སྤྱི་འཐུས་ཚོགས་གཙོ་མཆོག་གིས་ཨ་རིའི་གྲོས་ཚོགས་ཀྱི་ཚོགས་གཙོ་གསར་པ་མཆོག་ལ་འཚམས་འདྲི་གནང་པ།

ཁ་སང་ཕྱི་ཚེས་༢༠ཉིན་བོད་མི་མང་སྤྱི་འཐུས་ཚོགས་གཙོ་པདྨ་འབྱུང་གནས་མཆོག་གིས་རྒྱ་གར་དབུས་གཞུང་གི་འཕྲོད་བསྟེན་བློན་ཆེན་ཟུར་པ་སྐུ་ཞབས  Jagat Prakash Nadda  མཆོག་རྒྱ་གར་སྲིད་དོན་ཚོགས་པ་ཆེ་ཤོས་BJP ཚོགས་པའི་ཚོགས་གཙོ་ཐེངས་ ༡༤ པར་བསྐོ་གཞག་གནང་བར་དགའ་བསུའི་འཚམས་འདྲི་ཞུས་འདུག འཚམས་འཕྲིན་གྱི་ནང་། ཚོགས་གཙོ་མཆོག་གིས་གཞིས་བྱེས་བོད་མི་ཡོངས་ཀྱི་ཚབ་ཞུས་ཏེ། རྒྱ་གར་གཞུང་མང་གཉིས་ཀྱིས་འདས་པའི་ལོ་ངོ་དྲུག་ཅུའི་རིང་བོད་ཀྱི་འཐབ་རྩོད་དང་བོད་མིར་མཐུན་འགྱུར་རྒྱབ་སྐྱོར་གནང་བར་བཀའ་དྲིན་ཤིན་ཏུ་ཆེ་ཞུས་པ་བརྒྱུད་ནས། སྐུ་ཞབས་ཁོང་གིས་ཚོགས་གཙོ་གནང་བའི་རིང་སྲིད་དོན་ཚོགས་པའི་ལས་དོན་གང་ཡོད་ཀྱི་བྱ་བ་ལམ་ལྷོངས་ཡོང་བའི་སྨོན་འདུན་ཞུ་རྒྱུ་ཡིན་ཞེས་འཁོད་འདུག ཚོགས་གཙོ་མཆོག་གིས་ད་དུང་སྐུ་ཞབས  Jagat Prakash Nadda  ལགས་ཀྱིས་ལོ་མང་རིང་རྒྱ་གར་གྱི་ཆབ་སྲིད་སྤྱི་དང་སྒོས་སུ་BJPསྲིད་དོན་ཚོགས་པའི་ནང་ཕྱག་ལས་རྒྱ་ཆེར་གནང་ཡོད་པར་ལུང་འདྲེན་དང་སྦྲགས། སྐུ་ཞབས་ཁོང་ནི་BJP་སྲིད་དོན་ཚོགས་པའི་ལས་དོན་ཚོགས་གཙོ་མིག་དཔེར་འོས་པ་ཞིག་ཡིན་པར་བརྟེན། ད་རེས་ཁོང་ཉིད་ཚོགས་གཙོར་བསྐོས་གནང་བ་དེས་སྐུ་ཞབས་ཁོང་གི་ཁྱད་འཕགས་ཀྱི་འགོ་ཁྲིད་ཀྱི་ནུས་པ་ཡོད་པ་ཞིག་དང་། སྲིད་དོན་ཚོགས་པའི་ངོས་ནས་ཁོང་ལ་ཡིད་ཆེས་བརྟན་པོ་གནང་བ་ཞིག་མཚོན་གྱི་ཡོད་པར་བསྒྲགས་འདུག གཞན་ཡང་ཚོགས་གཙོ་མཆོག་གིས།  སྐུ་ཞབས་ཁོང་ནི་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་དད་པ་ཡོད་མཁན་ཞིག་ཡིན་པར་མ་ཟད། བོད་དོན་ཐོག་ཡུན་རིང་རྒྱབ་སྐྱོར་གནང་མཁན་ཞིག་ཀྱང་ཡིན་པར་གསུངས་ཏེ།  བོད་མི་མང་སྤྱི་འཐུས་ལྷན་ཚོགས་ཀྱི་སྐུ་ཚབ་ཚོགས་ཆུང་གིས་རྒྱ་གར་རྒྱལ་ས་ལྡི་ལི་དང་། རྡ་སར་སྐུ་ཞབས་ཁོང་ཐེངས་ཁ་ཤས་མཇལ་འཕྲད་ཞུ་རྒྱུའི་གོ་སྐབས་ཐོབ་ཡོད་ཡོད་སྐོར་གསུངས་འདུག ཚོགས་གཙོ་མཆོག་གིས་འཚམས་འཕྲིན་གནང་བ་དང་ལྷན་དུ།  སྐུ་ཞབས་ཁོང་གིས་བོད་པའི་འཐབ་རྩོད་སྐོར་གསལ་པོ་མཁྱེན་གྱི་ཡོད་སྟབས། ཁོང་གིས་འགོ་ཁྲིད་པའི་སྲིད་དོན་ཚོགས་པས་བོད་དོན་ཐོག་སྔར་ལྷག་རྒྱབ་སྐྱོར་གནང་རྒྱུའི་རེ་བ་དང་ཡིད་ཆེས་ཡོད་པར་འབོད་སྐུད་ཀྱིས།...

