བཀའ་ཤག་སྐབས་ ༡༦

དེ་རིང་ཕྱི་ཟླ་ ༡༡ ཚེས་ ༡༠ ཉིན་གྱི་སྔ་དྲོ་ཕྱག་ཚོད་ ༡༠༌༣༠ ཡོལ་ཙམ་ལ་བཞུགས་སྒར་གངས་སྐྱིད་བོད་མིའི་སྒྲིག་འཛུགས་ཀྱི་སྲིད་སྐྱོང་ཚོགས་ཁང་དུ་སྐབས་ ༡༦ པའི་བཀའ་ཤག་གི་བདམས་ཐོན་བཀའ་བློན་རྣམ་པ་གསུམ་གྱིས་བཀའ་བློན་གྱི་ལས་འཁུར་དང་གསང་རྒྱའི་དམ་འབུལ་ཞུས་སོང་།དེ་རིང་དམ་འབུལ་གྱི་མཛད་རིམ་ཐོག་བོད་མིའི་སྒྲིག་འཛུགས་ཀྱི་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བ་དྭགས་པོ་བསོད་ནམས་ནོར་བུ་མཆོག་གིས་དབུས་པའི་ཁྲིམས་ཞིབ་པ་གཞན་རྣམ་གཉིས། དེ་བཞིན་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་དང་ཚོགས་གཞོན་སྒྲོལ་མ་ཚེ་རིང་མཆོག སྤྱི་འཐུས་རྒྱུན་ལས་ཁག་ཅིག རང་དབང་ཅན་གྱི་སྡེ་ཚན་ཁག་གི་འགན་འཛིན་དང་འབྲེལ་ཡོད་ལས་བྱེད། ལྷན་ཁང་ཁག་གི་དྲུང་ཆེ་ཆུང་རྣམ་པ། ས་གནས་འགོ་འཛིན་གྱི་འཛིན་སྐྱོང་ཚོགས་ཆེན་ཐོག་ཕེབས་པའི་གཞིས་འགོ་བཅས་ལྷན་འཛོམས་སར་བདམས་ཐོན་བཀའ་བློན་རྣམ་པས་རེ་མོས་ཀྱིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུ་པར་མཐོང་གྲོལ་རིན་པོ་ཆེར་མཎྜལ་རྟེན་གསུམ་འདེགས་འབུལ་ཞུས་ཏེ་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བ་དྭགས་པོ་བསོད་ནམས་ནོར་བུ་མཆོག་གི་དྲུང་ནས་བཀའ་བློན་གྱི་ལས་འཁུར་དང་གསང་རྒྱའི་དམ་འབུལ་ཞུས་ཡོད།སྲིད་སྐྱོང་སྤེན་པ་ཚེ་རིང་མཆོག་གིས་སྐབས་ ༡༧ པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་དང་པོའི་ཐོག་བཀའ་བློན་གྱི་འོས་གཞིར་མི་འགྲོ་བདུན་གྱི་མཚན་དང་ལོ་རྒྱུས་བཅས་འཆར་འབུལ་ཞུས་པའི་ཁྲོད་བཀའ་བློན་གྱི་མི་འགྲོ་གཉིས་ལ་གྲོས་ཚོགས་ནས་དགོས་ངེས་ཀྱི་རྒྱབ་སྐྱོར་མ་ཐོབ་པར་བརྟེན་འོས་གཞི་ནས་ཟགས་ཡོད་པ་དང་བཀའ་བློན་གྱི་འོས་མི་དྲུག་པའི་མཚན་འདོན་གནང་རྗེས་སྤྱི་འཐུས་ཁག་ཅིག་གིས་དེར་དགག་བྱ་གནང་ནས་གྲོས་ཚོགས་ཀྱི་ར་བ་ལས་ཕྱིར་ཐོན་རྐྱེན་གྲོས་ཚོགས་ཀྱི་གྲུབ་ཆ་མ་ལོངས་སྟབས་ལས་རིམ་རེ་ཞིག་མཇུག་སྐྱོང་གནང་ཐུབ་མེད་པ་རེད།ཐེངས་འདིའི་བཀའ་ཤག་ནང་བཀའ་བློན་དུ་ལྕང་ར་ཐར་ལམ་སྒྲོལ་མ་མཆོག་དང་རྒྱ་རི་སྒྲོལ་མ་མཆོག ནོར་འཛིན་སྒྲོལ་མ་མཆོག་བཅས་བུད་མེད་གསུམ་འདེམས་ཐོན་བྱུང་བར་སྤྱི་ཚོགས་དྲ་ལམ་ཐོག་བོད་མི་རྣམས་ཀྱིས་སྒྲོལ་མ་གསུམ་ཞེས་ཆེ་བསྟོད་དང་བཅས་དགའ་བསུའི་འཚམས་འདྲི་ཞུས་ཏེ་བཀའ་བློན་རྣམ་པའི་ཕྱག་ལས་རྣམས་ལམ་ལྷོངས་ཡོང་བར་སྨོན་འདུན་ཞུ་མཁན་མང་དག་ཅིག་མཇལ་རྒྱུ་འདུག