སྤྱི་ཚོགས་དྲྭ་རྒྱར་རྒྱ་གཞུང་གིས་རྡོག་རོལ་བཏང་བའི་མི་སྣ་ཁག་མངོན་གསལ་གནང་རྒྱུའི་ལས་འགུལ་དབུ་འཛུགས།

ཨ་རིའི་མང་གཙོ་ཚོགས་པའི་གྲོས་ཚོགས་འཐུས་མི་ལྕམ་སྐུ་ Jennifer Wexton ལགས་ཀྱིས་རང་ཉིད་ཀྱི་ངོ་དེབ་དང་མྱུར་འཕྲིན། དེ་བཞིན་ Instagram སོགས་སྤྱི་ཚོགས་དྲྭ་རྒྱའི་སྟེང་དུ་རྒྱ་ནག་གཞུང་གིས་གཞི་རྩའི་འགྲོ་བ་མིའི་ཐོབ་ཐང་རྡོག་རོལ་བཏང་བའི་མི་སྣ་ཁག་མངོན་གསལ་གནང་རྒྱུའི་ལས་འགུལ་ཞིག་དབུ་འཛུགས་གནང་འདུགཨ་རིའི་ Virginia ཁུལ་གྱི་གྲོས་ཚོགས་འཐུས་མི་ལྕམ་སྐུ་ Jennifer ལགས་ཀྱིས་བརྒྱུད་ལམ་ཁག་ཏུ་གསུངས་པར་གཞིགས་ན། རྒྱ་ནག་གཞུང་གིས་བོད་མིའི་ཆོས་དང་རིག་གཞུང་རྩ་གཏོར་གཏོང་བཞིན་པ་མ་ཟད། ཤིན་ཅང་ཁུལ་དུ་ཡུ་གུར་ཁ་ཆེའི་གྲངས་ཉུང་མི་རིགས་རྩ་མེད་གཏོང་བཞིན་པ་དང་། ཧོང་ཀོང་མང་ཚོགས་ཀྱི་མང་གཙོའི་རང་དབང་རྡོག་རོལ་གཏོང་བཞིན་ཡོད་ཀྱང་འཛམ་གླིང་མི་མང་ནས་ ༢༠༢༢ ལོའི་དགུན་དུས་ཀྱི་ཨོ་ལམ་པིཀ་རྩེད་འགྲན་གཟིགས་བཞིན་ཡོད་སྐོར་གསུངས་པ་དང་འབྲེལ། རྒྱལ་སྤྱིའི་ཨོ་རྩལ་ལྷན་ཚོགས་དང་པེ་ཅིིང་ དགུན་དུས་ཨོ་རྩལ་ལ་སྦྱིན་བདག་བྱེད་མཁན་གྱི་ Coca-Cola དང་། Visa དེ་བཞིན་ Intel དང་།...