བོད་མི་མང་སྤྱི་འཐུས་ཚོགས་གཙོ་མཆོག་གིས་ཨ་རིའི་གྲོས་ཚོགས་འཐུས་མི་ཁག་ཅིག་དང་མཇལ་འཕྲད་གནང་སྟེ་བོད་དོན་སྙན་གསེང་ཞུས་འདུག དེའང་སྤྱི་འཐུས་ཚོགས་གཙོ་མཆོག་ཨ་རིའི་ནིའུ་ཡོག་གྲོང་ཁྱེར་ནང་གཞུང་འབྲེལ་ཕྱོགས་བསྐྱོད་ལེགས་གྲུབ་ཀྱིས་ད་ཆ་རྒྱལ་ས་ཝ་ཤིང་ཊོན་ནང་ཕྱོགས་ཕེབས་གནང་བཞིན་པ་དང་འབྲེལ། ཁ་ཉིན་ཚེས་ ༡༢ ཉིན་ཨ་རིའི་གྲོས་ཚོགས་ཀྱི་ཕྱི་འབྲེལ་ལས་དོན་ཚོགས་ཆུང་གི་ཚོགས་མི་དང་ནིའུ་ཡོག་ས་ཁུལ་གྱི་གྲོས་ཚོགས་འོག་མའི་འཐུས་མི་གཅིག་ལྕོགས་ཡིན་པ་སྐུ་ཞབས་ Eliot Engel ལགས་དང་ཨ་རིའི་གཞུང་འཛིན་སྤྱི་མཐུན་ཚོགས་པའི་གྲོས་ཚོགས་འཐུས་མི་རྒན་གྲས་སྐུ་ཞབས་ Jim Sensenbrenner ལགས། དེ་བཞིན་གྲོས་ཚོགས་དཀྱིལ་ཤར་ཡུལ་གྲུ་དང་ལྷོ་ཨེ་ཤི་ཡའི་མངའ་ཁུལ་ལས་དོན་ཚན་པའི་ཚོགས་གཙོ་གྲོས་ཚོགས་འཐུས་མི་སྐུ་ཞབས་ Steve Chabot ལགས་བཅས་ཀྱི་ལས་ཁུངས་སུ་བཅར་ནས་མཇལ་འཕྲད་གནང་འདུག སྐབས་དེར་སྤྱི་འཐུས་ཚོགས་གཙོ་མཆོག་དང་ལྷན་དུ་སྐུ་ཚབ་དོན་གཅོད་དངོས་གྲུབ་ཚེ་རིང་ལགས་ཆེད་བཅར་ཞུས་འདུག ལྷན་རྒྱས་ཀྱི་མཇལ་མོལ་དེའི་ཐོག་སྤྱི་འཐུས་ཚོགས་གཙོ་མཆོག་གིས་གཙོ་བོ་བོད་ནང་གི་ཛ་དྲག་གནས་སྟངས་སྐོར་ངོ་སྤྲོད་དང་སྦྲགས། རྒྱ་གཞུང་གིས་བོད་མིའི་ཆབ་སྲིད་དང་ཆོས་དད་རང་དབང་ཐོག་དམ་བསྒྲགས་ཤུགས་ཆེ་བྱེད་བཞིན་ཡོད་པ་མ་ཟད། བོད་ཀྱི་ཁོར་ཡུག་དང་བོད་མིའི་ཐུན་མིན་རིག་གཞུང་དང་བཅས་པ་རྩ་མེད་བཏང་དང་གཏོང་བཞིན་པ་གསལ་བཤད་གནང་སྟེ། གྲོས་ཚོགས་འཐུས་མི་རྣམས་ནས་བོད་དོན་ཐོག་སྔར་བཞིན་རྒྱབ་སྐྱོར་མུ་མཐུད་གནང་དགོས་པའི་རེ་འདུན་བཏོན་འདུག ལྷག་དོན་རྒྱ་གཞུང་ལ་བོད་ཀྱི་གནད་དོན་སེལ་ཆེད་དབུ་མའི་ལམ་གྱི་སྲིད་བྱུས་གཞི་རྩར་བཞག་པའི་ཐོག་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་ཚབ་དང་ལྷན་འབྲེལ་མོལ་བསྐྱར་གསོ་གནང་དགོས་པར་འབོད་སྐུལ་ཞུས་འདུག རྩ་བའི་སྤྱི་འཐུས་ཚོགས་གཙོ་མཆོག་ཟླ་བ་འདིའི་ཚེས་ ༡༡ ཉིན་ཨ་རིའི་རྒྱལ་ས་ཝ་ཤིང་ཊོན་དུ་ཕེབས་འབྱོར་གྱིས་ཁུལ་དེར་སང་ཉིན་བར་ལས་འཆར་བསྐྱང་གནང་གི་འདུག་པ་མ་ཟད། ཚེས་ ༡༥ ཉིན་ San Francisco...

