མདུན་ངོས།
ངོ་སྤྲོད།
༸གོང་ས་མཆོག
བོད།
བཙན་བྱོལ།
རྒྱ་ནག
རྒྱལ་སྤྱི།
རྒྱང་སྲིང་འོད་ཚད།
སྒྲ་མཛོད།
བརྙན་མཛོད།
འབྲེལ་ལམ།
Search
VOICE OF TIBET
ནོར་ཝེ་བོད་ཀྱི་རླུང་འཕྲིན་ཁང་།
Pulses PRO
Tibetan Royal Year of 2151 | Year of the Wood Dragon
中文
Facebook
RSS
Soundcloud
Twitter
Youtube
ནོར་ཝེ་བོད་ཀྱི་རླུང་འཕྲིན་ཁང་།
Voice Of Tibet
text
འཚོལ་བཤེར།
མདུན་ངོས།
ངོ་སྤྲོད།
༸གོང་ས་མཆོག
བོད།
བཙན་བྱོལ།
རྒྱ་ནག
རྒྱལ་སྤྱི།
རྒྱང་སྲིང་འོད་ཚད།
སྒྲ་མཛོད།
བརྙན་མཛོད།
འབྲེལ་ལམ།
མདུན་ངོས།
ངོ་སྤྲོད།
༸གོང་ས་མཆོག
བོད།
བཙན་བྱོལ།
རྒྱ་ནག
རྒྱལ་སྤྱི།
རྒྱང་སྲིང་འོད་ཚད།
སྒྲ་མཛོད།
བརྙན་མཛོད།
འབྲེལ་ལམ།
འཚོལ་བཤེར།
- Advertisement -
TAG
རྒྱ་དང་གྲོགས་སྒྲིག་ནས་དཀའ་ངལ་སེལ་དགོས་གལ་ཡིན་པ་བཀའ་བསྩལ་བ།
༸གོང་ས་མཆོག
རྒྱ་དང་གྲོགས་སྒྲིག་ནས་དཀའ་ངལ་སེལ་དགོས་གལ་ཡིན་པ་བཀའ་བསྩལ་བ།
vot.org
-
04/12/2017
བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བཞུགས་སྒར་དུ་བོད་ནས་གསར་དུ་འབྱོར་བའི་བོད་མི་ཚོར་མཇལ་ཁ་དང་བཀའ་སློབ་སྩལ་སྐབས་རྒྱ་ལ་གྲོགས་པོ་སྒྲིག་ནས་དཀའ་ངལ་སེལ་ཐབས་བྱེད་དགོས་པ་ལས་དགྲ་ལ་ལྟས་ནས་དཀའ་ངལ་སེལ་ཐུབ་ཀྱི་མེད་ཅེས་བཀའ་བསྩལ་སོང། དེ་རིང་ཟླ་ ༡༢ ཚེས་ ༤ ཉིན་སྔ་དྲོ་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་གི་གསུང་ཆོས་ར་བའི་ནང་ཉེ་ཆར་བོད་ནས་གསར་དུ་འབྱོར་བའི་བོད་མི་ ༢༥༠ མན་གཙོ་འགྱུར་བཙན་བྱོལ་ནང་གི་བོད་མི་ཁག་ཅིག་བཅས་ལ་༸གོང་ས་༸སྐྱབས་མགོན་ཆེན་པོ་མཆོག་གིས་མཇལ་ཁ་དང་སྐར་མ་ ༤༠ ལྷག་གི་བཀའ་སློབ་བཀྲིན་བསྩལ་སོང་བ་དང། སྐབས་དེར་མགོན་པོ་༸གང་ཉིད་མཆོག་གིས་བོད་ལ་ཡོད་པའི་གཞིས་ལུས་རྒྱ་ཆེ་མང་ཚོགས་ཀྱིས་སྲོག་ལ་ཉེན་ཁ་དང་འཇིགས་སྣང་ཆེ་བའི་གནས་སྟངས་འོག་ལོ་ངོ་ ༦༠ མན་ཙམ་རིང་བོད་མི་རིགས་ལ་བཅངས་པའི་ཞུམ་པ་མེད་པའི་སྙིང་སྟོབས་དང་སེམས་ཤུགས་འཁྱེར་ནས་བཞུགས་པར་ཐུགས་རྗེ་ཆེ་ཞེས་བཀའ་གནང་བ་དང་ཆབས་ཅིག