དྲྭ་ལམ་བརྒྱུད་བོད་ཀྱི་དུས་སྟོན་འཚོགས་བཞིན་པ།

ཨོ་སི་ཊོ་ལི་ཡའི་ནང་གནས་བཞུགས་བོད་པའི་སྒྱུ་རྩལ་བ་བསྟན་འཛིན་ཆོས་རྒྱལ་ལགས་ཀྱིས་ལོ་ལྟར་གོ་སྒྲིག་གནང་བའི་ Festival of Tibet འམ་བོད་ཀྱི་དུས་སྟོན་དེ་ད་ལྟའི་ཆར་རྒྱ་ནག་ཝུ་ཧན་ནས་ཆེས་ཐོག་མར་མཆེད་པའི་ཏོག་དབྱིབས་ནད་ཡམས་ཀྱི་ཁྱབ་གདལ་ཆེས་ཆེར་འགྲོ་བཞིན་པའི་ཛ་དྲག་གི་གནས་སྟངས་རྐྱེན་གྱིས་ Brisbane གྲོང་ཁྱེར་ནང་ཚོགས་ཐུབ་མེད་ཀྱང་ད་ཆ་དུས་སྟོན་ཐེངས་ ༡༣ པ་དེ་དྲྭ་ལམ་བརྒྱུད་འཚོགས་བཞིན་འདུགཐེངས་འདིའི་བོད་ཀྱི་དུས་སྟོན་ཐེངས་ ༡༣ པ་དེ་ཁ་ཉིན་རེས་གཟའ་སྤེན་པ་སྟེ་ཚེས་ ༢༤ ནས་དབུ་འཛུགས་ཀྱིས་ཟླ་ ༥ ཚེས་ ༤ བར་འཚོགས་ཀྱི་ཡོད་པ་དང་དུས་སྟོན་ཐོག་བོད་པའི་གློག་བརྙན་གཟིགས་འབུལ་དང་བགྲོ་གླེང་། གླུ་གཞས། སྙན་ངག་གྱེར་འདོན། སྒྲུང་བཤད། ཟབ་སྦྱོང་། དེ་བཞིན་བོད་ཀྱི་གནམ་གཤིས་འགྱུར་ལྡོག་གི་ཤུགས་རྐྱེན་དང་ད་ལྟའི་བོད་ཀྱི་གནས་སྟངས་སོགས་ཀྱི་ལས་རིམ་མང་དག་ཅིག་གོ་སྒྲིག་གནང་འདུགསྒྱུ་རྩལ་བ་བསྟན་འཛིན་ཆོས་རྒྱལ་ལགས་ཀྱི་ཐེངས་འདིའི་བོད་ཀྱི་དུས་སྟོན་དང་འབྲེལ་ནས་༸གོང་ས་༸སྐྱབས་མགོན་ཆེན་པོ་མཆོག་གིས་འཚམས་འཕྲིན་ཞིག་སྩལ་འདུག་པའི་ནང་། ཐེངས་འདིའི་ Prayers for Peace ཞེས་པའི་བརྗོད་གཞིའི་ཐོག་ནས་བོད་ཀྱི་དུས་སྟོན་གོ་སྒྲིག་ཞུས་པ་དེར་ཨོ་གླིང་ཁུལ་གྱི་སྒྱུ་རྩལ་བ་མང་པོ་ཞིག་ནས་མཉམ་ཞུགས་གནང་བར་ཐུགས་དགྱེས་ཚོར་ཆེན་པོ་བྱུང་ཞེས་བཀའ་སྩལ་བ་དང་འབྲེལ། རོལ་དབྱངས་ནི་མང་ཚོགས་ཀྱི་ཚོར་ཤེས་འདྲེན་ནུས་ལྡན་པ་དང་། དུས་སྟོན་འདིའི་ཐོག་ནས་རྒྱལ་སྤྱིའི་ཁྲོད་བོད་ནང་གི་དངོས་ཡོད་གནས་སྟངས་ཇི་ཆགས་ཀྱི