བོད་མི་མང་སྤྱི་འཐུས་ལྷན་ཚོགས་ཀྱིས་ཨ་རིའི་གྲོས་ཚོགས་འཐུས་མི་གཉིས་ནས་བོད་དོན་གླེང་སློང་ཤུགས་ཆེ་གནང་པར་ཐུགས་རྗེ་ཆེ་ཞུས་པ་དང་འབྲེལ། འབྱུང་འགྱུར་བོད་དོན་ལ་མུ་མཐུད་རྒྱབ་སྐྱོར་གནང་སྐྱོང་ཡོང་བའི་འབོད་སྐུལ་ཞུས་འདུག བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་གིས་ཉེ་ཆར་ཨ་མི་རི་ཀའི་གྲོས་ཚོགས་ནང་དུ་ཡུལ་དེའི་མང་གཙོ་ཚོགས་པའི་གྲོས་ཚོགས་འཐུས་མི་སྐུ་ཞབས་ Jim Mc Govern ལགས་དང་ཨ་རིའི་སྤྱི་མཐུན་ཚོགས་པའི་ལྕམ་སྐུ་ Ileana Ros- Lehtinen ལགས་རྣམ་གཉིས་ཀྱིས་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུ་པར་མདུན་དུ་བཤམས་ཏེ་ཨ་རི་གཞུང་ནས་བོད་མིའི་མངོན་འདོད་དང་མི་རིགས་ངོ་བོ་སྲུང་སྐྱོབ་སླད་སྔར་ལྷག་རྒྱབ་སྐྱོར་ཤུགས་ཆེ་གནང་དགོས་པའི་ཞུ་འབོད་གནང་པར་དགའ་བསུ་ཞུས་པ་དང་སྦྲགས། མ་འོངས་པར་གྲོས་ཚོགས་འཐུས་མི་རྣམ་གཉིས་ནས་བོད་ཀྱི་གནད་དོན་ཐོག་གླེང་སློང་གནང་རྒྱུ་མ་ཟད། མགོན་མེད་ཉམ་ཆུང་གི་མགྲིན་ཚབ་གནང་སྟེ་བོད་ཀྱི་གནད་དོན་སེལ་ཆེད་རྒྱབ་སྐྱོར་མུ་མཐུད་གནང་རྒྱུའི་ཡིད་ཆེས་ཡོད་ཅེས་གསུངས་འདུག དེ་བཞིན་སྤྱི་འཐུས་ཚོགས་གཙོ་མཆོག་གིས་གྲོས་ཚོགས་འཐུས་མི་གཉིས་པོ་ནས་སྐབས་དེའི་གྲོས་ཚོགས་ནང་དུ་བོད་ནང་གི་ཁོར་ཡུག་གནས་སྟངས་དང་། ལྷག་པར་དུ་རྒྱ་གཞུང་གིས་བོད་མིའི་ཆོས་དད་དང་འགྲུལ་བསྐྱོད་རང་དབང་སོགས་ལ་དམ་དྲག་གིས་སུན་གཙེར་བཟོ་བཞིན་པ་རྣམས་གསལ་བཏོན་གནང་སྟེ་བོད་མིའི་འཐབ་རྩོད་ལ་རྒྱབ་སྐྱོར་གྱི་རྣམ་པ་ཤུགས་ཆེ་གནང་ཡོད་པར་འགྲེལ་བརྗོད་གནང་འདུག དེ་བཞིན་གྲོས་ཚོགས་འཐུས་མི་ལྕམ་སྐུ་ Ileana ལགས་ནས་སེམས་ཚོར་ཆེན་པོས་༸གོང་ས་༸སྐྱབས་མགོན་ཆེན་པོ་མཆོག་བོད་ནང་གདན་ཞུ་དགོས་པའི་གནད་དོན་གླེང་པ་དེས་ཚོགས་གཙོ་སྐུ་སྒེར་ལ་སེམས་འགུལ་ཧ་ཅང་ཆེན་པོ་ཐེབས་ཡོད་པ་དང་། དེ་ནི་གཞིས་ལུས་བོད་རིགས་སྤུན་ཟླ་ཡོངས་ཀྱི་ལྡོག་ཏུ་མེད་པའི་མངོན་འདོད་ཡིན་པ་མ་ཟད། ལྷག་དོན་བོད་ནང་གི་བོད་མི་རྣམས་ནས་མགོན་པོ་༸གང་ཉིད་མཆོག་གི་ཞལ་མཇལ་རྒྱུ་དང་གསུང་ཐོས་རྒྱུ་ཆེད་དུ་ཡུན་རིང་ནས་སྐོམ་པ་ཆུ་འདོད་ལྟར་ངང་སྒུག་ཞུ་བཞིན་ཡོད་ཅེས་གསུངས་འདུག རྩ་བའི་སྐུ་ཞབས་ Jim Mc Govern ལགས་ནི་དེ་སྔ་ཕྱི་ལོ་ ༢༠༡༥ ཟླ་ ༡༡...

