ཐུགས་གསོའི་གསུང་འཕྲིན།

དེང་ཆར་ཞོད་ཆེ་བའི་དུས་ཚོད་དང་བསྟུན་རྒྱ་གར་གྱི་ས་གནས་འདྲ་མིན་ཁག་ཏུ་ཆར་ཞོད་རྐྱེན་པས་ཆུ་ལོག་དང་ས་རུད་སོགས་ཀྱི་གོད་ཆག་འཚབས་ཆེན་འོག་མང་ཚོགས་ཀྱི་འཚོ་ཐབས་དང་ཚེ་སྲོག་ལ་གནོད་འཚེ་ཆེན་པོ་བཟོ་བཞིན་པ་ལྟར་འདས་པའི་བདུན་ཕྲག་ཁ་ཤས་རིང་རྒྱ་གར་བྱང་ཤར་ཨ་སམ་མངའ་སྡེའི་ནང་དུ་ཆར་ཞོད་ཀྱི་འཇིག་པ་ཤུགས་ཆེ་འཕྲད་རྐྱེན་ས་གནས་མི་མང་ ༧༡ ལྷག་གི་ཚེ་སྲོག་ཤོར་བ་དང་མི་སེར་འབུམ་ ༤༠ ལྷག་གི་འཚོ་གནས་ལ་གོད་ཆག་ཆེན་པོ་ཕོག་ཡོད་པ་རེད། ཨ་སམ་མངའ་སྡེའི་ནང་གི་ཆར་ཞོད་གོད་ཆག་དང་འབྲེལ་ཏེ་དེ་རིང་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་མངའ་སྡེའི་སྤྱི་ཁྱབ་བློན་ཆེན་སྐུ་ཞབས་སར་བྷ་ནནྡཱ་སོ་ནོཝཱལ་ (Sarbananda Sonowal)མཆོག་གི་མཚན་ཐོག་ཏུ་མངའ་སྡེའི་མི་མང་ཚོ་ལ་ཐུགས་གསོ་མཛད་འདུགཐུགས་གསོའི་གསུང་འཕྲིན་ནང་མགོན་པོ་༸གང་ཉིད་མཆོག་ནས་སྤྱིར་ལོ་ལྟར་ཆར་དུས་ཀྱི་སྐབས་སུ་ཨ་སམ་གཙོས་རྒྱ་གར་གྱི་ས་གནས་མང་པོ་ཞིག་ཏུ་ཆར་ཞོད་ཀྱི་གོད་ཆག་ཁྲོད་མང་ཚོགས་ཀྱི་ཚེ་སྲོག་དང་སྡོད་ཁང་སོགས་ལ་གནོད་འཚེ་ཆེན་པོ་ཕོག་བཞིན་པ་མ་ཟད། ལྷག་དོན་ད་ཆ་དེ་སྔ་དང་མི་འདྲ་བའི་ཏོག་དབྱིབས་རིམས་ནད་ཀྱི་དཀའ་ངལ་འཕྲད་མུས་སྐབས་འདིར་ཆར་ཞོད་ཀྱི་གོད་ཆག་འཕར་མ་ཞིག་བྱུང་བར་ཐུགས་ཕམ་ཆེན་པོ་བྱུང་སྐོར་བཀའ་བསྩལ་བ་དང་ཆབས་ཅིག གོད་ཆག་འདིའི་ཁྲོད་ཚེ་སྲོག་ཤོར་བའི་མེ་སེར་སྤྱི་དང་ཤུལ་ལུས་ནང་མི་ཉེ་འབྲེལ། དེ་བཞིན་མངའ་སྡེའི་མི་མང་ཡོངས་ལ་ཐུགས་གསོ་ཡོད་ཅེས་བཀའ་བསྩལ་འདུག༸གོང་ས་མཆོག་གིས་ཐེངས་འདིའི་ཐུགས་གསོའི་གསུང་འཕྲིན་བརྒྱུད་མངའ་སྡེ་གཞུང་ནས་མང་ཚོགས་ཀྱི་བདེ་དོན་སླད་དུ་ས་གནས་ཁག་ལ་ཛ་དྲག་ཉེན་སྐྱོབ་དང་ངལ་སེལ་གྱི་ལས་གཞི་ཚགས་ཚུད་ངང་སྤེལ་བཞིན་པར་བསྔགས་བརྗོད་མཛད་པ་དང་ཆབས་ཅིག