བོད་ཀྱི་རྒྱལ་ཡོངས་མང་གཙོ་ཚོགས་པའི་འགན་འཛིན་ལྷན་ཚོགས་ཐེངས་ལྔ་པ་ལྡི་ལིར་ཚོགས་པ།

དེ་རིང་ཕྱི་ཟླ་ ༨ ཚེས་ ༢༠ ཉིན་གྱི་སྔ་དྲོ་ཚོུད་ ༩།༣༠ ཐོག་བཞུགས་སྒར་དུ་རྟེན་གཞི་བྱས་པའི་ Club House གསོལ་མགྲོན་ཁང་དུ་བོད་ཀྱི་རྒྱལ་ཡོངས་མང་གཙོ་ཚོགས་པའི་ཚོགས་ཆེན་ཐེངས་དགུ་པ་དབུ་འཛུགས་གནང་སོང་། དབུ་འབྱེད་མཛད་སྒོའི་སྐུ་མགྲོན་གཙོ་བོ་བོད་མི་མང་སྤྱི་འཐུས་ཚོགས་གཞོན་ཟུར་པ་ཨཱཙཱརྱ་ཡེ་ཤེས་ཕུན་ཚོགས་མཆོག་གིས་གཙོས་པའི་དམིགས་བསལ་སྐུ་མགྲོན་བོད་ཀྱི་གཞོན་ནུ་ལྷན་ཚོགས་ཀྱི་དབུས་སྤྱི་ཁྱབ་ཚོགས་གཙོ་མགོན་པོ་དོན་གྲུབ་ལགས། དེ་བཞིན་ཕྱོགས་མཐའ་ཁག་ནས་ཕེབས་པའི་ཚོགས་བཅར་བ་བཅས་ཁྱོན་མི་གྲངས་བཅུ་ཕྲག་ཁ་ཤས་འདུ་འཛོམས་གནང་འདུག་པ་དང་ཁྱོན་ཉིན་གྲངས་གསུམ་གྱི་རིང་གྲོས་གཞི་བཅུའི་ཐོག་བཀའ་བསྡུར་གནང་རྒྱུ་རེད་འདུག མཛད་སྒོའི་ཐོག་ཚོགས་གཙོ་ཚེ་བརྟན་ནོར་བུ་ལགས་ནས་ཚོགས་པ་དེ་ཐོག་མར་གསར་འཛུགས་གནང་སྐབས་༸གོང་ས་༸སྐྱབས་མགོན་ཆེན་པོ་མཆོག་གིས་ལྷག་བསམ་བཟང་པོའི་ཀུན་ནས་བླངས་ཏེ་དམིགས་ཡུལ་བཟང་པོ་ཞིག་གི་ཐོག་ནས་བྱ་ཐབས་བཟང་པོ་ཞིག་དབུ་འཛུགས་པ་རེད་ཅེས་བཀའ་ཕེབས་དོན་བཞིན་ཚོགས་པས་ད་བར་༸གོང་ས་མཆོག་གི་དགོངས་གཞི་དང་བརྒལ་བའམ་ཐུགས་ཕམ་བཟོས་པ། དེ་བཞིན་བོད་མིའི་སྤྱི་ཚོགས་བརྡབ་གསིག་བཟོས་པའི་བྱ་སྤྱོད་སོགས་རྩ་བ་ནས་སྤེལ་མེད་སྐོར་དང་། ཚོགས་པའི་དམིགས་ཡུལ་དང་ངོ་བོ་བཞིན་ཆོལ་ཁ་དང་ཆོས་བརྒྱུད་དབྱེ་བ་མེད་པར་དུས་ད་ལྟའང་གནས་ནས་ཡོད་པར་སྤོབས་པ་ཡོད