བོད་མི་སྤྱི་འཐུས་ཚོགས་གཙོ་མཆོག་གིས་གར་སོང་ཆ་མེད་དུ་གྱུར་བའི་བོད་མིའི་འཐབ་རྩོད་པ་གླིང་ཚ་ཚེ་བརྟན་རྡོ་རྗེ་ལགས་ཀྱི་རྩོམ་ཡིག་ཕྱོགས་བསྡུས་བོད་ཀྱི་ཞི་བའི་འཐབ་རྩོད་ཅེས་པའི་དཔེ་དེབ་དབུ་འབྱེད་གནང་པ་དང་འབྲེལ། ང་ཚོ་བོད་པའི་ཞི་བའི་འཐད་རྩོད་ནང་དེ་འདྲའི་ཀུན་སློང་དང་དམིགས་ཡུལ་འཛིན་མཁན་མི་མང་པོ་ཐོན་ཐུབ་པ་དགོས་ཅེས་གསུངས་སོང་། དེ་ཡང་ཁ་སང་ཟླ་ ༡༡ ཚེས་ ༢༩ ཉིན་རྒྱབ་རྡ་ས་མེག་གྷན་ནོར་བུ་གསོལ་མགྲོན་ཁང་དུ་བོད་ཀྱི་འགྲོ་བའི་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་བོད་དོན་ཞི་བའི་འཐབ་རྩོད་པ་གླིང་ཚ་ཚེ་བརྟན་རྡོ་རྗེ་ལགས་ཀྱི་རྩོམ་ཡིག་ཕྱོགས་བསྡུས་ཕྱག་དེབ་པར་བསྐྲུན་གནང་པ་ལེགས་གྲུབ་ཟིན་པ་དབུ་འབྱེད་ཀྱི་མཛད་སྒོའི་སྐུ་མགྲོན་གཙོ་བོར་བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་དང་། གླིང་ཚའི་ཨ་མ་སྡོམ་པོ་སྐྱིད་ལགས་དང་། མདོ་སྨད་དབུས་རྒྱུན་ཚོགས་གཙོ་གྲྭ་གངས་རི་ལགས། དེ་བཞིན་གསར་འགོད་པ་བཅས་ཕེབས་ཐོག་སྐུ་མགྲོན་གཙོ་བོ་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་ནས་ཕྱག་དེབ་དབུ་འབྱེད་གནང་སོང་། སྐབས་དེར་བོད་མི་མང་སྤྱི་འཐུས་ཚོགས་གཙོ་མཆོག་གིས་གླིང་ཚ་ཚེ་བརྟན་རྡོ་རྗེ་ལགས་ཀྱིས་བོད་དོན་འཐབ་རྩོད་ཐོག་བཅངས་པའི་སྙིང་སྟོབས་དང་། ཀུན་སློང་། ཆོད་སེམས། དེ་བཞིན་འཐབ་རྩོད་ཀྱི་བརྒྱུད་རིམ་ནང་གདོང་ལེན་གནང་ཕྱོགས་བཅས་ལ་ཆེ་བསྟོད་ཞུས་པ་དང་འབྲེལ། ང་ཚོ་བོད་པའི་ཞི་བའི་འཐད་རྩོད་ནང་དེ་འདྲའི་ཀུན་སློང་དང་དམིགས་ཡུལ་འཛིན་མཁན་མི་མང་པོ་ཐོན་ཐུབ་དགོས་པ་དང་། ལྷག་པར་དུ་ང་ཚོ་དེ་འདྲའི་ཞི་བའི་འཐབ་རྩོད་ནང་ཞུགས་ཐུབ་དགོས་གལ་ཡིན་པ་རེད་ཅེས་གསུངས་སོང་། སྤྱིར་ད