རྒྱ་ནག་གིས་ཨ་རིའི་ཆེས་མཐོ་དཔོན་རིགས་ཁག་ཅིག་ལ་ཉེས་ཆད་བཅད་འདུག

ཁ་སང་ཨ་རིའི་སྲིད་འཛིན་ཇཱོ་བྷ་ཌན་མཆོག་གིས་ཨ་རིའི་གཞུང་འཛིན་གྱི་ཁྲི་སྟོན་མཛད་སྒོ་ཚོགས་མ་ཐག  རྒྱ་ནག་གི་ཕྱི་སྲིད་ལྷན་ཁང་གིས་ཨ་རིའི་སྲིད་འཛིན་ཊྲམ་ཕུའི་གཞུང་འཛིན་སྐབས་ཀྱི་ཆེས་མཐོའི་དཔོན་རིགས་ ༢༨ མིང་འདོན་གྱིས། ཁོང་རྣམས་རྒྱ་ནག་གི་གཙོ་བྱས་པའི་ཧོང་ཀོང་དང་མ་ཀའོ་སོགས་སུ་འགྲོ་སྐྱོད་བྱེད་རྒྱུ་བཀག་སྡོམ་བྱས་འདུགདེ་རིང་སྔ་དྲོ་རྒྱ་ནག་གི་ཕྱི་སྲིད་ལས་ཁུངས་ཀྱིས་འདོན་སྤེལ་གནང་བའི་བསྒྲགས་གཏམ་ཞིག་གི་ནང་དུ། ཐེངས་འདིར་རྒྱ་ནག་གིས་བཀག་སྡོམ་བྱས་པའི་ཨ་རིའི་ཆེས་མཐོ་དཔོན་རིགས་ཀྱི་ཁྲོད་དུ། སྲིད་འཛིན་ཊྲམ་ཕུ་མཆོག་གི་གཞུང་འཛིན་སྐབས་ཀྱི་ཕྱི་སྲིད་དྲུང་ཆེ་Michael R. Pompeo ལགས་དང་། ཨ་རིའི་བདེ་སྲུང་གི་སློབ་སྟོན་པ། Robert C. O'Brien ལགས་དང་སློབ་སྟོན་པ་གཞོན་པ། Matthew Pottinger ལགས། གཞན་ཡང་ཨ་རིའི་ཚོང་ལས་ཀྱི་སློབ་སྟོན་པ།  Peter K. Navarro ལགས་སོགས་ཀྱི་གཙོ་བྱས་པའི་དཔོན་རིགས་ཉེར་བརྒྱད་ལ་མིང་འདོན་བྱས་ཏེ། ཁངོ་རྣམས་རྒྱ་ནག་ནང་དང་ཧོང་ཀོང་སོགས་ལ་འགྲོ་སྐྱོད་བྱེད་རྒྱུ་བཀག་འགོག་བྱས་པ་མ་ཟད།...