མགོན་པོ་༸གང་ཉིད་མཆོག་གིས་གདུང་སེམས་མཉམ་བསྐྱེད་མཚོན་ཕྱིར་ཏཱ་ལའི་བླ་མའི་དགེ་རྩ་ནས་ངལ་སེལ་རོགས་དངུལ་གསོལ་བསྩལ་མཛད་རྒྱུ་ཡིན་ཞེས་བཀའ་བསྩལ་འདུག དེ་རིང་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་མངའ་སྡེའི་སྤྱི་ཁྱབ་བློན་ཆེན་སྐུ་ཞབས་ Sarbananda Sonowal མཆོག་ལ་ཐུགས་གསོའི་གསུང་འཕྲིན་ཞིག་བསྩལ་མཚམས་སུ་སྐུ་ཞབས་ཁོང་གིས་རང་ཉིད་ཀྱི་འཕྲུལ་སྒྲའི་སྟེང་ད་ལན་ཆར་ཞོད་ཀྱི་གོད་ཆག་ཕོག་པར་༸གོང་ས་མཆོག་གིས་ཐུགས་བརྩེ་ཆེན་པོས་ཐུགས་གསོ་དང་ངལ་སེལ་རོགས་རམ་གནང་བར་མངའ་སྡེའི་མི་མང་ཡོངས་ཀྱི་ཚབ་ཞུས་ནས་ཐུགས་རྗེ་ཆེ་ཞུས་འདུགགཞི་རྩའི་ཨ་སམ་མངའ་སྡེ་ནི་རྒྱ་གར་གྱི་ཆར་ཤུགས་ཆེ་སའི་ས་གནས་ཤིག་ཡིན་པ་ལྟར། ཟླ་བ་སྔོན་མའི་ཟླ་མཇུག་ཙམ་ནས་མངའ་སྡེའི་བློན་ཆེན་མཆོག་གི་ལམ་བསྟོན་འོག་ས་གནས་སུ་ཆར་ཞོད་དང་འབྲེལ་བའི་གྲ་སྒྲིག་ལས་དོན་ཁག་བརྩམས་ཡོད་ཀྱང་། འདི་ལོ་ཁུལ་དེར་རྒྱུག་པའི་ Brahmaputra འམ་རྟ་མཆོག་ཁ་འབབ་དང་དེའི་ཉེ་འབྲེལ་གྱི་རྒྱུག་ཆུའི་ཆུ་ཚད་སྔར་ལྷག་རྒྱས་ཏེ་མངའ་སྡེའི་རྫོང་ཁག་ ༢༦ ལ་གོད་ཆག་ཆེན་པོ་ཕོག་འདུག

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཐེ་ཝན་ནང་བསྟན་ལྷན་ཚོགས་ཀྱི་ཚོགས་གཙོ་གནང་མྱོང་མཁན་ཐེ་ཝན་ Kung Teh དགོན་པའི་མཁན་པོ་ CHING Hsin མཆོག་དགུང་ལོ་ ༩༡ ཐོག་དགོངས་པ་རྫོགས་པའི་ཡིད་སྐྱོའི་གནས་ཚུལ་ཐོན་པ་དང་བསྟུན། དམ་པ་ཁོང་གི་ཤུལ་ལུས་དད་ལྡན་རྗེས་འབྲང་པ་ཡོངས་ལ་ཐུགས་གསོ་བསྩལ་བ་དང་སྦྲགས། མཁན་པོ་ CHING Hsin མཆོག་གིས་སྐུ་ཚེ་གང་པོར་འགྲོ་དོན་མཛད་དེ་སྐུ་ཚེ་དོན་སྙིང་ལྡན་པ་ཞིག་སྐྱེལ་ཡོད་པ་དེ་ནི་དམིགས་དཔེ་འོས་པ་ཞིག་རེད་ཅེས་བཀའ་བསྩལ་འདུག དགུང་གྲངས་ ༩༡ ལ་ཕེབས་པ་ཐེ་ཝན་ Kung Teh དགོན་པའི་མཁན་པོ་ CHING Hsin མཆོག་ཉེ་ཆར་ཕྱི་ཚེས་ ༡༥ ཉིན་སྐུ་ཚེའི་འཕེན་པ་རྫོགས་པའི་ཡིད་སྐྱོའི་གནས་ཚུལ་ཐོན་ཡོད་པ་དང་།...

