་བཞིན་སྐྱེས་པ་རང་ལོ་ ༦༦ སོན་པ་གང་ཞིག་ལ་ཏོག་དབྱིབས་ ༡༩ འི་ནད་རྟགས་ཆ་ཚང་མངོན་པ་གཉིས་ཀྱི་ཚེ་སྲོག་ཤོར་ཡོད་སྐོར་གསུངས་སོང་། ལྷག་པར་དུ་ད་རེས་ནད་གཞི་ཕོག་པའི་ཁོངས་ལོ་ན་ ༦༠ ཡན་གྱི་མི་གྲངས་...

རྒྱ་གར་ནང་རྒྱ་ནག་ཝུ་ཧན་ནས་ཐོག་མར་མཆེད་པའི་ཏོག་དབྱིབས་གཉན་རིམས་ ༡༩ ནད་གཞི་ཕོག་མཁན་ཉིན་རེ་བཞིན་ཇེ་མང་དུ་འགྲོ་བའི་ཁྲོད་འདིར་ཀངྒ་ར་རྫོང་ནས་མཚན་མོ་དང་དེ་བཞིན་རེས་གཟའ་སྤེན་པ་དང་ཉི་མ་ནམ་ཡིན་ལ་ཕྱིར་བསྐྱོད་མི་ཆོག་པའི་བཀའ་རྒྱ་བསྡམ་སོང་།ད་ཆ་རྒྱ་གར་ནང་ཏོག་དབྱིབས་གཉན་རིམས་ཀྱི་ Second Wave འམ་ཚ་རླབས་གཉིས་པ་འཕེལ་བཞིན་པའི་དུས་སྐབས་འདིར་མངའ་སྡེ་སོ་སོ་ནས་གནས་སྟངས་ལ་གཞིགས་ཏེ་ནད་ཡམས་སྔོན་འགོག་བཀག་སྡོམ་སླད་ཐེམ་སྤང་གི་བཀའ་རྒྱ་སོགས་གསལ་བསྒྲགས་གནང་ཡོད་པ་ལྟར། འདས་པའི་ཉིན་ཤས་ནས་ཀངྒ་ར་རྫོང་ཁོངས་སུའང་ནད་གཞི་དེ་ཕོག་མཁན་ཇེ་མང་དུ་འགྲོ་བའི་རྐྱེན་གྱིས་ཁ་སང་ཕྱི་དྲོ་ཀངྒ་ར་རྫོང་དཔོན་སྐུ་ཞབས་ Rajesh Kumar Prajapati ལགས་ཀྱིས་གསར་འགོད་གསལ་བསྒྲགས་བསྐྱངས་པར་ཁ་སང་ནས་དབུ་འཛུགས་ཀྱིས་དགོང་མོ་ཚོུད་ ༨ ནས་སྔ་དྲོ་ཕྱག་ཚོད་ ༦ བར་དང་། དེ་བཞིན་རེས་གཟའ་སྤེན་པ་དང་ཉི་མ་ནམ་ཡིན་ལ་ཕྱིར་བསྐྱོད་མི་ཆོག་པའི་བཀའ་རྒྱ་བསྡམ་སོང་། གཞན་ཡང་སྐབས་དེར་རྫོང་དཔོན་གྱིས་གཞུང་སྒེར་གྱི་ལས་ཁུངས་ཁག་གི་ལས་བྱེད་རྣམས་བརྒྱ་ཆ་ ༥༠ ཐོག་ནས་ལས་བཞུགས་ཞུ་རྒྱུ་དང་། ལྷག་པར་དུ་ཀུམ་བྷ་དུས་སྟོན་དང་གནས་མཇལ་ལ་ཕེབས་མཁན།  དེ་བཞིན་ནད་གཞི་འགོས་ཁྱབ་ཆེ་བའི་མངའ་སྡེ་རྒྱལ་ས་ལྡི་ལིས་གཙོས་པའི་པན་ཇབ། ཨུཏྟྲ་པྲ་དེ་ཤ། གུ་ཇརྚ། རཱ་ཇིས་ཐན། དེ་བཞིན་མ་ཧཱ་རཱཤྚ་སོགས་ནས་ཡོང་མཁན་ཚོ་ཉིན་གྲངས་བདུན་རིང་ཟུར་བཀག་དུ་བཞུགས་རྒྱུ་དང་དེ་རྗེས་...

