དབུ་མའི་ལམ།

དེ་རིང་རྒྱལ་སྤྱིའི་དབུ་མའི་ལམ་མི་མང་ལས་འགུལ་ཁང་གི་སྐབས་ལྔ་པའི་རྒྱལ་ཡོངས་ཚོགས་ཆེན་མཇུག་བསྒྲིལ་དང་བསྟུན་མ་འོངས་པའི་ལས་འགུལ་དང་དབུ་མའི་ལམ་གྱི་གོ་རྟོགས་སྤེལ་ཕྱོགས་ཐོག་གྲོས་གཞི་གྲོས་ཆོད་ཁག་ཅིག་གཏན་འབེབས་གནང་སོང་། དེ་རིང་ཉིན་དགུང་ཚོུད་ ༡༢ ཐོག་མེག་གྷན་ཤིང་མཁར་མགྲོན་ཁང་དུ་ཚོགས་པའི་དབུ་མའི་ལམ་མི་མང་ལས་འགུལ་ཁང་གི་སྐབས་ལྔ་པའི་རྒྱལ་ཡོངས་ཚོགས་ཆེན་གྱི་མཇུག་བསྡོམས་མཛད་སྒོར་སྐུ་མགྲོན་གཙོ་བོ་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་ཕེབས་པ་དང་སྐབས་དེར་ཚོགས་གཙོ་མཆོག་གིས་གཙོ་བོ་ལས་དོན་ཐོག་ཤུགས་རྒྱག་རྒྱུ་དེ་གལ་ཆེན་པོ་ཆགས་ཡོད་སྐོར་གསུངས་པ་དང་འབྲེལ། དབུ་མའི་ལམ་ནི་བོད་རྒྱ་གཉིས་ཕན་ཚུན་དབར་ཞི་འགྲིག་ཡོང་རྒྱུའི་སྲིད་བྱུས་ཤིག་ཡིན་སྟབས། སྲིད་བྱུས་དེ་ལམ་དུ་འགྲོ་བར་མང་ཚོགས་དང་འགན་ཁུར་མཁན་ཚོས་ཇི་ལྟར་གནང་དགོས་པ་དང་། ལྷག་དོན་རྒྱ་ནག་གཞུང་ནས་དེའི་ཐོག་འགན་ཁུར་ཇི་ལྟར་ཞུ་དགོས་པ་དང་འགན་ཁུར་གང་འདྲ་ཡོང་མིན་སོགས་ཀྱི་ཐད་ཐུགས་སྣང་ཆེ་བཞེས་གནང་གལ་ཡིན་པ་ལས་ང་ཚོ་ནང་ཁུལ་ལ་དབུ་མ་དང་རང་བཙན་ཞེས་རྩོད་ཚེ་དམིགས་ཡུལ་དངོས་དེ་བསྒྲུབ་པར་འགོག་རྐྱེན་བཟོ་ངེས་ཡིན་སྐོར་གསུངས་ཡོད། དེ་བཞིན་ང་ཚོས་བོད་ཀྱི་ཐུན་མིན་ཆོས་རིག་མ་བརླག་པར་གཙོ་འདོན་གནང་གལ་དང་།  ནམ་ཞིག་ཐུན་མིན་ཆོས་རིག་དེ་བརླག་ཚེ་ང་ཚོས་སྲིད་བྱུས་ཇི་ཙམ་གཏན་འབེབས་དང་ལག་བསྟར་གནང་ཡང་མི་རིགས་ཀྱི་ངོ་བོ་སྲུང་སྐྱོབ་ཐུབ་པར་ཁ་ཡོད་ལག་ཡོད་ཀྱི་ཕན་ཐོགས་དེ་ཙམ་མེད་པས་བོད་ཀྱི་རིག་གཞུང་དང་སྐད་ཡིག་བཅས་པར་ཆེ་མཐོང་ཞུ་གནད་ཡིན་པ་གསུངས་སོང་། གཞི་རྩའི་ཚོགས་ཆེན་ཐོག་མ་འོངས་པར་དབུ་མའི་ལམ་གྱི་ལས་འགུལ་སྤེལ་ཕྱོགས་དང་ཤེས་ཡོན་བསྟི་གནས་ཁག་ལ་དབུ་མའི་ལམ་གྱི་གོ་རྟོགས་སྤེལ་རྒྱུ། ལས་འགུལ་སྤེལ་ཕྱོགས་ཀྱི་ཐབས་ལམ་སོགས་དང་འབྲེལ་བའི་གྲོས་གཞི་གྲོས་ཆོད་ཁག་ཅིག་གཏན་འབེབས་གནང་ཡོད།

དེ་རིང་སྔ་དྲོ་ཚོུད་ ༩༌༣༠ ཐོག་བཞུགས་སྒར་གངས་སྐྱིད་ཕྱི་དྲིལ་ལས་ཁུངས་ཀྱི་ལྷག་པ་ཚེ་རིང་དྲན་རྟེན་ཚོགས་ཁང་དུ་བོད་མིའི་སྒྲིག་འཛུགས་ཕྱི་དྲིལ་ལས་ཁུངས་དབུ་མའི་ལམ་གྱི་ལས་འཆར་ཚན་པའི་གོ་སྒྲིག་འོག་བོད་མིའི་སྒྲིག་འཛུགས་ཀྱི་ལྷན་ཁང་ཁག་གི་སྲི་ཞུ་བའི་ཞལ་གྲངས་ ༢༧ ལ་དབུ་མའི་ལམ་གྱི་སྲིད་བྱུས་དང་འབྲེལ་བའི་ཟབ་འཁྲིད་པའི་ཟབ་སྦྱོང་དབུ་འཛུགས་གནང་སོང་།མཛད་སྒོའི་ཐོག་དྲིལ་བསྒྲགས་དྲུང་ཆེ་ཨརྱ་ཚེ་དབང་རྒྱལ་པོ་ལགས་དང་། དྲུང་ཆེ་ལས་འཕར་འཆི་མེད་ཚེ་དབྱངས་ལགས། རྒྱ་གར་གྱི་རྒྱལ་ས་ལྡི་ལི་ནས་ཕེབས་པའི་ཟབ་སྦྱོང་ཁྱད་སྟོན་མི་སྣ་ལྕམ་སྐུ་ཇ་ཡ་ Jaya ལགས། ལྕམ་སྐུ་ Durba ལགས། དེ་བཞིན་ཟབ་སྦྱོང་ཐོག་མཉམ་ཞུགས་གནང་མཁན་བོད་མིའི་སྒྲིག་འཛུགས་ཀྱི་ལྷན་ཁང་ཁག་གི་སྲི་ཞུ་བ་ཞལ་གྲངས་ ༢༧ ནས་མཉམ་ཞུགས་གནང་འདུགསྐབས་དེར་དྲིལ་བསྒྲགས་དྲུང་ཆེ་ཨརྱ་ཚེ་དབང་རྒྱལ་པོ་ལགས་ཀྱིས་ཟབ་སྦྱོང་ཁྱད་སྟོན་མི་སྣ་དང་མཉམ་ཞུགས་པ་རྣམས་ལ་ཕེབས་བསུའི་གསུང་བཤད་གནང་བ་དང་སྦྲགས། ཟབ་སྦྱོང་སླད་ཁྱད་སྟོན་མི་སྣ་རྒྱ་གར་བ་ཆེད་མངགས་གདན་ཞུ་གནང་དོན་ནི་ཟབ་སྦྱོང་འདི་ཁྱད་སྟོན་མི་སྣས་ཟབ་འཁྲིད་པར་མང་ཚོགས་ལ་གོ་རྟོགས་དང་འགྲེལ་བཤད་ཇི་ལྟར་གནང་དགོས་པའི་ཐབས་ལམ་སྐོར་ལ་ཟབ་འཁྲིད་གནང་རྒྱུ་ཡིན་པར་བརྟེན་རྒྱ་གར་བ་གདན་ཞུ་གནང་བ་ཅིག་ཆགས་སྐོར་གསུངས་སོང་།འདི་ག་རླུང་འཕྲིན་ཁང་གིས་ཕྱི་དྲིལ་ལས་ཁུངས་ཀྱི་དབུ་མའི་ལམ་གྱི་ལས་འཆར་ཚན་པའི་འགན་འཛིན་བསྟན་འཛིན་རབ་འབྱམས་ལགས་སུ་ཟབ་འཁྲིད་གནང་བའི་དགོས་དམིགས་དང་ལྷན་ཁང་ཁག་གི་སྲི་ཞུ་བ་ཁྱད་མེད་ཐོག་ནས་ཇི་ལྟར་གདམ་ཡོད་མེད་སོགས་ཀྱི་ཐོག་བཀའ་འདྲི་ཁག་གཅིག་ཡོད། རྩ་བའི་ཟབ་སྦྱོང་དེའང་དེ་རིང་ཕྱི་ཚེས་ ༡༡ ནས་འགོ་འཛུགས་ཀྱིས་ཕྱི་ཚེས་ ༡༣ བར་འཚོགས་གནང་རྒྱུ་ཡིན་ཞིང་། ཐེངས་འདིའི་བོད་མིའི་སྒྲིག་འཛུགས་ཀྱི་ལྷན་ཁང་ཁག་གི་སྲི་ཞུ་བ་ཚོར་དབུ་མའི་ལམ་གྱི་སྲིད་བྱུས་དང་འབྲེལ་བའི་ཟབ་འཁྲིད་པའི་ཟབ་སྦྱོང་གནང་བ་ཆེས་ཐོག་མ་དེ་ཆགས་ཀྱི་ཡོད་པ་རེད།  

དེ་རིང་ཕྱི་ཟླ་ ༡༠ ཚེས་ ༧ ཉིན་གྱི་སྔ་དྲོ་ཚོུད་ ༩ ཐོག་བཞུགས་སྒར་ཉེ་འདབས་སུ་ཆགས་པའི་ས་རཱ་བོད་ཀྱི་མཐོ་རིམ་སློབ་གཉེར་ཁང་གི་ཚོགས་ཁང་དུ་བཀའ་བློན་ཁྲི་ཟུར་༸སྐྱབས་རྗེ་མཁས་དབང་ཟམ་གདོང་རིན་པོ་ཆེ་མཆོག་གི་དབུས་པའི་བཀའ་ཟུར་བློ་བཟང་སྙན་གྲགས་མཆོག ས་རཱ་མཐོ་སློབ་ཀྱི་དགེ་སློབ་ཡོངས་འཛུལ་ཞུགས་ཐོག་རྒྱལ་སྤྱིའི་དབུ་མའི་ལམ་མི་མང་ལས་འགུལ་ཁང་གིས་གོ་སྒྲིག་གནང་བའི་ཉིན་གཉིས་རིང་གི་བོད་རིགས་གཞོན་སྐྱེས་བསམ་བློ་བའི་ཚོགས་འདུ་ཐེངས་གཉིས་པ་དབུ་འཛུགས་གནང་སོང་། སྐབས་དེར་རྒྱལ་སྤྱིའི་དབུ་མའི་ལམ་མི་མང་ལས་འགུལ་ཁང་གི་ཚོགས་གཙོ་དགེ་བཤེས་བློ་བཟང་ཆོས་འཕེལ་གྱིས་ལས་རིམ་ངོ་སྤྲོད་ཀྱི་གཏམ་བཤད་དང་སྦྲགས། གཞོན་སྐྱེས་བསམ་བློ་བའི་ཚོགས་འདུ་བསྡུ་སྐོང་བྱེད་དོན་ནི་མི་མང་ནང་དབུ་མའི་ལམ་གྱི་སྲིད་བྱུས་ལ་གོ་རྟོག་གཏིང་ཟབ་ཡོད་ཐོག་གཞི་རྒྱ་ཆེ་བའི་ལས་འགུལ་སྤེལ་ཐུབ་པའི་ནུས་བ་སྐྱེད་སྲིང་གནང་ཕྱིར་སྐོང་ཚོགས་གནང་བ་ཡིན་ཞེས་གསུངས་སོང་། བཀའ་བློན་ཁྲི་ཟུར་༸སྐྱབས་རྗེ་མཁས་དབང་ཟམ་གདོང་རིན་པོ་ཆེ་མཆོག་གིས་དབུ་མའི་ལམ་གྱི་ Copyright འམ་བདག་དབང་ནི་མཐར་ཐུག་ན་བོད་མི་མང་ཚོགས་ལ་ཡོད་པ་ལས་སྒྲིག་འཛུགས་དང་སྡེ་ཚན་བྱེ་བྲག་པ་ཞིག་ལ་ཡོད་ཅེས་པདེ་ནི་རྣམ་པར་མ་དག་པའི་རི་བོང་ཅལ་འདྲོགས་ལྟ་བུ་ཞིག་ཡིན་པར་ལམ་སྟོན་བསྩལ་ཡོད། རིན་པོ་ཆེ་མཆོག་གིས་ད་དུང་ཐེངས་འདིའི་ཚོགས་འདུར་བཅར་བའི་བོད་མི་གཞོན་སྐྱེས་རྣམས་ལ་དབུ་མའི་ལམ་གྱི་སྲིད་བྱུང་ཡང་དག་པའི་ཐོག་གོང་འཕེལ་བྱ་རྒྱུར་གཞི་རྩའི་དགོས་མཁོ་ཁ་ཤས་ཡོད་པའི་ཁོངས་ནས་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་ད་ཡོད་རྩ་ཁྲིམས་ལ་དོ་སྣང་དང་སློབ་སྦྱོང་བྱ་རྒྱུ་དེ་ཡིན་པར་འགྲེལ་བརྗོད་གནང་བ་དང་འབྲེལ། ནམ་ཞིག་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་དེ་མེད་པ་ཆགས་པའམ་རྩ་ཁྲིམས་ནང་གསལ་མི་རིགས་ས་གནས་རང་སྐྱོང་གི་ཐོབ་ཐང་ཞེས་པ་མེད་པར་འགྱུར་ཚེ་བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ཡོང་ཐབས་ཀྱི་བསམ་འཆར་དེ་ནུས་མེད་ཆགས་རྒྱུ་ཡིན་པ་བཀའ་བསྩལ་སོང་། དེ་བཞིན་ཐེངས་འདིའི་ཚོགས་བཅར་བ་ལྔ་བཅུ་ཡོད་པའི་ཁྲོད་ནས་ཝཱ་རཱཎ་སཱི་ནས་ཡིན་པའི་བསྟན་འཛིན་མཆོག་ལྡན་དང་ཤེས་རབ་དགའ་ཚལ་སློབ་གླིང་ནས་ཡིན་པའི་དངོས་སྒྲུབ་རྒྱལ་མཚན་ལགས་སུ་ཚོགས་འདུར་བཅར་དོན་གང་ཡིན་བཅར་འདྲི་་ཞུས་པར་ཁོང་གཉིས་ཀྱིས་དབུ་མའི་ལམ་གྱི་སྲིད་བྱུས་ལ་གོ་རྟོགས་འཕེལ་ཆེད་དང་གཞོན་སྐྱེས་ཕན་ཚུན་དབར་ལ་བསམ་བློ་བརྗེ་རེས་གནང་ཆེད་ཡིན་སྐོར་གསུངས་སོང་། རྩ་བའི་ཐེངས་འདིའི་ཟབ་སྦྱོང་ནང་རྒྱ་གར་ནང་གི་ས་གནས་མི་འདྲ་བ་ ༡༡ གི་སྐུ་ཚབ་ ༥༠ ལྷག་འཛོམས་ཏེ་ཉིན་གཉིས་ཀྱི་རིང་དུ་འཚོགས་འཆར་ཡོད་པ་དང་། གསུང་བཤད་པ་ལྔ་ཙམ་ཡོད་པའི་ཁྲོད་༸སྐུ་སྒེར་དྲུང་ཆེ་རྔ་བ་ཚེ་རྒྱམ་ལགས་ནས་དབུ་མའི་ལམ་གྱི་སྲིད་བྱུས་དང་རྒྱལ་ཁབ་གཅིིག་ལ་ལམ་ལུགས་གཉིས་ཀྱི་སྐོར་ནས་གསུང་བཤད་གནང་རྒྱུ་དང་། ཨ་རིའི་བོད་ཀྱི་ཐེབས་རྩ་ཁང་གི་འགན་འཛིན་བཀའ་ཟུར་བློ་བཟང་སྙན་གྲགས་ལགས་ནས་༸དཔལ་ལྡན་དགའ་ལྡན་ཕོ་བྲང་གི་གལ་ཆེའི་རང་བཞིན་སོགས་ཀྱི་སྐོར་གསུང་བཤད་གནང་རྒྱུ་ཡིན་པ་རེད།