་གོ་རྟོགས་སྤེལ་རྒྱུ་དང་། དེ་བཞིན་བོད་ཀྱི་ཐུན་མིན་ཆོས་རིག་དང་སྐད་ཡིག་སོགས་གསོན་པོ་གནས་པར་མཐུན་རྐྱེན་དུ་གྱུར་ཡོད་པར་བཀའ་སྩལ་འདུགདེ་བཞིན་༸གོང་ས་མཆོག་གིས་བོད་ཀྱི་ལེགས་བྱང་ནི་ཞི་བདེ་དང་བྱམས་བརྩེའི་བདག་ཉིད་ཆགས་ཡོད་སྟབས་དེ་སྲུང་སྐྱོབ་གནང་འོས་པ་དང་། མགོན་པོ་མཆོག་ནས་ནང་ཆོས་ཁྱབ་སྤེལ་མཛད་རྒྱུའི་དགོངས་པ་མེད་ཀྱང་། རང་གཞན་ཀུན་ལ་ཕན་པའི་ཚན་རིག་དང་མཐུན་པ་གང་ཞིག་རིགས་པས་དཔྱད་བཟོད་དུ་གྲུབ་པའི་ནང་ཆོས་ལས་གསུངས་པ་སེམས་ཀྱི་ཞི་བདེ་འཚོལ་ཐབས་སྐོར་བཀའ་སྩལ་མཛད་ཀྱི་ཡོད་སྐོར་བཀའ་སྩལ་འདུག༸གོང་ས་༸སྐྱབས་མགོན་ཆེན་པོ་མཆོག་གིས་ད་དུང་སྐུ་ཞབས་ཆོས་རྒྱལ་ལགས་ཀྱིས་བོད་ཀྱི་དུས་སྟོན་དེ་ལྟ་བུ་གཉེར་ནས་བོད་དོན་ཐོག་སེམས་འཁུར་གྱི་རྣམ་པ་བསྟན་པར་བསྔགས་བརྗོད་མཛད་པ་དང་སྦྲགས། ཕན་ཚུན་ལྟོས་གྲུབ་བམ་རྟེན་འབྲེལ་གྱི་རྣམ་གཞག་དེ་ནི་ལྷན་སྐྱེས་དང་འགྲོ་བ་མི་གཅིག་གྱུར་གྱི་འདུ་ཤེས་གོང་འཕེལ་གྱི་རྨང་གཞི་ཡིན་སྐོར་བཀའ་སྩལ་བ་མ་ཟད། ང་ཚོའི་ངོས་ནས་རང་ཉིད་ཀྱི་སྒེར་དང་ཁྱིམ་གཞིས། དེ་བཞིན་རྒྱལ་ཁབ་གཅིག་པོའི་དོན་དུ་མིན་པར་འགྲོ་བ་ཡོངས་ཀྱི་བདེ་ཐབས་ལ་སྨན་པའི་ཕྱག་ལས་གནང་གནད་ཡིན་པ་སོགས་ཀྱི་གནད་དོན་ཐོག་ལམ་སྟོན་བཀྲིན་ཆེ་བ་མཛད་འདུགམགོན་པོ་༸གང་ཉིད་མཆོག་གིས་མཇུག་ཏུ་ཐེངས་འདིའི་བོད་ཀྱི་དུས་སྟོན་ཐོག་མཉམ་ཞུགས་གནང་མཁན་ཡོངས་ལ་དགའ་བསུའི་འཚམས་འདྲི་སྩལ་བ་དང་ཆབས་ཅིག