དབྱིན་ཡུལ་དུ་ཚོགས་པའི་ Lush Summit ཐོག་སྒྱུ་རྩལ་གྱི་ལམ་ནས་རྒྱ་གཞུང་གི་བྱ་སྤྱོད་ལ་འགོག་རྒོལ།

དབྱིན་ཡུལ་ནང་ཕྱི་ལོ་ ༢༠༡༧ ལོའི་ Lush Summit ཞེས་པའི་འདུ་འཛོམས་ཐོག་བོད་དོན་ལ་རྒྱབ་སྐྱོར་གནང་མཁན་གྱི་རྒྱལ་སྤྱིའི་ཚོགས་པ་དང་བོད་པའི་རྩོམ་པ་པོ། དེ་བཞིན་ཟིན་བྲིས་བ་ཁག་ཅིག་གིས་སྒྱུ་རྩལ་གྱི་ལམ་ནས་རྒྱ་གཞུང་གི་དྲག་པོའི་བྱ་སྤྱོད་ལ་འགོག་རྒོལ་གནང་འདུག དེ་ཡང་དབྱིན་ཡུལ་ནང་རྟེན་གཞི་བྱས་པའི་ Lush བྱུག་རྫས་བཟོ་གྲྭས་གོ་སྒྲིག་འོག་ཁུལ་དེའི་རྒྱལ་ས་London ནང་དུ་ཟླ་འདིའི་ཚེས་ ༨ དང་ ༩ བཅས་ཉིན་གཉིས་རིང་ལ་ ༢༠༡༧ ལོའི་ Lush Summit ཞེས་པའི་འདུ་འཛོམས་ཚོགས་ཡོད་པ་རེད། འདུ་འཛོམས་དེའི་ཐོག་རྒྱལ་སྤྱིའི་བོད་དོན་འབྲེལ་མཐུད་ལས་ཁང་གི་ངེས་བསྟོན་པ་ Alison Reynolds ལགས་ཀྱིས་གཙོས་པའི་ལས་བྱེད་ཁག་ཅིག་དང་། དབྱིན་ཡུལ་ནང་བཅའ་བསྡོད་རི་མཐོ་ས་གཙང་དྲ་རྒྱའི་རྩོམ་སྒྲིག་པ་བདེ་ཆེན་སྤེན་པ་ལགས་དང་།...