་རེས་པར་སྐྲུན་ཞུས་པའི་གླིང་ཚ་ཚེ་བརྟན་རྡོ་རྗེ་ལགས་ཀྱིས་བརྩམས་པའི་བོད་ཀྱི་ཞི་བའི་འཐབ་རྩོད་ཅེས་པ་དེའི་ནང་གཙོ་བོ། ཁོང་རང་ཀྱིས་ཞི་བའི་གོམ་བགྲོད་གནང་དགོས་པའི་རྒྱུ་མཚན་དང་། ཁོང་གི་ཕ་མ་གཉིས་དང་མཉམ་དུ་བཀའ་མོལ་གང་བྱུང་བ། ཁོ་རང་གི་བཟའ་ཟླ་དང་ཕྲུ་གུ་གཉིས་སོགས་སྐོར་ཕྱོགས་བསྡུས་གནང་པ་ཞིག་ཆགས་ཀྱི་འདུག དཔེ་དེབ་པར་སྐྲུན་ཞུ་མཁན་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་འགན་འཛིན་ཚེ་རིང་མཚོ་མོ་ལགས་ཀྱིས་དེབ་འདི་མ་འོངས་པར་བོད་ཀྱི་འཐབ་རྩོད་ཀྱི་ཁ་ཕྱོགས་ཐད་ཡིག་ཆ་གནད་ཆེ་ཞིག་ལ་ངོས་འཛིན་ཞུ་བཞིན་ཡོད་པ་སོགས་གསུངས་ཡོད་པ་རེད། ཡང་གླིང་ཚ་ཚེ་བརྟན་རྡོ་རྗེ་ལགས་ཀྱི་ཨ་མ་ལགས་ཀྱིས་ཁོང་གི་བུ་ད་རེས་དཔེ་དེབ་པར་བསྐྲུན་ལེགས་གྲུབ་ཟིན་པའི་དབུ་འབྱེད་ཐོག་དངོས་སུ་མེད་སྟབས། རང་ཉིད་ཀྱི་བུའི་ཚབ་བྱས་ཏེ་དཔེ་དེབ་དཔར་སྐྲུན་གནང་མཁན་དང་ཞུ་དག་གནང་མཁན་ཚང་མར་ཐུགས་རྗེ་ཆེ་ཞུས་པ་དང་འབྲེལ། ཁོང་རང་ཉིད་ཀྱི་བུ་ལ་སྤྱི་དོན་ཐོག་བསམ་པ་རྣམ་དག་དང་ཀུན་སློང་གཙང་མ་ཞིག་ཡོད་པར་ཡིད་ཆེས་བརྟན་པོ་ཡོད། དེ་ལ་རང་ངོས་ནས་བརྩི་བཀུར་དང་རྒྱབ་སྐྱོར་བྱེད་བཞིན་ཡོད། ད་ཆ་ཁོ་རང་གི་ཤི་གསོན་མི་ཤེས་ཀྱང་ང་རང་གིས་ད་དུང་ངའི་བུས་བོད་སྤྱི་བའི་དོན་ལ་ཕན་ཐོགས་པར་སྨོན་ལམ་ཞུ་གྱི་ཡོད་ཅེས་གསུངས་སོང་། ཡང་གླིང་ཚ་ཚེ་བརྟན་རྡོ་ལགས་གར་སོང་ཆ་མེད་དུ་གྱུར་བའི་སྐབས་སྔ་རྗེས་སུ་འཚོལ་ཞིབ་གནང་མཁན་མདོ་སྨད་དབུས་རྒྱུན་ཚོགས་གཙོ་གངས་རི་ལགས་ཀྱིས་གསུངས་པར་ང་ཚོའི་འཐབ་རྩོད་འདི་ང་ཚོའི་མི་རབས་འདི་གཅིག་པུ་མིན་པར་མི་རབས་ནས་མི་རབས་བར་མུ་མཐུད་དགོས་པར་བརྟེན།  ང་ཚོའི་མི་རབས་འདིས་བོད་དོན་འཐབ་རྩོད་པ་དང་ཤེས་ཡོན་པ། ལྷག་པར་དུ་ད་ལྟའི་ཆབ་སྲིད་ཀྱི་སྡེ་ཁག་འདིའི་ཕྱོགས་སུ་ལངས་ཏེ་དཔུང་རོགས་གནང་དགོས་པ་ཧ་ཅང་གལ་ཆེན་པོ་ཆགས་སྐོར་གསུངས་ཡོད། རྩ་བའི་གླིང་ཚ་ཚེ་བརྟན་རྡོ་རྗེ་ལགས་ཀྱིས་ཁོང་གི་ཨ་མ་སྡོམ་པོ་སྐྱིད་དང་སྲིང་མོ་ལྷ་མོ་སྐྱིད་བཅས་ལྷན་དུ་ཞི་བའི་གོམ་བགྲོད་ཐོག་མར་དེ་ཕྱི་ལོ་...

