ཝེ་ནི་སི་རྒྱལ་སྤྱིའི་གློག་བརྙན་དུས་སྟོན་ཐོག་ཚན་རིག་པ་ཏཱ་ལའི་བླ་མ་ཞེས་པའི་གློག་བརྙན་གཟིགས་འབུལ་ཞུ་རྒྱུ།

འདི་ལོའི་ Italy གྲོང་ཁྱེར་ Venice རྒྱལ་སྤྱིའི་གློག་བརྙན་དུས་སྟོན་ Venice International Film Festival ཐེངས་ ༧༦ ཐོག་ཚན་རིག་པ་ཏཱ་ལའི་བླ་མ་ཞེས་པའི་དངོས་བྱུང་གི་གློག་བརྙན་ཆེས་ཐོག་མ་གཟིགས་འབུལ་ཞུ་རྒྱུ་ཡིན་པ་དང་། གློག་བརྙན་གཟིགས་འབུལ་ཐོག་ Ireland རྒྱལ་ཁབ་ནས་ཡིན་པའི་ནོ་སྤེལ་ཞི་བདེ་གཟེངས་རྟགས་བཞེས་མྱོང་མཁན་༸གོང་ས་མཆོག་གི་མཛའ་གྲོགས་རྙིང་པ། ལྕམ་སྐུ་ Betty Williams ལགས་ཆེད་ཕེབས་དང་འབྲེལ་གཟིགས་མོ་བ་ཚོར་གློག་བརྙན་ངོ་སྤྲོད་གནང་རྒྱུ་རེད་འདུག ཝེ་ནི་སི་སྤྱིའི་གློག་བརྙན་ནས་དེ་རིང་གློག་བརྙན་གྱི་སྔོན་འགྲོའི་འགྲེམས་བརྡ་བརྙན་ཐུང་སྐར་ཆ་ ༩༠ ཅན་ཞིག་ཕྱིར་བསྒྲགས་གནང་བ་མ་ཟད། ཐེངས་འདིའི་དངོས་བྱུང་གི་གློག་བརྙན་བཟོ་བསྐྲུན་པའི་འགན་འཛིན་དང་འཁྲབ་གཞུང་རྩོམ་པ་པོ་གཅིག་ལྕོག་གནང་མཁན་དེ་བཞིན་རྒྱལ་སྤྱི་རིམ་པའི་གཟེགས་རྟགས་བཞེས་མྱོང་མཁན་རྒྱལ་སྤྱིའི་བུད་མེད་གློག་བརྙན་བཟོ་སྐྲུན་པ་གྲགས་ཅན་ལྕམ་ Dawn Gifford...