སླད་མར་དུས་སྟོན་དེ་མཛའ་གྲོགས་དང་མཐུན་སྒྲིལ་གོང་འཕེལ་དང་ལྷག་དོན་གོ་ལ་ཁྱོན་དུ་གནས་པའི་གཅེན་གཅུང་ཕོ་མོའི་དབར་བསམ་ཤེས་ཀྱི་གོ་རྟོགས་རྒྱ་གང་ཆེ་ཡོང་བར་ཐུགས་སྨོན་སྩལ་འདུགགཞི་རྩའི་ཆོས་རྒྱལ་ལགས་ཀྱིས་འདས་པའི་ལོ་ངོ་བཅུ་གསུམ་རིང་བོད་བརྒྱུད་ནང་བསྟན་དང་བོད་ཟས་རིགས། བོད་དོན་དང་འབྲེལ་གློག་བརྙན་གཟིགས་འབུལ། སྒྱུ་རྩལ་སོགས་ཀྱི་སྒོ་ནས་བོད་ཀྱི་ཐུན་མིན་རིག་གཞུང་དང་ཡུལ་སྲོལ་གོམས་གཤིས། དེ་བཞིན་བོད་དོན་དྲིལ་བསྒྲགས་སོགས་གནང་གི་ཡོད་པ་དང་། དུས་སྟོན་དེ་ཐོག་མར་ཁོང་གིས་ཕྱི་ལོ་ ༢༠༠༨ ལོར་བོད་ཀྱི་ས་ཕྱོགས་གང་སར་བོད་མི་རྣམས་ནས་རྒྱ་ནག་གི་དྲག་པོའི་སྲིད་བྱུས་ལ་ངོ་རྒོལ་གྱིས་གཞི་རྒྱ་ཆེ་བའི་ལས་འགུལ་སྤེལ་བ་དང་བསྟུན། རང་དབང་ཅན་གྱི་ཡུལ་ལུང་ནང་གནས་བཞུགས་བོད་མི་ཡོད་དོ་ཅོག་གི་སེམས་ནང་བརྗོད་པར་དཀའ་བའི་སེམས་ཚོར་དྲག་པོ་ཞིག་བསྐྲུན་ཕྱིར་གོ་སྒྲིག་གནང་བ་ཞིག་ཆགས་ཀྱི་ཡོད་པ་རེད།

ཨོ་སི་ཊོ་ལི་ཡའི་ནང་གནས་བཞུགས་བོད་པའི་སྒྱུ་རྩལ་བ་བསྟན་འཛིན་ཆོས་རྒྱལ་ལགས་ཀྱིས་ལོ་ལྟར་གོ་སྒྲིག་གནང་བའི་ Festival of Tibet འམ་བོད་ཀྱི་དུས་སྟོན་དེ་ད་ཆ་ཏོག་དབྱིབས་རིམས་ནད་ཁྱབ་གདལ་རྐྱེན་པས་ Brisbane གྲོང་ཁྱེར་ནང་ཚོགས་ཐུབ་མེད་ཀྱང་ད་ཆ་དུས་སྟོན་ཐེངས་ ༡༢ པ་དེ་དྲྭ་ལམ་བརྒྱུད་འཚོགས་བཞིན་འདུགད་ལན་བོད་ཀྱི་དུས་སྟོན་ཐེངས་ ༡༢ པ་དེ་ཟླ་ ༤ ཚེས་ ༢༥ ནས་དབུ་འཛུགས་ཀྱིས་ཟླ་ ༥ ཚེས་ ༤ བར་འཚོགས་ཀྱི་ཡོད་པ་དང་དུས་སྟོན་ཐོག་བོད་པའི་གློག་བརྙན་གཟིགས་འབུལ་དང་ཨ་རིར་རྟེན་གཞི་བྱས་པའི་ལིག་མི་རྐྱའི་བོན་ཚོགས་ཀྱི་དབུ་འཛིན་བསྟན་འཛིན་དབང་རྒྱལ་རིན་པོ་ཆེ་མཆོག་གིས་བར་དོའི་སྐོར་གསུང་ཆོས།   སྒྱུ་རྩལ་བ་རྣམས་ནས་རོལ་དབྱངས་གཟིགས་འབུལ་དང་ལྷག་པར་བོད་མི་ཁག་གཅིག་གིས་བྲིས་རྩོམ་གནང་བའི་སྙན་ངག་གྱེར་འདོན་སོགས་ཀྱི་ལས་རིམ་མང་དག་ཅིག་གོ་སྒྲིག་གནང་འདུག