དེའང་ཁ་སང་ཉིན་རྒྱབ་བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་གིས་གཙོས་པའི་བོད་མིའི་སྒྲིག་འཛུགས་ཀྱི་འཕྲོད་བསྟེན་བཀའ་བློན་ཆོས་སྐྱོང་དབང་ཕྱུག་མཆོག དེ་བཞིན་ནང་སྲིད་ལས་ཁུངས་ཀྱི་སྐུ་ཚབ་ཁག་ཅིག་བཅས་ནས་ཉེ་སྔོན་ལྡི་ལིར་རྟེན་གཞི་བྱས་པའི་རྒྱལ་ཁང་རྙིང་པ་ལཱལ་ཀི་ལཱ་ Lal Qila མདུན་གྱི་བོད་མིའི་སུད་ཚོང་བའི་ཁྲོམ་ར་ ༡༣༨ ཙམ་མེའི་འཇིག་པའི་འོག་ཤུལ་མེད་དུ་གྱུར་བའི་སུད་ཚོང་བ་རྣམས་དང་མཇལ་འཕྲད་གནང་འདུག སྐབས་དེར་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་གིས་སུད་ཚོང་བ་རྣམས་ལ་གདུང་སེམས་མཉམ་བསྐྱེད་ཞུས་པ་དང་སྦྲགས། ངལ་སེལ་ཐེབས་རྩ་ནས་ཧིན་སྒོར་བདུན་ཁྲི་ཐམ་པ་གསོལ་རས་གནང་ཡོད་པ་དང་། ལྷག་དོན་ས་གནས་དངོས་ཀྱི་གནད་དོན་ལ་ཐུགས་ཞིབ་དང་གསན་འཇོག་གནང་པའི་བརྒྱུད་བོད་མི་ཡོད་དོ་ཅོག་གིས་གོད་ཆག་ཕོག་པའི་བོད་མི་སུད་ཚོང་བ་དེ་དག་ལ་རང་རང་བློས་གཅད་ཀྱིས་རྒྱ་མཚོ་ཆུ་ཐིགས་ལྟ་བུའི་ཞལ་འདེབས་རྒྱ་མི་ཆུང་བ་གནང་དགོས་པར་འབོད་སྐུལ་གནང་སོང་།  བོད་མི་སུད་ཚོང་བ་རྣམས་ཀྱིས་མ་འོངས་པར་དཀའ་ངལ་དེའི་རིགས་ལ་གདོང་ལེན་གནང་ཕྱིར་དངུལ་ཁང་དུ་ཉེན་སྲུང་མ་དངུལ་འཇོག་དགོས་གལ་ཡིན་པའི་ལམ་སྟོན་གནང་ཡོད་པ་རེད། གཞན་ཡང་བོད་མིའི་སྒྲིག་འཛུགས་ཀྱི་འཕྲོད་བསྟེན་བཀའ་བློན་ཆོས་སྐྱོང་དབང་ཕྱུག་མཆོག་གིས་བྱུང་ཟིན་པའི་གོད་ཆག་གི་གནས་ཚུལ་ལ་ཕྱིར་བལྟ་བྱེད་ནས་སེམས་སྡུག་མི་གནང་བར། འགྱེལ་བ་ལས་ཡར་ལངས་ཏེ་ཁྲོམ་ས་སླར་གསོ་གནང་ཐབས་འབད་དགོས་པའི་ལམ་སྟོན་ཡང་གནང་ཡོད། ཁ་སང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་གིས་གཙོས་པའི་བོད་མིའི་སྒྲིག་འཛུགས་ཀྱི་སྐུ་ཚབ་ཁག་ཅིག་ཆེད་ཕེབས་གནང་པ་དང་བསྟུན། ལཱལ་ཀི་ལཱ་བོད་མིའི་སུད་ཚོང་བའི་འཐུས་མི་ཚེ་དབང་ལགས་ནས་ཚོས་ཤུགས་ཆེན་པོས་བོད་མིའི་སྒྲིག་འཛུགས་གཙོས་པའི་བོད་རིགས་ཡོངས་ལ་འདི་ནས་ཞལ་འདེབས་ཞུས་