དེ་རིང་བོད་མིའི་སྒྲིག་འཛུགས་ཝུ་ཧན་ཏོག་དབྱིབས་གཉན་རིམས་སྔོན་འགོག་ལས་དོན་ཚོགས་ཆུང་གི་གསར་འགོད་གསལ་བསྒྲགས་ཐེངས་ ༥༥ པ་སྤེལ་བའི་ཐོག་གཟའ་འཁོར་འདིའི་ནང་བོད་མི་གཉན་རིམས་ཕོག་མཁན་ ༨༠ བྱུང་ཡོད་སྐོར་དང་སྦྲགས་ཏེ་ད་ཆ་རྒྱ་གར་ནང་ཏོག་དབྱིབས་གཉན་རིམས་ཀྱི་གནས་སྟངས་ཛ་དྲག་ཏུ་འགྲོ་མུས་ཁྲོད་འདིར་མང་ཚོགས་རྣམས་ནས་སྔོན་འགོག་གི་གནང་སྒོ་ཁག་མུ་མཐུད་བསྟེན་གནང་པར་ནན་བརྗོད་གནང་སོང་།གསར་འགོད་གསལ་བསྒྲགས་ཐོག་གསར་འགོད་འབྲེལ་མཐུད་པ་གསོ་རིག་སྨན་པ་ཚེ་རིང་མཚམས་གཅོད་ལགས་ཀྱིས་ནད་གཞི་ཕོག་པའི་གྲངས་ཐོ་སྙན་སྒྲོན་གནང་བ་དང་འབྲེལ། གཟའ་འཁོར་འདིའི་ནང་བོད་མིའི་འདུས་སྡོད་ཁག་ཏུ་ཏོག་དབྱིབས་རིམས་ནད་ཕོག་མཁན་ཁྱོན་མི་གྲངས་ ༨༠   བྱུང་བ་དང་དེའི་ཁོངས་ནས་ལོ་ན་བགྲེས་ཤོས་དེ་དགུང་གྲངས་ ༨༤  དང་གཉན་རིམས་ཕོག་མཁན་ལོ་ན་ཆུང་ཤོས་དེ་བྱིས་པ་ལོ་གཅིག་སོན་པ་ཞིག་ཡིན་པ་གསུངས་སོང་།   ལྷག་པར་དུ་ད་རེས་ནད་རྟགས་ཡོད་པ་དང་མེད་པའི་གྲངས་ཐོ་འབྱོར་མེད་ཀྱང་།   ད་ལན་ཁག་ཅིག་དབུགས་གཏོང་ལེན་གྱི་དཀའ་ངལ་རྐྱེན་སྨན་ཁང་ལ་འགྲོ་དགོས་པ་བྱུང་བ་མ་གཏོགས་དེ་མིན་གཞན་རྣམས་ཀྱི་གནས་སྟངས་ཛ་དྲག་མེད་སྐོར་གསུངས་སོང་། ཁོང་གིས་ད་ཆ་ Uttarkand མངའ་སྡེའི་ Haridwar གྲོང་ཁྱེར་ནང་རྒྱ་གར་གྱི་ཀུཾབྷ་དུས་སྟོན་ཚོགས་ཀྱི་ཡོད་སྟབས་དེའི་རྐྱེན་གྱིས་འགྲུལ་བཞུད་གནང་མཁན་མང་པོ་ཡོད་པར་བརྟེན་ཨུཏྟརཱཁནཌ་ནང་ཡོད་པའི་བོད་མི་རྣམས་ནས་ཡིད་གཟབ་ནན་གནང་དགོས་པ་དང་ཕྱིར་དོན་མེད་ཕེབས་རྒྱུ་མེད་པའི་གཞེན་སྐུལ་གནང་ཡོད།ཕྱི་ལུགས་སྨན་པ་བསྟན་འཛིན་བརྩོན་འགྲུས་ལགས་ཀྱིས་ཐུགས་སྣང་ལམ་སྟོན་དང་འབྲེལ་ཏེ་ཏོག་དབྱིབས་གཉན་རིམས་ ༡༩ འི་གཉན་སྲིན་གྱི་ངོ་བོར་འགྱུར་ལྡོག་ཕྱིན་པར་བརྟེན་ནད་རྟགས་ཡང་གསར་པ་ཐོན་གྱི་ཡོད་པར་ངོ་སྤྲོད་གནང་བ་དང་ལྷག་པར་དུ་ད་ཆ་རྒྱ་གར་ནང་གཉན་རིམས་ཀྱི་གནས་སྟངས་ཛ་དྲག་ཏུ་འགྲོ་རྐྱེན་མངའ་སྡེ་ཁག་ཅིག་ཏུ་སྨན་ཁང་དུ་ཉལ་ཁྲི་མ་ལྡང་བའི་དཀའ་ངལ་འཕྲད་བཞིན་ཡོད་སྟབས། མང་ཚོགས་ནས་མུ་མཐུད་སྔོན་འགོག་གི་གནང་སྒོ་ཁག་བསྟེན་དགོས་པ་དང་སྔོན་ཁབ་ངེས་པར་དུ་བསྐྱོན་དགོས་པའི་འབོད་སྐུལ་གནང་སོང་། གཞི་རྩའི་ད་བར་རྒྱ་བལ་གཉིས་ནང་ཁྱོན་བོད་མི་ ༡༨༣༧ ལ་གཉན་རིམས་ཕོག་ཡོད་པ་དང་དེའི་ཁོངས་དྲག་སྐྱེད་སོང་བ་ ༡༦༤༨ དང་འདས་གྲོངས་སོང་བ་  ༤༨ དེ་བཞིན་ནད་ཀྱིས་མནར་བཞིན་པ་  ༡༤༡ ཆགས་ཀྱི་ཡོད་པ་རེད། རྒྱ་གར་ནང་ད་ཆ་གཉན་རིམས་ཀྱི་ Second Wave འམ་ཚ་རླབས་གཉིས་པ་འགྲོ་བཞིན་པ་དང་བསྟུན་ཁ་སང་ཆུ་ཚོད་...

