རྡོ་གདན་ཆོས་འབྲེལ་སྐབས་བོད་མི་མང་ཚོགས་ཁྲོད་ནས་ཁྱིམ་པ་ཚོ་ཕྱག་འཁྱེར་ཞུ་དགོས་ཀྱི་མི་འདུག

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་རིང་མིན་ཕྱི་ཟླ་ ༡ པོའི་ནང་རྒྱ་གར་གྱི་གནས་མཆོག་རྡོ་རྗེ་གདན་དུ་མང་ཚོགས་ལ་གསུང་ཆོས་ཀྱི་མཛད་འཆར་ཁག་གཉིས་བསྐྱང་རྒྱུ་ཡིན་པ་ལྟར། ཆོས་འབྲེལ་དེའི་རིང་གྲྭ་བཙུན་དང་རྒྱ་གར་བ། དེ་བཞིན་ཕྱི་རྒྱལ་བ་མ་གཏོགས་ཆོས་ཞུ་བ་གཞན་ཚོ་ཕྱག་ཁྱེར་ཞུ་དགོས་ཀྱི་མི་འདུག དེའང་བོད་མིའི་སྒྲིག་འཛུགས་བདེ་སྲུང་ལས་ཁུངས་ནས་ཁ་ས་ཚེས་ ༡༤ ཉིན་གསལ་བསྒྲགས་ཤིག་སྤེལ་བའི་བརྒྱུད། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་གནས་མཆོག་རྡོ་རྗེ་གདན་དུ་ཕྱི་ཟླ་ ༡ ཚེས་ ༥ ནས་ ༧ བར་དང་དེ་རྗེས་ ༡༤ ནས་ ༡༦ བར་བཅས་སོ་སོར་གསུང་ཆོས་བཀའ་དྲིན་སྩལ་གཏན་འཁེལ་བ་བཞིན། གསུང་ཆོས་སྐབས་ས་གནས་སུ་མི་ཚོགས་ཧ་ཅང་མང་བས་ཕྱག་འཁྱེར་ཐོ་འགོད་ལས་ཁང་དུ་འཚང་ཁ་མི་ཡོང་སླད་གྲྭ་བཙུན་རྣམ་པ་དང་། རྒྱ་གར་བ། ཕྱི་རྒྱལ་བ་བཅས་ལ་གསུང་ཆོས་ཕྱག་འཁྱེར་འབུལ་རྒྱུ་ལས་ཆོས་ཞུ་བ་གཞན་རྣམས་ལ་ཕྱག་འཁྱེར་ཞུ་དགོས་ཀྱི་མེད་སྐོར་འགྲེལ་བརྗོད་གནང་འདུག ཆོས་ཞུའི་ཕྱག་འཁྱེར་དགོས་རིགས་རྣམས་ནས dalailamateaching.com ཞེས་པའི་དྲ་ཚིགས་ཐོག་ཐོ་འགོད་གནང་དགོས་པ་དང་དྲ་ཚིགས་འདིའི་དྲ་ཐག་ dalailama.com...