རྒྱ་གར

ཁ་སང་རྒྱ་གར་གྱི་ཧིན་དུའི་མི་རིགས་ཀྱིས་དྷི་ཝ་ལི་འམ་མཆོད་མེའི་ཕྲེང་བ་འབུལ་བའི་དུས་ཆེན་ཉིན་མོར་ཆོས་ཕྱོགས་ཀྱི་དུས་ཆེན་སྲུང་བརྩི་ཞུས་པ་དང་འབྲེལ། བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་རྒྱ་གར་མང་ཚོགས་ཀུན་ལ་ दिवाली དགའ་སྟོན་ཉིན་མོར་བཀྲ་ཤིས་པའི་འཚམས་འདྲིའི་བརྙན་ཐུང་ཞིག་བསྩལ་འདུག ༸དཔལ་ལྡན་དགའ་ལྡན་ཕོ་བྲང་ཡིག་ཚང་གི་དྲྭ་རྒྱའི་ཐོག་གནས་ཚུལ་ཐོན་པར་༸གོང་ས་༸སྐྱབས་མགོན་ཆེན་པོ་མཆོག་གིས་ཁ་སང་ཕྱི་ཟླ་ ༡༠ ཚེས་ ༢༧ ཉིན་བཞུགས་སྒར་༸རྒྱལ་བའི་ཕོ་བྲང་ནས་རྒྱ་གར་གྱི་ Diwali དུས་ཆེན་ཉིན་མོར་རྒྱ་གར་བ་ས་ཡ་མང་པོས་དགའ་ཞིང་སྤྲོ་བའི་ངང་ནས་དུས་ཆེན་དེ་སྲུང་བརྩི་ཞུ་བཞིན་ཡོད་སྟབས། མགོན་པོ་༸གང་ཉིད་མཆོག་གིས་ངོས་རང་རྒྱ་གར་གཞུང་གི་མགྲོན་པོ་ཡུན་རིང་ཤོས་ཤིག་ཡིན་པའི་ཆ་ནས་ངོས་ཀྱང་རྣམ་པ་ཚོ་དང་ལྷན་དུས་ཆེན་ནང་མཉམ་ཞུགས་ཀྱིས་འཚམས་འདྲིའི་བཀྲ་ཤིས་བདེ་ལེགས་ཞེས་བཀའ་བསྩལ་བ་དང་ཆབས་ཅིག་ཏུ་དུས་ཁྱད་ཉིན་མོར་སྤྲོད་པོ་ཡོང་བའི་སྨོན་འདུན་མཛད་འདུག རྩ་བའི་དྷི་ཝ་ལི་འམ་མཆོད་མེའི་ཕྲེང་བ་འབུལ་བའི་ཆོས་ཕྱོགས་ཀྱི་དུས་ཆེན་དེ་ནི་གཙོ་བོ་རྒྱ་གར་གྱི་ रामायण གཏམ་བརྒྱུད་ལས་སྐྱེས་བུ་དམ་པ་རཱམ་ལོ་ ༡༤ རིང་ནགས་ཚལ་དུ་བཞུགས་རྗེས་ अयोध्या ཕོ་བྲང་དུ་ཚུར་ཕེབས་སྐབས་ཆབ་འབངས་ཚོས་རཱམ་ལ་ཕེབས་བསུ་ཞུ་བའི་དགའ་སྟོན་ཉིན་མོ་ཞིག་ཏུ་ངོས་འཛིན་གནང་གི་ཡོད་པ་དང་ཉིན་དེར་རྒྱ་གར་བ་མང་ཆེ་བས་ཚོང་ལོ་གསར་པ་དབུ་འཛུགས་དང་འབྲེལ་ लक्ष्मी འམ་ལྷ་མོ་དཔལ་མོར་གསོལ་འདེབས་སྨོན་ལམ་དང་མཆོད་པ་ཕུལ་ཏེ་དུས་ཆེན་སྲུང་བརྩི་ཞུ་ཡི་ཡོད་པ་རེད།    

ཁ་ཉིན་ཟླ་ ༣ ཚེས་ ༡༣ ཉིན་རྒྱལ་སྤྱིའི་མཉམ་འབྲེལ་རྒྱལ་ཚོགས་ཀྱི་བདེ་འཇགས་ལྷན་ཁང་ནས་ལྷན་ཁང་དེའི་སྲིད་དོན་དམ་དྲག་བཀའ་ཆད་ཀྱི་གྲོས་འགོ་ཨང་ ༡༢༦༧ ལག་བསྟར་བརྒྱུད་ Pakistan ནང་ཡོད་པའི་དྲག་སྤྱོད་པ་ Masood Azhar ཞེས་པ་དེ་རྒྱལ་སྤྱིའི་དྲག་སྤྱོད་པ་ཞིག་ཏུ་ངོས་འཛིན་གྱིས་ཉེས་ཆད་ཁག་ཅིག་གཏང་རྒྱུ་བྱས་ཡོད་ཀྱང་། སྐབས་དེར་རྒྱལ་ཚོགས་ཀྱི་བདེ་འཇགས་ལྷན་ཁང་གི་གཏན་འཇགས་ཚོགས་མི་རྒྱལ་ཁབ་རྒྱ་ནག་ནས་གྲོས་གཞི་དེ་ངོས་ལེན་མ་ཞུས་པར་དྲག་སྤྱོད་པ་ Masood Azhar ཞེས་པར་རྒྱབ་སྐོར་བྱས་ཡོད་པ་རེད། རྒྱ་ནག་གི་ Masood Azhar ལ་རྒྱབ་སྐྱོར་བྱེད་དོན་ལས་འཕྲོས་ནས་ཁ་སང་པ་ཀི་སི་ཏན་གྱི་གསར་འགོད་པ་རྒན་གྲས་ Hamid Mir ཡིས་འཕྲུལ་སྒྲ་ཐོག་རྒྱ་ནག་གིས་ Masood Azhar...