་ཅེས་གསུངས་པ་དང་སྦྲགས། ཚོགས་པ་འདི་རང་ཉིད་ཀྱི་ལས་ཡུན་ནང་སྒྲིག་འཛུགས་བྱེ་བྲག་པ་དང་གང་ཟག་བྱེ་བྲག་པའི་དབང་འོག་ཏུ་འགྲོ་འཇུག་གི་མིན་ཞེས་ཁས་ལེན་ཞུས་པ་བཞིན་དེ་ལྟར་གནས་ཡོད་པ་བཞིན་མུ་མཐུད་གནས་དགོས་གལ་ཡིན་པ་སོགས་གསུངས་ཡོད། སྐུ་མགྲོན་གཙོ་བོ་བོད་མི་མང་སྤྱི་འཐུས་ཚོགས་གཞོན་ཟུར་པ་ཨཱཙཱརྱ་ཡེ་ཤེས་ཕུན་ཚོགས་མཆོག་གིས་༸གོང་ས་༸སྐྱབས་མགོན་ཆེན་པོ་མཆོག་གིས་བཙན་བྱོལ་བོད་མིའི་མང་གཙོའི་འཕེལ་རིམ་ཁྲོད་སྲིད་དོན་ཚོགས་པའི་ལམ་ལུགས་གལ་ཆེན་པོ་ཡིན་པར་བཀའ་ཕེབས་དོན་བཞིན་སྐབས་དེ་དུས་ཀྱི་བོད་ཀྱི་གཞོན་ནུ་ལྷན་ཚོགས་ཀྱིས་ཐུགས་འགན་བཞེས་ཏེ་དབུས་རྒྱུན་ལས་ཐོག་དང་རྒྱུན་ལས་ཟུར་པ་རྣམས་བཀའ་བསྡུར་ལྷུག་པོ་བྱུང་ནས་ཕྱི་ལོ་ ༡༩༩༢ ལོའི་གཞོན་ནུའི་ཚོགས་ཆེན་ཐེངས་ ༨ པའི་ཐོག་སྲིད་དོན་ཚོགས་པ་གསར་འཛུགས་གནང་རྒྱུའི་གྲོས་ཆོད་ཕེབས་དོན་བཞིན་སྲིད་དོན་ཚོགས་པའི་རྩ་ཁྲིམས་ཟིན་བྲིས་ཚོགས་ཆུང་ཆེད་དུ་བཙུགས་རྗེས་ཕྱི་ལོ་ ༡༩༩༤ ལོའི་ཟླ་ ༩ ཚེས་...

དེ་རིང་ཕྱི་ཟླ་ ༦ ཚེས་ ༦ ཉིན་གྱི་སྔ་དྲོ་ཚོུད་ ༩༌༠༠ ཐོག་བཞུགས་སྒར་དུ་རྟེན་གཞི་བྱས་པའི་ Club House གསོལ་མགྲོན་ཁང་དུ་བོད་ཀྱི་རྒྱལ་ཡོངས་མང་གཙོ་ཚོགས་པའི་ཚོགས་ཆེན་ཐེངས་བརྒྱད་པ་ དབུ་འཛུགས་གནང་སོང་།དབུ་འབྱེད་མཛད་སྒོའི་སྐུ་མགྲོན་གཙོ་བོ་བོད་མི་མང་སྤྱི་འཐུས་ཚོགས་གཞོན་ཨཱཙཱརྱ་ཡེ་ཤེས་ཕུན་ཚོགས་མཆོག་གིས་གཙོས་པའི་དམིགས་བསལ་སྐུ་མགྲོན་བོད་ཀྱི་གཞོན་ནུ་ལྷན་ཚོགས་ཀྱི་དབུས་སྤྱི་ཁྱབ་ཚོགས་གཙོ་བསྟན་འཛིན་འཇིགས་མེད་ལགས། བོད་རྒྱལ་ཡོང་མང་གཙོ་ཚོགས་པའི་སྤྱིན་བདག་ཁག་གཅིག