Coronavirus

བོད་མཚོ་སྔོན་ཁུལ་དུ་རིམས་ནད་དང་འབྲེལ་བའི་དཀྲོག་གཏམ་སྤེལ་བའི་ཉེས་མིང་འོག་མི་ ༦༩ ལ་ཁྲིམས་ལྟར་སློབ་གསོ་སྤེལ་བ་དང་མི་གསུམ་འཛིན་བཟུང་གིས་བཀག་ཉར་བྱས་འདུག ཁ་སང་རྒྱ་ནག་གི་ CNR བརྒྱུད་ལམ་ Weixin ཐོག་གནས་ཚུལ་སྤེལ་བར་རྒྱ་གཞུང་གིས་དབྱེ་བའི་མཚོ་སྔོན་ཞིང་ཟེར་བའི་སྤྱི་བདེ་ལས་ཁུངས་ཀྱིས་ཞིང་ཆེན་དེའི་ཟི་ལིང་དང་རྨ་ལྷོ། ཡུལ་ཤུལ། དེ་བཞིན་འཚོ་ཤར་ས་ཁུལ་བཅས་ནས་ཏོག་དབྱིབས་ནད་དུག་གི་གློ་ཚད་རིམས་ནད་དང་འབྲེལ་བའི་དཀྲོག་གཏམ་རེད་འདུག་ཟེར་བའི་ཆ་འཕྲིན་ ༨༨༤ ཐག་གཅོད་བྱས་པ་དང་། སྐད་འཕྲིན་ཚོགས་པ་འདྲ་མིན་གྱི་མི་ ༦༩ ལ་ཁྲིམས་ལྟར་སློབ་གསོ་སྤེལ་བ་དང་དེ་བཞིན་མི་ ༣ འཛིན་གཟུང་གིས་ཉིན་གྲངས་ ༥ དང་ ༡༠ རིང་ལ་བཀག་ཉར་བྱས་འདུག འཛིན་བཟུང་བཀག་བསྐྱིལ་དང་ཆབ་སྲིད་སློབ་གསོ་སྤེལ་བའི་སྐད་འཕྲིན་ཚོགས་པ་ཁག་ཏུ་ས་གནས་ཁག་ལ་རིམས་ནད་ཕོག་པའི་མི་ཡོད་སྐོར་བཤད་པ། ཝུ་ཧན་གྱི་མི་རྣམས་ལ་དམའ་འབེབ་བྱས་པ། རིམས་ནད་ཁྲོད་མེ་འཁོར་འབབ་ཚུགས་སུ་འགྲུལ་པ་འགྲུལ་བཞུད་མི་རུང་བའི་དྲན་སྐུལ་བྱས་པ། གླ་འཁོར་གྱི་རིན་གོང་འཕར་བ། གྲོང་ཁྱེར་གྱི་ཚོང་ཁང་སྒོ་བརྒྱབ་གྲབས་ཡོད་སྐོར་བཤད་པ་སོགས་ཀྱི་སྐོར་ལ་གནས་ཚུལ་སྤེལ་བར་དཀྲོག་གཏམ་སྤེལ་བའི་ཉེས་འཛུགས་ཀྱིས་ཆད་པ་དེ་ལྟར་བཏང་ཡོད་པ་མ་ཟད།...