བཀའ་བློན་རྣམ་པའི་བཀའ་བློན་གྱི་ལས་འཁུར་དང་གསང་རྒྱའི་དམ་འབུལ་གྲུབ་མཚམས་སུ་གསར་འགོད་པས་བཀའ་འདྲི་དང་ལེན་སྐབས་བཀའ་བློན་ལྕང་ར་ཐར་ལམ་སྒྲོལ་མ་མཆོག་གིས་བོད་མིའི་སྒྲིག་འཛུགས་ལ་ཞབས་འདེགས་ཞུ་རྒྱུའི་གོ་སྐབས་བྱུང་བར་དགའ་ཚོར་བྱུང་ཞེས་གསུངས་པ་དང་། ལྷག་པར་དུ་བཀའ་བློན་མཆོག་ཤེས་རིག་ལས་ཁུངས་ཀྱི་བཀའ་བློན་གནང་རྒྱུ་ཡིན་སྐོར་བཀའ་མོལ་ཞིག་འགྲོ་བཞིན་སྟབས་ཁོང་གིས་དེར་ངོས་བཞེས་ཀྱིས་ཤེས་རིག་བཀའ་བློན་གྱི་ཐུགས་འགན་བཞེས་རྒྱུ་ཡིན་པར་འགྲེལ་བརྗོད་གནང་བར་མ་ཟད། ཤེས་རིག་གི་ལས་དོན་གང་འདྲ་ཞིག་སྤེལ་ཡང་དེ་མཇུག་སྐྱོང་གནང་དགོས་རྒྱུ་ནི་གནད་འགག་ཞིག་ཡིན་པ་དང་སྒོས་ཤེས་རིག་གི་ཕྱག་ལས་གང་སྤེལ་བ་དེ་དག་འཕྲལ་མར་ཉིད་དུ་གྲུབ་འབྲས་སོན་པ་ཞིག་ཡོང་དཀའ་ནའང་རིམ་པས་བཟོ་ལྟ་བཟོས་ཏེ་དུས་ཚོད་ཏོག་ཙམ་འགོར་གྱི་རེད་ཅེས་གསུངས་ཡོད།   བཀའ་བློན་རྒྱ་རི་སྒྲོལ་མ་མཆོག་གིས་ད་རེས་སླར་ཡང་བོད་མིའི་སྒྲིག་འཛུགས་ཀྱི་བཀའ་ཤག་ནང་ཞབས་འདེགས་ཞུ་རྒྱུའི་གོ་སྐབས་བྱུང་བ་ནི་བསོད་ནམས་ཡིན་སྐོར་གསུངས་པ་དང་སྦྲགས་ཏེ་སྲིད་སྐྱོང་མཆོག་གིས་རང་ཉིད་ནས་འདོད་པ་ཡོད་པའི་ལྷན་ཁང་གནང་སོང་བས་ལྷན་ཁང་དེར་བུད་མེད་ཀྱི་བཀའ་བློན་གནང་བ་ཆེས་ཐོག་མ་ཆགས་ཀྱི་ཡོད་སྟབས། ལས་འགན་ཆེན་པོ་ཞིག་ལ་ངོས་འཛིན་གནང་གི་ཡོད་པར་མ་ཟད་ལས་འགན་དེ་བུད་མེད་ཅིག་གི་ངོས་ནས་འགན་འཐུས་ཚང་ཞིག་བཞེས་ངེས་ཡིན་པར་མ་ཟད་སླད་མར་བོད་ཀྱི་བུད་མེད་ལ་གནས་སྟངས་གང་འདྲ་ཞིག་གི་ཐོག་ནས་འགན་གནང་ཡང་དེར་འཐུས་ཤོར་མེད་པར་ ཡིད་ཆེས་འཕེར་བ་ཞིག་ཡོང་ཐུབ་རྒྱུའི་ཐུགས་རེ་ཡོད་སྐོར་གསུངས་ཡོད།བཀའ་བློན་ནོར་འཛིན་སྒྲོལ་མ་མཆོག་གིས་བོད་ཀྱི་གཉན་འཕྲང་གི་དུས་ཚོད་འདིར་རང་ཉིད་བཀའ་བློན་དུ་འདེམས་ཐོན་བྱུང་བ་འདིས་རང་ཉིད་ལ་འགན་ཆེན་པོ་ཞིག་ཡོད་པ་ཚོར་གྱི་འདུག་ཅེས་གསུངས་ཡོད། སྤྱིར་བཀའ་བློན་ནོར་འཛིན་སྒྲོལ་མ་མཆོག་ཕྱི་དྲིལ་ལས་ཁུངས་ཀྱི་བཀའ་བློན་གནང་རྒྱུ་ཡིན་པའི་བཀའ་མོལ་འགྲོ་བཞིན་པ་ལྟར་ཁོང་གིས་རྒྱལ་སྤྱིའི་འབྲེལ་ལམ་དང་བོད་ནང་གི་ཛ་དྲག་གནས་སྟངས་ཐད་དྲིལ་བསྒྲགས་ཤུགས་ཆེ་གནང་རྒྱུའི་དམིགས་ཡུལ་དང་འདུན་པ་ཡོད་སྐོར་གསུངས་ཡོད།རྩ་བའི་དགུང་གྲངས་...

