G20 འགོ་ཁྲིད་ཚོས་རྒྱ་ནག་ནང་ཇེ་ཞན་དུ་འགྲོ་བཞིན་པའི་འགྲོ་བ་མིའི་ཐོབ་ཐང་གི་གནད་དོན་ལ་སྣང་མེད་དུ་འཇོག་རྒྱུ་མེད་པའི་འབོད་སྐུལ།

འདི་ལོ་༢༠༡༦ལོའི་ G20 Summit ཞེས་པའི་སྟོབས་ཆེན་རྒྱལ་ཁབ་ཉི་ཤུ་ཐམ་པའི་ལྷན་ཚོགས་ཐེངས་ ༡༡ རྒྱ་ནག་གི་ཤར་ཕྱོགས་མངའ་ཁུལ་ Zheijiang ཡི་གྲོང་ཁྱེར་ Hangzhou ནང་ཟླ་བ་རྗེས་མའི་ཚེས་ ༤ ནས་ ༥   བཅས་ཉིན་གྲངས་གཉིས་རིང་འཚོགས་གཏན་འཁེལ་ཡོད་པ་ལྟར། ཁ་སང་རྒྱ་ནག་འགྲོ་བ་མིའི་ཐོབ་ཐང་སྲུང་སྐྱོབ་ཚོགས་པས་ G20 འགོ་ཁྲིད་ཚོར་ཞུ་ཡིག་ཞིག་ཕུལ་བའི་བརྒྱུད་སྟོབས་ཆེན་རྒྱལ་ཁབ་ཁག་གི་དབུ་ཁྲིད་རྣམས་ནས་རྒྱ་ནག་གི་འགོ་ཁྲིད་ཚོ་དང་ལྷན་རྒྱལ་ཁབ་དེའི་ནང་གི་ཆེས་ཞན་པའི་འགྲོ་བ་མིའི་ཐོབ་ཐང་གི་གནད་དོན་སྐོར་གླེང་སློང་གནང་དགོས་པ་དང་། དེར་དབུ་ཁྲིད་ཚོས་གཅིག་འགྱུར་གྱིས་གནོན་ཤུགས་སྤྲོད་དགོས་པའི་རེ་སྐུལ་གསལ་བཏོན་གནང་འདུག དེའང་རེ་སྐུལ་གྱི་ཕྱག་བྲིས་དེ་རྒྱ་ནག་འགྲོ་བ་མིའི་ཐོབ་ཐང་སྲུང་སྐྱོབ་ཚོགས་པའི་དྲ་ཐོག་ཏུ་ཁ་སང་རེས་གཟའ་ཟླ་བའི་ཉིན་སྤྱི་བསྒྲགས་སྤེལ་འདུག་པ་དང་། དེའི་ནང་གཙོ་བོ་རིང་མིན་ཕྱི་ཟླ་ ༩ པའི་ནང་འཛམ་གླིང་གི་དཔལ་འབྱོར་ནུས་སྟོབས་ལྡན་པའི་རྒྱལ་ཁབ་ཉི་ཤུ་ཐམ་པའི་འགོ་ཁྲིད་ཚོ་རྒྱ་ནག་ཏུ་ G20 ཞེས་པའི་ལྷན་ཚོགས་ཐོག་ཆེད་ཕེབས་གནང་འཆར་གྱི་གོ་སྐབས་དང་བསྟུན་ནས། སྐབས་དེ་དུས་རྒྱ་ནག་གི་འགོ་ཁྲིད་ཚོར་རྒྱ་ནག་ནང་གི་ཆེས་ཞན་པའི་འགྲོ་བ་མིའི་ཐོབ་ཐང་སྐོར་གླེང་སློང་གནང་རྒྱུའི་གོ་སྐབས་ཡོད་སྐོར་གསུངས་པ་མ་ཟད།...