རྒྱ་གཞུང་གི་བོད་ཀྱི་ས་མཚམས་ཁག་ཏུ་འཕྲུལ་ཆས་གསར་སྤྱོད་ཀྱིས་དྲག་གནོན་ཤུགས་ཆེ་རུ་བཏང་ཡོད་པ་རེད་འདུག

དེ་ཡང་ཟླ་བ་འདིའི་ཚེས་ ༦ ཉིན་ChinaDaily རྒྱ་ནག་གཞུང་འབྲེལ་བརྒྱུད་ལམ་ཐོག་གནས་ཚུལ་སྤེལ་བར་གཞིགས་ན། རྒྱ་ནག་གཞུང་གི་བོད་དང་ཤིན་ཅང་། ཡུ་ནན་བཅས་ས་མཚམས་ས་ཁུལ་དུ་ UnmannedAircraft འམ་ Drone ཞེས་མི་མི་དགོས་པའི་གནམ་གྲུ་སོགས་ཚད་མཐོའི་འཕྲུལ་ཆས་གསར་པ་མང་དག་ཞིག་སྤྱོད་མགོ་བཙུགས་ཡོད་པ་རེད་འདུག འཕྲུལ་ཆས་དེ་དག་རྒྱ་ནག་དམར་ཤོག་ཚོགས་པའི་དམག་གི་གོ་མཚོན་བཟོ་གྲྭའི་ཡན་ལག་སྡེ་ཚན། རྒྱ་ནག་ལྷོ་ནུབ་འཕྲུལ་རིག་དང་དངོས་ཁམས་རིག་པའི་བསྟི་གནས་ཁང་ནས་བཟོ་བཞིན་ཡོད་པ་ལྟར། བསྟི་གནས་ཁང་དེའི་མགྲིན་ཚབ་པ་ Mao Weichen ཟེར་བ་དེའི་རྒྱ་ནག་བརྒྱུད་ལམ་ནང་འགྲེལ་བརྗོད་གནང་དོན་ལ། འཕྲུལ་ཆས་དེ་དག་གིས་མི་མི་དགོས་པར་ཉིན་མཚན་དང་གནམ་གཤིས་ལྟོས་མེད་དུས་རྟག་ཏུ་ལྟ་སྲུང་བྱེད་ཐུབ་ཀྱི་ཡོད་པ་མ་ཟད། དེའི་ནང་སྒྲ་དཔྱད་རིག་པའི་གོ་མཚོན་ཡོད་པ་དང། དེས་སྒྲའི་ཐོག་ནས་མི་ལ་ན་ཟུག་དང་ཀླད་པར་གནོད་སྐྱོན་བཟོ་ཐུབ་པ། ཐ་ན་མི་བསད་ཐུབ་པའི་ནུས་པ་ཡོད་སྐོར་བརྗོད་འདུག ཁ་ཉིན་ཕྱི་ཚེས་ ༡༠ ཉིན་ Epoch...