དོན་ལྟར་ཞལ་འདེབས་གང་མང་གནང་སྐྱོང་ཡོང་བར་འབོད་སྐུལ་ཞུས་པ་དང་སྦྲགས། ཚོགས་སྐྱིད་ཁག་གིས་ཕྱི་རྒྱལ་ཡུལ་གྲུབ་གང་སར་ཞལ་འདེབས་འདུ་གོད་གནང་བཞིན་འདུག་པར་བཀྲིན་ཆེ་རྒྱུ་མ་ཟད། དེ་ནི་ཁྲོམ་ས་སླར་གསོ་གནང་པ་ལས་ལྷག་པའི་ཕན་ཐོགས་ཤིག་ཡོང་རྒྱུ་ཡིན་སྐོར་གསུངས་འདུག རྩ་བའི་ཉེ་སྔོན་རྒྱ་གར་རྒྱལ་ས་ལྡི་ལིར་ལཱལ་ཀི་ལཱ་ Lal Qila ཞེས་པའི་མདུན་དུ་བོད་མི་སུད་ཚོང་བའི་ཁྲོམ་ར་ ༡༣༨ མེ་སྐྱོན་ཚབས་ཆེན་བྱུང་ནས་ཚོང་ཁང་དང་དེའི་ནང་ཡོད་པའི་ཚོང་ཟོག་ཡོངས་རྫོགས་ཤུལ་མེད་ཐལ་བར་གྱུར་ཡོད་པ་མ་ཟད། ད་རེས་ཀྱི་མེ་སྐྱོན་ཁྲོད་བོད་མིའི་སུད་ཚོང་བ་རྣམས་ལ་མ་དངུལ་ས་ཡ་ ༡༢༠ ཙམ་གྱི་གྱོང་གུད་ཕོག་པར་བརྟེན། བོད་མིའི་སྒྲིག་འཛུགས་བཀའ་ཤག་དང་བོད་མི་མང་སྤྱི་འཐུས་ལྷན་ཚོགས་ཀྱིས་ངོས་ནས་ཛ་དྲག་ངལ་སེལ་ཆེད་རོགས་དངུལ་གསོལ་རས་གནང་ཡོད་པ་རེད།

བོད་མིའི་སྒྲིག་འཛུགས་ཀྱི་སྲིད་སྐྱོང་ལས་ཐོག་བློ་བཟང་སེང་གེ་མཆོག་ལ་འོས་བསྡུའི་རྒྱལ་ཁ་ཐོབ་ནས་སླར་སྲིད་སྐྱོང་དུ་བདམས་ཐོན་བྱུང་བར། དེ་རིང་ཟླ་ ༤ ཕྱི་ཚེས་ ༢༨ ཉིན་བོད་མི་མང་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་གིས་དགའ་བསུའི་དང་འཚམས་འདྲི་དང་སྦྲགས། དེ་བཞིན་གསར་དུ་བདམས་ཐོན་བྱུང་བའི་སྐབས་ ༡༦ པའི་སྤྱི་འཐུས་རྣམས་ལའང་འཚམས་འདྲི་གནང་འདུག དེ་ཡང་བོད་མིའི་སྒྲིག་འཛུགས་ཀྱི་དྲ་གནས་ཐོག་གནས་ཚུལ་སྤེལ་བར་གཞིགས་ན། དེ་རིང་སྔ་དྲོའི་ཚོུད་ ༡༡ ཐོག་ཚོགས་གཙོ་མཆོག་བོད་མིའི་སྒྲིག་འཛུགས་ཀྱི་སྲིད་སྐྱོང་ལས་ཁུངས་སུ་ཆེད་ཕེབས་ཀྱིས་ཕྱི་ལོ་ ༢༠༡༦ ལོའི་སྲིད་སྐྱོང་འོས་བསྡུའི་སྐབས་ད་ལྟའི་སྲིད་སྐྱོང་ལས་ཐོག་དཔལ་ལྡན་སྲིད་སྐྱོང་བློ་བཟང་སེངྒེ་མཆོག་སླར་ཡང་སྲིད་སྐྱོང་དུ་བདམས་ཐོན་བྱུང་བར་དགའ་བསུའི་མཇལ་དར་ཕུལ་ནས་འཚམས་འདྲི་ཞུས་པ་དང་ལྷན་གསུང་དོན། ཕྱི་ལོ་ ༢༠༡༦ ཟླ་ ༤ ཚེས་ ༢༧ ཉིན་བོད་མིའི་སྒྲིག་འཛུགས་དབུས་འོས་བསྡུ་ལས་ཁང་ནས་གཞུང་འབྲེལ་སྐབས་ ༡༥ པའི་སྲིད་སྐྱོང་དང་། སྐབས་...

