ལས་བྱེད་ཚོས་ལས་བཅར་དང་ཕྱིར་སྐྱོད་བྱ་ཕྱོགས་ཀྱི་རྩ་འཛིན་ལ་རྩིས་མེད་བཏང་ན་དངུལ་གྱི་ཉེས་ཆད།

རྒྱ་གར་ནང་ཐེམ་སྤང་བཀག་རྒྱ་གུ་ཡངས་ཀྱི་རིམ་པ་བཞི་པའི་བཀོད་ཁྱབ་ཁྲོད་མང་ཚོགས་ཀྱི་འགྲུལ་སྐྱོད་སོགས་ལ་ལྷོད་ཡངས་ཕྱིན་པའི་རྐྱེན་གྱིས།  རྒྱ་གར་རྒྱལ་ཡོངས་ནང་ད་སྐབས་རྒྱ་ནག་ཝུ་ཧན་ནས་མཆེད་པའི་ཏོག་དབྱིབས་གཉན་རིམས་ ༡༩ ཕོག་མཁན་གྱི་གྲངས་ཐོ་དེ་ཉིན་རེ་ནས་འཕར་བཞིན་པ་མ་ཟད། བཙན་བྱོལ་བོད་མིའི་སྤྱི་ཚོགས་ཁྲོད་དུའང་གཉན་རིམས་ཕོག་མཁན་མང་དག་ཅིག་བྱུང་བཞིན་པ་ལྟར། དེ་རིང་བོད་མིའི་སྒྲིག་འཛུགས་བཀའ་ཤག་ངོས་ནས་ཕྱི་ཟླ་ ༡༠ པའི་ཚེས་ ༡༨ བར་ལས་བྱེད་རྣམ་པའི་ལས་བཅར་ཞུ་ཕྱོགས་དང་ཕྱིར་བསྐྱོད་བྱ་ཕྱོགས་ཀྱི་རྩ་འཛིན་ལམ་སྟོན་ཞིག་འདོན་སྤེལ་དང་འབྲེལ། དེར་བརྩི་བཀུར་མི་ཞུ་མཁན་ཚོར་དངུལ་གྱི་ཉེས་ཆད་གཅོད་རྒྱུའི་ཐག་གཅོད་གནང་འདུག