ཡུ་རོབ་གྲོས་ཚོགས་ནང་དུ་བོད་དོན་རྒྱབ་སྐྱོར་གྱི་ཚོགས་འདུ་ཞིག་ཚོགས་འདུག

ཡུ་རོབ་རྒྱལ་ཁབ་ Brussels ནང་དུ་རྟེན་གཞི་བྱས་པའི་ཡུ་རོབ་གྲོས་ཚོགས་ནང་དུ་བོད་པའི་མང་གཙོ་འཕེལ་རིམ་ཐོག་ཚོགས་འདུ་ཞིག་ཚོགས་ཡོད་པ་རེད། དེ་ཡང་ཁ་སང་ཟླ་ ༢ ཚེས་ ༡༦ ཉིན་ཡུ་རོབ་གྲོས་ཚོགས་ཀྱི་ཚོགས་ཁང་དུ་ Tibet Interest Group ཞེས་ཡུ་རོབ་གྲོས་ཚོགས་ཀྱི་བོད་དོན་རྒྱབ་སྐྱོར་ཚོགས་པས་གོ་སྒྲིག་འོག བོད་པའི་མང་གཙོ་འཕེལ་རིམ་ཐོག་གྲོས་བསྡུར་གྱི་ལས་རིམ་ཞིག་བསྐོང་ཚོགས་གནང་འདུག་པ་དང་། སྐབས་དེར་ཡུ་རོབ་གྲོས་ཚོགས་ཀྱི་བོད་དོན་རྒྱབ་སྐྱོར་ཚོགས་པའི་ཚོགས་མི་གཙོས། Brussels སྐུ་ཚབ་དོན་གཅོད་ཁང་གི་ལས་བྱེད་ཁག་ཅིག་དང་། དེ་བཞིན་ Swiss ནང་དུ་བཅའ་བཞུགས་གནང་མཁན་ཡུ་རོབ་སྤྱི་འཐུས་དབང་པོ་བཀྲས་མཐོང་ལགས་མཉམ་ཞུགས་གནང་འདུག གཞི་རྩའི་ཡུ་རོབ་གྲོས་ཚོགས་ཀྱི་བོད་དོན་རྒྱབ་སྐྱོར་ཚོགས་པས་ཟླ་བ་གཉིས་རེ་གསུམ་རེ་མཚམས་སུ་བོད་དོན་སྐོར་གྱི་ཚོགས་འདུ་དེ་གོ་སྒྲིག་གནང་གི་ཡོད་པ་དང། ཚོགས་འདུ་དེའི་ཐོག་ནས་བོད་དོན་དང་འབྲེལ་བའི་གནད་དོན་མང་དག་ཞིག་གི་ཐོག་ལ་གྲོས་བསྡུར་དང་། བོད་དོན་རྒྱབ་སྐྱོར་གྱི་ལས་འགུལ་སྤེལ་ཕྱོགས་སོགས་ཀྱི་ཐད་གྲོས་བསྡུར་གནང་གི་ཡོད་པ་རེད། ད་ལན་གྱི་ཚོགས་འདུའི་ཐོག་སྔ་ལོའི་ནང་ཡུ་རོབ་གྲོས་ཚོགས་ཀྱིས་འདོན་སྤེལ་གནང་པའི་ཡུ་རོབ་དང་རྒྱ་ནག་གི་འབྲེལ་ལམ་ཐོག་སྙན་ཐོ་ཞིག་འདོན་སྤེལ་གནང་པའི་ནང་དུ་བོད་ནང་གི་ཛ་དྲག་གནས་སྟངས་སྐོར་འཁོད་པ་དེའི་ཐོག་གྲོས་བསྡུར་ལྷུག་པོ་གནང་པ་མ་ཟད། ལྷག་དོན་བོད་པའི་མང་གཙོའི་འཕེལ་རིམ་བཅས་ཀྱི་ཐོག་གྲོས་བསྡུར་གནང་པའི་ཁྲོད། ཡུ་རོབ་གྲོས་ཚོགས་ཀྱི་བོད་དོན་རྒྱབ་སྐྱོར་ཚོགས་པའི་ཚོགས་གཙོ་སྐུ་ཞབས་ Thomas Mann...