ཟླ་བ་སྔོན་མའི་ཚེས་ ༣༠ ཉིན་ཨ་རིའི་ཕྱི་སྲིད་ལྷན་ཁང་གི་མང་གཙོ་དང་འགྲོ་བ་མིའི་ཐོབ་ཐང་ངལ་རྩོལ་གོང་འཕེལ་ལས་དོན་ཚན་པའི་འགན་འཛིན་རྣམ་པ་དང་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་དབར་དྲ་ཐོག་བརྒྱུད་མཇལ་མོལ་ཚོགས་འདུ་ཚོགས་འདུགཚོུད་གཅིག་ཙམ་གྱི་རིང་ཚོགས་པའི་ཚོགས་འདུའི་སྟེང་ཨ་རིའི་ཕྱི་སྲིད་ལྷན་ཁང་གི་མང་གཙོ་དང་འགྲོ་བ་མིའི་ཐོབ་ཐང་། ངལ་རྩོལ་གོང་འཕེལ་ལས་དོན་ཚན་པའི་དྲུང་ཆེ་ལས་རོགས་ Lisa Peterson ལགས་དང་དྲུང་གཞོན་ལས་རོགས་ཀྱི་ལས་ཚབ་གཙོ་བོ་ Scott Busby ལགས།  དམིགས་བསལ་ཕྱག་རོགས་ཁག་ཅིག བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་གིས་དབུས་པའི་ཕྱི་འབྲེལ་དང་དྲིལ་བསྒྲགས་དྲུང་ཆེ་རྣམ་པ་གཉིས། བྱང་ཨ་རིའི་སྐུ་ཚབ་དོན་གཅོད་དངོས་གྲུབ་ཚེ་རིང་ལགས་བཅས་ཀྱི་དབར་བོད་རྒྱའི་གནད་དོན་སེལ་སླད་འབྱུང་འགྱུར་གྱི་འཆར་གཞི་དང་ལས་གཞི་ཁག་གི་སྐོར། དེ་བཞིན་བཙན་བྱོལ་བོད་མི་རྣམས་ལ་འཕྲད་བཞིན་པའི་དཀའ་ངལ་དག་ལ་གདོང་ལེན་གནང་ཕྱོགས་སོགས་གཙོས་གནད་དོན་གལ་ཆེ་ཁག་ཅིག་གི་ཐོག་ལ་གྲོས་བསྡུར་གནང་འདུག སྐབས་དེར་སྲིད་སྐྱོང་མཆོག་གིས་གལ་ཏེ་རྒྱ་གར་དང་ཨ་རི་གཞུང་གིས་གཏོང་ཕོད་ཆེན་པོས་མཐུན་འགྱུར་རོགས་རམ་གནང་མེད་ཚེ་བོད་མི་ཚོའི་གནས་སྟངས་ད་ལྟ་ནང་བཞིན་སྲ་བརྟན་གནས་ཐུབ་ཐབས་མེད་སྟབས། རྒྱ་གར་དང་ཨ་རི་གཞུང་མང་གཉིས་ལ་ཐུགས་རྗེ་ཆེ་ཞེས་ཞུས་པ་དང་འབྲེལ་ཏེ་སླད་མར་རོགས་སྐྱོར་མུ་མཐུད་གནང་སྐྱོང་ཡོང་བའི་འབོད་སྐུལ་ཞུས་འདུག དེ་བཞིན་སྲིད་སྐྱོང་མཆོག་གིས་ཏོག་དབྱིབས་གཉན་རིམས་འདི་མགྱོགས་མྱུར་ཞི་ཚེ་ཨ་རིར་ཆེད་བཅར་གྱིས་ཁོང་རྣམ་པར་མཇལ་འཕྲད་ཞུ་རྒྱུ་ཡིན་པ་སོགས་གསུང་སྐབས་ཨ་རིའི་ཕྱི་སྲིད་ལྷན་ཁང་གི་ལས་བྱེད་རྣམ་པས་སྲིད་སྐྱོང་སྤེན་པ་ཚེ་རིང་མཆོག་ལ་འོས་བསྡུའི་ཁྲོད་རྒྱལ་ཁ་ཐོབ་པར་དམིགས་བསལ་འཚམས་འདྲི་གནང་བ་དང་སྦྲགས། སྲིད་སྐྱོང་མཆོག་དང་ལྷན་དུ་མཉམ་ལས་གནང་རྒྱུའི་འདུན་པ་ཆེན་པོ་ཡོད་སྐོར་གསུངས་སོང་བ་མ་ཟད། སྲིད་སྐྱོང་མཆོག་གི་ཕྱག་ལས་ཐམས་ཅད་ལམ་ལྷོངས་ཡོང་བའི་སྨོན་འདུན་ཞུས་འདུགད་ལྟའི་ཆར་ཨ་རི་གཞུང་གིས་བདུན་ཕྲག་ཁ་ཤས་ནང་ཨ་རིའི་བོད་དོན་དམིགས་བསལ་འབྲེལ་མཐུད་པ་གསར་པ་བསྐོ་གཞག་གནང་ཐུབ་པའི་ཚོད་དཔག་གནང་བཞིན་ཡོད་པ་ལྟར་བྱང་ཨ་རིའི་སྐུ་ཚབ་དོན་གཅོད་དངོས་གྲུབ་ཚེ་རིང་ལགས་ཀྱིས་ཨ་རིའི་ཕྱི་སྲིད་ལྷན་ཁང་གི་མང་གཙོ་དང་འགྲོ་བ་མིའི་ཐོབ་ཐང་། ངལ་རྩོལ་གོང་འཕེལ་ལས་དོན་ཚན་པའི་འབྲེལ་ཡོད་ལས་བྱེད་རྣམ་པས་བོད་དོན་ཆེད་དུ་ཐུགས་འཁུར་ཆེ་བཞེས་ཀྱིས་རྒྱབ་སྐྱོར་གནང་དང་གནང་བཞིན་པར་ཐུགས་རྗེ་ཆེ་ཞེས་ཞུས་པ་དང་། མ་འོངས་པར་མུ་མཐུད་བོད་དོན་སླད་དེ་ལྟར་རྒྱབ་སྐྱོར་གནང་བའི་རེ་སྐུལ་ཞུས་འདུག

བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་གིས་ཨུ་རུ་སུའི་ Sputnik གསར་ཁང་གི་བཅར་འདྲིའི་སྐབས་རྒྱ་གཞུང་གིས་༸སྐུའི་ཡང་སྲིད་ཀྱི་གནད་དོན་ཐོག་དོ་སྣང་ཧ་ཅང་ཆེན་པོ་བྱེད་བཞིན་པ་དེ་ནི་ཆབ་སྲིད་ཀྱི་དགོས་མཁོར་དམིགས་པ་ཞིག་ཡིན་པ་དང་། གལ་ཏེ་རྒྱ་གཞུང་གིས་༸གོང་ས་མཆོག་ལ་གུས་བརྩི་དང་༸སྐུའི་ཡང་སྲིད་ཀྱི་གནད་དོན་ལ་དོ་སྣང་བྱེད་དགོས་པའི་གནས་སྟངས་ཤིག་ཆགས་ཀྱི་ཡོད་ཚེ། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་༸སྐུ་འཚོ་ཞིང་གཞེས་པའི་སྐབས་འདིར་རྒྱ་ནག་ལ་ཅིའི་ཕྱིར་གདན་འདྲེན་ཞུ་ཡི་མེད་པ་རེད་དམ་ཞེས་གསུངས་པ་མ་གཏོགས། ༸སྐུའི་ཡང་སྲིད་ཀྱི་གནད་དོན་ལ་གྲོས་བསྡུར་ཆེད་༸གོང་ས་མཆོག་རྒྱ་ནག་ལ་ངེས་པར་དུ་གདན་ཞུ་གནང་དགོས་ཀྱི་རེད་ཅེས་གསུངས་མེད་པར་གསལ་བཤད་གནང་སོང་།འདི་ག་རླུང་འཕྲིན་ཁང་གིས་ཁ་སང་ཨུ་རུ་སུའི་ Sputnik གསར་ཁང་གི་གསར་འགོད་པ་ Dhairya Maheshwari ལགས་ནས་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་ལ་དམིགས་བསལ་བཅར་འདྲི་ཞུས་པའི་ལེ་ཚན་ཞིག་རྒྱང་བསྲིངས་ཞུས་པའི་ཁྲོད་༸སྐུའི་ཡང་སྲིད་དང་འབྲེལ་བའི་དྲི་བར་བཀའ་ལན་གནང་སྐབས་སྲིད་སྐྱོག་མཆོག་གིས་གསར་ཁང་དེར་ལོ་རྒྱུས་ཐོག་རྒྱ་ནག་གཞུང་ལ་༸སྐུའི་ཡང་སྲིད་ཀྱི་གནད་དོན་ཐད་འགན་དབང་མེད་པ་གསལ་པོ་ཡིན་པ་དང་། ལྷག་པར་དུ་༸གོང་ས་མཆོག་གི་༸སྐུའི་ཡང་སྲིད་ཀྱི་གནད་དོན་དེ་ནི་ཆོས་ཕྱོགས་དང་འབྲེལ་བའི་གནང་སྒོ་ཞིག་ཡིན་སྟབས། ༸སྐུའི་ཡང་སྲིད་བསྐོ་གཞག་གནང་མཁན་དེ་ཡང་དང་ཐོག་ཆོས་ལ་ཡིད་ཆེས་དང་སྐྱེ་བ་སྔ་ཕྱི་ཁས་ལེན་བྱེད་མཁན་ཞིག་དགོས་ཀྱི་རེད་ཅེས་གསུངས་པ་དང་ཆབས་ཅིག སྲིད་སྐྱོང་མཆོག་སྐུ་སྒེར་གྱི་ངོས་ནས་རྒྱ་ནག་གཞུང་ནས་༸སྐུའི་ཡང་སྲིད་ཀྱི་གནད་དོན་ཐོག་གྲོས་བསྡུར་གནང་ཆེད་༸གོང་ས་མཆོག་རྒྱ་ནག་ལ་ངེས་པར་དུ་གདན་ཞུ་གནང་དགོས་ཀྱི་རེད་ཅེས་གསུངས་ཡོད་པ་གསལ་འདུག སྲིད་སྐྱོང་སྤེན་པ་ཚེ་རིང་མཆོག་གིས་དེ་རིང་འདི་ག་རླུང་འཕྲིན་ཁང་ལ་གནད་དོན་དེའི་ཐོག་གསལ་བཤད་དང་འབྲེལ་ཏེ། Sputnik གསར་ཁང་གིས་གནད་དོན་དེའི་སྐོར་གནས་ཚུལ་དེ་ལྟར་སྤེལ་བ་དེ་བདེན་པ་རྩ་བ་ནས་མིན་སྐོར་གསུངས་པ་དང་འབྲེལ་ནས་རྒྱ་གཞུང་གིས་༸སྐུའི་ཡང་སྲིད་ཀྱི་གནད་དོན་ཐོག་དོ་སྣང་ཧ་ཅང་ཆེན་པོ་བྱེད་བཞིན་པ་དེ་ནི་ཆབ་སྲིད་ཀྱི་དགོས་མཁོར་དམིགས་པ་ཞིག་ཡིན་པ་དང་། གལ་ཏེ་རྒྱ་གཞུང་གིས་༸གོང་ས་མཆོག་ལ་གུས་བརྩི་དང་སྐུའི་ཡང་སྲིད་ཀྱི་གནད་དོན་ལ་དོ་སྣང་བྱེད་དགོས་པའི་གནས་སྟངས་ཤིག་ཆགས་ཀྱི་ཡོད་ཚེ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་༸སྐུ་འཚོ་ཞིང་གཞེས་པའི་སྐབས་འདིར་རྒྱ་ནག་ལ་ཅིའི་ཕྱིར་གདན་འདྲེན་ཞུ་ཡི་ མེད་པ་རེད་དམ་ཞེས་གསུངས་ཡིན་སྐོར་གསལ་བཤད་གནང་ཡོད།གཞི་རྩའི་སྲིད་སྐྱོང་སྤེན་པ་ཚེ་རིང་མཆོག་གིས་ཟླ་ ༥ ཚེས་ ༢༧ ཉིན་སྲིད་སྐྱོང་མཆོག་གི་ལས་ཁུར་དམ་འབུལ་ཞུས་ཏེ་ལས་ཉིན་དང་པོའི་ཐོག་གཞུང་འབྲེལ་བརྙན་འཕྲིན་བརྒྱུད་དེ་བོད་མི་མང་ཚོགས་ལ་གསུང་བཤད་གནང་སྐབས་འབྱུང་འགྱུར་བོད་དོན་བདེན་མཐའ་སེལ་ཐབས་དང་འབྲེལ་བོད་མི་མང་སྤྱི་འཐུས་ལྷན་ཚོགས་ནས་སྤྱི་མོས་ཀྱིས་གཏན་ལ་ཕབ་པའི་དབུ་མའི་ལམ་ལ་བརྟེན་ནས་རྒྱ་ནག་གཞུང་དང་མཉམ་དུ་བོད་རྒྱ་གཉིས་སྨན་དང་། འབྲེལ་གཏུག་གྲོས་མོལ། འཚེ་མེད་ཞི་བ་བཅས་ཀྱི་རྩ་དོན་གཞི་རྩར་བཞག་སྟེ་བོད་རྒྱའི་དཀའ་རྙོག་སེལ་ཐབས་གནང་རྒྱུ་དང་། གཞིས་ལུས་བོད་མིའི་མགྲིན་ཚབ་པ་བྱས་ཏེ།...

བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་གིས་སྲིད་སྐྱོང་གི་ལས་ཁུར་བཞེས་ཏེ་ཉིན་གྲངས་བདུན་ཙམ་འགྲོ་བཞིན་པའི་མཚམས་འདིར་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་སྲིད་སྐྱོང་མཆོག་ལ་གསར་མཇལ་བཀའ་དྲིན་སྩལ་བ་དང་སྦྲགས་ཡིད་ཆེས་བློ་འགེལ་ཆ་ཚང་ཡོད་པས་ལས་ཀ་ཧུར་ཐག་གནང་ཤོག་ཅེས་བཀའ་སློབ་ལམ་སྟོན་མཛད་འདུགབོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་གིས་ཇི་ལྟར་གསོལ་འདེབས་ཞུས་དོན་བཞིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བཀའ་བཞེས་བཟང་པོ་སྨིན་སྩལ་གྱིས་ཁ་སང་ཕྱི་ཟླ་ ༦ ཚེས་ ༢ ཉིན་གྱི་སྔ་དྲོ་བོད་པའི་གཞོན་སྐྱེས་ཚོར་༸རྗེ་ཙོང་ཁ་པ་ཆེན་པོས་མཛད་པའི་རྟོགས་བརྗོད་འདུན་ལེགས་མའི་བཀའ་ཆོས་དང་ཐམས་ཅད་རྣལ་འབྱོར་གྱི་སེམས་བསྐྱེད་བཅས་བཀའ་དྲིན་སྩལ་གྲུབ་མཚམས་སུ་སྲིད་སྐྱོང་སྤེན་པ་ཚེ་རིང་མཆོག་ལ་བཀྲ་ཤིས་པའི་འཚམས་འདྲི་དང་ཐུགས་སྨོན་བཅས་སྩལ་ཏེ། ད་ཆ་ང་ཚོ་བོད་མི་རྣམས་བཙན་བྱོལ་བ་ཆགས་ཡོད་ཀྱང་དངོས་ཡོད་གནས་ཚུལ་ཐོག་ནས་བསམ་བློ་བཏང་བ་ཡིན་ན། བོད་པ་ཚོ་སོ་སོའི་ལུང་པ་དང་བྲལ་ནས་བཙན་བྱོལ་བ་ཆགས་པ་དེས་བོད་ལ་སངས་རྒྱས་ཀྱི་བསྟན་པ་ཧ་ཅང་སྤུས་དག་ཡོད་པ་འདི་ཉིད་བོད་ཙམ་མིན་པར་འཛམ་གླིང་གང་སར་ཁྱབ་ཐུབ་པ་བྱུང་བ་འདི་ནི་རྐྱེན་ངན་གྲོགས་ལ་ཤར་བ་ལྟ་བུ་ཞིག་བྱུང་ཡོད་ཅེས་བཀའ་སྩལ་འདུགལྷག་པར་དུ་༸གོང་ས་༸སྐྱབས་མགོན་ཆེན་པོ་མཆོག་གིས་ང་ཚོ་བཙན་བྱོལ་ནང་ལ་ཡོད་པའི་སྒྲིག་འཛུགས་འདི་བཞིན་མིང་དོན་མཚུངས་པའི་མང་གཙོའི་ལམ་ལུགས་གཞི་རྩར་བཞག་ཏེ་བཙུགས་པ་ཞིག་ཡིན་པ་དང་། ད་རེས་སྲིད་སྐྱོང་སྤེན་པ་ཚེ་རིང་མཆོག་བོད་མི་མང་ཚོགས་ཀྱིས་མང་གཙོའི་ལམ་ལུགས་འདིའི་ཐོག་ནས་འོས་འདེམས་བྱས་ཏེ་ཡར་སླེབས་པ་ཞིག་ཡིན་སྟབས་ད་ཆ་སྒྲིག་འཛུགས་ཆུང་ཆུང་འདི་བརྒྱ་ཆ་བརྒྱ་ཐམ་པ་ཡང་དག་པའི་མང་གཙོ་ལམ་དུ་འགྲོ་བཞིན་ཡོད་པར་བཀའ་སྩལ་བ་དང་ཆབས་ཅིག དེ་སྔ་༸གོང་ས་ལྔ་པ་ཆེན་པོ་མཆོག་གིས་ཆོས་སྲིད་གཉིས་ཀྱི་དབུ་ཁྲིད་མཛད་ཡོད་ན་ཡང་། ཕྱི་ལོ་ ༢༠༡༡ ལོ་ལ་མགོན་པོ་༸གང་ཉིད་མཆོག་ནས་ཆབ་སྲིད་ཀྱི་སྐུ་དབང་ཡོངས་རྫོགས་མང་གཙོའི་ལམ་ནས་མི་དམངས་ཀྱིས་འོས་འདེམས་བྱས་པའི་དབུ་ཁྲིད་ལ་རྩིས་སྤྲད་ཡོད་སྟབས། ད་རེས་སྲིད་སྐྱོང་མཆོག་བོད་མི་མང་ཚོགས་ཀྱིས་མང་མོས་སམ་སྤྱི་མོས་ཀྱིས་རྒྱབ་སྐྱོར་ཐོག་སྲིད་སྐྱོང་གི་ལས་གནས་ཐོག་ཕེབས་པར་འཚམས་འདྲིའི་བཀྲ་ཤིས་བདེ་ལེགས་ཡོད་ཅེས་བཀའ་སྩལ་འདུག