ཁ་སང་རེས་གཟའ་ཉི་མའི་ཉིན་ཧི་མཱ་ཅལ་མངའ་སྡེའི་སྤྱི་ཁྱབ་བློན་ཆེན་སྐུ་ཞབས་ Jai Ram Thakur མཆོག་གིས་ཏོག་དབྱིབས་ ༡༩ གནས་སྟངས་ཛ་དྲག་ཏུ་འགྲོ་བཞིན་པའི་དུས་སྐབས་འདིར་མངའ་སྡེ་གཞན་ནས་ཧི་མཱ་ཅལ་ནང་ཕེབས་མཁན་རྣམས་ལ་ལམ་སྟོན་གསར་པ་གནང་འདུགརྒྱ་གར་གྱི་རྒྱལ་ས་ལྡིལི་དང་གུ་ཇུརཱ་ཊ། ཀ་ན་ཊ་ཀ། མ་ཧཱརྴ་ཊ། རཱ་ཇིསྠན། དེ་བཞིན་ཨུཏྟརཔྲེ་ཤ་བཅས་ནས་ཧི་མཱ་ཅལ་མངའ་སྡེ་ནང་ཕེབས་མཁན་ཚོས་ངེས་པར་དུ་ཆུ་ཚོད་ ༧༢ ལས་མ་བརྒལ་བའི་ RTPC Rreport འམ་ཏོག་དབྱིབས་ནད་དུག་མེད་པའི་བརྟག་དཔྱད་ཟིན་པའི་ཡིག་ཆ་དགོས་པའི་ལམ་སྟོན་གནང་འདུག་པ་དང་། ལམ་སྟོན་དེ་ཟླ་ ༤ ཚེས་ ༡༦ ནས་ཕྱག་བསྟར་གནང་རྒྱུ་ཡིན་པ་རེད་འདུག སྐུ་ཞབས་ Jai Ram Thakur མཆོག་གིས་དེང་གི་འཆར་རྒྱ་གར་རྒྱལ་ཡོངས་སུ་ཏོག་དབྱིབས་གཉེན་རིམས་ཁྱབ་བརྡལ་གྱི་མྱུར་ཚད་དེ་ཉིན་རེ་བཞིན་ཇེ་ཆེར་འགྲོ་བཞིན་པ་མ་ཟད་ཧི་མཱཅལ་མངའ་སྡེ་ནང་དུའང་འདས་པའི་ཉིན་གྲངས་ ༤༥ ནང་མི་གྲངས་ ༡༦༠༠༠ ལྷག་ལ་གཉན་རིམས་ཕོག་ཡོད་པ་དང་མི་གྲངས་ ༡༢༠ ལྷག་འདས་གྲོངས་སུ་གྱུར་ཡོད་སྐོར་གསུངས་པ་དང་ཆབས་ཅིག ཏོག་དབྱིབས་གཉན་རིམས་ཀྱི་རྦ་རླབས་གཉིས་པ་དེ་གཞོན་སྐྱེས་ཀྱི་ཁྲོད་དུ་ཁྱབ་གདལ་མྱུར་བ་གྲོ་བཞིན་པ་ནི་ཛ་དྲག་རང་བཞིན་ཞིག་ཡིན་སྟབས། ཕྱི་ཟླ་ ༤...