ཁ་སང་ཉིན་རྒྱབ་རྒྱ་གར་རྒྱལ་ས་ལྡི་ལིའི་ནང་དབུས་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་དང་སྐུ་མགྲོན་གཙོ་བོ་མཁས་དབང་  Dr. Anand Kumar མཆོག་དབུ་བཞུགས་ཀྱིས་ལོ་རྒྱུས་ཐོག་བོད་དེ་རྒྱ་ནག་གི་ཆ་ཤས་ནམ་ཡང་མིན། འོན་ཀྱང་དབུ་མའི་ལམ་གྱི་སྲིད་བྱུས་ནི་བོད་རྒྱའི་དཀའ་རྙོག་བར་ལག་བསྟར་རུང་བའི་ཐབས་ལམ་ཞིག་ཡིན་ཞེས་པའི་དཔེ་དེབ་གསར་པ་ཞིག་དབུ་འབྱེད་གནང་ཡོད་པ་རེད།རྒྱལ་ས་ལྡི་ལི་གསར་པའི་ IIC རྒྱ་གར་དང་རྒྱལ་སྤྱིའི་བལྟེ་གནས་ཁང་དུ་ཚོགས་པའི་དཔེ་དེབ་དབུ་འབྱེད་ཀྱི་མཛད་སྒོའི་ཐོག་བོད་དོན་ཐོག་ཐུགས་སྣང་ཡོད་པའི་རྒྱ་གར་གྱི་མཁས་དབང་དང་། ཉམས་ཞིབ་པ།   ཕྱི་རྒྱལ་གཞུང་ཚབ་ཁག་ཅིག་གི་སྐུ་ཚབ་སོགས་མི་གྲངས་དྲུག་ཅུ་སྐོར་ཞིག་འདུ་འཛོམས་གནང་ཡོད་པ་མ་ཟད། སྐབས་དེར་དབུས་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་ནས་གསར་དུ་འདོན་སྤེལ་གནང་བའི་དཔེ་དེབ་དེ་ནི་རྒྱ་ནག་གིས་རྒྱལ་སྤྱིའི་ནང་བོད་ཀྱི་དངོས་ཡོད་གནས་སྟངས་དང་མི་མཐུན་པའི་འཁྱོགས་བཤད་དྲིལ་བསྒྲགས་བྱེད་བཞིན་པར་ལན་འདེབས་ཤིག་ཡིན་སྐོར་གནད་དོན་ཁག་ཅིག་གསལ་བཤད་གནང་བ་དང་། ལྷག་པར་དུ་རྒྱ་ནག་གཞུང་གི་ངོས་ནས་བོད་བརྒྱུད་ནང་བསྟན་གྱི་བླ་སྤྲུལ་ངོས་འཛིན་གནང་ཕྱོགས་ཐད་ཐེ་བྱུས་བྱེད་བཞིན་པར་སྐྱོན་བརྗོད་དང་འབྲེལ། བླ་སྤྲུལ་ངོས་འཛིན་གནང་ཕྱོགས་ཀྱི་དབང་ཚད་དེ་འབྲེལ་ཡོད་ནང་བསྟན་བླ་མ་སྐྱེ་ཆེན་རྣམས་ལ་ཡོད་པར་ངོ་སྤྲོད་གནང་ཡོད། རྒྱ་ནག་གཞུང་གི་ངོས་ནས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་ཚབ་དང་ལྷན་བོད་རྒྱ་གྲོས་མོལ་བསྐྱར་གསོ་གནང་དགོས་གལ་ཡིན་པ་སོགས་གསུངས་ཡོད། སྐབས་དེའི་སྐུ་མགྲོན་གཙོ་བོ་སྤྱི་ཚོགས་རིང་ལུགས་པ་མཁས་དབང་ Anand Kumar  མཆོག་ནས་རྒྱ་གར་ནི་བོད་ཀྱི་དཀའ་ངལ་སེལ་ཐབས་དང་དེ་བཞིན་དཀའ་རྙོག་ཡོང་གཞི་བཅས་ཕྱོགས་གཉིས་ཀའི་ཆ་ཤས་ཤིག་ཡིན་སྐོར་གསུངས་པ་མ་ཟད་རྒྱལ་ཁམས་རིང་ལུགས་ཀྱི་སྲིད་བྱུས་ལ་མདུན་ལམ་མེད་སྐོར་འགྲེལ་བརྗོད་གནང་བ་དང་ཆབས་ཅིག རྒྱ་གར་གཞུང་གི་ངོས་ནས་ཡར་ཐོན་ཅན་གྱི་རྒྱལ་ཁབ་གཞན་ལྟར་མདུན་བསྐྱོད་གནང་ཐོག་༸གོང་ས་༸སྐྱབས་མགོན་ཆེན་པོ་མཆོག་གི་འདོན་གནང་མཛད་པའི་གཉིས་སྨན་དབུ་མའི་ལམ་གྱི་སྲིད་བྱུས་ལ་རྒྱབ་སྐྱོར་གནང་རྒྱུ་དེ་ཕྱོགས་ཡོངས་ཀྱི་ཁེ་ཕན་ཉག་གཅིག་ཡིན་སྐོར་སོགས་གསུངས་ཡོད།དཔེ་དེབ་དབུ་འབྱེད་ཀྱི་མཛད་སྒོ་དེ་གྲུབ་བསྟུན་སྲིད་སྐྱོང་བློ་བཟང་སེང་གེ་མཆོག་དང་མཁས་དབང་  Wahid Siddiq མཆོག། ལྕམ་སྐུ་མཁས་དབང་  Madhuri Sondhi  མཆོག...

