Scotland

ཉེ་ཆར་ཚེས་ ༡༦ ཉིན་ཨིན་ཡུལ་བོད་ཀྱི་སྐུ་ཚབ་དོན་གཅོད་ཁང་བརྒྱུད་བཞུགས་སྒར་དུ་ Scottish Cultural Delegation འམ་ Scottish རིག་གཞུང་གི་སྐུ་ཚབ་རུ་ཁག་ཞིག་དྷ་སར་ཉིན་ལྔའི་རིང་བོད་ཀྱི་གནད་དོན་དང་། རིག་གཞུང་རྒྱུས་མངའ་ཡོང་ཐབས་སུ་ཕེབས་ཡོད་པ་དང་བསྟུན། དེ་རིང་ཟླ་ ༡༠ ཚེས་ ༡༩ ཉིན་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དང་མཇལ་མོལ་ཞུས་འདུག མཇལ་མོལ་གྲུབ་མཚམས་སུ་གསར་འགོད་པར་རུ་ཁག་གི་སྣེ་ཁྲིད་པ་ལྕམ་ Hilary ལགས་ཀྱིས་ང་ཚོ་ Scotland ནས་ཡོང་བ་ཡིན། Scotland ནི་དེ་སྔ་བོད་ལྟ་བུ་ཁྱིམ་མཚེས་རྒྱལ་ཁབ་ཆེ་བས་བཙན་འཛུལ་བྱས་པའི་འོག་རང་གི་སྐད་ཡིག་དང་རིག་གཞུང། རྒྱལ་ཁབ་ཀྱི་ཆས་གོས་སོགས་སྤྱོད་རྒྱུའི་ཐོབ་ཐང་འཕྲོག་མྱོང་ཡོད་པ་དང་། མི་མང་ཆེ་བ་བཙན་དབང་འོག་ནས་ས་གནས་གཞན་དུ་གནས་སྤོ་བྱེད་དགོས་བྱུང་ཡོད་སྐོར་ངོ་སྤྲོད་གནང་སོང་།ད་ལྟའི་ཆར་ Scotland...