ས་གནས་གང་སར་ནས་ཕེབས་པའི་ཚོགས་བཅར་བ་བཅས་ཁྱོན་མི་གྲངས་བཅུ་ཕྲག་ཁ་ཤས་འདུ་འཛོམས་གནང་སོང་བ་དང་། ཁྱོན་ཉིན་གྲངས་གསུམ་གྱི་རིང་གྲོས་གཞི་བཅིུག་ཐོག་བཀའ་བསྡུར་གནང་རྒྱུ་རེད་འདུགཚོགས་གཙོ་ཚེ་བརྟན་ནོར་བུ་ལགས་ནས་འདས་པའི་ཚོགས་གཙོའི་ལས་ཡུན་ནང་གི་ལས་བསྡོམས་ངོ་སྤྲོད་དང་སྦྲགས། ཐེངས་འདིར་བཀའ་བསྡུར་གནང་རྒྱུའི་གྲོས་གཞི་ནང་ཡོད་པའི་གྲོས་གཞི་དོན་ཚན་ ༥ པ་སྟེ་འོས་བསྡུའི་སྒྲིག་གཞི་བསྐྱར་བཅོས་དང་འབྲེལ་ཕྱི་ལོ་ ༢༠༢༡ ལོའི་སྲིད་སྤྱིའི་འོས་བསྡུའི་སྐབས་བོད་ཀྱི་རྒྱལ་ཡོངས་མང་གཙོ་ཚོགས་པའི་ལས་འགུལ་སྤེལ་ཕྱོགས་ཞེས་པའི་གྲོས་གཞི་དེ་གལ་ཆེ་ཤོས་ཤིག་ཡིན་པ་དང་ཚོགས་བཅར་བ་ཚོས་དོན་སྨིན་སོན་པ་དང་གནད་ཕིགས་དགོངས་འཆར་གནང་བའི་རེ་བ་ཡོད་ཅེས་གསུངས་སོང་།སྐུ་མགྲོན་གཙོ་བོ་བོད་མི་མང་སྤྱི་འཐུས་ཚོགས་གཞོན་ཨཱཙཱརྱ་ཡེ་ཤེས་ཕུན་ཚོགས་མཆོག་གིས་ཚོགས་ཆེན་གྱི་གྲོས་གཞི་ ༡༡ རྣམས་ལ་རེ་རེ་བཞིན་དགོངས་འཆར་དང་ལམ་སྟོན་གནང་བ་དང་འབྲེལ། འོས་བསྡུའི་སྒྲིག་གཞི་བསྐྱར་བཅོས་དེ་ནི་སྐབས་དང་དུས་ལ་བརྟེན་ནས་བསྐྱར་བཅོས་གནང་དགོས་པ་བྱུང་ཡོད་པ་དང་། བསྐྱར་བཅོས་ཟིན་པའི་སྒྲིག་གཞི་དེ་ཚོགས་བཅར་བ་ཚོས་ཀློག་དགོས་པ་མ་ཟད། ཆབ་སྲིད་དང་ཁྲིམས་སྒྲིག་གི་ཐོག་ནས་བོད་མིའི་སྒྲིག་འཛུགས་དང་སྤྱི་ཚོགས་ཀྱི་ནང་གླེང་སློང་ཞིག་ཡོང་གི་ཡོད་ཚེ་སྤྱི་འཐུས་ལྷན་ཚོགས་ནས་དེ་སྔ་ཕྱི་ལོ...