ཁ་སང་བཞུགས་སྒར་དུ་རྟེན་གཞི་བྱས་པའི་རྒྱལ་སྤྱིའི་དབུ་མའི་ལམ་མི་མང་ལས་འགུལ་ཁང་ནས་ས་རཱ་བོད་ཀྱི་མཐོ་རིམ་སློབ་གཉེར་ཁང་དུ་རྒྱ་གར་གྱི་ས་གནས་འདྲ་མིན་ནང་གི་མཐོ་སློབ་ཁག་ཏུ་སྐྱོད་བཞིན་པའི་བོད་རིགས་གཞོན་སྐྱེས་ལྔ་བཅུ་ཙམ་འདུ་འཛོགས་ཀྱིས་དབུ་མའི་ལམ་ཐོག་བོད་རིགས་གཞོན་སྐྱེས་བསམ་བློ་བ་ཞེས་པའི་ཚོགས་འདུ་ཐེངས་དང་པོ་ཚོགས་ཡོད་པ་དང་། ཚོགས་འདུ་དབུ་འབྱེད་མཛད་སྒོའི་སྐུ་མགྲོན་གཙོ་བོ་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་ནས་གོ་ལ་གཅིག་གྱུར་གྱི་དུས་སྐབས་འདིར་རང་བཙན་དང་དབུ་མའི་ལམ་གང་ཡིན་ཀྱང་རྒྱ་ནག་ལ་ལྟོས་དགོས་པ་གསལ་པོ་རེད་ཅེས་གསུངས་སོང་།ཁ་སང་དང་དེ་རིང་བཅས་ཉིན་གྲངས་གཉིས་རིང་ཚོགས་པའི་དབུ་མའི་ལམ་ཐོག་བོད་རིགས་གཞོན་སྐྱེས་བསམ་བློ་བ་ཞེས་པའི་ཚོགས་འདུ་ཐེངས་དང་པོའི་ཐོག་རྒྱ་གར་གྱི་ས་གནས་མི་འདྲ་བ་ཁག་དགུའི་ནང་མཐོ་སློབ་འགྲིམ་བཞིན་པའི་བོད་རིགས་གཞོན་སྐྱེས་ ༤༨ ནས་མཉམ་ཞུགས་གནང་འདུག་པ་དང་། དབུ་མའི་ལམ་གྱི་རྒྱབ་ལྗོངས་དང་གལ་གནད། རྒྱ་ནག་གི་ཤེས་ཡོན་མི་སྣས་དབུ་མའི་ལམ་ལ་ལྟ་སྟངས། དེ་བཞིན་བོད་ཀྱི་འཐབ་རྩོད་རྒྱུན་གནས་ཆེད་བོད་རིགས་གཞོན་སྐྱེས་ཚོའི་འགན་འཁྲི། དབུ་མའི་ལམ་དང་སྤྱི་ཚོགས་དྲྭ་རྒྱ་སོགས་བརྗོད་གཞི་ཁག་ཅིག་གི་ཐོག་མཁས་ལས་མི་སྣའི་གསུང་བཤད་དང་གྲོས་བསྡུར་སྦྱང་བཤད་སོགས་གནང་ཡོད་པར་མ་ཟད། ཚོགས་བཅར་བ་རྣམས་སྡེ་ཚན་འཆར་འགོད་ཐོག་བོད་ནང་དབུ་མའི་ལམ་གྱི་གོ་རྟོགས་སྤེལ་ཐབས་དང་། རྒྱལ་སྤྱིའི་དབུ་མའི་ལམ་མི་མང་ལས་འགུལ་ཁང་ནས་འབྱུང་འགྱུར་སྤེལ་དགོས་པའི་ལས་འགུལ། དེ་བཞིན་བོད་རིགས་མཐོ་རིམ་སློབ་མའི་ཁྲོད་དབུ་མའི་ལམ་གྱི་གོ་རྟོགས་སྤེལ་ཐབས་བཅས་བརྗོད་གཞི་གསུམ་ཐོག་བགྲོ་གླེང་གནང་ཡོད་པ་རེད།   ཚོགས་གཙོ་མཆོག་ནས་ཐེངས་འདིའི་ཚོགས་འདུའི་ཐོག་བཅར་བའི་བོད་ཕྲུག་གཞོན་སྐྱེས་རྣམས་ལ་ད་ལྟའི་དབུ་མའི་ལམ་གྱི་སྲིད་བྱུས་འདི་གཙོ་བོ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་དགོངས་གཞི་ཡིན་པ་དང་། རིམ་པས་དུས་ནས་དུས་སུ་སྐབས་སོ་སོའི་བོད་མིའི་སྒྲིག་འཛུགས་ཀྱི་ཤག་དང་བོད་མི་མང་སྤྱི་འཐུས་ལྷན་ཚོགས་བཅས་སུ་གྲོས་བསྡུར་སྦྱང་བཤད་དང་། ལྷག་པར་དུ་བོད་ཕྱི་ནང་གཉིས་སུ་ཡོད་པའི་བོད་མི་རྣམས་ཀྱི་བསམ་ཚུལ་དང་མཐུན་པའི་ཐོག་མང་གཙོའི་ལམ་ནས་གཏན་འབེབས་གནང་བའི་ཆབ་སྲིད་ཀྱི་ལྟ་གྲུབ་དེ་ཡང་དག་པ་དང་ལྡན་པའི་སྲིད་བྱུས་ཤིག་ཡིན་པ་སོགས་དབུ་མའི་ལམ་གྱི་བྱུང་རིམ་ངོ་སྤྲོད་གནང་ཡོད།གཞོན་སྐྱེས་རྣམས་ནས་དབུ་མའི་ལམ་གྱི་སྲིད་བྱུས་དང་འབྲེལ་བའི་༸གོང་ས་མཆོག་གི་དགོངས་གཞི་དང་། སྲིད་བྱུས་འདི་ད་ལྟའི་བོད་ཀྱི་གནས་སྟངས་ཐོག་འཛིན་དགོས་པའི་རྒྱུ་མཚན་གང་ཡིན་སོགས་ཀྱི་ཐད་སློབ་སྦྱོང་དང་དཔྱད་པ་གནང་རྒྱུ་གལ་ཆེན་པོ་ཡིན་སྐོར་གསུངས་པ་དང་ཆབས་ཅིག དེང་སྐབས་གོ་ལ་གཅིག་གྱུར་དུས་སྐབས་འདིར་ཆབ་སྲིད་དང་ཚོང་སོགས་གནད་དོན་གང་གི་ཆ་ནས་ཀྱང་རྒྱལ་ཁབ་ཕན་ཚུན་དབར་གཅིག་ལ་གཅིག་བརྟེན་གྱི་འདུ་ཤེས་དེ་མང་དུ་འགྲོ་བཞིན་ཡོད་སྟབས། རང་བཙན་དང་དབུ་མའི་ལམ་གང་ཡིན་ཀྱང་རྒྱ་ནག་ལ་ལྟོས་དགོས་པ་གསལ་པོ་རེད་ཅེས་གསུངས་སོང་། དེ་བཞིན་ཚོགས་གཙོ་མཆོག་ནས་དབུ་མའི་ལམ་གྱི་སྲིད་བྱུས་འདི་རྒྱ་ནག་གི་གནས་བབ་དང་ད་ལྟའི་བོད་ནང་གི་ཛད་དྲག་གནས་སྟངས་ཐོག་ནས་ཁ་ཚ་དགོས་གཏུགས་ཀྱི་ཁེ་ཕན་ལྡན་པའི་སྲིད་བྱུས་ཤིག་ཡིན་པ་མ་ཟད། སྲིད་བྱུས་འདིར་ཨ་རིས་གཙོས་པའི་རྒྱལ་སྤྱིའི་གཞུང་དང་། ལྷག་པར་དུ་རྒྱ་ནག་ནང་གི་ཤེས་ལྡན་མི་སྣ་མང་པོས་དཔྱད་རྩོམ་རིགས་སྤེལ་ཏེ་རྒྱབ་སྐྱོར་ཤུག་ཆེ་གནང་བཞིན་ཡོད་པ་སོགས་འགྲེལ་བརྗོད་དང་སྦྲགས། སྲིད་བྱུས་འདི་ལམ་ལྷོངས་ཡོང་དང་མི་ཡོང་ཟེར་བ་དེ་ད་ལྟའི་ཆར་རྒྱ་གཞུང་གི་ལག་པ་ལ་ཡོད་པ་སོགས་ཀྱང་གསུངས་ཡོད།

བཞུགས་སྒར་ཉེ་འདབས་སུ་རྟེན་གཞི་བྱས་པའི་དབུས་སྣེ་ལེན་ཁང་གི་འཛིན་སྐྱོང་སྦྱོང་བརྡར་ཁང་དུ་བོད་མིའི་གཞུང་འབྲེལ་མ་ཡིན་པའི་ཚོགས་པ་ཁག་ཅིག་གི་ཚོགས་མི་རྣམས་ལ་དབུ་མའི་ལམ་གྱི་སྲིད་བྱུས་གནས་སྟངས་དང་འབྲེལ་བའི་ཟབ་ཁྲིད་པའི་ཟབ་སྦྱོང་ཞིག་དབུ་འཛུགས་གནང་ཐོག་སྲིད་སྐྱོང་མཆོག་གིས་དབུ་མའི་ལམ་གྱི་སྲིད་བྱུས་ལ་གཟིགས་སྐབས་བོད་དང་རྒྱ་ནག རྒྱ་གར། རྒྱལ་སྤྱི་བཅས་ཁག་བཞིའི་ཐོག་ནས་གཟིགས་དགོས་གལ་ཡིན་པ་གསུངས་སོང་། དེ་རིང་སྔ་དྲོ་ཚོུད་ ༩༌༣༠ ཐོག་བོད་མིའི་སྒྲིག་འཛུགས་ཕྱི་དྲིལ་ལས་ཁུངས་ཀྱིས་གོ་སྒྲིག་ཞུས་པའི་དབུ་མའི་ལམ་གྱི་ཟབ་ཁྲིད་པའི་ཟབ་སྦྱོང་དབུ་འཛུགས་གནང་སོང་བ་དང་། སྐུ་མགྲོན་གཙོ་བོ་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག ཕྱི་འབྲེལ་དྲུང་ཆེ་དྭགས་པོ་བསོད་ནམས་ནོར་བུ་ལགས་དང་དྲིལ་བསྒྲགས་དྲུང་ཆེ་ཤར་གླིང་བསྟན་འཛིན་ཟླ་སྒྲོན་ལགས་ཀྱིས་གཙོས་འབྲེལ་ཡོད་ལས་བྱེད། བཞུགས་སྒར་གཙོ་གྱུར་མཚོ་པདྨ་དང་རྡེ་ར་རྡུན། སྦེལ་ཀོབ་སོགས་རྒྱ་གར་གྱི་ས་གནས་འདྲ་མིན་ནང་རྟེན་གཞི་བྱས་པའི་བོད་མིའི་གཞུང་འབྲེལ་མ་ཡིན་པའི་ཚོགས་པ་ཁག་ཅིག་གི་ཚོགས་མི་བཅས་ཁྱོན་ཚོགས་བཅར་བ་ ༣༠ ཙམ་ཆེད་བཅར་ཞུས་འདུག དབུ་མའི་ལམ་གྱི་ཟབ་ཁྲིད་པའི་ཟབ་སྦྱོང་འདི་དེ་རིང་ཟླ་ ༨ ཚེས་ ༢༧ ཉིན་འགོ་འཛུགས་ཀྱིས་ཚེས་ ༢༩ བར་ཚོགས་གནང་གི་ཡོད་པ་དང་། གཙོ་བོ་ཕྱི་འབྲེལ་འགྲོ་བ་མིའི་ཐོབ་ཐང་ཚན་པའི་འགན་འཛིན་སྐལ་ལྡན་མཚོ་མོ་ལགས་ནས་དབུ་མའི་ལམ་གྱི་སྲིད་བྱུས་མང་ཚོགས་ལ་ངོ་སྤྲོད་གནང་སྟངས་དང་རང་ངོས་ནས་སྲིད་བྱུས་དེར་ངེས་ཤེས་ཐུབ་པ་གནང་སྟངས་སོགས་ཀྱི་ཐད་ཟབ་ཁྲིད་གནང་གི་ཡོད་པ་མ་ཟད། ཕྱི་འབྲེལ་དྲུང་ཆེ་དྭགས་པོ་བསོད་ནམས་ནོར་བུ་ལགས་ནས་དབུ་མའི་ལམ་དང་འབྲེལ་བའི་ཚོགས་བཅར་བའི་དྲི་བ་ཁག་ལ་ལན་འདེབས་གསལ་བཤད་སོགས་གནང་གི་ཡོད་པ་རེད། སྐུ་མགྲོན་གཙོ་བོ་སྲིད་སྐྱོང་བློ་བཟང་སེང་གེ་མཆོག་གིས་དབུ་མའི་ལམ་གྱི་སྲིད་བྱུས་བརྒྱུད་བོད་མི་རྣམས་ནས་རྒྱ་ནག་གི་རྩ་ཁྲིམས་དང་མ་འགལ་བར་བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ཀྱི་གནས་བབ་རྩོད་བཞིན་པ་དེས་རྒྱ་གཞུང་ནས་བོད་མི་རྣམས་ཁ་བྲལ་བ་རེད་ཅེས་བརྗོད་བཞིན་པ་དེ་བདེན་པ་མིན་པ་ཞིག་ཏུ་བསྒྲུབ་ཐུབ་པ་མ་ཟད་སྲིད་བྱུས་དེའི་བརྒྱུད་ནས་བོད་རྒྱའི་དཀའ་རྙོག་ཞི་འགྲིག་བྱུང་ཚེ་བོད་རྒྱ་གཉིས་ཀར་ཕན་ཐོགས་ཆེན་པོ་ཡོད་སྐོར་གསུངས་ཡོད། མང་ཚོགས་ནས་དབུ་མའི་ལམ་གྱི་སྲིད་བྱུས་ལ་གཟིགས་སྐབས་རྒྱ་ནག་དང་རྒྱ་གར། རྒྱལ་སྤྱི་དང་བོད་བཅས་ཁག་བཞིའི་ཐོག་ནས་གཟིགས་དགོས་གནད་ཡིན་པ་དང་། རྒྱ་ནག་དང་ལྷན་དུ་བཀའ་མོལ་གནང་རྒྱུ་དེ་ ༢༠༡༠ ལོར་ཆད་པ་ནས་བཟུང་གཞུང་འབྲེལ་ཐོག་དུས་ད་ལྟའང་རྒྱ་ནག་དང་འབྲེལ་བ་བྱུང་མེད་ཀྱང་། རྒྱ་རིགས་མཁས་པ་དང་ཚོང་པ་སོགས་བརྒྱུད་ནས་འབྲེལ་བ་ཞིག་མུ་མཐུད་གནང་མུས་ཡིན་ཞེས་གསུངས་ཡོད། དེ་བཞིན་དབུ་མའི་ལམ་གྱི་སྲིད་བྱུས་འདིས་ཆབ་སྲིད་དང་རྒྱལ་སྤྱིའི་ཁྲིམས་ཀྱི་ཐོག་ནས་རྒྱ་གར་ལ་མཛད་དཀའ་བཟོ་ཡི་མེད་པ་དང་།...