ཁ་སང་བོད་མིའི་སྒྲིག་འཛུགས་ཀྱི་ཝུ་ཧན་ཏོག་དབྱིབས་སྔོན་འགོག་ལས་དོན་ཚོགས་ཆུང་གི་གསར་འགོད་གསལ་བསྒྲགས་ཐེངས་ ༥༤ པ་བསྐྱངས་པ་དང་སྦྲགས་ཏེ་བོད་མི་མང་ཚོགས་ནས་སྲིད་སྤྱི་གཉིས་ཀྱི་དངོས་གཞིའི་འོས་བསྡུའི་ཆེན་མོའི་ལས་རིམ་སྐབས་ཏོག་དབྱིབས་སྔོན་འགོག་གི་ལམ་སྟོན་ཁག་མུ་མཐུད་བསྟེན་དགོས་པའི་གཞེན་སྐུལ་གནང་སོང་།གསར་འགོད་གསལ་བསྒྲགས་ཐོག་བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་ཀྱི་ཟུང་དྲུང་ཚེ་རིང་གཡུ་སྒྲོན་ལགས་ཀྱིས་རྒྱ་གར་ནང་ཁ་སྔོན་ཆུ་ཚོད་ ༢༤ ནང་ཚུད་དུ་ཏོག་དབྱིབས་ནད་དུག་ཕོག་མཁན་མི་གྲངས་འབུམ་གཅིག་ལྷག་ཙམ་ཐོན་པ་ད་ཆ་གནས་སྟངས་ཛ་དྲག་ཆགས་ཡོད་སྟབས་བོད་མི་མང་ཚོགས་ནས་དུས་ཚོད་འདིར་ངེས་པར་དུ་ཡིད་གཟབ་དང་རིག་པ་སྒྲིམ་དགོས་པ། ལྷག་པར་དུ་ནད་ཡམས་དེའི་རྐྱེན་གྱིས་བགྲེས་སོང་ཕལ་མོ་ཆེ་འདས་གྲོངས་སུ་འགྲོ་ཡི་ཡོད་སྟབས་ལོ་ན་གཞོན་པ་རྣམས་ནས་རང་ཁྱིམ་དུ་བཞུགས་མཁན་ལོ་ན་བགྲེས་པ་ཚོའི་འཕྲོད་བསྟེན་ལ་དགོངས་པ་བཞེས་ཏེ་ཕྱིར་དོན་མེད་མ་ཕེབས་རོགས་ཞེས་གཞེན་སྐུལ་གནང་སོང་།དེ་བཞིན་ཁོང་གིས་རིང་མིན་ཚེས་ ༡༡ ཉིན་བཙན་བྱོལ་བོད་མིའི་སྲིད་སྤྱི་གཉིས་ཀྱི་དངོས་གཞིའི་འོས་བསྡུ་ཆེན་མོའི་ལས་རིམ་སླེབས་ཉེ་དང་བསྟུན་མང་ཚོགས་ནས་ཏོག་དབྱིབས་སྔོན་འགོག་གི་ལམ་སྟོན་ཁག་མུ་མཐུད་བསྟེན་དགོས་པ་མ་ཟད་འོས་བསྡུའི་ས་ཚིགས་སུ་ཕྲུ་གུ་འཁྲིད་རྒྱུ་མེད་པ་དང་། སྔ་ས་ནས་འོས་སུ་ལ་འཕེན་མི་འཕེན་གྲ་སྒྲིག་གནང་རོགས་ཞེས་གསུངས་ཡོད། ས་གནས་ཀྱི་གནས་སྟངས་དང་འབྲེལ་ཏོག་དབྱིབས་སྔོན་འགོག་ལས་དོན་ཚོགས་ཆུང་གི་གསར་འགོད་འབྲེལ་མཐུད་པ་སྨན་པ་ཚེ་རིང་མཚམས་གཅོད་ལགས་ཀྱིས་གཟའ་འཁོར་འདིའི་ནང་བོད་མིའི་འདུས་སྡེ་ཁག་ཏུ་ཏོག་དབྱིབས་རིམ་ནད་ཕོག་མཁན་མི་གྲངས་ ༣༧ བྱུང་བའི་ཁོངས་ནས་ནད་རྟགས་ཡོད་པ་མི་གྲངས་ ༢༣ དང་ནད་རྟགས་མེད་པ་ ༡༤ དང་དེའི་ཁྲོད་སྐྱེས་པ་རང་ལོ་ ༨༤ སོན་པ་གཅིན་སྙིའི་ནད་གཞི་ཡོད་པ་གཅིག་འདས་གྲོངས་སུ་གྱུར་ཡོད་པར་གསུངས་སོང་།ད་བར་རྒྱ་བལ་གཉིས་ནང་ཁྱོན་བོད་མི་ ༡༧༥༧ ལ་གཉན་རིམས་ཕོག་ཡོད་པ་དང་དེའི་ཁོངས་དྲག་སྐྱེད་སོང་བ་ ༡༦༢༨ དང་འདས་གྲོངས་སོང་བ་ ༤༨ དེ་བཞིན་ནད་ཀྱིས་མནར་བཞིན་པ་ ༨༡...