iris scanner

རྒྱ་ནག་གིས་རྒྱལ་ནང་གི་བདེ་འཇགས་སྲུང་སྐྱོབ་ཀྱི་ཆེད་དུ་དེང་རབས་ཀྱི་འཕྲུལ་ཆས་གསར་པ་མང་དག་ཞིག་གསར་བཟོ་བྱས་ཏེ་གྲངས་ཉུང་མི་རིགས་ཀྱི་ས་ཁུལ་ལ་ཆེད་དམིགས་ཀྱིས་བེད་སྤྱོད་གཏང་རྒྱུ་རེད་འདུག The Straight Time  ཞེས་པའི་དྲྭ་གནས་ཐོག་གནས་ཚུལ་སྤེལ་བར་ཟླ་བ་འདིའི་ཚེས་ ༢༣ ནས་ ༢༦ བར་རྒྱལ་ས་པེ་ཅིང་དུ་བདེ་འཇགས་སྲུང་སྐྱོབ་དང་འབྲེལ་བའི་འཕྲུལ་ལས་གསར་བཟོའི་མ་ལག་ཁག་ཅིག་ཕྱོགས་བསྡུས་ཀྱིས་འགྲེམས་སྟོན་བྱས་ཡོད་པ་དང་། དེའི་ཁྲོད་དུ་མིའི་གདོང་པ་ངོས་འཛིན་བྱེད་སྤྱད་དང་། iris scanner ཞེས་པའི་མིག་འབྲས་བཤེར་འཚོལ་བྱེད་སྤྱད། དོགས་ཡོད་སྐབས་སུ་ཐད་ཀར་ནམ་མཁའ་ནས་བེད་སྤྱོད་གཏོང་ཐུབ་པའི་མེ་མདའ་དང་མིག་ཤེལ་བརྒྱུད་ནས་དོགས་ཡོད་ངོས་འཛིན་ཐུབ་པ་སོགས་མང་པོ་ཞིག་ཡོད་པ་རེད།  དེ་བཞིན་མིག་འབྲས་བཤེར་འཚོལ་བྱེད་པ་ནི་སྐྱེ་ལྡན་གྱི་གཟུགས་པོའི་མ་ལག་ལ་གཞིར་བཟུང་སྟེ་བཟོས་པ་ཞིག་ཡིན་སྟབས་ནོར་འཁྱུག་མེད་པར་མི་མང་ངོས་འཛིན་ཐུབ་ཀྱི་འདུག འཇར་མ་ནིའི་ནང་རྟེན་གཞི་བྱས་པའི་ཡོ་རོབ་ཀྱི་རིག་གཞུང་དང་འཕྲུལ་ཆས་ཀྱི་མཁས་དབང་།  དམིགས་བསལ་དུ་རྒྱ་ནག་གི་བདེ་འཇགས་ཆེད་མཁས་པ་ Adrian Zenz ལགས་ཀྱིས་ཆེད་བཏོན་གནང་བའི་སྙན་ཐོ་ནང་གསལ་ལྟར་ན། ཕྱི་ལོ་ ༢༠༡༧ ལོའི་རྒྱ་ནག་ནང་གི་བདེ་འཇགས་མ་དངུལ་གྱི་འགྲོ་གྲོན་རྒྱ་སྒོར་ཁྲག་ཁྲིག་ཆེན་མོ་ ༡༢.༤ ལྷག་བརྒལ་ཡོད་པ་དང་། དེ་ནི་སྤྱི་ཡོངས་ཀྱི་ལོ་གཅིག་གི་བདེ་འཇགས་ཀྱི་མ་དངུལ་ལས་བརྒྱ་ཆ་...