བདེ་སྐྱིད་སླར་གསོ་བོད་མིའི་སོ་ནམ་གཞི་རིམ་མཉམ་འབྲེལ་དབུ་བརྙེས་ནས་ལོ་ངོ་ ༥༠ འཁོར་བར་སྲུང་བརྩི།

དེ་རིང་ཟླ་ ༩ ཚེས་ ༧ ཉིན་རྒྱ་གར་ལྷོ་ཕྱོགས་སྦེལ་ཀོབ་བདེ་སྐྱིད་སླར་གསོ་གཞིས་ཆགས་དང་མཉམ་འབྲེལ་གཉིས་གསར་འཛུགས་གནང་ནས་ལོ་ངོ་ ༥༠ འཁོར་བའི་དུས་སྟོན་དང་བསྟུན་ས་གནས་འགོ་འཛིན་ལས་ཁུངས་དང་མཉམ་འབྲེལ་ཐུན་མོང་གིས་མཛད་སྒོ་དང་རྩེད་འགྲན། དེ་བཞིན་གཞས་སྣ་འཁྲབ་སྟོན་སོགས་གནང་སྟེ་ཉིན་མོ་དེ་སྲུང་བརྩི་ཞུས་འདུག ས་གནས་སྤྱི་ཁང་དུ་ཚོགས་པའི་མཛད་སྒོའི་ཐོག་སྐུ་མགྲོན་གཙོ་བོ་ཀར་ན་ཊ་ཀའི་མངའ་སྡེ་བློན་ཆེན་ཟུར་པ་དམ་པ་སྐུ་ཞབས་ S. Nijalingappa མཆོག་གི་བུ་ SN Kiran Shankar མཆོག་གིས་གཙོས་པའི་ MYARADA ཞེས་པའི་གཞུང་འབྲེལ་མ་ཡིན་པའི་ཚོགས་པའི་སྐུ་ཚབ། ས་གནས་འགོ་འཛིན། དགོན་སྡེ་ཁག་གི་མཁན་པོ། མཉམ་འབྲེལ་གྱི་ཚོགས་མི། མི་མང་བཅས་ལྷན་འཛོམས་ཐོག་སྐུ་ཞབས་ SN Kiran Shankar...