སྐབས་དེར་སྲིད་སྐྱོང་སྤེན་པ་ཚེ་རིང་མཆོག་ནས་མགོན་པོ་༸གང་ཉིད་མཆོག་གིས་དྲྭ་ཐོག་བརྒྱུད་དེ་སྲིད་སྐྱོང་དམ་འབུལ་མཛད་སྒོར་བཀའ་སློབ་བཀའ་དྲིན་སྩལ་བ་དང་ད་རེས་སླར་ཡང་གསར་མཇལ་དང་བཀའ་སློབ་ལམ་སྟོན་མཛད་པར་བཀའ་དྲིན་བླ་མེད་དུ་ཆེ་ཞེས་ཞུས་པ་དང་ཆབས་ཅིག སྲིད་སྐྱོང་གི་འགན་བཞེས་མ་ཐག་བཙན་བྱོལ་བོད་མིའི་སྤྱི་ཚོགས་ནང་ཏོག་དབྱིབས་གཉན་རིམས་ཀྱི་དཀའ་ངལ་སེལ་སླད་ཛ་དྲག་ཚོགས་ཆུང་བསྐྱར་སྒྲིག་དང་། བཙན་བྱོལ་བོད་མི་ཚོར་སྔོན་འགོག་སྨན་ཁབ་གང་མང་བརྒྱབ་ཐུབ་ཐབས་གནང་རྒྱུ། ནད་པ་ཚོར་མཐུན་འགྱུར་གང་ཐུབ་སྦྱོར་སྤྲོད་བྱེད་རྒྱུ། དེ་བཞིན་རིམས་ནད་ཀྱིས་རྐྱེན་པས་འཚོ་བར་དཀའ་ངལ་འཕྲད་བཞིན་པ་རྣམས་ལ་ནང་སྲིད་ལས་ཁུངས་བརྒྱུད་མཐུན་འགྱུར་ཞུ་རྒྱུ་དང་། ལྷག་པར་དུ་བོད་རྒྱ་འགྲེལ་མོལ་ཀྱི་གནད་དོན་སོགས་ཀྱི་སྐོར་སྙན་སྒྲོན་ཞུས་འདུགསྐབས་དེར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ང་ཚོའི་སྒྲིག་འཛུགས་འདི་མུ་མཐུད་གནས་ཀྱི་རེད། རིམ་པས་རྒྱ་བོད་ཀྱི་འགྱུར་བ་ཏན་ཏན་ཡོང་གི་རེད་ཅེས་སོགས་ཀྱི་བཀའ་སློབ་སྩལ་བ་སྦྲགས་ཏེ། མང་ཚོགས་ཀྱིས་འོས་འདེམས་གནང་བའི་སྲིད་སྐྱོང་མཆོག་ལ་ཡིད་ཆེས་བློ་འགེལ་ཆ་ཚང་ཡོད་པས་ལས་ཀ་ཧུར་ཐག་གནང་ཤོག་ཅེས་བཀའ་སྩལ་འདུག གཞི་རྩའི་༸གོང་ས་༸སྐྱབས་མགོན་ཆེན་པོ་མཆོག་གིས་ཕྱི་ཟླ་ ༥ ཚེས་ ༢༧ ཉིན་སྲིད་སྐྱོང་གི་དམ་འབུལ་མཛད་སྒོའི་ཐོག་སྲིད་སྐྱོང་གསར་རྙིང་གཉིས་ཀར་འཚམས་འདྲི་མཛད་པ་དང་སྦྲགས་ཏེ། བོད་མི་ཚོར་ལོ་རྒྱུས་རང་བཞིན་པའི་སྒྲིག་འཛུགས་ཤིག་ཡོད་པ་དེ་ད་ཆ་རྒྱ་ནག་ཕྱོགས་ནས་སྐྱོན་བརྗོད་བྱེད་ཀྱི་ཡོད་མེད་ལ་ལྟོས་མེད་རྒྱལ་སྤྱིའི་གཞུང་དང་མང་ཚོགས་ཀྱི་ངོས་ནས་བསྔགས་བརྗོད་གནང་འོས་པའི་མང་གཙོའི་ལུགས་ཚད་ལྡན་ཞིག་གི་ཐོག་ནས་སྐྱོད་བཞིན་ཡོད་པ་སོགས་བཀའ་སློབ་སྩལ་ཡོད་པ་དང་། སྲིད་སྐྱོང་སྤེན་པ་ཚེ་རིང་མཆོག་གིས་སྲིད་སྐྱོང་གི་ལས་ཁུར་བཞེས་ཏེ་ད་བར་ཉིད་གྲངས་བདུན་ཙམ་གྱི་ནང་ལ་བཞུགས་སྒར་ཉེ་འཁོར་གྱི་ཏོག་དབྱིབས་ཟུར་འཇོག་ཁང་ཁག་ལ་གཟིགས་ཞིབ་དང་། རིམས་ནད་ཀྱི་མནར་བའི་ནད་པ་དང་མདུན་ཐོན་ཞབས་ཞུ་བ་རྣམས་དང་ཐུག་འཕྲད་ཀྱིས་སེམས་གསོ་སློབ་སྟོན་སོགས་གནང་ཡོད།བོད་མིའི་སྒྲིག་འཛུགས་ཀྱི་མང་གཙོ་སྲ་བརྟན་དང་། ནུས་པ་མཉམ་སྤུངས་ཡོང་ཐབས་སོགས་ལ་དམིགས་ཏེ་