རྒྱ་ནག་ཝུ་ཧན་གྲོང་ཁྱེར་ནས་ཁྱབ་བརྡལ་བྱུང་བའི་ Coronavirus ཞེས་ཏོག་དབྱིབས་གློ་ཚད་རྐྱེན་པས་ད་ཆ་རྒྱ་ནག་ནང་མི་གྲངས་ ༡༡༨༠༠ ལྷག་ལ་ནད་གཞི་ཕོག་ཡོད་པ་མ་ཟད་འདས་གྲོངས་སུ་གྱུར་བའི་གྲངས་འབོར་ ༢༥༠ ལྷག་འཆར་ཡོད་པའི་ཁྲོད་བོད་མིའི་བླ་ན་མེད་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་བཞུགས་གནས་དྷརྨ་སཱ་ལཱའི་མེག་ལོཊ་གྷན་ཇ་དུ་ཏོག་དབྱིབས་ནད་རིམས་བརྟག་དཔྱད་གནང་ཡུལ་ཞིག་ཟུར་འཛུགས་གནང་རྒྱུ་རེད་འདུག དེའི་ཁྲོད་དེ་རིང་རྒྱ་གར་ Times གསར་ཁང་གིས་རེས་གཟའ་ཕུར་བུ་ཉིན་ཧི་མཱ་ཅལ་གྱི་སྤྱི་ཁྱབ་དྲུང་ཆེ་མཆོག་གིས་སིམ་ལར་ཛ་དྲག་གི་ཚོགས་འདུ་ཆེད་བསྐོང་གནང་ཐོག་འཕྲོད་བསྟེན་ལྷན་ཁང་ཁག་ནས་སྨན་ཁང་ཆེ་གྲས་སུ་ནད་གཞི་དེ་འབྲེལ་དོགས་གཞི་ཡོད་མཁན་ཚོའི་སླད་དུ་ཟུར་བཀག་གི་ལྟ་རྟོག་གནང་ཡུལ་ཞིག་ཆེད་འཛུགས་གནང་རྒྱུ་དང་། ལྷག་དོན་བཞུགས་སྒར་དུ་མང་ཚོགས་མང་པོ་ཞིག་མགོན་པོ་༸གང་ཉིད་མཆོག་གི་མཇལ་ཁ་ཞུ་བར་ཆེད་བཅར་ཞུ་ཡི་ཡོད་སྟབས། མེག་གྷན་དུའང་དེ་འབྲེལ་ནད་གཞི་བརྟག་དཔྱད་གནང་ཕྱིར་དམིགས་བསལ་ཟུར་འཛུགས་གནང་རྒྱུ་དང་ཆབས་ཅིག་ཏུ་ནད་གཞི་དེ་འབྲེལ་གོ་རྟོགས་གནང་རྒྱུའི་ལམ་སྟོན་གནང་ཡོད་པ་རེད།གནས་ཚུལ་དེ་འབྲེལ་དེ་རིང་ཉིན་རྒྱབ་རྒྱ་གར་ས་གནས་རྫོང་དཔོན་ལས་ཁུངས་ནས་ཆེད་འབོད་གནང་བ་ལྟར། བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་ཀྱི་འབྲེལ་ཡོད་ལས་བྱེད་དང་དྷ་ས་ས་གནས་འགོ་འཛིན་སོགས་ཕེབས་ནས་ནད་གཞི་དེ་འབྲེལ་ལས་འཆར་ཐོག་ཚོགས་འདུ་ཚོགས་ཡོད་པ་རེད། གཞི་རྩའི་བཞུགས་སྒར་དྷརྨ་སཱ་ལཱ་ནི་༸གོང་ས་མཆོག་གི་བཞུགས་གནས་ཡིན་པའི་ཆ་ནས་རྣམ་ཀུན་འཛམ་གླིང་གི་ཡུལ་གྲུ་གང་ས་ནས་མགོན་པོ་༸གང་ཉིད་མཆོག་གི་གསེར་ཞལ་མཇལ་བར་ཆེད་བཅར་ཞུ་གནང་གི་ཡོད་ཀྱང་། ད་ལྟའི་ཆར་འཛམ་གླིང་སྤྱི་ལ་ཏོག་དབྱིབས་ཀྱི་ནད་གཞི་རིམ་པས་ཁྱབ་བརྡལ་འགྲོ་བཞིན་པར་བརྟེན་ཛ་དྲག་གི་དུས་ཚིགས་འདིར་༸དཔལ་ལྡན་དགའ་ལྡན་ཕོ་བྲང་ཡིག་ཚང་གིས་ཀྱང་༸གོང་ས་༸སྐྱབས་མགོན་ཆེན་པོ་མཆོག་གི་མང་མཇལ་རེ་ཞིག་མཚམས་འཇོག་གནང་ཡོད་པ་རེད། སྤྱིར་ད་ཆ་ནད་རིམས་དེའི་རྐྱེན་པས་ཨ་མི་རི་ཀས་གཙོས་པའི་ཡོ་རོབ་དང་། ཉི་ཧོང་སོགས་ཀྱི་མི་སེར་ཝུ་ཧན་ནང་ཡོད་པ་རྣམས་རྒྱལ་ཁབ་སོ་སོས་འགན་ཁུར་ཏེ་རྒྱ་ནག་ནས་ཕྱིར་འདོན་གནང་གི་ཡོད་པ་དང་། ཁ་སང་ཕྱི་ཚེས་ ༣༡ ཉིན་རྒྱ་གར་གྱི་ Air India གནམ་གྲུ་ཞབས་ཞུ་ཁང་ནས་འགྲུལ་བཞུད་པ་ ༤༢༣ ཙམ་ཤོང་པའི་...

རྒྱ་ནག་ཝུ་ཧན་གྲོང་ཁྱེར་ནས་ཁྱབ་བརྡལ་བྱུང་བའི་རྟོག་དབྱིབས་ནད་དུག་གམ་ Coronavirus ཞེས་པ་དེ་ད་ཆ་འཛམ་གླིང་སྤྱི་ཡོངས་ནང་རིམ་བཞིན་ཁྱབ་གདལ་འགྲོ་མུས་ཐོག་ཛ་དྲག་གི་གནས་སྟངས་གྱུར་ཡོད་པ་ལྟར། ནད་རིམས་དེ་ཞི་བར་སེ་འབྲས་དགའ་གསུམ་གྱིས་གཙོས་པའི་བོད་བརྒྱུད་ནང་བསྟན་གྱི་ཆོས་བརྒྱུད་ཡོངས་ཀྱི་དགོན་སྡེ་ཁག་གིས་༸རྗེ་བཙུན་སྒྲོལ་མའི་མཚན་སྔགས་གསུང་འདོན་དང་འབྲེལ་ཞབས་རིམ་གསོག་སྒྲུབ་གནང་བཞིན་ཡོད་པ་རེད། གཞི་རྩའི་ནད་གཞི་དེ་དང་འབྲེལ་ཁ་སང་བོད་མིའི་བླ་ན་མེད་པའི་དབུ་ཁྲིད་༸སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ནད་རིམས་ཞི་བར་མང་ཚོགས་ནས་༸རྗེ་བཙུན་སྒྲོལ་མའི་གཟུང་སྔགས་དང་ཐུབ་པའི་མཚན་སྔགས། མ་ཎི་གསོག་སྒྲུབ་དང་ལྷག་པར་དུ་དགོན་སྡེ་ཁག་ནས་འཕྲལ་དུ་སྒྲུབ་གལ་ཆེ་བའི་ཞབས་རིམ་ཁག་ཅིག་གསོག་སྒྲུབ་གནང་དགོས་པར་ལམ་སྟོན་བཀའ་ཕེབས་པ་ལྟར་བྱེས་ཀྱི་གདན་ས་སེ་འབྲས་དགའ་གསུམ་གཙོ་གྱུར་ཆོས་བརྒྱུད་ཡོངས་ཀྱི་དགོན་སྡེ་ཁག་ནས་དེ་ལྟར་༸རྒྱལ་བའི་བཀའ་བཞིན་ཞབས་རིམ་གསོག་སྒྲུབ་དབུ་འཛུགས་གནང་ཡོད་པ་དང་། དེའི་ཁྲོད་ཁ་སང་ཕྱི་ཚེས་ ༣༠ ཉིན་རྒྱ་གར་ལྷོ་ཕྱོགས་སུ་རྟེན་གཞི་བྱས་པའི་༸དཔལ་ལྡན་སྨད་བརྒྱུད་གྲྭ་ཚང་གི་མཁན་བླ་འདུས་མང་ལྷན་འཛོམས་ཀྱིས་རྟོག་དབྱིབས་ནད་དུག་ཟློག་ཐབས་ལ་དམིགས་ཏེ་༸རྗེ་བཙུན་སྒྲོལ་མའི་མཚན་སྔགས་ཀྱི་སྒོམ་བཟླས་གནང་འདུག དེ་བཞིན་ད་ལྟའི་ཆར་རྒྱ་གར་མངའ་སྡེ་བྷི་ཧཱར་གྱི་གྷ་ཡ་རྫོང་དུ་ཆགས་པའི་གནས་མཆོག་ཁྱད་པར་ཅན་རྡོ་རྗེ་གདན་དུ་སྔ་འགྱུར་རྙིང་མའི་སྨོན་ལམ་ཆེན་མོ་ཐེངས་ ༣༡ པ་འཚོགས་བཞིན་པ་དང་བསྟུན་ཁ་སྔོན་ཕྱི་ཚེས་ ༢༩ ཉིན་སྨོན་ལམ་སྐབས་རྙིང་མའི་སྨོན་ལམ་འགན་འཛིན་ཚོགས་པ་རྣམས་བཀའ་བསྡུར་གནང་མཐར་ནད་རིམས་ཞི་བའི་གཟུང་སྔགས་སངས་རྒྱས་སྨན་བླའི་གཟུངས་སྔགས་དང་དུས་འཁོར་སྣ་ཚོགས་ཡུམ་གྱི་འབྲུམ་སྲུང་། དེ་བཞིན་ལྷ་མོ་ལོ་གྱོན་མའི་གཟུངས་སྔགས། ཨོ་རྒྱན་སྨན་བླའི་གསོལ་འདེབས། གྲུབ་ཆེན་ཐང་སྟོང་རྒྱལ་པོའི་རྡོ་རྗེའི་གསུང་ས་སྐྱ་ནད་གྲོལ་མ་བཅས་སྨོན་ལམ་བྱིན་རླབས་ཅན་དེ་དག་ཕྱོགས་བསྒྲིགས་ཀྱིས་སྨོན་ལམ་ལ་ཕེབས་མཁན་གྲྭ་བཙུན་གཙོ་གྱུར་མི་སྐྱ་རྣམས་ལ་འགྲེམས་སྤེལ་གནང་ཐོག་སྨོན་ལམ་གསུང་འདོན་གནང་འདུག དེ་དང་ཕྱོགས་མཚུངས་རྡོར་གདན་དུ་འཚོགས་བཞིན་པའི་བཀའ་འགྱུར་སྨོན་ལམ་ཆེན་མོ་ཐེངས་ ༣༧ པའི་སྐབས་སུའང་༸དཔལ་རྒྱལ་དབང་ཀརྨ་པ་ཨོ་རྒྱན་འཕྲིན་ལས་རྡོ་རྗེ་མཆོག་གིས་དྲྭ་རྒྱའི་ཐོག་ནད་རིམས་དེ་ཞི་བར་གྲུབ་ཆེན་ཐང་སྟོང་རྒྱལ་པོའི་རྡོ་རྗེའི་གསུང་ས་སྐྱ་ནད་གྲོལ་མའི་སྨོན་ལམ་ལྗགས་ལུང་བསྩལ་བ་དང་།  སྨོན་ལམ་གྱི་བར་གསེང་སྐབས་ས་སྐྱ་ནད་གྲོལ་མའི་སྨོན་ལམ་གསུང་འདོན་གནང་དགོས་པར་བཀའ་ཕེབས་ལྟར་གནང་མུས་ཡིན་པ་རེད། རྩ་བའི་ཁ་སང་༸གོང་ས་༸སྐྱབས་མགོན་ཆེན་པོ་མཆོག་གིས་ནད་རིམས་ཞི་བར་༸རྗེ་བཙུན་སྒྲོལ་མའི་གཟུངས་སྔགས་དང་ཞབས་རིམ་གཞན་ཁག་གཅིག་འཕྲལ་དུ་གསོག་སྒྲུབ་གནང་དགོས་པར་སྤྱི་རིམ་གསལ་བསྒྲགས་ཤིག་སྤེལ་མ་ཐག་ཏུ་བྱེས་ཀྱི་གདན་ས་ཁག་ཏུ་གྲྭ་བཙུན་རྣམས་ཀྱིས་མགོན་པོ་༸གང་ཉིད་མཆོག་གི་ལམ་སྟོན་ཕེབས་དོན་བཞིན་༸རྗེ་བཙུན་སྒྲོལ་མའི་མཚན་སྔགས་གཙོ་གྱུར་འཕགས་བསྟོད། མ་ཎི། ཏཱ་རེ་འབུམ་ཐེར།...