ཉེ་ཆར་ཟླ་ ༨ ཚེས་ ༡༣ ཉིན་མངའ་རིས་སྤྱི་མཐུན་ཚོགས་པ་དབུ་བརྙེས་ནས་ལོ་ངོ་ ༢༥ འཁོར་བའི་དུས་དྲན་མཛད་སྒོ་དང་བསྟུན། ཚོགས་པའི་ངོས་ནས་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་བཀའ་དྲིན་རྗེས་དྲན་གྱི་ཕྱག་རྟགས་ཕུལ་རྒྱུ་དང་སྦྲགས་ནས་༸དཔལ་ལྡན་དགའ་ལྡན་ཕོ་བྲང་ཡིག་ཚང་བརྒྱུད་ཇི་ལྟར་གསོལ་འདེབས་ཞུས་དོན་བཞིན་ཁ་སང་ཟླ་ ༨ ཚེས་ ༢༢ ཉིན་སྔ་དྲོ་༸རྒྱལ་བའི་ཕོ་བྲང་དུ་མངའ་རིས་སྤྱི་མཐུན་ཚོགས་པའི་ཚོགས་གཙོ་སྦྲེལ་གཞོན་གྱིས་དབུས་པའི་ཚོགས་མི་ཡོངས་ནས་༸གོང་ས་མཆོག་ལ་བཀའ་དྲིན་རྗེས་དྲན་གྱི་ཕྱག་རྟགས་འབུལ་ལམ་ཞུས་པ་ཡོད་པ་དང་སྐབས་དེར་༸གོང་ས་༸སྐྱབས་མགོན་ཆེན་པོ་མཆོག་ནས་བཀའ་སློབ་བསྩལ་འདུག ༸དཔལ་ལྡན་དགའ་ལྡན་ཕོ་བྲང་ཡིག་ཚང་ནས་༸གོང་ས་༸སྐྱབས་མགོན་ཆེན་པོ་མཆོག་གིས་མངའ་རིས་སྤྱི་མཐུན་ཚོགས་པའི་ཚོགས་མི་རྣམས་ལ་བཀའ་སློབ་བསྩལ་བའི་བརྙན་ཐུང་ཞིག་ཡོངས་བསྒྲགས་འདོན་སྤེལ་གནང་བའི་ནང་མགོན་པོ་༸གང་ཉིད་མཆོག་གིས་དེ་སྔ་བོད་དེ་རང་བཙན་གཙང་མའི་རྒྱལ་ཁབ་གཅིག་ཡིན་པ་རྒྱ་ཡིག་ཐོག་རྒྱ་ནག་རང་གི་ལོ་རྒྱུས་ནང་གསལ་པོ་འཁོད་ཡོད་པ་དེ་ལྟར་ཡང་། ཕྱི་ལོ་ ༡༩༧༤ ལོ་ནས་བཟུང་༸གོང་ས་༸སྐྱབས་མགོན་ཆེན་པོ་མཆོག་གིས་བོད་རྒྱ་གཉིས་ཀར་སྨན་པའི་དབུ་མའི་ལམ་གྱི་སྲིད་བྱུས་དེ་ཕྱག་བསྟར་དབུ་འཛུགས་གནང་སྐོར་བཀའ་བསྩལ་དང་ཆབས་ཅིག་ཏུ་བོད་རྒྱའི་དཀའ་རྙོག་སེལ་རྒྱུའི་ཐབས་ལམ་ཡག་ཤོས་དེ་གཉིས་སྨན་དབུ་མའི་ལམ་ཡིན་པར་བཀའ་བསྩལ་མཛད་འདུག རྩ་བའི་མངའ་རིས་སྤྱི་མཐུན་ཚོགས་པ་དེ་ཐོག་མར་ཕྱི་ལོ་ ༡༩༩༣ ཟླ་ ༨ ཚེས་ ༡༣ ཉིན་དབུ་འཛུགས་གནང་ནས་མི་ལོ་ ༢༥ ཧྲིལ་པོ་འཁོར་གྱི་ཡོད་པ་ལྟར། ཉེ་ཆར་རྒྱ་གར་ལྷོ་ཕྱོགས་མོན་གྷོ་འདོད་དགུ་གླིང་གཞིས་ཆགས་སུ་ཚོགས་པ་དབུ་བརྙེས་པའི་དངོས་གཞིའི་མཛད་སྒོ་དང།...