རྒྱ་གར་གྱི་བྱང་ཕྱོགས་ཧི་མཱ་ཅལ་མངའ་སྡེ་ནང་རྟེན་གཞི་བྱས་པའི་མཾཌཱི་ཁུལ་དུ་ Bharat Tibet Sahyog Manch འམ་འཕགས་བོད་འབྲེལ་མཐུད་ཚོགས་པའི་རྒྱལ་ཡོངས་ཚོགས་ཆེན་འཚོགས་བཞིན་ཡོད་པ་རེད། བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཞོན་ཨཱཙཱརྱ་ཡེ་ཤེས་ཕུན་ཚོགས་མཆོག་སྐུ་མགྲོན་གཙོ་བོ་དང་སྤྱི་འཐུས་བསྟན་པ་ཡར་འཕེལ་ལགས་སྐུ་མགྲོན་དུ་གདན་ཞུས་ལྟར་རྣམ་པ་གཉིས་དེ་རིང་དང་སང་ཉིན་བཅས་ཉིན་གཉིས་རིང་འཚོགས་རྒྱུའི་འཕགས་བོད་འབྲེལ་མཐུད་ཚོགས་པའི་རྒྱལ་ཡོངས་ཚོགས་ཆེན་ཐོག་ཆེད་ཕེབས་གནང་ཡོད་པ་དང་། ཧི་མཱ་ཅལ་མངའ་སྡེའི་སྤྱི་ཁྱབ་བློན་ཆེན་ Jai Ram Thakur མཆོག འཕགས་བོད་འབྲེལ་མཐུད་ཚོགས་པའི་སློབ་སྟོན་པ་སྐུ་ཞབས་ Indresh Kumar ལགས་ཀྱིས་གཙོས་པའི་ཆེས་མཐོའི་མི་སྣ། དེ་བཞིན་ཁྱད་མཁས་མི་སྣ་མང་དག་ཞིག་ཆེད་ཕེབས་གནང་འདུག ཚོགས་གཞོན་མཆོག་ནས་ཚོགས་ཆེན་འདིའི་བརྒྱུད་བོད་དོན་ཐོག་ཁ་ཞེ་གཉིས་མེད་ཀྱིས་རྒྱབ་སྐྱོར་གནང་མཁན་རྣམས་ལ་ཐུགས་རྗེ་ཆེ་ཞུ་རྒྱུ་དང་། ད་ལྟའི་བོད་ཀྱི་གནས་བབ་དང་བོད་མིའི་སྒྲིག་འཛུགས་ཀྱི་ལས་དོན་གནང་ཕྱོགས། རྒྱལ་སྤྱིའི་ཁྲོད་ནས་བོད་མིར་རྒྱབ་སྐྱོར་ཇི་ལྟར་ཐོབ་ཀྱི་མེད་སོགས་ཀྱི་ཐོག་གླེང་སློང་གནང་རྒྱུ། དེ་བཞིན་བོད་དོན་རྒྱབ་སྐྱོར་ཚོགས་པ་རྣམས་ནས་མ་འོངས་པར་བོད་དོན་ཆེད་མུ་མཐུད་ཕྱག་ལས་གནང་རྒྱུར་རེ་སྐུལ་ཞུ་རྒྱུ་རེད་འདུག དེ་བཞིན་རྒྱ་གར་གྱི་ས་གནས་ཁ་ཤས་ནང་བོད་དོན་རྒྱབ་སྐྱོར་ཚོགས་པ་ཉམས་གསོ་གནང་སྐོར་དང་བོད་དོན་རྒྱབ་སྐྱོར་ཚོགས་པ་ཚགས་ཚུད་ཡོང་མིན་དེ་བོད་མི་ཡོངས་ནས་ཕྱག་ལས་གནང་སྟངས་ལ་རག་ལས་ཡོད་སྐོར་སོགས་གསུངས་སོང་། རྩ་བའི་འཕགས་བོད་འབྲེལ་མཐུད་ཚོགས་པ་དེ་ཕྱི་ལོ་ ༡༩༩༩ ཟླ་ ༥ ཚེས་ ༥...