རླུང་འཕྲིན་ཁང་གིས་དུས་སྟོན་དེའི་སྐོར་ཆོས་རྒྱལ་ལགས་སུ་བཀའ་འདྲི་ཞུས་པར་དེ་སྔ་ཕྱི་ལོ་ ༢༠༠༨ ལོར་བོད་ཀྱི་ས་ཕྱོགས་གང་སར་བོད་མི་རྣམས་ནས་རྒྱ་ནག་གི་དྲག་པོའི་སྲིད་བྱུས་ལ་ངོ་རྒོལ་གྱིས་གཞི་རྒྱ་ཆེ་བའི་ལས་འགུལ་སྤེལ་བ་དང་སྦྲགས་ཏེ་ལས་འགུལ་དེས་རང་དབང་ཅན་གྱི་ཡུལ་ལུང་ནང་གནས་བཞུགས་བོད་མི་ཡོད་དོ་ཅོག་གི་སེམས་ནང་བརྗོད་པར་དཀའ་བའི་སེམས་ཚོར་དྲག་པོ་ཞིག་བསྐྲུན་ཡོད་པ་རེད། རང་ཉིད་ཀྱི་ངོས་ནས་ཀྱང་སྒྱུ་རྩལ་གྱི་ཐོག་ནས་བོད་དོན་དྲིལ་བསྒྲགས་ཞུ་རྒྱུའི་བསམ་བློ་རྙེད་པ་དང་བསྟུན་བོད་ཀྱི་དུས་སྟོན་དབུ་འཛུགས་ཞུས་པ་ཡིན་ཞེས་སོགས་གསུངས་སོང་། དུས་རྒྱུན་དུ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བོད་མི་མི་རེ་ངོ་རེར་བོད་ཀྱི་གནད་དོན་དང་འབྲེལ་བའི་འགན་ཁྲིད་ཡོད་པ་སོགས་བཀའ་སློབ་ཡང་ཡང་བསྩལ་གྱི་ཡོད་པ་བཞིན་རང་ཉིད་སྒྱུ་རྩལ་བ་ཅིག་ཡིན་པའི་ཆ་ནས་སྒྱུ་རྩལ་གྱི་སྡིངས་ཆ་བརྒྱུད་བོད་དོན་དྲིལ་བསྒྲགས་ཞུ་རྒྱུའི་འགན་འཁྱེར་བཞིན་ཡོད་ཅེས་ངོ་སྤྲོད་གནང་བ་མ་ཟད་བོད་མི་ཡོད་དོ་ཅོག་ནས་བོད་སྤྱིའི་རྩ་དོན་སླད་འོས་འགན་ཡོད་པ་གང་ཐུབ་འཁྱེར་ཐུབ་ན་གྲུབ་འབྲས་ལེགས་པོ་སོན་ངེས་ཡིན་པ་གསུངས་སོང་། ཁོང་གིས་ལས་དོན་གང་འདྲ་ཞིག་གཉེར་ཡང་བློ་རྒྱ་ཆེན་པོས་གནང་དགོས་པ་དང་སྒོས་སེམས་ཤུགས་མ་ཆག་པར་མུ་མཐུད་ལས་དོན་གཉེར་ཚེ་ནུས་ཤུགས་ཆེ་བ་འཐོན་ཐུབ་ངེས་ཡིན་པ་གསུངས་ཡོད།གཞི་རྩའི་ཆོས་རྒྱལ་ལགས་ཀྱིས་འདས་པའི་ལོ་ངོ་བཅུ་གཅིག་ལྷག་གི་རིང་བོད་བརྒྱུད་ནང་བསྟན་དང་བོད་ཟས་རིགས། བོད་དོན་དང་འབྲེལ་གློག་བརྙན་གཟིགས་འབུལ།...