བོད་མི་མང་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་གིས་ཁ་སང་གསར་དུ་བསྐོ་གཞག་བྱུང་བའི་ཨ་རིའི་གྲོས་ཚོགས་འོག་མའི་ཚོགས་གཙོ་སྐུ་ཞབས་ Paul Ryan མཆོག་ལ་དགའ་བསུའི་འཚམས་འདྲི་གནང་པ་དང་ཆབས་ཅིག གྲོས་ཚོགས་ནས་བོད་ཀྱི་གནད་དོན་སེལ་ཆེད་རྒྱབ་སྐྱོར་དེ་མུ་མཐུད་གནང་རྒྱུའི་རེ་བ་ཞུ་བཞིན་ཡོད་པ་གསུངས་འདུག དེ་རིང་ཟླ་ ༡༠ ཚེས་ ༣༠ ཉིན་སྤྱི་འཐུས་ཚོགས་གཙོ་མཆོག་གིས་འཚམས་འདྲིའི་ཕྱག་ཡིག་དེ་ཕུལ་འདུག་པ་དང། འཚམས་འཕྲིན་དེའི་ནང་གསར་དུ་བསྐོ་གཞག་བྱུང་བའི་ཚོགས་གཙོ་གསར་པ་སྐུ་ཞབས་ Paul Ryan མཆོག་ལ་བོད་མི་ཡོངས་དང་བོད་མི་མང་སྤྱི་འཐུས་ལྷན་ཚོགས་ཀྱི་ཚབ་ཞུས་ནས་དགའ་བསུ་དང་སྦྲགས།  ང་ཚོས་སྐུ་ཉིད་མཆོག་གི་ལས་དོན་གང་ཅིའི་ཐད་བྱ་བ་ལམ་ལྷོང་དང་བསམ་དོན་ལྷུན་གྱི་འགྲུབ་པའི་སྨོན་འདུན་ཞུ་རྒྱུ་ཡིན་ཞེས་དང་། ཨ་རིའི་གཞུང་མང་གཉིས་ཀྱིས་བོད་དོན་ཐོག་ལྷག་བསམ་ཟོལ་མེད་ཀྱིས་རྒྱབ་སྐྱོར་གནང་དང་གནང་མུས་ལ་ང་ཚོས་སྙིང་ཐག་པ་ནས་བཀའ་དྲིན་རྗེས་དྲན་ཞུ་རྒྱུ་མ་ཟད། ཡུན་རིང་ལུས་པའི་བོད་ཀྱི་གནད་དོན་གསལ་ཆེད་ཕུགས་རྒྱང་རིང་པོའི་ཐབས་ལམ་ཞིག་མ་བརྙེད་བར་རྒྱབ་སྐྱོར་དེ་མུ་མཐུད་གནང་རྒྱུའི་རེ་བ་ཞུ་བཞིན་ཡོད། ཅེས་གསུངས་འདུག རྩ་བའི་སྐུ་ཞབས་ Paul Ryan མཆོག་ནི་ཨ་རིའི་གྲོས་ཚོགས་འོག་མའི་ཚོགས་གཙོ་ ༥༤ དེ་ཆགས་ཡོད་ཅིང།...