དེའང་ཟླ་ ༩ ཚེས་ ༡༠ ཉིན་དབུ་འཛུགས་ཀྱིས་ཚེས་  ༡༢ བར་ཉིན་གྲངས་གསུམ་རིང་རྒྱལ་ས་ལྡི་ལིའི་བོད་སྒར་བསམ་ཡས་གླིང་དུ་རྟེན་གཞི་བྱས་པའི་ཆུ་བཞི་སྒང་དྲུག་གི་དཔའ་བོ་རྗེས་དྲན་ཚོགས་ཁང་དུ་འགན་འཛིན་ལྷན་ཚོགས་ཐེངས་ལྔ་པ་ཚོགས་ཡོད་པ་དང་། སྐབས་དེར་མཛད་སྒོའི་སྐུ་མགྲོན་གཙོ་བོར་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཞོན་ཨཱཙཱརྱ་ཡེ་ཤེས་ཕུན་ཚོགས་མཆོག།དམིགས་བསལ་སྐུ་མགྲོན་དུ་བོད་ཀྱི་གཞོན་ནུ་ལྷན་ཚོགས་ཀྱི་དབུས་སྤྱི་ཁྱབ་ཚོགས་གཙོ་བསྟན་འཛིན་འཇིགས་མེད་ལགས། དབུས་གཞོན་ནུ་ལྷན་ཚོགས་ཀྱི་རྒྱུན་ལས་རྣམ་པ། གཞུང་འབྲེལ་དང་གཞུང་འབྲེལ་མ་ཡིན་པའི་ཚོགས་པ་ཁག་གི་སྐུ་ཚབ། ས་གནས་ཀྱི་མཐོ་རིམ་སློབ་གྲྭ་ཁག་གི་སློབ་མ་ཁག་ཅིག་བཅས་ཁྱོན་མི་གྲངས  ༡༠༠  ལྷག་ཙམ་ཞིག་འདུ་འཛོམས་བྱུང་འདུག། ཐེངས་འདིའི་ཚོགས་ཆེན་ཐོག་ས་གནས་ཁག་  ༡༥ ཙམ་གྱི་ཚོགས་མི་ ༦༠ ལྷག་ནས་མཉམ་ཞུགས་གནང་འདུག་པ་དང། ཚོགས་འདུའི་ཐོག་དབུས་ས་གཉིས་ཀྱི་ཚོགས་མི་དེ་དག་དབར་གྲོས་གཞི་དོན་ཚན་ཁག་ ༧ ཐོག་བགྲོ་གླེང་གནང་རྒྱུའི་ལས་རིམ་ཡོད་པ་མ་ཟད། ཕྱི་ཚེས་ ༡༣ ཉིན་རྒྱལ་ས་ལྡི་ལིར་རྔམ་སྟོན་ཁྲོམ་སྐོར་གྱི་ལས་འགུལ་ཞིག་ཀྱང་སྤེལ་འཆར་འདུག རྒྱལ་ཡོངས་མང་གཙོ་ཚོགས་པའི་ཚོགས་གཙོ་ཚེ་བརྟན་ནོར་བུ་ལགས་ཀྱིས་འགན་འཛིན་ལྷན་ཚོགས་ཀྱི་གྲོས་གཞི་གཙོ་བོ་དེ་ཚོགས་ཆེན་སྐབས་བདུན་པའི་གྲོས་གཞི་གྲོས་ཆོད་ཁག་ལག་བསྟར་དང་མཇུག་སྐྱོང་ཞིབ་འཇུག་བགྲོ་གླེང་གནང་རྒྱུ་དང་།   ལྷག་པར་རྒྱལ་ཡོངས་མང་གཙོ་ཚོགས་པར་གཞུང་འབྲེལ་མ་ཡིན་པའི་ཚོགས་པ་གཞན་དང་མི་འདྲ་བར་བཙན་བྱོལ་ནང་བོད་མི་སྤྱི་དང་སྒོས་བོད་རིགས་ན་གཞོན་ཚོར་ཆབ་སྲིད་ཀྱི་སློབ་གསོ་སྤེལ་བའི་བརྒྱུད་བོད་མི་མང་སྤྱི་འཐུས་དང་སྲིད་སྐྱོད་བཅས་ཀྱི་འོས་བསྡུའི་སྐབས་ཆོལ་ཁ་དང་ཆོས་ལུགས།...