རྒྱ་ནག་ཝུ་ཧན་གྲོང་ཁྱེར་ནས་ཐོག་མར་ཁྱབ་བརྡལ་དུ་བྱུང་བའི་ཏོག་དབྱིབས་ནད་དུག་གམ་ Coronavirus ཞེས་པ་དེ་ད་ལྟའི་ཆར་རྒྱ་ནག་རྒྱལ་ཡོངས་ཙམ་མ་ཟད་འཛམ་གླིང་ཡུལ་གྲུ་མང་དག་ཅིག་ཏུ་རིམ་བཞིན་ཁྱབ་བརྡལ་འགྲོ་མུས་ཡིན་སྟབས། ༸དཔལ་ལྡན་དགའ་ལྡན་ཕོ་བྲང་ཡིག་ཚང་གིས་མགོན་པོ་༸གང་ཉིད་མཆོག་གི་མང་མཇལ་གནས་སྐབས་རིང་མཚམས་འཇོག་གནང་འདུག གཞི་རྩའི་རྣམ་ཀུན་བཞུགས་སྒར་དུ་༸གོང་ས་མཆོག་༸སྐུ་བཞུགས་མཛད་པའི་རིང་རེས་གཟའ་ཟླ་བ་དང་ལྷག་པ། པ་སངས་ནམ་ཡིན་ལ་བོད་མིས་གཙོས་པའི་ཕྱི་རྒྱལ་ཡུལ་གྲུ་གང་ས་ནས་བཅར་བའི་མང་ཚོགས་ལ་མཇལ་མང་བསྩལ་གྱི་ཡོད་པ་མ་ཟད། དེ་བཞིན་ནང་པའི་དད་ལྡན་རྣམས་ལ་དགོས་གལ་ནམ་གཟིགས་བཀའ་ཆོས་སོགས་བཀྲིན་བསྩལ་གྱི་ཡོད་པ་དང་། དེ་དག་གི་ཁོངས་སུ་རྒྱ་ནག་དང་ལྷོ་ཤར་ཨེ་ཤ་ཡ་སོགས་གཙོ་གྱུར་ཡུལ་གྲུ་ཁག་གི་ནང་པའི་དད་ལྡན་ཕོན་ཆེ་ཡོད་པ་རེད། འདི་ག་རླུང་འཕྲི་ཁང་གིས་དེ་རིང་གནས་ཚུལ་ཤེས་རྟོགས་བྱུང་བར་གཞིགས་ན། ༸དཔལ་ལྡན་དགའ་ལྡན་ཕོ་བྲང་ཡིག་ཚང་གིས་ཏོག་དབྱིབས་ནད་དུག་རྐྱེན་པས་གཟའ་འཁོར་འདིའི་རེས་གཟའ་ཟླ་བ་ནས་བཟུང་རྒྱ་ནག་སྐམ་ས་ནས་བཅར་མཁན་ཚོར་མཇལ་ཁ་བསྩལ་མཚམས་བཞག་ཟིན་ཡོད་པ་མ་ཟད། དེ་རིང་ནས་དུས་རྒྱུན་གྱི་མང་མཇལ་ཞུ་སླད་ཐོ་འགོད་གནང་རྒྱུ་རེ་ཞིག་མཚམས་འཇོག་གནང་འདུག གཞི་རྩའི་ཏོག་དབྱིབས་ནད་ཡམས་ཁྲོད་ཉེ་ལམ་རྒྱ་ནག་སྐམ་སའི་ནང་གི་དད་ལྡན་པ་ཁག་གཅིག་ནས་༸གོང་ས་མཆོག་ལ་ནད་གཞི་དེ་ཞི་བར་ཐུགས་སྨོན་སྐྱབས་འཇུག་ཞུས་ཡོད་པ་དང་།  