ཧྥ་རན་སིའི་ཟུར་འཛིན་ཟུར་པ་སྐུ་ཞབས་ Jacques Chirac མཆོག་ཁ་སང་ཚེས་ ༢༦ ཉིན་དགོངས་པ་རྫོགས་པའི་ཡིད་སྐྱོའི་གནས་ཚུལ་ཐོན་ཡོད་པ་ལྟར་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་དམ་པ་མཆོག་གི་སྐུ་ཟླ་ Bernadette Chirac ལགས་ཀྱི་མཚན་ཐོག་ལ་ཐུགས་གསོའི་གསུང་འཕྲིན་ཞིག་བསྩལ་ཏེ་སྐུ་ཞབས་ Chirac མཆོག་སྐུ་ཚེ་མ་ཟིན་པའི་གནས་ཚུལ་དེ་གསན་འཕྲལ་མགོན་པོ་༸གང་ཉིད་མཆོག་ཐུགས་ཕབ་ཆེན་པོ་བྱུང་ཞེས་བཀའ་བསྩལ་བ་དང་། མགོན་པོ་༸གང་ཉིད་མཆོག་གིས་དམ་པ་དེར་སྔོ་སྨོན་སྐྱབས་འཇུག་མཛད་བཞིན་ཡོད་པ་མ་ཟད་ཤུལ་ལུས་ནང་མི་སྐུ་འཁོར་ཡོངས་ལ་གདུང་སེམས་མཉམ་བསྐྱེད་ཡོད་པ་བཀའ་བསྩལ་འདུག ༸གོང་ས་མཆོག་གིས་ཐུགས་གསོའི་གསུང་འཕྲིན་ནང་མགོན་པོ་༸གང་ཉིད་མཆོག་གིས་སྐུ་ཞབས་ Chirac དམ་པ་མཆོག་ཧྥ་རན་སིའི་གྲོང་སྡེའི་སྤྱི་ཁྱབ་པར་བསྐོ་གཞག་གནང་བ་ནས་ཞལ་ཚོར་གྱི་ཡོད་པ་མ་ཟད། དམ་པ་ཁོང་ནི་བོད་མིའི་གྲོགས་པོ་བཟང་པོ་ཞིག་ལ་ངོས་འཛིན་མཛད་ཀྱི་ཡོད་པ་དང་། ཁོང་ཧྥ་རན་སིའི་སྲིད་འཛིན་ཡིན་སྐབས་སུ་འཇར་མན་དང་ལྷན་དུ་བློ་ཐག་ཉེ་བའི་འབྲེལ་ལམ་བཙུགས་ཏེ་ཡོ་རོབ་སྤྱི་མཐུན་གྱི་རྒྱལ་ཁབ་གོང་བུ་གཅིག་གྱུར་ལ་ཞབས་འདེགས་ཞུས་ཡོད་པ་བཀའ་བསྩལ་བ་དང་ཆབས་ཅིག ངོས་རང་ལ་རྨི་ལམ་ཞིག་ཡོད་པ་ནི་ཁོང་གི་ཕུགས་རྒྱང་རིང་བའི་ཆབ་སྲིད་ཀྱི་ལས་འཆར་དེ་ལྟ་བུ་ཡོད་ཚད་ཨ་ཕི་རི་ཀ་དང་ཨ་རི། དེ་བཞིན་ཨེ་ཤ་ཡ་སོགས་སུ་ཡང་དར་ཁྱབ་བྱུང་རྒྱུ་དེ་ཡིན་ཞེས་བཀའ་བསྩལ་བ་དང་། དམ་པ་མཆོག་གིས་ཡོ་རོབ་སྤྱི་མཐུན་གྱི་ཆེད་དུ་ལྷག་བསམ་རྣམ་དག་གིས་ཕྱག་ལས་གནང་ཡོད་པ་ནི་མི་མང་གིས་གུས་བརྩི་ཆེན་པོས་དྲན་ངེས་ཞིག་ཡིན་པ་བཀའ་བསྩལ་མཛད་འདུག གཞི་རྩའི་ཧྥ་རན་སིའི་ཟུར་འཛིན་ཟུར་པ་སྐུ་ཞབས་ Jacques Chirac མཆོག་ནི་ཕྱི་ལོ་ ༡༨༣༢ ལོར་ཧྥ་རན་སིར་སྐུ་འཁྲུངས་བ་དང་།...