ད་བར་གཞིས་ལུས་རྒྱ་ཆེ་མང་ཚོགས་ཀྱི་སྙིང་སྟོབས་དང་སེམས་ཤུགས་ལ་བརྟེན་ནས་བཙན་བྱོལ་དུ་ཡོད་མཁན་ཚོ་ལའང་བདེན་པ་ཡོད་བསམ་པ་ཞིག་དང་། དེ་བཞིན་བོད་རྒྱ་གཉིས་ཀྱི་འཐབ་རྩོད་ནི་བདེན་པའི་སྟོབས་ཤུགས་དང་གོ་མཚོན་གྱི་སྟོབས་ཤུགས་གཉིས་འགྲན་བསྡུར་བྱེད་རྒྱུའི་དུས་ཚོད་ཞིག་ཆགས་ཡོད་ནའང། འཕྲལ་སེལ་མ་གཏོགས་ཕུགས་རྒྱང་རིང་པོའི་ཆ་ནས་བདེན་པའི་སྟོབས་ཤུགས་དེ་ཤུགས་ཆེ་བ་ཡོད་སྟབས། གཏན་གཏན་བདེན་པའི་མཐའ་སེལ་གྱི་རེད་ཅེས་བཀའ་བསྩལ་ཡོད། ཁྱད་པར་དུ་མགོན་པོ་༸གང་ཉིད་མཆོག་གིས་མུ་མཐུད་བཀའ་སྩལ་བར་བོད་རྒྱ་གཉིས་ཀྱི་དཀའ་ངལ་དེ་དག་སེལ་བར་རྒྱ་ལ་གྲོགས་པོ་སྒྲིག་ནས་དཀའ་ངལ་སེལ་ཐབས་བྱེད་དགོས་པ་ལས་དགྲ་ལ་ལྟས་ནས་དཀའ་ངལ་སེལ་ཐུབ་ཀྱི་མེད་ཅེས་བཀའ་ནན་བསྩལ་སོང། ད་དུང་༸གོང་ས་༸སྐྱབས་མགོན་ཆེན་པོ་མཆོག་གིས་རྒྱ་ནག་གཞུང་གིས་མུ་མཐུད་བོད་མིའི་ཐོག་དྲག་རྩུབ་ཀྱི་སྲིད་བྱུས་ལག་བསྟར་བྱས་ནས་བརྟན་ལྷིང་དང་འཆམ་མཐུན་ཡོང་ཐབས་མེད་པས་རྒྱ་ནག་རང་ཉིད་ཀྱི་ཁེ་ཕན་ལ་ལྟས་ནས་བོད་མི་ཚོར་བྱམས་ཀྱིས་སྐྱོང་དགོས་པ་མ་ཟད། ལྷག་དོན་བོད་མིའི་ཆོས་དང་རིག་གཞུང་ལ་བརྩི་བཀུར་ཞུ་ནས་ངལ་བ་དེ་དག་དགོས་ཞེས་བཀའ་སྩལ་སོང་། གསར་དུ་འབྱོར་བའི་བོད་མི་ཚོར་ད་ལྟའི་བོད་ལ་ཡོད་པའི་ནང་པ་སངས་རྒྱས་པའི་ཆོས་འདི་ནི་དེང་གི་འཛམ་གླིང་ཐོག་ཆོས་དད་ཡོད་མེད་ལྟོས་མེད་ཚང་མར་རིགས་པའི་ཐོག་ནས་འགྲེལ་བཤད་རྒྱག་ཐུབ་རྒྱུ་ཡོད་པ་ཞིག་དང་། ལྟ་གྲུབ་ལ་གཞི་བཞག་ནས་ནང་ཆོས་ཉམས་ལེན་བྱེད་རྒྱུ་དེ་བོད་མི་ཁོ་ན་མ་གཏོགས་གཞན་སུ་གང་ལ་མེད་སྟབས་དེ་ནི་སྤོབས་པ་སྐྱེས་འོས་པ་ཞིག་དང་། ལྷག་དོན་བོད་མི་རིགས་ཀྱི་སེམས་ཤུགས་སྐྱེས་གཞི་ཞིག་ཆགས་ཡོད་པ་བཀའ་སྩལ་དང་ཆབས་ཅིག བོད་མི་སེར་སྐྱ་ཁྱད་མེད་ཚོས་ནང་ཆོས་ལ་བསླབ་པ་སློབ་གཉེར་རྒྱ་གང་ཆེ་གནང་དགོས་གལ་ཡིན་པར་ལམ་སྟོན་བཀྲིན་བསྩལ་ཡོད།
Latest news
ཡོང་རྒྱུའི་རྒྱལ་སྤྱིའི་དབྱར་དུས་ཨོ་ལོམ་པིག་རྩེད་འགྲན་ནང་རྒྱ་ནག་གིས་རྩེད་འགྲན་པར་རྟོག་ཞིབ་བྱ་དགོས།
23/05/2024
རྒྱ་གཞུང་གིས་སླར་ཡང་ཨ་རིའི་ཚོང་ལས་ཁང་དང་གཙོ་འཛིན་ཁག་གཅིག་ལ་སྲིད་དོན་ཉེས་ཆད་བཀའ་འདུག
23/05/2024
Thursday 23/05/2024
23/05/2024
རྒྱ་གཞུང་གི་ཆུ་མཛོད་ལས་གཞི་བོད་ཙམ་མ་ཟད་ཨེ་ཤེ་ཡ་སྤྱིའི་ཁོར་ཡུག་ལ་དོ་ཕོག་ཤུགས་ཆེ་གཏོང་གི་ཡོད་པ་མངོན་གསལ།
23/05/2024
རང་བྱོན་འཕགས་མཆོག་ཝ་ཏི་བཟང་པོའི་རྣམ་ཐར་སྐོར་དུས་ཐུང་འགྲེམས་སྟོན་དབུ་འབྱེད།
23/05/2024
- Advertisement -