ཁ་སང་༸གོང་ས་མཆོག་གིས་བཞུགས་སྒར་༸རྒྱལ་བའི་ཕོ་བྲང་དུ་ཐེ་ལན་ཌི་དང་ཝེ་ཏི་ནམ་གྱི་དད་ལྡན་ཁག་གཅིག་ལ་མཇལ་ཁ་བསྩལ་སྐབས་རྒྱ་ནག་ནང་གི་ནད་ཡམས་དེའི་ཆེད་ཐུགས་སྨོན་མཛད་པ་མ་ཟད། ནད་ཡམས་དེ་ཞི་བར་སྒྲོལ་མའི་གཟུངས་སྔགས་གསུང་འདོན་གནང་ཚེ་ཕན་ཕོགས་ཡོད་པར་ལམ་སྟོན་མཛད་ཡོད་པ་རེད། དེ་རིང་༸མགོན་པོ་མཆོག་གི་ངོ་དེབ་རྒྱལ་བ་རིན་པོ་ཆེ་ཐོག་སྤྱི་རིམ་གསལ་བསྒྲགས་ཤིག་སྤེལ་གནང་བར་ཏོག་དབྱིབས་ནད་གཞི་སྔོན་འགོག་འབྱུང་བཅོས་སླད། བླ་ལྷའི་ཐུགས་དམ་དགོངས་དོན་ལྟར་ཐུབ་པའི་མཚན་སྔགས་དང་མ་ཎི་དུང་ཕྱུར།  དེ་བཞིན་སྒྲོལ་མའི་མཚན་སྔགས་ཡི་གེ་བཅུ་པ། བཀའ་འགྱུར་དག་སྒྲོག རྡོ་རྗེ་རྣམ་འཇོམས་མའི་སྒོ་ནས་རྟེན་ཁྲུས་ཡུལ་ཁྲུས་དང་། འདོད་ཁམས་བདག་མོའི་བསྐང་བ་དང་འབྲེལ་མ་མོའི་འཁྲུགས་སྐོང་། པདྨའི་མནོལ་བསངས་བཅས་འཕྲལ་དུ་བསྒྲུབ་དགོས་པ་དང་། གཟུང་སྔགས་ཁག་མང་ཚོགས་སོ་སོ་ནས་གནང་དགོས་པ། དེ་མིན་རྣམས་དགོན་སྡེ་དང་གྲོང་སྡེ་སྤྱི་ཚོགས་བཅས་ནས་རང་དོན་རང་གཅེས་ཀྱིས་འཕྲལ་དུ་བསྒྲུབ་གལ་ཆེ་བའི་འབོད་སྐུལ་གནང་འདུག བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ནང་པའི་དད་ལྡན་པ་རྣམས་ལ་རྒྱ་ནག་ནང་གི་ཏོག་དབྱིབས་ནད་དུག་ཞི་བའི་སླད་སྒྲོལ་མའི་གཟུངས་སྔགས་གསུང་འདོན་གནང་ན་ཕན་ཕོགས་ཆེན་པོ་ཡོད་པར་ལམ་སྟོན་བཀྲིན་བསྩལ་བ་ལྟར། བྱེས་ཀྱི་གདན་ས་ཁག་ཏུ་གྲྭ་བཙུན་རྣམས་ཀྱིས་མགོན་པོ་༸གང་ཉིད་མཆོག་གི་ལམ་སྟོན་ཕེབས་དོན་བཞིན་༸རྗེ་བཙུན་སྒྲོལ་མའི་མཚན་སྔགས་གཙོ་གྱུར་འཕགས་བསྟོད། མ་ཎི། ཏཱ་རེ་འབུམ་ཐེར། ལྷ་མོའི་བསྐང་བཤགས། པཎ་གྲུབ་བསྟོད་ཆེན།...