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་རྣམ་པ་དང་མཇལ་འཕྲད་ཀྱིས་མ་འོངས་ལས་དོན་གནང་ཕྱོགས་སོགས་ཀྱི་ཐོག་ལ་བཀའ་བསྡུར་གནང་ཡོད་པ་རེད།དེ་རིང་སྲིད་སྐྱོང་མཆོག་ནས་བོད་མིའི་སྒྲིག་འཛུགས་ཀྱི་ཁྱབ་ཁོངས་རང་དབང་ཅན་གྱི་སྡེ་ཚན་དབུས་འོས་བསྡུ་ལས་ཁང་དང་ལས་བྱེད་འདེམས་བསྐོ་ལས་ཁང་། དེ་བཞིན་སྤྱི་ཁྱབ་རྩིས་ཞིབ་ལས་ཁང་བཅས་ཀྱི་འགན་འཛིན་གྱིས་དབུས་པའི་འབྲེལ་ཡོད་ལས་བྱེད་ཁག་ཅིག་དང་མཇལ་འཕྲད་ཀྱིས་མ་འོངས་ལས་དོན་གནང་ཕྱོགས་སྐོར་བཀའ་བསྡུར་གནང་ཡོད།

བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་གིས་ད་ལྟའི་བཀའ་ཤག་སྐབས་ ༡༦ པའི་ངོས་ནས་གཉན་རིམས་དང་འབྲེལ་བའི་ལས་དོན་གཙོ་བོ་གསུམ་གྱི་ཐོག་འབད་བརྩོན་གནང་སྐོར་དང་ནད་ཡམས་འགོག་རྒྱུ་སོགས་ཀྱི་ལས་དོན་ཆེད་མ་དངུལ་ཇི་ལྟར་གཏང་དགོས་བྱུང་ནའང་ཐེ་ཚོམ་རྩ་བ་ཉིད་ནས་མེད་ཅེས་གསུངས་འདུག དེའང་ཉེ་ཆར་སྤེན་པ་ཚེ་རིང་མཆོག་གིས་སྐབས་ ༡༦ པའི་སྲིད་སྐྱོང་གི་ལས་ཁུར་དང་གསང་རྒྱའི་དམ་འབུལ་ཞུས་འཕྲལ་ཁ་ཉིན་ད་ལྟའི་བཀའ་ཤག་གསར་པའི་ཏོག་དབྱིབས་གཉན་རིམས་དང་འབྲེལ་བའི་སྔོན་འགོག་དང་མཐུན་སྦྱོར་གནང་ཕྱོགས་ཀྱི་ཡོངས་ཁྱབ་གསལ་བསྒྲགས་ཤིག་སྤེལ་བའི་བརྒྱུད་ད་བར་གྱི་ཏོག་དབྱིབས་གཉན་རིམས་ཀྱི་བྱུང་རིམ་སྙན་གསེང་དང་ལྷག་པར་དུ་ནད་ཡམས་དང་འབྲེལ་བའི་ལས་དོན་གཙོ་བོ་གསུམ་གྱི་ཐོག་འབད་བརྩོན་གནང་གལ་སྐོར་དང་སྦྲགས་ཏེ་བོད་མིའི་སྒྲིག་འཛུགས་ཀྱི་སྣེ་ཁྲིད་དེ་གཞུང་དང་ཚོགས་པ་ཁག་ནས་མུ་མཐུད་གཉན་རིམས་དང་འབྲེལ་བའི་དཔལ་འབྱོར་བསྡུ་རུབ་ཀྱི་ལས་གཞི་མཇུག་སྐྱོང་གནང་རྒྱུ་དང་། གལ་སྲིད་རོགས་དངུལ་འདང་ངེས་པ་ཞིག་མ་འབྱུང་ཚེ་ད་ལྟའི་ནད་ཡམས་འདི་ཛ་དྲག་ཆེན་པོ་ཞིག་ཡིན་པ་དང་མིའི་འཕྲོད་བསྟེན་དང་སྲོག་ལ་ཉེན་ཁ་ཆགས་ཀྱི་ཡོད་སྟབས། བོད་མིའི་སྒྲིག་འཛུགས་ཀྱི་ངོས་ནས་མ་དངུལ་གང་གི་ཐོག་ནས་གནང་དགོས་ཀྱང་འགྲོ་སོང་གནང་བར་ཐེ་ཚོམ་རྩ་བ་ཉིད་ནས་མེད་ཅེས་གསུངས་འདུག སྐབས་དེར་སྲིད་སྐྱོང་མཆོག་གིས་བཀའ་ཤག་གསར་པའི་ཏོག་དབྱིབས་གཉན་རིམས་དང་འབྲེལ་བའི་ལས་དོན་གཙོ་བོ་གསུམ་ཡོད་པའི་ཁོངས་སུ་དང་པོ་དེ་ཏོག་དབྱིབས་སྔོན་འགོག་གི་སླད་དུ་འཛིན་སྐྱོང་གི་་ངོས་ནས་བོད་མི་གང་མང་ལ་སྔོན་ཁབ་བརྒྱབ་རྒྱུར་འབད་བརྩོན་གནང་རྒྱུ་ཡིན་པ་དང་། ད་ལྟ་ཛ་དྲག་ཚོགས་ཆུང་གི་ངོས་ནས་རྒྱ་གར་དབུས་གཞུང་ལ་འགོག་ཁབ་དང་འབྲེལ་ཆོག་མཆན་ཞུ་བ་དང་། སྨན་བཟོ་ཁང་ནས་འགོག་ཁབ་ཐད་ཀར་ཉོ་ཐུབ་མིན་སོགས་ཀྱི་གནས་སྟངས་ཤིག་ལ་གཟིགས་ཞིབ་གནང་གི་ཡོད་པ་དང་། ད་ལྟའི་ཆར་དངུལ་ཡོད་ནའང་ཁྲོམ་རར་འགོག་ཁབ་མི་རག་པའི་གནས་སྟངས་ཤིག་ཆགས་ཡོད་སྟབས། ས་གནས་འགོ་འཛིན་ལས་ཁུངས་སོ་སོ་དང་ས་གནས་འཕྲོད་བསྟེན་གྱི་མགོ་ལས་སོ་སོ་དང་འབྲེལ་བའི་ཐོག་ནས་གོ་སྐབས་གང་ཡོད་པ་བཟུང་སྟེ་དཔལ་འབྱོར་ལ་འཛེམས་མི་དགོས་པར་འགོག་ཁབ་བརྒྱབ་དགོས་པ་གལ་ཆེན་པོ་ཡིན་པ་མ་ཟད་བོད་མི་འགོག་ཁབ་བརྒྱབ་པར་ཐོ་འགོད་བྱེད་མི་ཤེས་མཁན་སོགས་ལ་དམིགས་ཏེ་ངེས་པར་དུ་ཐོ་འགོད་བྱེད་མི་བསྐོ་བཞག་གནང་དགོས་པ་དང་། གཞིས་ཁོངས་སུ་འགོག་ཁབ་བརྒྱབ་མི་ཐུབ་ཚེ་ས་གནས་གཞན་ནས་ངེས་པར་དུ་བརྒྱབ་དགོས་སྐོར་གསུངས་འདུག དེ་བཞིན་ཁོང་གིས་འཛིན་སྐྱོང་གི་གཉན་རིམས་དང་འབྲེལ་བའི་ལས་དོན་གལ་ཆེན་གཉིས་པ་ནི་ནད་ཀྱིས་མནར་བཞིན་པ་རྣམས་ལ་ལྟ་སྐྱོང་ཚད་ལྡན་གནང་རྒྱུ་ཡིན་པ་དང་། ད་ལྟ་སྤྱི་ཡོངས་ཀྱི་ནད་པའི་གྲངས་ཕྲན་བུ་ཉུང་དུ་འགྲོ་བཞིན་ཡོད་ནའང་གཉན་རིམས་ཀྱི་ནད་རླབས་གསུམ་པ་ཞིག་ཡོང་རྒྱུ་ཡིན་པའི་ཉེན་ཁ་ཞིག་ཡོད་སྟབས། དེའི་ཐད་སྔོན་ཚུད་ནས་གྲ་སྒྲིག་གནང་གལ་ཆེན་པོ་ཡིན་པ་དང་། འཛིན་སྐྱོང་གི་ངོས་ནས་སྨན་བཅོས་དང་འབྲེལ་ནས་སྲོག་རླུང་སོགས་སྨན་བཅོས་ཀྱི་མཁོ་ཆས་མ་འདང་བར་རྐྱེན་འདས་སུ་ཕྱིན་པའི་གནས་སྟངས་ཤིག་མི་འབྱུང་བ་གནང་རྒྱུར་འབད་བརྩོན་གནང་རྒྱུ་དང་། གསུམ་པ་ནི་ནད་ཡམས་ལ་རྐྱེན་བྱས་ཏེ་འཚོ་བར་དཀའ་ངལ་འཕྲད་བཞིན་པ་དག་ལ་ནང་སྲིད་ལས་ཁུངས་ནས་ལྟ་རྟོག་གནང་རྒྱུའི་རྐང་འགན་འཁུར་རྒྱུ་དེ་ཡིན་པའི་གཏན་འཁེལ་བྱུང་ཡོད་ཅེས་གསུངས་འདུག སྲིད་སྐྱོང་མཆོག་གིས་ད་ཆ་སྤྱི་ཚོགས་ནང་ཏོག་དབྱིབས་གཉན་རིམས་ཀྱི་གནས་སྟངས་ཛ་དྲག་ཏུ་འགྲོ་བཞིན་པར་བརྟེན་དབུས་ཏོག་དབྱིབས་ཛ་དྲག་ཚོགས་ཆུང་བསྐྱར་སྒྲིག་གནང་སྟེ་ཚོགས་ཆུང་ཀྱི་སློབ་སྟོན་པ་བདེ་ལེགས་སྨན་ཁང་གི་ཕྱི་ལུགས་སྨན་པ་དང་སྐུའི་བླ་སྨན་པ་ས་འདུས་ཚང་ཚེ་བརྟན་རྡོ་རྗེ་ལགས་དང་སྨན་རྩིས་ཁང་གི་སྐུ་བཅར་སྨན་པ་ཚེ་དབང་རྟ་མགྲིན་གཉིས་སྔར་མུས་སུ་གནས་རྒྱུ་དང་། ཚོགས་ཆུང་གི་ཚོགས་མི་བདུན་ནི་འཕྲོད་བསྟེན་དྲུང་ཆེ་དཔལ་ལྡན་དོན་གྲུབ་ལགས་དང་ཤེས་རིག་དྲུང་ཆེ་འཇིགས་མེད་རྣམ་རྒྱལ། སྨན་རྩིས་ཁང་གི་འགན་འཛིན་བཀྲ་ཤིས་ཚེ་རིང་ལགས། བདེ་ལེགས་སྨན་ཁང་གི་འགན་འཛིན་སྤྱི་འཐུས་ཟླ་བ་ཕུན་སྐྱིད་ལགས། འཕྲོད་བསྟེན་དྲུང་གཞོན་བསྟན་འཛིན་ཀུན་བཟང་ལགས།...