Tibetan Royal Year of 2151 | Year of the Wood Dragon

- Advertisement -spot_img

TAG

རྒྱ་དཀར་ནག་དབར་ས་མཚམས་ཀྱི་དཀའ་རྙོག་ཇེ་ཆེར་འགྲོ་སྲིད་པའི་ཉེན་བརྡ་བཏང་འདུག

རྒྱ་དཀར་ནག་དབར་ས་མཚམས་ཀྱི་དཀའ་རྙོག་ཇེ་ཆེར་འགྲོ་སྲིད་པའི་ཉེན་བརྡ་བཏང་འདུག

ལ་དྭགས་ཀྱི་གྷལ་ཝན་ཁུལ་དུ་ཆགས་པའི་འཕགས་བོད་ས་མཚམས་སུ་རྒྱ་དཀར་ནག་ཕྱོགས་གཉིས་ཀྱི་མཐའ་མཚམས་དམག་དབར་དྲག་པོའི་མདོང་ཐུག་བྱུང་ནས་ད་ཆ་ལོ་གཅིག་འགྲོ་གི་ཡོད་པའི་ཁྲོད་འདིར། དེ་སྔོན་པེ་ཅིང་དུ་རྒྱ་གར་གྱི་གཞུང་ཚབ་ཆེན་མོའི་ཐུགས་འགན་བཞེས་མྱོང་ཡོད་པའི་སྐུ་ཞབས་ Gautam Bambawale ལགས་ཀྱིས། རྒྱ་ནག་ངོས་ནས་ས་མཚམས་ཀྱི་གནད་དོན་ཐད་རང་ཉིད་ཀྱི་བཞེངས་ཕྱོགས་བློས་བཏང་མེད་པར་དེ་མུར་གནས་སྟབས། རྒྱལ་ཁབ་ཕྱོགས་གཉིས་དབར་ས་མཚམས་ཀྱི་དཀའ་རྙོག་སྔར་ལྷག་ཇེ་ཆེར་འགྲོ་ཉེན་ཡོད་པའི་ཉེན་བརྡ་བཏང་བ་དང་འབྲེལ། རྒྱ་གར་ངོས་ནས་རང་ཉིད་ཀྱི་མཐུན་ཕྱོགས་རྒྱལ་ཁབ་ཁག་ཕྱོགས་བསྡུས་ཀྱིས་ནུས་པ་རྒྱ་བསྐྱེད་སྒོ་ནས་རྒྱ་ནག་གི་བཙན་ཤེད་ལ་གདོང་ལེན་བྱེད་དགོས་པ་གསུངས་འདུག དེའང་་སྐུ་ཞབས Gautam Bambawale ལགས་ཀྱིས་དེ་རིང་ The Print ཞེས་པའི་རྒྱ་གར་གྱི་གསར་ཁང་གི་དམིགས་བསལ་བཅར་དྲིར་དྭང་ལེན་གནང་པའི་ནང་དུ། སྔར་ལོ་རྒྱ་ནག་གིས་རྒྱ་གར་བྱང་ཕྱོགས་ཀྱི་ལ་དགས་ཁུལ་གྱི་མཐའ་མཚམས་སུ་མདུན་མཆོང་གིས་འགུལ་སྐྱོད་བྱས་པ་དེ་ནི་རྒྱ་ནག་གི་དམག་འཐབ་དང་འབྲེལ་བའི་སྔོན་སོང་གི་འཆར་གཞི་ཞིག་ཡིན་པ་་དང་། རྒྱ་ནག་གིས་བྱང་ཕྱོགས་ལ་དགས་ཁུལ་དུ་དུས་རྒྱུན་ནས་རྒྱ་ནག་གི་མཐའ་མཚམས་ཡིན་ལུགས་རྩོད་སྒྲུབ་བྱེད་བཞིན་པའི་ས་ཁུལ་གང་འཚམས་ཤིག་གི་བར་དུ་སླེབས་ཐུབ་ཡོད་ནའང་། རྒྱ་གར་གྱི་དམག་མིས་ཀྱང་རྒྱ་ནག་གི་མཐའ་མཚམས་རྒྱ་བསྐྱེད་ཀྱི་འགུལ་སྐྱོད་དེའི་གདོང་དུ་བུད་ནས་ཕར་རྒོལ་བྱེད་ཐུབ་པ་བྱུང་སྟབས་རྒྱ་གཞུང་གིས་ལ་དགས་ཤར་ཕྱོགས་ཀྱི་ས་ཁུལ་ཐོག་བདག་དབང་རྩོད་རྒྱུའི་ཐོག་མའི་དམིགས་ཡུལ་དེ་གྲུབ་ཐུབ་པ་བྱུང་མེད་སྐོར་གསུངས་འདུག དེ་སྔ་པ་ཀི་སུ་ཐན་ནང་དུའང་རྒྱ་གར་གྱི་གཞུང་ཞབས་གནང་མྱོང་མཁན་་གི་སྐུ་ཞབས་ Bambawale ལགས་ཀྱིས་ད་དུང་སྔར་ལོའི་ཟླ་བ་བཞི་བའི་ཟླ་མཇུག་དང་ཟླ་བ་ལྔ་བའི་ཟླ་མགོར་རྒྱ་དམག་ཁྲི་ལྔ་ནས་ཁྲི་དྲུག་བར་ལ་དྭགས་བྱང་ཤར་ཕྱོགས་སུ་ཆེད་གཏོང་བྱས་ཡོད་པ་མ་ཟད། དམག་འཐབ་དང་འབྲེལ་བའི་གོ་མཚོན་ཆེ་གྲས་ཀྱི་རིགས་དང་དེ་བཞིན་ལྕགས་ཁྲབ་འཁོར་ལོ་སོགས་ཀྱང་ཆེད་དུ་འབོར་འདྲེན་བྱས་ཡོད་པར་གཞིགས་ན། སྔར་ལོའི་རྒྱ་ནག་གི་དམག་མིའི་འགུལ་སྐྱོད་དེ་ནི་འཆར་གཞི་དང་ལྡན་པ་ཞིག་ཡིན་པ་གསལ་པོ་ཡིན་པ་དང་། རྒྱུ་མཚན་དེར་བརྟེན་རྒྱ་ནག་གི་ངོས་ནས་ད་ཆ་ལོ་གཅིག་ཟིན་ཡང་ལ་དྭགས་བྱང་ཤར་གྱི་སྤང་གོང་མཚོ་ཁུལ་ནས་མ་གཏོགས་ས་ཁུལ་གཞན་ནས་དམག་མི་རྩ་བ་ནས་ཕྱིར་འཐེན་བྱས་མེད་པ་མ་ཟད། རྒྱ་གར་ངོས་ནས་ཀྱང་རང་རྒྱལ་གྱི་མངོན་འདོན་དེ་བློས་གཏོང་བྱེད་རྒྱུ་མིན་སྟབས་འབྱུང་འགྱུར་གྱི་ལོ་གཅིག་གི་ནང་དུ་རྒྱ་དཀར་ནག་གཉིས་ཀྱི་འབྲེལ་ལམ་ཆེས་རྣོ་ངར་ཅན་དུ་འགྱུར་ངེས་ཡིན་པར་བསྒྲགས་ཏེ། མ་འོངས་བར་རྒྱ་དཀར་ནག་གཉིས་ཀྱིས་འབྲེལ་ལམ་ཕྱོགས་ཡོངས་ནས་བསྐྱར་སྒྲིག་བྱེད་དགོས་བའི་དུས་ཤིག་ཤར་རྒྱུ་ཡིན་པར་འགྲེལ་བརྗོད་གནང་འདུགདེ་བཞིན་སྔར་ལོའི་རྒྱ་དཀར་ནག་གཉིས་ཀྱི་མཐའ་མཚམས་ཀྱི་དམག་འཐབ་དང་འབྲེལ་ནས།...

Latest news

- Advertisement -spot_img