དབུས་བོད་ཀྱི་སྨན་རྩིས་ཁང་དང་མ་ནི་པུར་རྒྱལ་སྤྱིའི་གཙུག་ལག་སློབ་གཉེར་ཁང་གཉིས་ཟུང་འབྲེལ་ཐོག་མཉམ་ལས་གནང་རྒྱུའི་གན་ཡིག་བཞག་པ།

དེ་རིང་སྔ་དྲོ་ཚོུད་ ༡༠༌༤༠ ཡོལ་ཙམ་ལ་དབུས་བོད་ཀྱི་སྨན་རྩིས་ཁང་གི་ཚོགས་ཁང་དུ་གསར་འགོད་གསལ་བསྒྲགས་ཤིག་གནང་བ་བརྒྱུད་ནས་དབུས་བོད་ཀྱི་སྨན་རྩིས་ཁང་དང་རྒྱ་གར་བྱང་ཤར་མངའ་སྡེ་ Manipur ནང་རྟེན་གཞི་བྱས་པའི་ Manipur  International University གཉིས་ནས་སྤྱི་མོས་ཐོག་ལོ་རྒྱུས་ཀྱི་རང་བཞིན་ལྡན་པའི་ཟུང་འབྲེལ་གྱི་གཙུག་ལག་སློབ་གཉེར་ཁང་དེར་བོད་ཀྱི་སྨན་རྩིས་ཁང་ལ་རིན་མེད་ཀྱི་ས་ཆ་གནང་རྒྱུ་གཙོ་གྱུར་གསོ་རིག་མཐོ་སློབ་གསར་སྐྲུན་དང་སྨན་ཁང་གསར་རྒྱག་བཅས་ཀྱི་གན་ཡིག་ཅིག་བཞག་ཡོད་པ་རེད། གསར་འགོད་ལྷན་ཚོགས་ཐོག་དབུས་བོད་ཀྱི་སྨན་རྩིས་ཁང་གི་འགན་འཛིན་བཀྲིས་ཚེ་རིང་ལགས་དང་ MIU རྒྱལ་སྤྱིའི་གཙུག་ལག་སློབ་གཉེར་ཁང་གི་རིགས་བདག་སྐུ་ཞབས་ Harikumar ལགས་དབུས་བཞུགས་ཐོག་གཙུག་ལག་སློབ་གཉེར་ཁང་དེའི་ལས་བྱེད་ཁག་ཅིག་དང་སྨན་རྩིས་ཁང་གི་དགེ་ལས་སློབ་ཕྲུག་བཅས་ལྷན་འཛོམས་གནང་སོང་། སྐབས་དེར་སྨན་རྩིས་ཁང་གི་འགན་འཛིན་བཀྲིས་ཚེ་རིང་ལགས་ཀྱིས་༸གོང་ས་༸སྐྱབས་མགོན་ཆེན་པོ་མཆོག་གི་བཀའ་དགོངས་ལམ་སྟོན་འོག་ MIU གཙུག་ལག་སློབ་གཉེར་ཁང་དང་ཟུང་འབྲེལ་ཐོག་དངུལ་གྱི་འགྲོ་གྲོན་གང་ཡང་གཏང་མི་དགོས་པར་མཐོ་སློབ་དེའི་ནང་གསོ་རིག་མཐོ་སློབ་དང་སྨན་ཁང་གསར་རྒྱག་གནང་རྒྱུ་ཡིན་སྐོར་ངོ་སྤྲོད་གནང་བ་དང་འབྲེལ། ཕྱི་ཟླ་ ༣ ཚེས་ ༡ ཉིན་སྨན་ཁང་དབུ་འབྱེད་གནང་རྒྱུ་དང་སྨན་རྩིས་ཁང་གི་ངོས་ནས་སྨན་ཁང་དེའི་ཆེད་སྨན་པ་ཞིག་གོ་སྒྲིག་གནང་དགོས་པ་ལས་གཞན་སྨན་སྤྲོད་དང་རྩིས་པ་རྣམས་མཐོ་སློབ་དེའི་ལས་བྱེད་ལ་སྦྱོང་བརྡར་གནང་སྟེ་དབུ་འཛུགས་གནང་རྒྱུ་དང་། མ་འོངས་པར་ཁུལ་དེར་སྨན་རྩ་འདེབས་ལས་དང་འཛུགས་སྐྲུན་སླད་མཐོ་སློབ་དེས་ས་ཆ་ཨེ་ཀར་ ༢༥༠༠ ཙམ་རིན་མེད་དུ་གསོལ་བསྩལ་གནང་སྐོར་དང་། ས་ཆ་དེར་སྨན་རྩ་འདེབས་ལས་ཕྱིར་ཕྱི་ཟླ་...